ᱢᱮᱨᱤ ᱠᱚᱢ
ᱢᱮᱜᱽᱛᱮ ᱪᱚᱸᱜᱽᱱᱮᱭᱡᱮᱸᱝ ᱢᱮᱨᱤ ᱠᱚᱢ (ᱮᱢ. ᱥᱤ. ᱢᱮᱨᱤ ᱠᱚᱢ) (ᱡᱟᱱᱟᱢ ᱑ ᱢᱟᱨᱪ ᱑᱙᱘᱓) ᱡᱟᱦᱟᱸᱭ ᱫᱚ ᱢᱮᱨᱤ ᱠᱚᱢ ᱧᱩᱛᱩᱢ ᱛᱮᱦᱚᱸ ᱩᱯᱨᱩᱢ ᱛᱟᱭ ᱢᱮᱱᱟᱜᱼᱟ ᱾ ᱢᱤᱫ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱵᱚᱠᱥᱚᱨ ᱠᱟᱱᱟᱭ ᱾ ᱟᱡ ᱫᱚ ᱢᱚᱬᱤᱯᱩᱨ ᱥᱤᱧᱚᱛ ᱨᱤᱱᱤᱡ ᱵᱩᱱᱤᱭᱟᱹᱫᱽ ᱵᱚᱥᱠᱚᱫᱤᱭᱟᱹ ᱠᱟᱱᱟᱭ ᱾ ᱢᱮᱨᱤ ᱠᱚᱢ ᱫᱚ ᱛᱩᱨᱩᱭ ᱫᱷᱟᱣ ᱡᱮᱜᱮᱛ ᱵᱚᱠᱥᱤᱝ ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨᱤᱭᱟᱹ ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾[᱑] ᱒᱐᱑᱒ ᱨᱮᱭᱟᱜ ᱞᱚᱱᱰᱚᱱ ᱳᱞᱤᱢᱯᱤᱠ ᱨᱮ ᱟᱡ ᱫᱚ ᱠᱟᱸᱥᱟ ᱦᱤᱥᱤᱨ ᱮ ᱡᱤᱛᱠᱟᱹᱨ ᱮᱱᱟ ᱾ ᱒᱐᱑᱐ ᱥᱟᱞᱮ ᱨᱮᱭᱟᱜ ᱮᱥᱤᱭᱟᱱ ᱠᱷᱮᱞᱚᱸᱰ ᱨᱮ ᱠᱟᱸᱥᱟ ᱥᱟᱶᱛᱮ ᱒᱐᱑᱔ ᱨᱮ ᱮᱥᱤᱭᱟᱱ ᱠᱷᱮᱞᱚᱸᱰ ᱨᱮ ᱟᱡ ᱫᱚ ᱥᱚᱱᱟ ᱦᱤᱥᱤᱨ ᱮ ᱟᱢᱮᱴ ᱠᱮᱫᱼᱟ ᱾[᱒]
| ᱢᱮᱨᱤ ᱠᱚᱢ | |
|---|---|
 ᱵᱨᱤᱴᱤᱥ ᱦᱟᱭ ᱠᱚᱢᱤᱥᱳᱱ ᱱᱟᱣᱟ ᱫᱤᱞᱞᱤ, ᱒᱐᱑᱑ ᱨᱮ ᱠᱚᱢ ᱟᱜ ᱜᱟᱞᱚᱪ | |
| ᱯᱟᱨᱞᱤᱭᱟᱢᱮᱴ ᱥᱚᱦᱮᱛ, ᱨᱟᱡᱽᱭᱚ ᱥᱚᱵᱷᱟ (nominated) | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱒᱕ ᱮᱯᱨᱤᱞ ᱒᱐᱑᱖ | |
| ᱵᱟᱪᱷᱚᱱᱤᱭᱟᱹ | ᱯᱨᱚᱬᱚᱵᱽ ᱢᱩᱠᱷᱚᱨᱡᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑ ᱢᱟᱨᱪ ᱑᱙᱘᱓ ᱢᱚᱬᱤᱯᱩᱨ, ᱥᱤᱧᱚᱛ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱡᱤᱭᱚᱱ ᱥᱚᱦᱮᱫ | ᱠᱟᱨᱚᱝ ᱚᱸᱠᱷᱞᱚᱨ ᱠᱚᱢ |
| ᱥᱤᱨᱯᱷᱟᱹ | ᱯᱚᱫᱽᱢᱚ ᱥᱨᱤ (᱒᱐᱐᱖) ᱯᱚᱫᱽᱢᱚ ᱵᱷᱩᱥᱚᱬ ᱑᱙᱑᱓) |
ᱵᱟᱨ ᱥᱮᱨᱢᱟ ᱯᱟᱲᱦᱟᱣ ᱠᱷᱚᱱ ᱰᱤᱜᱟᱹ ᱠᱟᱛᱮ ᱨᱩᱣᱟᱹᱲ ᱛᱟᱭᱚᱢ ᱞᱮᱛᱟᱲ ᱯᱩᱱ ᱫᱷᱟᱣ ᱣᱟᱞᱰ ᱱᱳᱱᱼᱯᱨᱚᱯᱷᱮᱥᱚᱱᱟᱞ ᱵᱚᱠᱥᱤᱝ ᱨᱮ ᱥᱚᱱᱟᱭ ᱡᱤᱛᱠᱟᱹᱨ ᱟᱠᱟᱱᱟ ᱾ ᱩᱱᱤᱭᱟᱜ ᱱᱚᱝᱠᱟᱱ ᱠᱷᱟᱹᱴᱟᱹᱲᱤ ᱮᱱᱮᱢ ᱧᱮᱞ ᱛᱮ ᱢᱩᱦᱤᱛ ᱠᱟᱛᱮ ᱮᱟᱭᱤᱵᱤᱮ ᱫᱚ ᱟᱡ ᱢᱮᱜᱽᱱᱤᱯᱷᱤᱥᱮᱸᱴ ᱢᱮᱨᱤ (ᱯᱨᱚᱛᱟᱯᱤ ᱢᱮᱨᱤ) ᱢᱮᱱᱛᱮ ᱠᱚ ᱵᱤᱠᱱᱟᱹᱣ ᱠᱮᱫᱮᱭᱟ ᱾[᱑][᱓]
ᱟᱡᱟᱜ ᱡᱤᱭᱚᱱᱤ ᱪᱮᱛᱟᱱ ᱨᱮ ᱢᱤᱫ ᱯᱷᱤᱞᱤᱢ ᱦᱚᱸ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱩᱫᱩᱜ ᱥᱚᱫᱚᱨ ᱫᱚ ᱒᱐᱑᱔ ᱨᱮ ᱦᱩᱭ ᱮᱱᱟ ᱾ ᱱᱚᱣᱟ ᱯᱷᱤᱞᱤᱢ ᱨᱮ ᱟᱡᱟᱜ ᱴᱷᱟᱶ ᱫᱚ ᱯᱨᱤᱭᱚᱝᱠᱟ ᱪᱚᱯᱨᱟᱭ ᱛᱚᱨᱟᱣ ᱠᱮᱜᱼᱟ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ ᱥᱟᱯᱲᱟᱣ
ᱢᱮᱨᱤ ᱠᱚᱢ ᱟᱜ ᱡᱟᱱᱟᱢ ᱫᱚ ᱑ ᱢᱟᱨᱪ ᱑᱙᱘᱓ ᱥᱟᱞᱮᱨᱮ ᱦᱩᱭ ᱟᱠᱟᱱᱟ ᱾ ᱢᱚᱬᱤᱯᱩᱨ ᱨᱮᱭᱟᱜ ᱪᱩᱨᱟᱪᱟᱸᱫᱽᱯᱩᱨ ᱦᱚᱱᱚᱛ ᱨᱮ ᱢᱤᱫ ᱨᱮᱸᱜᱮᱡ ᱪᱟᱹᱥᱤ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱟᱡᱟᱜ ᱯᱩᱭᱞᱩ ᱥᱮᱪᱮᱫ ᱫᱚ ᱞᱳᱠᱳᱢᱚᱴᱤᱵᱽ ᱠᱨᱤᱥᱴᱤᱭᱟᱱ ᱢᱳᱰᱮᱞ ᱟᱥᱲᱟ ᱠᱷᱚᱱ ᱟᱨ ᱥᱮᱸᱴ ᱦᱮᱵᱤᱭᱚᱨ ᱟᱥᱲᱟ ᱠᱷᱚᱱ ᱮ ᱥᱟᱹᱛ ᱟᱠᱟᱫᱼᱟ ᱾ ᱱᱚᱣᱟ ᱨᱮᱭᱟᱜ ᱞᱟᱦᱟ ᱥᱮᱫ ᱯᱚᱲᱦᱚᱱ ᱞᱟᱹᱜᱤᱫ ᱫᱚ ᱟᱡ ᱟᱹᱫᱤᱢᱡᱟᱹᱛᱤ ᱩᱱᱩᱥᱩᱞ ᱟᱥᱲᱟ, ᱤᱢᱯᱷᱟᱞ ᱮ ᱥᱮᱱ ᱮᱱᱟ ᱤᱠᱷᱟᱹᱱ ᱚᱸᱰᱮ ᱵᱤᱱᱤᱰ ᱨᱮᱭ ᱯᱷᱮᱞ ᱮᱱ ᱛᱟᱭᱚᱢ ᱩᱱᱤ ᱫᱚ ᱟᱥᱲᱟᱭ ᱵᱟᱹᱜᱤᱭᱟᱫᱼᱟ ᱟᱨ ᱦᱚᱸ ᱱᱮᱥᱱᱟᱞ ᱳᱯᱮᱱ ᱟᱥᱲᱟ ᱠᱷᱚᱱ ᱵᱤᱱᱤᱰ ᱮ ᱮᱢ ᱠᱮᱜᱼᱟ ᱾ ᱢᱮᱨᱤ ᱠᱚᱢ ᱟᱜ ᱨᱟᱹᱥᱠᱟᱹ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱟᱛᱷᱞᱮᱴᱤᱠᱥ ᱨᱮ ᱛᱟᱦᱮᱸ ᱠᱟᱱᱟ ᱾
ᱩᱱᱤᱭᱟᱜ ᱢᱚᱱᱮᱨᱮ ᱵᱚᱠᱥᱤᱝ ᱨᱮᱭᱟᱜ ᱨᱟᱹᱥᱠᱟᱹ ᱫᱚ ᱑᱙᱙᱙ ᱥᱟᱞᱮᱨᱮ ᱩᱱ ᱡᱚᱦᱚᱜ ᱥᱟᱨᱥᱟᱣ ᱮᱱᱟ ᱛᱤᱱ ᱡᱚᱦᱚᱜ ᱟᱡ ᱫᱚ ᱞᱩᱢᱪᱟᱠ ᱥᱯᱚᱴᱥ ᱠᱚᱢᱯᱞᱮᱠᱥ ᱨᱮ ᱛᱤᱱᱟᱹᱝ ᱜᱟᱱ ᱠᱩᱲᱤ ᱜᱤᱫᱽᱨᱟᱹ ᱠᱚ ᱵᱚᱠᱥᱤᱝ ᱨᱤᱝ ᱨᱮ ᱠᱚᱲᱟ ᱜᱤᱫᱽᱨᱟᱹ ᱠᱚ ᱥᱟᱶ ᱠᱷᱮᱞᱚᱸᱰ ᱮ ᱧᱮᱞ ᱠᱮᱫ ᱠᱚᱣᱟ ᱾ ᱢᱮᱨᱤ ᱠᱚᱢ ᱮ ᱢᱮᱱᱟ ᱫᱚ
"ᱤᱧ ᱚᱱᱟ ᱧᱮᱱᱮᱞ ᱧᱮᱞ ᱠᱟᱛᱮ ᱦᱟᱦᱟᱲᱟ ᱨᱤᱧ ᱛᱟᱦᱮᱸ ᱞᱮᱱᱟ ᱾ ᱤᱧᱤᱧ ᱟᱹᱭᱠᱟᱹᱣ ᱠᱮᱫᱼᱟ ᱫᱚ, ᱛᱤᱱ ᱡᱚᱦᱚᱜ ᱱᱩᱠᱩ ᱠᱩᱲᱤ ᱜᱤᱫᱽᱨᱟᱹ ᱠᱚ ᱵᱚᱠᱥᱤᱝ ᱫᱟᱲᱮᱭᱟᱜ ᱠᱟᱱᱟ, ᱛᱚᱵᱮ ᱤᱧ ᱪᱮᱫᱟᱜ ᱵᱟᱝᱟ ?"
ᱟᱡᱤᱡ ᱢᱚᱬᱤᱯᱩᱨ ᱨᱤᱱᱤᱡ ᱵᱚᱠᱥᱤᱝ ᱡᱚᱴᱟᱣ ᱰᱤᱝᱠᱚ ᱥᱤᱝ ᱟᱜ ᱡᱤᱛᱠᱟᱹᱨ ᱧᱮᱞ ᱠᱟᱛᱮ ᱦᱚᱸ ᱟᱹᱰᱤ ᱡᱩᱨ ᱜᱮ ᱟᱡ ᱫᱚ ᱵᱚᱠᱥᱤᱝ ᱥᱮᱫ ᱮ ᱢᱩᱦᱤᱛ ᱞᱮᱱᱟ ᱾[᱔][᱕]
ᱢᱮᱨᱤ ᱠᱚᱢ ᱫᱚ ᱳᱱᱞᱚᱨ ᱠᱚᱢ ᱥᱟᱶ ᱵᱟᱯᱞᱟ ᱛᱟᱭ ᱦᱤᱭ ᱟᱠᱟᱱᱟ ᱾ ᱟᱹᱠᱤᱱ ᱨᱤᱱ ᱫᱚ ᱡᱟᱣᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ ᱑.᱐ ᱑.᱑ http://www.hindu.com/holnus/007200901261333.htm Mary makes women's boxing's Olympic case stronger: AIBA President Archived ᱒᱐᱑᱒-᱐᱖-᱒᱘ at the Wayback Machine.
- ↑ http://www.bbc.co.uk/hindi/india/2014/10/141001_marry_kom_final_ra
- ↑ "Discover how the AIBA Legend and Indian superstar MC Mary Kom is inspiring the next generations in pursuit of a better society" (in ᱟᱝᱜᱽᱨᱮᱡᱤ). आइबा. 18 नवम्बर 2018. Archived from the original on 2018-11-24. Retrieved 2019-03-15.
{{cite web}}: Check date values in:|date=(help) - ↑ "Mangte Chungneijang Merykom Biography". Archived from the original on 2016-03-03. Retrieved 2019-03-15.
- ↑ Back in the Ring