ᱢᱮᱫᱷᱟ ᱭᱳᱫᱷ
ᱢᱮᱫᱷᱟ ᱭᱳᱫᱷ {ᱡᱟᱱᱟᱢ- ᱓᱑ ᱡᱩᱞᱟᱭ ᱑᱙᱒᱗,ᱚᱦᱚᱢᱫᱟᱵᱟᱫᱽ—᱑᱑ ᱡᱩᱞᱟᱭ ᱒᱐᱐᱗, (en:San Diego) } ᱫᱚ ᱥᱤᱧᱚᱛᱤᱭᱟ. ᱟᱨ ᱥᱤᱧᱚᱛ ᱟᱢᱮᱨᱤᱠᱤᱭᱟ. ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡᱤᱭᱟ. ᱟᱨ ᱤᱭᱩ.ᱥᱤ.ᱮᱞ.ᱮ (en:UCLA) ᱨᱤᱱᱤᱡ ᱥᱤᱧᱚᱛ ᱠᱞᱟᱥᱤᱠᱟᱞ ᱰᱮᱱᱱᱥ ᱢᱟᱪᱮᱛᱟ.ᱱᱤ ᱠᱟᱱᱟᱭ ᱾ ᱟᱡ ᱫᱚ ᱛᱟᱱᱡᱳᱨ ᱵᱟᱞᱟᱥᱚᱨᱚᱥᱣᱚᱛᱤ (Tanjore Balasaraswati) ᱣᱤᱡ ᱪᱮᱞᱟ ᱠᱟᱱ ᱛᱟᱦᱮᱸᱱ ᱟᱨ ᱜᱚᱨᱵᱟ (en:Garba) ᱮᱱᱮᱡ ᱨᱮ ᱰᱳᱠᱩᱢᱮᱱᱴᱟᱨᱤ ᱵᱮᱱᱟᱣ ᱟᱠᱟᱫ-ᱟᱭ ᱾
ᱯᱩᱭᱞᱩ ᱡᱤᱭᱚᱱ
ᱥᱟᱯᱲᱟᱣᱢᱮᱫᱷᱟ ᱫᱚ ᱓᱑ ᱡᱩᱞᱟᱭ ᱑᱙᱒᱗ ᱥᱟᱞ, ᱚᱦᱚᱢᱫᱟᱵᱟᱫᱽ, ᱜᱤᱡᱽᱨᱟᱴ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱫᱚ ᱕ ᱵᱚᱪᱷᱚᱨ ᱩᱢᱮᱨ ᱨᱮ ᱮᱱᱮᱡ ᱪᱮᱫᱚᱜ ᱮᱦᱚᱵ ᱞᱮᱫᱟᱭ ᱟᱨ ᱵᱷᱟᱨᱚᱛᱱᱟᱴᱭᱚᱢ ᱠᱞᱟᱥᱤᱠᱟᱞ ᱮᱱᱮᱡ ᱨᱮ ᱜᱤᱫᱟ.ᱨ ᱠᱷᱚᱱᱜᱮ ᱜᱚᱨᱚᱡᱽ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱮᱱᱮᱡ ᱨᱮ ᱜᱚᱨᱚᱡᱽ ᱛᱟᱦᱮᱸ ᱨᱮᱦᱚᱸ ᱯᱚᱲᱦᱚᱱ ᱞᱟ.ᱜᱤᱫ ᱫᱚ ᱥᱟᱬᱮᱥ ᱪᱮᱛᱟᱱ ᱨᱮ ᱮᱦᱮᱢ ᱮᱢᱮᱫ ᱛᱟᱦᱮᱸᱱ ᱾ ᱟᱡ ᱫᱚ ᱵᱚᱢᱵᱮ ᱡᱮᱜᱮᱛ-ᱵᱤᱨᱫᱟ.ᱜᱟᱲ {University of Bombay}ᱠᱷᱚᱱ ᱥᱟᱬᱮᱥ ᱨᱮ ᱥᱚᱱᱮᱨ(B.Sc) ᱰᱤᱜᱽᱨᱤ ᱟᱢᱮᱴ ᱟᱠᱟᱫᱟᱭ ᱾ ᱤᱱᱟ. ᱛᱟᱭᱚᱢ ᱥᱴᱟᱱᱯᱷᱳᱨᱰ ᱡᱮᱜᱮᱛ-ᱵᱤᱨᱫᱟ.ᱜᱟᱲ (Stanford University), ᱠᱟᱞᱤᱯᱷᱳᱨᱱᱤᱭᱟ ᱠᱷᱚᱱ ᱟ.ᱠᱤᱞᱢᱟᱱ ᱥᱤᱠᱷᱱᱟ.ᱛ ᱥᱟ.ᱛ ᱟᱠᱟᱫ-ᱟᱭ ᱾ ᱟᱡᱟᱜ ᱡᱩᱣᱟ.ᱱ ᱩᱢᱮᱨ ᱨᱮ ᱫᱮᱥ ᱵᱤᱫᱮᱥ ᱟᱭᱢᱟ ᱫᱷᱟᱣ ᱫᱟᱬᱟ ᱟᱠᱟᱫᱟᱭ ᱾ ᱚᱱᱟ ᱫᱟᱬᱟᱱ ᱡᱮᱜᱮᱛ ᱨᱮᱭᱟᱜ ᱥᱟ.ᱨᱤᱭᱟ.ᱛ ᱥᱤᱠᱷᱱᱟ.ᱛ ᱮᱢᱟᱫᱮ ᱛᱟᱦᱮᱸᱱ ᱾ ᱯᱩᱨᱟ. ᱛᱟᱭᱚᱢ ᱨᱮ, ᱛᱟᱱᱡᱳᱨ ᱵᱟᱞᱟᱥᱚᱨᱚᱥᱣᱚᱛᱤ (Tanjore Balasaraswati) ᱭᱤᱡ ᱪᱮᱞᱟ ᱦᱩᱭ ᱞᱮᱱᱟ,ᱡᱟᱦᱟᱸᱭ ᱫᱚ ᱩᱱ ᱚᱠᱛᱚ ᱨᱤᱱ ᱧᱩᱛᱩᱢᱟᱱ ᱥᱤᱧᱚᱛᱤᱭᱟ. ᱰᱮᱱᱥᱚᱨ ᱛᱟᱦᱮᱸ ᱠᱟᱱᱟᱭ ᱾ ᱤᱱᱟ. ᱛᱟᱭᱚᱢ ᱟᱡᱤᱡ ᱡᱤᱭᱚᱱ-ᱵᱷᱩᱨ ᱪᱮᱪᱮᱫᱤᱭᱟ. ᱛᱟᱦᱮᱸᱭᱮᱱᱟ ᱾ ᱥᱣᱮᱫᱤᱥ (Swedish) ᱨᱤᱱᱤᱡ ᱰᱟᱠᱛᱚᱨᱤ ᱯᱟ.ᱴᱷᱩᱣᱟ. ᱠᱟᱨᱞ ᱵᱷᱳᱱ ᱮᱥᱥᱮᱱ (Carl von Essen) ᱥᱟᱶᱮ ᱵᱟᱯᱞᱟ ᱞᱮᱱᱟ,ᱟᱨᱦᱚᱸ ᱠᱤᱪᱷᱩ ᱫᱤᱱ ᱠᱷᱟᱱᱜᱮ ᱪᱷᱟᱯᱟ-ᱪᱷᱟ.ᱰᱤ ᱞᱮᱱᱟ ᱠᱤᱱ ᱾
ᱠᱮᱨᱤᱭᱚᱨ
ᱥᱟᱯᱲᱟᱣ᱑᱙᱗᱖ ᱨᱮ ᱢᱮᱫᱷᱟ ᱫᱚ {en:UCLA} ᱨᱮ ᱜᱟᱞᱚᱪᱤᱭᱟ. ᱵᱟᱦᱟᱞ ᱞᱮᱱᱟᱭ ᱟᱨ ᱯᱚᱲᱦᱚᱱ ᱟᱨ ᱮᱱᱮᱡ ᱡᱤᱭᱚᱱ ᱨᱮ ᱮᱦᱮᱢ ᱮᱢ ᱞᱮᱫ ᱛᱟᱦᱮᱸᱱ ᱾ ᱑᱙᱙᱔ ᱥᱟᱞ ᱨᱮ ᱡᱤᱨᱟ.ᱣᱚᱜ ᱦᱟ.ᱵᱤᱱ ᱱᱚᱸᱰᱮ ᱢᱟᱪᱮᱛ ᱡᱤᱭᱚᱱ ᱠᱷᱟᱱᱰᱟᱣ ᱞᱮᱜ-ᱟᱭ ᱾ ᱚᱱᱟ ᱛᱟᱭᱚᱢ ᱱᱚᱸᱰᱮᱜᱮ ᱟᱰᱵᱷᱟᱭᱡᱚᱨ ᱠᱟ.ᱢᱤ ᱛᱚᱝᱜᱮ ᱫᱚᱦᱚ ᱞᱮᱫ ᱜᱮᱭᱟᱭ ᱾ ᱑᱙᱘᱗ ᱥᱟᱞ ᱨᱮ, ᱜᱩᱡᱽᱨᱟᱴ ᱞᱟᱠᱪᱟᱨ ᱨᱮᱭᱟᱜ ᱜᱚᱨᱵᱟ ᱮᱱᱮᱡ ᱨᱮ ᱢᱤᱫ ᱰᱳᱠᱩᱢᱮᱱᱴᱟᱨᱤ ᱪᱚᱞᱚᱛ ᱪᱤᱛᱟ.ᱨ ᱵᱮᱱᱟᱣ ᱞᱮᱜ-ᱟᱭ ᱾ ᱢᱟᱪᱮᱛ ᱠᱟ.ᱢᱤ ᱠᱷᱚᱱ ᱡᱤᱨᱟ.ᱣ ᱦᱟᱛᱟᱣ ᱠᱟᱛᱮ ᱦᱚᱸ ᱮᱱᱮᱡ ᱫᱚ ᱛᱚᱝᱜᱮ ᱫᱚᱦᱚ ᱞᱮᱫ ᱜᱮᱭᱟᱭ ᱾ ᱳᱠᱞᱟᱸᱰ (Oakland) ᱠᱷᱚᱱ ᱥᱟᱱ ᱰᱤᱭᱮᱜᱳ,ᱠᱟᱞᱤᱯᱷᱳᱨᱱᱤᱭᱟ ᱦᱮᱡ ᱮᱱ ᱛᱟᱭᱚᱢ,᱒᱐᱐᱒ ᱦᱟ.ᱵᱤᱡ ᱯᱨᱟᱭᱵᱷᱮᱴ ᱯᱚᱲᱦᱚᱱ ᱠᱟ.ᱢᱤ ᱛᱚᱝᱜᱮ ᱫᱚᱦᱚ ᱞᱮᱜ-ᱟᱭ ᱾ ᱢᱮᱫᱷᱟ ᱫᱚ ᱑᱑ ᱡᱩᱞᱟᱭ ᱒᱐᱐᱗, ᱟᱡᱤᱡ ᱦᱚᱯᱚᱱ-ᱮᱨᱟ ᱚᱲᱟᱜ ᱠᱚᱢᱚᱞ ᱢᱩᱭᱞᱮᱱᱵᱩᱨᱜᱽ (Kamal Muilenburg),ᱥᱟᱱ ᱰᱤᱭᱮᱜᱳ ᱨᱮ ᱜᱩᱨ ᱞᱮᱱᱟᱭ ᱾ ᱩᱱ ᱚᱠᱛᱮ ᱗᱙ ᱵᱚᱪᱷᱚᱨ ᱩᱢᱮᱨ ᱛᱟᱦᱮᱸ ᱠᱟᱱᱟᱭ ᱾