ᱢᱟᱫᱟᱨᱤᱯᱩᱨ ᱦᱚᱱᱚᱛ

ᱢᱟᱫᱟᱨᱤᱯᱩᱨ ᱦᱚᱱᱚᱛ ᱵᱟᱝᱞᱟᱫᱮᱥ ᱨᱮᱭᱟᱜ ᱛᱟᱞᱟ ᱰᱷᱟᱠᱟ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱟᱝ ᱯᱚᱨᱥᱟᱥᱚᱱᱤᱠ ᱚᱱᱪᱚᱞ ᱠᱟᱱᱟ᱾

ᱢᱟᱫᱟᱨᱤᱯᱩᱨ (Madaripur) মাদারিপুর
ᱵᱟᱝᱞᱟᱫᱮᱥ ᱨᱮᱱᱟᱜ ᱦᱚᱱᱚᱛᱠᱚ
Madaripur District
ᱥᱤᱞ
ᱮᱴᱟᱜ ᱧᱩᱛᱩᱢ: Lake Park city (লেকপার্কসিটি)
Location of Madaripur in Bangladesh
Coordinates: 23.17°N 90.10°E / 23.17; 90.10
Country	Bangladesh
Division	Dhaka Division
ᱮᱨᱤᱭᱟ
• ᱞᱮᱠᱷᱟᱜᱩᱴ	1144.96 ᱠᱤᱢᱤ২ (442.07 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011 census)
• ᱞᱮᱠᱷᱟᱜᱩᱴ	᱑,᱒᱑᱒,᱑᱙᱘
• ᱰᱮᱱᱥᱤᱴᱤ	1100/ᱠᱤᱢᱤ2 (2700/ᱜᱟᱺᱴ ᱢᱟᱹᱭᱤᱞ)
Demonym(s)	Madaripuri, Bangali
BST (ᱭᱩᱴᱤᱥᱤ+06:00)
ᱯᱤᱱ ᱠᱳᱰ	7900
Geographical area codes	0661
ᱡᱤᱭᱳᱠᱳᱰ	BD.DA.MD
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	BD-36
ᱣᱮᱵᱽᱥᱟᱭᱤᱴ	www.madaripur.gov.bd

ᱱᱟᱜᱟᱢ

ᱦᱚᱱᱚᱛ ᱨᱮᱭᱟᱜ ᱩᱛᱟᱹᱨ ᱫᱚ ᱯᱷᱚᱨᱤᱫᱯᱩᱨ ᱦᱚᱱᱚᱛ ᱟᱨ ᱢᱩᱱᱥᱤᱜᱚᱸᱡᱽ ᱦᱚᱱᱚᱛ, ᱯᱩᱨᱩᱵᱽ ᱫᱚ ᱥᱚᱨᱤᱭᱚᱛᱯᱩᱨ ᱦᱚᱱᱚᱛ, ᱯᱩᱪᱷᱤᱢ ᱫᱚ ᱯᱷᱚᱨᱤᱫᱯᱩᱨ ᱦᱚᱱᱚᱛ ᱟᱨ ᱜᱚᱯᱟᱞᱜᱚᱸᱡᱽ ᱦᱚᱱᱚᱛ, ᱫᱟᱹᱠᱷᱤᱱ ᱫᱚ ᱜᱚᱯᱟᱞᱜᱚᱸᱡᱽ ᱦᱚᱱᱚᱛ ᱟᱨ ᱵᱚᱨᱤᱥᱟᱞ ᱦᱚᱱᱚᱛ ᱢᱮᱱᱟᱜ-ᱟ᱾ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱥᱚᱝᱥᱩᱢᱩᱝ ᱫᱚ ᱑᱑᱒᱕.᱖᱙ ᱵᱚᱝᱜᱚ ᱠᱤᱞᱚᱢᱤᱴᱟᱹᱨ᱾

ᱯᱚᱨᱥᱟᱥᱚᱱ

ᱢᱟᱫᱟᱨᱤᱯᱩᱨ ᱨᱮᱱ ᱰᱮᱯᱩᱴᱤ ᱠᱚᱢᱤᱥᱚᱱᱟᱨ (DC) ᱫᱚ ᱢᱮᱱᱟᱭᱟ ᱢᱚᱦᱟᱢᱢᱚᱫ ᱚᱭᱟᱦᱤᱫᱩᱞ ᱤᱥᱞᱟᱢ ᱟᱨ ᱦᱚᱱᱚᱛ ᱨᱮ ᱯᱚᱨᱥᱟᱥᱚᱠ ᱫᱚᱭ ᱦᱩᱭᱩᱜ ᱠᱟᱱᱟ ᱢᱚᱦᱟᱠᱩᱢᱟ ᱢᱤᱭᱟᱡᱽ-ᱩᱫᱫᱤᱱ ᱠᱷᱟᱱ᱾

ᱯᱚᱨᱥᱟᱥᱚᱱᱤᱠ ᱮᱞᱟᱠᱟ ᱠᱚ

ᱢᱟᱫᱟᱨᱤᱯᱩᱨ ᱦᱚᱱᱚᱛ ᱨᱮ ᱓ ᱜᱚᱴᱟᱝ ᱥᱚᱝᱥᱚᱫᱤᱳ ᱟᱥᱚᱱ, ᱔ ᱜᱚᱴᱟᱝ ᱩᱯᱚᱡᱮᱞᱟ, ᱕ ᱜᱚᱴᱟᱝ ᱛᱷᱟᱱᱟ,, ᱔ ᱜᱚᱴᱟᱝ ᱯᱚᱣᱨᱚᱥᱚᱵᱷᱟ, ᱕᱙ ᱜᱚᱴᱟᱝ ᱤᱣᱱᱤᱭᱚᱱ ᱯᱚᱨᱤᱥᱚᱫ, ᱑᱐᱖᱒ ᱜᱚᱴᱟᱝ ᱟᱛᱚ, ᱔᱗᱙ ᱜᱚᱴᱟᱝ ᱢᱳᱣᱡᱟ ᱢᱮᱱᱥᱜ-ᱟ᱾

ᱥᱚᱝᱥᱚᱫ ᱟᱥᱚᱱ ᱠᱚ

1. ᱢᱟᱫᱟᱨᱤᱯᱩᱨ-᱑
2. ᱢᱟᱫᱟᱨᱤᱯᱩᱨ-᱒
3. ᱢᱟᱫᱟᱨᱤᱯᱩᱨ-᱓

ᱩᱯᱚᱡᱮᱞᱟ ᱠᱚ

1. ᱢᱟᱫᱟᱨᱤᱯᱩᱨ ᱥᱚᱫᱚᱨ
2. ᱥᱤᱵᱽᱪᱚᱨ
3. ᱠᱟᱞᱠᱤᱱᱤ
4. ᱨᱟᱣᱡᱚᱰᱽ
5. ᱰᱟᱥᱟᱨ(ᱛᱷᱟᱱᱟ)

ᱯᱚᱣᱨᱚᱥᱚᱵᱷᱟ ᱠᱚ

• ᱢᱟᱫᱟᱨᱤᱯᱩᱨ ᱯᱚᱣᱨᱚᱥᱚᱵᱷᱟ
• ᱥᱤᱵᱽᱪᱚᱨ ᱯᱚᱣᱨᱚᱥᱚᱵᱷᱟ
• ᱠᱟᱞᱠᱤᱱᱤ ᱯᱚᱣᱨᱚᱥᱚᱵᱷᱟ
• ,ᱨᱟᱣᱡᱚᱵᱽ ᱯᱚᱣᱨᱚᱥᱚᱵᱷᱟ

ᱦᱚᱲ ᱠᱚ

ᱢᱟᱫᱟᱨᱤᱯᱩᱨ ᱦᱚᱱᱚᱛ ᱨᱮ ᱑᱒,᱑᱒,᱑᱙᱘ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱭᱟ᱾ ᱚᱱᱟ ᱵᱷᱤᱛᱨᱤ ᱨᱮ ᱕᱙᱗.᱓᱗᱒ ᱜᱚᱴᱟᱝ ᱠᱚᱲᱟ ᱟᱨ ᱖᱘᱒.᱘᱒᱖ ᱜᱚᱴᱟᱝ ᱠᱩᱲᱤ᱾ ᱢᱟᱫᱟᱨᱤᱯᱩᱨ ᱦᱚᱱᱚᱛ ᱨᱮ ᱒᱐,᱒᱓,᱗᱐᱒ ᱜᱚᱴᱟᱝ ᱢᱩᱥᱞᱟᱹ, ᱑,᱔᱑,᱐᱙᱗ ᱜᱚᱴᱟᱝ ᱦᱤᱱᱫᱩ, ᱓᱖ ᱜᱚᱴᱟᱝ ᱵᱟᱫᱫᱣ, ᱑,᱐᱘᱑ ᱜᱚᱴᱟᱝ ᱤᱥᱟᱹᱭ ᱟᱨ ᱟᱢᱟᱜ ᱫᱷᱚᱨᱚᱢ ᱨᱮ ᱒᱖ ᱜᱚᱴᱟᱝ ᱦᱚᱲ ᱢᱮᱱᱟᱜ-ᱠᱚᱣᱩᱟ᱾ ᱢᱟᱫᱟᱨᱤᱯᱩᱨ ᱦᱚᱱᱚᱛ ᱨᱮ ᱦᱚᱲ ᱡᱟᱹᱥᱛᱤᱜ ᱦᱟᱨ ᱐.᱑᱗%᱾

• ᱠᱚᱲᱟ ᱔᱙.᱓᱙%
• ᱠᱩᱲᱤ ᱕᱐.᱗᱑%

ᱦᱟᱢᱮᱴ

ᱢᱟᱫᱟᱨᱤᱯᱩᱨ ᱦᱚᱱᱚᱛ ᱨᱮ ᱟᱹᱠᱤᱞ ᱦᱟᱢᱮᱴ ᱨᱮᱭᱟᱜ ᱦᱟᱨ ᱔᱘%᱾ ᱚᱱᱟ ᱛᱟᱞᱟ ᱨᱮ ᱠᱚᱲᱟ ᱕᱐.᱑᱑%, ᱟᱨ ᱠᱩᱲᱤ ᱔᱕.᱙᱓%᱾ ᱢᱟᱫᱟᱨᱤᱯᱩᱨ ᱨᱮ ᱖᱗᱗ ᱜᱚᱴᱟᱝ ᱯᱟᱨᱛᱷᱚᱢᱤᱠ ᱤᱥᱠᱩᱞ, ᱒᱘᱙ ᱜᱚᱴᱟᱝ ᱤᱧᱡᱤᱳ ᱤᱥᱠᱩᱞ, ᱗᱖ ᱜᱚᱴᱟᱝ ᱠᱤᱱᱰᱟᱨ-ᱜᱟᱨᱴᱮᱱ, ᱑᱖᱓ ᱜᱚᱴᱟᱝ ᱢᱟᱫᱨᱟᱥᱟ, ᱑᱖ ᱜᱚᱴᱟᱝ ᱦᱟᱭ ᱤᱥᱠᱩᱞ (ᱵᱟᱨᱮᱭᱟ ᱥᱚᱨᱠᱟᱨᱤ), ᱒᱓ ᱜᱚᱴᱟᱝ ᱠᱚᱞᱮᱡᱽ (᱕ ᱜᱚᱴᱟᱝ ᱥᱚᱨᱠᱟᱨᱤ), ᱢᱤᱫᱴᱟᱝ ᱴᱮᱠᱥᱴᱟᱭᱤᱞ ᱤᱱᱥᱴᱤᱴᱤᱭᱩᱴ, ᱢᱤᱫᱴᱟᱝ ᱥᱚᱨᱠᱟᱨᱤ ᱴᱮᱠᱱᱤᱠᱮᱞ ᱠᱚᱞᱮᱡᱽ, ᱢᱤᱫᱴᱟᱝ ᱵᱷᱮᱴᱮᱨᱤᱱᱟᱨᱤ ᱠᱚᱞᱮᱡᱽ, ᱑᱐ ᱜᱚᱴᱟᱝ ᱵᱷᱚᱜᱮᱥᱚᱱᱟᱞ(open university)

ᱞᱟᱭᱚᱝ

ᱢᱟᱫᱟᱨᱤᱯᱩᱨ ᱨᱮᱭᱟᱜ ᱞᱟᱭᱚᱝ ᱨᱚᱦᱚᱲ ᱟᱨ ᱞᱚᱞᱚ ᱜᱮᱭᱟ᱾ ᱞᱟᱭᱚᱝ ᱠᱚ ᱪᱟᱸᱫᱚ ᱯᱤᱪᱷᱟᱹ ᱵᱚᱫᱚᱞᱟ᱾ ᱢᱟᱫᱟᱨᱤᱯᱩᱨ ᱨᱮᱭᱟᱜ ᱡᱟᱹᱥᱛᱤ ᱞᱚᱞᱚ ᱓᱕'᱘° ᱥᱮᱞᱥᱤᱭᱟᱥ ᱟᱨ ᱠᱚᱢᱟᱣ ᱞᱮᱱᱠᱷᱟᱱ ᱑᱒`᱖° ᱥᱮᱞᱥᱤᱭᱟᱥ ᱨᱮ ᱛᱟᱦᱮᱱᱟ᱾ ᱥᱮᱨᱢᱟ ᱨᱮ ᱫᱟᱜ ᱦᱩᱭᱩᱜᱼᱟ ᱒.᱑᱐᱕ ᱢᱤᱞᱤᱢᱤᱴᱟᱹᱨ᱾

ᱱᱟᱹᱭ ᱱᱟᱞᱟ

ᱢᱟᱫᱟᱨᱤᱯᱩᱨ ᱦᱚᱱᱚᱛ ᱨᱮ ᱑᱐ ᱜᱚᱴᱟᱝ ᱜᱟᱱ ᱜᱟᱰᱟ ᱢᱮᱱᱟᱜ-ᱟ᱾ ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ ᱺ

• ᱯᱟᱫᱢᱟ
• ᱟᱲᱤᱭᱟᱞ ᱠᱷᱟ ᱜᱟᱰᱟ
• ᱠᱩᱢᱟᱨ ᱟᱯᱟᱨ ᱜᱟᱰᱟ
• ᱠᱩᱢᱟᱨ ᱞᱚᱭᱟᱨ ᱜᱟᱰᱟ
• ᱵᱤᱥᱟᱨ ᱠᱟᱱᱫᱟ-ᱵᱟᱜᱫᱟ ᱜᱟᱰᱟ
• ᱴᱚᱨᱠᱤ ᱜᱟᱰᱟ
• ᱯᱟᱞᱨᱚᱫᱤ ᱜᱟᱰᱟ
• ᱯᱟᱞᱚᱝ ᱜᱟᱰᱟ
• ᱢᱟᱫᱟᱨᱤᱯᱩᱨ ᱜᱟᱰᱟ
• ᱢᱚᱭᱱᱟᱠᱟᱴᱟ ᱜᱟᱰᱟ

ᱥᱚᱸᱥᱠᱟᱨ

ᱱᱤᱭᱟᱹ ᱦᱚᱱᱚᱛ ᱨᱮ ᱛᱨᱤᱱᱟᱛᱷᱮᱨ ᱢᱮᱞᱟ, ᱥᱚᱝᱠᱨᱟᱛᱤ ᱢᱮᱞᱟ, ᱨᱚᱛᱷ ᱢᱮᱞᱟ,ᱜᱚᱱᱮᱥ ᱯᱟᱜᱚᱞᱟᱜ ᱠᱩᱢᱵᱷᱚ ᱢᱮᱞᱟ, ᱚᱱᱟ ᱵᱮᱜᱚᱨ ᱟᱨᱦᱚᱸ ᱟᱭᱢᱟ ᱢᱮᱱᱟᱜ-ᱟ᱾

ᱳᱭᱛᱤᱡᱡᱽᱚ ᱥᱤᱨᱤᱧ

ᱢᱟᱫᱟᱨᱤᱯᱩᱨ ᱨᱮ ᱟᱸᱡᱚᱢᱟᱠᱟᱱ ᱜᱟᱡᱤᱨ ᱜᱟᱱ, ᱠᱤᱨᱛᱚᱱ, ᱯᱟᱸᱪᱟᱞᱤ, ᱫᱷᱩᱭᱟᱜᱟᱱ, ᱠᱩᱫᱩᱢ, ᱡᱚᱨᱤᱜᱟᱱ᱾ ᱚᱱᱟ ᱵᱮᱜᱚᱨ ᱦᱚᱸ ᱦᱚᱱᱚᱛ ᱨᱮ ᱢᱚᱛᱩᱭᱟ ᱡᱟᱹᱛᱤ (ᱨᱟᱣᱡᱚᱵᱽ) ᱫᱮᱵᱽ ᱫᱤᱵᱤ ᱯᱩᱡᱟᱹ ᱨᱮ ᱢᱚᱛᱷᱩᱭᱟ ᱥᱤᱨᱤᱧ ᱦᱚᱸᱠᱚ ᱦᱩᱭ ᱚᱪᱩᱭᱟ᱾

ᱫᱩᱨᱤᱵ

ᱚᱸᱰᱮᱱ ᱠᱚ ᱦᱚᱲ-ᱟ ᱛᱩᱢᱟᱹᱞ ᱨᱮᱭᱟᱜ ᱖᱑.᱓᱓% ᱦᱩᱭᱩᱜᱼᱟ ᱵᱟᱹᱭᱦᱟᱹᱲ ᱠᱟᱢᱤ ᱠᱷᱚᱱ᱾ ᱢᱟᱫᱟᱨᱤᱯᱩᱨ ᱦᱚᱱᱚᱛ ᱨᱮᱭᱟᱜ ᱛᱩᱢᱟᱹᱞ ᱨᱮᱭᱟᱜ ᱒.᱖᱙% ᱦᱟᱡᱩᱜ-ᱟ ᱵᱮᱜᱚᱨ ᱵᱟᱹᱭᱦᱟᱹᱲ ᱠᱟᱢᱤ ᱦᱚᱲ ᱠᱷᱚᱱ ᱟᱨ ᱥᱤᱞᱯᱚ ᱠᱟᱢᱤ ᱠᱷᱚᱱ᱾ ᱵᱟᱹᱭᱦᱟᱹᱲ ᱠᱟᱢᱤ ᱟᱨ ᱥᱤᱞᱯᱚ ᱠᱟᱢᱤ ᱵᱮᱜᱚᱨ ᱵᱮᱵᱚᱥᱥᱟ ᱠᱷᱚᱱ ᱦᱟᱡᱩᱜ-ᱟ ᱑᱕.᱔᱖%, ᱜᱟᱹᱰᱤ ᱠᱷᱚᱱ ᱒.᱒᱗%, ᱛᱮᱭᱟᱨᱤᱭᱟᱹ ᱑.᱗᱑%, ᱫᱷᱚᱨᱚᱢ ᱥᱮᱵᱟ ᱠᱷᱚᱱ ᱐.᱒%, ᱪᱟᱠᱨᱤ ᱠᱷᱚᱱ ᱗.᱒᱕%, ᱛᱮᱱᱴ ᱮᱱᱰ ᱨᱮᱢᱤᱴᱮᱱᱥ ᱠᱷᱚᱱᱟᱜ ᱐.᱘᱗%᱾

ᱯᱚᱨᱫᱷᱟᱱ ᱟᱵᱟᱫ

• ᱦᱩᱲᱩ
• ᱯᱟᱴ
• ᱛᱩᱲᱤ

ᱵᱟᱨᱦᱮ ᱫᱤᱥᱟᱹᱢ ᱞᱟᱹᱜᱤᱫ

• ᱯᱟᱴ
• ᱯᱟᱴᱛᱮ ᱵᱮᱱᱟᱣ ᱡᱤᱱᱤᱥ
• ᱠᱷᱮᱦᱭᱨ ᱜᱤᱲ

ᱦᱟᱹᱡᱩᱜ ᱥᱮᱱᱚᱜ ᱞᱟᱹᱜᱤᱫ

ᱢᱟᱫᱟᱨᱤᱯᱩᱨ ᱨᱟᱡᱽᱥᱟᱦᱤ ᱰᱷᱟᱠᱟ ᱠᱷᱚᱱ ᱘᱙ ᱠᱤᱞᱚᱢᱤᱴᱟᱹᱨ ᱥᱟᱹᱜᱤᱧ ᱨᱮ ᱢᱮᱱᱟᱜ-ᱟ᱾ ᱵᱟᱝᱞᱟᱫᱮᱥ ᱨᱮᱭᱟᱜ ᱮᱴᱟᱠ ᱮᱴᱟᱠ ᱦᱚᱱᱚᱛ ᱠᱚ ᱠᱷᱚᱱ ᱦᱟᱹᱡᱩᱜ ᱥᱮᱱᱚᱜ ᱞᱟᱹᱜᱤᱫ ᱥᱚᱲᱚᱠ ᱟᱨ ᱜᱟᱰᱟ ᱨᱮᱭᱟᱜ ᱰᱟᱦᱟᱨ ᱟᱹᱰᱤ ᱡᱚᱡᱽ ᱜᱮᱭᱟ᱾

ᱫᱷᱚᱨᱚᱢ ᱡᱟᱜᱟ ᱠᱚ

ᱤᱥᱞᱟᱢᱤ ᱯᱟᱣᱱᱰᱮᱥᱚᱱ ᱨᱮᱭᱟᱜ ᱡᱩᱨᱤᱰᱽ ᱞᱮᱠᱟᱛᱮ ᱓᱓᱖᱖ ᱜᱚᱴᱟᱝ ᱢᱚᱥᱡᱤᱫ, ᱓᱓᱐ ᱜᱚᱴᱟᱝ ᱢᱩᱱᱫᱤᱨ, ᱗ ᱜᱚᱴᱟᱝ ᱜᱤᱨᱟᱡᱟᱹ, ᱓ ᱜᱚᱴᱟᱝ ᱢᱟᱡᱟᱨ ᱢᱮᱱᱟᱜ-ᱟ᱾ ᱡᱚᱫᱤ ᱦᱚᱸ ᱢᱟᱫᱟᱨᱤᱯᱩᱨ ᱤᱥᱞᱟᱢ ᱫᱷᱚᱨᱚᱢ ᱦᱚᱲ ᱠᱚ ᱡᱟᱹᱥᱛᱤ ᱜᱮᱭᱟ, ᱮᱱ ᱨᱮᱦᱚᱸ ᱦᱚᱛᱚ ᱞᱮᱠᱟᱱ ᱫᱷᱚᱨᱢᱚ ᱨᱮᱱ ᱦᱚᱲ ᱟᱠᱚ ᱱᱤᱡᱮᱨ ᱱᱤᱡᱮᱨ ᱫᱷᱚᱨᱚᱢ ᱠᱚ ᱯᱟᱞᱚᱱᱥ᱾ ᱡᱚᱛᱚ ᱞᱮᱠᱟᱱ ᱡᱟᱹᱛᱤ ᱜᱮ ᱱᱤᱡᱮᱨ ᱫᱷᱚᱨᱚᱢ ᱯᱟᱞᱚᱱ ᱨᱮ ᱟᱹᱰᱤ ᱱᱤᱨᱟᱯᱚᱛᱛᱟ ᱠᱚ ᱮᱢᱟ ᱠᱚᱣᱭᱟ ᱦᱚᱱᱚᱛ ᱨᱮᱱ ᱯᱚᱨᱥᱟᱥᱚᱱ᱿

ᱟᱨᱦᱚᱸ ᱧᱮᱞ

• ᱰᱷᱟᱠᱟ ᱯᱚᱱᱚᱛ
• ᱵᱟᱝᱞᱟᱫᱮᱥ ᱨᱮᱭᱟᱜ ᱦᱚᱱᱚᱛ ᱠᱚ