ᱢᱚᱸᱰᱤ ᱦᱚᱱᱚᱛ ᱮᱛᱚᱢ ᱥᱤᱧᱚᱛ ᱨᱮ ᱦᱤᱢᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱛᱟᱞᱢᱟ ᱦᱚᱱᱚᱛ ᱠᱚᱨᱮ ᱠᱷᱚᱱᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ।ᱢᱚᱸᱰᱤ ᱵᱟᱡᱟᱨ ᱫᱚ ᱦᱚᱱᱚᱛ ᱨᱮᱭᱟᱜ ᱛᱟᱞᱢᱟ ᱟᱹᱢᱟᱹᱞᱤ ᱠᱟᱱᱟ।ᱱᱚᱶᱟ ᱵᱟᱡᱟᱨ ᱨᱮ ᱯᱟᱹᱦᱤᱞ ᱱᱟᱜᱟᱢ ᱠᱚᱨᱮᱭᱟᱜ ᱡᱷᱚᱞᱚᱠ ᱧᱮᱞᱚᱜᱼᱟ,ᱟᱨ ᱢᱚᱱᱫᱤᱨ ᱠᱚᱨᱮᱭᱟᱜ ᱵᱚᱸᱜᱟ ᱠᱷᱚᱫᱟ ᱢᱩᱴᱷᱟᱹᱱ ᱛᱮ ᱯᱚᱨᱮᱛ ᱫᱚ ᱥᱟᱷᱬᱟ ᱥᱮᱞᱮᱫ ᱜᱮ ᱟᱹᱭᱠᱟᱹᱣ ᱜᱚᱫᱚᱜᱼᱟ।ᱱᱚᱶᱟ ᱫᱚ ᱫᱚᱥᱟᱨ ᱠᱟᱥᱤ ᱦᱚᱸ ᱠᱚ ᱢᱮᱛᱟᱜᱼᱟ,ᱪᱮᱫᱟᱜ ᱵᱟᱝᱢᱟ ᱱᱚᱶᱟ ᱵᱟᱡᱟᱨ ᱟᱨ ᱵᱭᱟᱥ ᱱᱟᱹᱭ ᱫᱷᱟᱨᱮ ᱫᱷᱟᱨᱮ ᱛᱮ ᱟᱭᱢᱟ ᱢᱟᱨᱮ ᱢᱟᱨᱮ ᱦᱤᱸᱫᱩ ᱢᱚᱱᱫᱤᱨ ᱠᱚ ᱢᱮᱱᱟᱜ ᱟᱠᱟᱫᱼᱟ।


ᱥᱚᱫᱚᱨ ᱯᱚᱱᱚᱛ ᱨᱮᱱᱟᱜ ᱢᱤᱫ ᱵᱟᱹᱱᱤᱡ ᱵᱮᱯᱟᱨ ᱴᱷᱟᱹᱣᱠᱟᱹ ᱴᱷᱟᱶᱠᱟᱱᱟ।ᱱᱚᱸᱰᱮ NH-3(ᱚᱴᱟᱨᱤ-ᱢᱚᱱᱟᱞᱤ-ᱞᱮᱦᱚ)ᱟᱨ NH-154(ᱯᱚᱴᱷᱟᱱᱠᱳᱴ-ᱥᱩᱸᱫᱚᱨᱱᱚᱜᱚᱨ-ᱵᱤᱲᱟᱥᱯᱩᱨ ᱚᱱᱟ ᱢᱟᱬᱟᱝ ᱥᱮᱫ ᱪᱚᱸᱰᱤᱜᱚᱰ ᱦᱟᱹᱵᱤᱡ)ᱛᱮ ᱠᱩᱞᱞᱩ-ᱢᱚᱱᱟᱞᱤ ᱟᱨ ᱥᱩᱨᱥᱩᱯᱩᱨ ᱨᱮᱭᱟᱜ ᱮᱴᱟᱜ ᱴᱷᱟᱶ ᱠᱚ ᱞᱟᱹᱜᱤᱫ ᱢᱤᱫ ᱥᱩᱜᱩᱲ ᱦᱚᱨ ᱠᱟᱱᱟ।ᱚᱱᱟ ᱴᱷᱟᱶ ᱠᱚᱨᱮ ᱠᱷᱚᱱᱟᱜ ᱢᱤᱫᱴᱟᱹᱝ ᱫᱚ ᱥᱩᱸᱫᱚᱨᱱᱚᱜᱚᱨ ᱦᱚᱱᱚᱛ ᱠᱟᱱᱟ।

ᱢᱳᱸᱰᱮᱞᱤ ᱫᱚ ᱥᱤᱨᱟᱹ ᱯᱟᱹᱨᱥᱤ ᱠᱟᱱᱟ।

ᱦᱚᱲ ᱞᱮᱠᱷᱟ ᱒᱐᱑᱑ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱫᱚ ᱠᱟᱸᱜᱨᱟ ᱠᱟᱸᱜᱨᱟ ᱛᱟᱭᱚᱢ ᱫᱚᱥᱟᱨ ᱟᱠᱟᱱᱟ ,ᱦᱤᱢᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮ।(᱑᱒ ᱜᱚᱴᱟᱝ ᱦᱚᱱᱚᱛ ᱠᱷᱚᱱ)

ᱱᱟᱜᱟᱢ ᱟᱨ ᱚᱛᱱᱚᱜ ᱥᱟᱯᱲᱟᱣ

ᱤᱸᱨᱟᱹᱡᱤ ᱢᱟᱹᱦᱤᱛ ᱑᱕ ᱮᱯᱨᱤᱞ ᱑᱙᱔᱘ ᱥᱟᱹᱦᱤᱛ ᱦᱤᱞᱚᱜ ᱵᱟᱨᱮᱭᱟ ᱦᱩᱰᱤᱧ ᱯᱚᱱᱚᱛ,ᱢᱚᱸᱰᱤ ᱯᱚᱱᱚᱛ(ᱢᱚᱸᱰᱤ)ᱟᱨ ᱥᱩᱠᱮᱛ ᱯᱚᱱᱚᱛ ᱢᱮᱥᱟᱭᱮᱱ ᱛᱟᱭᱚᱢ ᱢᱤᱫ ᱢᱟᱨᱟᱝ ᱢᱚᱸᱰᱤ ᱦᱚᱱᱚᱛ ᱛᱮᱭᱟᱨ ᱮᱱᱟ।ᱱᱚᱶᱟ ᱜᱮ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮ ᱛᱟᱞᱢᱟ ᱥᱟᱥᱚᱱ ᱯᱚᱱᱚᱛ ᱜᱚᱴᱷᱚᱱ ᱥᱮ ᱵᱮᱱᱟᱶ ᱥᱟᱶ ᱛᱟᱞ ᱢᱮᱞᱚᱜ ᱠᱟᱱ ᱛᱟᱦᱮᱱ। ᱛᱟᱭᱚᱢ ᱛᱮ ᱮᱱᱟ ᱱᱚᱶᱟ ᱫᱚ ᱢᱤᱫ ᱯᱚᱱᱚᱛ ᱞᱮᱠᱟᱛᱮ ᱢᱟᱹᱱ ᱮ ᱧᱟᱢ ᱞᱮᱫᱼᱟ। ᱢᱚᱸᱰᱤ ᱵᱟᱡᱟᱨ ᱨᱮᱭᱟᱜ ᱧᱩᱛᱩᱢ ᱫᱚ ᱚᱸᱰᱮᱱᱤᱡ ᱥᱚᱸᱛ ᱢᱟᱸᱰᱚᱵᱽᱭᱚ ᱨᱩᱥᱤ ᱭᱟᱜ ᱧᱩᱛᱩᱢ ᱞᱮᱠᱟᱛᱮ ᱫᱚᱦᱚ ᱞᱮᱱᱟ।


ᱢᱚᱸᱰᱤ ᱫᱚ ᱠᱟᱪᱷᱟ ᱠᱟᱹᱪᱷᱤ ᱦᱤᱢᱟᱪᱚᱞ ᱨᱮᱭᱟᱜ ᱚᱛᱱᱚᱜ ᱛᱟᱞᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱤᱣᱚᱞᱤᱝᱜᱚ ᱵᱩᱨᱩ ᱨᱮᱭᱟᱜ ᱛᱚᱞᱦᱚᱴᱤ ᱨᱮ ᱵᱭᱟᱥ ᱱᱟᱹᱭ ᱨᱮᱭᱟᱜ ᱞᱮᱸᱜᱟ ᱯᱟᱷᱴᱟ ᱫᱷᱟᱨᱮ ᱨᱮ ᱢᱮᱱᱟᱜᱼᱟ। ᱢᱟᱦᱟᱸ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱵᱟᱡᱟᱨ ᱨᱮᱭᱟᱝ ᱩᱥᱩᱞ ᱗᱖᱐ ᱢᱤᱴᱟᱨ(᱒,᱔᱙᱕ ᱯᱷᱩᱴ)। ᱩᱱᱡᱚᱦᱚᱜᱟᱜ ᱢᱚᱸᱰᱤ ᱟᱨ ᱥᱩᱠᱮᱛ ᱯᱚᱱᱚᱛ ᱵᱷᱤᱛᱤᱨ ᱠᱷᱚᱱ,ᱢᱚᱸᱰᱤ ᱧᱩᱛᱩᱢ ᱫᱚ'ᱢᱚᱸᱰᱤ' ᱥᱮ 'ᱵᱟᱡᱟᱨ'ᱠᱟᱱᱟ,ᱪᱮᱫᱟᱜ ᱵᱟᱝ ᱢᱟ ᱱᱚᱶᱟ ᱫᱚ ᱯᱚᱧᱡᱟᱵᱽ ᱨᱮᱱᱟᱜ ᱞᱚᱫᱟᱠᱷ ᱠᱷᱚᱱ ᱦᱳᱥᱤᱭᱟᱯᱩᱨ ᱟᱨ ᱮᱴᱟᱜ ᱴᱚᱴᱷᱟ ᱠᱚ ᱵᱟᱹᱱᱤᱡ ᱵᱮᱯᱟᱨ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱦᱚᱨ ᱛᱟᱦᱮᱸ ᱠᱟᱱᱟ।


ᱱᱚᱸᱰᱮ,ᱭᱳᱨ ᱡᱩᱜᱽ ᱨᱮ, ᱯᱚᱸᱰᱤᱛ ᱨᱩᱥᱤ,ᱢᱚᱸᱰᱚᱵᱽᱭᱟ ᱫᱚ ᱟᱹᱰᱤ ᱫᱤᱱ ᱡᱤᱣᱤ ᱟᱞᱟᱭ ᱠᱟᱛᱮ ᱛᱩᱯᱤᱥ ᱞᱮᱫᱟᱭ ᱟᱨ ᱱᱤᱛᱟᱜ ᱢᱚᱸᱰᱤ ᱵᱟᱡᱟᱨ ᱥᱩᱨ ᱵᱭᱟᱥ ᱱᱟᱹᱭ ᱫᱷᱟᱨᱮ ᱨᱮ ᱟᱡᱟᱜ ᱦᱚᱲᱢᱚ ᱛᱮ ᱟᱹᱰᱤ ᱡᱩᱨ ᱮ ᱛᱩᱯᱤᱥ ᱞᱮᱫᱼᱟ।ᱱᱚᱶᱟ ᱠᱟᱹᱷᱱᱤ ᱵᱤᱨ ᱵᱩᱨᱩ ᱛᱮ ᱮᱥᱮᱫ ᱟᱠᱟᱱ ᱱᱚᱶᱟ ᱢᱚᱱᱫᱤᱨ,ᱵᱟᱡᱟᱨ ᱨᱮᱭᱟᱜ ᱨᱩᱯᱨᱚᱝ ᱫᱚ ᱢᱟᱨᱮᱭᱟ ᱢᱮᱱᱛᱮ ᱭᱮ ᱩᱫᱩᱜ ᱮᱫᱟ, ᱡᱟᱦᱟᱸ ᱫᱚ ᱱᱚᱸᱰᱮ ᱥᱤᱫᱷᱚ ᱟᱠᱟᱱ ᱡᱷᱟᱺᱭ ᱫᱟᱨᱮ ᱨᱮ ᱧᱮᱞᱚᱜᱼᱟ।ᱢᱚᱸᱰᱤ ᱟᱨ ᱥᱩᱸᱫᱚᱨᱱᱚᱜᱚᱨ ᱛᱟᱞᱟᱨᱮ ᱢᱤᱫ ᱢᱟᱨᱟᱝ ᱯᱩᱲᱤᱭᱟᱹ ᱢᱮᱱᱟᱜᱼᱟ,ᱡᱟᱦᱟᱸ ᱨᱮ ᱟᱱᱟᱡ ᱵᱟᱲᱜᱮ ᱟᱨ ᱵᱟᱜᱟᱱ ᱠᱚ ᱢᱮᱱᱟᱜᱼᱟ।ᱱᱚᱶᱟ ᱢᱚᱱᱫᱤᱨ ᱤᱫᱤ ᱠᱟᱛᱮ ᱵᱟᱰᱟᱭᱚᱜᱼᱟ ᱪᱮ,ᱢᱚᱸᱰᱤ ᱛᱟᱨᱱᱟ ᱵᱩᱨᱩᱨᱮ ᱵᱷᱩᱴᱱᱟᱛᱷ,ᱛᱨᱤᱞᱳᱠᱤᱱᱟᱛᱷ,ᱯᱚᱧᱪᱚᱵᱚᱠᱛᱨᱚ ᱟᱨ ᱥᱭᱟᱢᱳᱞᱤ ᱛᱟᱞᱟ ᱨᱮ ᱢᱤᱫ ᱢᱟᱨᱟᱝ ᱥᱤᱠᱚᱨ,ᱵᱟᱝ ᱥᱤᱠᱷᱚᱨ ᱥᱟᱞᱟᱜ ᱠᱷᱚᱫᱚᱱ ᱢᱩᱴᱷᱟᱹᱱ ᱫᱷᱤᱨᱤ ᱞᱟᱹᱜᱤᱫ ᱢᱤᱫ ᱞᱮᱠᱟᱱ ᱚᱲᱟᱜ ᱠᱟᱱᱟ।ᱚᱱᱟ ᱥᱟᱶᱛᱮ ᱵᱩᱨᱩ ᱪᱮᱛᱟᱱ ᱨᱮ ᱢᱤᱫ ᱱᱟᱶᱟ ᱢᱩᱱᱫᱤᱨ ᱢᱮᱱᱟᱜᱼᱟ,ᱡᱟᱦᱟᱸ ᱨᱮ ᱜᱚᱥᱟᱸᱭ ᱮᱨᱟ ᱛᱟᱨᱱᱟ ᱵᱚᱸᱜᱟ ᱢᱮᱱᱟᱭᱟ, ᱡᱟᱦᱟᱸ ᱜᱷᱟᱹᱴᱤ ᱧᱮᱞᱚᱜᱼᱟ,ᱚᱸᱰᱮ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱢᱚᱱ ᱞᱚᱵᱷᱟᱣ ᱯᱚᱨᱮᱛ ᱧᱮᱞᱧᱟᱢᱚᱜᱼᱟ। ᱢᱚᱸᱰᱤ ᱥᱩᱨ ᱨᱮ ᱵᱭᱟᱥ ᱜᱷᱟᱹᱴᱤ ᱟᱹᱰᱤ ᱢᱟᱨᱟᱝᱼᱟ,ᱟᱨ ᱩᱦᱚᱞ ᱟᱨ ᱨᱚᱬ ᱠᱷᱚᱰ ᱞᱮᱠᱟᱱ ᱟᱭᱢᱟ ᱜᱷᱟᱹᱴᱤ ᱠᱚ ᱧᱮᱞᱚᱜᱚᱜᱼᱟ। ᱢᱚᱸᱰᱤ ᱨᱮ ᱩᱱᱟᱹᱜ ᱠᱚᱲ ᱯᱟᱠᱚᱲ ᱫᱟᱨᱮ ᱢᱮᱱᱟᱜ ᱟᱫᱚ,ᱦᱤᱢᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱟᱭᱛᱟᱱ ᱨᱮᱭᱟᱜ ᱠᱟᱪᱷᱟ ᱠᱟᱹᱪᱷᱤ ᱥᱟᱭ ᱠᱚᱨᱟ ᱑᱕% ᱯᱮᱨᱮᱡ ᱫᱟᱨᱮ ᱧᱮᱞᱚᱜᱼᱟ।ᱢᱚᱸᱰᱤ ᱥᱤᱞᱤᱠ ᱥᱟᱹᱲᱤ ᱟᱹᱰᱤ ᱢᱟᱨᱟᱝ ᱛᱮ ᱧᱩᱛᱩᱢ ᱮ ᱟᱨᱡᱟᱣ ᱟᱠᱟᱫᱼᱟ। ᱫᱨᱚᱸᱜ ᱟᱨ ᱜᱩᱢᱟ ᱨᱮ ᱥᱮᱸᱫᱷᱟ ᱵᱩᱞᱩᱝ ᱠᱷᱚᱫᱟᱱ ᱠᱷᱟᱹᱛᱤᱨ ᱦᱚᱱᱚᱛ ᱫᱚ ᱠᱟᱹᱣᱰᱤ ᱟᱨᱡᱟᱣ ᱨᱮ ᱟᱭᱢᱟ ᱮᱱᱮᱢ ᱢᱮᱱᱟᱜ ᱛᱟᱭᱟ।ᱨᱟᱸᱠ ᱵᱩᱞᱩᱝ ᱟᱨ ᱪᱩᱱ ᱫᱷᱤᱨᱤ ᱡᱟᱹᱥᱛᱤ ᱢᱮᱱᱟᱜ ᱠᱷᱟᱹᱛᱤᱨ,ᱢᱳᱜᱱᱮᱴᱟᱭᱤᱴ ᱠᱩᱭᱞᱟᱹ ᱟᱨ ᱪᱩᱱ ᱦᱟᱥᱟ ᱠᱤᱱᱟᱜ ᱢᱮᱱᱟᱜ ᱟᱸᱥᱛᱮ ᱠᱷᱚᱡ ᱯᱟᱸᱡ ᱪᱟᱹᱞᱩ ᱟᱠᱟᱱᱟ।


ᱠᱩᱞᱞᱩ,ᱢᱚᱱᱟᱞᱤ,ᱞᱟᱦᱳᱞ,ᱫᱷᱚᱨᱢᱚᱥᱟᱞᱟ,ᱠᱟᱸᱜᱨᱟ ᱮᱢᱟᱱ ᱠᱚᱫᱚ ᱧᱮᱞ ᱡᱚᱝ ᱦᱚᱲ ᱠᱚᱣᱟᱜ ᱢᱤᱫ ᱟᱭᱛᱟᱱ ᱠᱟᱱᱟ,ᱱᱚᱶᱟᱠᱚ ᱯᱟᱴᱷᱟᱱᱠᱳᱴ ᱠᱷᱚᱱ(᱒᱑᱕ ᱠᱤ.ᱢᱤ.ᱥᱮ ᱑᱓᱒ ᱢᱟᱭᱤᱞ), ᱪᱚᱸᱰᱤᱜᱚᱰ ᱠᱷᱚᱱ(᱒᱐᱒ ᱠᱤ.ᱢᱤ.ᱥᱮ ᱑᱒᱕ᱢᱟᱭᱤᱞ)ᱟᱨ ᱥᱤᱢᱞᱟ ᱠᱷᱚᱱ(᱑᱕᱘ ᱠᱤ.ᱢᱤ ᱥᱮ ᱙᱘ ᱢᱟᱭᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜ ᱟᱠᱟᱫᱼᱟ।ᱥᱚᱲᱚᱠ ᱨᱮᱭᱟᱜ ᱵᱟᱱᱟᱨ ᱫᱷᱟᱨᱮ ᱫᱷᱟᱨᱮ ᱛᱮ ᱓᱐᱐ ᱢᱤᱴᱟᱨ(᱑,᱐᱐᱐ ᱯᱷᱩᱴ) ᱠᱷᱚᱱ ᱦᱚᱸ ᱩᱥᱩᱞ ᱵᱩᱨᱩ ᱫᱷᱤᱨᱤ ᱪᱟᱹᱴᱟᱹᱱᱤ ᱠᱚ ᱢᱮᱱᱟᱜᱼᱟ।

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ