ᱥᱟᱭᱠᱞᱳᱱ ᱯᱷᱚᱬᱤ
ᱥᱟᱭᱠᱞᱳᱱ ᱯᱷᱟᱱᱤ ᱟᱨ ᱵᱟᱝᱠᱷᱟᱱ ᱤ.ᱮᱥ.ᱥᱤ.ᱮᱥ. ᱯᱷᱚᱬᱤ ᱫᱚ (ᱵᱟᱝᱞᱟ: ফণী, ᱳᱰᱤᱭᱟ: ଫଣି) ᱢᱟᱱᱮ ᱵᱤᱱᱜ ᱟᱜ ᱦᱩᱲ ᱫᱚ ᱥᱤᱵᱦᱤᱭᱚᱨ ᱥᱟᱭᱠᱞᱚᱱᱤᱠ ᱥᱴᱚᱨᱢ ᱠᱟᱱᱟ ᱚᱠᱟ ᱫᱚ ᱳᱰᱤᱥᱟ, ᱯᱚᱪᱷᱤᱢ ᱵᱟᱸᱜᱽᱞᱟ ᱟᱨ ᱟᱱᱫᱨᱚ ᱯᱨᱚᱫᱮᱥ ᱨᱮᱭᱟᱜ ᱛᱚᱴᱤᱭᱚ ᱡᱟᱭᱜᱟ ᱨᱮ ᱡᱟᱥᱛᱤ ᱯᱨᱚᱵᱷᱟᱵ ᱮ ᱮᱢ ᱞᱮᱟᱭ ᱾[᱑]
| |||
|---|---|---|---|
Current storm status Extremely severe cyclonic storm (IMD) | |||
Current storm status Category 3 (1-min mean) | |||
| |||
| As of: | 05:30 ᱟᱤ.ᱮᱥ.ᱴᱤ (00:00 ᱭᱩ.ᱴᱤ.ᱥᱤ) ᱢᱮ ᱑ | ||
| Location: | 13°54′N 84°00′E / 13.9°N 84.0°E About 510 km (315 mi) SSW of Puri About 260 km (160 mi) SSE of Vishakhapatnam | ||
| Sustained winds: | 185 km/h; 115 mph (3-min mean) 205 km/h; 125 mph (1-min mean) gusting to 215 km/h; 130 mph | ||
| Pressure: | 958 hPa (28.29 inHg) | ||
| Movement: | ᱩᱛᱚᱨ-ᱯᱚᱥᱪᱤᱢ at 5 kn (9 km/h; 6 mph) | ||
| |||
ᱱᱚᱣᱟ ᱥᱟᱢᱟᱝ ᱥᱤᱧᱚᱛ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱮ ᱓ ᱦᱤᱞᱚᱜ ᱟᱲᱮ ᱛᱮ ᱥᱮᱴᱮᱨ ᱞᱮᱱᱟ ᱡᱟᱦᱟᱸ ᱤᱸᱞᱤᱥ ᱛᱮᱵᱚᱱ ᱢᱮᱛᱟ ᱦᱟᱜ ᱠᱟᱱᱟ ᱞᱮᱱᱰᱽ ᱯᱷᱚᱞ ᱾ ᱒᱐᱑᱙ ᱮᱛᱚᱢ ᱢᱟᱦᱟᱫᱚᱨᱮᱭᱟ ᱨᱮᱱᱟᱜ ᱦᱚᱭᱵᱟᱹᱨᱰᱩ ᱨᱤᱛᱩ ᱨᱮ ᱯᱷᱚᱬᱤ ᱫᱚ ᱢᱚᱬᱮ ᱟᱱᱟᱝ ᱥᱟᱹᱨᱫᱤ ᱦᱚᱭᱵᱟᱹᱨᱰᱩ ᱠᱟᱱᱟ ᱟᱨ ᱯᱩᱱ ᱟᱱᱟᱝ ᱧᱩᱛᱩᱢ ᱮᱢ ᱦᱟᱠᱟᱱ ᱵᱟᱹᱨᱰᱩ ᱠᱟᱱᱟ ᱾ ᱯᱷᱚᱬᱤ ᱫᱟᱨᱟᱭ ᱛᱮ ᱳᱫᱤᱥᱟ ᱨᱮᱱᱟᱜ ᱯᱩᱨᱤ ᱦᱚᱱᱚᱛ ᱟᱨ ᱵᱷᱩᱵᱚᱱᱮᱥᱣᱚᱨ ᱡᱷᱚᱛᱚᱠᱷᱚᱱ ᱡᱟᱹᱥᱛᱤ ᱩᱡᱟᱹᱲ ᱟᱠᱟᱱᱟ ᱾ᱫᱮᱰᱷ ᱠᱩᱴᱤ ᱨᱤᱱ ᱦᱚᱲ ᱱᱚᱣᱟ ᱠᱷᱟᱹᱛᱤᱨ ᱠᱚ ᱦᱚᱞᱚᱠᱚᱪᱚ ᱟᱠᱟᱱᱟ ᱾ ᱱᱚᱣᱟ ᱵᱟᱹᱨᱰᱩ ᱨᱮᱱᱟᱜ ᱚᱨᱥᱚᱝ ᱳᱰᱤᱥᱟ ᱨᱮᱱᱟᱜ ᱑᱓ ᱜᱚᱴᱟᱝ ᱦᱚᱱᱚᱛ ᱨᱮ ᱯᱟᱲᱟᱣ ᱞᱮᱱᱟ ᱾ [᱒] ᱵᱟᱝᱞᱟᱫᱮᱥ ᱨᱮ ᱯᱷᱚᱬᱤ ᱠᱷᱟᱹᱛᱤᱨ ᱑᱕ ᱦᱚᱲ ᱠᱚ ᱜᱚᱡ ᱮᱱᱟ ᱾[᱓] ᱳᱫᱤᱥᱟ ᱨᱮ ᱔᱑ ᱦᱚᱲ ᱥᱟᱶ ᱓᱔ ᱞᱟᱠᱷ ᱕᱒ ᱦᱟᱡᱟᱨ ᱡᱤᱵ ᱡᱤᱭᱟᱹᱲᱤ ᱠᱚᱣᱟᱜ ᱡᱤᱵᱚᱱ ᱪᱟᱞᱟᱣ ᱟᱠᱟᱱᱟ ᱾[᱔][᱕]
ᱯᱷᱮᱰᱟᱛ
ᱥᱟᱯᱲᱟᱣᱯᱷᱚᱬᱤ ᱥᱤᱧᱚᱛ ᱢᱟᱦᱟᱥᱟᱜᱚᱨ ᱨᱮ ᱥᱩᱢᱟᱛᱨᱟ ᱨᱮᱱᱟᱜ ᱯᱟᱪᱮ ᱯᱟᱦᱴᱟ ᱨᱮ ᱮᱯᱨᱤᱞ ᱒᱖ ᱨᱮ ᱥᱤᱨᱡᱟᱹᱣ ᱞᱮᱱ ᱛᱟᱦᱮᱸᱫ ᱾ ᱡᱚᱲ ᱴᱨᱟᱭᱯᱷᱚᱱ ᱪᱮᱛᱸᱟᱣ ᱛᱟᱞᱢᱟ (JTWC) ᱱᱚᱣᱟ ᱵᱟᱹᱨᱰᱩ ᱪᱮᱛᱟᱱ ᱨᱮ ᱱᱚᱡᱚᱨ ᱮ ᱫᱚᱦᱚ ᱞᱮᱫᱼᱟ ᱟᱨ ᱐᱑ B ᱢᱮᱱᱛᱮᱫ ᱮ ᱧᱩᱢ ᱞᱮᱫᱮ ᱛᱟᱦᱮᱸᱫ ᱾ ᱵᱟᱹᱭ ᱵᱟᱹᱭ ᱛᱮ ᱯᱷᱚᱬᱤ ᱯᱟᱪᱮ ᱥᱮᱫ ᱞᱟᱦᱟ ᱠᱟᱛᱮᱫ ᱫᱟᱲᱮ ᱧᱟᱢ ᱞᱟᱹᱜᱤᱫ ᱴᱷᱟᱶ ᱮ ᱛᱚᱞᱟᱥ ᱡᱚᱸᱜ ᱠᱟᱱ ᱛᱟᱦᱮᱸᱫ ᱾ ᱵᱟᱹᱨᱥᱤᱧ ᱛᱟᱭᱚᱢ ᱱᱚᱣᱟ ᱯᱷᱚᱬᱤ ᱦᱚᱭ ᱵᱟᱹᱨᱰᱩ ᱢᱮᱱᱛᱮᱫ ᱠᱚ ᱧᱩᱢ ᱠᱮᱫᱼᱟ, ᱡᱟᱦᱟᱸ ᱫᱚ ᱱᱤᱭᱟᱹ ᱨᱤᱛᱩ ᱨᱮᱱᱟᱜ ᱫᱚᱥᱟᱨ ᱧᱩᱛᱩᱢ ᱪᱷᱟᱹᱴᱤᱭᱟᱹᱨ ᱦᱟᱠᱟᱱ ᱵᱟᱹᱨᱰᱩ ᱦᱩᱭ ᱮᱱᱟ ᱾ ᱯᱷᱚᱬᱤ ᱮᱛᱚᱢ ᱥᱮᱫ ᱞᱟᱦᱟ ᱮᱱᱟ ᱾ ᱛᱟᱞᱟ ᱡᱤᱞᱤᱧ ᱦᱚᱭ ᱱᱚᱣᱟ ᱦᱟᱹᱴᱤᱧ ᱠᱟᱛᱮᱫ ᱵᱟᱫᱷᱟᱭ ᱮᱢ ᱠᱮᱫ ᱠᱷᱟᱹᱛᱤᱨ ᱟᱨ ᱦᱚᱸ ᱞᱚᱜᱚᱱᱚᱜ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩ ᱠᱮᱫᱼᱟ ᱾ ᱦᱟᱹᱴᱤᱧ ᱟᱠᱟᱱ ᱦᱚᱭ ᱠᱷᱚᱱ ᱥᱟᱦᱟᱭᱮᱱ ᱛᱟᱭᱚᱢ ᱯᱷᱚᱬᱤ ᱟᱨ ᱦᱚᱸ ᱥᱚᱠᱛᱚ ᱮᱱᱟ ᱟᱨ ᱒᱐᱑᱙ ᱮᱯᱨᱤᱞ ᱓᱐ ᱛᱟᱨᱤᱠᱷ ᱛᱮ ᱨᱤᱛᱩ ᱨᱮᱱᱟᱜ ᱯᱩᱭᱞᱩ ᱦᱚᱭ ᱵᱟᱹᱨᱰᱩ ᱟᱹᱰᱤ ᱥᱟᱹᱨᱫᱤ ᱦᱚᱭ ᱵᱟᱹᱨᱰᱩ ᱛᱮ ᱵᱚᱫᱚᱞ ᱮᱱᱟ ᱾ ᱱᱚᱣᱟ ᱵᱤᱥᱟᱠᱷᱟᱯᱟᱴᱬᱟ ᱟᱨ ᱜᱳᱯᱟᱲᱯᱩᱨ ᱥᱩᱨ ᱵᱚᱸᱜᱳᱯᱥᱟᱜᱚᱨ ᱥᱮᱫ ᱛᱮ ᱯᱩᱨᱤ ᱴᱷᱮᱫ ᱥᱟᱛᱟᱜ ᱙.᱐᱐ ᱴᱟᱬᱟᱝ ᱨᱮ ᱫᱚᱨᱮᱭᱟ ᱠᱷᱚᱱ ᱜᱷᱩᱴᱩᱭ ᱡᱚᱴᱮᱫ ᱠᱮᱫᱼᱟ ᱾ ᱜᱳᱯᱟᱲᱯᱩᱨ ᱟᱨ ᱯᱩᱨᱤ ᱨᱮ ᱦᱚᱭ ᱨᱮᱱᱟᱜ ᱡᱩᱨ ᱜᱷᱟᱱᱴᱟ ᱯᱤᱪᱷᱤ ᱑᱒᱐ ᱠᱤ.ᱢᱤ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱯᱩᱨᱤ ᱨᱮ ᱱᱚᱣᱟ ᱨᱮᱱᱟᱜ ᱡᱩᱨ ᱜᱷᱟᱱᱴᱟ ᱯᱤᱪᱷᱤ ᱑᱘᱐-᱒᱐᱐ ᱠᱤ.ᱢᱤ ᱛᱟᱦᱮᱸ ᱠᱟᱱᱟ ᱾
ᱜᱮᱞᱮᱨᱤ
ᱥᱟᱯᱲᱟᱣ-
ᱨᱟᱡᱜᱟᱲ ᱵᱷᱩᱵᱚᱱᱮᱥᱣᱚᱨ ᱨᱮ ᱫᱚᱢᱠᱚᱲ ᱵᱟᱦᱤᱱᱤ ᱯᱟᱦᱟᱴᱟ ᱠᱷᱚᱱ ᱫᱟᱜ ᱦᱟᱹᱴᱤᱧ -
ᱵᱤᱡᱞᱤ ᱡᱚᱜᱟᱣ ᱞᱟᱜᱹᱤᱫ ᱫᱟᱨᱮ ᱠᱚ ᱢᱟᱜ ᱯᱷᱟᱨᱪᱟ ᱦᱩᱭᱩᱜ ᱠᱟᱱᱟ -
ᱯᱷᱚᱬᱤ ᱵᱟᱹᱨᱰᱩ ᱦᱟᱹᱡᱩᱜ ᱞᱟᱦᱟᱨᱮ ᱦᱚᱠ ᱠᱚ ᱠᱚ ᱪᱮᱛᱱᱟᱣ ᱮᱫ ᱠᱚᱣᱟ
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Cyclone Fani May Intensify Further, Heads Towards Odisha Coast: 10 Points". NDTV. 30 April 2019. Retrieved 30 April 2019.
- ↑ "ଫନି ପ୍ରଳୟ : ପୁରୀ ଓ ଭୁବନେଶ୍ବର ସର୍ବାଧିକ କ୍ଷତିଗ୍ରସ୍ତ; ଆରମ୍ଭ ହୋଇଯାଇଛି ରାସ୍ତା ପରିଷ୍କାର ଅଭିଯାନ". Sambad (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2019-05-03. Retrieved 2019-05-04.
- ↑ "ଭାରତ ପରେ ବାଂଲାଦେଶରେ 'ଫନି'ର ତାଣ୍ଡବ, ୧୫ ମୃତ". Sambad (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2019-05-04. Retrieved 2019-05-05.
- ↑ Dharitri. "'ଫନୀ' କ୍ଷୟକ୍ଷତିର ରିପୋର୍ଟ ଦେଲେ ଏସ୍ଆର୍ସି: ବାତ୍ୟାରେ ପ୍ରଭାବିତ ହୋଇଛନ୍ତି ଦେଢ଼ କୋଟିରୁ ଅଧିକ ଲୋକେ, ଭାଙ୍ଗିଛି ୫ ଲକ୍ଷରୁ ଊର୍ଦ୍ଧ୍ୱ ଘର". Dharitri.com (in ᱟᱝᱜᱽᱨᱮᱡᱤ). Retrieved 2019-05-10.
- ↑ "ବାତ୍ୟାରେ ମରିଗଲେ ୩୪ ଲକ୍ଷ ୫୨ ହଜାର ପଶୁପକ୍ଷୀ: ରିପୋର୍ଟ". Sambad (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2019-05-10. Retrieved 2019-05-10.