ᱥᱮᱸᱜᱮᱞ
ᱥᱮᱸᱜᱮᱞ ᱫᱚ ᱦᱩᱭᱩᱜ ᱠᱟᱱᱟ ᱡᱩᱞᱩᱜ ᱠᱟᱱ ᱡᱟᱸᱦᱟᱸᱱᱟᱜ ᱡᱤᱱᱤᱥ ᱨᱮᱱᱟᱜ ᱨᱟᱥᱟᱭᱚᱱᱤᱠ ᱵᱤᱠᱨᱤᱭᱟ᱾ ᱱᱚᱣᱟ ᱵᱤᱠᱨᱤᱭᱟ ᱠᱟᱠᱷᱟᱱᱟᱜ ᱛᱮ ᱢᱟᱨᱥᱟᱞ, ᱮᱞᱟᱝ ᱛᱮᱭᱟᱨᱚᱜᱼᱟ᱾ ᱥᱮᱸᱜᱮᱞ ᱫᱚ ᱢᱟᱹᱱᱢᱤ ᱟᱜ ᱡᱤᱭᱚᱱ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱ ᱡᱤᱱᱤᱥ ᱠᱟᱱᱟ᱾ ᱥᱮᱸᱜᱮᱞ ᱵᱟᱫᱽ ᱠᱟᱛᱮ ᱟᱭᱢᱟ ᱠᱟᱹᱢᱤ ᱦᱚᱸ ᱵᱟᱝ ᱦᱩᱭᱩᱜᱼᱟ᱾ ᱥᱮᱸᱜᱮᱞ ᱛᱮᱜᱮ ᱫᱟᱠᱟ ᱩᱛᱩ ᱤᱥᱤᱱᱚᱜᱼᱟ᱾ ᱥᱮᱸᱜᱮᱞ ᱡᱚᱠᱷᱚᱱ ᱠᱷᱚᱡ ᱢᱟᱹᱱᱢᱤ ᱠᱩ ᱪᱤᱭᱟᱹᱣ ᱠᱟᱫᱟ ᱩᱱ ᱠᱷᱟᱡ ᱜᱮ ᱢᱟᱹᱱᱢᱤ ᱟᱜ ᱡᱤᱭᱚᱱ ᱟᱨᱦᱚᱸ ᱱᱟᱯᱟᱭ ᱠᱟᱱᱟ᱾ ᱟᱹᱰᱤ ᱥᱮᱫᱟᱭ ᱨᱮᱫᱚ ᱫᱷᱤᱨᱤ ᱥᱟᱶ ᱫᱷᱤᱨᱤ ᱠᱩᱴᱟᱹᱢ ᱠᱟᱛᱮ ᱥᱮᱸᱜᱮᱞ ᱠᱩ ᱡᱩᱞ ᱞᱮᱫᱟ᱾ ᱱᱮᱛᱟᱨ ᱱᱟᱦᱟᱜ ᱡᱩᱜᱽ ᱨᱮ ᱫᱚ ᱟᱭᱢᱟ ᱞᱮᱠᱟᱱ ᱥᱟᱹᱞᱟᱭ ᱩᱰᱩᱜᱽ ᱟᱠᱟᱱᱟ᱾ ᱡᱟᱸᱦᱟᱸ ᱛᱮ ᱟᱹᱰᱤ ᱱᱟᱯᱟᱭᱛᱮ ᱥᱮᱸᱜᱮᱞ ᱡᱩᱞ ᱠᱟᱛᱮ ᱵᱮᱵᱷᱟᱨ ᱜᱟᱱᱚᱜᱼᱟ᱾
ᱥᱮᱸᱜᱮᱞ ᱫᱚ ᱢᱤᱫᱴᱮᱱ ᱟᱹᱰᱤ ᱢᱟᱨᱟᱝ ᱫᱟᱲᱮ ᱠᱟᱱᱟ᱾ ᱚᱱᱟ ᱫᱟᱲᱮᱛᱮ ᱡᱮᱢᱚᱱ ᱱᱟᱯᱟᱭ ᱠᱟᱹᱢᱤ ᱦᱩᱭᱩᱜᱼᱟ ᱟᱨ ᱚᱝᱠᱟ ᱜᱮ ᱵᱟᱹᱲᱤᱡ ᱠᱟᱹᱢᱤ ᱦᱚᱸ ᱦᱩᱭᱩᱜ ᱜᱮᱭᱟ᱾ ᱟᱫᱚ ᱱᱟᱯᱟᱭ ᱵᱟᱹᱲᱤᱡ ᱫᱚ ᱢᱟᱹᱱᱢᱤ ᱴᱷᱮᱱ ᱜᱮ᱾ ᱢᱟᱹᱱᱢᱤ ᱪᱮᱫᱞᱮᱠᱟ ᱥᱮᱸᱜᱮᱞ ᱠᱚ ᱵᱮᱵᱷᱟᱨᱟ ᱚᱝᱠᱟ ᱜᱮ ᱚᱱᱟ ᱨᱮᱱᱟᱜ ᱚᱨᱡᱚ ᱧᱟᱢᱚᱜᱼᱟ᱾ ᱥᱮᱸᱜᱮᱞ ᱫᱚ ᱟᱭᱟᱜ ᱫᱷᱚᱨᱟᱢ ᱜᱮᱭ ᱯᱟᱞᱚᱱᱟ, ᱚᱱᱟ ᱦᱤᱥᱟᱹᱵᱛᱮ ᱥᱮᱸᱜᱮᱞ ᱫᱚ ᱡᱚᱛᱚ ᱠᱤᱪᱷᱩ ᱜᱮᱭ ᱞᱚᱭᱟ᱾
ᱪᱤᱱᱦᱟᱹᱠᱩ (Characteristics)
ᱥᱟᱯᱲᱟᱣᱥᱮᱸᱜᱮᱞ ᱫᱚ ᱟᱹᱰᱤ ᱞᱚᱞᱚ ᱜᱮᱭᱟ᱾ ᱛᱤ ᱛᱮᱫᱚ ᱱᱚᱣᱟ ᱫᱚ ᱵᱟᱝ ᱥᱟᱵᱚᱜᱼᱟ᱾ ᱥᱮᱸᱜᱮᱞ ᱥᱟᱶ ᱡᱟᱸᱦᱟᱸ ᱡᱚᱥᱚᱜᱼᱟ ᱚᱱᱟ ᱫᱚ ᱞᱟᱜᱼᱟ ᱟᱨ ᱞᱚ ᱞᱚ ᱛᱮ ᱢᱤᱫ ᱠᱚᱡᱷᱚᱡ ᱟᱝᱨᱟ ᱵᱮᱱᱟᱜᱼᱟ ᱟᱨ ᱚᱱᱟ ᱟᱝᱨᱟ ᱨᱮᱭᱟᱲ ᱞᱮᱱ ᱠᱷᱚᱱ ᱛᱚᱨᱚᱪ ᱵᱮᱱᱟᱜᱼᱟ᱾ ᱢᱟᱹᱱᱢᱤ ᱟᱜ ᱦᱚᱲᱢᱚ ᱥᱮᱸᱜᱮᱞ ᱨᱮ ᱯᱟᱲᱟᱣ ᱞᱮᱱ ᱠᱷᱟᱱ ᱯᱷᱚᱥᱠᱟ ᱯᱟᱲᱟᱜᱼᱟ ᱟᱨ ᱵᱟᱝᱠᱷᱟᱡ ᱞᱚᱜᱼᱟ᱾ ᱥᱮᱸᱜᱮᱞ ᱵᱷᱤᱛᱨᱤᱨᱮ ᱯᱟᱲᱟᱣ ᱞᱮᱱ ᱠᱷᱟᱱ ᱢᱮᱫᱦᱟᱜ ᱞᱚᱦᱚᱛ ᱠᱤᱪᱨᱤᱪ ᱛᱮ ᱮᱥᱮᱫ ᱦᱩᱭᱩᱜᱼᱟ ᱟᱨ ᱵᱟᱝᱠᱷᱟᱡ ᱥᱮᱸᱜᱮᱞ ᱨᱮᱱᱟᱜ ᱫᱷᱩᱸᱣᱟᱹ ᱛᱮ ᱯᱷᱤᱴᱚᱜ ᱨᱮᱱᱟᱜ ᱥᱚᱢᱵᱷᱚᱵᱚᱱᱟ ᱛᱟᱸᱦᱮᱸᱱᱟ᱾
ᱢᱟᱹᱱᱢᱤ ᱟᱜ ᱡᱤᱭᱚᱱ ᱨᱮ ᱫᱤᱱᱟᱹᱢ ᱫᱤᱱ ᱜᱮ ᱥᱮᱸᱜᱮᱞ ᱫᱚ ᱟᱹᱰᱤ ᱡᱟᱹᱨᱩᱲᱟᱱ ᱠᱟᱱᱟ᱾ ᱟᱫᱚ ᱚᱱᱟᱛᱮ ᱥᱮᱸᱜᱮᱞ ᱵᱮᱵᱷᱟᱨ ᱡᱚᱠᱷᱚᱡ ᱟᱹᱰᱤ ᱥᱟᱵᱽᱫᱷᱟᱱ ᱛᱟᱸᱦᱮᱸᱱ ᱡᱟᱹᱨᱩᱲᱟ᱾ ᱥᱮᱸᱜᱮᱞ ᱠᱷᱚᱱ ᱡᱟᱸᱦᱟᱸ ᱞᱚᱞᱚ ᱵᱮᱱᱟᱜᱼᱟ ᱚᱱᱟᱛᱮ ᱜᱮ ᱫᱟᱠᱟ, ᱩᱛᱩ ᱵᱮᱱᱟᱜᱼᱟ᱾ ᱧᱩᱛ ᱨᱮ ᱢᱟᱨᱥᱟᱞᱚᱜ ᱞᱟᱹᱜᱤᱛ ᱥᱮᱸᱜᱮᱞ ᱠᱩ ᱡᱩᱞᱟ᱾ ᱨᱮᱭᱟᱲ ᱥᱮ ᱨᱟᱵᱟᱝ ᱫᱤᱱ ᱚᱲᱟᱜ ᱫᱩᱣᱟᱹᱨ ᱩᱨᱜᱩᱢ ᱫᱚᱦᱚ ᱞᱟᱹᱜᱤᱛ ᱥᱮᱸᱜᱮᱞ ᱠᱚ ᱡᱩᱞᱟ᱾
ᱥᱮᱸᱜᱮᱞ ᱨᱮᱭᱟᱜ ᱩᱯᱠᱟᱨ ᱧᱟᱢ ᱞᱟᱹᱜᱤᱛ ᱟᱹᱰᱤ ᱥᱟᱵᱽᱫᱷᱟᱱ ᱛᱟᱸᱦᱮᱸᱱ ᱞᱟᱜᱟᱜᱼᱟ ᱟᱨ ᱵᱟᱝᱠᱷᱟᱡ ᱥᱮᱸᱜᱮᱞ ᱟᱹᱣᱲᱤ ᱥᱟᱹᱣᱲᱤ ᱯᱟᱥᱱᱟᱣ ᱞᱮᱱ ᱠᱷᱟᱱ ᱥᱟᱱᱟᱢ ᱞᱚ ᱪᱟᱵᱟᱜᱼᱟ᱾
ᱥᱮᱸᱜᱮᱞ ᱡᱩᱞ ᱞᱟᱹᱜᱤᱛ ᱯᱮᱭᱟ ᱩᱯᱟᱫᱟᱱ ᱡᱟᱹᱨᱩᱲᱟ᱾ ᱚᱱᱟᱠᱩ ᱫᱚ ᱦᱩᱭᱩᱜ ᱠᱟᱱᱟ ᱚᱠᱥᱤᱡᱮᱱ, ᱡᱟᱞᱟᱱᱤ ᱟᱨ ᱞᱚᱞᱚ᱾ ᱡᱟᱞᱟᱱᱤ ᱫᱚ ᱡᱮᱢᱚᱱ ᱠᱟᱴᱷ, ᱠᱚᱭᱞᱟ, ᱥᱩᱱᱩᱢ ᱮᱢᱟᱱᱛᱮᱭᱟᱜ ᱠᱚ᱾ ᱢᱤᱫ ᱫᱷᱟᱣ ᱥᱮᱸᱜᱮᱞ ᱡᱩᱞ ᱞᱮᱱ ᱠᱷᱟᱱ ᱟᱯᱱᱟᱨ ᱛᱮᱜᱮ ᱞᱚᱞᱚ ᱦᱚᱸ ᱛᱮᱭᱟᱨᱚᱜᱼᱟ᱾
ᱥᱮᱸᱜᱮᱞ ᱴᱟᱨᱦᱟᱣ
ᱥᱟᱯᱲᱟᱣᱥᱮᱸᱜᱮᱞ ᱴᱟᱨᱦᱟᱣ ᱞᱟᱹᱜᱤᱛ ᱯᱮ ᱜᱚᱴᱟᱝ ᱩᱯᱟᱹᱭ ᱢᱮᱱᱟᱜᱼᱟ᱾ ᱡᱟᱸᱦᱟᱸ ᱞᱮᱠᱟ-
- ᱥᱮᱸᱜᱮᱞ ᱡᱩᱞᱩᱜ ᱞᱟᱹᱜᱤᱛ ᱡᱟᱸᱦᱟᱸ ᱠᱚ ᱡᱟᱞᱟᱱᱤ ᱞᱟᱜᱟᱜᱼᱟ ᱚᱱᱟ ᱠᱷᱚᱱ ᱨᱩᱠᱷᱤᱭᱟᱹ ᱫᱚᱦᱚ ᱫᱟᱲᱮ ᱞᱮᱠᱷᱟᱱ᱾
- ᱚᱠᱥᱤᱡᱮᱱ ᱵᱟᱝ ᱛᱟᱸᱦᱮᱸᱞᱮᱱ ᱠᱷᱟᱱ᱾
- ᱞᱚᱞᱚ ᱠᱷᱚᱱ ᱥᱟᱺᱜᱤᱧ ᱫᱚᱦᱚ ᱫᱟᱲᱮ ᱞᱮᱠᱷᱟᱱ᱾
ᱥᱮᱸᱜᱮᱞ ᱨᱮᱱᱟᱜ ᱮᱞᱟᱝ
ᱥᱟᱯᱲᱟᱣᱥᱮᱸᱜᱮᱞ ᱫᱚ ᱟᱵᱚ ᱞᱟᱹᱜᱤᱛ ᱞᱚᱞᱚ ᱥᱮ ᱮᱞᱟᱝ ᱮ ᱡᱳᱜᱟᱱ ᱛᱟᱵᱚᱱᱟ᱾
- ᱚᱠᱥᱤᱦᱟᱭᱰᱨᱚᱡᱮᱱ: ᱒᱐᱐᱐° ᱥᱮᱞᱥᱤᱭᱟᱥ
- ᱵᱟᱨᱱᱟᱨ ᱥᱮ ᱮᱥᱴᱳᱵᱷ: ᱑᱓᱐᱐° - ᱑᱖᱐᱐° ᱥᱮᱞᱥᱤᱭᱟᱥ
- ᱵᱞᱳ ᱴᱚᱨᱪ: ᱑᱓᱐᱐° ᱥᱮᱞᱥᱤᱭᱟᱥ
- ᱢᱳᱢ: ᱑᱐᱐᱐° ᱥᱮᱞᱥᱤᱭᱟᱥ
- ᱥᱤᱜᱟᱨᱮᱴ: ᱔᱐᱐° - ᱗᱐᱐° ᱥᱮᱞᱥᱤᱭᱟᱥ
ᱪᱤᱛᱟᱹᱨᱠᱩ
ᱥᱟᱯᱲᱟᱣᱥᱮᱸᱜᱮᱞ ᱡᱩᱞᱩᱜ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱪᱤᱛᱟᱹᱨᱠᱩ:
-
ᱵᱤᱨ ᱥᱮᱝᱜᱮᱞ -
ᱜᱚᱞᱯᱷ ᱛᱟᱯᱟᱢ ᱡᱷᱚᱜ ᱠᱩᱣᱮᱛᱟᱜ ᱠᱩᱸᱭ ᱥᱩᱱᱩᱢ ᱨᱮ ᱥᱮᱜᱮᱞ -
ᱥᱠᱩᱞ ᱨᱮ ᱥᱮᱝᱜᱮᱞ -
ᱯᱟᱨᱟᱵ ᱠᱚᱨᱮ.ᱟᱜ ᱥᱮᱝᱜᱮᱞ -
ᱵᱤᱞᱰᱤᱝ ᱨᱮ ᱥᱮᱝᱜᱮᱞ -
ᱜᱷᱟᱸᱥ ᱨᱮ ᱥᱟᱝᱜᱮᱞ ᱞᱟᱜᱟᱣ -
ᱠᱟᱱᱟᱡᱮ ᱨᱮᱭᱟᱜ ᱥᱮᱝᱜᱮᱞ -
ᱟᱫᱤᱵᱟᱥᱤ ᱠᱟᱴ ᱠᱷᱚᱱ ᱥᱮᱝᱜᱮᱞ ᱠᱚ ᱚᱰᱚᱠ ᱪᱷᱚ ᱮᱫᱟ -
ᱢᱟᱪᱤᱥ ᱠᱷᱚᱱ ᱥᱮᱝᱜᱮᱞ -
ᱢᱟᱪᱤᱥ ᱡᱩᱞᱩᱜ ᱠᱟᱱᱟ -
ᱢᱟᱪᱤᱥ ᱡᱩᱞ ᱮᱱᱟ
-
ᱢᱚᱢ ᱵᱚᱛᱤ ᱪᱮᱛᱟᱱ ᱨᱮ ᱜᱽᱨᱟᱣᱤᱴᱤᱭᱟᱜ ᱯᱨᱚᱵᱷᱟᱣ
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- How Fire Works at HowStuffWorks
- What exactly is fire? from The Straight Dope
- On Fire, an Adobe Flash-based science tutorial from the NOVA (TV series)
- Early human fire mastery revealed BBC article on archaeological discoveries
- Spiral flames in microgravity Archived ᱒᱐᱑᱐-᱐᱓-᱑᱙ at the Wayback Machine.
- moebuildingcontrol.co.uk - UK Guidance on fire safety codes and fire engineering