ᱥᱚᱨᱟᱭᱜᱷᱟᱴ ᱥᱟᱠᱚ
ᱥᱚᱨᱟᱭᱜᱷᱟᱴ ᱥᱟᱠᱚ (ᱤᱝᱨᱟ.ᱡᱤ: Saraighat Bridge) ᱟᱥᱟᱢ ᱯᱚᱱᱚᱛ ᱜᱩᱣᱟᱦᱟᱴᱤ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱ ᱯᱟ.ᱦᱤᱞ ᱨᱮᱞ ᱥᱮᱞᱮᱫ ᱥᱟᱠᱚ ᱠᱟᱱᱟ। ᱥᱟᱠᱚ ᱨᱮᱱᱟᱜ ᱵᱮᱜ-ᱱᱟᱣ ᱠᱟ.ᱢᱤ ᱮᱦᱚᱵ ᱞᱮᱱᱟ ᱑᱙᱕᱘ ᱥᱮᱨᱢᱟ ᱨᱮᱭᱟᱜ ᱡᱟᱱᱩᱣᱟᱨᱤ ᱪᱟᱱᱫᱚ ᱠᱷᱚᱱ । ᱢᱟᱞ ᱡᱟᱞ ᱠᱚ ᱤᱫᱤ ᱟ.ᱜᱩᱭ ᱞᱟ.ᱜᱤᱫ ᱑᱙᱖᱒ ᱥᱮᱨᱢᱟ ᱨᱮᱭᱟᱜ ᱚᱠᱴᱚᱵᱚᱨ ᱪᱟᱱᱫᱚ ᱠᱷᱩᱞᱟ. ᱦᱩᱭ ᱞᱮᱱᱟ । ᱑᱙᱖᱓ ᱥᱮᱨᱢᱟ ᱨᱮᱭᱟᱜ ᱗ ᱡᱩᱱ ᱦᱤᱞᱚᱜ ᱢᱟᱨᱟᱝ ᱢᱚᱱᱛᱨᱤ ᱡᱚᱣᱟᱦᱚᱨᱞᱟᱞ ᱱᱮᱦᱨᱩ ᱥᱟᱝᱜᱷᱟᱨᱤᱭᱟ. ᱠᱚ ᱞᱟ.ᱜᱤᱫ-ᱮ ᱩᱰᱦᱟ.ᱣ ᱠᱮᱫᱟ । ᱱᱚᱣᱟ ᱥᱟᱠᱚ ᱪᱮᱛᱟᱱ ᱛᱮ ᱡᱟ.ᱛᱤᱭᱟ.ᱨᱤ ᱥᱯᱲᱚᱠ ᱟᱨ ᱞᱟᱛᱟᱨ ᱛᱮ ᱫᱚ ᱨᱮᱞ ᱥᱚᱲᱚᱠ ᱢᱮᱱᱟᱜ-ᱟ। ᱱᱟᱦᱟᱜ ᱥᱟᱠᱚ ᱴᱟᱜ ᱧᱮᱞ ᱛᱚᱫᱟᱨᱚᱛ ᱞᱟ.ᱜᱤᱫ ᱩᱛᱛᱟᱨ- ᱯᱩᱵᱽ ᱥᱤᱢᱟᱱᱛᱚ ᱨᱮᱞᱣᱮ ᱴᱷᱮᱱ ᱮᱠᱛᱤᱭᱟ.ᱨᱤ ᱢᱮᱱᱟᱜ-ᱟ।
ᱯᱟ.ᱦᱤᱞ ᱨᱮ ᱥᱟᱠᱚ ᱨᱮᱭᱟᱜ ᱧᱩᱛᱩᱢ ᱫᱚ ᱵᱨᱚᱦᱢᱚᱯᱩᱛᱨᱚ ᱥᱟᱠᱚ ᱛᱟᱦᱮ ᱠᱟᱱᱟ। ᱛᱟᱭᱚᱢ ᱛᱮ ᱥᱚᱨᱟᱭᱜᱷᱟᱴ ᱥᱟᱠᱚ ᱫᱚᱠᱚ ᱧᱩᱛᱩᱢ ᱠᱮᱫᱟ।
ᱱᱟᱜᱟᱢ ᱥᱟᱯᱲᱟᱣ
᱑᱙᱑᱐ ᱥᱮᱨᱢᱟ ᱨᱮ ᱜᱮ ᱵᱨᱚᱦᱢᱚᱯᱩᱛᱨᱚ ᱪᱮᱛᱟᱱ ᱨᱮ ᱥᱟᱠᱚ ᱵᱮᱱᱟᱣ ᱨᱮᱱᱟᱜ ᱠᱟᱛᱷᱟ ᱠᱚ ᱜᱩᱱᱤᱵᱷᱟᱵᱤ ᱞᱮᱱᱟ| ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱫᱚ ᱟᱥᱟᱢ ᱵᱟᱨ ᱵᱷᱟᱜᱽ ᱨᱮ ᱦᱟ.ᱴᱤᱧ ᱟᱠᱟᱫᱟ: ᱠᱚᱭᱮ ᱱᱟᱠᱷᱟ ᱟᱨ ᱮᱛᱚᱢ ᱱᱟᱠᱷᱟ । ᱢᱚᱬᱮ ᱜᱮᱞ ᱟᱱᱟᱜ ᱥᱮᱨᱢᱟ ᱦᱟ.ᱵᱤᱡ ᱱᱤᱭᱟ. ᱜᱟᱰᱟ ᱨᱮ ᱢᱤᱫ ᱴᱮᱱ ᱜᱟᱱ ᱥᱟᱠᱚ ᱦᱚ ᱵᱟᱝ ᱛᱟᱦᱮ ᱠᱟᱱᱟ। ᱜᱟᱰᱟ ᱨᱮᱭᱟᱜ ᱦᱟᱱᱟ ᱥᱟ ᱠᱷᱚᱱ ᱱᱚᱣᱟ ᱯᱟᱨᱚᱢᱚᱜ ᱞᱟ.ᱜᱤᱫ ᱢᱤᱫ ᱮᱥᱠᱟᱨ ᱦᱚᱨᱟ ᱛᱟᱦᱮ ᱠᱟᱱᱟ ᱞᱟ.ᱣᱠᱟ.। ᱚᱱᱟ ᱛᱮ ᱵᱨᱚᱦᱢᱚᱯᱩᱛᱨᱚ ᱪᱮᱛᱟᱱ ᱵᱮᱱᱟᱣ ᱞᱟ.ᱜᱤᱫ ᱟ.ᱰᱤ ᱟᱭᱢᱟ ᱱᱮᱦᱚᱨ ᱡᱚᱦᱟᱨ ᱥᱟᱢᱟᱝ ᱞᱮᱱᱟ। ᱚᱱᱟ ᱨᱮᱭᱟᱜ ᱚᱨᱡᱚ ᱵᱟᱝ ᱧᱟᱢ ᱞᱮᱱ ᱛᱮ ᱢᱩᱪᱟ.ᱫ ᱨᱮ ᱟᱱᱫᱚᱲᱚᱱ ᱨᱮ ᱰᱟᱦᱟᱨ ᱠᱚ ᱟᱯᱱᱟᱨ ᱞᱮᱫᱟ । ᱦᱮᱢ ᱵᱚᱨᱩᱣᱟ, ᱠᱚᱣᱢᱤᱱᱤᱥᱴ ᱜᱚᱣᱨᱤᱥᱚᱝᱠᱚᱨ ᱵᱷᱚᱴᱴᱟᱪᱟᱨᱡᱚ, ᱥᱚᱥᱤᱭᱮᱞᱤᱥᱴ ᱱᱮᱛᱟ ᱦᱚᱨᱮᱥᱚᱨ ᱜᱚᱥᱣᱟᱢᱤ ᱞᱮᱠᱟᱱ ᱱᱮᱛᱟ ᱱᱚᱣᱟ ᱟᱱᱫᱚᱲ ᱠᱚ ᱥᱤᱯᱤᱧ ᱨᱟᱠᱟᱵ ᱞᱮᱫᱟ ।
ᱚᱱᱟ ᱚᱠᱛᱮ ᱜᱮ ᱪᱤᱱ ᱥᱤᱧᱚᱛ ᱫᱤᱥᱚᱢᱮ ᱟᱠᱨᱚᱢᱚᱱ ᱠᱮᱫᱟ। ᱪᱤᱱᱟ ᱯᱷᱟ.ᱫᱽ ᱚᱨᱩᱱᱟᱪᱚᱞ ᱯᱨᱚᱫᱮᱥᱷ ᱨᱮᱭᱟᱜ ᱴᱟᱣᱟᱝ, ᱵᱚᱢᱰᱤᱞᱟ ᱦᱟ.ᱵᱤᱡ ᱠᱚ ᱥᱮᱴᱮᱨ ᱞᱮᱱᱟ। ᱟᱥᱟᱢ ᱥᱟᱶ ᱛᱮ ᱠᱚᱭᱮ -ᱥᱟᱢᱟᱝ ᱨᱮᱭᱟᱜ ᱮᱴᱟᱜ ᱯᱚᱱᱚᱛ ᱠᱚ ᱨᱮ ᱦᱚ ᱟᱯᱚᱫᱽ ᱦᱮᱡ ᱥᱮᱴᱮᱨ ᱞᱮᱱᱟ। ᱱᱤᱭᱟ. ᱛᱟᱭᱚᱢ ᱜᱮ ᱵᱨᱚᱦᱢᱚᱯᱩᱛᱨᱚ ᱪᱮᱛᱟᱱ ᱥᱟᱠᱚ ᱵᱮᱱᱟᱣ ᱞᱟ.ᱜᱤᱫ ᱟᱝᱜᱚᱪ ᱦᱩᱭ ᱞᱮᱱᱟ।᱑᱙᱕᱑ ᱥᱮᱨᱢᱟ ᱨᱮᱭᱟᱜ ᱑ ᱡᱟᱱᱩᱣᱟᱨᱤ ᱠᱷᱚᱱ ᱥᱟᱠᱚ ᱵᱮᱱᱟᱣ ᱠᱟ.ᱢᱤ ᱮᱦᱚᱵ ᱞᱮᱱᱟ।
ᱩᱰᱦᱟ.ᱣ ᱥᱟᱯᱲᱟᱣ
᱑᱙᱖᱓ ᱥᱮᱨᱢᱟ ᱨᱮᱭᱟᱜ ᱗ ᱡᱩᱱ ᱪᱟᱱᱫᱚ ᱨᱮ ᱥᱚᱨᱟᱭᱜᱷᱟᱴ ᱥᱟᱠᱚ ᱫᱚᱠᱚ ᱩᱰᱦᱟ.ᱣ ᱞᱮᱫᱟ। ᱯᱟ.ᱦᱤᱞ ᱚᱠᱛᱮ ᱨᱮ ᱥᱟᱠᱚ ᱨᱮᱭᱟᱜ ᱧᱩᱛᱩᱢ ᱫᱚ ᱵᱨᱚᱦᱢᱚᱯᱩᱛᱨᱚ ᱥᱟᱠᱚ ᱜᱮ ᱠᱚ ᱫᱚᱦᱚ ᱞᱮᱫᱟ। ᱢᱟᱞᱤᱜᱟᱶ ᱨᱮᱞ ᱥᱴᱮᱥᱚᱱ ᱥᱩᱨ ᱨᱮ ᱚᱨᱟᱢ ᱞᱮᱱ ᱢᱤᱫ ᱵᱩᱯᱩᱲᱩᱵ ᱨᱮ ᱩᱱ ᱚᱠᱛᱮ ᱨᱮᱱ ᱢᱟᱨᱟᱝ ᱢᱚᱛᱨᱤ ᱯᱚᱱᱰᱤᱛ ᱡᱚᱣᱟᱦᱚᱨ ᱞᱟᱞ ᱱᱮᱦᱨᱩ ᱱᱮ-ᱦᱚᱲ ᱠᱚ ᱞᱟ.ᱜᱤᱫ-ᱮ ᱨᱟᱲᱟ ᱞᱮᱫᱟ । ᱩᱱᱤ ᱜᱮ ᱱᱚᱣᱟ ᱫᱚ ᱥᱚᱨᱟᱭᱜᱷᱟᱴ ᱥᱟᱠᱚ ᱧᱩᱛᱩᱢ ᱛᱮ ᱪᱷᱟ.ᱴᱤᱭᱟ.ᱨ ᱡᱮᱫᱟ ।