ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
ᱢᱟᱞᱮᱥᱤᱭᱟ ᱨᱮᱱᱟᱜ ᱪᱤᱨ

ᱢᱟᱞᱮᱥᱤᱭᱟ ᱫᱚ ᱮᱥᱤᱭᱟ ᱨᱮᱱᱟᱜ ᱠᱚᱧᱮᱼᱥᱟᱢᱟᱝ ᱫᱤᱥᱚᱢ ᱠᱟᱱᱟ, ᱡᱟᱦᱟᱸ ᱫᱚ ᱑᱓ ᱜᱚᱴᱟᱝ ᱯᱚᱱᱚᱛ ᱟᱨ ᱓ ᱜᱚᱴᱟᱝ ᱡᱩᱢᱤᱫᱽ ᱜᱟᱲ ᱛᱮ ᱵᱮᱱᱟᱣ ᱟᱠᱟᱱᱟ ᱾[᱑] ᱫᱤᱥᱚᱢ ᱫᱚ ᱠᱚᱧᱮ ᱪᱟᱭᱱᱟ ᱥᱟᱹᱢᱩᱸᱫᱽ ᱛᱮ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱡᱟᱦᱟᱸ ᱫᱚ ᱦᱩᱭᱩᱜ ᱠᱟᱱᱟ ᱢᱟᱞᱮᱥᱤᱭᱟ ᱯᱮᱱᱤᱥᱩᱞᱟ ᱟᱨ ᱥᱟᱢᱟᱝ ᱢᱟᱞᱮᱥᱤᱭᱟ ᱾ ᱱᱚᱱᱰᱮᱱᱟᱜ ᱨᱟᱡᱽᱜᱟᱲ ᱫᱚ ᱠᱩᱣᱟᱞᱟ ᱞᱩᱢᱯᱩᱨ, ᱢᱮᱱᱠᱷᱟᱱ ᱦᱟᱹᱞᱤ ᱜᱮ ᱥᱟᱥᱚᱱ ᱨᱮᱱᱟᱜ ᱥᱩᱵᱤᱫᱷᱟ ᱞᱟᱹᱜᱤᱫ ᱡᱩᱢᱤᱫᱽᱜᱟᱲ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱯᱩᱛᱨᱚᱡᱚᱭᱟ ᱛᱮ ᱠᱚ ᱩᱪᱟᱹᱲ ᱟᱠᱟᱫᱼᱟ ᱾ ᱢᱟᱞᱮᱥᱤᱭᱟ ᱥᱟᱶ ᱵᱷᱤᱲᱟᱹᱣ ᱟᱠᱟᱱᱟ ᱰᱤᱥᱚᱢ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ ᱛᱷᱟᱭᱞᱮᱸᱰ, ᱤᱱᱫᱳᱱᱮᱥᱤᱭᱟ ᱟᱨ ᱵᱨᱩᱱᱮᱭ ᱾ ᱱᱚᱶᱟ ᱨᱮᱱᱟᱜ ᱫᱚᱨᱭᱟ ᱵᱷᱤᱲᱟᱹᱣ ᱨᱮ ᱥᱤᱝᱜᱟᱯᱩᱨ, ᱵᱷᱤᱭᱮᱛᱱᱟᱢ ᱟᱨ ᱯᱷᱤᱞᱤᱯᱟᱭᱤᱱᱥ ᱢᱮᱱᱟᱜᱼᱟ ᱾ ᱢᱟᱞᱮᱥᱤᱭᱟ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱦᱩᱭᱩᱜ ᱠᱟᱱᱟ ᱓,᱒᱙,᱐᱘,᱘᱔᱕ ᱜᱟᱺᱴ ᱠᱤᱞᱚᱢᱤᱴᱚᱨ [᱒] ᱟᱨ ᱱᱚᱸᱰᱮ ᱒᱘ ᱜᱮᱢᱚᱲᱚᱭ (ᱢᱤᱞᱤᱭᱚᱱ) ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾

ᱱᱟᱜᱟᱢᱥᱟᱯᱲᱟᱣ

ᱢᱟᱞᱮᱥᱤᱭᱟ ᱫᱚ ᱪᱤᱱ ᱟᱨ ᱥᱤᱧᱚᱛ ᱛᱟᱞᱟ ᱨᱮ ᱟᱹᱰᱤ ᱥᱮᱫᱟᱭ ᱠᱷᱚᱱ ᱵᱮᱯᱟᱨ ᱨᱮᱱᱟᱜ ᱛᱟᱞᱢᱟ ᱛᱟᱦᱮᱸᱠᱟᱱᱟ ᱾ ᱡᱚᱠᱷᱚᱱ ᱤᱣᱨᱳᱯᱤᱭᱟᱹ ᱦᱚᱲ ᱱᱚᱸᱰᱮ ᱠᱚ ᱦᱮᱡ ᱮᱱᱟ, ᱩᱱᱡᱚᱠᱷᱟᱜ ᱢᱚᱠᱠᱟ ᱫᱚ ᱢᱤᱫ ᱞᱟᱹᱠᱴᱤᱭᱟᱱᱟᱜ ᱵᱮᱯᱟᱨ ᱜᱟᱲ ᱞᱮᱠᱟᱛᱮ ᱠᱚ ᱵᱮᱨᱮᱫ ᱠᱮᱫᱼᱟ ᱾ ᱢᱟᱞᱮᱥᱤᱭᱟ ᱨᱮᱱᱟᱜ ᱠᱞᱟᱞᱟᱱᱛᱟᱨ ᱨᱮ ᱵᱨᱤᱴᱤᱥ ᱥᱟᱢᱨᱟᱡᱽ ᱨᱮᱱᱟᱜ ᱢᱤᱫ ᱵᱮᱱᱮᱯᱟᱨ ᱵᱮᱱᱣᱮᱱᱟ ᱾ ᱱᱚᱶᱟ ᱨᱮᱱᱟᱜ ᱰᱷᱤᱯ ᱯᱟᱦᱴᱟ ᱓᱑ ᱚᱜᱚᱥᱴ ᱑᱙᱕᱗ ᱨᱮ ᱯᱷᱮᱰᱮᱨᱮᱥᱚᱱ ᱢᱟᱞᱟᱭᱟ ᱨᱩᱯ ᱛᱮ ᱵᱷᱮᱜᱟᱨ ᱞᱮᱱᱟ ᱾ ᱑᱙᱖᱓ ᱨᱮ ᱢᱟᱞᱟᱭᱟ, ᱥᱤᱝᱜᱟᱯᱩᱨ ᱟᱨ ᱵᱩᱨᱱᱮᱭ ᱦᱟᱹᱴᱤᱧ ᱢᱮᱥᱟ ᱠᱟᱛᱮ ᱢᱟᱞᱮᱥᱤᱭᱟ ᱵᱮᱱᱟᱣᱮᱱᱟ ᱾ ᱑᱙᱖᱕ ᱨᱮ ᱥᱤᱝᱜᱟᱯᱩᱨ ᱵᱷᱮᱜᱟᱨ ᱠᱟᱛᱮ ᱟᱡᱟᱜ ᱵᱷᱮᱜᱟᱨ ᱫᱤᱥᱚᱢ ᱮ ᱵᱮᱱᱟᱣ ᱠᱮᱫᱼᱟ ᱾

ᱫᱷᱚᱨᱚᱢᱥᱟᱯᱲᱟᱣ

ᱢᱟᱞᱮᱥᱤᱭᱟ ᱫᱚ ᱢᱤᱫ ᱥᱟᱝᱜᱮ ᱫᱷᱚᱨᱚᱢ ᱥᱚᱢᱟᱡᱽ ᱫᱤᱥᱚᱢ ᱠᱟᱱᱟ ᱾ ᱱᱚᱸᱰᱮᱱᱟᱜ ᱧᱩᱢᱟᱱ ᱫᱷᱚᱨᱚᱢ ᱫᱚ ᱤᱥᱞᱟᱢ ᱠᱟᱱᱟ ᱾ ᱒᱐᱑᱐ ᱨᱮ ᱥᱚᱨᱠᱟᱨᱟᱜ ᱦᱚᱲᱞᱮᱠᱷᱟ ᱨᱮᱱᱟᱜ ᱦᱤᱥᱹᱵᱽ ᱞᱮᱠᱟᱛᱮ ᱢᱩᱥᱞᱤᱢ (᱖᱑ᱹ᱓%), ᱵᱚᱣᱫᱷ (᱑᱙ᱹ᱘%), ᱤᱥᱟᱭ (᱙ᱹ᱒%), ᱦᱤᱱᱫᱩ (᱖ᱹ᱓%) ᱟᱨ ᱠᱚᱱᱯᱭᱩᱥᱤᱵᱟᱫᱽ, ᱛᱟᱣ ᱫᱦᱚᱨᱚᱢ ᱟᱨ ᱮᱴᱟᱜ ᱪᱟᱭᱱᱟ ᱫᱷᱚᱨᱚᱢ (᱑ᱹ᱓%) ᱮᱢᱟᱱ ᱢᱮᱱᱟᱜ ᱠᱚᱣᱟ ᱾

ᱞᱟᱠᱪᱟᱨᱥᱟᱯᱲᱟᱣ

ᱢᱟᱞᱮᱥᱤᱭᱟ ᱫᱚ ᱢᱤᱫ ᱥᱟᱝᱜᱮ ᱡᱟᱹᱛᱤᱭᱟᱹ, ᱥᱟᱝᱜᱮ ᱞᱟᱠᱪᱟᱨ ᱟᱨ ᱥᱟᱝᱜᱮ ᱯᱟᱹᱨᱥᱤ ᱨᱮᱱᱟᱜ ᱢᱤᱫ ᱥᱟᱶᱛᱟ ᱠᱟᱱᱟ, ᱡᱟᱦᱟᱸ ᱨᱮ ᱢᱟᱞᱚᱭ ᱟᱨ ᱮᱴᱟᱜ ᱟᱹᱫᱤᱵᱟᱹᱥᱤ ᱖᱕%, ᱪᱟᱭᱱᱟ ᱦᱚᱲ ᱒᱕% ᱟᱨ ᱗% ᱥᱤᱧᱚᱛᱤᱭᱟᱹ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱾ ᱫᱤᱥᱚᱢ ᱨᱤᱱ ᱥᱟᱝᱜᱮ ᱮᱞᱮᱞ ᱞᱮᱠᱟᱛᱮ ᱵᱟᱹᱲᱛᱤᱜᱟᱱ ᱢᱟᱞᱚᱭ ᱦᱚᱲ ᱰᱚ ᱢᱩᱥᱞᱤᱢ ᱠᱟᱱᱟ ᱠᱚ, ᱪᱮᱫᱟᱜ ᱥᱮ ᱢᱟᱞᱮᱥᱤᱭᱟ ᱨᱮᱱᱟᱜ ᱠᱟᱹᱱᱩᱱ ᱞᱮᱠᱟᱛᱮ ᱢᱟᱞᱚᱭ ᱦᱩᱭᱩᱜ ᱞᱟᱹᱜᱤᱫ ᱢᱩᱥᱞᱤᱢ ᱫᱷᱚᱨᱚᱢ ᱦᱟᱛᱟᱣ ᱫᱚ ᱡᱟᱹᱨᱩᱲ ᱜᱮᱭᱟ ᱾ ᱢᱟᱞᱚᱭ ᱨᱟᱡᱽᱟᱹᱨᱤ ᱛᱷᱚᱠ ᱨᱮ ᱢᱟᱨᱟᱝ ᱡᱩᱲᱩ ᱠᱚ ᱧᱟᱢᱟ ᱟᱨ ᱚᱸᱰᱮᱱ ᱠᱚ ᱵᱩᱱᱤᱭᱟᱹᱫᱽ ᱢᱮᱱᱛᱮ ᱩᱯᱨᱩᱢ ᱠᱚ ᱧᱟᱢᱟ ᱾ ᱩᱱᱠᱩᱣᱟᱜ ᱢᱩᱬ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱢᱟᱞᱚᱭ (Bahasa Melayu) ᱾

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. ᱚᱱᱚᱞ ᱑, ᱢᱟᱞᱮᱥᱤᱭᱟ ᱥᱚᱢᱵᱤᱫᱷᱟᱱ
  2. ᱫᱚ ᱣᱟᱞᱰ ᱯᱷᱮᱠᱴᱵᱩᱠ

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ