ᱢᱟᱨᱥᱟᱞ ᱛᱟᱵᱚᱱ
ᱫᱷᱚᱨᱚᱢ ᱯᱟᱛᱷᱟᱢ
ᱢᱟᱨᱥᱟᱞ ᱛᱟᱵᱚᱱ ᱫᱚ ᱑᱙᱔᱖ ᱥᱮᱨᱢᱟ ᱨᱮᱭᱟᱜ ᱡᱩᱱ ᱪᱟᱸᱫᱚ ᱠᱷᱚᱱ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱭᱟᱜ ᱫᱩᱫᱷᱟᱹᱱᱤ ᱠᱮᱛᱷᱚᱞᱤᱠ ᱪᱟᱨᱪ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱢᱤᱫ ᱫᱷᱚᱨᱚᱢ ᱯᱟᱛᱷᱟᱢ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱨᱮᱫᱚ ᱵᱟᱭᱵᱮᱞ ᱨᱮᱭᱟᱜ ᱫᱷᱚᱨᱚᱢ ᱠᱟᱛᱷᱟ ᱠᱚ ᱵᱤᱪᱷᱱᱟᱹᱣ ᱠᱟᱛᱮ ᱥᱟᱱᱛᱟᱲᱤ ᱛᱮ ᱪᱷᱟᱯᱟᱜ ᱠᱟᱱ ᱛᱟᱦᱮᱱᱟ᱾[᱑] ᱨᱚᱢᱟᱱ ᱪᱤᱠᱤ ᱟᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱱᱚᱣᱟ "ᱢᱟᱞᱥᱟᱨ ᱛᱟᱵᱚᱱ" ᱨᱮ ᱫᱷᱚᱨᱚᱢ ᱠᱟᱛᱷᱟ ᱠᱚ ᱪᱷᱟᱯᱟᱜ ᱠᱟᱱ ᱛᱟᱦᱮᱱ ᱨᱮᱦᱚᱸ ᱛᱟᱭᱚᱢ ᱛᱮᱫᱚ ᱱᱚᱣᱟ ᱨᱮ ᱚᱱᱚᱬᱦᱮᱸ, ᱠᱟᱹᱦᱱᱤ ᱟᱨ ᱥᱮᱨᱮᱧ ᱮᱢᱟᱱ ᱠᱚ ᱪᱷᱟᱯᱟᱜ ᱠᱟᱱ ᱛᱟᱦᱮᱸᱫ᱾[᱒]
| ᱥᱟᱼᱥᱟᱯᱲᱟᱣᱤᱡ |
|
|---|---|
| ᱛᱷᱚᱠ | ᱫᱷᱚᱨᱚᱢ ᱟᱨ ᱥᱟᱶᱦᱮᱫ |
| ᱯᱟᱨᱥᱟᱞ ᱚᱠᱛᱚ | ᱪᱟᱸᱫᱚᱠᱤᱭᱟᱹ |
| ᱛᱷᱟᱯᱚᱱᱤᱡ | ᱨᱮᱵᱷᱟᱨᱮᱱᱴ ᱡᱮ. ᱯᱚᱨᱴᱮᱞᱤ |
| ᱯᱩᱭᱞᱩ ᱩᱪᱷᱟᱹᱱ | ᱡᱩᱱ ᱑᱙᱔᱖ |
| ᱫᱤᱥᱚᱢ | ᱥᱤᱧᱚᱛ |
| ᱴᱷᱟᱶ | ᱫᱩᱫᱷᱟᱹᱱᱤ ᱠᱮᱛᱷᱚᱞᱤᱠ ᱪᱟᱨᱪ, ᱫᱩᱢᱠᱟᱹ, ᱡᱷᱟᱨᱠᱷᱚᱸᱰ |
| ᱯᱟᱹᱨᱥᱤ | ᱥᱟᱱᱛᱟᱲᱤ ᱯᱟᱹᱨᱥᱤ, ᱨᱚᱢᱟᱱ ᱪᱤᱠᱤ |
ᱡᱳᱥᱮᱯᱷ ᱥᱚᱨᱠᱟᱨ ᱥᱚᱨᱮᱱ ᱱᱚᱣᱟ ᱨᱮᱱ ᱥᱟᱯᱲᱟᱣᱤᱡ ᱮ ᱵᱚᱦᱟᱞᱮᱱ ᱛᱟᱭᱚᱱ ᱱᱚᱣᱟ ᱯᱟᱛᱷᱟᱢ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱨᱪᱟ ᱥᱮᱫ ᱮ ᱢᱚᱦᱰᱟ ᱞᱮᱱᱟ᱾ ᱱᱤᱛ ᱦᱚᱸ ᱱᱚᱣᱟ ᱯᱟᱛᱷᱟᱢ ᱫᱚ ᱯᱟᱨᱥᱟᱞᱚᱜ ᱠᱟᱱ ᱜᱮᱭᱟ᱾
ᱥᱟᱥᱟᱯᱲᱟᱣᱤᱡ ᱠᱚ
ᱥᱟᱯᱲᱟᱣ- ᱨᱮᱵᱷᱟᱨᱮᱱᱴ ᱡᱮ. ᱯᱚᱨᱴᱮᱞᱤ
- ᱡᱳᱥᱮᱯᱷ ᱥᱚᱨᱠᱟᱨ ᱥᱚᱨᱮᱱ (ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱭᱟᱜ ᱠᱟᱧᱪᱚᱱ ᱢᱟᱞᱟ ᱟᱹᱛᱩ ᱨᱮᱱ)
- ᱯᱷᱨᱟᱱᱥᱤᱥ ᱵᱟᱨᱱᱟᱰ ᱢᱩᱨᱢᱩ