ᱤᱱᱫᱤᱨᱟ ᱢᱤᱨᱤ
ᱤᱱᱫᱤᱨᱟ ᱢᱤᱨᱤ (᱑᱙᱑᱐-᱒᱐᱐᱔), ᱡᱟᱦᱟᱸᱭ ᱫᱚ ᱢᱮᱨᱟᱝᱜ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟᱭ, ᱩᱱᱤ ᱫᱚ ᱟᱥᱟᱢ ᱨᱤᱱᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱥᱮᱪᱮᱫᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱮᱛᱚᱢ-ᱥᱟᱢᱟᱝ ᱯᱷᱨᱚᱱᱴᱤᱭᱟᱨ ᱮᱡᱮᱱᱥᱤ ᱨᱮ ᱥᱮᱪᱮᱫ ᱯᱨᱚᱫᱚᱨᱥᱚᱱ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟᱭ ᱾ ᱩᱱᱤ ᱫᱚ ᱯᱩᱱᱭᱟᱹ ᱟᱹᱰᱤ ᱢᱟᱨᱟᱝ ᱥᱤᱧᱚᱛᱤᱭᱟᱹ ᱥᱤᱨᱯᱷᱟᱹ ᱯᱚᱫᱽᱢᱚᱥᱨᱤ ᱧᱟᱢ ᱟᱠᱟᱫᱟᱭ ᱾[᱑]
| ᱤᱱᱫᱤᱨᱟ ᱢᱤᱨᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱙᱑᱐ ᱥᱤᱞᱚᱝ, ᱟᱥᱟᱢ, ᱥᱤᱧᱚᱛ |
| ᱜᱩᱨ | ᱔ ᱥᱮᱯᱴᱮᱢᱵᱚᱨ ᱒᱐᱐᱕ ᱥᱤᱞᱯᱩᱠᱩᱨᱤ, ᱜᱩᱣᱟᱦᱟᱴᱤ, ᱟᱥᱟᱢ, ᱥᱤᱧᱚᱛ |
| ᱮᱴᱟᱜ ᱧᱩᱛᱩᱢ | ᱢᱮᱨᱮᱝᱜ |
| ᱡᱤᱭᱚᱱ ᱥᱚᱦᱮᱫ | ᱢᱚᱦᱤ ᱪᱚᱸᱫᱽᱨᱚ ᱢᱤᱨᱤ |
| ᱦᱚᱯᱚᱱ | ᱩᱛᱯᱟᱞ, ᱢᱨᱤᱱᱟᱞ ᱢᱤᱨᱤ and a daughter |
| ᱟᱯᱟᱛ ᱮᱸᱜᱟᱛ | ᱥᱚᱱᱟᱫᱷᱟᱨ ᱥᱮᱱᱟᱯᱚᱛᱤ |
| ᱥᱤᱨᱯᱷᱟᱹ | ᱯᱚᱫᱽᱢᱚᱥᱨᱤ ᱥᱚᱝᱠᱚᱨ ᱥᱤᱨᱯᱷᱟᱹ |
ᱡᱤᱭᱚᱱ ᱠᱟᱛᱷᱟ
ᱥᱟᱯᱲᱟᱣᱤᱱᱫᱤᱨᱟ ᱥᱮᱱᱟᱯᱚᱛᱤ (Indira Senapati) ᱫᱚ ᱤᱱᱫᱤᱨᱟ ᱢᱤᱨᱤ (Indira Miri) ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱟᱡ ᱫᱚ ᱵᱨᱤᱴᱤᱥ ᱵᱟᱱᱤᱭᱟ (Brittial Bania) ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱑᱙᱑᱐ ᱥᱟᱞᱮ ᱨᱮ ᱥᱤᱞᱚᱝ ᱨᱮ ᱡᱟᱱᱟᱢ ᱞᱮᱱ ᱢᱤᱨᱤ ᱫᱚ ᱟᱭᱳ ᱫᱚᱭ ᱵᱚᱭᱚᱥ ᱨᱮᱜᱮᱭ ᱜᱚᱡ ᱮᱱᱟ ᱟᱨ ᱟᱡ ᱵᱟᱵᱟ ᱥᱚᱱᱚᱫᱚᱨ ᱥᱮᱱᱟᱯᱚᱛᱤ ᱫᱚᱭ ᱦᱟᱛᱟᱣ ᱞᱮᱫᱮᱭᱟ ᱾ ᱩᱱᱤ ᱫᱚ ᱟᱥᱲᱟ ᱟᱨ ᱠᱚᱞᱮᱡᱽ ᱥᱮᱪᱮᱫ ᱞᱟᱹᱜᱤᱫ ᱠᱚᱞᱠᱟᱛᱟ ᱨᱮᱭ ᱵᱟᱦᱟᱞ ᱞᱮᱫᱮᱭᱟ ᱾ ᱩᱱᱤ ᱫᱚ ᱵᱷᱮᱛᱷᱩᱱ ᱟᱥᱲᱟ ᱨᱮᱭ ᱮᱛᱚᱦᱚᱵ ᱞᱮᱫᱟ ᱟᱨ ᱥᱠᱚᱴᱤᱥ ᱪᱚᱨᱪ ᱠᱚᱞᱮᱡᱽ ᱠᱷᱚᱱ ᱵᱤ.ᱮᱪ.ᱮᱭ ᱯᱟᱥ ᱞᱮᱫᱟ ᱾ ᱛᱟᱭᱚᱢ ᱩᱱᱤ ᱫᱚ ᱥᱮᱸᱴ ᱡᱮᱢᱥ ᱨᱮ ᱥᱮᱪᱮᱫ (BT) ᱨᱮ ᱰᱤᱜᱽᱨᱤ ᱧᱟᱢ ᱞᱮᱫᱟᱭ ᱾ ᱜᱩᱣᱟᱦᱟᱴᱤ ᱨᱮᱭᱟᱜ ᱢᱮᱨᱤ ᱠᱚᱞᱮᱡᱽ ᱚᱯᱷ ᱴᱤᱪᱚᱨ ᱮᱰᱩᱠᱮᱥᱚᱱ ᱨᱮ ᱥᱮᱪᱮᱫ ᱮ ᱟᱢᱮᱴ ᱞᱮᱫ-ᱟ ᱟᱨ ᱢᱚᱱᱴᱮᱥᱚᱨᱤ ᱥᱤᱥᱴᱮᱢ ᱨᱮ ᱟᱦᱢᱚᱫᱟᱵᱟᱫᱽ ᱨᱮ ᱥᱚᱨᱠᱟᱨᱤ ᱥᱠᱚᱞᱟᱨᱥᱤᱯ ᱨᱮ ᱟᱰᱵᱷᱟᱱᱥ ᱴᱨᱮᱱᱤᱝ ᱠᱳᱨᱥ ᱨᱮ ᱥᱮᱪᱮᱫ ᱮ ᱟᱢᱮᱴ ᱞᱮᱫ-ᱟ ᱾ ᱮᱴᱟᱜ ᱥᱚᱨᱠᱟᱨᱤ ᱥᱠᱚᱞᱟᱨᱥᱤᱯ ᱛᱮ ᱩᱱᱤ ᱫᱚ ᱤᱸᱜᱽᱞᱤᱥ ᱨᱮ ᱮᱰᱤᱵᱚᱨᱜᱽ ᱭᱩᱱᱤᱵᱷᱚᱨᱥᱤᱴᱤ ᱠᱷᱚᱱ ᱢᱟᱥᱴᱟᱨ ᱰᱤᱜᱽᱨᱤ ᱟᱨ ᱚᱠᱥᱯᱷᱚᱨᱰ ᱭᱩᱱᱤᱵᱷᱚᱨᱥᱤᱴᱤ ᱨᱮ ᱯᱮ ᱪᱟᱸᱫᱚ ᱨᱮᱱᱟᱜ ᱴᱨᱮᱱᱤᱝ ᱞᱟᱹᱜᱤᱫ ᱛᱮ ᱥᱮᱱᱚᱜ ᱨᱮᱱᱟᱜ ᱜᱚᱲᱚ ᱮ ᱧᱟᱢ ᱞᱮᱫᱼᱟ ᱾
᱑᱙᱔᱗ ᱥᱟᱞᱮ ᱨᱮ ᱥᱤᱧᱚᱛ ᱨᱩᱣᱟᱹᱲ ᱞᱮᱱ ᱛᱟᱭᱚᱢ, ᱢᱤᱨᱤ ᱫᱚ ᱱᱤᱯᱟ.ᱯᱤ.ᱟ. ᱨᱮᱭᱟᱜ ᱪᱤᱯᱷ ᱮᱡᱩᱠᱮᱥᱚᱱ ᱚᱯᱷᱤᱥᱚᱨ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱾ ᱱᱤᱯᱟ.ᱯᱤ.ᱟ. ᱫᱚ ᱟᱥᱟᱢ ᱨᱮᱭᱟᱜ ᱢᱤᱫᱴᱟᱹᱝ ᱞᱟᱹᱴᱩ ᱥᱚᱦᱚᱨ ᱥᱟᱫᱤᱭᱟ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱤᱯᱟ.ᱯᱤ.ᱟ. ᱫᱚ ᱛᱩᱨᱩᱭ ᱥᱮᱨᱢᱟ ᱫᱷᱟᱹᱵᱤᱡ ᱟᱹᱫᱤᱵᱟᱹᱥᱤ ᱠᱚ ᱛᱟᱞᱟ ᱨᱮ ᱠᱟᱹᱢᱤ ᱞᱮᱫᱼᱟ ᱾ ᱑᱙᱕᱐ ᱥᱮᱨᱢᱟ ᱨᱮ ᱡᱟᱹᱛᱨᱤᱭᱟᱹ ᱞᱟᱹᱲᱦᱟᱹᱭ ᱚᱠᱛᱚ, ᱢᱤᱨᱤ ᱟᱨ ᱟᱡ ᱨᱮᱱ ᱮᱴᱟᱜ ᱢᱟᱪᱮᱛ ᱠᱚ ᱱᱚᱶᱟ ᱴᱚᱴᱷᱟ ᱨᱮᱱ ᱦᱚᱲ ᱠᱚ ᱜᱚᱲᱚ ᱞᱟᱹᱜᱤᱫ ᱠᱟᱹᱢᱤ ᱠᱟᱱ ᱛᱟᱦᱮᱱᱟ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱑᱙᱕᱗ ᱥᱮᱨᱢᱟ ᱨᱮ ᱱᱮᱯᱷᱟ ᱥᱚᱨᱵᱷᱤᱥ ᱠᱷᱚᱱ ᱨᱤᱡᱤᱣᱚᱱ ᱠᱟᱛᱮ ᱡᱳᱨᱦᱟᱴ ᱵᱤᱴᱤ ᱠᱚᱞᱮᱡᱽ ᱨᱮ ᱯᱨᱤᱱᱥᱯᱟᱞ ᱞᱮᱠᱟᱛᱮ ᱥᱮᱞᱮᱫ ᱮᱱᱟᱭ ᱟᱨ ᱑᱙᱖᱙ ᱥᱮᱨᱢᱟ ᱨᱮ ᱟᱡᱟᱜ ᱨᱤᱡᱮᱨᱚᱱ ᱦᱟᱹᱵᱤᱡ ᱚᱱᱟ ᱨᱮ ᱠᱟᱹᱢᱤ ᱞᱮᱫ-ᱟ ᱾ ᱩᱱᱤ ᱫᱚ ᱜᱚᱣᱟᱦᱟᱴᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱡᱟᱜ ᱮᱠᱡᱤᱠᱭᱩᱴᱤᱵᱽ ᱠᱟᱣᱩᱱᱥᱤᱞ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱦᱚᱸᱭ ᱠᱟ.ᱢᱤ ᱟᱠᱟᱫᱟ ᱾
ᱢᱤᱨᱤ ᱫᱚ ᱙᱔ ᱥᱮᱨᱢᱟ ᱩᱢᱮᱨ ᱨᱮ ᱕ ᱥᱮᱯᱴᱮᱢᱵᱚᱨ ᱒᱐᱐᱔ ᱥᱟᱞ ᱨᱮ ᱥᱤᱞᱯᱩᱠᱷᱩᱲᱤ ᱨᱮ ᱟᱡᱟᱜ ᱟᱭᱳ ᱵᱟᱵᱟ ᱟᱜ ᱚᱲᱟᱜ ᱨᱮᱭ ᱜᱩᱨ ᱞᱮᱱᱟ ᱾ ᱱᱩᱭ ᱫᱚ ᱯᱮᱭᱟ ᱜᱤᱫᱽᱨᱟ. ᱢᱨᱤᱱᱚᱞ ᱢᱤᱨᱤ ᱫᱚ ᱢᱤᱫ ᱥᱮᱪᱮᱫᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱨᱟᱡᱽᱭᱚ ᱥᱚᱵᱷᱟ ᱥᱚᱦᱮᱛ ᱠᱟᱱᱟᱭ ᱾[᱒]
ᱥᱤᱧᱚᱛ ᱥᱚᱨᱠᱟᱨ ᱑᱙᱗᱗ ᱨᱮ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹᱭ ᱮᱢᱟᱫᱮ ᱛᱟᱦᱮᱸᱫ ᱟᱨ ᱒᱐᱐᱔ ᱨᱮ ᱥᱚᱝᱠᱟᱨᱫᱮᱵᱽ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱡᱤᱭᱚᱱ ᱫᱚ ᱵᱟᱨᱭᱟ ᱚᱱᱚᱞ ᱨᱮ ᱚᱞ ᱟᱠᱟᱱᱟ, ᱢᱤᱫᱴᱟᱝ ᱫᱚ ᱚᱱᱚᱬᱦᱮ ᱚᱱᱚᱞ ᱠᱟᱱᱟ, ᱢᱮᱨᱟᱝᱜ, ᱚᱞ ᱟᱠᱟᱫᱟ[᱓] ᱟᱱᱩᱨᱟᱫᱷᱟ ᱥᱚᱨᱢᱟ ᱯᱩᱡᱟᱨᱤ, ᱒᱐᱑᱐ ᱨᱮ ᱯᱟᱨᱥᱟᱞ ᱞᱮᱱᱟ ᱟᱨ ᱟᱨ ᱢᱤᱫᱴᱟᱝ ᱫᱚ ᱵᱤᱥᱤᱥᱛᱟ ᱥᱤᱠᱥᱚᱵᱤᱫᱫᱟ ᱤᱱᱫᱤᱨᱟ ᱢᱤᱨᱤ, ᱦᱤᱨᱚᱱᱢᱚᱭᱤ ᱫᱮᱣᱤ, ᱒᱐᱑᱑ ᱨᱮ ᱯᱟᱨᱥᱟᱞ ᱞᱮᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Padma Shri" (PDF). Padma Shri. 2015. Archived from the original (PDF) on 15 October 2015. Retrieved 18 June 2015.
- ↑ "Detailed Profile: Prof. Mrinal Miri". Government of India. 2015. Retrieved 29 June 2015.
- ↑ Anuradha Sharma Pujari (2010). "Mereng". Banalata. p. 200. Retrieved 29 June 2015.