ᱢᱟᱱᱤᱯᱩᱨᱤ ᱮᱱᱮᱡ
ᱢᱟᱱᱤᱯᱩᱨᱤ ᱮᱱᱮᱡ, ᱢᱟᱱᱤᱯᱩᱨᱤ ᱨᱟᱥ ᱞᱤᱞᱟ ᱮᱱᱮᱡ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ, ᱱᱚᱣᱟ ᱢᱤᱫ ᱠᱞᱟᱥᱤᱠᱟᱞ ᱮᱱᱮᱡ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱱᱤᱯᱩᱨ ᱯᱚᱱᱚᱛ ᱨᱮᱱᱟᱜ ᱢᱟᱱᱤᱯᱩᱨᱤ ᱟᱹᱨᱤᱪᱟᱹᱞᱤ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱮᱱᱮᱡ ᱨᱮᱭᱟᱜ ᱠᱞᱟᱥᱤᱠᱟᱞ ᱥᱴᱟᱭᱤᱞ ᱫᱚ ᱥᱤᱧᱚᱛ ᱨᱮᱭᱟᱜ ᱥᱟᱱᱟᱢ ᱠᱞᱟᱥᱤᱠᱟᱞ ᱰᱮᱱᱥ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱜᱮᱭᱟ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱨᱚᱵᱤᱱᱫᱨᱚᱱᱟᱛᱷ ᱴᱮᱜᱳᱨ ᱫᱚ ᱟᱡᱟᱜ ᱧᱩᱛᱩᱢᱟᱱ ᱰᱮᱱᱥ ᱰᱨᱟᱢᱟ ᱨᱮ ᱟᱡᱟᱜ ᱠᱩᱲᱤ ᱪᱚᱞᱚᱱ ᱪᱤᱛᱟᱹᱨ ᱠᱚ ᱞᱟᱹᱜᱤᱫ ᱱᱚᱶᱟ ᱦᱚᱨᱟ ᱠᱚ ᱵᱮᱵᱷᱟᱨ ᱞᱮᱫᱟ ᱾
 ᱢᱟᱱᱤᱯᱩᱨᱤ ᱮᱱᱮᱡ ᱨᱮᱭᱟᱜ ᱢᱤᱫ ᱪᱤᱛᱟᱹᱨ | |
| Native name | Meitei: Jagoi Raas, Raas Jagoi[᱑][᱒][᱓] |
|---|---|
| Genre |
|
| Inventor | ᱨᱟᱡᱟᱨᱥᱤ ᱵᱷᱟᱜᱤᱭᱟᱪᱚᱱᱫᱨᱚ (Meitei: Ching-Thang Khomba)[᱔][᱕][᱖] |
| Origin |
|
ᱢᱟᱱᱤᱯᱩᱨ ᱫᱚ ᱵᱚᱨᱢᱟ ᱫᱤᱥᱚᱢ ᱥᱟᱶ ᱥᱤᱢᱟᱹ ᱡᱚᱲᱟᱣ ᱟᱠᱟᱱᱟ ᱾ ᱢᱟᱱᱤᱯᱩᱨ ᱨᱮᱱ ᱦᱚᱲ ᱠᱚ ᱫᱚ ᱢᱚᱝᱜᱚᱞᱚᱭᱤᱰ ᱜᱩᱴ ᱨᱮᱱ ᱠᱟᱱᱟ ᱠᱚ, ᱟᱠᱚᱣᱟᱜ ᱟᱹᱰᱤ ᱢᱟᱨᱟᱝ ᱟᱨ ᱠᱤᱥᱟᱹᱬ ᱟᱹᱨᱤᱪᱟᱹᱞᱤ ᱢᱮᱱᱟᱜᱼᱟ ᱾
ᱢᱩᱬ ᱠᱟᱛᱷᱟ
ᱥᱟᱯᱲᱟᱣ
ᱢᱟᱱᱤᱯᱩᱨᱤ ᱮᱱᱮᱡ ᱨᱮ ᱨᱟᱥᱟ ᱞᱤᱞᱟ ᱾ ᱢᱟᱱᱤᱯᱩᱨ ᱨᱮᱭᱟᱜ ᱨᱟᱥᱞᱤᱞᱟ ᱫᱚ ᱥᱤᱧᱚᱛ ᱨᱮᱭᱟᱜ ᱟᱹᱨᱤᱪᱟᱹᱞᱤ ᱨᱮᱭᱟᱜ ᱢᱤᱫ ᱢᱩᱬᱩᱛ ᱦᱟᱹᱴᱤᱧ ᱠᱟᱱᱟ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱨᱟᱥᱟᱞᱤᱞᱟ ᱫᱟᱨᱟᱭ ᱛᱮᱜᱮ ᱢᱚᱱᱤᱯᱩᱨ ᱨᱤᱱ ᱦᱚᱲ ᱠᱚ ᱫᱷᱚᱨᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱚᱢᱯᱚᱛᱤ ᱠᱚ ᱧᱟᱢᱟ ᱾ ᱥᱨᱤᱢᱚᱫᱽᱵᱷᱚᱜᱚᱵᱚᱛ ᱛᱟᱭᱚᱢ, ᱪᱟᱭᱛᱟᱱᱤᱴ ᱵᱚᱭᱥᱱᱚᱵᱷᱤᱥᱢ ᱨᱮᱱᱟᱜ ᱢᱩᱬᱩᱛ ᱯᱚᱛᱚᱵ, ᱯᱩᱭᱞᱩ ᱨᱟᱥᱟᱞᱤᱞᱟ ᱢᱚᱦᱟᱨᱟᱥ ᱑᱗᱗᱙ ᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾ ᱵᱷᱚᱜᱚᱵᱚᱛ ᱨᱮ ᱚᱞ ᱟᱠᱟᱱ ᱠᱟᱛᱷᱟ ᱫᱚ ᱢᱚᱱᱫᱤᱨ ᱨᱮ ᱠᱚ ᱨᱩᱣᱟᱹᱲ ᱠᱮᱫᱼᱟ ᱾ ᱫᱷᱚᱨᱚᱢ ᱵᱟᱦᱮᱨ ᱨᱮ ᱢᱤᱫ ᱨᱟᱥᱟᱢᱟᱱᱫᱚᱞᱤ, ᱢᱤᱫ ᱨᱟᱠᱟᱵ ᱮᱱᱮᱡ ᱴᱚᱴᱷᱟ ᱵᱮᱱᱟᱣ ᱞᱮᱱᱟ ᱟᱨ ᱨᱟᱥᱟᱞᱤᱞᱟ ᱧᱮᱞ ᱞᱟᱹᱜᱤᱫ ᱦᱚᱲ ᱠᱚ ᱚᱱᱟ ᱴᱚᱴᱷᱟ ᱨᱮᱠᱚ ᱛᱟᱦᱮᱸᱱᱟ ᱾ ᱨᱟᱡᱟ ᱠᱚᱣᱟᱜ ᱨᱟᱡᱽᱜᱟᱲ ᱥᱩᱨ ᱨᱮ ᱢᱮᱱᱟᱜ ᱜᱳᱵᱤᱸᱫᱟᱡᱤ ᱢᱚᱱᱫᱤᱨ ᱨᱮ ᱱᱤᱛ ᱦᱟ. ᱱᱚᱶᱟ ᱨᱟᱥᱚᱞᱤᱞᱟ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱛᱮ ᱨᱟᱡᱟ ᱵᱷᱚᱜᱽᱭᱚᱪᱚᱱᱫᱨᱚ (᱑᱗᱕᱕ ᱠᱷᱚᱱ ᱑᱗᱘᱙ ᱫᱷᱟᱹᱵᱤᱡ ᱨᱟᱡᱟ) ᱫᱚ ᱵᱚᱥᱚᱱᱛᱚᱨᱟᱥ ᱟᱨ ᱠᱩᱸᱡᱟᱨᱟᱥ ᱞᱮᱠᱟᱱ ᱮᱴᱟᱜ ᱨᱟᱥᱚᱞᱤᱞᱟ ᱠᱚᱭ ᱵᱮᱱᱟᱣ ᱞᱮᱫᱟ ᱾ ᱱᱤᱛᱭᱟᱨ ᱟᱨ ᱫᱤᱵᱟᱨᱟᱥ ᱫᱚ ᱨᱟᱥᱚᱞᱤᱜᱟ ᱨᱮᱱᱟᱜ ᱛᱟᱭᱚᱢ ᱦᱟᱹᱴᱤᱧ ᱠᱟᱱᱟ ᱾ ᱢᱚᱦᱟᱨᱟᱥᱚ, ᱵᱚᱥᱚᱱᱛᱚᱨᱟᱥᱚ ᱟᱨ ᱠᱩᱸᱡᱟᱨᱟᱥᱚ ᱨᱮᱱᱟᱜ ᱮᱱᱮᱡ ᱫᱚ ᱥᱮᱨᱢᱟ ᱨᱮᱱᱟᱜ ᱡᱷᱚᱛᱚ ᱚᱠᱛᱚ ᱨᱮᱜᱮ ᱦᱩᱭᱩᱜᱼᱟ, ᱢᱮᱱᱠᱷᱟᱱ ᱱᱤᱛᱭᱟᱨᱚᱥᱚ ᱫᱚ ᱥᱮᱨᱢᱟ ᱨᱮᱱᱟᱜ ᱡᱟᱦᱟᱸ ᱚᱠᱛᱚ ᱨᱮᱜᱮ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱟᱭᱚᱢ ᱛᱮ ᱨᱟᱡᱟ ᱠᱚᱫᱚ ᱮᱱᱮᱡ ᱠᱚ ᱵᱮᱱᱟᱣ ᱟᱨ ᱥᱟᱯᱲᱟᱣ ᱞᱮᱫ ᱠᱚᱣᱟ ᱾ ᱨᱟᱡᱟ ᱠᱷᱚᱢᱵᱤᱨ ᱥᱤᱝ (᱑᱗᱘᱑-᱑᱘᱓᱓) ᱫᱚ ᱜᱳᱯᱟᱨᱟᱥ ᱟᱨ ᱩᱫᱩᱠᱷᱚᱞᱨᱟᱥ ᱨᱮ ᱜᱤᱫᱽᱨᱟ. ᱠᱨᱤᱥᱱᱟ ᱟᱜ ᱠᱟᱛᱷᱟ ᱠᱚᱭ ᱩᱫᱩᱜ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾ ᱨᱟᱡᱟ ᱪᱚᱱᱫᱽᱨᱚᱠᱤᱨᱤᱛᱤ (᱑᱘᱓᱑-᱑᱘᱘᱖) ᱟᱜ ᱚᱠᱛᱚ ᱫᱚ ᱢᱟᱱᱤᱯᱩᱨᱤ ᱮᱱᱮᱡ ᱨᱮᱭᱟᱜ ᱩᱛᱱᱟᱹᱣ ᱨᱮᱭᱟᱜ ᱥᱚᱨᱮᱥ ᱚᱠᱛᱚ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾
ᱨᱚᱛᱭᱟᱛᱨᱚ, ᱦᱳᱞᱤ ᱟᱨ ᱠᱣᱟᱠᱡᱟᱛᱨᱚ ᱞᱮᱠᱟᱱ ᱯᱚᱨᱚᱵ ᱠᱚᱨᱮ ᱢᱟᱱᱤᱯᱩᱨ ᱨᱮᱭᱟᱜ ᱮᱴᱟᱜ ᱮᱱᱮᱡ ᱠᱚ ᱠᱚᱨᱟᱣᱜᱼᱟ ᱾ ᱱᱩᱠᱩ ᱡᱚᱛᱚ ᱰᱮᱱᱥ ᱫᱚ ᱫᱷᱚᱨᱚᱢ ᱫᱟᱨᱟᱭ ᱛᱮ ᱦᱩᱭᱩᱜ-ᱟ᱾ ᱱᱚᱶᱟ ᱠᱚ ᱥᱮᱨᱮᱧ ᱨᱮ ᱨᱟᱫᱷᱟ ᱟᱨ ᱠᱨᱤᱥᱱᱟ ᱟᱜ ᱢᱚᱱᱮ ᱨᱮᱱᱟᱜ ᱠᱟᱛᱷᱟ ᱠᱚ ᱚᱞ ᱟᱠᱟᱱᱟ ᱾ ᱢᱩᱬ ᱡᱤᱱᱤᱥ ᱫᱚ ᱯᱩᱸᱜ ᱟᱨ ᱯᱷᱞᱩᱴ ᱠᱟᱱᱟ ᱾
ᱦᱚᱨᱟ ᱟᱨ ᱦᱟᱹᱴᱤᱧ
ᱥᱟᱯᱲᱟᱣ
ᱢᱟᱱᱤᱯᱩᱨᱤ ᱨᱟᱥ ᱞᱤᱞᱟ ᱫᱚ ᱯᱮ ᱞᱮᱠᱟᱛᱮ ᱦᱩᱭᱩᱜ ᱠᱟᱱᱟ -- ᱛᱟᱞ ᱨᱟᱥᱠ, ᱰᱟᱱᱰᱟ ᱨᱟᱥᱠ ᱟᱨ ᱢᱟᱱᱰᱟᱞ ᱨᱟᱥᱠ ᱾ ᱛᱟᱞ ᱨᱟᱥᱟᱠ ᱫᱚ ᱛᱷᱟᱭᱚ ᱠᱟᱛᱮ ᱠᱚ ᱮᱱᱮᱡ, ᱟᱨ ᱰᱟᱱᱰᱟ ᱨᱟᱥᱠ ᱫᱚ ᱵᱟᱨᱭᱟ ᱰᱟᱝ ᱥᱟᱵ ᱠᱟᱛᱮ ᱠᱚ ᱮᱱᱮᱡ-ᱟ, ᱢᱮᱱᱠᱷᱟᱱ ᱮᱱᱮᱡᱤᱭᱟᱹ ᱠᱚ ᱫᱚ ᱱᱚᱶᱟ ᱠᱚ ᱵᱷᱮᱜᱟᱨ ᱵᱷᱮᱜᱟᱨ ᱛᱮ ᱠᱚ ᱥᱮᱨᱮᱧᱟ, ᱡᱟᱦᱟᱸ ᱛᱮ ᱡᱤᱭᱚᱢᱮᱴᱨᱤᱠᱟᱞ ᱯᱮᱴᱨᱚᱱ ᱠᱚ ᱵᱮᱱᱟᱣᱜᱼᱟ ᱾ ᱜᱳᱯᱤ ᱠᱚᱫᱚ ᱛᱟᱞᱟ ᱨᱮ ᱠᱨᱤᱥᱱᱟ ᱪᱤᱛᱟᱹᱨ ᱥᱩᱨ ᱨᱮ ᱢᱤᱫ ᱨᱚᱝ ᱛᱮ ᱠᱚ ᱮᱱᱮᱡᱟ ᱾
ᱢᱟᱱᱤᱯᱩᱨᱤ ᱮᱱᱮᱡ ᱫᱚ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ - ᱛᱟᱱᱫᱚᱵᱽ (ᱠᱨᱤᱥᱱᱚ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭ ᱮᱱᱮᱡ) ᱟᱨ ᱞᱚᱥᱤᱭᱟ (ᱨᱟᱫᱷᱟ ᱟᱨ ᱜᱳᱯᱤ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭ ᱮᱱᱮᱡ) ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Banerjee, Utpal Kumar (2006). Indian Performing Arts: A Mosaic (in ᱟᱝᱜᱽᱨᱮᱡᱤ). Harman Publishing House. ISBN 978-81-86622-75-9.
- ↑ Sruti (in ᱟᱝᱜᱽᱨᱮᱡᱤ). P.N. Sundaresan. 2006.
- ↑ Derek, O' Brien (2006). Knowledge Trek 7, 2/E (in ᱟᱝᱜᱽᱨᱮᱡᱤ). Pearson Education India. ISBN 978-81-7758-055-6.
- ↑ Meitei, Sanjenbam Yaiphaba; Chaudhuri, Sarit K.; Arunkumar, M. C. (2020-11-25). The Cultural Heritage of Manipur (in ᱟᱝᱜᱽᱨᱮᱡᱤ). Routledge. p. 55. ISBN 978-1-000-29629-7.
- ↑ Kulasrestha, Mahendra (2006). Culture India (in ᱟᱝᱜᱽᱨᱮᱡᱤ). Lotus Press. p. 257. ISBN 978-81-8382-013-4.
- ↑ Balasubramanian, G. A beautiful life: Value education & life skills (in ᱟᱝᱜᱽᱨᱮᱡᱤ). Pearson Education India. p. 30. ISBN 978-81-317-6644-6.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱢᱟᱱᱤᱯᱩᱨᱤ ᱮᱱᱮᱡ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |