ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
ᱢᱩᱢᱵᱟᱭ

ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱷᱮ ᱥᱮᱦᱮᱫ ᱫᱷᱟᱨᱮ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱢᱩᱢᱵᱟᱭ ᱨᱮᱱᱟᱜ ᱢᱟᱨᱮ ᱧᱩᱛᱩᱢ ᱫᱚ ᱵᱚᱢᱵᱮ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱢᱟᱱᱟᱜ ᱠᱚ ᱦᱚᱲ ᱠᱚᱣᱟᱜ ᱮᱞ ᱥᱩᱨᱥᱩᱯᱩᱨ ᱓ ᱠᱳᱴᱤ ᱒᱑ ᱞᱚᱠᱷᱭᱚ ᱡᱟᱦᱟᱸ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟᱜ ᱢᱤᱫ ᱱᱟᱜᱟᱨ ᱠᱟᱱᱟ ᱾[᱑] ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱢᱟᱨᱟᱝ ᱫᱟᱜ ᱰᱟᱦᱟᱨ ᱠᱟᱱᱟ ᱾ ᱤᱣᱨᱚᱯ, ᱟᱯᱷᱨᱤᱠᱟ, ᱟᱢᱮᱨᱤᱠᱟ ᱮᱢᱟᱱ ᱵᱟᱨᱦᱮ ᱫᱤᱥᱚᱢ ᱠᱷᱚᱱ ᱦᱚᱲ ᱫᱚ ᱫᱟᱜ ᱦᱚᱨ ᱟᱨ ᱵᱟᱝ ᱩᱰᱟᱹᱱ ᱯᱩᱭᱞᱩ ᱫᱚ ᱢᱩᱢᱵᱟᱭ ᱨᱮ ᱠᱚ ᱥᱮᱴᱮᱨᱚᱜ ᱠᱟᱱᱟ, ᱚᱱᱟᱛᱮ ᱥᱤᱧᱚᱛ ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱮᱯᱟᱨ ᱛᱟᱞᱢᱟ ᱠᱟᱱᱟ ᱾ ᱡᱚᱛ ᱠᱷᱚᱱ ᱵᱟᱹᱲᱛᱤ ᱵᱮᱸᱠ ᱫᱚ ᱱᱚᱸᱰᱮ ᱜᱮ ᱢᱮᱱᱟᱜ-ᱟ , ᱚᱱᱟᱛᱮ ᱱᱚᱸᱰᱮ ᱫᱚ ᱠᱟᱹᱣᱰᱤ ᱠᱷᱟᱫᱟᱱ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱨᱮ ᱥᱤᱱᱮᱢᱟ ᱵᱮᱱᱟᱶ ᱜᱟᱲ ᱦᱚᱸ ᱢᱮᱱᱟᱜ-ᱟ, ᱡᱟᱦᱟᱸ ᱫᱚ ᱵᱚᱞᱤᱣᱩᱰ ᱠᱚ ᱢᱮᱛᱟᱜ ᱠᱟᱱᱟ ᱾

ᱚᱛᱱᱚᱥᱟᱯᱲᱟᱣ

ᱢᱩᱢᱵᱟᱭ ᱥᱚᱦᱚᱨ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱷᱮ ᱥᱮᱦᱮᱫ ᱠᱚᱝᱠᱚᱬ ᱵᱷᱤᱲᱟᱹᱣ ᱩᱞᱞᱟᱥ ᱜᱟᱰᱟ ᱥᱟᱢᱟᱝ ᱨᱮ ᱢᱮᱱᱟᱜ-ᱟ ᱾ ᱱᱚᱸᱰᱮ ᱥᱮᱞᱥᱮᱴ ᱫᱤᱯᱚ ᱨᱮᱱᱟᱜ ᱛᱤᱢᱤᱱ ᱜᱟᱱ ᱦᱟᱹᱴᱤᱧ ᱢᱮᱱᱟᱜ-ᱟ ᱟᱨ ᱵᱟᱹᱠᱤ ᱫᱚ ᱴᱷᱟᱬᱮ ᱡᱤᱞᱞᱟᱹ ᱨᱮ ᱢᱮᱱᱟᱜ-ᱟ ᱾ ᱵᱟᱹᱲᱛᱤ ᱠᱟᱛᱮ ᱱᱚᱸᱰᱮ ᱱᱟᱜ ᱱᱟᱜᱟᱨ ᱫᱚ ᱥᱟᱹᱢᱩᱸᱫᱽ ᱛᱩᱲᱩᱝ ᱠᱷᱚᱱ ᱱᱟᱥᱮ ᱩᱥᱩᱞ ᱨᱮ ᱢᱮᱱᱟᱜ-ᱟ, ᱡᱟᱦᱟᱸ ᱨᱮᱱᱟᱜ ᱩᱥᱩᱞ ᱫᱚ ᱑᱐ ᱢᱤᱴᱚᱨ ᱠᱷᱚ ᱑᱕ ᱢᱤᱴᱚᱨ ᱾ ᱢᱩᱢᱵᱟᱭ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱫᱚ ᱵᱩᱨᱩ ᱜᱮᱭᱟ, ᱡᱟᱦᱟᱸ ᱨᱮᱭᱟᱜ ᱡᱚᱛᱚ ᱠᱷᱚᱱ ᱰᱮᱦᱮᱨ ᱩᱥᱩᱞ ᱫᱚ ᱔᱕᱐ ᱢᱤᱴᱚᱨ ᱾ ᱱᱟᱜᱟᱨ ᱨᱮᱱᱟᱜ ᱚᱥᱟᱨᱵᱤᱥᱟᱹᱨ ᱫᱚ ᱖᱐᱓ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱾ ᱥᱚᱧᱡᱚᱭ ᱜᱟᱱᱫᱷᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱱᱟᱜᱟᱨ ᱥᱩᱨ ᱨᱮᱜᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱱᱟᱜᱟᱨ ᱨᱮᱱᱟᱜ ᱛᱩᱨᱩᱭ ᱦᱟᱹᱴᱤᱧ ᱜᱟᱱ ᱞᱮᱠᱟ ᱟᱴᱮᱫ ᱟᱠᱟᱱᱟ ᱾ ᱱᱚᱶᱟ ᱵᱤᱨ ᱨᱮ ᱪᱷᱟᱯ ᱛᱟᱹᱨᱩᱵ ᱞᱮᱠᱟᱱ ᱡᱤᱭᱟᱹᱞᱤ ᱠᱚ ᱢᱮᱱᱟᱜ ᱠᱚᱣᱟ ᱾ [᱒][᱓] ᱢᱮᱱᱠᱷᱟᱱ ᱦᱚᱲ ᱠᱚ ᱥᱟᱝᱜᱮ ᱤᱫᱤᱜ ᱠᱟᱱ ᱛᱮ ᱱᱩᱠᱩᱣᱟᱜ ᱮᱞ ᱦᱚᱸ ᱠᱚᱢ ᱤᱫᱤᱜ ᱠᱟᱱᱟ ᱾

ᱱᱟᱜᱟᱢᱥᱟᱯᱲᱟᱣ

ᱠᱚᱧᱮ ᱢᱩᱢᱵᱟᱭ ᱨᱮᱱᱟᱜ ᱠᱟᱱᱫᱤᱵᱚᱞᱤ ᱠᱷᱚᱱ ᱧᱟᱢ ᱟᱠᱟᱱ ᱥᱮᱭᱟᱥᱟᱨᱮᱡ ᱠᱷᱚᱱ ᱵᱟᱰᱟᱭᱚᱜ-ᱟ ᱵᱟᱝ ᱢᱟ ᱱᱚᱶᱟ ᱴᱷᱟᱶ ᱨᱮ ᱟᱹᱰᱤ ᱟᱭᱢᱟ ᱥᱮᱫᱟᱭ ᱠᱷᱚᱱ ᱦᱚᱲ ᱠᱚ ᱛᱟᱦᱮᱸ ᱟᱹᱜᱩᱣᱟᱠᱟᱱᱟ ᱾ ᱠᱷᱨᱤᱥᱴᱚ ᱯᱩᱨᱵᱚ ᱛᱮᱥᱟᱨ ᱥᱟᱭ ᱥᱮᱨᱢᱟ ᱨᱮ ᱱᱚᱶᱟ ᱢᱚᱣᱨᱡᱚ ᱥᱟᱢᱨᱟᱡᱽᱭᱚ ᱨᱮᱱᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱟᱨ ᱱᱚᱸᱰᱮᱱᱩᱡ ᱥᱟᱥᱮᱛᱤᱭᱟᱹ ᱥᱚᱢᱨᱟᱴ ᱚᱥᱚᱠ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱙᱕ ᱥᱟᱞᱮ ᱨᱮ ᱵᱚᱢᱵᱮ ᱧᱩᱛᱩᱢ ᱫᱚ ᱟᱹᱨᱩ ᱠᱟᱛᱮ ᱢᱩᱢᱵᱟᱭ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾

ᱦᱚᱭᱫᱟᱜᱥᱟᱯᱲᱟᱣ

ᱢᱩᱢᱵᱟᱭ ᱫᱚ ᱟᱨᱚᱵᱽ ᱥᱟᱜᱚᱨ ᱥᱩᱨ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱸᱰᱮ ᱫᱚ ᱵᱟᱨ ᱞᱮᱠᱟᱱ ᱨᱤᱛᱩ ᱵᱩᱨᱷᱟᱹᱣ ᱧᱟᱢᱚᱜ-ᱟ ᱾ ᱚᱱᱟ ᱫᱚ ᱨᱟᱵᱟᱝ ᱨᱤᱛᱩ ᱟᱨ ᱦᱮᱢᱟᱞ ᱨᱤᱛᱩ ᱾ ᱵᱮᱢᱟᱞ ᱫᱚ ᱢᱟᱨᱪ ᱪᱟᱸᱫᱚ ᱠᱷᱚᱱ ᱚᱠᱴᱚᱵᱚᱨ ᱦᱟᱹᱦᱤᱡ ᱵᱩᱡᱷᱟᱹᱣ-ᱟ ᱾ ᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ ᱫᱚ ᱫᱟᱜ ᱡᱟᱹᱲᱤ ᱛᱮ ᱱᱟᱜᱟᱨᱮ ᱞᱚᱦᱚᱫᱟ, ᱡᱟᱦᱟᱸ ᱤᱫᱤ ᱠᱟᱛᱮ ᱢᱩᱢᱵᱟᱭ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱫᱟᱜ ᱫᱚ ᱒᱒᱐᱐ ᱢᱤᱞᱤᱢᱤᱴᱚᱨ ᱾ ᱱᱤᱛᱚᱜ ᱦᱟᱹᱵᱤᱡ ᱧᱮᱞ ᱞᱮᱠᱷᱟᱱ ᱑᱙᱙᱕ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤᱭ ᱫᱟᱜ ᱞᱮᱜ-ᱟ, ᱡᱟᱦᱟᱸ ᱫᱚ ᱓᱔᱕᱒ ᱢᱤᱞᱤᱢᱤᱴᱚᱨ ᱾ ᱢᱩᱢᱵᱟᱭ ᱨᱮᱱᱟᱜ ᱡᱚᱛᱚ ᱠᱷᱚᱱ ᱰᱮᱦᱮᱨ ᱞᱚᱞᱥᱚᱝ ᱫᱚ ᱓᱘o ᱥᱮᱞᱥᱤᱭᱚᱥ ᱾

ᱪᱤᱛᱟᱹᱨᱥᱟᱯᱲᱟᱣ

ᱯᱷᱮᱰᱟᱛᱥᱟᱯᱲᱟᱣ

ᱥᱟᱹᱠᱷᱭᱟᱹᱛᱥᱟᱯᱲᱟᱣ