ᱥᱟᱨᱟᱫᱽ ᱯᱟᱣᱟᱨ (ᱤᱝᱨᱟᱹᱡᱤᱺ Sharad Govindrao Pawar; ᱡᱟᱱᱟᱢᱺ ᱑᱒ ᱰᱤᱥᱮᱢᱵᱚᱨ ᱑᱙᱔᱐) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱫᱴᱮᱱ ᱨᱟᱡᱟᱨᱤᱭᱟᱹ ᱠᱟᱱᱟᱭ ᱟᱨ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱ ᱢᱟᱨᱮ ᱢᱩᱠᱷᱭᱟᱹ ᱢᱚᱱᱛᱨᱤ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱕᱐ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱱᱮ- ᱦᱚᱲ ᱠᱚ ᱞᱟᱹᱜᱤᱫ-ᱮ ᱠᱟᱹᱢᱤ ᱞᱮᱫᱟ ᱾ ᱩᱱᱤ ᱫᱚ ᱨᱟᱡᱟᱨᱤ ᱨᱮ ᱟᱡᱟᱜ ᱧᱩᱛᱩᱢ ᱟᱨ ᱦᱩᱫᱟᱹᱭ ᱫᱚᱦᱚ ᱟᱠᱟᱫ ᱜᱮᱭᱟ ᱥᱤᱧᱚᱛ ᱫᱤᱥᱚᱢ ᱨᱮ ᱢᱤᱫᱴᱮᱱ ᱴᱚᱴᱷᱟᱠᱤᱭᱟᱹ ᱨᱟᱡᱟᱨᱤᱭᱟᱹ ᱞᱮᱠᱟ ᱛᱮ ᱾ ᱩᱱᱤᱭᱟᱜ ᱡᱮᱞᱮᱧ ᱠᱮᱨᱤᱭᱟ ᱨᱮ ᱥᱟᱨᱟᱫᱽ ᱯᱟᱣᱟᱨ ᱫᱚ ᱯᱮ ᱫᱷᱟᱣ ᱢᱚᱦᱟᱨᱟᱥᱴᱨᱚ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤᱭᱮ ᱛᱟᱦᱮᱸᱠᱟᱱᱟ ᱟᱨ ᱥᱤᱧᱚᱛ ᱥᱟᱨᱠᱟᱨ ᱟᱜ ᱢᱚᱱᱛᱨᱤ ᱠᱮᱵᱤᱱᱮᱴ ᱨᱮ ᱨᱩᱠᱷᱭᱟᱹ ᱢᱚᱱᱛᱨᱤ ᱟᱨ ᱪᱟᱥ ᱵᱟᱥ ᱢᱚᱱᱛᱨᱤ ᱨᱮᱭᱟᱜ ᱦᱩᱫᱟᱹ ᱦᱚᱸᱭ ᱧᱟᱢ ᱞᱮᱫᱟ ᱾ ᱩᱱᱤ ᱫᱚ ᱡᱟᱹᱛᱨᱤᱭᱟᱹ ᱠᱚᱝᱜᱽᱨᱮᱥ ᱯᱟᱨᱴᱤ (ᱮᱱᱹ ᱥᱤᱹ ᱯᱤᱹ) ᱨᱮᱱ ᱯᱟᱨᱥᱮᱛ ᱠᱟᱱᱟᱭ, ᱚᱠᱟ ᱫᱚ ᱑᱙᱙᱙ ᱥᱮᱨᱢᱟ ᱨᱮᱭᱮ ᱵᱟᱱᱫᱷᱟᱣ ᱞᱮᱫᱟ, ᱱᱤᱭᱟᱹ ᱫᱚᱞ ᱫᱚ ᱠᱚᱝᱜᱽᱨᱮᱥ ᱯᱟᱨᱴᱤ ᱠᱷᱚᱱ ᱚᱰᱚᱠ ᱠᱟᱴᱮᱭᱮ ᱵᱟᱸᱷᱟᱣ ᱞᱮᱫᱟ ᱾ ᱩᱱᱤ ᱫᱚ ᱨᱟᱡᱽᱭᱟ ᱥᱟᱵᱷᱟ ᱨᱮ ᱮᱱᱹ ᱥᱤᱹ ᱮᱯᱹ ᱯᱟᱨᱴᱤᱭᱮ ᱥᱮᱯᱮᱧ ᱨᱟᱠᱟᱵ ᱞᱮᱫᱟ, ᱚᱠᱟ ᱫᱚ ᱥᱤᱧᱚᱛ ᱯᱟᱨᱞᱤᱭᱟᱢᱮᱱᱴ ᱨᱮᱭᱟᱜ ᱪᱮᱛᱟᱱ ᱚᱲᱟᱜ ᱠᱟᱱ ᱾ ᱩᱱᱤ ᱫᱚ ᱢᱟᱦᱟ ᱵᱤᱠᱟᱥ ᱟᱜᱷᱟᱫᱤ ᱨᱮᱱ ᱵᱟᱵᱟᱱᱫᱷᱟᱣᱤᱡ ᱦᱚᱸ ᱠᱟᱱᱟᱭ, ᱚᱠᱟ ᱫᱚ ᱵᱟᱪᱷᱱᱟᱣ ᱛᱟᱭᱱᱚᱢ ᱢᱚᱦᱟᱨᱟᱥᱴᱨᱚ ᱨᱮ ᱥᱤᱵᱽ ᱥᱮᱱᱟ, ᱮᱱᱹ ᱥᱤᱹ ᱯᱤᱹ ᱟᱨ ᱟᱭᱹ ᱮᱱᱹ ᱥᱤᱹ ᱢᱤᱞᱟᱹᱣ ᱠᱟᱛᱮ ᱠᱚ ᱵᱮᱱᱟᱣ ᱞᱮᱫ ᱾ ᱯᱟᱣᱟᱨ ᱫᱚ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱯᱩᱱᱮ ᱦᱚᱱᱚᱛ ᱨᱮᱭᱟᱜ ᱢᱟᱨᱟᱢᱟᱛᱤ ᱱᱟᱝᱜᱽᱨᱟᱦᱟ ᱠᱷᱚᱱᱮ ᱡᱤᱛᱟᱹᱣ ᱥᱮᱱ ᱟᱠᱟᱱᱟ ᱾ ᱩᱱᱤ ᱫᱚ ᱢᱤᱫᱴᱮᱱ ᱨᱟᱡᱽ ᱟᱹᱨᱤ ᱜᱷᱟᱨᱚᱧᱡᱽ ᱨᱮᱱ ᱢᱩᱨᱩᱵᱤ ᱠᱟᱱᱟᱭ ᱚᱠᱟ ᱨᱮ ᱫᱚ ᱟᱡ ᱨᱮᱱ ᱠᱩᱲᱤ ᱟᱨ ᱵᱷᱟᱹᱪᱟᱹᱛ ᱛᱮᱫ ᱦᱚᱸ ᱟᱨ ᱜᱷᱟᱨᱚᱧᱡᱽ ᱨᱮᱱ ᱮᱴᱟᱜ ᱮᱴᱟᱜ ᱨᱟᱹᱥᱤᱭᱟᱹ ᱠᱚ ᱦᱚᱸ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾

ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ

ᱥᱟᱨᱟᱫ ᱯᱟᱣᱟᱨ ᱫᱚ ᱜᱚᱵᱤᱱᱫᱽᱨᱚ ᱯᱟᱣᱟᱨ ᱨᱮᱱ ᱜᱮᱞ ᱢᱤᱫ ᱜᱚᱴᱟᱝ ᱦᱚᱯᱚᱱ ᱠᱚ ᱢᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟᱭ ᱾ ᱜᱚᱵᱤᱱᱫᱽᱨᱚ ᱢᱯᱟᱣᱟᱨ ᱛᱟᱠᱚ ᱫᱚ ᱥᱩᱯᱩᱨ ᱨᱮᱭᱟᱜ ᱥᱟᱛᱟᱨᱟ ᱦᱚᱱᱚᱛ ᱠᱷᱚᱱ ᱠᱚ ᱦᱮᱡ ᱞᱮᱱᱟ ᱾ ᱜᱚᱵᱤᱱᱫᱽᱨᱚ ᱛᱟᱠᱚ ᱫᱚ ᱵᱟᱨᱟᱢᱟᱛᱤ ᱯᱷᱟᱨᱢᱟᱨᱥ ᱠᱚᱯᱟᱨᱮᱴᱤᱵᱽ ᱨᱮ ᱠᱚ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ ᱾

ᱨᱟᱡᱟᱨᱤ ᱥᱟᱯᱲᱟᱣ

ᱮᱛᱚᱦᱚᱵ ᱠᱮᱨᱤᱭᱟᱨ ᱥᱟᱯᱲᱟᱣ

ᱯᱟᱣᱟᱨ ᱫᱚ ᱟᱡᱟᱜ ᱯᱟᱹᱦᱤᱞ ᱯᱚᱞᱴᱤᱠᱮᱞ ᱠᱮᱨᱤᱭᱟᱨ ᱫᱚ ᱥᱠᱩᱞ ᱠᱷᱚᱱᱮ ᱮᱛᱚᱦᱚᱵ ᱞᱮᱫᱟ ᱾ ᱩᱱᱤ ᱰᱚ ᱑᱙᱕᱖ ᱥᱮᱨᱢᱟ ᱨᱮ ᱜᱚᱣᱟ ᱯᱷᱩᱨᱜᱟᱹᱞ ᱢᱤᱫᱩᱱᱮ ᱚᱨᱟᱢ ᱞᱮᱫᱟ ᱾ ᱠᱚᱞᱮᱡᱽ ᱨᱮ ᱩᱱᱤ ᱫᱚ ᱯᱟᱹᱴᱷᱩᱣᱟᱹ ᱯᱚᱞᱤᱴᱤᱠᱥ ᱨᱮ ᱠᱟᱹᱡᱽᱣᱟᱹᱭ ᱛᱟᱦᱮᱸᱠᱟᱱᱟ ᱾ ᱩᱱᱤ ᱨᱮᱱ ᱢᱟᱨᱟᱝ ᱫᱟᱫᱟ ᱫᱚ ᱩᱠᱤᱞᱮ ᱛᱟᱦᱮᱸᱠᱟᱱᱟ, ᱚᱠᱚᱭ ᱫᱚ ᱯᱤᱡᱮᱱᱴ ᱮᱱᱰ ᱣᱟᱨᱠᱟᱨᱥ ᱯᱟᱨᱴᱤ ᱨᱮᱭᱮ ᱛᱦᱮᱸᱠᱟᱱ ᱾ ᱦᱩᱰᱤᱧ ᱯᱟᱣᱟᱨ ᱫᱚ ᱠᱚᱝᱜᱽᱨᱮᱥ ᱯᱟᱨᱴᱤᱭᱮ ᱠᱩᱥᱤᱭᱟᱫᱟ ᱟᱨ ᱑᱙᱕᱘ ᱥᱮᱨᱢᱟ ᱨᱮ ᱠᱚᱝᱜᱽᱨᱮᱥᱮ ᱡᱚᱭᱮᱱ ᱠᱮᱫᱟ ᱾ ᱩᱱᱤ ᱫᱚ ᱑᱙᱖᱒ ᱥᱮᱨᱢᱟ ᱨᱮ ᱯᱩᱱᱟ ᱦᱚᱱᱚᱛ ᱡᱩᱣᱟᱹᱱ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱮᱱ ᱯᱟᱨᱥᱮᱛᱮ ᱦᱚᱭᱮᱱᱟ ᱾

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ