ᱢᱚᱦᱟᱫᱮᱵᱽ ᱦᱟᱸᱥᱫᱟ
ᱢᱚᱦᱟᱫᱮᱵᱽ ᱦᱟᱸᱥᱫᱟ ᱫᱚ ᱢᱤᱫ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱟᱨ ᱥᱟᱥᱟᱯᱲᱟᱣᱤᱡ ᱠᱟᱱᱟᱭ᱾ ᱱᱩᱭ ᱫᱚ ᱑᱙᱕᱐ ᱥᱟᱞ ᱨᱮᱭᱟᱜ ᱒᱐ ᱡᱩᱱ ᱯᱩᱨᱩᱞᱤᱭᱟᱹ ᱡᱮᱞᱟ ᱨᱮᱭᱟᱜ ᱵᱟᱱᱫᱳᱣᱟᱱ ᱛᱷᱟᱱᱟ ᱨᱮ ᱢᱮᱱᱟᱜ ᱠᱟᱭᱨᱟ ᱟᱛᱳ ᱨᱮ ᱦᱩᱭ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱱᱟᱭᱠᱮ ᱦᱟᱸᱥᱫᱟ ᱟᱨ ᱟᱭᱳ ᱫᱚ ᱫᱷᱚᱱᱢᱚᱱᱤ ᱦᱟᱸᱥᱫᱟ᱾
| ᱢᱚᱦᱟᱫᱮᱵᱽ ᱦᱟᱸᱥᱫᱟ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱱ ᱒᱐, ᱑᱙᱕᱐ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱥᱟᱥᱟᱯᱲᱟᱣᱤᱡ, ᱢᱟᱪᱮᱫ |
| ᱧᱩᱢᱱᱟᱢ | ᱥᱟᱥᱟᱯᱲᱟᱣᱤᱡ |
ᱚᱞᱚᱜ ᱯᱟᱲᱦᱟᱜ
ᱥᱟᱯᱲᱟᱣᱢᱚᱦᱟᱫᱮᱵᱽ ᱦᱟᱸᱥᱫᱟ ᱟᱜ ᱚᱞᱚᱜ ᱯᱟᱲᱦᱟᱜ ᱫᱚ ᱠᱩᱢᱲᱟ ᱯᱨᱟᱭᱢᱟᱨᱤ ᱥᱠᱩᱞ ᱠᱷᱚᱱ ᱮᱛᱚᱦᱚᱵ ᱞᱮᱱ ᱛᱟᱭᱟ᱾ ᱚᱱᱟ ᱛᱟᱭᱚᱢ ᱰᱨ. ᱚᱢᱚᱨᱱᱟᱛᱷ ᱡᱷᱟ ᱦᱟᱭ ᱥᱠᱩᱞ ᱨᱮᱭ ᱵᱷᱩᱨᱛᱤ ᱞᱮᱱᱟ᱾ ᱢᱮᱫᱤᱱᱤᱯᱩᱨ ᱡᱮᱞᱟ ᱨᱮᱭᱟᱜ ᱠᱟᱯᱜᱟᱲᱤ ᱨᱮ ᱢᱮᱱᱟᱜ ᱥᱮᱵᱟ ᱵᱷᱟᱨᱚᱛᱤ ᱢᱚᱦᱟᱵᱤᱫᱽᱫᱟᱞᱚᱭ ᱠᱷᱚᱱ ᱑᱙᱗᱑ ᱥᱮᱨᱢᱟ ᱨᱮ ᱵᱤ.ᱮ.ᱭ ᱯᱟᱥ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱠᱟᱹᱣᱰᱤ ᱟᱱᱟᱴ ᱠᱷᱟᱹᱛᱤᱨ ᱞᱟᱦᱟ ᱥᱮᱫ ᱵᱟᱭ ᱯᱟᱲᱦᱟᱣ ᱫᱟᱲᱮ ᱞᱮᱫᱟ᱾
ᱥᱟᱶᱦᱮᱫ ᱪᱟᱨᱪᱟ ᱟᱨ ᱠᱟᱹᱢᱤ
ᱥᱟᱯᱲᱟᱣᱯᱟᱲᱦᱟᱜ ᱵᱤᱫᱟᱹᱞ ᱠᱷᱚᱱ ᱜᱮ ᱢᱚᱦᱟᱫᱮᱵᱽ ᱦᱟᱸᱥᱫᱟ ᱟᱜ ᱥᱟᱶᱦᱮᱫ ᱪᱟᱨᱪᱟ ᱨᱮᱭᱟᱜ ᱮᱛᱚᱦᱚᱵ ᱫᱚ᱾ ᱥᱮᱨᱮᱧ, ᱚᱱᱚᱞ ᱟᱨ ᱚᱱᱚᱬᱦᱮᱸ ᱚᱞ ᱜᱮ ᱛᱟᱭ ᱡᱟᱹᱥᱛᱤ ᱫᱚ᱾ ᱢᱮᱱᱠᱷᱟᱱ "ᱛᱮᱛᱨᱮ" ᱥᱟᱶᱦᱮᱫ ᱥᱟᱠᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟ ᱛᱮᱜᱮ ᱰᱷᱮᱨ ᱧᱩᱛᱩᱢ ᱫᱚᱭ ᱦᱟᱹᱨ ᱟᱠᱟᱫᱟ᱾ ᱥᱟᱥᱟᱯᱲᱟᱣᱤᱡ ᱛᱟᱸᱦᱮ ᱚᱠᱛᱮ ᱟᱭᱢᱟ ᱚᱱᱚᱦᱬᱤᱭᱟᱹ, ᱚᱱᱚᱞᱤᱭᱟᱹ ᱠᱚᱭ ᱩᱫᱽᱜᱟᱹᱣ ᱟᱠᱟᱫ ᱠᱚᱣᱟ᱾ ᱩᱱᱤ ᱫᱚ ᱢᱤᱫ ᱚᱠᱛᱮ 'ᱥᱩᱥᱟᱹᱨ ᱰᱟᱦᱟᱨ', 'ᱨᱮᱸᱜᱽᱞᱮᱫ' ᱯᱟᱛᱷᱟᱢ ᱦᱚᱸᱭ ᱥᱟᱯᱲᱟᱣ ᱞᱮᱫ ᱛᱟᱸᱦᱮᱫ᱾ ᱚᱱᱟ ᱵᱮᱜᱚᱨ 'ᱟᱫᱤᱵᱟᱥᱤ ᱥᱚᱝᱵᱟᱫᱽ' ᱟᱨ 'ᱟᱫᱤᱵᱟᱥᱤ ᱵᱟᱨᱛᱟ' ᱞᱮᱠᱟᱱ ᱵᱟᱝᱞᱟ ᱠᱷᱚᱵᱚᱨ ᱠᱟᱜᱚᱡᱽ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱦᱚᱸᱭ ᱛᱟᱸᱦᱮ ᱠᱟᱱᱟ᱾ ᱤᱨᱟᱹᱞ ᱜᱮᱞ ᱫᱚᱥᱚᱠ ᱨᱮ ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱟᱜ ᱟᱹᱭᱩᱨ ᱛᱮ ᱡᱟᱦᱟᱸ ᱰᱟᱹᱱ ᱯᱟᱹᱛᱭᱟᱹᱣ ᱵᱤᱨᱩᱫᱽ ᱞᱟᱲᱟᱣᱱᱟ ᱦᱩᱭ ᱞᱮᱱᱟ ᱚᱱᱟ ᱨᱮᱦᱚᱸ ᱥᱮᱞᱮᱫ ᱮ ᱛᱟᱸᱦᱮ ᱠᱟᱱᱟ᱾ ᱚᱱᱟ ᱥᱟᱶᱛᱮ ᱟᱭᱢᱟ ᱥᱟᱶᱦᱮᱫ ᱵᱟᱹᱭᱥᱤ ᱠᱚᱨᱮᱭ ᱥᱮᱞᱮᱫ ᱟᱠᱟᱱᱟ᱾
ᱚᱞ ᱯᱚᱛᱚᱵ
ᱥᱟᱯᱲᱟᱣ- 'ᱥᱟᱱᱛᱟᱲᱤ ᱚᱱᱚᱞ ᱢᱟᱞᱟ' ᱯᱩᱛᱷᱤ ᱩᱪᱷᱟᱹᱱ ᱟᱠᱟᱱᱟ᱾
ᱥᱟᱯᱲᱟᱣ ᱯᱚᱛᱚᱵ
ᱥᱟᱯᱲᱟᱣ- 'ᱥᱟᱱᱛᱟᱲᱤ ᱠᱟᱹᱦᱱᱤ ᱢᱟᱞᱟ'
- 'ᱦᱮᱸᱥᱟᱜ ᱢᱟ ᱪᱚᱴᱨᱮ'
- 'ᱪᱤᱴᱷᱤ ᱥᱟᱠᱟᱢ' (ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱚᱞᱟᱜ)
ᱮᱢᱟᱱ ᱜᱮᱞ ᱢᱚᱬᱮ ᱜᱟᱴᱟᱱ ᱯᱩᱛᱷᱤ ᱩᱱᱤ ᱫᱚᱭ ᱥᱟᱯᱲᱟᱣ ᱟᱠᱟᱫᱟ᱾
ᱢᱟᱹᱱ ᱟᱨ ᱥᱤᱨᱯᱷᱟᱹ
ᱥᱟᱯᱲᱟᱣᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱟᱡᱟᱜ ᱮᱱᱮᱢ ᱠᱷᱟᱹᱛᱤᱨ ᱟᱭᱢᱟ ᱢᱟᱹᱱ ᱟᱨ ᱥᱤᱨᱯᱷᱟᱹ ᱮ ᱧᱟᱢ ᱟᱠᱟᱫᱟ᱾
- ᱨᱟᱢᱠᱨᱤᱥᱱᱚ ᱤᱱᱥᱴᱤᱴᱤᱭᱩᱰ ᱠᱷᱚᱱ ᱑᱙᱘᱘ ᱥᱮᱨᱢᱟ ᱨᱮ ᱥᱟᱨᱦᱟᱣᱱᱟ᱾
- ᱫᱩᱨᱜᱟᱯᱩᱨ ᱨᱮᱭᱟᱜ ᱚᱱᱚᱞᱤᱭᱟᱹ ᱟᱨ ᱠᱟᱨᱤᱜᱚᱞ ᱵᱟᱹᱭᱥᱤ ᱠᱷᱚᱱ ᱑᱙᱙᱓ ᱥᱮᱨᱢᱟ ᱨᱮ ᱢᱟᱹᱱ᱾
- ᱯᱚᱪᱷᱤᱢ ᱵᱟᱝᱞᱟ ᱥᱟᱨᱠᱟᱨ ᱠᱷᱚᱱ ᱑᱙᱙᱕ ᱥᱮᱨᱢᱟ ᱨᱮ 'ᱜᱩᱱᱤᱡᱚᱱ' ᱢᱟᱹᱱ᱾