ᱥᱤᱛᱟᱢᱚᱲᱤ ᱦᱚᱱᱚᱛ

ᱥᱤᱛᱟᱢᱚᱲᱤ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱵᱤᱦᱟᱨ ᱯᱚᱱᱚᱛ ᱨᱮ ᱢᱮᱱᱟᱜ ᱟᱠᱟᱫ ᱢᱤᱫᱴᱟᱹᱝ ᱥᱟᱜᱼᱥᱚᱱ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱛᱤᱨᱦᱩᱛ ᱰᱤᱵᱷᱤᱡᱚᱱ ᱨᱮ ᱯᱟᱲᱟᱣ ᱟᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱥᱤᱛᱟᱢᱚᱲᱤ ᱨᱮ ᱜᱮ ᱯᱟᱲᱟᱣ ᱟᱠᱟᱱᱟ ᱾

ᱱᱟᱜᱟᱢ

ᱥᱤᱛᱟᱢᱚᱲᱤ ᱫᱚ ᱪᱷᱤᱛᱟᱹ ᱣᱟᱜ ᱡᱟᱱᱟᱢ ᱴᱷᱟᱹᱭ ᱠᱟᱱᱟ, ᱚᱠᱚᱭ ᱫᱚ ᱨᱟᱢᱟᱭᱚᱱ ᱨᱮᱱ ᱥᱤᱨᱟᱹ ᱪᱟᱹᱨᱤᱛ ᱨᱮ ᱢᱮᱱᱟᱭ ᱾ ᱢᱤᱫᱴᱟᱹᱝ ᱢᱩᱱᱫᱤᱞ ᱪᱷᱤᱛᱟᱹ ᱧᱩᱛᱩᱢ ᱛᱮ ᱥᱩᱯᱨᱩᱛ ᱟᱠᱟᱱᱟ, ᱡᱟᱦᱟ ᱫᱚ ᱯᱩᱱᱟᱣᱨᱟ ᱫᱷᱟᱢ ᱥᱤᱛᱟᱢᱚᱲᱤ ᱨᱮ ᱢᱮᱱᱟᱜ ᱟᱠᱟᱫ ᱾ ᱢᱤᱫ ᱴᱟᱝ ᱜᱮᱫ ᱵᱷᱤᱨᱤ ᱵᱤᱱᱰ ᱟᱹᱰᱤ ᱥᱮᱫᱟᱭ ᱢᱩᱨᱡᱚ ᱵᱤᱫᱟᱹᱞ ᱠᱷᱚᱱᱟᱜ ᱥᱤᱛᱟᱢᱚᱲᱤ ᱨᱮ ᱧᱟᱢ ᱟᱠᱟᱱᱟ ᱾

᱑᱘᱗᱕ ᱥᱮᱨᱢᱟ ᱨᱮ ᱥᱤᱛᱟᱢᱚᱲᱤ ᱧᱩᱛᱩᱢ ᱛᱮ ᱢᱤᱫᱴᱟᱹᱝ ᱢᱚᱦᱩᱠᱢᱟ ᱵᱟᱱᱫᱷᱟᱣ ᱦᱩᱭ ᱞᱮᱱᱟ, ᱡᱟᱦᱟ ᱫᱚ ᱢᱩᱡᱟᱯᱷᱚᱨ ᱯᱩᱨ ᱛᱟᱵᱮ ᱨᱮ ᱛᱟᱦᱮᱸ ᱠᱟᱱ ᱾ ᱥᱤᱛᱟᱢᱚᱲᱤ ᱫᱚ ᱑᱑ ᱰᱤᱥᱮᱢᱵᱚᱨ ᱑᱙᱗᱒ ᱢᱟᱹᱦᱤᱛ ᱦᱤᱞᱚᱜ ᱢᱩᱡᱟᱯᱷᱚᱨᱯᱩᱨ ᱦᱚᱱᱚᱛ ᱠᱷᱚᱱ ᱜᱮᱫ ᱵᱮᱜᱟᱨ ᱠᱟᱛᱮ ᱢᱤᱫ ᱴᱮᱱ ᱱᱟᱣᱟ ᱦᱚᱱᱚᱛ ᱪᱟᱹᱪᱩ ᱪᱷᱟᱹᱴᱤᱭᱟᱹᱨ ᱠᱚᱣᱟ᱾ᱱᱚᱣᱟ ᱦᱚᱱᱚᱛ ᱫᱚ ᱵᱤᱦᱟᱨ ᱨᱮᱭᱟᱜ ᱠᱚᱭᱮ ᱱᱟᱠᱷᱟ ᱨᱮ ᱛᱷᱟᱢ ᱜᱟᱹᱰᱤ ᱟᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱫᱩᱢᱨᱟ ᱧᱩᱛᱩᱢ ᱡᱟᱭᱜᱟ ᱨᱮ ᱢᱮᱱᱟᱜ ᱟᱠᱟᱫᱟ, ᱚᱠᱟ ᱫᱚ ᱮᱛᱚᱢ ᱪᱷᱤᱛᱟᱹᱢᱩᱱᱫᱤᱞ ᱠᱷᱚᱱ ᱯᱮ ᱥᱟᱝᱜᱤᱧ ᱨᱮ ᱢᱮᱱᱟᱜ ᱟᱠᱟᱫ ᱾

ᱨᱟᱢ ᱱᱚᱵᱚᱢᱤ ᱫᱚ ᱫᱩᱢᱨᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱚᱨᱚᱵᱽ ᱠᱟᱱᱟ, ᱚᱠᱟ ᱫᱚ ᱟᱹᱰᱤ ᱢᱟᱨᱟᱝ ᱢᱮᱞᱟ ᱟᱨ ᱦᱟᱱᱟ ᱱᱷᱟᱣᱟ ᱵᱟᱡᱟᱨᱟᱛᱮ ᱜᱚᱴᱟ ᱫᱩᱢᱨᱟ ᱠᱚ ᱢᱟᱱᱟᱣᱮᱫ ᱠᱟᱱᱟ ᱾ ᱥᱟᱢᱟ ᱪᱟᱠᱣᱟ ᱫᱚ ᱦᱩᱭᱩᱜ ᱠᱟᱱᱟ ᱱᱚᱱᱰᱮ ᱱᱟᱜ ᱨᱮᱭᱟᱲ ᱚᱠᱛᱮ ᱨᱮᱭᱟᱜ ᱯᱚᱨᱚᱵᱽ, ᱚᱠᱟ ᱫᱚ ᱵᱚᱭᱦᱟ ᱢᱤᱥᱨᱟ ᱥᱟᱹᱜᱟᱹᱭ ᱧᱩᱛᱩᱢ ᱛᱮ ᱢᱟᱱᱟᱣᱜ ᱠᱟᱱ ᱾ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱢᱟᱨᱟᱝ ᱥᱮᱨᱣᱟ ᱫᱚ ᱵᱟᱯᱞᱟ ᱚᱠᱛᱮ ᱨᱮᱭᱟᱜ ᱟᱭᱢᱟ ᱞᱮᱠᱟᱱ ᱠᱟᱹᱢᱤ ᱠᱟᱹᱥᱱᱤ ᱥᱟᱯᱟᱲᱟᱣ ᱠᱚ ᱾

ᱦᱚᱲ ᱞᱮᱡᱷᱟ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱥᱤᱛᱟᱢᱚᱲᱤ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱓,᱔᱑᱙,᱖᱒᱒ ᱡᱚᱱᱟ, ᱟᱢᱫᱟᱡᱽ ᱯᱟᱱᱟᱢᱟ ᱫᱤᱥᱚᱢ^[᱑] ᱥᱚᱢᱟᱱ ᱦᱩᱭᱩᱜᱼᱟ ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱠᱚᱱᱮᱠᱴᱤᱠᱩᱴ ᱯᱚᱱᱚᱛ ᱩᱱᱟᱹᱜ ᱥᱚᱢᱟᱱ ᱦᱩᱭᱩᱜᱼᱟ^[᱒]᱾ ᱱᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱙᱖ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱑,᱕᱔᱐ ᱡᱚᱱᱟ ᱦᱚᱲ ᱠᱚ ᱜᱩᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮᱼᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱒᱗.᱔᱗% ᱾ ᱥᱤᱛᱟᱢᱚᱲᱤ ᱦᱚᱱᱚᱛ ᱨᱮ ᱢᱤᱫ ᱜᱮᱼ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱘᱙᱙ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱕᱓.᱕᱓% ᱾

ᱥᱟᱹᱠᱷᱭᱟᱹᱛ

↑ US Directorate of Intelligence. "Country Comparison:Population". Archived from the original on 27 September 2011. Retrieved 2011-10-01. Panama 3,460,462 July 2011 est. {{cite web}}: Unknown parameter |deadurl= ignored (help)
↑ "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30. Connecticut 3,574,097 {{cite web}}: Unknown parameter |deadurl= ignored (help)

ᱵᱟᱦᱨᱮ ᱡᱚᱱᱚᱲ

[cia-1] US Directorate of Intelligence. "Country Comparison:Population". Archived from the original on 27 September 2011. Retrieved 2011-10-01. Panama 3,460,462 July 2011 est. {{cite web}}: Unknown parameter |deadurl= ignored (help)

[2] "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30. Connecticut 3,574,097 {{cite web}}: Unknown parameter |deadurl= ignored (help)

[᱑]

[᱒]