ᱢᱚᱦᱚᱢᱚᱫᱽ ᱫᱟᱣᱩᱫᱽ ᱠᱷᱟᱸ
ᱥᱚᱨᱫᱟᱨ ᱢᱳᱦᱚᱢᱚᱫᱽ ᱫᱟᱣᱩᱫᱽ ᱠᱷᱟᱸ , ᱡᱟᱦᱟᱸᱭ ᱫᱚ ᱫᱟᱣᱩᱫᱽ ᱠᱷᱟᱸ ᱟᱨᱵᱟᱝ ᱫᱟᱣᱩᱫᱽ ᱠᱷᱟᱱ [᱒][᱓][᱔] (᱑᱘ ᱡᱩᱞᱟᱭ ᱑᱙᱐᱙ - ᱒᱘ ᱮᱯᱨᱤᱞ ᱑᱙᱗᱘ ) ᱧᱩᱛᱩᱢ ᱛᱮᱦᱚᱸᱭ ᱵᱟᱰᱟᱭᱚᱜ-ᱟ ᱾ ᱢᱤᱫ ᱟᱯᱷᱜᱟᱱ ᱨᱟᱡᱽᱱᱮᱛᱟᱭ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱑᱙᱕᱓ ᱠᱷᱚᱱ ᱑᱙᱖᱓ ᱫᱷᱟᱹᱵᱤᱡ ᱟᱯᱷᱜᱟᱱᱤᱥᱛᱟᱱ ᱨᱤᱱᱤᱡ ᱕ ᱟᱹᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱟᱨ ᱑᱙᱗᱓ ᱠᱷᱚᱱ ᱑᱙᱗᱘ ᱫᱷᱟᱹᱵᱤᱡ ᱟᱯᱷᱜᱟᱱᱤᱥᱛᱟᱱ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱢᱩᱥᱟᱦᱤᱵᱟᱱ ᱥᱟᱦᱤ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱠᱷᱟᱸ ᱫᱚ ᱑᱙᱓᱐ ᱨᱮᱱᱟᱜ ᱜᱮᱞᱟᱝ ᱨᱮ ᱴᱚᱴᱷᱟᱣᱟᱨᱤ ᱨᱟᱡᱽᱡᱚᱯᱟᱞ ᱞᱮᱠᱟᱛᱮᱭ ᱮᱛᱚᱦᱚᱵ ᱞᱮᱫ-ᱟ ᱟᱨ ᱛᱟᱭᱚᱢ ᱛᱮᱫᱚ ᱢᱤᱫ ᱠᱚᱢᱟᱱᱰᱚᱨ ᱫᱚ ᱟᱡᱤᱡ ᱯᱩᱭᱞᱩ ᱦᱚᱯᱚᱱ ᱵᱟ ᱦᱚᱯᱚᱱ, ᱢᱳᱦᱚᱢᱚᱫᱽ ᱡᱟᱦᱤᱨ ᱥᱟᱦ ᱟᱜ ᱨᱟᱡᱽᱥᱟᱦᱤ ᱨᱮ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱡᱤᱨᱟᱹᱣ ᱦᱟᱛᱟᱣ ᱠᱟᱛᱮ ᱜᱮᱞ ᱵᱚᱪᱷᱚᱨ ᱛᱟᱭᱚᱢ ᱠᱷᱟᱸ ᱫᱚ ᱟᱯᱷᱜᱟᱱ ᱥᱮᱱᱟᱭᱤᱡ ᱟᱺᱜᱤᱵᱷᱟᱹᱨᱤᱭᱟᱹ ᱨᱮᱱᱟᱜ ᱦᱮᱸ ᱥᱤᱠᱟᱹᱨ ᱛᱟᱭᱚᱢ ᱨᱟᱡᱽᱥᱟᱦᱤ ᱫᱚ ᱛᱩᱫ ᱠᱟᱛᱮᱭ ᱪᱟᱯᱟᱫ ᱜᱤᱰᱤ ᱠᱟᱫ-ᱟ ᱟᱨ ᱑᱙᱗᱓ ᱨᱮ ᱟᱡᱟᱜ ᱧᱩᱛᱩᱢᱟᱱ ᱢᱟᱹᱱ ᱫᱚᱭ ᱵᱟᱹᱜᱤᱭᱟᱫ ᱛᱮ ᱱᱤᱡᱮ ᱫᱚ ᱟᱯᱷᱜᱟᱱ ᱜᱚᱬᱚᱨᱟᱡᱽᱡᱚ ᱨᱤᱱᱤᱡ ᱯᱩᱭᱞᱩ ᱫᱤᱥᱚᱢ ᱜᱚᱢᱠᱮ ᱢᱮᱱᱛᱮ ᱠᱚ ᱪᱷᱟᱹᱴᱭᱟᱹᱨ ᱠᱮᱫᱮᱭᱟ ᱾
| ᱢᱚᱦᱚᱢᱚᱫᱽ ᱫᱟᱣᱩᱫᱽ ᱠᱷᱟᱸ | |
|---|---|
| ᱨᱮᱫ:Mohammed Daoud Khan.jpg ᱑᱙᱗᱐ ᱨᱤᱱᱤᱡ ᱫᱟᱣᱩᱫᱽ ᱠᱷᱟᱸ | |
| ᱯᱩᱭᱞᱩ ᱟᱯᱷᱜᱟᱱᱤᱥᱛᱟᱱ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱗ ᱡᱩᱞᱟᱭ ᱑᱙᱗᱓ – ᱒᱘ ᱮᱯᱨᱤᱞ ᱑᱙᱗᱘ | |
| Vice President | ᱥᱟᱭᱤᱫᱽ ᱟᱵᱽᱫᱩᱞᱟᱦ[᱑] |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱨᱟᱡᱟ ᱡᱟᱦᱤᱨ ᱥᱟᱦ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱚᱵᱽᱫᱩᱞ ᱠᱟᱫᱤᱨ (acting) ᱱᱩᱨ ᱢᱩᱦᱚᱢᱚᱫᱽ ᱛᱚᱨᱚᱠᱤ |
| ᱢᱚᱬᱮ ᱟᱹᱱᱤᱡ ᱟᱯᱷᱜᱟᱱᱤᱥᱛᱟᱱ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱗ ᱥᱮᱯᱴᱮᱢᱵᱚᱨ ᱑᱙᱕᱓ – ᱑᱐ ᱢᱟᱨᱪ ᱑᱙᱖᱓ | |
| ᱛᱟᱹᱨᱤ ᱫᱤᱥᱚᱢ | ᱡᱟᱦᱤᱨ ᱥᱟᱦ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱟᱦ ᱢᱚᱦᱢᱚᱫᱽ ᱠᱷᱟᱸ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱢᱳᱦᱚᱢᱚᱫᱽ ᱭᱩᱥᱩᱯᱷ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱘ ᱡᱩᱞᱟᱭ ᱑᱙᱐᱙ ᱠᱟᱵᱩᱞ, ᱟᱯᱷᱜᱟᱱᱤᱥᱛᱟᱱ |
| ᱜᱩᱨ | ᱒᱘ ᱮᱯᱨᱤᱞ ᱑᱙᱗᱘ (᱖᱘ ᱵᱚᱭᱚᱥ) ᱠᱟᱵᱩᱞ, ᱟᱯᱷᱜᱟᱱᱤᱥᱛᱟᱱ |
| ᱨᱟᱡᱽᱟᱹᱨᱤ ᱫᱚᱞ | ᱟᱯᱷᱜᱟᱱ ᱱᱮᱥᱱᱟᱞ ᱨᱮᱵᱷᱚᱞᱩᱥᱚᱱᱟᱨᱤ ᱯᱟᱴᱤ |
| ᱡᱤᱭᱚᱱ ᱥᱚᱦᱮᱫ | ᱨᱟᱡᱽ ᱠᱩᱢᱟᱨᱤ ᱡᱟᱢᱤᱱᱟ ᱵᱮᱜᱚᱢ, ᱨᱟᱡᱟ ᱡᱟᱦᱤᱨ ᱥᱟᱦ ᱭᱤᱡ ᱢᱤᱥᱨᱟ |
| ᱦᱚᱯᱚᱱ | ᱗ |
ᱠᱷᱟᱱ ᱫᱚ ᱟᱡᱟᱜ ᱚ-ᱟᱹᱝᱠᱩᱥ ᱥᱟᱥᱚᱱ ᱞᱟᱹᱜᱤᱫ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾ ᱥᱤᱠᱷᱱᱟᱹᱛ ᱟᱨ ᱩᱛᱱᱟᱹᱣ[᱕] [᱖] ᱥᱟᱶᱛᱟᱨᱤ ᱥᱩᱫᱷᱟᱹᱨ, ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱟᱡᱟᱜ ᱥᱟᱶᱛᱟᱨᱤ ᱟᱨ ᱠᱟᱹᱣᱰᱤᱟᱹᱨᱤ ᱥᱚᱞᱦᱮᱛ ᱫᱚ ᱮᱴᱟᱜ ᱠᱚᱨᱮ ᱠᱷᱚᱱ ᱥᱚᱡᱚᱛ ᱜᱮ ᱢᱟᱱᱟᱣ ᱵᱟᱛᱟᱣ ᱛᱟᱦᱮᱸ ᱠᱟᱱᱟ, ᱤᱠᱷᱟᱹᱱ ᱩᱱᱤᱭᱟᱜ ᱮᱴᱟᱜ ᱫᱤᱥᱚᱢ ᱨᱤᱛ ᱜᱮ ᱯᱟᱠᱤᱥᱛᱱ ᱟᱨ ᱛᱟᱭᱚᱢ ᱛᱮ ᱥᱚᱵᱷᱤᱭᱮᱛ ᱥᱚᱸᱜᱷ ᱥᱟᱶ ᱚᱨ-ᱚᱯᱚᱨ ᱥᱟᱹᱜᱟᱹᱭ ᱮ ᱡᱟᱱᱟᱢ ᱞᱮᱫ-ᱟ ᱟᱨ ᱢᱩᱪᱟᱹᱫ ᱨᱮ ᱩᱱᱤᱭᱟᱜ ᱞᱤᱠᱷᱚᱱ ᱜᱮ ᱛᱟᱦᱮᱸ ᱠᱟᱱᱟ ᱯᱟᱞᱮ ᱛᱤᱱ ᱡᱚᱦᱚᱜ ᱑᱙᱗᱘ ᱨᱮ ᱩᱱᱤ ᱫᱚ ᱠᱚᱢᱭᱩᱱᱤᱥᱴ ᱯᱤᱯᱩᱞᱥ ᱰᱮᱢᱚᱠᱨᱟᱴᱤᱠ ᱯᱟᱨᱴᱤ ᱳᱯᱷ ᱟᱯᱷᱜᱟᱱᱤᱥᱛᱟᱱ (ᱯᱤᱰᱤᱯᱤᱮ) ᱟᱜ ᱛᱟᱹᱨᱤ ᱨᱮ ᱥᱚᱣᱨ ᱦᱩᱞᱥᱟᱹᱭ ᱚᱠᱛᱚ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱠᱷᱟᱸ ᱟᱜ ᱡᱟᱱᱟᱢ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱠᱟᱵᱩᱞ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸᱭ ᱡᱚ ᱨᱟᱡᱽᱟᱹᱨᱤᱭᱟᱹ ᱨᱟᱡᱽᱠᱩᱢᱟᱨ ᱢᱳᱦᱚᱢᱚᱫᱽ ᱚᱡᱤᱡᱽ ᱠᱷᱟᱸ [᱑᱘᱗᱗-᱑᱐᱓᱓] ᱭᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱯᱚᱱ (ᱨᱟᱡᱟ ᱢᱳᱦᱚᱢᱚᱫᱽ ᱱᱟᱡᱤᱨ ᱥᱟᱦ ᱤᱡ ᱢᱟᱨᱟᱝ ᱤᱡ ᱪᱷᱩᱴᱠᱤ ᱦᱚᱯᱚᱱ / ᱵᱚᱭᱦᱟ) ᱟᱨ ᱩᱱᱤᱭᱤᱡ ᱮᱨᱟ, ᱠᱷᱩᱥᱤᱫᱽ ᱵᱮᱜᱚᱢ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱓᱓ ᱨᱮ ᱵᱚᱨᱞᱤᱱ ᱨᱮ ᱟᱡ ᱵᱟᱵᱟᱭ ᱡᱚᱵᱚᱨ ᱜᱚᱡ ᱠᱮᱫᱮᱭᱟ, ᱛᱤᱱ ᱡᱚᱦᱚᱜ ᱩᱱᱤ ᱟᱡ ᱵᱟᱵᱟ ᱫᱚ ᱡᱚᱨᱢᱟᱱᱤ ᱨᱮ ᱟᱯᱷᱜᱟᱱ ᱨᱟᱡᱽᱫᱩᱛ ᱞᱮᱠᱟᱛᱮ ᱠᱟᱹᱢᱤ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱟᱨ ᱟᱡ ᱫᱟᱫᱟ ᱯᱨᱤᱸᱥ ᱱᱚᱭᱤᱢ ᱠᱷᱟᱸ (᱑᱙᱑᱑-᱑᱙᱗᱘) ᱩᱱ ᱡᱚᱦᱚᱜ ᱟᱡ ᱦᱚᱯᱚᱱ ᱵᱟ ᱯᱨᱤᱱᱥ ᱦᱟᱥᱤᱢ ᱠᱷᱟᱸ (᱑᱘᱘᱔-᱑᱙᱕᱓) ᱟᱜ ᱥᱮᱵᱚᱠ ᱛᱮᱭ ᱦᱮᱡ ᱮᱱᱟ ᱾ ᱫᱟᱣᱩᱫᱽ ᱫᱚ ᱨᱟᱡᱽᱟᱹᱨᱤ ᱨᱤᱱᱤᱡ ᱢᱤᱫ ᱞᱟᱹᱠᱛᱤ ᱟᱹᱱᱤᱡ ᱦᱮᱯᱨᱤᱭᱟᱹᱭ ᱥᱚᱫᱚᱨ ᱮᱱᱟ ᱾ ᱯᱷᱨᱟᱱᱥ ᱨᱮ ᱥᱮᱪᱮᱫ, ᱩᱱᱤ ᱫᱚ ᱑᱙᱓᱔-᱓᱕ ᱨᱮ ᱟᱨ ᱑᱙᱓᱘-᱓᱙ ᱨᱮ ᱯᱩᱨᱩᱵᱽ ᱟᱱᱟᱜ ᱴᱚᱴᱷᱟ ᱨᱤᱱᱤᱡ ᱨᱟᱡᱽᱡᱚᱯᱟᱞ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫ-ᱟ, ᱟᱨ ᱑᱙᱓᱕ ᱠᱷᱚᱱ ᱑᱙᱓᱘ ᱫᱷᱟᱹᱵᱤᱡ ᱠᱚᱸᱫᱷᱟᱨ ᱴᱚᱴᱷᱟ ᱨᱤᱱᱤᱡ ᱨᱟᱡᱽᱡᱚᱯᱟᱞ ᱮ ᱛᱟᱦᱮᱸ ᱟᱠᱟᱱᱟ ᱾ ᱩᱱᱤ ᱟᱡ ᱵᱟᱵᱟ ᱟᱜ ᱜᱩᱨ ᱫᱚ ᱒᱔ ᱵᱚᱪᱷᱚᱨ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ, ᱛᱤᱱ ᱡᱚᱦᱚᱜ ᱫᱟᱣᱩᱫᱽ ᱒᱔ ᱵᱚᱪᱷᱚᱨ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱓᱙ ᱨᱮ ᱠᱷᱟᱸ ᱫᱚ ᱥᱮᱱᱴᱨᱟᱞ ᱯᱷᱚᱨᱥ ᱨᱮᱱᱟᱜ ᱠᱚᱢᱟᱱᱰᱚᱨ ᱞᱟᱹᱜᱤᱫ ᱛᱷᱟᱱᱚᱛᱱᱟᱹᱣ ᱠᱚ ᱮᱢᱟᱫᱮᱭᱟ ᱾ [᱗] ᱠᱚᱢᱟᱱᱰᱚᱨ ᱞᱮᱠᱟᱛᱮ ᱩᱱᱤ ᱫᱚ ᱑᱙᱔᱔ ᱠᱷᱚᱱ ᱑᱙᱔᱗ ᱨᱮ ᱟᱯᱷᱜᱟᱱ ᱠᱚᱵᱟᱭᱞᱤ ᱦᱩᱞᱥᱟᱹᱭ ᱚᱠᱛᱚ ᱨᱮ ᱥᱚᱯᱷᱤᱭᱟᱜ ᱵᱤᱨᱩᱫᱷ ᱨᱮ ᱟᱯᱷᱜᱟᱱ ᱥᱮᱱᱟᱭ ᱟᱹᱭᱩᱨ ᱠᱮᱫ ᱠᱚᱣᱟ ᱾ ᱑᱙᱔᱖ ᱠᱷᱚᱱ ᱑᱙᱔᱘ ᱫᱷᱟᱹᱵᱤᱡ ᱨᱩᱠᱷᱤᱭᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱡᱟᱹᱛᱤᱭᱟᱹᱨᱤ ᱢᱚᱱᱛᱨᱤ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫ-ᱟ ᱾ ᱑᱙᱔᱘ ᱨᱮ ᱩᱱᱤ ᱫᱚ ᱯᱷᱨᱟᱱᱥ ᱨᱮ ᱟᱯᱷᱜᱟᱱ ᱨᱟᱡᱽᱫᱩᱛ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱑᱙᱕᱑ ᱨᱮ, ᱡᱚᱱᱚᱨᱟᱞ ᱨᱮ ᱛᱷᱟᱱᱚᱛᱱᱟᱹᱣ ᱠᱚ ᱮᱢᱟᱫᱮᱭᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Chiefs of State and Cabinet members of foreign governments / National Foreign Assessment Center. Apr-Jun 1978". HathiTrust. hdl:2027/mdp.39015073049606.
- ↑ Gall, Carlotta (January 31, 2009). "An Afghan Secret Revealed Brings End of an Era" – via NYTimes.com.
- ↑ "Afghanistan: History Of 1973 Coup Sheds Light On Relations With Pakistan". RadioFreeEurope/RadioLiberty.
- ↑ "Statement on the attack on the Sardar Muhammad Dawood Khan hospital in Kabul". EEAS - European Commission.
- ↑ [᱑][permanent dead link]
- ↑ "Mohammad Daud Khan". Encyclopædia Britannica. Retrieved 15 May 2020.
- ↑ Clements, Frank; Adamec, Ludwig W. (2003). Conflict in Afghanistan: A Historical Encyclopedia (in ᱟᱝᱜᱽᱨᱮᱡᱤ). ABC-CLIO. p. 67. ISBN 978-1-85109-402-8.
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱢᱚᱦᱚᱢᱚᱫᱽ ᱫᱟᱣᱩᱫᱽ ᱠᱷᱟᱸ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |