ᱢᱟᱞᱫᱟ ᱵᱟᱡᱟᱨ
ᱢᱟᱞᱫᱟ ᱵᱟᱡᱟᱨ ᱫᱚ ᱥᱤᱨᱡᱚᱱ ᱨᱮᱱᱟᱜ ᱱᱟᱱᱟᱦᱩᱱᱟᱹᱨ ᱛᱮ ᱯᱮᱨᱮᱡ ᱟᱠᱟᱱ ᱯᱩᱪᱷᱤᱢ ᱵᱮᱝᱜᱚᱞ ᱨᱮᱱᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱢᱟᱞᱫᱟ ᱦᱚᱱᱚᱛ ᱨᱮᱱᱟᱜ ᱢᱩᱠᱷᱤᱭᱟᱹᱥᱟᱲᱟ ᱠᱟᱱᱟ ᱾ ᱱᱚᱣᱟ ᱫᱚ ᱤᱝᱞᱤᱥ ᱵᱟᱡᱟᱨ ᱧᱩᱛᱩᱢ ᱛᱮᱦᱚᱸ ᱟᱹᱰᱤ ᱵᱷᱟᱹᱜᱤ ᱞᱮᱠᱟ ᱩᱯᱨᱩᱢ ᱢᱮᱱᱟᱜ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱱᱚᱰᱮ ᱜᱟᱡᱟᱲ ᱵᱤᱨ ᱟᱨ ᱱᱟᱹᱭ ᱜᱟᱰᱟ ᱠᱚ ᱨᱮᱱᱟᱜ ᱪᱚᱨᱚᱠ ᱪᱮᱦᱨᱟ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱢᱟᱞᱫᱟ ᱨᱮᱱᱟᱜ ᱵᱤᱨ ᱟᱨ ᱱᱟᱹᱭ ᱱᱟᱞᱟ ᱠᱚ ᱨᱮᱱᱟᱜ ᱢᱚᱱ ᱢᱩᱦᱤᱛ ᱧᱮᱢᱮᱞ ᱧᱮᱞ ᱡᱚᱝ ᱟᱹᱰᱤ ᱡᱩᱨ ᱠᱚ ᱠᱩᱥᱤᱭᱟᱜ-ᱟ ᱾ ᱪᱮᱫᱟᱜ ᱥᱮ ᱵᱤᱨ ᱨᱮ ᱫᱟᱬᱟᱱ ᱚᱠᱛᱚ ᱨᱮ ᱩᱱᱠᱩ ᱫᱚ ᱟᱹᱤ ᱞᱮᱠᱟᱱ ᱢᱚᱱ ᱢᱩᱦᱤᱛ ᱟᱱ ᱫᱟᱨᱮ ᱱᱟᱹᱧᱤ ᱟᱨ ᱵᱤᱨ ᱡᱟᱱᱣᱟ ᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱱᱚᱣᱟ ᱵᱤᱨ ᱨᱮᱫᱚ ᱱᱤᱢ, ᱡᱚᱡᱚ, ᱦᱮᱸᱥᱟᱜ, ᱩᱞ, ᱟᱨ ᱢᱟᱫ ᱞᱟᱴᱟ ᱵᱩᱫᱟᱹ ᱟᱹᱰᱤ ᱵᱟᱹᱲᱛᱤ ᱧᱮᱞ ᱧᱟᱢᱚᱜ-ᱟ ᱾ ᱵᱤᱨ ᱞᱮᱠᱟ ᱜᱮ ᱱᱟᱹᱭ ᱨᱮᱱᱟᱜ ᱡᱷᱟᱞᱠᱟᱣᱜ ᱠᱟᱱ ᱥᱚᱨᱮᱥ ᱨᱩᱯ ᱨᱚᱝ ᱦᱚᱸ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱧᱮᱞ ᱡᱚᱝ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱣᱟ ᱱᱟᱹᱭ ᱨᱮᱫᱚ ᱟᱹᱰᱤ ᱞᱮᱠᱟᱱ ᱦᱟᱹᱠᱩ ᱦᱚᱸᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱱᱩᱠᱩ ᱦᱟᱹᱠᱩ ᱵᱷᱤᱛᱨᱤ ᱠᱷᱚᱱ ᱨᱩᱦᱤ, ᱵᱚᱣᱟᱲ, ᱢᱟᱹᱜᱽᱨᱤ, ᱥᱚᱞᱮ, ᱤᱞᱥᱤ, ᱯᱚᱴᱷᱟ, ᱟᱨ ᱟᱹᱰᱤ ᱠᱟᱴᱠᱚᱢ ᱠᱚ ᱦᱚᱸ ᱟᱹᱰᱤ ᱜᱮ ᱠᱚ ᱧᱩᱛᱩᱢ ᱟᱱᱟ ᱧᱮᱞ ᱡᱚᱝ ᱞᱟᱹᱜᱤᱫ ᱫᱚ ᱾
| ᱢᱟᱞᱫᱟ ᱤᱝᱞᱤᱥ ᱵᱟᱡᱟᱨ | |
|---|---|
| ᱢᱟᱨᱟᱝ ᱵᱟᱡᱟᱨ / Urban Agglomeration | |
 Malda City Skyline view | |
| ᱮᱴᱟᱜ ᱧᱩᱛᱩᱢ: Mango City | |
  ᱢᱟᱞᱫᱟ  ᱢᱟᱞᱫᱟ  ᱢᱟᱞᱫᱟ | |
| Coordinates: 25°00′43″N 88°08′36″E / 25.0119°N 88.1433°ECoordinates: 25°00′43″N 88°08′36″E / 25.0119°N 88.1433°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱯᱩᱪᱷᱤᱢ ᱵᱮᱝᱜᱚᱞ |
| ᱦᱚᱱᱚᱛ | ᱢᱟᱞᱫᱟ |
| ᱠᱷᱚᱸᱰ_ | ᱢᱟᱞᱫᱟ |
| ᱨᱮᱞ ᱥᱴᱳᱥᱚᱱ | ᱢᱟᱞᱫᱟ ᱵᱟᱡᱟᱨ ᱨᱮᱞ ᱥᱴᱮᱥᱮᱱ |
| No. of ᱣᱟᱰᱥ | 49 |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞᱴᱤ |
| • ᱪᱟᱪᱞᱟᱣ | ᱤᱝᱞᱤᱥ ᱵᱟᱡᱟᱨ ᱢᱩᱱᱥᱤᱯᱟᱞᱴᱤ, ᱢᱟᱨᱮ ᱢᱞᱫᱟ ᱢᱩᱱᱥᱤᱯᱟᱞᱴᱤ |
| • ᱪᱮᱭᱟᱨᱢᱮᱱ | ᱱᱤᱦᱟᱨ ᱨᱚᱧᱡᱚᱱ ᱜᱷᱚᱥ |
| • ᱪᱮᱭᱟᱨᱢᱮᱱ | ᱠᱟᱨᱛᱤᱠ ᱜᱷᱳᱥ |
| ᱮᱨᱤᱭᱟ | |
| • ᱢᱟᱨᱟᱝ ᱵᱟᱡᱟᱨ / Urban Agglomeration | 81 ᱠᱤᱢᱤ২ (31 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 17 ᱢᱤᱴᱚᱨ (56 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱢᱟᱨᱟᱝ ᱵᱟᱡᱟᱨ / Urban Agglomeration | ᱓᱒᱔,᱒᱓᱗ |
| • ᱫᱷᱟᱹᱲ ᱮᱞ | 5th in ᱯᱩᱪᱷᱤᱢ ᱵᱮᱝᱜᱚᱞ |
| • ᱰᱮᱱᱥᱤᱴᱤ | 4000/ᱠᱤᱢᱤ2 (10000/ᱜᱟᱺᱴ ᱢᱟᱹᱭᱤᱞ) |
| • ᱢᱟᱦᱟᱱᱟᱜᱟᱨ | ᱒᱑᱖,᱐᱘᱓ |
| Demonym(s) | Maldabasi |
| ᱯᱟᱹᱨᱥᱤ | |
| • ᱟᱹᱢᱟᱹᱞᱤᱭᱟᱹ | ᱵᱮᱝᱜᱚᱞᱤ[᱑][᱒] |
| • Additional official | ᱤᱝᱞᱤᱥ |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 732101, 732102, 732103, 732141, 732142, 732128 |
| Telephone code | 91-3512-2xxxxx |
| ᱜᱟᱹᱰᱤ ᱨᱤᱡᱤᱥᱴᱨᱤ | WB-65/WB-66 |
| Lok Sabha constituency | Maldaha Dakshin |
| Vidhan Sabha constituency | English Bazar |
| River | Mahananda River |
| ᱣᱮᱵᱽᱥᱟᱭᱤᱴ | www |
ᱢᱩᱠᱷᱤᱭᱟᱹ ᱢᱩᱦᱤᱛ ᱥᱟᱯᱲᱟᱣ
ᱨᱟᱢᱠᱮᱞᱟ ᱥᱟᱯᱲᱟᱣ
ᱢᱟᱞᱫᱟ ᱠᱷᱚᱱ ᱑᱙ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱤᱫ ᱦᱩᱰᱤᱧ ᱥᱟᱺᱦᱤᱡ ᱟᱹᱛᱩ ᱨᱟᱢᱠᱮᱞᱟ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱵᱮᱝᱜᱚᱨ ᱨᱮᱱᱤᱡ ᱢᱟᱦᱟᱱ ᱫᱷᱚᱨᱚᱢ ᱥᱩᱫᱷᱟᱹᱨᱤᱭᱟᱹ ᱢᱟᱱᱚᱛᱟᱱ ᱪᱚᱭᱛᱚᱱᱭᱚ ᱞᱟᱹᱜᱤᱫ ᱟᱹᱰᱤ ᱜᱮ ᱧᱩᱛᱩᱢ ᱢᱮᱱᱟᱜ-ᱟ ᱾ ᱩᱱᱤ ᱛᱤᱱ ᱡᱚᱦᱚᱜ ᱵᱽᱨᱩᱱᱫᱟᱵᱚᱱ ᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱩᱱ ᱡᱚᱦᱚᱜ ᱱᱚᱣᱟ ᱟᱹᱛᱩ ᱨᱮᱭ ᱡᱤᱨᱟᱹᱣ ᱞᱮᱱ ᱛᱟᱦᱮᱸᱫ ᱾ ᱱᱚᱰᱮ ᱫᱚ ᱛᱚᱢᱚᱞ ᱟᱨ ᱠᱟᱫᱟᱢ ᱫᱟᱨᱮ ᱨᱮᱱᱟᱜ ᱦᱟᱦᱟᱲᱟᱱ ᱢᱤᱞᱚᱱ ᱧᱮᱞ ᱧᱟᱢᱚᱜ-ᱟ ᱾ ᱠᱟᱛᱷᱟᱨᱮ ᱢᱮᱱᱟᱜ-ᱟ ᱫᱚ ᱢᱟᱹᱱ ᱪᱚᱭᱛᱚᱱᱭᱚ ᱫᱚ ᱱᱚᱣᱟ ᱫᱟᱨᱮ ᱞᱟᱛᱟᱨ ᱨᱮᱭ ᱛᱩᱯᱤᱥᱟ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟ ᱫᱟᱨᱮ ᱯᱷᱮᱰᱟᱛ ᱨᱮᱫᱚ ᱢᱤᱫ ᱫᱷᱤᱨᱤ ᱦᱚᱸ ᱢᱮᱱᱟᱜ-ᱟ ᱡᱟᱦᱟᱸ ᱨᱮᱫᱚ ᱟᱡᱟᱜ ᱡᱟᱸᱜᱟ ᱪᱤᱱᱦᱟᱹ ᱦᱚᱸ ᱧᱮᱞ ᱡᱚᱝ ᱨᱮ ᱧᱟᱢᱚᱜ-ᱟ ᱾ ᱱᱚᱰᱮ ᱫᱚ ᱢᱤᱫ ᱢᱩᱫᱽᱨᱤ ᱦᱚᱸ ᱵᱮᱱᱟᱣ ᱦᱩᱭ ᱟᱠᱟᱱᱟ ᱡᱟᱦᱟᱸ ᱫᱚ ᱢᱟᱱᱚᱛᱟᱱ ᱪᱚᱭᱛᱚᱱᱭᱚ ᱧᱩᱛᱩᱢ ᱨᱮ ᱟᱞᱟᱭ ᱟᱨᱵᱟᱝ ᱫᱟᱱ ᱟᱠᱟᱱᱟ ᱾ ᱢᱩᱫᱽᱨᱤ ᱥᱩᱨ ᱨᱮᱫᱚ ᱤᱨᱟᱹᱞ ᱠᱩᱸᱰ ᱦᱚᱸ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱟᱹᱰᱤ ᱜᱮ ᱢᱩᱦᱤᱛ ᱟᱱᱟᱜ-ᱟ ᱾ ᱱᱚᱣᱟ ᱤᱨᱟᱹᱞ ᱠᱩᱸᱰ ᱠᱚ ᱨᱮᱱᱟᱜ ᱧᱩᱛᱩᱢ ᱠᱚᱫᱚ ᱨᱩᱯᱥᱟᱜᱚᱨ, ᱥᱭᱟᱢᱠᱩᱸᱰ, ᱨᱟᱫᱷᱟᱠᱩᱸᱰ, ᱞᱚᱞᱤᱛᱠᱩᱸᱰ, ᱵᱤᱥᱟᱠᱷᱟᱠᱩᱸᱰ, ᱥᱩᱨᱵᱷᱤᱠᱩᱸᱰ, ᱨᱚᱸᱡᱟᱠᱩᱸᱰ, ᱟᱨ ᱤᱸᱫᱩᱞᱮᱠᱷᱟᱠᱩᱸᱰ ᱾ ᱡᱮᱥᱴ ᱥᱚᱝᱠᱨᱟᱱᱛᱤ ᱦᱤᱞᱚᱜ ᱫᱚ ᱢᱟᱹᱱ ᱪᱚᱭᱛᱚᱱᱭᱚ ᱩᱭᱦᱟᱹᱨ ᱮ ᱞᱟᱹᱜᱤᱫ ᱛᱮ ᱱᱚᱰᱮ ᱫᱚ ᱢᱤᱫ ᱦᱟᱴ ᱞᱮᱠᱟ ᱟᱹᱰᱤ ᱜᱮ ᱦᱟᱦᱟᱲᱟᱱ ᱯᱟᱛᱟ ᱦᱚᱸ ᱥᱟᱯᱲᱟᱣ ᱦᱩᱭᱩᱜ-ᱟ ᱾ ᱱᱚᱣᱟ ᱯᱟᱛᱟ ᱨᱮᱫᱚ ᱥᱩᱨ ᱥᱩᱯᱩᱨ ᱨᱤᱱ ᱵᱟᱥᱟ ᱵᱚᱥᱠᱚᱫᱤᱭᱟᱹ ᱠᱚ ᱟᱨ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱡᱤ ᱨᱟᱹᱥᱠᱟᱹ ᱨᱚᱢᱚᱡᱽ ᱥᱟᱛᱞᱟᱜ ᱥᱮᱞᱮ ᱫᱚᱜ ᱨᱮᱱᱟᱜ ᱫᱟᱣ ᱠᱚ ᱦᱟᱛᱟᱣᱟ ᱾
ᱦᱮᱡᱥᱮᱱ ᱥᱟᱯᱲᱟᱣ
ᱦᱚᱭ ᱦᱚᱨ ᱥᱟᱯᱲᱟᱣ
ᱥᱟᱸᱜᱷᱟᱨᱤᱭᱟᱹ ᱠᱚᱣᱟᱜ ᱥᱩᱵᱤᱫᱷᱟ ᱞᱟᱹᱜᱤᱫ ᱠᱚᱞᱠᱟᱛᱟ ᱨᱮ ᱩᱰᱟᱹᱱ ᱟᱰᱟ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾ ᱩᱰᱟᱹᱱ ᱟᱰᱟ ᱠᱷᱚᱱ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱵᱚᱥ ᱟᱨ ᱴᱮᱠᱥᱤ ᱦᱚᱛᱮᱛᱮ ᱟᱹᱰᱤ ᱟᱞᱜᱟ ᱛᱮ ᱢᱟᱞᱫᱟ ᱫᱷᱟᱹᱵᱤᱡ ᱠᱚ ᱥᱮᱴᱮᱨ ᱫᱟᱲᱮᱭᱟᱜ-ᱟ ᱾
ᱨᱮᱞ ᱦᱚᱨ ᱥᱟᱯᱲᱟᱣ
ᱢᱟᱞᱫᱟ ᱫᱚ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱜᱟᱱ ᱴᱚᱴᱷᱟ ᱠᱷᱚᱱ ᱨᱮᱞ ᱦᱚᱨ ᱦᱚᱛᱮᱛᱮ ᱟᱹᱰᱤ ᱱᱟᱯᱟᱭ ᱥᱟᱺᱦᱤᱡ ᱡᱩᱲᱟᱹᱭ ᱢᱮᱱᱟᱜ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱠᱚᱞᱠᱟᱛᱟ ᱠᱷᱚᱱ ᱡᱚᱱᱥᱚᱛᱟᱵᱽᱫᱤ ᱮᱠᱥᱯᱨᱮᱥ ᱦᱚᱛᱮᱛᱮ, ᱫᱤᱞᱞᱤ ᱠᱷᱚᱱ ᱵᱽᱨᱚᱦᱢᱚᱯᱩᱛᱨᱚ ᱢᱮᱞ ᱦᱚᱛᱮᱛᱮ ᱟᱨ ᱵᱚᱢᱵᱮ ᱠᱷᱚᱱ ᱫᱚ ᱫᱟᱫᱚᱨ-ᱜᱩᱣᱟᱦᱟᱴᱤ ᱮᱠᱥᱯᱨᱮᱥ ᱦᱚᱛᱮᱛᱮ ᱟᱹᱰᱤ ᱟᱞᱜᱟ ᱛᱮ ᱢᱟᱞᱫᱟ ᱫᱷᱟᱹᱵᱤᱡ ᱥᱮᱴᱮᱨ ᱜᱟᱱ ᱫᱟᱲᱮᱭᱟᱜ-ᱟ ᱾
ᱥᱚᱲᱚᱠ ᱦᱚᱨ ᱥᱟᱯᱲᱟᱣ
ᱯᱩᱪᱷᱤᱢ ᱵᱮᱸᱜᱚᱞ ᱨᱮ ᱢᱮᱱᱟᱜ ᱢᱟᱞᱫᱟ ᱥᱮᱴᱮᱨᱚᱜ ᱞᱟᱹᱜᱤᱫ ᱛᱮ ᱥᱚᱲᱚᱠ ᱦᱚᱨ ᱦᱚᱸ ᱟᱹᱡᱤ ᱜᱮ ᱱᱟᱯᱟᱭ ᱛᱚᱦᱚᱨ ᱠᱟᱱᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱦᱚᱨ ᱓᱔ ᱠᱷᱚᱱ ᱫᱚ ᱵᱚᱥ ᱟᱨ ᱴᱮᱠᱥᱤ ᱦᱚᱛᱮᱛᱮ ᱟᱹᱰᱤ ᱟᱞᱜᱟ ᱛᱮ ᱢᱟᱞᱫᱟ ᱥᱮᱴᱮᱨ ᱜᱟᱱᱚᱜ-ᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Fact and Figures". www.wb.gov.in. Retrieved 15 January 2019.
- ↑ "52nd REPORT OF THE COMMISSIONER FOR LINGUISTIC MINORITIES IN INDIA" (PDF). nclm.nic.in. Ministry of Minority Affairs. p. 85. Archived from the original (PDF) on 25 May 2017. Retrieved 15 January 2019.