ᱢᱟᱢᱚᱱᱤ ᱨᱚᱭᱥᱚᱢ ᱜᱚᱥᱥᱟᱢᱤ

ᱢᱟᱢᱚᱤ ᱨᱚᱭᱥᱚᱢ ᱜᱚᱥᱥᱟᱢᱤ(ᱤᱝᱨᱟᱹᱡᱤ: Mamoni Raisom Goswami, ᱡᱱᱟᱢᱺ ᱑᱙᱔᱒-ᱜᱩᱨᱺ᱒᱐᱑᱑) ᱫᱚ ᱠᱟᱱᱟᱭ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱜᱽᱭᱟᱱᱯᱤᱴ ᱥᱤᱨᱯᱟᱹ ᱦᱟᱢᱮᱴ ᱥᱟᱶᱮᱛᱤᱭᱟᱹ। ᱩᱱᱤᱭᱟᱜ ᱟᱥᱚᱞ ᱧᱩᱛᱩᱢ ᱫᱚ ᱠᱟᱱᱟ ᱤᱱᱫᱽᱨᱟ ᱜᱚᱥᱥᱟᱢᱤ। ᱟᱥᱚᱠᱟᱭ ᱛᱮ ᱩᱱᱤ ᱫᱚ ᱢᱟᱢᱚᱱᱤ ᱪᱮᱪᱮᱫ ᱫᱟᱹᱭ ᱢᱮᱱᱛᱮ ᱱᱟᱢᱰᱟᱠ ᱜᱮᱭᱟᱭ। ᱩᱱᱤ ᱫᱚ ᱜᱚᱜᱚ ᱟᱲᱟᱝ ᱟᱥᱟᱢᱤᱥ ᱵᱮᱜᱚᱨ ᱦᱚᱸ ᱤᱝᱨᱟᱹᱡᱤ ᱛᱮ ᱦᱚᱸ ᱥᱟᱶᱦᱮᱫ-ᱮ ᱪᱚᱨᱪᱟ ᱞᱮᱫᱟ। ᱨᱟᱢᱟᱭᱚᱱ ᱥᱟᱶᱦᱮᱫ ᱨᱮ ᱢᱟᱫᱷᱚᱵᱽ ᱠᱚᱱᱫᱚᱞᱤ ᱭᱟᱜ ᱨᱟᱢᱟᱭᱚᱱ ᱨᱮ ᱠᱷᱚᱱᱫᱽᱨᱚᱝ ᱠᱟᱛᱮ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱦᱟᱢᱮᱴ ᱞᱮᱰᱟ| ᱫᱤᱞᱞᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱱᱟᱦᱟᱜ ᱥᱤᱧᱩᱛᱤᱭᱟᱹ ᱯᱟᱹᱨᱥᱤ ᱰᱤᱯᱟᱹᱴ ᱨᱮ ᱢᱟᱪᱮᱛᱟᱱᱤ ᱞᱮᱠᱟ ᱛᱮ ᱠᱟᱹᱢᱤ ᱠᱷᱚᱱᱮ ᱡᱤᱨᱟᱹᱣ ᱮᱱᱟ।

ᱢᱟᱢᱚᱤ ᱨᱚᱭᱥᱚᱢ ᱜᱚᱥᱥᱟᱢᱤ
ᱱᱚᱵᱷᱮᱢᱵᱚᱨ ᱒᱐᱐᱖ ᱨᱮ ᱜᱚᱥᱥᱟᱢᱤ
ᱡᱟᱱᱟᱢ	᱑᱔ ᱱᱚᱵᱷᱮᱢᱵᱚᱨ ᱑᱙᱔᱒(1942-11-14) ᱜᱩᱣᱟᱦᱟᱴᱤ, ᱥᱟᱢ, ᱥᱤᱧᱚᱛ
ᱜᱩᱨ	᱒᱙ ᱱᱚᱵᱷᱮᱢᱵᱚᱨ ᱒᱐᱑᱑ (᱖᱙ ᱵᱚᱭᱚᱥ)
ᱠᱟᱹᱢᱤ	ᱜᱟᱹᱠᱷᱩᱲ ᱜᱚᱢᱠᱮ, ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟᱹ, ᱥᱟᱱᱟᱥᱤᱭᱟᱹ, ᱠᱷᱮᱞᱚᱸᱰᱤᱭᱟᱹ
ᱡᱟᱹᱛᱤᱭᱟᱹᱛ	ᱥᱤᱧᱚᱛᱤᱭᱟᱹ
ᱡᱟᱹᱛ	ᱟᱥᱟᱢᱤᱥ
ᱥᱟᱶᱦᱮᱫ ᱮᱱᱮᱢ	ᱫᱟᱛᱟᱞ ᱦᱟᱛᱤᱨ ᱩᱭᱮ ᱛᱷᱚᱣᱟ ᱦᱟᱣᱫᱟ

ᱠᱟᱹᱦᱱᱤᱭᱟᱱ ᱞᱮᱠᱟ ᱛᱮ ᱥᱚᱫᱚᱨ ᱞᱮᱱ ᱜᱚᱥᱥᱟᱢᱤ ᱭᱟᱜ ᱧᱩᱢᱩᱜᱚᱜ ᱞᱮᱠ ᱜᱟᱢᱟᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟᱺ ᱚᱨᱤᱦᱚᱱ (অহিৰণ),ᱪᱮᱱᱵᱚᱨ ᱥᱨᱚᱛ(চেনাবৰ স্ৰোত), ᱱᱤᱞᱠᱚᱱᱴᱷᱚ ᱵᱚᱡᱽᱨᱚ (নীলকণ্ঠী ব্ৰজ), ᱢᱟᱢᱚᱨᱮ ᱫᱷᱳᱨᱟ ᱛᱟᱨᱣᱟᱞ (মামৰে ধৰা তৰোৱাল), ᱛᱮᱡᱽ ᱟᱨᱩ ᱫᱷᱩᱞᱤᱨ ᱫᱷᱩᱥᱨᱤᱛ ᱯᱨᱤᱥᱴᱟ (তেজ আৰু ধূলিৰে ধূসৰিত পৃষ্ঠা), ᱫᱟᱛᱟᱞ ᱦᱟᱛᱤᱨ ᱩᱭᱮ ᱛᱷᱚᱣᱟ ᱦᱟᱣᱫᱟ (দঁতাল হাতীৰ উঁয়ে খোৱা হাওদা), ᱟᱫᱷᱟ ᱞᱮᱠᱷᱟ ᱫᱳᱥᱛᱟ ᱵᱮᱡᱽ (আধা লেখা দস্তাবেজ),ᱥᱚᱝᱥᱠᱟᱨ ᱩᱫᱚᱭ ᱵᱷᱟᱱᱩᱨ ᱪᱚᱨᱤᱛᱨᱚ ᱮᱢᱟᱱ ᱛᱮᱭᱟᱜ ᱠᱚ। ᱩᱱᱤ ᱫᱚ ᱑᱙᱘᱒ ᱥᱮᱨᱢᱟ ᱨᱮ ᱥᱟᱶᱦᱮᱫ ᱟᱠᱟᱫᱳᱢᱤ ᱥᱤᱨᱯᱟᱹ ᱟᱨ ᱒᱐᱐᱐ ᱥᱮᱨᱢᱟ ᱨᱮ ᱥᱤᱧᱚᱛ ᱜᱽᱭᱟᱱ ᱯᱤᱴ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ। ᱩᱱᱤ ᱫᱚ ᱥᱤᱧᱳᱴ ᱨᱮ ᱯᱟᱹᱦᱤᱞ Principal Prince Claus Laureate ᱮ(᱒᱐᱐᱘) ᱛᱟᱦᱮᱸ ᱠᱟᱱᱟ।

ᱟᱥᱟᱢ ᱨᱮᱱ ᱱᱩᱭ ᱱᱟᱢᱰᱟᱠ ᱚᱱᱚᱞᱤᱭᱟᱹ ᱫᱚ ᱟᱥᱢ ᱯᱚᱱᱚᱛ ᱨᱮᱱ ᱞᱚᱞᱚ ᱦᱟᱛᱟᱝ ᱠᱚ ᱥᱟᱶ ᱥᱤᱧᱚᱛ ᱥᱚᱠᱟᱨ ᱛᱩᱞᱩᱡ ᱱᱤᱨᱟᱹᱭ ᱜᱟᱯᱟᱞ ᱢᱟᱨᱟᱣ ᱞᱟᱹᱜᱤᱫ-ᱮ ᱠᱩᱨᱩ ᱢᱩᱴᱩ ᱞᱮᱫᱟ।

ᱮᱛᱚᱦᱚᱵ ᱡᱤᱭᱚᱱ

᱑᱙᱔᱒ ᱥᱮᱨᱢᱟ ᱨᱮ ᱢᱟᱢᱚᱱᱤ ᱨᱚᱭᱥᱚᱢ ᱜᱚᱥᱥᱟᱢᱤ ᱭᱟᱜ ᱡᱟᱱᱟᱢ ᱫᱚ ᱜᱩᱣᱟᱦᱟᱴᱤ ᱨᱮ ᱦᱩᱭ ᱞᱮᱱᱟ। ᱡᱟᱱᱟᱢ ᱚᱠᱛᱮ ᱩᱱᱤ ᱭᱟᱜ ᱧᱩᱛᱩᱢ ᱫᱚ ᱛᱟᱸᱦᱮᱸ ᱠᱟᱱᱟ ᱤᱱᱫᱽᱨᱟ ᱜᱚᱥᱥᱟᱢᱤ। ᱟᱯᱟᱴᱮᱫ ᱟᱜ ᱧᱩᱛᱩᱭᱢ ᱫᱚ ᱛᱟᱸᱦᱮᱸ ᱠᱟᱱᱟ ᱩᱢᱟ ᱠᱟᱱᱛᱚ ᱜᱚᱥᱥᱢᱤ ᱟᱨ ᱮᱝᱜᱟᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱸᱦᱮᱸ ᱠᱟᱱᱟ ᱚᱢᱵᱤᱠᱟ ᱫᱮᱵᱤ। ᱩᱢᱟ ᱠᱟᱱᱛᱚ ᱜᱚᱥᱥᱟᱢᱤ ᱫᱚ ᱢᱤᱫ ᱚᱠᱛᱮ ᱡᱚᱴᱚᱱ ᱠᱚᱞᱮᱡᱽ ᱨᱮ ᱢᱟᱪᱮᱫ-ᱮ ᱛᱟᱸᱦᱮᱸ ᱠᱟᱱ ᱨᱮᱸ ᱦᱚᱸ ᱛᱟᱭᱚᱢ ᱫᱟᱨᱚᱢ ᱫᱚ ᱟᱥᱟᱢ ᱨᱮᱱ ᱯᱟᱹᱦᱤᱞ ᱥᱮᱪᱮᱫᱟᱹᱭᱫᱟᱹᱨᱤ ᱠᱚ ᱵᱟᱦᱟᱞ ᱞᱮᱫᱮᱭᱟ। ᱢᱟᱢᱚᱱᱤ ᱫᱚ ᱟᱡᱟᱜ ᱦᱩᱰᱤᱧ ᱚᱠᱛᱮ ᱟᱢᱨᱚᱝᱟ ᱥᱚᱛᱨᱚ ᱨᱮ ᱡᱤᱭᱚᱱᱮ ᱵᱤᱛᱟᱹᱣ ᱞᱮᱫᱟ। ᱩᱱᱤ ᱟᱡ ᱦᱚᱯᱚᱱ ᱵ ᱪᱚᱱᱫᱽᱨᱚ ᱠᱟᱱᱛᱚ ᱜᱚᱥᱥᱟᱢᱤ ᱫᱚ ᱥᱚᱛᱨᱚ ᱨᱮᱱ ᱥᱚᱛᱨᱟᱫᱷ᱾ᱠᱟᱨᱮ ᱛᱟᱦᱮᱸ ᱠᱟᱱᱟ।

ᱢᱩᱪᱟᱹᱫ ᱚᱠᱛᱮ

ᱢᱟᱢᱚᱱᱤ ᱨᱚᱭᱥᱚᱢ ᱜᱚᱥᱥᱟᱢᱤ ᱫᱚ "lung infection" ᱟᱨ ᱟᱭᱢᱟ ᱞᱮᱠᱟᱱ ᱟᱡᱟᱨ ᱨᱮ ᱡᱟᱹᱵᱽᱲᱤ ᱠᱟᱛᱮ ᱟᱢᱫᱟᱡᱽ ᱤᱨᱟᱹᱞ ᱪᱟᱱᱫᱚ ᱜᱟᱱ ᱵᱟᱹᱯᱩᱲᱤᱡ ᱚᱵᱚᱥᱛᱟ ᱨᱮᱭᱮ ᱛᱟᱱᱷᱮ ᱠᱟᱱᱟ। ᱚᱱᱟ ᱾ᱭᱟᱹᱛᱮ ᱩᱱᱤ ᱫᱚ ᱜᱩᱲᱜᱟᱶ ᱨᱮᱭᱟᱜ ᱢᱤᱫᱴᱮᱱ ᱦᱚᱥᱯᱤᱴᱟᱞ ᱨᱮ ᱨᱟᱜ-ᱨᱟᱱ ᱞᱟᱹᱜᱤᱫ ᱠᱚ ᱫᱚᱦᱚ ᱞᱮᱫᱮᱭᱟ। ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱜᱩᱣᱟᱦᱟᱴᱤ ᱨᱟᱜ-ᱨᱟᱱ ᱵᱤᱨᱫᱟᱹ ᱜᱟᱲ ᱛᱮ ᱠᱚ ᱯᱷᱮᱨᱟᱣ ᱞᱮᱫᱟᱮᱭᱟ। ᱒᱐᱑᱑ ᱥᱮᱨᱢᱟ ᱨᱮᱭᱟᱭ ᱱᱚᱤᱵᱷᱮᱢᱵᱚᱨ ᱪᱟᱱᱫᱚ ᱨᱮᱭᱟᱜ ᱒᱙ ᱛᱟᱨᱤᱠ ᱨᱮᱭᱟᱜ ᱗ ᱴᱟᱲᱟᱝ ᱔᱖ ᱴᱤᱲᱤᱡ ᱨᱮ ᱜᱚᱣᱟᱦᱟᱴᱤ ᱨᱟᱜ-ᱨᱟᱱ ᱵᱤᱨᱫᱟᱹ ᱜᱟᱲ ᱨᱮ ᱢᱩᱪᱟᱹᱫ ᱥᱶᱦᱮᱫ-ᱮ ᱦᱟᱛᱟᱣ ᱞᱮᱫᱟ ।