ᱣᱮᱫᱽᱭᱚᱱᱟᱛᱷ ᱢᱚᱸᱫᱤᱨ, ᱫᱮᱣᱜᱷᱟᱨ

ᱣᱮᱫᱽᱭᱚᱱᱟᱛᱷ ᱢᱚᱸᱫᱤᱨ, ᱫᱮᱣᱜᱷᱟᱨ (ᱤᱝᱞᱤᱥ:Baidyanath Temple) ᱫᱣᱟᱫᱚᱥ ᱡᱭᱚᱛᱤᱨᱞᱤᱝ ᱨᱮ ᱴᱤᱫ ᱡᱭᱚᱛᱤᱨᱞᱤᱝ ᱨᱮᱱᱟᱜ ᱯᱩᱨᱟᱬᱠᱟᱞᱤᱬ ᱢᱚᱹᱫᱤᱨ ᱠᱟᱱᱟ ᱡᱟᱦᱟᱸ ᱥᱤᱧᱚᱛ ᱵᱷᱚᱛ ᱨᱮᱱᱟᱜ ᱯᱚᱱᱚᱛ ᱡᱷᱟᱨᱞᱷᱚᱸᱰ ᱨᱮ ᱟᱹᱰᱤ ᱡᱟᱥᱛᱤ ᱵᱟᱰᱟᱭᱟᱱ ᱫᱮᱣᱜᱷᱟᱨ ᱱᱟᱢᱚᱠ ᱡᱟᱭᱜᱟ ᱨᱮ ᱚᱣᱚᱥᱛᱷᱤᱛ ᱢᱮᱱᱟᱜ-ᱟ᱾ ᱯᱚᱣᱤᱛᱨᱚ ᱛᱤᱨᱛᱷ ᱦᱩᱭ ᱠᱷᱟᱹᱛᱤᱨ ᱛᱮ ᱦᱚᱲ ᱱᱚᱶᱟ ᱮᱫᱽᱭᱚᱱᱟᱛᱷ ᱫᱷᱟᱢ ᱦᱚᱸ ᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱡᱟᱦᱟᱸ ᱨᱮ ᱱᱚᱶᱟ ᱢᱚᱸᱫᱤᱨ ᱢᱮᱱᱟᱜ-ᱟ ᱚᱱᱟ ᱡᱟᱭᱜᱟ ᱫᱚ ᱫᱮᱣᱜᱷᱟᱨ ᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱚᱱᱟ ᱠᱟᱭᱜᱟ ᱫᱚ ᱫᱷᱚᱨᱢᱚᱣᱟᱜ ᱚᱲᱟᱜ ᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱣᱮᱫᱽᱭᱚᱱᱟᱛᱷ ᱡᱭᱚᱛᱤᱨᱞᱤᱝ ᱢᱮᱱᱟᱜ ᱠᱷᱟᱹᱛᱤᱨ ᱛᱮ ᱱᱚᱶᱟ ᱡᱟᱭᱜᱟ ᱫᱚ ᱫᱮᱣ ᱟᱜ ᱚᱲᱟᱜ ᱠᱚ ᱢᱮᱱᱟ᱾ ᱱᱚᱶᱟ ᱡᱭᱚᱛᱤᱨᱞᱤᱝ ᱢᱤᱫ ᱥᱤᱫᱷᱯᱤᱴᱷ ᱠᱟᱱᱟ᱾ ᱞᱟᱹᱭ ᱠᱚᱨᱮ ᱟᱧᱡᱚᱴ ᱵᱟᱲᱟ ᱟᱠᱟᱱᱟ ᱡᱮ ᱱᱚᱸᱰᱮ ᱦᱮᱡ ᱞᱮᱱᱠᱷᱟᱱ ᱡᱟᱦᱟᱸᱭ ᱜᱮ ᱦᱮᱡ ᱟᱱ ᱦᱚᱲᱟᱜ ᱢᱚᱱᱮ ᱠᱟᱹᱢᱤ ᱯᱩᱨᱩᱱᱚᱜ ᱛᱟᱭᱟ᱾ ᱚᱱᱟ ᱠᱷᱟᱹᱛᱤᱨ ᱱᱚᱶᱟ ᱞᱤᱝᱜᱽ ᱫᱚ ᱠᱟᱢᱱᱟ ᱞᱤᱝᱜᱽ ᱦᱚᱸ ᱠᱚ ᱢᱮᱛᱟᱣᱟᱜᱼᱟ᱾

ᱛᱷᱟᱯᱚᱱ ᱟᱨ ᱠᱟᱛᱷᱟ ᱠᱚ ᱥᱟᱯᱲᱟᱣ

ᱱᱚᱶᱟ ᱞᱤᱝ ᱨᱮᱱᱟᱜ ᱛᱷᱟᱯᱚᱱ ᱟᱜᱩᱭᱟ ᱱᱟᱜᱟᱢ ᱱᱚᱶᱟ ᱠᱟᱱᱟ ᱡᱮ ᱢᱤᱫ ᱫᱷᱟᱣ ᱨᱟᱪᱷᱚᱥ ᱨᱟᱡᱽ ᱨᱟᱣᱚᱱ ᱫᱚ ᱦᱤᱢ ᱨᱮ ᱥᱮᱱ ᱠᱟᱛᱮᱜ ᱤᱥᱣ ᱟᱜ ᱠᱩᱥᱤ ᱞᱟᱹᱜᱤᱫ ᱛᱮ ᱟᱹᱰᱤ ᱥᱠᱛᱚᱭ ᱛᱚᱯᱚᱥᱭᱟ ᱞᱮᱫ-ᱟ ᱟᱨ ᱟᱢᱟᱜ ᱵᱟᱦᱚᱜ ᱜᱮᱫ ᱢᱟᱫ ᱛᱚᱯᱟᱜ ᱠᱟᱛᱮᱜ ᱤᱥᱣ ᱞᱤᱝ ᱨᱮ ᱪᱟᱲᱷᱟᱣ ᱮ ᱮᱦᱚᱵ ᱞᱮᱫ-ᱟ᱾ ᱢᱤᱫ- ᱢᱤᱫ ᱠᱟᱛᱮᱜ ᱟᱨᱮ ᱴᱟᱝ ᱵᱚᱦᱚᱜ ᱪᱟᱲᱷᱟᱣ ᱛᱟᱭᱚᱢ ᱜᱮᱞ ᱮᱞ ᱜᱟᱱ ᱟᱨᱦᱚᱸ ᱛᱟᱦᱮᱸᱜ ᱠᱟᱱᱟ ᱠᱷᱟᱱ ᱜᱮ ᱟᱤᱣ ᱫᱚᱭ ᱠᱩᱥᱤ ᱮᱱᱟ ᱟᱨ ᱮ ᱯᱮᱞ ᱮᱱᱟ᱾ ᱩᱱᱤ ᱫᱚ ᱟᱡᱟᱜ ᱮᱞ ᱵᱚᱦᱚᱜ ᱫᱚ ᱡᱟᱦᱟᱸ ᱛᱟᱦᱟᱸ ᱠᱮᱫᱟᱭ ᱟᱨ ᱣᱚᱨᱫᱟᱱ ᱠᱚᱭᱮ ᱞᱟᱹᱜᱤᱫ ᱮ ᱢᱮᱛᱟᱫ ᱮᱭᱟ᱾ ᱨᱟᱣᱚᱱ ᱫᱚ ᱞᱚᱸᱠᱟ ᱨᱮ ᱥᱮᱱ ᱠᱟᱛᱮᱜ ᱚᱱᱟ ᱞᱤᱝ ᱛᱷᱟᱯᱚᱱ ᱞᱟᱹᱜᱤᱫ ᱛᱮ ᱩᱱᱤ ᱤᱫᱤ ᱞᱟᱹᱜᱤᱫ ᱮ ᱠᱩᱞᱤ ᱠᱮᱫᱮᱭᱟ᱾ ᱥᱤᱣ ᱫᱚ ᱫᱟᱣ ᱢᱟᱭ ᱮᱢᱟᱫᱮ ᱜᱮ, ᱢᱮᱱᱠᱟᱷᱟᱱ ᱚᱱᱟ ᱪᱮᱛᱟᱣᱱᱤ ᱥᱟᱶᱛᱮ ᱮ ᱮᱢᱟᱫᱮ ᱭᱟ ᱡᱮ ᱡᱩᱫᱤ ᱦᱚᱨ ᱨᱮ ᱱᱚᱶᱟ ᱫᱷᱟᱹᱨᱛᱤ ᱨᱮᱢ ᱫᱚᱦᱚᱭᱟ ᱠᱷᱟᱱ ᱚᱸᱰᱮ ᱜᱮᱢ ᱚᱪᱚᱞ ᱜᱚᱫᱚᱜ-ᱟ᱾ ᱟᱨ ᱢᱩᱪᱟᱹᱫᱟᱜ ᱨᱮᱫᱚ ᱚᱱᱟ ᱜᱮ ᱦᱩᱭ ᱮᱱᱟ᱾ ᱨᱟᱣᱚᱱ ᱥᱤᱣ ᱟᱜ ᱞᱤᱝ ᱟᱛᱮᱜ ᱥᱮᱱ ᱮᱱᱟᱭ ᱢᱮᱱᱠᱟᱷᱟᱱ ᱦᱚᱨ ᱨᱮ ᱢᱤᱫ ᱪᱤᱛᱟ ᱵᱷᱩᱢᱤ ᱦᱮᱡ ᱜᱚᱫᱚᱜ ᱨᱮ ᱩᱱᱤ ᱞᱚᱜᱷᱩ ᱥᱚᱸᱠᱟ ᱱᱤᱣᱨᱤᱛᱤ ᱨᱮᱱᱟᱜ ᱫᱚᱨᱠᱟᱨ ᱢᱮᱱᱟᱜ ᱛᱟᱭᱟ᱾ ᱨᱟᱣᱚᱱ ᱚᱱᱟ ᱞᱤᱝ ᱫᱚ ᱢᱤᱫ ᱚᱦᱤᱨ ᱥᱟᱶ ᱟᱹᱰᱤ ᱥᱚᱠᱛᱚ ᱦᱟᱢᱟᱞ ᱟᱹᱭᱠᱟᱹᱣ ᱠᱟᱛᱮᱜ ᱚᱛ ᱨᱮ ᱫᱚᱦᱚ ᱠᱮᱫ ᱟᱭ, ᱨᱩᱣᱟᱹᱲᱚᱜ ᱚᱠᱛᱮ ᱨᱟᱣᱚᱱ ᱫᱚ ᱯᱩᱨᱟᱹ ᱫᱟᱲᱮ ᱞᱟᱜᱟᱣ ᱠᱮᱫ-ᱟᱭ ᱮᱱᱛᱮᱜ ᱨᱮᱦᱚᱸ ᱩᱱᱤ ᱪᱮᱫ ᱪᱮᱫ ᱦᱚᱸ ᱵᱟᱝ ᱮ ᱩᱠᱷᱲᱟᱣ ᱫᱟᱲᱮᱭᱭᱟᱫ-ᱟ ᱟᱨ ᱩᱥᱟᱹᱜ ᱠᱟᱛᱮᱜ ᱢᱩᱨᱩᱛ ᱨᱮ ᱟᱡᱟᱜ ᱴᱷᱮᱯᱟ ᱠᱟᱹᱴᱩᱵ ᱨᱟᱜᱲᱟᱣ ᱠᱟᱛᱮᱜ ᱞᱚᱸᱠᱟ ᱛᱮ ᱪᱟᱞᱟᱣ ᱮᱱᱟᱭ᱾ ᱱᱷᱛᱮ, ᱵᱨᱚᱦᱢᱟ,ᱵᱤᱥᱱᱩ ᱮᱢᱟᱱ ᱟᱨ ᱫᱷᱚᱨᱡᱚ ᱠᱚ ᱦᱮᱡ ᱠᱟᱛᱮᱜ ᱚᱱᱟ ᱥᱤᱣ ᱞᱤᱝ ᱨᱮᱱᱟᱜ ᱠᱚ ᱵᱚᱝᱜᱟ ᱠᱮᱫ-ᱟ᱾ ᱥᱤᱣᱟᱡᱤ ᱭᱟᱜ ᱫᱚᱨᱥᱚᱱ ᱦᱩᱭ ᱥᱟᱶ ᱥᱟᱱᱟᱢ ᱫᱤᱵᱤ ᱫᱮᱣᱛᱟ ᱠᱚ ᱥᱤᱣ ᱞᱤᱝ ᱟᱜ ᱚᱸᱰᱮ ᱜᱮ ᱚᱱᱟ ᱡᱟᱭᱜᱟ ᱨᱮ ᱜᱮ ᱯᱨᱚᱛᱤᱥᱛᱷᱟᱯᱚᱱ ᱦᱩᱭ ᱮᱱᱟ ᱟᱨ ᱥᱤᱣ ᱫᱤᱵᱤ ᱫᱮᱣᱛᱟ ᱥᱛᱩᱛᱤ ᱦᱩᱭ ᱟᱛᱮᱜ ᱨᱩᱣᱟᱹᱲ ᱮᱱᱟᱭ ᱟᱡᱟᱜ ᱥᱣᱚᱨᱜᱽ ᱛᱮ ᱥᱮᱱ ᱮᱱᱟᱭ᱾ ᱡᱚᱱᱥᱨᱩᱛᱤ ᱥᱮ ᱞᱚᱠ ᱢᱚᱱᱭᱚᱛᱟ ᱞᱮᱠᱟᱛᱮ ᱱᱚᱶᱟ ᱫᱚ ᱣᱮᱫᱽᱭᱚᱱᱟᱛᱷ-ᱡᱭᱚᱛᱤᱨᱞᱤᱝ ᱢᱚᱱᱳᱣᱟᱸᱪᱷᱤᱛ ᱡᱚ ᱮᱢ ᱟᱱᱤᱡ ᱠᱟᱱᱟᱭ᱾

ᱱᱚᱸᱰᱮ ᱦᱚᱸ ᱧᱮᱞᱢᱮ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

ᱫᱷᱚᱨᱡᱚ ᱥᱤᱣ ᱢᱚᱸᱫᱤᱨ ᱟᱜ ᱫᱚᱨᱥᱚᱱ ᱟᱨ ᱛᱤᱨᱛᱷ, ᱩᱱᱤᱭᱟᱜ ᱣᱤᱰᱤᱭᱚ ᱟᱨ ᱪᱤᱛᱟᱹᱨ ᱠᱚ ᱥᱟᱶ