ᱢᱚᱞᱞᱤᱠᱟ ᱥᱟᱨᱟᱵᱷᱟᱭᱤ

ᱢᱚᱞᱞᱤᱠᱟ ᱥᱟᱨᱟᱵᱷᱟᱭᱤ ᱫᱚ ᱢᱤᱫ ᱥᱩᱥᱟᱹᱨᱤᱭᱟᱹ (activist), ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱱᱟᱪᱚᱱᱤᱭᱟᱹ ᱟᱨ ᱮᱠᱴᱨᱮᱥ ᱠᱟᱱᱟᱭ ᱾ ᱟᱡᱟᱜ ᱚᱲᱟᱜ ᱫᱚ ᱥᱤᱧᱚᱛ ᱫᱤᱥᱚᱢ ᱩᱡᱽᱨᱟᱴ ᱯᱚᱱᱚᱛ ᱨᱮᱱᱟᱜ ᱚᱦᱢᱮᱫᱟᱵᱟᱫᱽ ᱨᱮ, ᱡᱟᱦᱟᱸ ᱫᱚ ᱠᱞᱟᱥᱤᱠᱟᱞ ᱱᱟᱪᱚᱱᱤᱭᱟᱹ ᱢᱨᱤᱱᱟᱞᱤᱱᱤ ᱥᱟᱨᱟᱵᱷᱟᱭᱤ ᱟᱨ ᱵᱤᱠᱨᱚᱢ ᱥᱟᱨᱟᱵᱷᱟᱭᱤ ᱛᱤᱠᱤᱱᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱢᱚᱞᱞᱤᱠᱟ ᱫᱚ ᱠᱩᱪᱤᱯᱩᱰᱤ ᱟᱨ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱨᱮ ᱢᱤᱫ ᱯᱟᱹᱨᱩᱠᱷᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[᱑]

ᱯᱚᱫᱽᱢᱟ ᱵᱷᱩᱥᱟᱱ
ᱢᱚᱞᱞᱤᱠᱟ ᱥᱟᱨᱟᱵᱷᱟᱭᱤ
Mallika Sarabhai in Bertolt Brecht's adaptation of The Good Person of Szechwan directed by Arvind Gaur
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱙ ᱢᱮ ᱑᱙᱕᱔ (1954-05-09) (᱖᱙ ᱥᱮᱨᱢᱟ)
ᱚᱦᱢᱚᱫᱟᱵᱟᱫᱽ, ᱜᱩᱡᱽᱨᱟᱴ, ᱥᱤᱧᱚᱛ
ᱠᱟᱹᱢᱤᱠᱩᱪᱤᱯᱩᱰᱤ ᱟᱨ ᱵᱷᱟᱨᱚᱛᱱᱟᱛᱭᱟᱢ ᱱᱟᱪᱚᱱᱤᱭᱟᱹ, ᱮᱠᱴᱨᱮᱥ, ᱨᱟᱡᱽᱟᱹᱨᱤᱭᱟᱱ
ᱠᱟᱹᱢᱤ ᱚᱠᱛᱚ1969 – present
ᱡᱤᱭᱚᱱ ᱥᱚᱦᱮᱫᱵᱤᱯᱤᱱ ᱥᱟᱦ
ᱦᱚᱯᱚᱱᱨᱮᱵᱷᱟᱱᱴᱟ
ᱟᱱᱟᱦᱤᱛᱟ
ᱟᱯᱟᱛ ᱮᱸᱜᱟᱛᱵᱤᱠᱨᱚᱢ ᱥᱟᱨᱟᱵᱷᱟᱭᱤ
ᱢᱨᱤᱱᱟᱞᱤᱱᱤ
ᱥᱤᱨᱯᱷᱟᱹᱯᱚᱫᱽᱢᱟ ᱵᱷᱩᱥᱟᱱ
ᱣᱮᱵᱽᱥᱟᱭᱤᱴwww.mallikasarabhai.com

ᱯᱩᱭᱞᱩ ᱡᱤᱭᱚᱱ ᱥᱟᱯᱲᱟᱣ

ᱢᱚᱞᱞᱤᱠᱟ ᱥᱟᱨᱟᱵᱷᱟᱭᱤ ᱫᱚ ᱥᱤᱧᱚᱛ ᱫᱤᱥᱚᱢ ᱩᱡᱽᱨᱟᱴ ᱯᱚᱱᱚᱛ ᱨᱮᱱᱟᱜ ᱚᱦᱢᱚᱫᱟᱵᱟᱫᱽ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛ ᱧᱩᱛᱩᱢ ᱫᱚ ᱵᱤᱠᱨᱚᱢ ᱥᱟᱨᱟᱵᱷᱟᱭᱤ ᱟᱨ ᱮᱸᱜᱟᱛ ᱫᱚ ᱢᱨᱤᱱᱟᱞᱤᱱᱤ ᱥᱟᱨᱟᱵᱷᱟᱭᱤ ᱧᱩᱛᱩᱢ ᱟᱹᱠᱤᱱ ᱛᱟᱦᱮᱸᱫ ᱾ ᱟᱯᱟᱛ ᱫᱚ ᱥᱮᱨᱢᱟ ᱥᱟᱬᱮᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱮᱸᱜᱟᱛ ᱫᱚ ᱠᱞᱟᱥᱤᱠᱟᱞ ᱱᱟᱪᱚᱱᱤᱭᱟᱹ ᱾ ᱩᱱᱤ ᱫᱚ ᱑᱙᱗᱔ ᱥᱟᱹᱦᱤᱛ ᱨᱮ ᱤᱤᱢ ᱚᱦᱢᱚᱫᱟᱵᱟᱫᱽ (IIM Ahmedabad) ᱠᱷᱚᱱ ᱮᱢᱹᱵᱤᱹᱮ (MBA) ᱟᱨ ᱜᱩᱡᱽᱨᱟᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱚᱨᱜᱟᱱᱟᱭᱤᱡᱮᱥᱚᱱᱟᱞ ᱵᱮᱦᱮᱵᱤᱭᱚᱨ (Organisational Behaviour) ᱨᱮ ᱰᱚᱠᱴᱚᱨᱮᱴ (Doctorate) ᱮ ᱦᱟᱹᱥᱤᱞ ᱞᱮᱫ ᱛᱟᱦᱮᱸᱫ ᱾[᱒] ᱩᱱᱤ ᱫᱚ ᱮᱱᱮᱡ ᱩᱫᱩᱜ-ᱤᱭᱟᱹ, ᱱᱟᱪᱚᱱᱤᱭᱟᱹ ᱟᱨ ᱮᱠᱴᱨᱮᱥ ᱞᱮᱠᱟᱛᱮ ᱦᱚᱸ ᱦᱤᱱᱫᱤ, ᱢᱟᱞᱟᱭᱟᱞᱟᱢ, ᱩᱡᱽᱨᱟᱴᱤ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱠᱚᱨᱮ ᱠᱟᱹᱢᱤ ᱟᱠᱟᱫᱼᱟ ᱾[᱓]

ᱠᱟᱹᱢᱤ ᱥᱟᱯᱲᱟᱣ

ᱢᱚᱞᱞᱤᱠᱟ ᱫᱚ ᱠᱟᱹᱴᱤᱡ ᱚᱠᱛᱚ ᱠᱷᱚᱱ ᱜᱮ ᱮᱱᱮᱡ ᱪᱮᱫ ᱠᱟᱛᱮ, ᱯᱷᱤᱞᱢ ᱨᱮᱦᱚᱸ ᱠᱟᱹᱢᱤᱭ ᱮᱦᱚᱵ ᱞᱮᱫᱼᱟ ᱑᱕ ᱵᱚᱪᱷᱚᱨ ᱥᱮᱨᱢᱟ ᱠᱷᱚᱱ ᱾ ᱢᱚᱞᱞᱤᱠᱟ ᱫᱚ ᱯᱤᱴᱚᱨ ᱵᱽᱨᱩᱠ ᱟᱜ ᱢᱚᱦᱟᱵᱷᱟᱨᱚᱛ ᱯᱷᱤᱞᱢ ᱨᱮ ᱫᱨᱚᱣᱯᱚᱫᱤ ᱨᱩᱯ ᱮ ᱯᱟᱴ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱡᱤᱭᱚᱱ ᱠᱮᱨᱤᱭᱚᱱ ᱨᱮ ᱟᱭᱢᱟ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱢᱚᱞᱞᱤᱠᱟ ᱫᱚ ᱥᱮᱨᱮᱧ ᱱᱟᱪᱚᱱᱤᱭᱟᱹ ᱥᱟᱶᱛᱮ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾[᱔] ᱩᱱᱤ ᱫᱚ ᱚᱦᱢᱚᱫᱟᱵᱟᱫᱽ ᱨᱮᱱᱟᱜ ᱫᱚᱨᱯᱚᱬ ᱮᱠᱟᱰᱮᱢᱤ ᱚᱯᱷ ᱯᱟᱨᱯᱷᱚᱨᱢᱤᱝ ᱟᱨᱴᱥ (Darpana Academy of Performing Arts) ᱨᱮ ᱪᱟᱪᱞᱟᱣᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱫᱚ ᱨᱚᱲ ᱛᱮ ᱟᱪᱟᱨ ᱵᱮᱵᱷᱟᱨ ᱵᱚᱫᱚᱞ ᱵᱟᱵᱚᱫᱽ ᱛᱮ ᱠᱚ ᱥᱮᱪᱮᱫᱮᱫ ᱠᱚᱣᱟ ᱾[᱕]

ᱨᱟᱡᱽ ᱟᱹᱨᱤ ᱥᱟᱯᱲᱟᱣ

᱒᱐᱐᱙ ᱥᱟᱹᱦᱤᱛ ᱵᱟᱪᱷᱱᱟᱣ ᱚᱛᱚ ᱨᱮ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱮᱞ ᱠᱮ ᱟᱰᱵᱷᱟᱱᱤ ᱵᱤᱨᱩᱫᱷ ᱨᱮ ᱯᱷᱩᱨᱜᱟᱹᱞ ᱠᱮᱱᱰᱤᱰᱮᱴ (candidate) ᱞᱮᱠᱟᱛᱮ ᱛᱤᱝᱩ ᱞᱮᱱ ᱛᱟᱦᱮᱸᱫ ᱾[᱖][᱗] ᱮᱞ ᱠᱮ ᱟᱰᱵᱷᱟᱱᱤ ᱴᱷᱮᱱ ᱠᱷᱚᱱ ᱵᱷᱚᱴ ᱨᱮ ᱦᱮᱨᱟᱣ ᱠᱟᱛᱮ ᱞᱟᱡᱟᱣ ᱯᱟᱲᱟ ᱞᱮᱱ ᱛᱟᱦᱮᱸᱫ ᱮ ᱾[᱘]

ᱥᱮᱯᱴᱮᱵᱚᱨ ᱒᱐᱑᱑ ᱥᱟᱹᱦᱤᱛ ᱨᱮ ᱜᱩᱡᱽᱨᱟᱴ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱱᱚᱨᱮᱱᱫᱽᱨᱚ ᱢᱚᱫᱤ ᱵᱤᱨᱩᱫᱷ ᱨᱮ ᱥᱚᱨᱵᱚᱫᱚᱭᱚ ᱢᱤᱥᱚᱱ (sarvodaya mission) ᱚᱠᱛᱚ ᱟᱞᱤᱜᱟᱥᱚᱱ (alligation) ᱮ ᱟᱹᱜᱩ ᱞᱮᱫ ᱛᱟᱦᱮᱸᱫ ᱾ [᱙] ᱒᱐᱐᱒ ᱥᱟᱹᱦᱤᱛ ᱜᱩᱡᱽᱨᱟᱴ ᱫᱚᱝᱜᱟ (ᱜᱚᱯᱚᱡ) ᱵᱟᱵᱚᱫᱽ ᱛᱮ ᱱᱚᱨᱮᱱᱫᱽᱨᱚ ᱢᱚᱫᱤ ᱟᱡᱟᱜ ᱯᱤᱴᱤᱥᱚᱱ ᱠᱷᱚᱱ ᱮ ᱮᱨᱮᱲᱚ ᱠᱟᱱᱟ ᱢᱮᱱᱛᱮ ᱚᱞ ᱞᱮᱫ ᱛᱟᱦᱮᱸᱫ ᱾ ᱡᱟᱱᱩᱣᱟᱨᱤ ᱘, ᱒᱐᱑᱔ ᱨᱮ ᱩᱱᱤ ᱫᱚ ᱟᱢ ᱟᱫᱽᱢᱤ ᱯᱟᱨᱴᱤ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. International encyclopedia of dance: a project of Dance Perspectives Foundation, Inc
  2. indobase Dances of India
  3. "The Hindu : National : Mallika Sarabhai to contest against Advani". Archived from the original on 2009-03-23. Retrieved 2020-02-14.
  4. Inspiring woman
  5. Welcome to the world of Darpana Archived ᱑᱙ ᱡᱩᱞᱟᱭ ᱒᱐᱑᱑ at the Wayback Machine.
  6. Express India – Danseuse Mallika Sarabhai troops into Advani bastion in Gandhinagar Archived ᱒᱓ ᱥᱮᱯᱴᱮᱢᱵᱚᱨ ᱒᱐᱑᱒ at the Wayback Machine.
  7. "Poll dance: Mallika to contest against LK from Gandhinagar – Times of India". Archived from the original on 2012-05-09. Retrieved 2020-02-15.
  8. "The Hindu – National – Modi magic fails to work". Archived from the original on 2009-05-19. Retrieved 2020-02-15.
  9. "Mallika Sarabhai, riots victims detained at Modi's fast venue". The Hindustan Times. IANS. 18 ᱥᱮᱯᱴᱮᱢᱵᱚᱨ 2011. Archived from the original on 9 ᱱᱚᱵᱷᱮᱢᱵᱚᱨ 2013. Retrieved 26 ᱯᱷᱮᱵᱽᱨᱩᱣᱟᱨᱤ 2013.