ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ

ᱥᱟᱱᱛᱟᱲᱤ ᱟᱲᱟᱝ ᱫᱚ Austro Asiatic ᱟᱲᱟᱝ ᱜᱷᱟᱨᱚᱸᱡ ᱨᱮᱱᱟᱜ ᱢᱩᱱᱰᱟᱹᱨᱤ ᱜᱷᱸᱟᱨᱚᱡ ᱨᱮᱱᱟᱜ ᱠᱟᱱᱟ᱾ ᱦᱚ ᱟᱨ ᱢᱩᱱᱰᱟᱹᱨᱤ ᱟᱲᱟᱝ ᱥᱟᱣᱛᱮ ᱥᱟᱱᱛᱟᱲᱤ ᱟᱲᱟᱝ ᱨᱮᱱᱟᱜ ᱟᱹᱰᱤ ᱡᱩᱨᱤ ᱦᱮᱱᱟᱜ-ᱟ᱾ ᱒᱐᱑᱑ ᱥᱮᱨᱢᱟᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱵᱷᱟᱨᱚᱛ ᱫᱤᱥᱟᱹᱢᱨᱮ ᱕᱙ ᱞᱟᱠᱷ ᱔᱐ ᱦᱟᱡᱟᱨ ᱞᱮᱠᱟ ᱦᱚᱲ ᱥᱟᱱᱛᱟᱲᱤ ᱟᱲᱟᱝᱛᱮ ᱠᱟᱛᱷᱟᱠᱩ ᱨᱚᱲᱟ᱾ ᱒᱐᱑᱑ ᱥᱮᱨᱢᱟᱨᱮᱱᱟᱜ ᱞᱮᱠᱷᱟᱛᱮ ᱵᱟᱝᱞᱟᱫᱤᱥᱚᱢᱨᱮ ᱒ ᱞᱟᱠᱷ ᱒᱕ ᱦᱟᱡᱟᱨ ᱟᱨ ᱱᱮᱯᱟᱞᱨᱮ ᱔᱙ ᱦᱟᱡᱟᱨ ᱟᱨᱮ ᱥᱟᱭ ᱦᱚᱲ ᱥᱟᱱᱛᱟᱲᱤᱛᱮᱠᱩ ᱨᱚᱲᱟ᱾ ᱥᱟᱱᱛᱟᱞᱤᱛᱮ ᱡᱟᱹᱥᱛᱤᱠᱩ ᱨᱚᱲᱟ ᱦᱚᱲᱠᱩᱫᱚ ᱵᱷᱟᱨᱚᱛᱨᱮ ᱡᱷᱟᱨᱠᱷᱚᱸᱰ, ᱟᱥᱟᱢ, ᱵᱤᱦᱟᱨ, ᱳᱰᱤᱥᱟ ᱟᱨ ᱯᱟᱹᱪᱷᱤᱢ ᱵᱟᱝᱞᱟᱨᱮᱜᱮᱠᱩ ᱨᱚᱲᱟ᱾

ᱥᱟᱱᱛᱟᱲᱤ ᱟᱲᱟᱝ ᱨᱮᱱᱟᱜ ᱪᱤᱠᱤ ᱫᱚ ᱦᱩᱭᱩᱜ ᱠᱟᱱᱟ ᱚᱞ ᱪᱤᱠᱤ᱾ ᱛᱚᱵᱮ ᱵᱟᱝᱞᱟ, ᱳᱰᱤᱭᱟ, ᱫᱮᱵᱱᱟᱜᱽᱨᱤ ᱟᱨ ᱨᱳᱢᱟᱱ ᱪᱤᱠᱤ ᱛᱮᱦᱚᱠᱚ ᱚᱞ ᱜᱮᱭᱟ᱾ ᱥᱟᱱᱛᱟᱲᱤᱛᱮᱠᱩ ᱨᱚᱲ ᱦᱚᱲᱠᱩᱫᱚ ᱱᱤᱛᱦᱚᱸ ᱚᱞᱚᱜ ᱯᱟᱲᱦᱟᱣ ᱨᱮ ᱫᱚᱠᱚ ᱛᱟᱭᱱᱚᱢ ᱟᱠᱟᱱᱟ᱾ ᱥᱟᱱᱛᱟᱲᱤ ᱛᱮ ᱠᱚ ᱨᱚᱲ ᱦᱚᱲᱠᱩᱣᱟᱜ ᱥᱤᱠᱷᱱᱟᱹᱛ ᱢᱚᱡᱽᱛᱮ ᱵᱟᱝ ᱞᱮᱠᱷᱟ ᱦᱩᱭᱩᱜᱛᱮ ᱩᱱᱠᱩᱭᱟ ᱦᱤᱥᱟᱹᱵᱫᱚ ᱵᱟᱝ ᱞᱟᱹᱭᱩᱜ ᱠᱟᱱᱟ᱾