ᱥᱤᱞᱟ ᱠᱟᱣᱩᱞ
ᱥᱤᱞᱟ ᱠᱟᱣᱩᱞ (᱗ ᱯᱷᱮᱵᱽᱨᱩᱣᱟᱨᱤ ᱑᱙᱑᱕ ᱼ ᱑᱓ ᱡᱩᱱ ᱒᱐᱑᱕) ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱢᱤᱫ ᱥᱟᱶᱛᱟ ᱟᱹᱨᱤ ᱞᱳᱠᱛᱟᱸᱛᱨᱤᱠ ᱟᱭᱩᱨᱤᱭᱟᱹ, ᱢᱤᱫ ᱨᱟᱡᱽᱟᱹᱨᱤ, ᱠᱮᱵᱤᱱᱮᱴ ᱢᱚᱱᱛᱨᱤ ᱟᱨ ᱯᱚᱱᱚᱛ ᱜᱚᱢᱠᱮ, ᱟᱨ ᱟᱡ ᱜᱩᱡᱩᱜ ᱚᱠᱛᱚ ᱥᱤᱧᱚᱛ ᱨᱮ ᱟᱹᱰᱤ ᱢᱟᱨᱮ ᱡᱤᱣᱤᱫ ᱥᱚᱸᱥᱚᱫᱽ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾[᱑][᱒] ᱱᱩᱭ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱩᱛᱛᱚᱨ ᱯᱨᱚᱫᱮᱥ ᱨᱮ ᱢᱤᱫ ᱢᱟᱪᱮᱛᱟᱱᱤ, ᱥᱟᱶᱛᱟ ᱟᱹᱨᱤ ᱠᱟᱹᱢᱤ ᱟᱨ ᱥᱟᱶᱛᱟ ᱥᱩᱫᱷᱟᱹᱨ ᱟᱨ ᱵᱨᱤᱴᱤᱥ ᱥᱤᱧᱚᱛ ᱨᱮ ᱢᱤᱫ ᱯᱷᱩᱨᱜᱟᱹᱞ ᱠᱟᱹᱢᱤᱭᱤᱡ ᱦᱚᱸ ᱛᱟᱦᱮᱸ ᱠᱟᱱᱟᱭ ᱾ ᱱᱩᱭ ᱫᱚ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱭᱤᱡ ᱫᱚ ᱦᱤᱞᱤ ᱟᱨ ᱤᱱᱫᱤᱨᱟ ᱜᱟᱱᱫᱷᱤ ᱭᱤᱡ ᱫᱚ ᱟᱭᱳ ᱛᱟᱦᱮᱸ ᱠᱟᱱᱟᱭ ᱾
| ᱥᱤᱞᱟ ᱠᱟᱣᱩᱞ | |
|---|---|
| ᱨᱮᱫ:Sheila Kaul.jpg | |
| ᱑᱑ ᱟᱱᱤᱡ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱗ ᱱᱚᱵᱷᱮᱢᱵᱚᱨ ᱑᱙᱙᱕ – ᱒᱒ ᱮᱯᱨᱤᱞ ᱑᱙᱙᱖ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱢᱟᱦᱟᱵᱤᱨ ᱯᱨᱚᱥᱟᱫᱽ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱢᱟᱦᱟᱵᱤᱨ ᱯᱨᱤᱥᱟᱫᱽ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱗ ᱯᱷᱮᱵᱽᱨᱩᱣᱟᱨᱤ ᱑᱙᱑᱕ ᱞᱚᱠᱷᱱᱚᱣ, ᱟᱜᱽᱨᱟ ᱟᱨ ᱚᱣᱚᱫᱷ ᱨᱮᱱᱟᱜ ᱡᱩᱢᱤᱫᱽ ᱯᱨᱚᱫᱮᱥ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱓ ᱡᱩᱱ ᱒᱐᱑᱕ (᱑᱐᱐ ᱵᱚᱭᱚᱥ) ᱜᱟᱡᱤᱭᱟᱵᱟᱫᱽ, ᱩᱛᱛᱚᱨ ᱯᱨᱚᱫᱮᱥ, ᱥᱤᱧᱚᱛ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱠᱟᱭᱞᱟᱥ ᱱᱟᱛᱷ ᱠᱟᱣᱩᱞ |
| ᱠᱟᱹᱢᱤ | politician, social worker, social reformer, educationist |
ᱱᱤᱡᱟᱹᱨᱟᱜ ᱡᱤᱭᱚᱱ
ᱥᱟᱯᱲᱟᱣᱥᱤᱞᱟ ᱠᱟᱣᱩᱞ ᱟᱜ ᱡᱟᱱᱟᱢ ᱫᱚ ᱑᱙᱑᱕ ᱥᱟᱞ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾[᱓][᱔] ᱩᱱᱤᱫᱚ ᱞᱟᱦᱚᱨ ᱛᱤᱨᱞᱟᱹ ᱠᱚᱞᱮᱡᱽ ᱠᱷᱚᱱ ᱟᱨᱴᱥ ᱨᱮ ᱰᱤᱜᱽᱨᱤ ᱠᱮᱫᱟ ᱟᱨ ᱥᱟᱨ ᱜᱚᱝᱜᱟ ᱨᱟᱢ ᱴᱨᱮᱱᱤᱝ ᱠᱚᱞᱮᱡᱽ, ᱞᱟᱦᱚᱨ ᱠᱷᱚᱱ ᱴᱤᱪᱤᱝ ᱰᱤᱜᱽᱨᱤ ᱧᱟᱢ ᱠᱮᱫᱟ ᱾[᱓] ᱱᱩᱭ ᱫᱚ ᱵᱟᱝ ᱦᱟᱴᱤᱧᱤᱜ ᱯᱟᱧᱡᱟᱵᱽ, ᱵᱨᱤᱴᱤᱥ ᱥᱤᱧᱚᱛ ᱨᱮ ᱢᱤᱫ ᱯᱚᱱᱚᱛ ᱵᱮᱰᱢᱤᱱᱴᱚᱱ ᱯᱟᱢᱯᱤᱭᱚᱱ ᱛᱟᱦᱮᱸ ᱠᱟᱱᱟᱭ ᱾[᱕]
ᱩᱱᱤᱭᱟᱜ ᱵᱟᱯᱞᱟ ᱫᱚ ᱠᱚᱢᱞᱟ ᱱᱮᱦᱨᱩ ᱭᱤᱡ ᱵᱚᱭᱦᱟ ᱠᱟᱭᱞᱟᱥ ᱱᱟᱫᱷ ᱠᱟᱣᱩᱞ ᱟᱨ ᱢᱤᱫ ᱧᱩᱛᱩᱢᱟᱱ ᱵᱚᱴᱱᱤᱥᱴ ᱥᱟᱞᱟᱜ ᱦᱩᱭ ᱞᱮᱱ ᱛᱟᱦᱮᱸᱫ, ᱚᱠᱚᱭ ᱫᱚ ᱞᱚᱠᱷᱱᱚᱣ, ᱥᱤᱧᱚᱛ ᱨᱮ ᱱᱮᱥᱱᱟᱞ ᱵᱚᱴᱟᱱᱤᱠᱟᱞ ᱨᱤᱥᱟᱨᱪ ᱤᱱᱥᱴᱤᱴᱭᱩᱴ ᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱜᱚᱣᱛᱟᱢ ᱠᱟᱣᱩᱞ, ᱥᱤᱧᱚᱛᱼᱛᱤᱵᱵᱚᱛ ᱥᱤᱢᱟᱹ ᱯᱩᱞᱤᱥᱤᱜ ᱰᱟᱭᱨᱮᱠᱴᱚᱨ ᱡᱮᱱᱮᱨᱟᱞ[᱖] ᱟᱨ ᱵᱤᱠᱨᱟᱢ ᱠᱟᱣᱩᱞ, ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱠᱷᱮᱞᱚᱸᱰ ᱪᱟᱪᱞᱟᱣᱤᱡ,[᱗] ᱟᱡᱤᱜ ᱵᱮᱴᱟ ᱢᱮᱱᱟᱭᱟ ᱾ ᱢᱤᱫ ᱥᱟᱶᱛᱟ ᱟᱹᱨᱤ ᱠᱟᱹᱢᱤ ᱟᱨ ᱢᱟᱨᱮ ᱠᱚᱝᱜᱽᱨᱮᱥ ᱢᱚᱱᱛᱨᱤ ᱫᱤᱯᱟ ᱠᱟᱣᱩᱞ ᱫᱚ ᱟᱡᱤᱜ ᱵᱤᱴᱤ ᱠᱟᱱᱟᱭ ᱾[᱘] ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱫᱚ ᱥᱤᱞᱟ ᱠᱟᱣᱩᱞᱤᱡ ᱥᱟᱸᱜᱟᱛ ᱛᱟᱦᱮᱸ ᱠᱟᱱᱟᱭ, ᱤᱱᱫᱤᱨᱟ ᱜᱟᱱᱫᱷᱤ ᱫᱚ ᱟᱡᱤᱜ ᱦᱤᱞᱤ ᱛᱟᱦᱮᱸ ᱠᱟᱱᱟᱭ, ᱟᱨ ᱨᱟᱡᱤᱵᱽ ᱜᱟᱱᱫᱷᱤ ᱫᱚ ᱟᱡᱤᱜ ᱜᱚᱲᱚᱢ ᱠᱚᱲᱟ ᱛᱟᱦᱮᱸ ᱠᱟᱱᱟᱭ ᱾ ᱑᱙᱔᱐ ᱨᱮᱱᱟᱜ ᱜᱮᱞ ᱥᱮᱨᱢᱟ ᱚᱠᱛᱚ ᱵᱚᱞᱤᱵᱩᱰ ᱥᱩᱯᱚᱨᱥᱴᱟᱨ ᱯᱨᱮᱢ ᱚᱫᱤᱵᱽ ᱫᱚ ᱟᱡᱤᱜ ᱥᱟᱸᱜᱟᱛ ᱮ ᱛᱟᱦᱮᱸ ᱠᱟᱱᱟᱭ ᱾[᱙]
ᱨᱟᱡᱽᱟᱹᱨᱤ ᱠᱟᱹᱢᱤ
ᱥᱟᱯᱲᱟᱣᱥᱤᱞᱟ ᱠᱟᱣᱩᱞ ᱫᱚ ᱑᱙᱕᱙ᱼ᱖᱕ ᱥᱟᱞ ᱚᱠᱛᱚ ᱞᱚᱠᱷᱱᱚᱣ ᱱᱚᱜᱚᱨ ᱱᱤᱜᱟᱢ ᱨᱤᱱᱤᱡ ᱱᱤᱜᱟᱢ ᱥᱚᱦᱮᱫ ᱟᱨ ᱑᱙᱖᱘ᱼ᱗᱑ ᱥᱟᱞ ᱚᱠᱛᱚ ᱩᱛᱛᱚᱨ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱯᱚᱨᱤᱥᱟᱫᱽ ᱨᱤᱱᱤᱡ ᱥᱚᱦᱮᱫ ᱛᱟᱦᱮᱸ ᱠᱟᱱᱟᱭ ᱾ ᱱᱩᱭ ᱫᱚ ᱢᱚᱬᱮ ᱫᱷᱟᱣ ᱥᱚᱸᱥᱚᱫᱽ ᱥᱚᱦᱮᱫ ᱞᱮᱠᱟᱛᱮ ᱵᱟᱪᱷᱚᱱ ᱮᱱᱟ ᱼ ᱑᱙᱗᱑, ᱑᱙᱘᱐ ᱟᱨ ᱑᱙᱘᱔ ᱥᱟᱞ ᱨᱮ ᱞᱚᱠᱷᱱᱚᱣ ᱠᱷᱚᱱ ᱟᱨ ᱑᱙᱘᱙ ᱟᱨ ᱑᱙᱙᱑ ᱥᱟᱞ ᱨᱮ ᱨᱟᱭᱵᱚᱨᱮᱞᱤ ᱠᱷᱚᱱ ᱾ ᱩᱱᱤᱫᱚ ᱑᱙᱘᱐ᱼ᱘᱔ ᱟᱨ ᱑᱙᱙᱑ᱼ᱙᱕ ᱥᱟᱞ ᱚᱠᱛᱚ ᱥᱤᱧᱚᱛ ᱨᱮᱱᱟᱜ ᱠᱮᱵᱤᱱᱮᱴ ᱨᱮ ᱢᱤᱫ ᱢᱚᱱᱛᱨᱤ ᱞᱮᱠᱟᱛᱮ ᱟᱨ ᱑᱙᱙᱕ᱼ᱙᱖ ᱥᱟᱞ ᱚᱠᱛᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ ᱾[᱓]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Sheila Kaul is 101". Business Standard India. 7 February 2015. Retrieved 9 February 2015.
- ↑ "Sheila Kaul, the Grand old Lady, turns 101". 7 February 2015. Archived from the original on 16 February 2015. Retrieved 9 February 2015.
- ↑ ᱓.᱐ ᱓.᱑ ᱓.᱒ "Members Bioprofile". 164.100.47.132. Retrieved 28 October 2013.
- ↑ "Veteran Congress leader Sheila Kaul no more". 14 June 2015. Retrieved 20 June 2015.
- ↑ "Veteran Congress leader, former Union Minister Sheila Kaul passes away". 14 June 2015.
- ↑ "Pt.Gautam Kaul". Delhigovt.nic.in. Retrieved 28 October 2013.
- ↑ "India Empire". India Empire. Retrieved 28 October 2013.
- ↑ "President of India condoles the passing away of Smt. Sheila Kaul". Business Standard India. 15 June 2015.
- ↑ Gandhi, Sonia (2004). Two Alone, Two Together: Letters Between Indira Gandhi and Jawaharlal Nehru 1922–1964. Penguin. p. xxi. ISBN 9780143032458.
ᱢᱟᱲᱟᱝ ᱥᱮᱫ ᱯᱟᱲᱦᱟᱣ ᱢᱮ
ᱥᱟᱯᱲᱟᱣ- Chopra, Joginder Kumar (1993). Women in the Indian parliament: a critical study of their role. Mittal Publications. ISBN 978-81-7099-513-5.