ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ
ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱫᱚ ᱜᱚᱴᱟ ᱫᱷᱟᱹᱨᱛᱤ ᱨᱮ ᱠᱚ ᱢᱟᱱᱟᱣ ᱟᱹᱜᱩᱭᱫᱟ ᱾ ᱵᱟᱝᱞᱟᱫᱮᱥ ᱨᱮᱱ ᱢᱟᱹᱱᱢᱤ ᱠᱩ ᱞᱟᱹᱜᱤᱫ ᱱᱚᱣᱟ ᱢᱟᱦᱟᱸ ᱫᱚ ᱵᱷᱟᱥᱟ ᱥᱳᱦᱤᱫᱽ ᱫᱤᱵᱚᱥ ᱦᱚᱸ ᱠᱩ ᱢᱮᱛᱟᱜᱼᱟ ᱾ ᱱᱚᱣᱟ ᱢᱟᱦᱟᱸ ᱨᱮ ᱜᱚᱴᱟ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚᱞᱮᱠᱟᱱ ᱯᱟᱹᱨᱥᱤ ᱨᱮᱭᱟᱜ ᱟᱹᱭᱫᱟᱹᱨᱤ ᱟᱨ ᱚᱱᱟᱠᱩ ᱵᱟᱸᱪᱟᱣ ᱫᱚᱦᱚ ᱟᱨ ᱯᱟᱥᱱᱟᱣ ᱞᱟᱹᱜᱤᱫ ᱵᱤᱥᱮᱥ ᱢᱟᱦᱟᱸ ᱦᱤᱥᱟᱹᱵ ᱛᱮᱠᱩ ᱢᱟᱱᱟᱣ ᱟᱹᱜᱩᱭᱫᱟ ᱾ ᱑᱙᱕᱒ ᱥᱮᱨᱢᱟ ᱨᱮᱱᱟᱜ ᱒᱑ ᱢᱟᱦᱟᱸ ᱨᱮ ᱵᱟᱝᱞᱟ ᱯᱟᱹᱨᱥᱤ ᱥᱟᱢᱟᱝ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱟᱛᱤᱭᱳ ᱯᱟᱹᱨᱥᱤ ᱠᱚᱨᱟᱣ ᱞᱟᱹᱜᱤᱫ ᱯᱟᱹᱴᱷᱩᱣᱟᱹ ᱠᱩ ᱟᱜ ᱢᱤᱪᱷᱤᱞ ᱨᱮ ᱯᱟᱠᱤᱥᱛᱟᱱ ᱵᱟᱦᱤᱱᱤ ᱠᱩ ᱜᱩᱞᱤ ᱞᱮᱫᱟ ᱾ ᱩᱱ ᱡᱚᱠᱷᱚᱡ ᱵᱮᱥ ᱠᱤᱪᱷᱩ ᱢᱟᱹᱱᱢᱤ ᱠᱩ ᱜᱚᱪ ᱚᱪᱚ ᱞᱮᱱᱟ ᱾ ᱚᱱᱟ ᱠᱟᱨᱚᱱᱛᱮ ᱱᱚᱣᱟ ᱢᱟᱦᱟᱸ ᱫᱚ ᱥᱚᱦᱤᱫ ᱫᱤᱵᱚᱥ ᱠᱩ ᱢᱮᱛᱟᱜᱼᱟ ᱾ ᱟᱨ ᱒᱐᱑᱐ ᱥᱮᱨᱢᱟ ᱠᱷᱚᱱ ᱡᱟᱛᱤᱥᱚᱝᱜᱷᱚ ᱱᱚᱣᱟ ᱢᱟᱦᱟᱸ ᱨᱮ ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱦᱤᱥᱟᱹᱵᱛᱮᱭ ᱜᱷᱳᱥᱳᱱᱟ ᱠᱮᱫᱟ ᱾
| ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ | |
|---|---|
 | |
| ᱚᱯᱷᱤᱥᱤᱭᱟᱞ ᱧᱩᱛᱩᱢ | ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ |
| ᱢᱳᱦᱚᱴᱣᱚ | ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱯᱟᱹᱨᱥᱤ ᱨᱩᱠᱷᱤᱭᱟᱹ ᱟᱨ ᱯᱟᱥᱱᱟᱣ ᱞᱟᱹᱜᱤᱫ ᱱᱚᱣᱟ ᱢᱟᱦᱟᱸ ᱢᱟᱱᱟᱣ ᱦᱩᱭᱩᱜᱼᱟ |
| ᱢᱟᱹᱦᱤᱛ | ᱒᱑ ᱯᱷᱮᱵᱽᱨᱩᱣᱟᱨᱤ |
| ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢ | ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ |
ᱱᱟᱜᱟᱢ
ᱥᱟᱯᱲᱟᱣᱵᱷᱟᱨᱚᱛ ᱟᱨ ᱯᱟᱠᱤᱥᱛᱟᱱ ᱵᱷᱟᱜᱽ ᱛᱟᱭᱚᱢ ᱥᱟᱢᱟᱝ ᱯᱟᱠᱤᱥᱛᱟᱱ (ᱱᱮᱛᱟᱨᱟᱜ ᱵᱟᱝᱞᱟᱫᱮᱥ) ᱨᱮᱱ ᱢᱟᱹᱱᱢᱤ ᱠᱩ ᱥᱟᱶᱛᱮ ᱯᱟᱪᱷᱮ ᱯᱟᱠᱤᱥᱛᱟᱱ ᱨᱮᱱ ᱢᱟᱹᱱᱢᱤ ᱠᱳᱣᱟᱜ ᱦᱚᱸ ᱢᱤᱞ ᱵᱟᱹᱲᱛᱤ ᱤᱫᱤᱭᱱᱟ ᱾ ᱥᱟᱢᱟᱝ ᱟᱨ ᱯᱟᱪᱷᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱩᱭᱞᱩ ᱞᱟᱹᱲᱦᱟᱹᱭ ᱫᱚ ᱵᱟᱝᱞᱟ ᱯᱟᱹᱨᱥᱤ ᱠᱷᱟᱹᱛᱤᱨ ᱛᱮᱜᱮ ᱮᱛᱦᱚᱵ ᱮᱱᱟ ᱾ ᱯᱟᱠᱤᱥᱛᱟᱱ ᱠᱩ ᱢᱮᱱ ᱠᱮᱫᱟ ᱩᱨᱫᱩ ᱯᱟᱹᱨᱥᱤ ᱜᱮ ᱫᱤᱥᱟᱹᱢ ᱯᱟᱹᱨᱥᱤ ᱦᱩᱭᱩᱜᱼᱟ ᱾ ᱟᱨ ᱥᱟᱢᱟᱝ ᱯᱟᱠᱤᱥᱛᱟᱱ ᱨᱮᱱ ᱠᱩ ᱢᱮᱱ ᱠᱮᱫᱟ ᱵᱟᱝᱢᱟ ᱵᱟᱝᱞᱟ ᱯᱟᱹᱨᱥᱤ ᱦᱩᱭᱩᱜᱼᱟ ᱾ ᱑᱙᱕᱒ ᱥᱮᱨᱢᱟ ᱨᱮ ᱚᱱᱟ ᱞᱟᱹᱲᱦᱟᱭ ᱟᱹᱰᱤᱛᱮ ᱟᱹᱰᱤ ᱥᱟᱹᱨᱫᱤᱭ ᱱᱟ ᱾ ᱚᱱᱟ ᱥᱮᱨᱢᱟ ᱒᱑ ᱯᱷᱮᱵᱨᱩᱣᱟᱨᱤ ᱨᱮ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱯᱟᱹᱴᱷᱩᱣᱟᱹ ᱠᱩ ᱑᱔᱔ ᱫᱷᱟᱨᱟ ᱦᱤᱲᱤᱧ ᱠᱟᱛᱮ ᱰᱟᱦᱟᱨ ᱨᱮ ᱢᱤᱪᱷᱤᱞ ᱠᱩ ᱩᱰᱩᱜᱽ ᱞᱮᱫᱟ ᱾ ᱟᱨ ᱚᱱᱟ ᱢᱤᱪᱷᱤᱞ ᱨᱮ ᱯᱩᱞᱤᱥ ᱠᱩ ᱜᱩᱞᱤ ᱠᱮᱫ ᱠᱷᱟᱡ ᱚᱸᱰᱮ ᱜᱮ ᱟᱵᱩᱞ ᱵᱚᱨᱠᱚᱛ, ᱟᱵᱫᱩᱞ ᱡᱚᱵᱵᱟᱨ, ᱟᱵᱫᱩᱥ ᱥᱟᱞᱟᱢ ᱟᱨᱦᱚᱸ ᱠᱤᱪᱷᱩ ᱢᱟᱹᱱᱢᱤ ᱠᱩ ᱜᱚᱪ ᱚᱪᱚᱭᱮᱱᱟ ᱾ ᱚᱱᱟ ᱜᱷᱚᱴᱚᱱᱟ ᱠᱷᱟᱛᱤᱨ ᱫᱚᱥᱟᱨ ᱦᱤᱞᱟᱹᱜ ᱰᱷᱟᱠᱟ ᱢᱮᱰᱤᱠᱮᱞ ᱦᱳᱥᱴᱮᱞ ᱨᱮᱠᱚ ᱡᱟᱣᱨᱟᱭᱱᱟ ᱾ ᱟᱨ ᱦᱟᱡᱟᱨ ᱦᱟᱡᱟᱨ ᱢᱟᱹᱱᱢᱤ ᱢᱤᱪᱷᱤᱞ ᱠᱩ ᱩᱰᱩᱝ ᱠᱮᱫᱟ ᱾ ᱯᱟᱹᱨᱥᱤ ᱞᱟᱹᱜᱤᱛ ᱡᱟᱸᱦᱟᱸᱭᱠᱩ ᱡᱤᱣᱤ ᱠᱩ ᱟᱞᱟᱭ ᱠᱮᱫᱟ ᱩᱸᱠᱩ ᱫᱤᱥᱟᱹᱛᱮ ᱒᱓ ᱯᱷᱮᱵᱨᱩᱣᱟᱨᱤ ᱧᱤᱫᱟᱹ ᱜᱮ ᱢᱮᱰᱤᱠᱮᱞ ᱦᱳᱥᱴᱮᱞ ᱵᱷᱤᱛᱨᱤᱨᱮ ᱢᱤᱫᱴᱮᱱ ᱥᱚᱦᱤᱫ ᱢᱤᱱᱟᱨ ᱠᱩ ᱛᱮᱭᱟᱨ ᱞᱮᱫᱟ ᱾ ᱒᱖ ᱯᱷᱮᱵᱨᱩᱣᱟᱨᱤ ᱥᱚᱨᱠᱚᱨ ᱚᱱᱟᱭ ᱨᱟᱹᱯᱩᱫ ᱞᱮᱫᱟ ᱾ ᱟᱨ ᱱᱚᱝᱠᱟᱛᱮᱜᱮ ᱯᱟᱹᱨᱥᱤ ᱞᱟᱹᱲᱦᱟᱹᱭ ᱟᱨᱦᱚᱸ ᱵᱟᱹᱲᱛᱤ ᱪᱟᱞᱟᱣᱱᱟ ᱾ ᱑᱙᱕᱔ ᱥᱮᱨᱢᱟ ᱨᱮ ᱯᱨᱟᱫᱮᱥᱤᱠ ᱯᱚᱨᱤᱥᱚᱫ ᱱᱤᱨᱵᱟᱪᱚᱱ ᱨᱮ ᱡᱩᱠᱛᱚᱯᱷᱨᱚᱱᱴ ᱡᱤᱛᱟᱹᱣ ᱛᱟᱭᱚᱢ ᱙ ᱢᱮ ᱜᱚᱱᱚ ᱯᱚᱨᱤᱥᱚᱫ ᱨᱮᱱᱟᱜ ᱚᱫᱷᱤᱵᱷᱮᱥᱚᱱ ᱨᱮ ᱵᱟᱝᱞᱟ ᱯᱟᱹᱨᱥᱤ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱤᱫᱴᱮᱱ ᱫᱤᱥᱟᱹᱢ ᱯᱟᱹᱨᱥᱤ ᱦᱤᱥᱟᱹᱵᱛᱮᱠᱩ ᱜᱷᱳᱥᱳᱱᱟ ᱠᱮᱫᱟ ᱾ ᱤᱱᱟᱹ ᱛᱟᱭᱚᱢ ᱫᱟᱨᱟᱢ ᱠᱷᱚᱡ ᱱᱤᱛ ᱫᱷᱟᱹᱵᱤᱡ ᱚᱱᱟ ᱢᱟᱦᱟᱸ ᱫᱚ ᱥᱚᱦᱤᱫ ᱫᱤᱵᱚᱥ ᱦᱤᱥᱟᱹᱵᱛᱮᱠᱩ ᱢᱟᱱᱟᱣ ᱟᱹᱜᱩᱭᱫᱟ ᱾ ᱒᱑ ᱯᱷᱮᱵᱨᱩᱣᱟᱨᱤ ᱑᱒ᱹ᱐᱑ ᱢᱤᱱᱤᱴ ᱨᱮ ᱫᱤᱥᱟᱹᱢ ᱨᱮᱱ ᱯᱨᱚᱫᱷᱟᱱᱢᱳᱱᱛᱨᱤ, ᱨᱟᱥᱴᱨᱚᱯᱚᱛᱤ ᱟᱨᱦᱚᱸ ᱮᱢᱟᱱ ᱛᱮᱭᱟᱜ ᱞᱟᱹᱴᱩ ᱞᱟᱹᱴᱩ ᱥᱚᱨᱠᱟᱨᱤ ᱦᱚᱲ ᱠᱩ ᱥᱟᱶᱛᱮ ᱡᱚᱛᱚ ᱞᱮᱠᱟᱱ ᱦᱚᱲ ᱜᱮ ᱥᱚᱦᱤᱫ ᱢᱤᱱᱟᱨ ᱨᱮ ᱵᱟᱦᱟ ᱮᱢ ᱠᱟᱛᱮ ᱩᱸᱠᱩ ᱫᱤᱥᱟᱹ ᱛᱮ ᱑ ᱢᱤᱱᱤᱴ ᱠᱩ ᱛᱷᱤᱨ ᱠᱚᱜᱼᱟ ᱾ ᱟᱨ ᱚᱱᱟ ᱛᱟᱭᱚᱢ ᱟᱢᱟᱨ ᱵᱷᱟᱭᱮᱨ ᱨᱚᱠᱛᱮ ᱨᱟᱝᱜᱟᱱᱳ ᱮᱠᱩᱥᱮ ᱯᱷᱮᱵᱨᱩᱣᱟᱨᱤ, ᱟᱢᱤ ᱠᱤ ᱵᱷᱩᱞᱤᱛᱮ ᱯᱟᱨᱤ ᱠᱩ ᱥᱤᱨᱤᱧᱟ ᱾
ᱵᱟᱰᱟᱭ ᱞᱟᱹᱠᱛᱤ ᱠᱟᱛᱷᱚᱠᱩ
ᱥᱟᱯᱲᱟᱣ᱑᱙᱕᱖ ᱥᱮᱨᱢᱟ ᱨᱮ ᱥᱚᱢᱵᱤᱫᱷᱟᱱ ᱨᱮᱱᱟᱜ ᱒᱑᱔ ᱱᱟᱢᱵᱟᱨ ᱚᱱᱩᱪᱷᱮᱫ ᱞᱮᱠᱟᱛᱮ ᱵᱟᱝᱞᱟ ᱯᱟᱹᱨᱥᱤ ᱫᱤᱥᱟᱹᱢ ᱯᱟᱹᱨᱥᱤ ᱦᱤᱥᱟᱹᱵᱛᱮ ᱥᱤᱠᱨᱤᱛᱤᱭ ᱧᱟᱢ ᱞᱮᱫᱟ ᱾ ᱑᱙᱘᱗ ᱥᱮᱨᱢᱟ ᱨᱮᱱᱟᱜ ᱒᱖ ᱯᱷᱮᱵᱨᱩᱣᱟᱨᱤ ᱡᱟᱛᱤᱭᱳ ᱥᱚᱝᱥᱚᱫ ᱨᱮ 'ᱵᱟᱝᱞᱟ ᱯᱟᱹᱨᱥᱤ ᱯᱟᱥᱱᱟᱣ ᱵᱤᱞ' ᱯᱟᱥ ᱞᱮᱱᱟ ᱡᱟᱸᱦᱟᱸ ᱑᱙᱘᱗ ᱥᱮᱨᱢᱟ ᱨᱮᱱᱟᱜ ᱘ ᱢᱟᱨᱪ ᱠᱷᱚᱱ ᱠᱟᱨᱡᱚᱠᱚᱨ ᱞᱮᱱᱟ ᱾
ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱨᱮᱱᱟᱜ ᱥᱤᱠᱨᱤᱛᱤ
ᱥᱟᱯᱲᱟᱣ᱑᱙᱙᱘ ᱥᱮᱨᱢᱟ ᱨᱮ ᱠᱟᱱᱟᱰᱟ ᱨᱮᱱ ᱵᱟᱥᱤᱱᱫᱟ ᱨᱚᱯᱷᱤᱠᱩᱞ ᱤᱥᱞᱟᱢ ᱟᱨ ᱟᱵᱫᱩᱥ ᱥᱟᱞᱟᱢ ᱧᱩᱛᱩᱢᱟᱱ ᱵᱟᱨ ᱦᱚᱲ ᱡᱟᱛᱤᱥᱚᱝᱜᱷᱚ ᱨᱮᱱ ᱢᱚᱦᱟᱥᱚᱪᱤᱵ ᱠᱚᱯᱷᱤ ᱟᱱᱟᱱ ᱴᱷᱮᱡ ᱒᱑ ᱯᱷᱮᱵᱨᱩᱣᱟᱨᱤ ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱢᱟᱱᱟᱣ ᱞᱟᱹᱜᱤᱛ ᱠᱤᱱ ᱫᱚᱨᱠᱷᱟᱥᱛᱚ ᱞᱮᱫᱟ᱾[᱑] ᱤᱱᱟᱹ ᱛᱟᱭᱚᱢ ᱑᱙᱙᱙ ᱥᱮᱨᱢᱟ ᱨᱮ ᱑᱗ ᱱᱚᱵᱷᱮᱢᱵᱚᱨ ᱤᱣᱱᱮᱥᱠᱳ ᱨᱮᱱᱟᱜ ᱯᱮᱨᱤᱥ ᱜᱟᱞᱢᱟᱨᱟᱣ ᱨᱮ ᱒᱑ ᱯᱷᱮᱵᱨᱩᱣᱟᱨᱤ ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱦᱤᱥᱟᱹᱵ ᱛᱮᱠᱩ ᱜᱷᱳᱥᱳᱱᱟ ᱠᱮᱫᱟ᱾[᱒] ᱟᱨ ᱒᱐᱑᱐ ᱥᱮᱨᱢᱟ ᱨᱮ ᱡᱟᱛᱤᱥᱚᱝᱜᱷᱚ ᱖᱕ ᱟᱜ ᱜᱟᱞᱢᱟᱨᱟᱣ ᱨᱮ ᱱᱚᱣᱟ ᱢᱟᱦᱟᱸ ᱫᱚ ᱢᱟᱱᱟᱣ ᱞᱟᱹᱜᱤᱛ ᱮ ᱜᱷᱳᱥᱳᱱᱟ ᱠᱮᱫᱟ᱾[᱓] ᱟᱫᱚ ᱩᱱ ᱠᱷᱚᱡ ᱜᱮ ᱱᱚᱣᱟ ᱢᱟᱦᱟᱸ ᱨᱮ ᱜᱚᱴᱟ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱯᱟᱹᱨᱥᱤ ᱠᱩ ᱵᱟᱸᱪᱟᱣ, ᱯᱟᱥᱱᱟᱣ ᱟᱨ ᱨᱩᱠᱷᱤᱭᱟᱹ ᱫᱚᱦᱚ ᱞᱟᱹᱜᱤᱛᱛᱮ ᱫᱷᱟᱹᱨᱛᱤᱨᱮᱱ ᱡᱚᱛᱚ ᱦᱚᱲ ᱱᱚᱣᱟ ᱢᱟᱦᱟᱸ ᱠᱚ ᱢᱟᱱᱟᱣ ᱟᱹᱜᱩᱭᱫᱟ ᱾
ᱜᱮᱞᱨᱤ
ᱥᱟᱯᱲᱟᱣ-
ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ, ᱰᱦᱟᱠᱟ -
ᱢᱟᱱᱟᱣ, ᱒᱑ ᱯᱦᱮᱵᱨᱩᱟᱨᱭ ᱒᱐᱑᱘ -
᱒᱐᱑᱗ ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ, ᱵᱮᱝᱞᱳᱨ -
᱒᱐᱑᱕ ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱤᱥᱞᱟᱢᱵᱟᱫ, ᱵᱮᱨᱚᱫ ᱯᱨᱚᱫᱟᱨᱥᱚᱱᱤ ᱯᱚᱸᱡᱟᱵᱤ ᱟᱠᱚᱟᱜ ᱯᱟᱨᱥᱤ ᱚᱞ ᱴᱟᱦᱮᱱ ᱠᱦᱟᱹᱴᱤᱨ -
ᱮᱠᱩᱥᱤ ᱯᱚᱴᱚᱵ ᱯᱦᱮᱟᱨ ᱟᱞᱵᱹᱨᱴᱟ, ᱠᱟᱱᱮᱰᱟ
ᱟᱨᱦᱚᱸ ᱧᱮᱞᱢᱮ
ᱥᱟᱯᱲᱟᱣᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱴᱚᱨᱮᱱᱴᱚᱭ ᱮᱠᱩᱥᱮ, ᱵᱤᱵᱤᱫᱱ ᱵᱟᱝᱞᱟ
- ↑ "U.N. General Assembly, Sixty-first Session, Agenda item 114, Resolution adopted by the General Assembly, 61/266. Multilingualism (A/RES/61/266)" (PDF)।
- ↑ "একুশে ফেব্রুয়ারি আন্তর্জাতিক মাতৃভাষা দিবস পালন করবে জাতিসংঘ". Archived from the original on 2014-03-07. Retrieved 2019-02-18.