ᱣᱤᱠᱤᱯᱤᱰᱤᱭᱟ

ᱡᱷᱟᱨᱠᱷᱚᱸᱰ

ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ

ᱡᱷᱟᱨᱠᱷᱚᱸᱰ Santali pronunciation: [c’ʰarkʰɔ̃ɖ] (listenⓘ)ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫ ᱯᱚᱱᱚᱛ ᱠᱟᱱᱟ ᱾ ᱨᱟᱺᱪᱤ ᱫᱚ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱤᱢᱟᱹ ᱫᱚ ᱠᱚᱧᱮ ᱨᱮ ᱵᱤᱦᱟᱨ, ᱠᱚᱧᱮ-ᱯᱟᱪᱮ ᱨᱮ ᱩᱛᱛᱚᱨ ᱯᱨᱚᱫᱮᱥ, ᱯᱟᱪᱮ ᱨᱮ ᱪᱷᱚᱛᱛᱤᱥᱜᱚᱲ, ᱮᱛᱚᱢ ᱨᱮ ᱳᱰᱤᱥᱟ ᱟᱨ ᱥᱟᱢᱟᱝ ᱨᱮ ᱫᱚ ᱯᱚᱪᱷᱤᱢ ᱵᱟᱝᱞᱟ ᱢᱮᱱᱟᱜᱼᱟ ᱾ ᱯᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱗᱙,᱗᱑᱖ ᱜᱟᱺᱴ ᱠᱤᱞᱚᱢᱤᱴᱚᱨ (᱓᱐,᱗᱗᱙ ᱜᱟᱺᱴ ᱢᱤᱞ) ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱚᱥᱟᱨ ᱵᱤᱥᱟᱹᱨ ᱞᱮᱠᱟᱛᱮ ᱑᱕ ᱟᱱᱟᱜ ᱟᱹᱰᱤ ᱢᱟᱨᱟᱝ ᱯᱚᱱᱚᱛ ᱟᱨ ᱦᱚᱲ ᱮᱞ ᱞᱮᱠᱟᱛᱮ ᱑᱔ ᱟᱱᱟᱜ ᱟᱹᱰᱤ ᱢᱟᱨᱟᱝ ᱯᱚᱱᱚᱛ ᱠᱟᱱᱟ ᱾ ᱵᱤᱦᱟᱨ ᱨᱮᱱᱟᱜ ᱮᱛᱚᱢ ᱴᱷᱟᱶ ᱠᱷᱚᱱ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱫᱚ ᱥᱤᱨᱡᱚᱱ ᱞᱮᱱᱟ ᱾ ᱱᱚᱰᱮᱱᱟᱜ ᱮᱴᱟᱜ ᱢᱟᱨᱟᱝ ᱱᱚᱜᱚᱨ ᱠᱚᱫᱚ ᱡᱟᱢᱥᱮᱫᱽᱯᱩᱨ, ᱫᱷᱟᱱᱵᱟᱫᱽ ᱟᱨ ᱵᱚᱠᱟᱨᱚ ᱠᱟᱱᱟ ᱾ ᱦᱤᱱᱫᱤ ᱟᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱵᱟᱹᱲᱛᱤ ᱠᱟᱛᱮ ᱠᱚ ᱨᱚᱲ ᱠᱟᱱᱟ ᱱᱚᱶᱟ ᱯᱚᱱᱚᱛ ᱨᱮ ᱾

ᱡᱷᱟᱨᱠᱷᱚᱸᱰ
ᱡᱟᱦᱮᱨᱠᱷᱚᱸᱰ
Jharkhand
ᱯᱚᱱᱚᱛ
From Top: ᱫᱚᱥᱚᱢ ᱡᱷᱟᱨᱱᱟ, ᱠᱚᱭᱞᱟ ᱠᱷᱟᱫᱟᱱ ᱫᱷᱟᱱᱵᱟᱫᱽ, ᱯᱟᱧᱪᱮᱛ ᱰᱮᱢ, ᱵᱮᱭᱫᱽᱭᱚᱱᱟᱛᱷ ᱢᱩᱱᱫᱤᱨ, ᱥᱤᱠᱟᱹᱨᱡᱤ, ᱯᱟᱨᱚᱥᱱᱟᱛᱷ ᱥᱤᱠᱟᱹᱨ, ᱯᱟᱛᱨᱟᱛᱩ ᱨᱟᱡᱽᱰᱟᱦᱟᱨ, ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ
Jharkhand seal map
ᱥᱤᱞ
ᱥᱤᱧᱚᱛ ᱨᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱴᱷᱟᱶ
ᱥᱤᱧᱚᱛ ᱨᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱴᱷᱟᱶ
ᱡᱷᱟᱨᱠᱷᱚᱸᱰ ᱨᱮᱱᱟᱜ ᱱᱚᱠᱥᱟ
ᱡᱷᱟᱨᱠᱷᱚᱸᱰ ᱨᱮᱱᱟᱜ ᱱᱚᱠᱥᱟ
Coordinates (ᱨᱟᱺᱪᱤ): 23°50′N 91°17′E / 23.84°N 91.28°E / 23.84; 91.28Coordinates: 23°50′N 91°17′E / 23.84°N 91.28°E / 23.84; 91.28
ᱫᱤᱥᱚᱢ ᱥᱤᱧᱚᱛ
ᱛᱷᱟᱯᱚᱱ᱑᱕ ᱱᱚᱵᱷᱮᱢᱵᱚᱨ ᱒᱐᱐᱐
ᱨᱟᱡᱽᱜᱟᱲᱨᱟᱺᱪᱤ
ᱢᱟᱨᱟᱝ ᱱᱟᱜᱟᱨᱡᱟᱢᱥᱮᱫᱽᱯᱩᱨ
ᱦᱚᱱᱚᱛ ᱮᱞ᱒᱔
ᱥᱚᱨᱠᱟᱨ
 • ᱯᱚᱱᱚᱛ ᱜᱚᱢᱠᱮᱥᱚᱱᱛᱳᱥ ᱜᱟᱝᱜᱽᱣᱟᱨ
 • ᱥᱤᱨᱟᱹ ᱢᱚᱱᱛᱨᱤᱦᱮᱢᱚᱱᱛ ᱥᱚᱨᱮᱱ (ᱡᱢᱢ)
 • ᱱᱭᱟᱭ ᱯᱟᱞᱤᱠᱟᱢᱤᱫ ᱱᱭᱟᱭ ᱯᱟᱞᱤᱠᱟ (᱘᱑ ᱢᱟᱹᱪᱤ)
 • ᱯᱚᱱᱚᱛ ᱫᱚᱨᱵᱟᱨ ᱵᱟᱪᱷᱱᱟᱣ ᱢᱟᱹᱪᱤ(᱖ ᱢᱟᱹᱪᱤ)
 • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ ᱢᱟᱹᱪᱤ(᱑᱔ ᱢᱟᱹᱪᱤ)
ᱮᱨᱤᱭᱟ
 • ᱞᱮᱠᱷᱟᱜᱩᱴ79716 ᱠᱤᱢᱤ২ (30779 ᱜᱟᱺᱴ ᱢᱟᱭᱤᱞ)
ᱮᱨᱤᱭᱟ ᱨᱮᱸᱠ᱑᱕ ᱟᱱᱟᱜ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱙)
 • ᱞᱮᱠᱷᱟᱜᱩᱴ᱓᱙,᱒᱘᱐,᱘᱑᱒
 • ᱫᱷᱟᱹᱲ ᱮᱞ᱑᱓ ᱟᱜ
 • ᱰᱮᱱᱥᱤᱴᱤ490/ᱠᱤᱢᱤ2 (1300/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ+᱐᱕:᱓᱐)
ᱟᱭ.ᱮᱥ.ᱳ ᱓᱑᱖᱖ ᱠᱳᱰIN-JH
HDIincrease ᱐.᱕᱗᱘ (ᱛᱟᱱᱟᱞᱟ)
HDI ᱫᱷᱟᱹᱲ ᱮᱞ᱓᱓ ᱭᱟᱜ
ᱥᱩᱦᱤ ᱦᱟᱨ᱖᱗.᱖%
ᱥᱚᱨᱠᱟᱨᱤ ᱯᱟᱹᱨᱥᱤᱦᱤᱱᱫᱤ, ᱥᱟᱱᱛᱟᱲᱤ
ᱣᱮᱵᱽᱥᱟᱭᱤᱴjharkhand.nic.in
ᱡᱷᱟᱨᱠᱷᱚᱸᱰ ᱨᱮᱱᱟᱜ ᱪᱤᱱᱦᱟᱹ
ᱡᱷᱟᱱᱰᱟ ᱥᱤᱧᱚᱛ
ᱯᱟᱹᱨᱥᱤ
ᱥᱟᱱᱛᱟᱲᱤ
ᱡᱤᱭᱟᱹᱞᱤ ᱦᱟᱹᱛᱤ
ᱪᱮᱬᱮ ᱠᱩᱭᱞᱤ
ᱵᱟᱦᱟ ᱢᱩᱨᱩᱫ ᱵᱟᱦᱟ
ᱫᱟᱨᱮ ᱥᱟᱨᱡᱚᱢ ᱫᱟᱨᱮ

ᱪᱷᱟᱹᱴᱭᱟᱹᱨ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱫᱚ ᱡᱟᱦᱮᱨ ᱟᱨ ᱠᱷᱚᱸᱰ ᱠᱷᱚᱱ ᱧᱩᱛᱩᱢ ᱟᱠᱟᱱᱟ ᱾ ᱚᱱᱟ ᱞᱟᱹᱜᱤᱫ ᱛᱮ ᱡᱷᱟᱨᱠᱷᱚᱸᱰ ᱫᱚ ᱡᱟᱦᱮᱨᱠᱷᱚᱸᱰ ᱦᱚᱸᱠᱚ ᱢᱮᱛᱟᱜᱼᱟ ᱾

ᱱᱟᱜᱟᱢ

ᱥᱟᱯᱲᱟᱣ

ᱢᱟᱨᱮ ᱡᱩᱜᱽ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱟᱡᱟᱨᱤᱵᱟᱜᱽ ᱦᱚᱱᱚᱛ ᱨᱮ ᱕᱐᱐᱐ ᱥᱮᱨᱢᱟ ᱢᱟᱨᱮ ᱜᱚᱝᱜᱷᱚᱨ ᱪᱤᱛᱟᱹᱨ ᱧᱟᱢ ᱟᱠᱟᱱᱟ ᱾ ᱱᱚᱶᱟ ᱯᱚᱱᱚᱛ ᱨᱮ ᱑᱔᱐᱐ ᱤᱥᱟᱹᱭ ᱥᱮᱨᱢᱟ ᱞᱟᱦᱟ ᱨᱮᱱᱟᱜ ᱢᱮᱬᱦᱮᱫ ᱦᱟᱹᱛᱭᱟᱹᱨ ᱟᱨ ᱦᱟᱥᱟ ᱨᱮᱱᱟᱜ ᱥᱟᱯᱟᱵ ᱨᱮᱱᱟᱜ ᱢᱮᱥᱨᱮᱡ (ᱢᱮᱴᱟᱣ ᱥᱟᱨᱮᱡ) ᱧᱟᱢ ᱟᱠᱟᱱᱟ ᱾ ᱓᱒᱕ ᱤᱥᱟᱹᱭ ᱥᱮᱨᱢᱟ ᱞᱟᱦᱟ ᱫᱚ ᱡᱷᱟᱨᱠᱷᱚᱸᱰ ᱢᱚᱜᱽᱫᱷᱚ ᱠᱷᱚᱱ ᱥᱤᱨᱤᱡᱽ ᱟᱠᱟᱱ ᱢᱚᱨᱭᱚ ᱥᱟᱢᱨᱟᱡᱽ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱠᱟᱬᱤ ᱢᱩᱠᱩᱴ ᱨᱟᱭ ᱫᱚ ᱪᱷᱚᱴᱱᱟᱜᱽᱯᱩᱨ ᱨᱮ ᱱᱟᱜᱽᱵᱚᱝᱥᱚ ᱨᱮᱱᱟᱜ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾

ᱛᱟᱞᱟᱢᱟᱞᱟ ᱡᱩᱜᱽ

ᱥᱟᱯᱲᱟᱣ

ᱛᱟᱞᱟᱢᱟᱞᱟ ᱡᱩᱜᱽ ᱨᱮ ᱱᱚᱣᱟ ᱮᱨᱤᱭᱟ ᱨᱮ ᱪᱮᱨᱚ ᱨᱟᱡᱽᱵᱚᱝᱥᱚ ᱟᱨ ᱱᱟᱜᱽ ᱵᱚᱝᱥᱚ ᱨᱟᱡᱟ ᱟᱜ ᱥᱟᱥᱚᱱ ᱛᱟᱦᱮᱸ ᱠᱟᱱᱟ ᱾ ᱢᱩᱜᱚᱞ ᱯᱨᱚᱵᱷᱟᱣ ᱱᱚᱣᱟ ᱮᱨᱤᱭᱟ ᱨᱮ ᱥᱟᱢᱨᱟᱡᱽ ᱟᱠᱵᱚᱨ ᱟᱜ ᱥᱟᱥᱚᱱᱡᱩᱜᱽ ᱨᱮᱭᱟᱜ ᱚᱠᱛᱚ ᱥᱮᱴᱮᱨ ᱨᱮᱱᱟ ᱩᱱᱡᱷᱚᱦ ᱑᱕᱗᱔ ᱥᱟᱞᱮ ᱨᱮ ᱨᱟᱡᱟ ᱢᱟᱱᱥᱤᱝ ᱫᱚ ᱱᱚᱰᱮ ᱫᱚ ᱞᱟᱜᱟ ᱠᱮᱫ ᱠᱚᱣᱟ ᱾ ᱵᱟᱲᱤᱜ ᱦᱚᱲ ᱥᱟᱞᱮ ᱨᱮ ᱛᱟᱞᱟᱢᱟᱞᱟ ᱡᱩᱜᱽ ᱨᱮ ᱪᱷᱚᱴᱟᱱᱟᱜᱽᱯᱩᱨ ᱢᱟᱦᱟ ᱱᱟᱜᱽᱵᱚᱝᱥᱚ ᱨᱟᱡᱟ ᱛᱟᱦᱮᱸ ᱠᱟᱱᱟ, ᱩᱱᱤᱭᱟᱜ ᱥᱟᱥᱚᱱ ᱡᱩᱜᱽ ᱨᱮ ᱢᱩᱜᱚᱞ ᱥᱟᱥᱚᱠ ᱡᱟᱦᱟᱸᱜᱤᱨ ᱟᱜ ᱢᱤᱫ ᱚᱠᱛᱚ ᱡᱷᱚᱦ ᱨᱮ ᱥᱮᱱᱟᱯᱚᱛᱤ ᱫᱚ ᱱᱚᱣᱟ ᱮᱨᱤᱭᱟ ᱨᱮ ᱞᱟᱜᱟ ᱠᱮᱫ ᱠᱚᱣᱟ ᱾ ᱨᱟᱡᱟ ᱢᱮᱫᱽᱱᱤ ᱨᱟᱭ ᱫᱚ, ᱑᱖᱕᱘ ᱠᱷᱚᱱ ᱑᱖᱗᱔ ᱫᱷᱟᱹᱵᱤᱡ ᱯᱟᱞᱟᱢᱩ ᱮᱨᱤᱭᱟ ᱨᱮ ᱥᱟᱥᱚᱱ ᱠᱮᱫᱼᱟ ᱾ ᱪᱮᱨᱚ ᱨᱟᱡᱽᱵᱚᱝᱥᱚ ᱟᱜ ᱞᱚᱡᱚᱨᱤ ᱠᱟᱛᱮ ᱫᱚ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱟᱜ ᱱᱚᱣᱟ ᱮᱨᱤᱭᱟ ᱨᱮ ᱫᱚᱠᱷᱚᱞ ᱠᱮᱫᱼᱟ ᱾ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱫᱚ ᱪᱮᱨᱚ ᱟᱜ ᱯᱟᱞᱟᱢᱩ ᱠᱤᱞᱟ ᱨᱮ ᱫᱚᱠᱷᱚᱞ ᱠᱮᱫᱼᱟ ᱾

ᱱᱟᱣᱟ ᱡᱩᱜᱽ

ᱥᱟᱯᱲᱟᱣ

᱑᱗᱖᱕ ᱥᱟᱞ ᱛᱟᱭᱚᱢ ᱱᱚᱰᱮ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱟᱜ ᱜᱟᱥᱮᱨ ᱠᱮᱫ ᱠᱚᱣᱟ ᱾ ᱤᱝᱜᱽᱨᱟᱹᱡᱽᱼ ᱢᱟᱨᱟᱴᱷᱟ ᱞᱟᱹᱲᱦᱟᱹᱭ ᱛᱟᱭᱚᱢ ᱪᱷᱚᱴᱟᱱᱟᱜᱽᱯᱩᱨ ᱥᱟᱦᱟᱛᱟ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱯᱚᱱᱚᱛ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱟᱜ

  • ᱑᱗᱖᱙-᱑᱘᱐᱕: ᱪᱩᱣᱟᱲ ᱞᱟᱹᱲᱦᱟᱹᱭ ᱨᱟᱹᱜᱷᱩᱱᱟᱛᱷ ᱢᱟᱦᱛᱚ ᱟᱜ ᱟᱭᱩᱨᱛᱮ
  • ᱑᱗᱗᱒-᱑᱗᱘᱐: ᱯᱟᱦᱟᱲᱤᱭᱟ ᱞᱟᱹᱲᱦᱟᱹᱭ
  • ᱑᱗᱘᱐-᱑᱗᱘᱕: ᱛᱤᱞᱠᱟᱹ ᱢᱟᱡᱷᱤ ᱟᱜ ᱞᱟᱲᱦᱟᱹᱭ ᱨᱮ ᱢᱟᱡᱷᱤ ᱞᱟᱹᱲᱦᱟᱹᱭ ᱡᱚᱠᱷᱚᱱ ᱵᱷᱟᱜᱚᱞᱯᱩᱨ ᱨᱮ ᱑᱗᱘᱕ ᱥᱟᱞᱮ ᱨᱮ ᱛᱤᱞᱠᱟᱹ ᱢᱟᱡᱷᱤ ᱫᱚ ᱯᱟᱥᱤ ᱠᱚ ᱮᱢᱟᱫ ᱫᱮᱭᱟ ᱠᱚ ᱾
  • ᱑᱗᱙᱕-᱑᱘᱒᱑: ᱛᱟᱢᱟᱲ ᱞᱟᱹᱲᱦᱟᱹᱭ
  • ᱑᱗᱙᱓-᱑᱗᱙᱖: ᱢᱩᱸᱰᱟᱹ ᱞᱟᱹᱲᱦᱟᱹᱭ ᱨᱟᱢᱥᱟᱦᱤ ᱟᱜ ᱟᱭᱩᱨᱛᱮ ᱛᱮ
  • ᱑᱘᱐᱐-᱑᱘᱐᱒: ᱢᱩᱸᱰᱟᱹ ᱞᱟᱹᱲᱦᱟᱹᱭ
  • ᱑᱘᱑᱒: ᱵᱟᱠᱷᱛᱟᱨ ᱥᱟᱭ ᱟᱨ ᱢᱩᱸᱰᱟᱞ ᱥᱤᱝ ᱟᱜ ᱞᱟᱹᱲᱦᱟᱹᱭ ᱨᱮ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱟᱜ ᱵᱤᱵᱷᱮᱫ ᱞᱟᱹᱲᱦᱟᱹᱭ
  • ᱑᱗᱗᱐-᱑᱗᱗᱑: ᱪᱮᱨᱚ ᱞᱟᱹᱲᱦᱟᱹᱭ ᱯᱟᱞᱟᱢᱩ ᱨᱤᱱᱤᱡ ᱡᱟᱭᱱᱟᱛᱷ ᱥᱤᱝ ᱟᱜ ᱟᱭᱩᱨᱛᱮ
  • ᱑᱘᱓᱒-᱑᱘᱓᱓: ᱠᱷᱚᱣᱟᱨ ᱞᱟᱹᱲᱦᱟᱹᱭ ᱵᱷᱟᱜᱤᱨᱟᱛᱷ, ᱫᱩᱵᱟᱭ ᱜᱚᱥᱟᱭ, ᱟᱨ ᱯᱟᱴᱮᱞ ᱥᱤᱝ ᱟᱜ ᱟᱭᱩᱨᱛᱮ ᱛᱮ
  • ᱑᱘᱓᱓-᱑᱘᱓᱔: ᱵᱷᱩᱢᱤᱡᱽ ᱞᱟᱹᱲᱦᱟᱹᱭ ᱵᱤᱨᱵᱷᱩᱢ ᱨᱮᱱᱟᱜ ᱜᱟᱝᱜᱟ ᱱᱟᱨᱟᱭᱚᱱ ᱟᱜ ᱟᱭᱩᱨᱛᱮ ᱛᱮ
  • ᱑᱘᱕᱕: ᱞᱚᱨᱰ ᱠᱟᱨᱱᱵᱟᱞᱤᱥ ᱟᱜ ᱠᱷᱟᱛᱤᱨ ᱛᱮ ᱥᱟᱱᱛᱟᱲᱟᱜ ᱟᱜ ᱞᱟᱹᱲᱦᱟᱹᱭ
  • ᱑᱘᱕᱕-᱑᱘᱖᱐: ᱥᱤᱫᱚ ᱠᱟᱱᱦᱩ ᱟᱜ ᱟᱭᱩᱨᱛᱮ ᱥᱟᱱᱛᱟᱲᱟᱜ ᱟᱜ ᱞᱟᱹᱲᱦᱟᱹᱭ
  • ᱑᱘᱕᱗: ᱱᱤᱞᱟᱢᱵᱚᱨ-ᱯᱤᱛᱟᱢᱵᱚᱨ ᱟᱜ ᱯᱟᱞᱟᱢᱩ ᱨᱮ
  • ᱑᱘᱕᱗: ᱥᱟᱦᱤᱫᱽᱞᱟᱞ, ᱨᱟᱭ ᱟᱨ ᱵᱩᱫᱷᱩ ᱵᱤᱨ ᱟᱜ ᱥᱤᱯᱟᱹᱦᱤ ᱞᱟᱹᱲᱦᱟᱹᱭ ᱟᱜ ᱟᱸᱫᱳᱲ
  • ᱑᱘᱗᱔: ᱠᱷᱮᱨᱚᱣᱟᱲ ᱟᱱᱫᱚᱞᱟᱱ ᱵᱷᱟᱜᱤᱨᱟᱛᱷ ᱢᱟᱡᱷᱤ ᱟᱜ ᱟᱭᱩᱨᱛᱮ
  • ᱑᱘᱘᱐: ᱠᱷᱟᱲᱤᱭᱟ ᱞᱟᱹᱲᱦᱟᱹᱭ ᱛᱮᱞᱟᱝᱜᱟ ᱠᱷᱟᱲᱤᱭᱟ ᱟᱜ ᱟᱭᱩᱨᱛᱮ ᱛᱮ
  • ᱑᱘᱙᱕-᱑᱙᱐᱐: ᱵᱤᱨᱥᱟ ᱢᱩᱸᱰᱟᱹ ᱟᱜ ᱟᱭᱩᱨᱛᱮ ᱢᱩᱸᱰᱟᱹ ᱞᱟᱹᱲᱦᱟᱹᱭ

ᱱᱩᱠᱩ ᱡᱚᱛᱚ ᱛᱩᱯᱩᱫ ᱨᱮᱭᱟᱜ ᱤᱱᱰᱤᱭᱟ ᱵᱨᱤᱴᱤᱥ ᱥᱤᱯᱟᱹᱦᱤ ᱟᱛᱮᱫ ᱯᱷᱚᱡᱚᱸ ᱟᱜ ᱟᱹᱰᱤ ᱩᱰᱤᱜᱟᱱ ᱠᱷᱚᱱ ᱵᱮᱠᱟᱨ ᱠᱮᱫᱼᱟ ᱠᱚ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱑᱔ ᱥᱟᱞᱮ ᱨᱮ ᱡᱟᱛᱨᱟ ᱵᱷᱟᱜᱟᱛ ᱟᱜ ᱟᱱᱟᱭᱩᱨ ᱨᱮ ᱵᱟᱨᱜᱮᱞ ᱛᱩᱨᱩᱭ ᱦᱟᱡᱟᱨ (᱒᱖᱐᱐᱐) ᱜᱟᱱ ᱟᱹᱫᱤᱵᱟᱹᱥᱤ ᱫᱚ ᱟᱨᱦᱚᱸ ᱵᱨᱤᱴᱤᱥ ᱟᱜ ᱨᱩᱞ ᱟᱫᱚᱞ ᱞᱟᱹᱲᱦᱟᱹᱭ ᱞᱮᱱᱟ ᱠᱚ ᱾ ᱡᱟᱦᱟᱸ ᱥᱟᱜ ᱚᱨᱥᱚᱧ ᱠᱟᱛᱮ ᱢᱚᱦᱟᱛᱟᱢᱟ ᱜᱟᱱᱫᱷᱤ ᱫᱚ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱮ ᱱᱮᱦᱚᱨ ᱞᱮᱫᱼᱟ ᱟᱨ ᱟᱸᱫᱳᱲ ᱮᱛᱚᱦᱚᱵ ᱞᱮᱫᱼᱟ ᱾

ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱠᱚᱭ ᱨᱮᱭᱟᱜ ᱱᱟᱜᱟᱢ ᱢᱤᱫᱥᱟᱭ ᱥᱟᱞ ᱠᱷᱚᱱ ᱦᱚᱸ ᱢᱟᱨᱮ ᱜᱮᱭᱟ ᱡᱚᱠᱷᱚᱱ ᱑᱙᱓᱘ ᱥᱟᱞᱮ ᱨᱮ ᱚᱱᱟ ᱥᱩᱨᱥᱩᱯᱩᱨ ᱨᱮ ᱡᱚᱭᱯᱟᱞ ᱥᱤᱝ ᱥᱤᱧᱚᱛᱤᱭᱟᱹ ᱦᱚᱠᱤ ᱠᱷᱮᱞᱚᱸᱰᱤᱭᱟᱹ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱤᱱ ᱠᱷᱮᱞᱚᱹᱰ ᱨᱮ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱤᱱᱤᱡ ᱢᱩᱲᱛᱮᱱ ᱞᱮᱠᱟ ᱵᱟᱪᱱᱟᱣ ᱞᱮᱱᱟ ᱾ ᱱᱚᱣᱟ ᱢᱟᱲᱟᱝ ᱮᱛᱚᱦᱚᱵ ᱵᱤᱦᱟᱨ ᱨᱮᱱᱟᱜ ᱠᱚᱧᱮ ᱯᱟᱦᱛᱟ ᱦᱚᱱᱚᱛ ᱠᱚ ᱢᱮᱥᱟ ᱠᱟᱛᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱵᱮᱱᱟᱣ ᱨᱮᱱᱟᱜ ᱠᱤᱱ ᱨᱤᱠᱟᱹ ᱞᱮᱫᱼᱟ ᱾ ᱱᱚᱣᱟ ᱠᱩᱠᱢᱩ ᱒ ᱚᱜᱚᱥᱴ ᱒᱐᱐᱐ ᱥᱟᱞᱮ ᱨᱮ ᱯᱩᱨᱟᱹᱣ ᱮᱱᱟ ᱾ ᱡᱚᱠᱷᱚᱱ ᱥᱚᱸᱥᱚᱫᱽ ᱨᱮ ᱱᱚᱣᱟ ᱠᱟᱛᱷᱟ ᱠᱚ ᱯᱷᱮᱴᱟᱹᱞ ᱠᱮᱫᱼᱟ ᱾ ᱯᱚᱱᱚᱛ ᱨᱮᱱᱟᱜ ᱮᱞᱟᱝ ᱢᱩᱲ ᱞᱮᱠᱟᱛᱮ ᱨᱟᱡᱽᱜᱟᱲ ᱨᱟᱺᱪᱤ ᱟᱨ ᱡᱟᱢᱥᱮᱫᱽᱯᱩᱨ, ᱫᱷᱟᱱᱵᱟᱫᱽ, ᱵᱚᱠᱟᱨᱚ ᱞᱮᱠᱟᱱ ᱩᱫᱽᱭᱚᱜᱤᱠ ᱛᱟᱞᱢᱟ ᱠᱷᱚᱱ ᱰᱮᱦᱮᱨ ᱛᱮᱫ ᱚᱨᱥᱚᱝ ᱦᱩᱭᱩᱜ ᱠᱟᱱᱟ ᱾ ᱥᱟᱞ ᱒᱐᱐᱐, ᱑᱕ ᱱᱚᱵᱷᱮᱢᱵᱚᱨ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱫᱚ ᱛᱮᱛᱮᱫ ᱞᱮᱠᱟᱛᱮ ᱫᱷᱟᱨᱚᱱ ᱠᱮᱫᱼᱟ ᱟᱨ ᱥᱤᱧᱚᱛ ᱨᱮᱱᱟᱜ ᱒᱘ ᱟᱱᱟᱜ ᱯᱚᱱᱚᱛ ᱞᱮᱠᱟᱛᱮ ᱧᱩᱢ ᱦᱤᱛᱤᱨ ᱠᱮᱫᱼᱟ ᱾

ᱚᱛᱱᱚᱜ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱫᱚ ᱢᱤᱫ ᱯᱚᱱᱚᱛ ᱠᱟᱱᱟ, ᱱᱚᱸᱰᱮ ᱫᱚ ᱜᱩᱴ ᱒᱔ (ᱵᱟᱜᱮᱞᱯᱩᱱ) ᱜᱚᱴᱟᱝ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱑᱕ ᱱᱚᱵᱷᱮᱢᱵᱚᱨ ᱒᱐᱐᱐ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱱᱟᱣᱟ ᱯᱚᱱᱚᱛ ᱢᱮᱱ ᱛᱮ ᱵᱮᱱᱟᱣ ᱞᱮᱱᱟ ᱟᱨ ᱨᱟᱡᱽᱜᱟᱲ ᱫᱚ ᱨᱟᱺᱪᱤ ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱩᱴ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱗᱙,᱗᱑᱖ ᱜᱟᱺᱴ ᱠᱤᱞᱚᱢᱤᱴᱟᱨ ᱢᱮᱱᱟᱜᱼᱟ ᱾ ᱡᱷᱟᱨᱠᱷᱚᱸᱰ ᱫᱚ ᱥᱤᱧᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱟᱨ ᱥᱟᱢᱟᱝ ᱱᱟᱠᱷᱟ ᱨᱮᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ, ᱯᱟᱪᱮ ᱱᱟᱠᱷᱟ ᱨᱮᱫᱚ ᱪᱷᱚᱛᱛᱤᱥᱜᱚᱲ, ᱠᱚᱧᱮ ᱱᱟᱠᱷᱟ ᱨᱮᱫᱚ ᱵᱤᱦᱟᱨ, ᱠᱚᱧᱮ ᱼ ᱯᱟᱪᱮ ᱱᱟᱠᱷᱟ ᱨᱮᱫᱚ ᱩᱛᱛᱚᱨ ᱯᱨᱚᱫᱮᱥ ᱟᱨ ᱮᱛᱚᱢ ᱱᱟᱠᱷᱟ ᱨᱮᱫᱚ ᱳᱰᱤᱥᱟ ᱯᱚᱱᱚᱛ ᱢᱮᱱᱟᱜᱼᱟ ᱾

ᱦᱚᱭ ᱦᱤᱥᱤᱫ

ᱥᱟᱯᱲᱟᱣ

ᱜᱟᱰᱟ ᱠᱚ

ᱥᱟᱯᱲᱟᱣ
  • ᱜᱟᱝ ᱱᱟᱹᱭ ᱜᱟᱰᱟᱺ ᱥᱚᱱᱚᱛ ᱜᱟᱰᱟ ᱜᱟᱝ ᱱᱟᱹᱭ ᱫᱚ ᱠᱚᱸᱭᱮᱸ-ᱥᱟᱢᱟᱝ ᱱᱟᱠᱷᱟ ᱥᱟᱦᱮᱵᱽᱜᱚᱸᱡᱽ ᱥᱮᱡ ᱞᱮᱠᱟ ᱛᱮ ᱟᱹᱛᱩ ᱥᱮᱱ ᱟᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱨᱮ ᱜᱟᱝ ᱱᱟᱹᱭ ᱜᱟᱰᱟ ᱵᱮᱰᱟ ᱨᱮ ᱢᱮᱱᱟᱜ ᱱᱟᱝᱜᱽᱨᱟᱦᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱥᱟᱦᱮᱵᱽᱜᱚᱸᱡᱽ ᱟᱨ ᱯᱟᱠᱩᱲ ᱾
  • ᱥᱚᱱ ᱜᱟᱰᱟᱺ ᱥᱚᱱ ᱜᱟᱰᱟ ᱨᱮᱱᱟᱜ ᱡᱚᱱᱚᱢ : ᱚᱢᱚᱨᱠᱚᱸᱴᱚᱠ, ᱥᱚᱱ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱤᱫᱷᱤ, ᱰᱮᱦᱨᱤ, ᱯᱟᱴᱱᱟ
  • ᱥᱚᱵᱚᱨᱱᱟᱠᱷᱟ ᱜᱟᱰᱟᱺ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱨᱮᱱᱟᱜ ᱡᱚᱱᱚᱢ ᱫᱚ : (ᱱᱟᱜᱽᱨᱤ ᱨᱟᱺᱪᱤ) ᱪᱷᱚᱴᱟᱱᱟᱜᱽᱯᱩᱨ ᱵᱩᱨᱩ ᱫᱤᱯ, ᱥᱚᱵᱚᱨᱱᱟᱠᱷᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ : ᱨᱟᱺᱪᱤ, ᱪᱚᱱᱰᱤᱞ, ᱡᱟᱢᱥᱮᱫᱽᱯᱩᱨ, ᱜᱷᱟᱴᱥᱤᱞᱟᱹ ᱜᱚᱯᱤᱵᱟᱞᱞᱵᱽᱯᱩᱨ
  • ᱠᱷᱟᱲᱟᱝ ᱜᱟᱰᱟ : ᱠᱷᱟᱲᱟᱝ ᱜᱟᱰᱟ ᱨᱮᱱᱟᱜ ᱡᱚᱱᱚᱢ ᱫᱚ : ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ, ᱳᱰᱤᱥᱟ; ᱠᱷᱟᱲᱟᱝ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ : ᱨᱟᱭᱨᱚᱝᱯᱩᱨ, ᱟᱫᱤᱛᱯᱩᱨ ᱟᱨ ᱠᱚᱧᱮ ᱯᱟᱪᱮ ᱡᱟᱢᱥᱮᱫᱽᱯᱩᱨ ᱨᱮ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱨᱮ ᱵᱚᱞᱚ ᱟᱠᱟᱱᱟ ᱾
  • ᱫᱟᱢᱚᱫᱚᱨ ᱜᱟᱰᱟ : ᱫᱟᱢᱚᱫᱚᱨ ᱜᱟᱰᱟ ᱨᱮᱱᱟᱜ ᱡᱚᱱᱚᱢ ᱫᱚ : ᱪᱷᱚᱴᱟᱱᱟᱜᱽᱯᱩᱨ ᱨᱮᱱᱟᱜ ᱵᱩᱨᱩ ᱫᱤᱯ (ᱛᱚᱨᱤ ᱞᱟᱛᱮᱦᱟᱨ), ᱫᱟᱢᱚᱫᱚᱨ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ : ᱞᱟᱛᱮᱦᱟᱨ, ᱞᱚᱦᱟᱨᱫᱟᱜᱟ, ᱦᱟᱡᱟᱨᱤᱵᱟᱜᱽ, ᱜᱤᱨᱤᱰᱤᱦ, ᱫᱷᱟᱱᱵᱟᱫᱽ, ᱵᱚᱠᱟᱨᱚ, ᱟᱥᱟᱱᱥᱳᱞ, ᱨᱟᱱᱤᱜᱚᱸᱡᱽ, ᱫᱩᱨᱜᱟᱯᱩᱨ, ᱵᱚᱨᱫᱷᱚᱢᱟᱱ
  • ᱠᱚᱸᱭᱮᱸ ᱠᱚᱭᱮᱞ ᱜᱟᱰᱟ
  • ᱮᱛᱚᱢ ᱠᱚᱭᱮᱞ ᱜᱟᱰᱟ
  • ᱞᱤᱞᱟᱡᱟᱱ ᱜᱟᱰᱟ
  • ᱚᱡᱚᱭ ᱜᱟᱰᱟ
  • ᱢᱟᱭᱩᱨᱟᱠᱥᱤ ᱜᱟᱰᱟ
  • ᱵᱟᱨᱟᱠᱟᱨ ᱜᱟᱰᱟ

ᱫᱟᱨᱮ ᱥᱟᱠᱟᱢ ᱟᱨ ᱡᱤᱭᱟᱹᱞᱤ

ᱥᱟᱯᱲᱟᱣ
 
ᱢᱩᱨᱩᱫ ᱵᱟᱦᱟ
 
ᱨᱟᱺᱪᱤ ᱨᱮᱱᱟᱜ ᱳᱨᱢᱟᱡᱷᱤ ᱨᱮ ᱢᱩᱴᱟ ᱛᱟᱭᱟᱱ ᱟᱥᱩᱞ ᱛᱟᱞᱢᱟ ᱨᱮ ᱢᱤᱫᱴᱟᱹᱝ ᱛᱟᱭᱟᱱ
 
ᱡᱷᱟᱨᱠᱷᱚᱸᱰ ᱨᱤᱱᱤᱡ ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱦᱟᱹᱛᱤ ᱠᱟᱱᱟ

ᱦᱚᱲ ᱮᱞ

ᱥᱟᱯᱲᱟᱣ

᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱡᱷᱟᱨᱠᱷᱚᱸᱰ ᱨᱤᱱ ᱦᱚᱲ ᱮᱞ ᱫᱚ ᱓᱒.᱙᱖ ᱢᱤᱞᱤᱭᱟᱱ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱸᱰᱮ ᱠᱷᱚᱱ ᱑᱖.᱙᱓ ᱢᱤᱞᱤᱭᱟᱱ ᱫᱚ ᱠᱚᱲᱟ ᱟᱨ ᱑᱖.᱐᱓ ᱢᱤᱞᱤᱭᱟᱱ ᱫᱚ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱡᱟᱱᱟᱝ ᱡᱟᱹᱱᱤ ᱫᱚ ᱙᱔᱗ ᱛᱤᱨᱞᱟᱹ ᱟᱨ ᱑᱐᱐᱐ ᱠᱚᱲᱟ ᱦᱟᱜ ᱢᱮᱱᱟᱜᱼᱟ, ᱯᱚᱱᱚᱛ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱖᱗.᱖᱓% ᱛᱟᱦᱮᱸ ᱠᱟᱱᱟ, ᱨᱟᱺᱪᱤ ᱦᱚᱱᱚᱛ ᱫᱚ ᱟᱹᱰᱤ ᱰᱷᱮᱨ ᱗᱗.᱑᱓ ᱥᱟᱭᱠᱚᱲᱟ ᱥᱮᱪᱮᱫ ᱢᱮᱱᱟᱭᱟ, ᱟᱨ ᱫᱮᱦᱟᱛ ᱯᱟᱠᱩᱲ ᱦᱚᱱᱚᱛ ᱫᱚ ᱠᱚᱢ ᱠᱷᱚᱱ ᱠᱚᱢ ᱕᱐.᱑᱗ ᱥᱟᱭᱠᱚᱲᱟ ᱥᱮᱪᱮᱫ ᱢᱮᱱᱟᱭᱟ ᱾[᱑]᱾

ᱠᱟᱹᱣᱰᱤ ᱟᱹᱨᱤ

ᱥᱟᱯᱲᱟᱣ
 
ᱫᱷᱟᱱᱵᱟᱫᱽ ᱨᱮ ᱡᱷᱤᱡ ᱟᱠᱟᱱᱟ ᱠᱚᱭᱞᱟ ᱠᱷᱟᱫᱟᱱ

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱠᱟᱹᱣᱰᱤᱟᱹᱨᱤ ᱢᱩᱬᱩᱛ ᱞᱮᱠᱟᱛᱮ ᱛᱮ ᱠᱷᱟᱱᱤᱡᱽ ᱟᱨ ᱵᱤᱨ ᱥᱚᱢᱯᱚᱛᱤ ᱠᱷᱚᱱ ᱫᱤᱥᱟᱹ ᱭᱤᱡ ᱠᱟᱱᱟ ᱾ ᱢᱮᱬᱦᱮᱫ, ᱠᱚᱭᱞᱟ, ᱢᱟᱭᱠᱟ, ᱵᱚᱠᱥᱟᱭᱤᱴ, ᱯᱷᱟᱭᱟᱨ-ᱠᱞᱮ, ᱜᱨᱮᱯᱷᱟᱭᱤᱴ, ᱠᱟᱭᱱᱟᱭᱤᱴ, ᱥᱮᱞᱤᱢᱟᱭᱤᱴ, ᱪᱩᱱᱟᱹ ᱫᱷᱤᱨᱤ, ᱭᱩᱨᱮᱱᱤᱭᱚᱢ

ᱠᱟᱹᱨᱜᱟᱲ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱠᱟᱹᱨᱜᱟᱲ ᱴᱷᱟᱶ ᱢᱮᱱᱟᱜᱼᱟ - ᱡᱟᱢᱥᱮᱫᱽᱯᱩᱨ, ᱨᱟᱺᱪᱤ, ᱵᱚᱠᱟᱨᱚ ᱟᱨ ᱫᱷᱟᱱᱵᱟᱫᱽ ᱮᱢᱟᱱ ᱢᱮᱱᱟᱜᱼᱟ ᱾ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱠᱟᱹᱨᱜᱟᱲ ᱨᱮ ᱟᱨᱦᱚᱸ ᱢᱩᱬ ᱢᱮᱱᱟᱜᱼᱟ :

ᱠᱟᱞᱪᱟᱨ

ᱥᱟᱯᱲᱟᱣ

ᱡᱚᱢ ᱧᱩ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱚᱥᱚᱞ ᱡᱚᱢᱟᱜ ᱫᱚ ᱫᱟᱠᱟ, ᱫᱟᱜ ᱢᱟᱹᱱᱰᱤ, ᱩᱛᱩ, ᱟᱲᱟᱜ ᱥᱟᱠᱟᱢ ᱟᱨ ᱥᱟᱝᱠᱚ ᱠᱟᱱᱟ ᱾ ᱩᱛᱩ ᱨᱮ ᱟᱭᱢᱟ ᱞᱮᱠᱟᱱ ᱢᱚᱥᱚᱞᱟ ᱠᱚ ᱵᱮᱵᱷᱟᱨᱟ ᱾[᱒][᱓] ᱵᱟᱹᱲᱛᱤ ᱠᱩᱜᱥᱤᱭᱟᱱ ᱡᱚᱢᱟᱜ ᱠᱚ ᱫᱚ ᱠᱟᱱᱟ ᱪᱷᱤᱞᱠᱟᱹ ᱯᱤᱴᱷᱟᱹ, ᱢᱟᱞᱯᱩᱣᱟ, ᱯᱤᱴᱷᱟᱹ, ᱰᱷᱚᱥᱠᱟᱹ, ᱟᱨᱥᱟ ᱯᱤᱴᱷᱟᱹ, ᱫᱩᱫᱷᱟᱨᱤ ᱟᱨ ᱯᱟᱱᱤᱯᱩᱨᱤ (ᱜᱩᱯᱪᱩᱯ) ᱾ ᱯᱩᱴᱩ ᱟᱨ ᱨᱩᱜᱽᱲᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱢᱤᱫ ᱞᱮᱠᱟᱱ ᱩᱫ ᱠᱟᱱᱟ ᱚᱠᱟ ᱫᱚ ᱡᱟᱹᱯᱩᱫ ᱚᱠᱛᱮ ᱨᱮ ᱚᱢᱚᱱᱚᱜᱼᱟ ᱾ ᱢᱟᱫ ᱯᱚᱦᱟ ᱚᱠᱟ ᱞᱮᱛᱟᱠᱚ ᱢᱮᱱᱟᱜᱼᱟ ᱚᱱᱟ ᱦᱚᱸ ᱩᱛᱩ ᱡᱤᱱᱤᱥ ᱞᱮᱠᱟᱠᱚ ᱡᱚᱢᱟ ᱾[᱔] ᱢᱩᱱᱜᱟᱹ ᱟᱲᱟᱜ ᱟᱨ ᱥᱤᱧ ᱟᱲᱟᱜ ᱦᱚᱸ ᱩᱛᱩ ᱠᱟᱛᱮᱠᱚ ᱡᱚᱢᱟ ᱾[᱕]

ᱥᱤᱱᱮᱢᱟ

ᱥᱟᱯᱲᱟᱣ
ᱢᱩᱬ ᱚᱱᱚᱞ: ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱤᱱᱮᱢᱟ

ᱡᱷᱟᱨᱠᱷᱚᱸᱰ ᱨᱮ ᱥᱟᱱᱛᱟᱲᱤ, ᱱᱟᱜᱽᱯᱩᱨᱤ, ᱠᱷᱚᱨᱴᱷᱟ, ᱦᱚ ᱟᱨ ᱠᱩᱲᱩᱠᱷ ᱥᱟᱶᱛᱮ ᱮᱴᱟᱜ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱛᱮ ᱟᱹᱰᱤ ᱜᱟᱱ ᱯᱷᱤᱞᱢ ᱵᱮᱱᱟᱣ ᱦᱩᱭᱩᱜ ᱠᱟᱱᱟ ᱾[᱖]

ᱦᱚᱨ ᱰᱟᱦᱟᱨ

ᱥᱟᱯᱲᱟᱣ
 
ᱨᱟᱺᱪᱤ ᱩᱰᱟᱹᱱ ᱰᱟᱹᱦᱤ (IXR)
 
ᱨᱟᱢᱜᱚᱲ ᱪᱟᱹᱲᱤ ᱥᱩᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓
ᱨᱮᱫ:Patratu , Jharkhand, INDIA.jpg
ᱵᱩᱨᱩ ᱯᱟᱛᱨᱟᱛᱩ ᱜᱷᱟᱴᱤ ᱨᱮ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱒

ᱩᱰᱟᱹᱱ ᱰᱟᱹᱦᱤ

ᱥᱟᱯᱲᱟᱣ

ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱯᱚᱱᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ, ᱟᱫᱚ ᱫᱤᱞᱞᱤ, ᱠᱚᱞᱠᱟᱛᱟ, ᱵᱮᱝᱜᱟᱞᱩᱨᱩ, ᱢᱩᱢᱵᱟᱭ, ᱦᱟᱭᱫᱽᱨᱟᱵᱟᱫᱽ, ᱪᱮᱱᱱᱟᱭ ᱮᱢᱟᱱ ᱢᱩᱬ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱜᱼᱟ ᱾[᱗] ᱯᱚᱱᱚᱛ ᱨᱮ ᱢᱮᱱᱟᱜᱼᱟ ᱩᱰᱟᱹᱱ ᱰᱟᱹᱦᱤ ᱵᱚᱠᱟᱨᱚ ᱩᱰᱟᱹᱱ ᱰᱟᱹᱦᱤ, ᱡᱟᱢᱥᱮᱫᱽᱯᱩᱨ ᱩᱰᱟᱹᱱ ᱰᱟᱹᱦᱤ, ᱪᱟᱹᱠᱩᱞᱤᱭᱟᱹ ᱩᱰᱟᱹᱱ ᱰᱟᱹᱦᱤ, ᱫᱩᱢᱠᱟᱹ ᱩᱰᱟᱹᱱ ᱰᱟᱹᱦᱤ ᱟᱨ ᱫᱷᱟᱱᱵᱟᱫᱽ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱰᱮᱦᱮᱨ ᱛᱮᱫ ᱯᱨᱟᱵᱷᱮᱴ ᱟᱨ ᱪᱟᱨᱴᱟᱨ ᱩᱰᱟᱹᱣ ᱥᱮᱱᱚᱜᱼᱟ ᱾[᱘]

ᱥᱚᱲᱚᱠ ᱦᱚᱨ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ (ᱥᱤᱧᱚᱛ) ᱟᱨ ᱥᱤᱧᱚᱛ ᱨᱮ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱨᱮᱱᱟᱜ ᱠᱚᱢᱯᱨᱮᱦᱮᱱᱥᱤᱵᱷ ᱱᱮᱴᱣᱟᱨᱠ ᱢᱮᱱᱟᱜᱼᱟ ᱾ [᱙]

ᱡᱟᱦᱟᱡᱽ ᱜᱷᱟᱴ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱞᱟᱸᱰᱥᱞᱟᱤᱰ (Landslide) ᱢᱮᱱᱟᱜᱼᱟ, ᱱᱚᱸᱰᱮ ᱫᱚ ᱟᱭᱢᱟ ᱱᱟᱹᱭ ᱟᱨ ᱫᱟᱜᱰᱟᱦᱟᱨ ᱢᱮᱱᱟᱜᱼᱟ ᱾[᱑᱐] ᱥᱟᱦᱮᱵᱽᱜᱚᱸᱡᱽ ᱢᱟᱞᱴᱤ-ᱢᱚᱰᱟᱞ ᱯᱚᱨᱴ ᱨᱮ ᱭᱚᱡᱽᱱᱟ (plan) ᱵᱮᱱᱟᱣ ᱟᱠᱟᱱᱟ ᱥᱟᱦᱮᱵᱽᱜᱚᱸᱡᱽ ᱡᱟᱦᱟᱸ ᱜᱟᱰᱟ ᱜᱟᱝ ᱱᱟᱹᱭ ᱨᱮ ᱚᱸᱰᱚᱠ ᱟᱠᱟᱱᱟ ᱾[᱑᱑] ᱱᱚᱣᱟ ᱯᱟᱨᱤᱭᱚᱡᱽᱱᱟ ᱨᱮᱱᱟᱜ ᱞᱟᱜᱟᱣ INR 6,500 ᱠᱟᱨᱚᱲ ᱴᱟᱠᱟ ᱢᱮᱱᱟᱜᱼᱟ ᱟᱨ ᱠᱷᱚᱸᱰ (Step) - ᱒᱐᱑᱙ ᱢᱟᱹᱦᱤᱛ ᱛᱮ ᱯᱩᱨᱟᱹᱣ ᱨᱮᱱᱟᱜ ᱟᱱᱩᱢᱟᱱ ᱢᱮᱱᱟᱜᱼᱟ ᱾[᱑᱒]

ᱨᱮᱞ ᱦᱚᱨ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮᱞ ᱤᱫᱤ ᱛᱮ ᱟᱹᱰᱤ ᱱᱟᱯᱟᱭ ᱡᱚᱲᱟᱣ ᱟᱠᱟᱱᱟ ᱟᱨ ᱱᱚᱸᱰᱮ ᱫᱚ ᱟᱹᱰᱤ ᱜᱟᱱ ᱡᱷᱟᱨᱠᱷᱚᱸᱰ ᱨᱮ ᱨᱮᱞ ᱜᱟᱹᱰᱤ ᱥᱴᱮᱥᱚᱱ ᱢᱮᱱᱟᱜᱼᱟ ᱾[᱑᱓]

ᱥᱮᱪᱮᱫ

ᱥᱟᱯᱲᱟᱣ

ᱥᱤᱧᱚᱛ ᱥᱚᱨᱠᱟᱨ ᱤᱫᱤ ᱛᱮ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱯᱚᱱᱚᱛ ᱨᱮ ᱞᱟᱹᱜᱤᱫ ᱟᱹᱢᱟᱹᱞᱮᱛ ᱥᱮᱪᱮᱫ ᱫᱚᱨ ᱫᱚ ᱖᱗.᱖᱓% ᱛᱟᱦᱮᱸ ᱠᱟᱱᱟ (ᱠᱚᱲᱟ: ᱗᱘.᱔᱕%; ᱛᱤᱨᱞᱟᱹ: ᱕᱖.᱒᱑%) ᱥᱮᱪᱮᱫ ᱫᱚᱨ ᱠᱷᱚᱱ ᱪᱮᱛᱟᱱ ᱨᱮᱱᱟᱜ ᱟᱨᱮ ᱦᱚᱱᱚᱛ ᱨᱮᱱᱟᱜ ᱥᱟᱶᱛᱮ:[᱑᱔][᱑᱕]

ᱱᱟᱣᱟ ᱯᱚᱱᱚᱛ ᱨᱮᱱᱟᱜ ᱴᱷᱟᱯᱚᱱ ᱛᱟᱭᱚᱢ ᱠᱷᱚᱱ, ᱡᱷᱟᱨᱠᱷᱚᱸᱰ ᱥᱮᱪᱮᱫ ᱯᱟᱨᱤᱭᱚᱡᱟᱱᱟ (JEPC) ᱥᱮᱪᱮᱫ ᱨᱮᱱᱟᱜ ᱯᱟᱥᱱᱟᱣ ᱞᱟᱹᱜᱤᱫ ᱯᱩᱱ ᱯᱨᱚᱡᱮᱠᱴ ᱫᱚ ᱞᱟᱜᱩᱜ ᱠᱟᱱᱟ: ᱰᱤᱯᱤᱤᱯᱤ, ᱮᱥᱮᱥᱮ, ᱱᱯᱤᱤᱡᱤᱤᱮᱞ, ᱟᱨ ᱠᱮᱡᱤᱵᱤᱣᱤ ᱾[᱑᱖]

ᱠᱷᱮᱞᱚᱸᱰ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮ ᱠᱨᱤᱠᱮᱴ, ᱦᱚᱠᱤ ᱟᱨ ᱪᱤᱸᱰᱩ ᱮᱱᱮᱡ ᱠᱚ ᱢᱮᱱᱟᱜᱼᱟ ᱾ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱤᱱᱤᱡ ᱢᱟᱲᱟᱝ ᱢᱩᱬᱛᱮᱱ ᱟᱨ ᱚᱞᱟᱸᱯᱤᱭᱟᱱ ᱟᱨ ᱢᱟᱱᱚᱦᱟᱨ ᱴᱚᱯᱱᱚ ᱞᱮᱠᱟᱱ ᱠᱷᱮᱞᱚᱸᱰᱤᱭᱟᱹ ᱱᱤᱛᱚᱜ ᱢᱮᱱᱟᱭᱟ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱮ ᱮᱱᱮᱡ ᱠᱟᱱᱟ ᱾ ᱡᱚᱭᱯᱟᱞ ᱥᱤᱝ ᱫᱚ ᱱᱚᱣᱟ ᱦᱚᱠᱤ ᱫᱚᱞ ᱨᱤᱱᱤᱡ ᱢᱩᱬᱛᱮᱱᱮ ᱛᱟᱦᱮᱸ ᱠᱟᱱᱟᱭ ᱾ ᱡᱟᱦᱟᱸᱭ ᱑᱙᱒᱘ ᱥᱟᱞ ᱨᱮ ᱮᱢᱥᱴᱟᱨᱰᱟᱢ ᱨᱮ ᱥᱤᱛᱩᱝ ᱨᱤᱛᱩ ᱚᱞᱟᱸᱯᱤᱠ ᱨᱮ ᱥᱤᱧᱚᱛ ᱨᱮ ᱞᱟᱹᱜᱤᱫ ᱯᱩᱭᱞᱩ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱞᱮᱱᱟᱭ ᱾ ᱢᱚᱦᱮᱱᱫᱽᱨᱚ ᱥᱤᱝ ᱫᱷᱚᱱᱤ ᱫᱚ ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱫᱚᱞ ᱨᱤᱱᱤᱡ ᱢᱩᱬᱛᱮᱱᱮ ᱛᱟᱦᱮᱸ ᱠᱟᱱᱟᱭ ᱟᱨ ᱒ ᱟᱯᱨᱮᱞ ᱒᱐᱑᱑ ᱨᱮ ICC ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱨᱮ ᱱᱟᱯᱟᱭ ᱛᱮ ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱫᱚᱞ ᱨᱮᱱᱟᱜ ᱞᱤᱰᱟᱹᱨᱥᱤᱯ ᱠᱮᱫᱼᱟ, ᱑᱙᱘᱓ ᱥᱟᱞ ᱨᱮ ᱞᱚᱨᱰᱥ ᱤᱝᱞᱮᱸᱰ ᱨᱮ ᱢᱟᱲᱟᱝ ᱥᱤᱧᱚᱛᱤᱭᱟᱹ ᱢᱩᱬᱛᱮᱱ ᱠᱟᱯᱤᱞ ᱫᱮᱣ ᱤᱫᱤ ᱛᱮ ᱦᱟᱥᱤᱞ ᱠᱮᱫᱼᱟ ᱯᱷᱤᱴ (Feat) ᱫᱚ ᱫᱚᱦᱨᱟ ᱞᱟᱹᱜᱤᱫ ᱛᱮ ᱒᱘ ᱥᱟᱞ ᱨᱮᱱᱟᱜ ᱛᱟᱸᱜᱤ ᱪᱟᱵᱟ ᱠᱮᱫᱼᱟ ᱾[᱑᱗]

 
ᱡᱟᱢᱥᱮᱫᱽᱯᱩᱨ ᱨᱮ ᱡᱮᱟᱨᱰᱤ ᱴᱟᱴᱟ ᱤᱥᱯᱚᱨᱴᱥ ᱠᱚᱢᱯᱞᱮᱠᱥ ᱟᱨ ᱠᱤᱱᱟᱱ ᱴᱟᱸᱰᱤ ᱨᱮᱱᱟᱜ ᱩᱰᱟᱹᱱ ᱧᱮᱞ

ᱡᱷᱟᱨᱠᱷᱚᱸᱰ ᱨᱤᱱ ᱮᱢᱟᱱ ᱱᱟᱯᱟᱭ ᱠᱨᱤᱠᱮᱴᱟᱨ ᱢᱮᱱᱟᱜ ᱠᱚᱣᱟ ᱣᱚᱨᱩᱬ ᱟᱨᱚᱱ, ᱥᱟᱦᱵᱟᱡᱽ ᱱᱚᱫᱤᱢ ᱟᱨ ᱥᱚᱣᱨᱟᱵᱷ ᱛᱤᱣᱟᱨᱤ ᱾ ᱱᱚᱣᱟ ᱢᱟᱞᱮᱥᱤᱭᱟ ᱨᱮ ᱒᱐᱐᱘ U/ ᱑᱙ ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱡᱤᱛᱠᱟᱹᱨᱤᱡ ᱥᱤᱧᱚᱛᱤᱭᱟᱹ ᱫᱚᱞ ᱨᱤᱱᱤᱡ ᱢᱩᱬ ᱞᱮᱫᱫᱟ ᱭᱤᱡ ᱠᱷᱚᱱ ᱫᱚ ᱢᱤᱫᱴᱟᱹᱝ ᱜᱮ ᱛᱟᱦᱮᱸ ᱠᱟᱱᱟᱭ ᱾ ᱱᱤᱛᱚᱜ ᱵᱤᱢᱚᱞ ᱞᱟᱠᱲᱟ ᱫᱚ ᱥᱤᱧᱚᱛᱤᱭᱟᱹ ᱦᱚᱠᱤ ᱢᱩᱬᱛᱮᱱᱮ ᱢᱮᱱᱟᱭᱟ ᱾ ᱮᱴᱟᱜ ᱠᱷᱮᱞᱚᱸᱰᱟᱱᱤ ᱨᱮ ᱫᱚ ᱢᱤᱫ ᱭᱩᱵᱟ ᱛᱤᱨᱟᱝᱫᱟᱡᱽ ᱫᱤᱯᱤᱠᱟ ᱠᱩᱢᱟᱨᱤ ᱥᱮᱞᱮᱫ ᱟᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱑᱐ ᱟᱹᱯᱱᱟᱹᱛ ᱮᱱᱮᱡ ᱨᱮ ᱛᱤᱨᱞᱟᱹ ᱦᱚᱲ ᱨᱤᱠᱚᱨᱵᱽ ᱮᱵᱷᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱞᱮᱜᱼᱟ ᱛᱟᱦᱮᱸᱫ ᱾ ᱱᱤᱠᱠᱤ ᱯᱨᱚᱫᱷᱟᱱ ᱫᱚ ᱱᱤᱛᱚᱜ ᱡᱟᱹᱛᱤᱭᱟᱹᱨᱤ ᱦᱚᱠᱤ ᱫᱚᱞ ᱨᱤᱱᱤᱡ ᱥᱚᱦᱮᱫ ᱮ ᱢᱮᱱᱟᱭᱟ ᱾ ᱯᱨᱚᱫᱷᱟᱱ ᱫᱚ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱦᱟᱠᱤ ᱮᱱᱮᱡᱤᱡ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱚᱞᱟᱝᱯᱤᱠ ᱨᱮ ᱥᱤᱧᱚᱛ ᱨᱮᱱᱟᱜ ᱨᱤᱯᱨᱮᱥᱮᱱᱴᱮᱰ (represented) ᱞᱮᱜᱼᱟ ᱛᱟᱦᱮᱸᱫ ᱾

 
ᱟᱭᱟᱲ ᱥᱤᱧᱚᱛᱤᱭᱟᱹ ᱠᱨᱤᱠᱮᱴᱟᱨ ᱫᱚᱞ ᱨᱤᱱᱤᱡ ᱢᱩᱬᱴᱮᱱ ᱢᱚᱦᱮᱱᱫᱨᱚ ᱥᱤᱝ ᱫᱷᱚᱱᱤ ᱨᱟᱺᱪᱤ ᱨᱤᱱᱤᱡ ᱠᱟᱱᱟ

ᱢᱤᱫᱴᱟᱹᱝ ᱤᱱᱰᱚᱨ ᱥᱴᱮᱰᱤᱭᱟᱢ ᱟᱨ ᱢᱤᱫ ᱯᱨᱮᱠᱴᱤᱠ ᱴᱟᱺᱰᱤ ᱥᱟᱶᱛᱮ ᱢᱤᱫ ᱡᱮᱜᱮᱛ ᱡᱟᱠᱟᱛ ᱠᱨᱤᱠᱮᱴ ᱥᱴᱮᱰᱤᱭᱟᱢ ᱵᱮᱱᱟᱣ ᱮᱱᱟ ᱾ ᱱᱚᱣᱟ ᱡᱮᱜᱮᱛ ᱡᱟᱜᱟᱛ ᱠᱨᱤᱠᱮᱴ ᱥᱴᱮᱰᱤᱭᱟᱢ ᱫᱚ ᱑᱙ ᱡᱟᱱᱩᱣᱟᱨᱤ ᱒᱐᱑᱓ ᱨᱮ ᱥᱤᱧᱚᱛ ᱟᱨ ᱤᱝᱞᱮᱱᱰ ᱢᱤᱫ ᱡᱮᱜᱮᱛ ᱡᱟᱠᱟᱛ ᱢᱮᱪ ᱵᱮᱴᱣᱤᱱ ᱦᱩᱭ ᱮᱱᱟ ᱾[᱑᱘] ᱚᱱᱟ ᱥᱟᱶᱛᱮ, ᱱᱚᱣᱟ ᱥᱴᱮᱰᱤᱭᱟᱢ ᱫᱚ ᱠᱮ.ᱠᱮ.ᱟᱨ. ᱞᱟᱹᱜᱤᱫ ᱛᱮ ᱵᱟᱨᱭᱟ ᱟᱭᱤ.ᱯᱤ.ᱮᱞ. ᱖ ᱢᱮᱪ ᱵᱮᱴᱣᱤᱱ ᱠᱮᱫᱼᱟ ᱟᱨ ᱥᱤ.ᱮᱥ.ᱠᱮ. ᱟᱨ ᱟᱨ.ᱥᱤ.ᱵᱤ. ᱛᱟᱞᱟ ᱨᱮ ᱟᱭᱤ.ᱯᱤ.ᱮᱥ. ᱘ ᱠᱮ ᱠᱣᱟᱞᱤᱯᱷᱟᱭᱟᱨ ᱒ ᱟᱨ ᱵᱷᱚᱡᱽᱯᱩᱨᱤ ᱫᱟᱵᱟᱝ ᱞᱟᱹᱜᱤᱫ ᱛᱮ ᱥᱮᱞᱤᱵᱨᱤᱴᱤ (Celebrity) ᱠᱨᱤᱠᱮᱴ ᱞᱤᱜᱽ ᱢᱮᱪ ᱮᱱᱮᱡ ᱟᱠᱟᱫᱟ ᱾ ᱢᱤᱫ ᱴᱮᱱᱤᱥ ᱮᱠᱟᱰᱮᱢᱤ, ᱡᱟᱦᱟᱸᱭ ᱡᱷᱤᱡ ᱥᱟᱹᱜᱩᱱ ᱟᱠᱟᱫ ᱥᱟᱱᱤᱭᱟ ᱢᱤᱨᱡᱟ ᱟᱨ ᱥᱚᱭᱮᱵᱽ ᱢᱚᱞᱤᱠ ᱤᱫᱤ ᱛᱮ ᱦᱩᱭ ᱞᱮᱱᱟ ᱛᱟᱦᱮᱸᱫ, ᱠᱨᱤᱠᱮᱴ ᱤᱥᱴᱮᱰᱤᱭᱟᱢ ᱥᱟᱞᱟᱜ ᱦᱚᱸ ᱪᱟᱞᱟᱜᱼᱟ ᱾[᱑᱙] ᱨᱟᱺᱪᱤ ᱫᱚ ᱡᱟᱱᱩᱣᱟᱨᱤ ᱒᱐᱑᱓ ᱨᱮ ᱮᱱᱮᱡᱟᱜ ᱦᱚᱠᱤ ᱥᱤᱧᱚᱛ ᱞᱤᱜᱽ ᱨᱮᱱᱟᱜ ᱛᱩᱨᱩᱭ ᱥᱚᱦᱚᱨ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱨᱟᱺᱪᱤ ᱯᱷᱨᱮᱸᱪᱟᱭᱡᱤ ᱫᱚ ᱯᱟᱴᱮᱞ-ᱭᱩᱱᱤᱮᱠᱥᱮᱞ ᱜᱩᱴ ᱟᱨ ᱨᱟᱺᱪᱤ ᱨᱟᱭᱱᱚᱥ ᱧᱩᱛᱩᱢᱟᱜ ᱫᱚᱞ ᱮ ᱠᱤᱨᱤᱧ ᱞᱮᱫᱼᱟ ᱛᱟᱦᱮᱸᱫ, ᱚᱠᱚᱭ ᱫᱚ ᱱᱤᱛᱚᱜ ᱢᱚᱦᱮᱱᱫᱽᱨᱚ ᱥᱤᱝ ᱫᱷᱚᱱᱤ ᱭᱟᱜ ᱤᱫᱤ ᱛᱮ ᱥᱟᱦ-ᱢᱮᱡᱽᱵᱟᱱᱤᱜ (co-hosted) ᱠᱟᱱᱟ ᱟᱨ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱨᱟᱺᱪᱤ ᱨᱮᱡᱽ ᱫᱚᱦᱚ ᱮᱱᱟ ᱾[᱒᱐]

 
ᱡᱮ.ᱟᱨ.ᱰᱤ. ᱴᱟᱴᱟ ᱥᱯᱚᱨᱴᱥ ᱠᱟᱢᱯᱞᱮᱠᱥ

ᱡᱮ.ᱟᱨ.ᱰᱤ. ᱴᱟᱴᱟ ᱥᱯᱚᱨᱴᱥ ᱠᱟᱢᱯᱞᱮᱠᱥ, ᱡᱟᱢᱥᱮᱫᱽᱯᱩᱨ ᱤᱱᱰᱤᱭᱟ ᱥᱩᱯᱟᱨ ᱞᱤᱜᱽ ᱨᱮᱱᱟᱜ ᱯᱷᱩᱴᱵᱳᱞ ᱢᱮᱪ ᱨᱮᱱᱟᱜ ᱦᱚᱥᱴᱥ ᱟ ᱟᱨ ᱟᱭᱤ.ᱮᱥ.ᱮᱥ. ᱴᱷᱟᱯᱚᱱ ᱯᱷᱩᱴᱵᱳᱞ ᱠᱞᱟᱵᱽ ᱡᱟᱢᱥᱮᱫᱽᱯᱩᱨ ᱮᱯᱷ.ᱥᱤ. ᱚᱲᱟᱜ ᱢᱮᱱᱟᱜᱼᱟ ᱾

ᱢᱩᱬ ᱧᱮᱞᱡᱚᱝ ᱴᱷᱟᱶ

ᱥᱟᱯᱲᱟᱣ

ᱢᱩᱬ ᱴᱷᱟᱶ ᱼ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱧᱮᱞᱡᱚᱝ ᱴᱷᱟᱶ

 
ᱡᱚᱱᱦᱟ ᱡᱷᱟᱨᱱᱟ

ᱡᱷᱟᱨᱠᱷᱚᱸᱰ ᱟᱡᱟᱜ ᱡᱷᱟᱨᱱᱟ, ᱵᱩᱨᱩ ᱟᱨ ᱵᱚᱸᱜᱟ ᱛᱷᱟᱱ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾

ᱯᱟᱨᱚᱥᱱᱟᱛᱷ, ᱵᱮᱭᱫᱽᱭᱚᱱᱟᱛᱷ ᱫᱷᱟᱢ ᱟᱨ ᱨᱟᱡᱽᱨᱟᱯᱟᱜ ᱢᱩᱬ ᱵᱚᱸᱜᱟ ᱛᱷᱟᱱ ᱠᱟᱱᱟ ᱾[᱒᱑]

ᱡᱷᱟᱨᱠᱷᱚᱸᱰ ᱨᱮ ᱵᱮᱛᱞᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱥᱟᱶᱛᱮ ᱟᱹᱰᱤ ᱜᱟᱱ ᱵᱤᱨᱡᱤᱭᱟᱹᱞᱤ ᱢᱮᱱᱟᱜᱼᱟ ᱱᱚᱣᱟ ᱧᱮᱞᱡᱚᱝ ᱞᱟᱹᱜᱤᱫ ᱛᱮ ᱢᱩᱬ ᱞᱩᱵᱷᱟᱣ ᱢᱮᱱᱟᱜᱼᱟ ᱾[᱒᱒][᱒᱓][᱒᱔][᱒᱕]

ᱡᱷᱟᱨᱠᱷᱚᱸᱰ ᱨᱤᱱ ᱥᱚᱨᱚᱥ ᱦᱚᱲ

ᱥᱟᱯᱲᱟᱣ

ᱯᱚᱱᱚᱛ ᱠᱚ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱫᱚ ᱢᱤᱫᱴᱟᱹᱝ ᱯᱚᱱᱚᱛ ᱠᱟᱱᱟ ᱾ ᱱᱚᱸᱰᱮ ᱢᱩᱴ ᱵᱟᱨᱜᱮᱞᱯᱩᱱ ᱜᱚᱴᱟᱝ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱚᱱᱟ ᱠᱚ ᱨᱮᱱᱟᱜ ᱧᱩᱛᱩᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ :-

ᱠᱷᱚᱸᱰ ᱟᱨ ᱯᱚᱱᱚᱛ

ᱥᱟᱯᱲᱟᱣ

ᱯᱟᱹᱨᱥᱤ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱯᱚᱱᱚᱛᱤᱭᱟᱹ ᱯᱟᱹᱨᱥᱤ ᱫᱚ ᱦᱤᱱᱫᱤ ᱠᱟᱱᱟ ᱟᱨ ᱫᱚᱥᱟᱨ ᱯᱚᱱᱚᱛ ᱯᱟᱹᱨᱥᱤ ᱫᱚ ᱥᱟᱱᱛᱟᱲᱤ ᱠᱟᱱᱟ᱾ ᱪᱮᱫᱟᱜ ᱪᱮ ᱦᱤᱱᱫᱤ ᱛᱟᱭᱚᱢ ᱥᱟᱱᱛᱟᱲᱤ ᱡᱷᱟᱨᱠᱷᱚᱸᱰ ᱨᱮ ᱵᱟᱹᱲᱛᱤ ᱨᱚᱲᱚᱜᱚᱜ ᱠᱟᱱᱟ, ᱚᱱᱟ ᱛᱮ ᱱᱚᱣᱟ ᱫᱚᱥᱟᱨ ᱯᱚᱱᱚᱛ ᱯᱟᱹᱨᱥᱤ ᱨᱮᱭᱟᱜ ᱫᱟᱨᱡᱟᱭ ᱧᱟᱢ ᱟᱠᱟᱫᱟ ᱾ ᱱᱤᱭᱟᱹ ᱪᱷᱟᱰᱟ ᱟᱨᱦᱚᱸ ᱡᱷᱟᱨᱠᱷᱚᱸᱰ ᱨᱮ ᱨᱚᱲᱚᱜᱚᱜ ᱯᱟᱹᱨᱥᱤ ᱠᱚ ᱢᱮᱱᱟᱜᱼᱟ, ᱡᱮᱞᱮᱠᱟ : ᱩᱨᱫᱩ, ᱵᱟᱸᱜᱟᱞᱤ, ᱢᱩᱸᱰᱟ, ᱩᱨᱟᱝ ᱮᱢᱟᱱ ᱯᱟᱹᱨᱥᱤ ᱠᱚ᱾

ᱠᱷᱚᱵᱚᱨᱤᱭᱟᱹ

ᱥᱟᱯᱲᱟᱣ

ᱡᱷᱟᱨᱠᱷᱚᱸᱰ ᱨᱮ ᱟᱭᱢᱟ ᱞᱮᱠᱟᱱ ᱴᱤᱹᱵᱷᱤᱹ ᱪᱮᱱᱮᱞ, ᱱᱤᱣᱥ ᱯᱮᱯᱟᱨ ᱟᱨ ᱨᱮᱰᱤᱭᱚ ᱠᱚ ᱯᱟᱨᱥᱟᱞᱚᱜ ᱠᱟᱱᱟ ᱾ ᱰᱤᱹᱰᱤᱹ ᱡᱷᱟᱨᱠᱷᱚᱸᱰ ᱫᱚ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱟᱹᱰᱤ ᱥᱮᱬᱟ ᱪᱮᱱᱮᱞ ᱠᱟᱱᱟ ᱾[᱒᱖]

ᱦᱤᱱᱫᱩᱥᱛᱟᱱ, ᱫᱮᱭᱱᱤᱠ ᱡᱟᱜᱽᱨᱟᱱ, ᱥᱚᱠᱟᱞ ᱥᱚᱠᱟᱞ, ᱯᱨᱟᱵᱷᱟᱛ ᱠᱷᱚᱵᱚᱨ, ᱨᱟᱺᱪᱤ ᱮᱠᱥᱯᱨᱮᱥ ᱠᱚ ᱫᱚ ᱦᱤᱱᱫᱤ ᱠᱷᱚᱵᱚᱨ ᱠᱟᱜᱚᱡᱽ ᱠᱟᱱᱟ ᱟᱨ ᱦᱤᱱᱫᱩᱥᱛᱟᱱ ᱴᱟᱭᱤᱢ, ᱱᱟᱶᱟᱵᱷᱟᱨᱚᱛ ᱴᱟᱭᱤᱢᱥ, ᱫᱟ ᱴᱮᱞᱤᱜᱨᱟᱯᱷ ᱮᱢᱟᱱ ᱫᱚ ᱡᱷᱟᱨᱠᱷᱚᱸᱰ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱤᱸᱨᱟᱹᱡᱤ ᱠᱷᱚᱵᱚᱨ ᱠᱟᱜᱚᱡᱽ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

ᱥᱟᱯᱲᱟᱣ
  1. ↑ "Jharkhand Provisional Result-Census 2011-Data Sheet" (PDF). Office of the Registrar General & Census Commissioner, India. Ministry of Home Affairs, Government of India. Archived from the original (PDF) on 17 ᱢᱮ 2017. Retrieved 13 ᱡᱩᱞᱟᱭ 2017. {{cite web}}: Unknown parameter |dead-url= ignored (help)
  2. ↑ "10 Dishes of Cuisine of Jharkhand you must try at least once in Life". Great Indian Food (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 30 September 2016. Archived from the original on 3 February 2017. Retrieved 2 February 2017.
  3. ↑ "Jharkhand Tourism::Cusines". www.jharkhandtourism.in. Archived from the original on 26 February 2017. Retrieved 2 February 2017.
  4. ↑ "Rugra on a rain high - Mushroom demand shoots up in holy month of Shravan". www.telegraphindia.com (in ᱟᱝᱜᱽᱨᱮᱡᱤ). Archived from the original on 28 March 2019. Retrieved 9 October 2018.
  5. ↑ "Tribal Food of Chota Nagpur". 15 April 2016. Archived from the original on 18 April 2019. Retrieved 30 April 2019.
  6. ↑ "Archived copy". Archived from the original on 14 October 2015. Retrieved 30 April 2019.{{cite web}}: CS1 maint: archived copy as title (link)
  7. ↑ "Ranchi Airport crosses one million mark of passengers. PASSENGERS". Pioneer. www.dailypioneer.com. Archived from the original on 30 ᱡᱩᱞᱟᱭ 2017. Retrieved 6 ᱮᱯᱨᱤᱞ 2017.
  8. ↑ "Dhanbad, Dumka on chartered flight path". The Telegraph. 14 ᱚᱜᱚᱥᱴ 2011. Archived from the original on 30 ᱰᱤᱥᱮᱢᱵᱚᱨ 2013. Retrieved 29 ᱰᱤᱥᱮᱢᱵᱚᱨ 2013. {{cite news}}: Unknown parameter |dead-url= ignored (help)
  9. ↑ "National highways in Jharkhand". pib.nic.in. Press Information Bureau, Government of India. Archived from the original on 13 ᱰᱤᱥᱮᱢᱵᱚᱨ 2017. Retrieved 6 ᱰᱤᱥᱮᱢᱵᱚᱨ 2017. {{cite web}}: Unknown parameter |dead-url= ignored (help)
  10. ↑ "Multi-model port to come up at Sahibganj: Gadkari". The Pioneer. 28 ᱡᱟᱱᱩᱣᱟᱨᱤ 2016. Archived from the original on 22 ᱚᱜᱚᱥᱴ 2017. Retrieved 17 ᱡᱩᱱ 2017. {{cite news}}: Unknown parameter |dead-url= ignored (help)
  11. ↑ "Sahibganj to be exim hub with a multimodal plan: Nitin Gadkari". Business Standard. 13 ᱚᱠᱴᱚᱵᱚᱨ 2016. Archived from the original on 22 ᱚᱜᱚᱥᱴ 2017. Retrieved 17 ᱡᱩᱱ 2017. {{cite news}}: Unknown parameter |dead-url= ignored (help)
  12. ↑ {{cite news|first=Rajat|last=Arora|title=L&T to construct Sahibganj Multi modal transportation terminal|ᱟᱨᱚᱨᱟ, ᱨᱟᱡᱟᱛ (19 October 2016). "ᱥᱟᱦᱮᱵᱽᱜᱚᱸᱡᱽ ᱢᱟᱞᱴᱤ ᱢᱚᱰᱟᱞ ᱴᱨᱟᱝᱥᱯᱚᱨᱴᱮᱥᱚᱱ ᱴᱟᱨᱢᱤᱱᱟᱞ ᱵᱮᱱᱟᱣ ᱞᱟᱹᱜᱤᱫ ᱮᱞ ᱮᱱᱰ ᱴᱤ ᱾". ᱫᱟ ᱤᱠᱚᱱᱚᱢᱤᱠ ᱴᱟᱤᱢᱥ. Archived from the original on ᱒᱙ June ᱒᱐᱑᱗. Retrieved ᱑᱗ June ᱒᱐᱑᱗. {{cite news}}: Check date values in: |accessdate= and |archive-date= (help); Unknown parameter |dead-url= ignored (help)
  13. ↑ Rail funds up this time Archived ᱓᱐ ᱢᱟᱨᱪ ᱒᱐᱑᱘ at the Wayback Machine. The Telegraph 7 February 2018
  14. ↑ Dr. Arun C. Mehta. "District-specific Literates and Literacy Rates, 2001". Educationforallinindia.com. Archived from the original on 14 ᱮᱯᱨᱤᱞ 2010. Retrieved 12 ᱱᱚᱵᱷᱮᱢᱵᱚᱨ 2011. {{cite web}}: Unknown parameter |dead-url= ignored (help)
  15. ↑ "National Family Health Survey, 1998–99: Fact Sheet, Jharkhand, Section: Basic Socio-Demographic Features of Jharkhand" (PDF). p. 3. Archived from the original (PDF) on 3 ᱚᱠᱴᱚᱵᱚᱨ 2007. Retrieved 21 ᱚᱜᱚᱥᱴ 2009. {{cite web}}: Unknown parameter |dead-url= ignored (help)
  16. ↑ Sanjay Pandey (16 October 2007). "The poor state of girl child education in Jharkhand State". MyNews.in.[permanent dead link]
  17. ↑ "Dhoni's world cup bat sold for Rs. 72 lakhs". Ndtv.com. 19 ᱡᱩᱞᱟᱭ 2011. Archived from the original on 7 ᱚᱠᱴᱚᱵᱚᱨ 2012. Retrieved 9 ᱢᱮ 2012.
  18. ↑ "Ranchi's new stadium set to host maiden One-Day International on January 19". The Times Of India. 19 October 2012. Archived from the original on 9 May ᱒᱐. Retrieved 18 March 2013. {{cite news}}: Check date values in: |archive-date= (help)
  19. ↑ "Tennis takes Sania-Shoaib to Ranchi". Archived from the original on 8 April 2011. Retrieved 4 February 2017.
  20. ↑ "Ranchi franchise becomes third team in Hockey India League". The Times Of India. 14 ᱥᱮᱯᱴᱮᱢᱵᱚᱨ 2012. Archived from the original on 8 ᱢᱮ 2013. Retrieved 18 ᱢᱟᱨᱪ 2013.
  21. ↑ "Jharkhand registers 385% increase in foreign tourist visits". Hindustan Times. Archived from the original on 3 April 2019. Retrieved 30 April 2019.
  22. ↑ "BETLA NATIONAL PARK & TIGER RESERVE". WebIndia123. Archived from the original on 3 April 2019. Retrieved 30 April 2019.
  23. ↑ "You Can Walk Amid Wildlife at Dalma Wildlife Sanctuary in Jharkhand". India.com. Archived from the original on 3 April 2019. Retrieved 30 April 2019.
  24. ↑ "Winter holiday rush at Betla, Netarhat". The Telegraph. Archived from the original on 3 April 2019. Retrieved 30 April 2019.
  25. ↑ "Dalma Wildlife Sanctuary bursts at the seams of autumn season". The Pioneer. Archived from the original on 3 April 20᱒᱑. Retrieved 30 April 2019.
  26. ↑ "Jharkhand Media". mapsofindia.com. Archived from the original on 30 April 2019. Retrieved 30 April 2019.

ᱵᱟᱦᱨᱮ ᱡᱚᱱᱚᱲ

ᱥᱟᱯᱲᱟᱣ

ᱥᱚᱨᱠᱟᱨ

ᱥᱟᱠᱤᱞ ᱵᱟᱰᱟᱭ ᱞᱟᱹᱜᱤᱫ

"https://sat.wikipedia.org/w/index.php?title=ᱡᱷᱟᱨᱠᱷᱚᱸᱰ&oldid=160608" ᱠᱷᱚᱱ ᱧᱟᱢ ᱟᱹᱜᱩᱭ