ᱤᱱᱫᱨᱟᱬᱤ ᱨᱚᱦᱢᱟᱱ

ᱤᱱᱫᱨᱟᱬ ᱨᱚᱦᱢᱟᱱ (ᱡᱟᱱᱟᱢ-᱑᱙ ᱥᱮᱯᱴᱮᱢᱵᱚᱨ ᱑᱙᱓᱐,ᱪᱮᱱᱱᱟᱭ--᱕ ᱯᱷᱮᱵᱽᱨᱩᱣᱟᱨᱤ ᱑᱙᱙᱙,ᱱᱭᱩ ᱭᱳᱨᱠ) ᱫᱚ ᱢᱤᱫ ᱥᱤᱧᱚᱛ ᱵᱷᱟᱨᱚᱛᱱᱟᱴᱭᱚᱢ, ᱠᱩᱪᱤᱯᱩᱰᱤ, ᱠᱚᱛᱷᱚᱠ ᱟᱨ ᱳᱰᱤᱥᱤ ᱠᱞᱟᱥᱤᱠᱟᱞ ᱰᱮᱱᱥᱚᱨ ᱠᱟᱱᱟᱭ ᱾ ᱱᱚᱣᱟ ᱮᱱᱮᱡᱠᱚ ᱯᱟᱪᱮ ᱫᱤᱥᱚᱢ ᱨᱮ ᱯᱳᱯᱩᱞᱟᱨ ᱚᱪᱚ ᱞᱮᱫᱟᱭ ᱟᱨ ᱛᱟᱭᱚᱢ ᱱᱭᱩ ᱭᱳᱨᱠ ᱨᱮ ᱑᱙᱗᱖ ᱥᱟᱞᱨᱮ ᱜᱤᱨᱟ.ᱵᱟᱥ ᱞᱮᱱᱟᱭ ᱾ ᱑᱙᱕᱒ ᱥᱟᱞᱨᱮ, ᱢᱤᱥ ᱤᱱᱰᱤᱭᱟ ᱥᱳ ᱨᱮ ᱡᱤᱛᱠᱟ.ᱨ ᱟᱠᱟᱱᱟᱭ ᱾ ᱛᱟᱭᱚᱢ ᱟᱡ ᱟᱭᱚ ᱨᱟᱜᱤᱬᱤ ᱫᱮᱵᱤ (Ragini Devi) ᱭᱟᱜ ᱠᱚᱢᱯᱟᱱᱤ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱥᱤᱧᱚᱛ ᱠᱞᱟᱥᱤᱠᱟᱞ ᱮᱱᱮᱡ ᱠᱚᱫᱚ ᱟᱡᱟᱜ ᱡᱮ-ᱡᱟ.ᱛᱤᱭᱟ.ᱨᱤ ᱦᱤᱨᱤ ᱚᱠᱛᱮ ᱧᱩᱢᱦᱟᱞᱟᱝ ᱚᱪᱚ ᱟᱠᱟᱫᱟᱭ ᱾ ᱤᱱᱫᱨᱟᱬᱤ ᱫᱚ ᱑᱙᱖᱙ ᱥᱟᱞ ᱨᱮ ᱯᱚᱫᱽᱢᱚᱥᱨᱤ ᱥᱤᱨᱯᱷᱟ., ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟ. ᱟᱨ ᱛᱟᱨᱟᱠᱱᱟᱛᱷ ᱫᱟᱥ ᱟᱣᱟᱨᱰ (Taraknath Das Award) ᱦᱚᱸᱭ ᱧᱟᱢ ᱟᱠᱟᱫᱟ ᱾

ᱤᱱᱫᱨᱟᱬᱤ ᱨᱚᱦᱢᱟᱱ
Miss India Indrani Rehman
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	ᱤᱱᱫᱨᱟᱬᱤ ᱵᱟᱡᱽᱯᱮᱭ ᱑᱙ ᱥᱮᱯᱴᱮᱢᱵᱚᱨ ᱑᱙᱓᱐(1930-09-19) ᱪᱮᱱᱱᱟᱭ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱕ ᱯᱷᱮᱵᱽᱨᱩᱣᱟᱨᱤ ᱑᱙᱙᱙ (᱖᱘ ᱵᱚᱭᱚᱥ) New York, US
ᱠᱟᱹᱢᱤ	Indian classical dancer, choreographer,
ᱡᱤᱭᱚᱱ ᱥᱚᱦᱮᱫ	ᱦᱚᱵᱤᱵᱽ ᱨᱚᱦᱢᱟᱱ,ᱥᱤᱨᱟ. ᱟᱨᱠᱤᱴᱮᱠ,ᱥᱤᱧᱚᱛ ᱛᱟᱞᱢᱟ ᱥᱚᱨᱠᱟᱨ
ᱥᱤᱨᱯᱷᱟᱹ	1969: ᱯᱚᱫᱽᱢᱚᱥᱨᱤ 1981:ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱟᱣᱟᱨᱰ

ᱯᱩᱭᱞᱩ ᱡᱤᱭᱚᱱ

ᱤᱱᱫᱨᱟᱬᱤ ᱫᱚ ᱪᱮᱱᱱᱟᱭ(ᱯᱟ.ᱦᱤᱞ ᱢᱟᱰᱨᱟᱥ) ᱨᱮ (ᱵᱟᱵᱟ) ᱨᱟᱢᱟᱞᱟᱞ ᱵᱚᱞᱨᱟᱢ ᱵᱟᱡᱽᱯᱮᱭ (Ramalal Balram Bajpai) ᱟᱨ (ᱟᱭᱚ) ᱨᱟᱜᱤᱬᱤ ᱫᱮᱵᱤ (Ragini Devi) ᱛᱤᱠᱤᱱᱟᱜ ᱠᱚᱞᱮᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱵᱚᱞᱨᱟᱢ ᱫᱚ ᱮᱛᱚᱢ ᱥᱤᱧᱚᱛ ᱨᱤᱱ ᱟᱨ ᱭᱩ.ᱮᱥ.ᱮ(USA) ᱨᱮ ᱨᱚᱥᱟᱭᱚᱱ ᱥᱟᱬᱮᱥ ᱯᱚᱲᱦᱚᱱ ᱟᱠᱟᱱᱟᱭ ᱾ ᱱᱚᱸᱰᱮ ᱟᱡ ᱵᱟᱵᱟ ᱫᱚ ᱮᱥᱛᱷᱚᱨ ᱞᱩᱣᱮᱞᱞᱟ ᱥᱚᱨᱢᱟᱱ (Esther Luella Sherman),ᱡᱟᱦᱟᱸᱭ ᱫᱚ ᱟᱢᱮᱨᱤᱠᱟᱱ ᱦᱚᱲ ᱥᱟᱶᱮ ᱵᱟᱯᱞᱟ ᱞᱮᱱᱟ ᱾ ᱦᱤᱱᱫᱩ ᱯᱚᱨᱚᱢᱯᱚᱨᱟ ᱛᱮᱠᱤᱱ ᱵᱟᱯᱞᱟᱭᱮᱱᱟ ᱛᱟᱭᱚᱢ ᱟᱡ ᱟᱭᱚ ᱫᱚ ᱨᱟᱜᱤᱬᱤ ᱫᱮᱵᱤ ᱧᱩᱢ ᱞᱮᱫᱮᱭᱟᱠᱚ ᱾ ᱑᱙᱒᱐ ᱥᱟᱞ ᱨᱮ ᱟᱡ ᱟᱭᱚ-ᱵᱟᱵᱟ ᱫᱚ ᱥᱤᱧᱚᱛ ᱫᱤᱥᱚᱢ ᱛᱮᱠᱤᱱ ᱦᱮᱡ ᱞᱮᱱᱟ ᱾ ᱤᱱᱫᱨᱟᱬᱤ ᱫᱚ ᱪᱮᱱᱱᱟᱭ ᱨᱮᱜᱮ ᱦᱟᱨᱟᱵᱩᱨᱩ ᱞᱮᱱᱟ ᱾ ᱟᱡ ᱫᱚ ᱑᱙᱕᱒ ᱥᱟᱞ ᱨᱮ ᱢᱤᱥ ᱤᱱᱰᱤᱭᱟ (Miss India) ᱴᱟᱭᱴᱚᱞ ᱡᱤᱛᱠᱟ.ᱨ ᱞᱮᱱᱟ ᱾ ᱑᱕ ᱵᱚᱪᱷᱚᱨ ᱩᱢᱮᱨ,ᱟᱥᱲᱟ ᱨᱮ ᱯᱚᱲᱦᱚᱱ ᱚᱠᱛᱮ ᱦᱚᱵᱤᱵᱽ ᱨᱚᱦᱢᱟᱱ (Habib Rahman) ᱟ.ᱱᱤᱡ ᱓᱐ ᱵᱚᱪᱷᱚᱨ ᱠᱚᱲᱟ ᱥᱟᱶᱠᱚ ᱵᱟᱯᱞᱟ ᱞᱮᱫᱮᱭᱟ ᱾

ᱠᱮᱨᱤᱭᱚᱨ

ᱤᱱᱫᱨᱟᱬᱤ ᱫᱚ ᱟᱡ ᱟᱭᱚᱣᱟᱜ ᱜᱟᱫᱮᱞ,᱙ ᱵᱚᱪᱷᱚᱨ ᱩᱢᱮᱨ ᱨᱮ ᱮᱱᱮᱡ ᱥᱮᱬᱟᱭ ᱮᱦᱚᱵ ᱞᱮᱫᱟ ᱟᱨ ᱟᱢᱮᱨᱤᱠᱟ ᱭᱩᱨᱳᱯ ᱠᱚᱭ ᱫᱟᱬᱟ ᱞᱮᱜ-ᱟ ᱾ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱟᱡᱟᱜ ᱟ.ᱥᱩᱞᱚᱜ ᱦᱚᱨᱟ ᱞᱮᱠᱟᱛᱮᱭ ᱮᱦᱚᱵ ᱞᱮᱫᱟ ᱾ ᱵᱷᱟᱨᱚᱛᱱᱟᱴᱭᱚᱢ,ᱯᱟᱱᱫᱟᱱᱟᱞᱞᱩᱨ ᱥᱴᱟᱭᱤᱞ (Pandanallur style) ᱫᱚ ᱜᱩᱨᱩ ᱪᱚᱠᱠᱟᱞᱤᱝᱜᱟᱢ ᱯᱤᱞᱞᱟᱭᱤ (Chokkalingam Pillai) ᱴᱷᱮᱱ ᱠᱷᱚᱱ ᱑᱙᱔᱐ ᱥᱟᱞ ᱨᱮ ᱥᱮᱬᱟ ᱞᱮᱜ-ᱟᱭ ᱾ ᱤᱱᱟ. ᱛᱟᱭᱚᱢ ᱵᱤᱡᱚᱭᱣᱟᱰᱟ (Vijaywada) ᱨᱮ ᱠᱩᱪᱤᱯᱩᱰᱤ ᱮᱱᱮᱡ ᱠᱳᱨᱚᱫᱟ ᱱᱚᱨᱥᱤᱢᱦᱟ ᱨᱟᱣ (Korada Narsimha Rao) ᱴᱷᱮᱱ ᱠᱷᱚᱱ ᱥᱮᱬᱟ ᱞᱮᱫᱟ,ᱡᱟᱦᱟᱸᱭ ᱥᱟᱶ ᱟᱭᱢᱟ ᱫᱷᱟᱣ ᱫᱮᱥ ᱵᱤᱫᱮᱥ ᱦᱤᱨᱤ ᱞᱮᱜ-ᱟ ᱾

ᱱᱤᱡᱚᱨ ᱡᱤᱭᱚᱱ

ᱟᱡ ᱫᱚ ᱦᱚᱵᱤᱵᱽ ᱨᱚᱦᱢᱟᱱ(᱑᱙᱑᱕-᱑᱙᱙᱕) ᱧᱩᱛᱩᱢᱟᱱ ᱟᱨᱠᱤᱴᱮᱠ ᱥᱟᱶ ᱑᱙᱔᱕ ᱥᱟᱞ ᱨᱮ ᱵᱟᱯᱞᱟ ᱞᱮᱱᱟ ᱾ ᱟᱠᱤᱱᱤᱡ ᱦᱚᱯᱚᱱ ᱨᱟᱢ ᱨᱚᱦᱢᱟᱱ (Ram Rahman) ᱫᱚ ᱢᱤᱫ ᱟᱨᱴᱤᱥᱴ ᱟᱨ ᱦᱚᱯᱚᱱ-ᱮᱨᱟ ᱥᱩᱠᱚᱱᱭᱟ ᱨᱚᱦᱢᱟᱱ (Sukanya Rahman) ᱫᱚ ᱢᱤᱫ ᱵᱟᱨ ᱟᱡ ᱟᱭᱚ ᱟᱨ ᱜᱚᱲᱚᱢ-ᱵᱩᱰᱷᱤ ᱥᱟᱶᱮ ᱮᱱᱮᱡ/ᱥᱴᱮᱡᱽ ᱯᱚᱨᱯᱷᱚᱨᱢᱟᱱᱥ ᱟᱠᱟᱫᱟ ᱾

ᱵᱟᱦᱨᱮ ᱡᱚᱱᱚᱲ

https://en.wikipedia.org/wiki/Indrani_Rahman