ᱥᱤᱧᱚᱛ ᱨᱮ ᱛᱤᱨᱞᱟ. ᱦᱚᱲᱢᱚᱥᱟᱶᱟᱨ

ᱥᱤᱧᱚᱛ ᱨᱮ ᱛᱤᱨᱞᱟᱹ ᱦᱚᱲᱢᱚᱥᱟᱶᱟᱨ

ᱳᱰᱤᱥᱟ ᱯᱚᱱᱚᱛ ᱨᱮ ᱴᱤᱠᱟᱹ ᱛᱩᱞᱩᱡ ᱢᱤᱫ ᱛᱤᱨᱞᱟᱹ

ᱥᱤᱧᱚᱛ ᱨᱮ ᱛᱤᱨᱞᱟᱹ ᱦᱚᱲᱢᱚᱥᱟᱶᱟᱨ ᱚᱥᱟᱶᱟᱨ ᱫᱚ ᱟᱹᱰᱤ ᱞᱮᱠᱟᱱ ᱩᱯᱨᱩᱢ ᱛᱚᱦᱚᱨ ᱛᱮ ᱵᱤᱱᱤᱰᱟᱹᱣ ᱦᱩᱭ ᱫᱟᱲᱮᱭᱟᱜᱼᱟ ᱾ ᱡᱟᱦᱟᱸ ᱫᱚ ᱚᱛᱱᱚᱜᱼᱟᱹᱨᱤ, ᱥᱟᱶᱛᱟᱨᱤ, ᱠᱟᱹᱣᱰᱤ-ᱟᱹᱨᱤ ᱟᱨ ᱞᱟᱠᱪᱟᱨᱮᱛ ᱛᱷᱚᱠ ᱨᱮ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱤᱨᱞᱟᱹ ᱟᱜ ᱦᱚᱲᱢᱚᱥᱟᱶᱟᱨ ᱚᱥᱟᱶᱟᱨ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱛᱮᱫ ᱫᱚ ᱱᱚᱣᱟ ᱠᱟᱱᱟ ᱡᱮ ᱢᱟᱱᱣᱟ ᱵᱷᱟᱹᱞᱟᱹᱭ ᱟᱨ ᱠᱟᱹᱣᱰᱤ-ᱟᱹᱨᱤ ᱩᱛᱱᱟᱹᱣ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢᱚᱜᱼᱟ ᱾

ᱱᱤᱛᱚᱜ ᱞᱮᱠᱟᱱ ᱡᱩᱜᱽᱨᱮ ᱥᱤᱧᱚᱛ ᱫᱤᱥᱚᱢ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱡᱚᱥᱟᱶᱟᱨ ᱮᱴᱠᱮᱴᱚᱬᱮ ᱦᱚᱸ ᱟᱹᱰᱤᱜᱟᱱ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱭᱟᱜ ᱠᱟᱹᱣᱰᱤ ᱵᱮᱵᱚᱥᱛᱟ ᱥᱟᱧᱪᱟᱣ ᱨᱮ ᱟᱹᱰᱤᱜᱟᱱ ᱵᱟᱹᱲᱤᱡ ᱚᱨᱥᱚᱝ ᱵᱟᱡᱟᱣᱜ ᱠᱟᱱᱟ ᱾

ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟᱹ ᱞᱟᱹᱜᱤᱫ ᱥᱤᱧᱚᱛ ᱨᱮ ᱡᱟᱱᱟᱝ ᱞᱟᱦᱟᱫᱤᱥ ᱥᱟᱯᱲᱟᱣ

ᱭᱩᱱᱟᱭᱴᱮᱰ ᱱᱮᱥᱳᱱ ᱥᱤᱧᱚᱛ ᱫᱚ ᱛᱟᱞᱟ ᱟᱨᱡᱟᱣᱤᱭᱟᱹ ᱫᱤᱥᱚᱢ ᱞᱮᱠᱟᱛᱮ ᱴᱷᱟᱶ ᱮ ᱮᱢᱟᱭᱟ ᱾ ᱡᱟᱱᱟᱝ ᱵᱟᱝᱢᱤᱫ ᱨᱮ ᱡᱮᱜᱮᱛ ᱠᱟᱹᱣᱰᱟᱹᱨᱤ ᱢᱮᱞᱟᱝᱠᱤ ᱫᱚ ᱥᱤᱧᱚᱛ ᱫᱤᱥᱚᱢ ᱫᱚ ᱟᱹᱰᱤ ᱯᱟᱹᱪᱷᱞᱟᱹ ᱫᱤᱥᱚᱢ ᱞᱮᱠᱟᱛᱮᱭ ᱦᱤᱥᱟᱹᱵᱽ ᱮᱭᱟ ᱾ ᱵᱟᱯᱞᱟ ᱨᱮᱭᱟᱜ ᱟᱺᱜᱤᱵᱷᱟᱨ ᱠᱷᱟᱹᱛᱤᱨ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱫᱚ ᱜᱷᱟᱨᱚᱸᱡᱽ ᱞᱟᱹᱜᱤᱫ ᱟᱹᱰᱤ ᱠᱟᱹᱡ ᱜᱚᱱᱚᱝ ᱟᱱ ᱞᱮᱠᱟ ᱠᱚ ᱢᱟᱱᱟᱣ ᱠᱚᱣᱟ ᱾ ᱱᱟᱦᱟᱜ ᱫᱚ ᱵᱟᱨᱚᱱ ᱜᱮᱭᱟ, ᱱᱚᱣᱟ ᱫᱚ ᱥᱤᱧᱚᱛ ᱨᱮᱜᱮ ᱤᱠᱷᱟᱹᱱ ᱥᱤᱧᱚᱛᱤᱭᱟᱹ ᱞᱟᱹᱭ ᱞᱟᱠᱪᱟᱨ ᱢᱩᱬᱩᱛᱠᱷᱩᱱᱴᱤ ᱞᱮᱠᱟᱛᱮ ᱞᱮᱛᱟᱲ ᱡᱟᱶᱟᱭ ᱚᱲᱟᱜ ᱫᱚ ᱫᱮᱦᱮᱡᱽ ᱵᱷᱩᱸᱡᱟᱹᱣ ᱡᱚᱝ ᱞᱟᱹᱜᱤᱫ ᱛᱤᱨᱞᱟᱹᱭ ᱵᱚᱲᱦᱮ ᱮᱭᱟ ᱾

ᱡᱟᱱᱟᱝ ᱞᱮᱠᱟᱛᱮ ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟᱹ ᱥᱟᱯᱲᱟᱣ

ᱭᱩᱱᱟᱭᱴᱮᱰ ᱱᱮᱥᱚᱱ ᱦᱚᱛᱮᱛᱮ ᱵᱷᱟᱨᱚᱛ ᱫᱚ ᱛᱟᱞᱟᱢᱟᱞᱟ ᱟᱨᱡᱟᱣᱤᱭᱟᱹ ᱫᱤᱥᱚᱢ ᱢᱮᱱᱛᱮ ᱵᱤᱠᱱᱟᱹᱣ ᱟᱠᱟᱱᱟ ᱾ ᱣᱟᱞᱰ ᱤᱠᱳᱱᱳᱢᱤ ᱯᱷᱳᱨᱢ ᱨᱤᱯᱚᱨᱴ ᱞᱮᱠᱟᱛᱮ ᱡᱟᱱᱟᱝᱟᱱ ᱵᱟᱝ ᱥᱚᱢᱟᱱ ᱞᱮᱠᱟᱛᱮ ᱵᱷᱟᱨᱚᱛ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱤᱡ ᱫᱤᱥᱚᱢ ᱨᱮᱭᱟᱜ ᱛᱟᱹᱞᱠᱟᱹ ᱨᱮ ᱴᱷᱟᱶ ᱮ ᱧᱟᱢ ᱟᱠᱟᱜᱼᱟ ᱾ ᱑᱘᱗ ᱜᱚᱴᱟᱝ ᱫᱤᱥᱚᱢ ᱤᱫᱤ ᱠᱟᱛᱮ ᱵᱮᱱᱟᱣ ᱟᱠᱟᱱ ᱛᱟᱹᱞᱠᱟᱹ ᱨᱮ ᱵᱷᱟᱨᱚᱛ ᱫᱚ ᱑᱓᱒ ᱴᱷᱟᱶ ᱮ ᱟᱢᱮᱴ ᱟᱠᱟᱜᱼᱟ ᱾ ᱡᱟᱱᱟᱝ ᱨᱮᱭᱟᱜ ᱵᱟᱝᱢᱤᱫ ᱠᱷᱟᱹᱛᱤᱨ ᱱᱚᱝᱠᱟ ᱫᱚ ᱴᱷᱟᱹᱣᱠᱟᱹ ᱟᱠᱟᱱᱟ ᱾ ᱤᱸᱜᱟᱛ ᱜᱩᱡᱩᱜ, ᱠᱟᱹᱴᱤᱡ ᱵᱚᱭᱚᱥ ᱨᱮ ᱜᱤᱫᱽᱨᱟᱹ ᱮᱸᱜᱟᱛᱚᱜ, ᱥᱮᱪᱮᱫ ᱨᱮᱭᱟᱜ ᱵᱮᱵᱚᱥᱛᱟ ᱠᱚᱜᱮ ᱫᱟᱭᱤ ᱢᱮᱱᱛᱮ ᱨᱤᱯᱚᱨᱴ ᱨᱮ ᱢᱮᱱ ᱟᱠᱟᱱᱟ ᱾ ᱡᱟᱱᱟᱝ ᱞᱮᱠᱟᱛᱮ ᱥᱟᱶᱟᱨ ᱥᱟᱶᱛᱟᱨᱤ, ᱠᱟᱹᱣᱰᱤᱟᱹᱨᱤ ᱟᱨ ᱨᱟᱡᱽ ᱟᱹᱨᱤ ᱪᱮᱛᱟᱱ ᱨᱮ ᱞᱟᱫᱮ ᱟᱠᱟᱱᱟ ᱾ ᱱᱚᱣᱟ ᱜᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱩᱛᱱᱟᱹᱣ ᱟᱨ ᱚᱨᱥᱚᱝ ᱫᱤᱥᱟᱹ ᱞᱮᱠᱟᱛᱮ ᱟᱹᱰᱤ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱜᱼᱟ ᱾ ᱠᱷᱟᱹᱞᱤ ᱤᱱᱟᱹᱝ ᱥᱩᱢᱩᱝ ᱫᱚ ᱵᱟᱝ ᱜᱮ, ᱱᱚᱣᱟ ᱦᱚᱸ ᱢᱤᱫ ᱪᱮᱛᱟᱱ ᱛᱷᱟᱨ ᱨᱮᱜᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱪᱮᱛᱟᱱ ᱨᱮ ᱟᱹᱰᱤ ᱜᱟᱺᱦᱤᱨ ᱚᱨᱥᱚᱝ ᱵᱟᱡᱟᱣᱜᱼᱟ ᱾ ᱢᱤᱫ ᱯᱚᱲᱦᱚᱱ ᱠᱷᱚᱱ ᱵᱟᱰᱟᱭ ᱧᱟᱢ ᱟᱠᱟᱱᱟ ᱪᱤ ᱠᱩᱲᱤ ᱜᱤᱫᱽᱨᱟᱹ ᱠᱷᱚᱱ ᱫᱚ ᱠᱚᱲᱟ ᱜᱤᱫᱽᱨᱟᱹ ᱵᱟᱹᱲᱛᱤ ᱦᱚᱲᱢᱚ ᱥᱟᱶᱟᱨ ᱥᱩᱵᱤᱫᱷᱟᱹ ᱫᱚᱠᱚ ᱧᱟᱢ ᱮᱫ ᱠᱟᱱᱟ ᱾

ᱡᱟᱱᱟᱝ ᱨᱮᱭᱟᱜ ᱵᱷᱳᱯᱮᱜᱮᱫ ᱫᱚ ᱡᱟᱱᱟᱢ ᱨᱮᱭᱟᱜ ᱢᱟᱬᱟᱝ ᱠᱷᱚᱱᱴᱷᱟᱹᱣᱠᱟᱹ ᱦᱮᱡ ᱟᱹᱜᱩ ᱟᱠᱟᱱᱟ ᱾ ᱜᱤᱫᱽᱨᱟᱹ ᱡᱟᱱᱟᱢᱚᱜ ᱢᱟᱬᱟᱝ ᱠᱷᱚᱱ ᱜᱮ ᱜᱷᱟᱨᱚᱸᱡᱽ ᱥᱚᱦᱮᱫᱤᱭᱟᱹ ᱠᱚᱜᱮ ᱠᱚᱲᱟ ᱦᱚᱯᱚᱱ ᱜᱮ ᱧᱟᱢ ᱨᱮᱭᱟᱜ ᱵᱟᱹᱲᱛᱤ ᱟᱸᱥ ᱠᱚ ᱫᱚᱦᱚᱭᱟ ᱾ ᱟᱹᱰᱤ ᱵᱮᱲᱟ ᱨᱮᱜᱮ ᱟᱭᱳ ᱠᱚᱞᱮ ᱠᱩᱠᱷᱤ ᱨᱮ ᱠᱩᱲᱤ ᱜᱤᱫᱽᱨᱟᱹᱭ ᱦᱟᱨᱟᱜ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱠᱟᱛᱮ ᱩᱱᱤ ᱫᱚ ᱟᱭᱳ ᱠᱚᱞᱮ ᱨᱮᱜᱮ ᱨᱟᱹᱯᱩᱫ ᱜᱤᱰᱤ ᱨᱮᱭᱟᱜ ᱟᱸᱥ ᱟᱹᱰᱤ ᱜᱮᱭᱟ ᱾ ᱪᱮᱫᱟᱜ ᱥᱮ ᱜᱷᱟᱨᱚᱸᱡᱤᱭᱟᱹ ᱠᱚᱣᱟᱜ ᱯᱩᱭᱞᱩ ᱟᱸᱥ ᱫᱚ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱧᱟᱢ ᱨᱮᱭᱟᱜ ᱾ ᱵᱷᱟᱨᱚᱛ ᱨᱮ ᱟᱹᱰᱤ ᱞᱮᱠᱟᱱ ᱥᱚᱨᱠᱟᱨᱤ ᱟᱨ ᱵᱟᱝ ᱥᱚᱨᱠᱟᱨᱤ ᱜᱟᱶᱛᱟᱨᱮ ᱠᱟᱹᱢᱤᱠᱟᱱ ᱙᱒% ᱛᱤᱨᱞᱟᱹ ᱠᱚᱣᱟᱜ ᱪᱟᱸᱫᱚᱠᱤᱭᱟᱹ ᱢᱩᱡᱽᱨᱤ ᱑᱐,᱐᱐᱐ ᱠᱷᱚᱱ ᱦᱚᱸ ᱠᱚᱢ ᱡᱟᱦᱟᱸ ᱫᱚ ᱠᱚᱲᱟ ᱦᱚᱯᱚᱱ ᱠᱷᱚᱱ ᱫᱚ ᱟᱹᱰᱤ ᱜᱮ ᱠᱚᱢ ᱟᱨ ᱘᱒% ᱠᱚᱲᱟ ᱦᱚᱯᱚᱱ ᱟᱜ ᱪᱟᱸᱫᱚᱠᱤᱭᱟᱹ ᱢᱩᱡᱽᱨᱤ ᱑᱐,᱐᱐᱐ ᱠᱷᱚᱱ ᱠᱚᱢ ᱾

ᱥᱤᱧᱚᱛ ᱨᱮ ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟᱹ ᱛᱚᱦᱚᱨ ᱨᱮ ᱮᱴᱠᱮᱴᱚᱬᱮ ᱥᱟᱯᱲᱟᱣ

᱒᱑ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱥᱤᱧᱚᱛ ᱨᱮᱭᱟᱜ ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟᱹ ᱨᱮ ᱦᱚᱲᱢᱚᱥᱟᱶᱟᱨ ᱠᱟᱹᱢᱤᱭᱟᱹ ᱠᱚᱣᱟᱜ ᱟᱹᱰᱤ ᱜᱮ ᱟᱱᱟᱴ ᱢᱮᱱᱟᱜᱼᱟ ᱾ ᱵᱟᱡᱟᱨ ᱱᱟᱜᱟᱨ ᱨᱮ ᱦᱚᱲᱢᱚᱥᱟᱶᱟᱨ ᱧᱮᱞ ᱡᱚᱛᱚᱱ ᱰᱟᱦᱟᱨ ᱨᱮ ᱟᱹᱰᱤ ᱵᱟᱹᱲᱛᱤ ᱫᱷᱮᱭᱟᱱ ᱫᱚᱦᱚ ᱨᱮ ᱢᱮᱱᱟᱜᱼᱟ ᱤᱠᱷᱟᱹᱱ ᱟᱹᱛᱩ ᱴᱚᱞᱟ ᱨᱮᱫᱚ ᱱᱚᱣᱟ ᱨᱮᱭᱟᱜ ᱩᱞᱴᱟᱹ ᱜᱮᱭᱟ ᱾ ᱟᱹᱛᱩᱨᱮ ᱱᱚᱣᱟ ᱦᱚᱸ ᱛᱚᱞᱟᱥ ᱧᱟᱢ ᱟᱠᱟᱱᱟ ᱫᱚ ᱟᱹᱰᱤ ᱦᱚᱲ ᱡᱟᱦᱟᱸᱭ ᱫᱚ ᱟᱡ ᱮ ᱛᱤᱠᱪᱷᱟᱹᱜ ᱠᱟᱱᱟ ᱢᱮᱱᱛᱮᱭ ᱞᱟᱹᱭᱟ ᱤᱠᱷᱟᱹᱱ ᱥᱟᱹᱨᱤ ᱛᱮᱫᱚ ᱱᱚᱣᱟ ᱫᱚ ᱥᱟᱹᱨᱤ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ ᱾

᱒᱐᱐᱕ ᱥᱟᱞᱮᱨᱮ ᱥᱤᱧᱚᱛ ᱨᱮ ᱡᱟᱹᱛᱤᱭᱟᱹᱨᱤ ᱟᱹᱛᱩ ᱦᱚᱲᱢᱚᱥᱟᱶᱟᱨ ᱡᱚᱥ ᱨᱤᱛᱟᱹᱱᱟᱹᱨᱤ ᱴᱷᱟᱹᱣᱠᱟᱹ ᱟᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱡᱚᱥ ᱟᱸᱥ ᱫᱚ ᱜᱤᱫᱟᱹᱨ ᱜᱩᱨ ᱟᱨ ᱮᱸᱜᱟᱛ ᱜᱩᱨ ᱨᱮᱭᱟᱜ ᱫᱚᱨ ᱠᱚᱢ ᱦᱚᱪᱚᱭ ᱜᱮ ᱾

ᱟᱨ ᱦᱚᱸ ᱧᱮᱞ ᱢᱮ ᱥᱟᱯᱲᱟᱣ

  • "Gender inequality in India". Wikipedia. 2008-06-20. Retrieved 2019-03-18.

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ