ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ
ᱥᱟᱱᱛᱟᱲᱤ ᱯᱟᱹᱨᱥᱤ ᱨᱤᱱᱤᱡ ᱠᱳᱵᱤ ᱜᱩᱨᱩ ᱞᱮᱠᱟᱛᱮ ᱟᱨ ᱢᱚᱦᱟ ᱠᱳᱵᱤ ᱞᱮᱠᱟᱛᱮ ᱡᱟᱦᱟᱸᱭ ᱵᱚᱱ ᱧᱩᱢᱮ ᱠᱟᱱᱟ, ᱩᱱᱤ ᱫᱚᱭ ᱦᱩᱭᱩᱜ ᱠᱟᱱᱟ ᱢᱟᱱᱚᱛᱟᱱ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ᱾ ᱩᱱᱤᱭᱟᱜ ᱥᱚᱨᱮᱥ ᱥᱟᱶᱦᱮᱫ ᱥᱤᱨᱡᱟᱹᱣ ᱜᱮ ᱚᱱᱟ ᱨᱮᱭᱟᱜ ᱥᱟᱹᱨᱤ ᱯᱚᱨᱢᱟᱱ ᱫᱚ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱵᱟᱵᱚᱫᱽ ᱠᱳᱵᱤ ᱜᱩᱨᱩ ᱨᱟᱢᱪᱟᱸᱫᱽ ᱟᱜ ᱡᱤᱣᱤ ᱫᱚ ᱥᱤᱧ ᱧᱤᱫᱟᱹ ᱞᱚ ᱞᱮᱱ ᱛᱟᱭᱟ᱾ ᱚᱱᱟ ᱛᱮᱜᱮ ᱩᱱᱟᱹᱜ ᱚᱱᱚᱬᱦᱮ ᱫᱚᱭ ᱚᱞᱼᱛᱚᱞ ᱞᱮᱜᱼᱟ᱾ ᱟᱨ ᱟᱡᱟᱜ ᱚᱱᱚᱬᱦᱮ ᱫᱟᱨᱟᱭ ᱛᱮᱜᱮ ᱠᱳᱵᱤ ᱜᱩᱨᱩ ᱥᱮ ᱢᱚᱦᱟ ᱠᱳᱵᱤ ᱜᱩᱨᱩ ᱫᱚᱭ ᱧᱩᱢ ᱦᱟᱞᱟᱝ ᱟᱠᱟᱱᱟ᱾ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱡᱮᱜᱮᱛ ᱨᱮ ᱠᱩᱵᱤᱜᱩᱨᱩ ᱢᱮᱱᱛᱮ ᱧᱩᱢ ᱧᱟᱢ ᱟᱠᱟᱱᱟ᱾ ᱵᱟᱝᱞᱟ ᱑᱖ ᱵᱟᱹᱭᱥᱟᱹᱠᱷ ᱑᱓᱐᱖ ᱥᱟᱹᱦᱤᱛ ᱨᱮ (ᱤᱝᱨᱟᱹᱡᱤ ᱑᱘᱙᱗ ᱥᱟᱞ) ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱢᱮᱫᱤᱱᱤᱯᱩᱨ ( ᱱᱤᱛᱚᱜ ᱡᱷᱟᱲᱜᱨᱟᱢ ᱡᱤᱞᱟᱹ) ᱡᱤᱞᱟᱹᱨᱮ ᱥᱤᱞᱫᱟᱹ ᱢᱩᱞᱩᱠ ᱠᱟᱢᱟᱨᱵᱟᱸᱫᱤ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱢᱚᱦᱚᱱ ᱢᱩᱨᱢᱩ ᱟᱨ ᱮᱸᱜᱟᱛ ᱧᱩᱛᱩᱢ ᱫᱚ ᱠᱩᱱᱤ᱾ ᱠᱩᱵᱤ ᱛᱟᱠᱚ ᱫᱚ ᱯᱳᱱ ᱵᱚᱭᱦᱟ ᱢᱤᱥᱨᱟ ᱠᱚ ᱛᱟᱦᱮᱱ ᱠᱟᱱᱟ᱾ ᱟᱡ ᱫᱚ ᱡᱷᱚᱛᱚ ᱠᱷᱚᱱᱮ ᱦᱩᱰᱤᱧᱟ᱾[᱑][᱒]
| ᱠᱳᱵᱤ ᱜᱩᱨᱩ ᱥᱟᱹᱫᱷᱩᱨᱟᱢ ᱪᱟᱸᱫᱽ ᱢᱩᱨᱢᱩ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱨᱟᱢ ᱪᱟᱸᱫᱽ ᱢᱩᱨᱢᱩ ᱵᱟᱝᱞᱟ ᱑᱖ ᱵᱟᱹᱭᱥᱟᱹᱠ ᱑᱓᱐᱔ (᱑᱘᱙᱗) ᱥᱤᱞᱫᱟᱹ, ᱠᱟᱢᱟᱨᱵᱟᱺᱫᱤ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱕ ᱰᱤᱥᱮᱢᱵᱚᱨ ᱑᱙᱕᱔ (᱕᱗ ᱩᱢᱮᱨ) |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ |
| ᱧᱩᱢᱱᱟᱢ | ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱦᱟᱨᱟ ᱵᱩᱨᱩ |
| ᱧᱩᱢᱦᱟᱞᱟᱝ ᱠᱟᱹᱢᱤ |
|
| ᱟᱯᱟᱛ ᱮᱸᱜᱟᱛ |
|
ᱡᱟᱱᱟᱢ ᱟᱨ ᱯᱳᱭᱞᱳ ᱡᱤᱭᱚᱱ
ᱥᱟᱯᱲᱟᱣᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱑᱖ ᱵᱟᱹᱭᱥᱟᱹᱠ ᱑᱓᱐᱔ ᱥᱟᱞ (ᱤᱝᱨᱮᱹᱡᱤ ᱑᱘᱙᱗ ᱥᱟᱞ) ᱯᱩᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱨᱮᱭᱟᱜ ᱯᱩᱪᱷᱤᱢ ᱢᱤᱫᱽᱱᱟᱯᱩᱨ ᱡᱤᱞᱞᱟ ᱥᱤᱞᱫᱟᱹ ᱴᱚᱴᱷᱟᱨᱮ ᱢᱮᱱᱟᱜ ᱠᱟᱢᱟᱨᱵᱟᱺᱫᱤ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾[᱓][᱔] ᱥᱟ.ᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱟᱹᱰᱤ ᱨᱮᱸᱜᱮᱡ ᱱᱟᱪᱟᱨ ᱛᱟᱞᱟᱨᱮᱭ ᱦᱟᱨᱟᱵᱩᱨᱩ ᱟᱠᱟᱱᱟ ᱾ ᱟᱡᱤᱡ ᱡᱟᱱᱟᱢ ᱟᱭᱳ ᱫᱚ ᱠᱩᱱᱤ ᱢᱩᱨᱢᱩ ᱟᱨ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱢᱳᱦᱚᱱ ᱢᱩᱨᱢᱩ ᱾ ᱯᱩᱱ ᱵᱚᱭᱦᱟ ᱵᱩᱦᱤᱱ ᱢᱩᱫᱽᱨᱮ ᱢᱟᱨᱟᱝᱼᱤᱡ ᱫᱚ ᱫᱩᱵᱽᱨᱟᱡᱽ ᱢᱩᱨᱢᱩ, ᱛᱟᱞᱟᱭᱤᱡ ᱫᱚ ᱫᱷᱚᱱᱚᱧᱡᱚᱭ ᱢᱩᱨᱢᱩ, ᱥᱟᱡᱚᱭᱤᱡ ᱫᱚ ᱢᱟᱹᱭ ᱢᱩᱜᱽᱞᱤ ᱟᱨ ᱦᱩᱰᱤᱧᱼᱤᱡ ᱫᱚ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱾ ᱵᱟᱵᱟ ᱢᱳᱦᱚᱱ ᱢᱩᱨᱢᱩ ᱫᱚ ᱚᱞᱚᱜ ᱵᱟᱭ ᱵᱟᱰᱟᱭ ᱠᱟᱱ ᱛᱟᱦᱮᱸ ᱨᱮᱦᱚᱸ ᱥᱟᱹᱨᱤ ᱨᱚᱲ ᱟᱨ ᱥᱟᱹᱨᱤ ᱦᱚᱨ ᱛᱮᱜᱮᱭ ᱵᱟᱧᱪᱟᱣ ᱞᱮᱱᱟ ᱾ ᱥᱩᱜᱩᱲ ᱠᱟᱹᱢᱤ ᱞᱟᱹᱭ ᱞᱟᱠᱪᱟᱨ ᱫᱚ ᱨᱟᱢᱪᱟᱸᱫᱽ ᱢᱩᱨᱢᱩ ᱟᱡ ᱵᱟᱵᱟ ᱴᱷᱮᱱ ᱜᱮᱭ ᱥᱮᱬᱟ ᱞᱮᱜᱼᱟ ᱾
ᱚᱞ ᱯᱚᱲᱦᱚᱱ ᱟᱨ ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱟᱡ ᱵᱟᱵᱟᱦᱟᱜ ᱵᱷᱮᱡᱟ ᱛᱮᱜᱮ ᱟᱹᱛᱩ ᱟᱥᱲᱟ ᱨᱮᱜᱮ ᱚᱞᱚᱜ ᱫᱚᱭ ᱮᱛᱚᱦᱚᱵ ᱞᱮᱫᱼᱟ ᱾ ᱩᱱ ᱡᱚᱦᱚᱜ ᱫᱚ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩᱣᱟᱜ ᱩᱢᱮᱨ ᱫᱚ ᱤᱨᱟ.ᱞ ᱥᱮᱨᱢᱟ ᱛᱟᱦᱮᱸ ᱠᱟᱱᱟ ᱾ ᱯᱮ ᱥᱮᱨᱢᱟ ᱛᱟᱭᱱᱚᱢ ᱞᱟᱛᱟᱨ ᱵᱩᱱᱤᱭᱟᱹᱫᱤᱼᱮ (L.P.) ᱯᱟᱥ ᱞᱮᱫᱼᱟ ᱟᱨ ᱤᱱᱟᱹ ᱠᱷᱚᱱ ᱵᱟᱨ ᱥᱮᱨᱢᱟ ᱛᱟᱭᱱᱚᱢ ᱫᱚ ᱪᱮᱛᱟᱱ ᱵᱩᱱᱤᱭᱟᱹᱫᱤ (U.P.)ᱼᱮ ᱯᱟᱥ ᱞᱮᱫᱼᱟ ᱑᱙᱑᱐-᱑᱑ ᱥᱟᱞ ᱨᱮ᱾ ᱟᱹᱛᱩ ᱟᱥᱲᱟᱨᱮ ᱯᱟᱲᱦᱟᱣ ᱯᱩᱨᱟ.ᱣ ᱠᱟᱛᱮ ᱵᱷᱤᱢᱯᱩᱨ ᱟᱥᱲᱟ (M.E.) ᱨᱮᱭ ᱵᱷᱩᱨᱛᱤ ᱮᱱᱟ ᱟᱨ ᱚᱸᱰᱮᱠᱷᱚᱱ ᱛᱩᱨᱩᱭ ᱪᱟᱱᱟᱪᱼᱮ ᱯᱟᱥ ᱞᱮᱫᱼᱟ ᱑᱙᱑᱓ ᱥᱟᱞ ᱨᱮ᱾ ᱜᱷᱟᱨᱚᱸᱡᱽ ᱨᱮᱭᱟᱜ ᱨᱮᱸᱜᱮᱡ ᱦᱟᱞᱚᱛ ᱠᱷᱟᱹᱛᱤᱨ ᱟᱨ ᱥᱩᱨ ᱥᱩᱯᱩᱨ ᱨᱮ ᱵᱤᱨᱫᱟᱹᱜᱟᱲ ᱵᱟᱝ ᱛᱟᱦᱮᱸᱠᱟᱱ ᱛᱮ ᱚᱞ ᱯᱟᱲᱦᱟᱣ ᱫᱚ ᱵᱟᱹᱜᱤ ᱦᱩᱭ ᱞᱮᱱ ᱛᱟᱭᱟ ᱾ ᱑᱙᱐᱖ ᱥᱟᱹᱦᱤᱛ ᱠᱷᱚᱱ ᱟᱡᱟᱜ ᱟᱹᱛᱩ ᱠᱷᱚᱱ ᱜᱮ ᱚᱞᱚᱜ ᱡᱤᱭᱤᱱ ᱫᱚ ᱮᱛᱚᱦᱚᱵ ᱞᱮᱱ ᱛᱟᱭᱟ ᱾ ᱚᱸᱰᱮ ᱢᱩᱪᱟᱹᱫ ᱠᱟᱛᱮ ᱩᱱ ᱚᱠᱛᱚ ᱨᱮᱱ ᱢᱤᱥᱚᱱᱟᱨᱤ ᱠᱚᱣᱟᱜ ᱛᱷᱟᱯᱚᱱ ᱥᱟᱱᱛᱟᱲᱤ ᱦᱟᱭ ᱤᱥᱠᱤᱞ ᱨᱮ ᱵᱷᱩᱨᱛᱤ ᱮᱱᱟ ᱾ ᱚᱸᱰᱮ ᱚᱞᱚᱜ ᱯᱟᱲᱦᱟᱣ ᱥᱟᱶ ᱛᱮ ᱟᱥᱩᱞᱚᱜ ᱞᱮᱠᱟᱱ ᱠᱟᱢᱤ ᱠᱚᱭ ᱥᱮᱬᱟ ᱞᱮᱫᱟ ᱾ ᱡᱮᱞᱮᱠᱟ - ᱚᱞᱚᱜ ᱦᱤᱫᱤᱥ ᱛᱮ ᱯᱩᱨᱩᱱ ᱞᱮᱱᱟ ᱚᱱᱠᱟᱜᱮ ᱥᱟᱶᱛᱟᱨᱤ ᱥᱚᱥᱚᱱᱚᱜ ᱛᱮᱭᱟᱨ ᱨᱮᱦᱚᱸ ᱡᱚᱯᱚᱲᱟᱣ ᱮ ᱛᱟᱦᱮ ᱠᱟᱱᱟ ᱾ ᱟᱡᱟᱜ "ᱫᱮᱵᱚᱱ ᱛᱤᱸᱜᱩᱱ ᱟᱹᱫᱤᱵᱟᱹᱥᱤ ᱵᱤᱨ " ᱥᱮᱨᱮᱧ ᱛᱮ ᱥᱟᱱᱛᱟᱲ ᱡᱟᱹᱛᱤ ᱩᱫᱜᱟᱹᱣ ᱵᱮᱨᱮᱫ ᱞᱮᱫ ᱠᱚᱣᱟ ᱾
ᱡᱟᱱᱟᱢ ᱟᱭᱳ ᱵᱟᱵᱟ ᱠᱤᱱ ᱵᱚᱝᱜᱟ ᱛᱟᱞᱟᱭᱮᱱ ᱛᱟᱭᱱᱚᱢ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱪᱮᱛᱟᱱ ᱨᱮᱫᱚ ᱟᱹᱰᱤ ᱟᱱᱟᱴ ᱮᱴᱠᱮᱴᱚᱬᱮ ᱧᱩᱨ ᱮᱱᱟ ᱾ ᱟᱥᱲᱟ ᱥᱮᱪᱮᱫ ᱢᱩᱪᱟᱹᱫ ᱮᱱ ᱛᱟᱭᱟ ᱾ ᱦᱟᱞᱟᱠ ᱦᱟᱨᱠᱮᱛ ᱥᱟᱦᱟᱣ ᱥᱟᱦᱟᱣ ᱛᱮ ᱢᱮᱫ ᱫᱟᱜ ᱡᱚᱨᱚ ᱞᱮᱱ ᱛᱟᱭᱟ ᱠᱚᱲᱟᱢ ᱪᱮᱛᱟᱱ ᱨᱮ ᱾ ᱵᱚᱭᱦᱟ ᱠᱚ ᱴᱷᱮᱱ ᱥᱚᱦᱚᱫ ᱮ ᱠᱷᱚᱡᱽ ᱞᱮᱱᱟ ᱟᱨ ᱪᱟᱸᱫᱚ ᱴᱷᱮᱱ ᱠᱷᱚᱱ ᱥᱩᱠ ᱧᱟᱢᱚᱜ ᱨᱮᱭᱟᱜ ᱟᱸᱥ ᱮ ᱫᱚᱦᱚ ᱞᱮᱫᱼᱟ ᱾
ᱚᱞ ᱯᱟᱲᱦᱟᱣ ᱚᱠᱛᱚ ᱜᱮ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱵᱟᱰᱳᱦᱤ ᱞᱮᱠᱟᱛᱮ ᱠᱟᱴ ᱨᱮᱭᱟᱜ ᱱᱟᱱᱟᱦᱩᱱᱟᱹᱨ ᱡᱤᱱᱥᱼᱮ ᱵᱮᱱᱟᱣᱮᱫ ᱛᱟᱦᱮᱸᱠᱟᱱᱟ᱾ ᱚᱱᱟ ᱥᱟᱶᱛᱮ ᱞᱩᱜᱽᱲᱤ ᱟᱸᱜᱽᱨᱚᱯ ᱦᱚᱸᱭᱮ ᱛᱮᱧᱼᱮᱫ ᱛᱟᱦᱮᱸᱠᱟᱱᱟ᱾ ᱟᱨ ᱨᱩᱥᱤᱠᱟ ᱞᱮᱠᱟᱛᱮ ᱛᱨᱤᱭᱳ ᱦᱚᱸᱭᱮ ᱚᱨᱚᱝᱼᱮᱫ ᱛᱟᱦᱮᱸᱠᱟᱱᱟ ᱟᱨ ᱵᱟᱱᱟᱢ ᱦᱚᱸᱭᱮ ᱨᱮᱸᱛᱟᱭᱮᱫ ᱛᱟᱦᱮᱸᱠᱟᱱᱟ ᱾ ᱤᱱᱟᱹ ᱥᱟᱶᱛᱮ ᱟᱭᱟᱜ ᱚᱞ ᱥᱮᱨᱮᱧᱠᱳ ᱜᱮ ᱵᱟᱱᱟᱢ ᱟᱛᱮᱫ ᱟᱹᱛᱩ ᱟᱹᱛᱩ ᱛᱮᱭ ᱥᱮᱨᱮᱧ ᱟᱹᱪᱩᱨᱮᱫ ᱛᱟᱦᱮᱸᱠᱟᱱᱟ ᱾ ᱥᱟᱶᱦᱮᱫ ᱡᱤᱮᱤᱱ ᱨᱮ ᱟᱡᱟᱜ ᱮᱱᱮᱢ ᱫᱚ ᱵᱟᱝ ᱞᱮᱠᱷᱟᱜ ᱟ ᱮᱱᱦᱚᱸ ᱡᱟᱦᱟ ᱠᱚ ᱥᱟᱶᱦᱮᱫ ᱮ ᱥᱤᱨᱡᱟᱹᱣ ᱞᱮᱫᱟ ᱚᱱᱟ ᱫᱚ ᱞᱟᱛᱟᱨ ᱨᱮ ᱢᱮᱱᱟᱜ ᱟ ᱾
ᱥᱟᱹᱫᱷᱩ ᱨᱟᱢᱪᱟᱸᱫᱽ ᱨᱮᱱ ᱫᱚ ᱠᱤᱱ ᱛᱟᱦᱮᱸᱠᱟᱱᱟ ᱵᱟᱨᱭᱟ ᱵᱟᱹᱦᱩ ᱾ ᱵᱩᱲᱠᱤ ᱵᱟᱹᱦᱩ ᱫᱚ ᱢᱟᱱᱚᱠᱟ ᱟᱨ ᱪᱷᱩᱴᱠᱤ ᱵᱟᱹᱦᱩ ᱫᱚ ᱯᱩᱸᱴᱤ ᱾ ᱵᱩᱲᱠᱤ ᱨᱮᱱ ᱯᱮᱭᱟ ᱜᱤᱫᱽᱨᱟᱹ ᱧᱩᱛᱩᱢ ᱛᱟᱠᱳ ᱠᱟᱞᱤᱯᱚᱫᱚ, ᱪᱩᱱᱟᱨᱟᱢ ᱟᱨ ᱢᱟᱹᱭ ᱠᱩᱱᱤ ᱾ ᱟᱨ ᱪᱷᱩᱴᱠᱤ ᱨᱮᱱ ᱦᱚᱸ ᱯᱮᱭᱟ ᱜᱤᱫᱽᱨᱟᱹ ᱾ ᱧᱩᱛᱩᱢ ᱛᱟᱠᱚ ᱫᱷᱚᱱᱚᱧᱡᱚᱭ, ᱯᱷᱩᱛᱩ ᱟᱨ ᱠᱟᱠᱟ ᱾
ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩᱭᱟᱜ ᱵᱳᱝᱜᱟ ᱛᱟᱞᱟ ᱛᱟᱭᱱᱚᱢ ᱟᱭᱟᱜ ᱚᱞᱠᱳ ᱫᱚ ᱯᱩᱛᱷᱤ ᱞᱮᱞᱟᱛᱮ ᱪᱷᱟᱯᱟᱣᱟᱠᱟᱱᱟ᱾ ᱟᱨ ᱯᱩᱛᱷᱤᱠᱳ ᱫᱚᱭ ᱪᱷᱟᱯᱟ ᱥᱚᱫᱚᱨ ᱟᱠᱟᱫᱼᱟ "ᱢᱟᱨᱟᱝ ᱵᱩᱨᱩ ᱯᱨᱮᱥ" ᱨᱮᱱ ᱠᱚᱨᱱᱚᱫᱷᱟᱨ ᱰᱚᱠᱴᱚᱨ ᱥᱩᱦᱨᱤᱫᱽᱠᱩᱢᱟᱨ ᱵᱷᱳᱹᱣᱢᱤᱠ ᱾
ᱯᱩᱛᱷᱤ ᱠᱚ
ᱥᱟᱯᱲᱟᱣ- ᱥᱟᱹᱨᱤ ᱫᱷᱚᱨᱚᱢ ᱥᱮᱨᱮᱧ ᱯᱩᱛᱷᱤ (᱑᱙᱖᱙, ᱑᱙᱗᱒, ᱑᱙᱙᱔)[᱕]
- ᱞᱤᱴᱟᱹ ᱜᱳᱰᱮᱛ (ᱚᱱᱚᱬᱦᱮ - ᱑᱙᱗᱙)
- ᱚᱞ ᱫᱚᱦᱚ ᱚᱱᱚᱬᱦᱮ (ᱯᱩᱭᱞᱩ ᱩᱪᱷᱟᱹᱱ ᱑᱙᱗᱔, ᱫᱚᱥᱟᱨ ᱩᱪᱷᱟᱹᱱ ᱑᱙᱙᱖)
- ᱥᱚᱝᱥᱟᱨ ᱯᱷᱮᱸᱫᱽ (ᱜᱟᱭᱟᱱ ᱯᱩᱛᱷᱤ - ᱑᱙᱘᱒)[᱖]
- ᱤᱥᱨᱚᱲ (ᱯᱩᱭᱞᱩ ᱩᱪᱷᱟᱹᱱ ᱑᱙᱘᱕, ᱫᱚᱥᱟᱨ ᱩᱪᱷᱟᱹᱱ ᱑᱙᱙᱗)
ᱢᱚᱡᱽ ᱫᱟᱸᱫᱮᱨ ᱟᱸᱠ ᱪᱤᱠᱤ
ᱥᱟᱯᱲᱟᱣᱥᱤᱨᱤᱡᱽ ᱠᱟᱛᱷᱟ
ᱥᱟᱯᱲᱟᱣᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱦᱚᱸ ᱢᱤᱫ ᱫᱟᱨᱥᱚᱱᱤᱠᱼᱮ ᱛᱟᱦᱮᱸᱠᱟᱱᱟ ᱟᱨ ᱚᱱᱟᱛᱮᱜᱮ ᱑᱙᱒᱓ ᱥᱟᱞ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ "ᱢᱚᱡᱽ ᱫᱟᱸᱫᱮᱨ ᱟᱸᱠ" ᱧᱩᱛᱩᱢ ᱛᱮ ᱪᱤᱠᱤᱭ ᱵᱮᱱᱟᱣ ᱞᱮᱫᱼᱟ ᱾ ᱢᱮᱱᱠᱷᱟᱱ ᱠᱟᱹᱣᱰᱤ ᱵᱟᱝᱛᱮ ᱫᱤᱥᱚᱢ ᱨᱮ ᱵᱟᱝᱼᱮ ᱯᱟᱥᱱᱟᱣ ᱫᱟᱲᱮᱭᱟᱠᱟᱫ ᱛᱟᱦᱮᱸᱠᱟᱱᱟ ᱾[᱗]
ᱥᱤᱨᱯᱷᱟᱹ ᱟᱨ ᱢᱟᱹᱱ
ᱥᱟᱯᱲᱟᱣᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ "ᱥᱟᱹᱫᱷᱩ" ᱢᱮᱱᱛᱮᱭ ᱪᱷᱟᱹᱴᱭᱟᱹᱨ ᱞᱮᱫᱮᱭᱟ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱩᱱ ᱡᱚᱦᱚᱜᱼᱤᱡ ᱯᱚᱱᱚᱛ ᱜᱚᱢᱠᱮ (ᱨᱟᱡᱽᱡᱚᱯᱟᱞ) ᱰᱚᱠᱴᱚᱨ ᱠᱳᱹᱭᱞᱟᱥᱱᱟᱛᱷ ᱠᱟᱴᱡᱩ᱾
ᱜᱩᱨ ᱠᱟᱛᱷᱟ
ᱥᱟᱯᱲᱟᱣᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱ ᱠᱳᱵᱤ ᱜᱩᱨᱩ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱒᱙ ᱟᱸᱜᱷᱟᱬ ᱑᱓᱖᱑ (ᱤᱝᱨᱮᱹᱡᱤ ᱑᱙᱕᱕) ᱦᱤᱞᱚᱜᱼᱮ ᱵᱚᱝᱜᱟ ᱛᱟᱞᱟᱣᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "News regarding Sadhu Ramchand Murmu". Retrieved 26 August 2021.
- ↑ "Culture of Mayurbhanj and Medinipur: A Comperative Study" (PDF). Retrieved 26 August 2021.
- ↑ "News regarding Sadhu Ramchand Murmu". Retrieved 26 August 2021.
- ↑ "Sadhu Ramchand Murmu". Retrieved 26 August 2021.
- ↑ "Books by Sadhu Ramchand Murmu". Retrieved 26 August 2021.
- ↑ "Books by Sadhu Ramchand Murmu". sahitya-akademi.gov.in. Retrieved 2020-08-26.
- ↑ "ᱢᱚᱡᱽ ᱫᱟᱸᱫᱮᱨ ᱟᱸᱠ ᱪᱤᱠᱤ ᱥᱤᱨᱤᱡᱽ ᱠᱟᱛᱷᱟ". Retrieved 26 August 2021.