ᱦᱟᱨᱫᱚᱭ ᱦᱚᱱᱚᱛ
ᱦᱟᱨᱫᱚᱭ ᱦᱚᱱᱚᱛ ᱫᱚ ᱠᱚᱸᱭᱮᱸ ᱥᱤᱧᱚᱛ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱮᱭᱟᱭ ᱜᱮᱞ ᱢᱚᱬᱮ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫ ᱴᱮᱱ ᱦᱚᱱᱚᱛ ᱠᱟᱱᱟ ᱟᱨ ᱦᱟᱨᱫᱚᱭ ᱱᱟᱝᱜᱽᱨᱟᱦᱟ ᱜᱮ ᱱᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱠᱟᱱᱟ ᱾ ᱦᱟᱨᱫᱚᱭ ᱦᱚᱱᱚᱛ ᱫᱚ ᱞᱟᱠᱷᱱᱟᱣ ᱠᱷᱚᱱᱰ ᱨᱮᱭᱟᱜ ᱢᱤᱫ ᱴᱮᱱ ᱦᱟᱹᱴᱤᱧ ᱠᱟᱱᱟ ᱾ ᱜᱚᱴᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱕,᱙᱔᱗ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱞᱮᱠᱷᱟ ᱜᱩᱴ : ᱔,᱐᱙᱑,᱓᱘᱐ ᱡᱚᱱᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱢᱚᱬᱮ ᱜᱚᱴᱟᱝ ᱛᱟᱦᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱢᱚᱬᱮ ᱜᱚᱴᱟᱝ ᱛᱟᱦᱥᱤᱞ ᱠᱚ ᱫᱚ ᱦᱩᱭᱩᱜ ᱠᱟᱱᱟ - ᱑. ᱦᱟᱨᱫᱚᱭ ᱛᱟᱦᱥᱤᱞ, ᱒. ᱥᱟᱦᱟᱵᱟᱫᱽ ᱛᱟᱦᱥᱤᱞ ᱓. ᱥᱟᱣᱟᱭᱟᱡᱽ ᱯᱩᱨ ᱛᱟᱦᱥᱤᱞ ᱔. ᱵᱤᱞᱜᱨᱟᱢ ᱛᱟᱦᱥᱤᱞ ᱟᱨ ᱕ ᱥᱟᱱᱫᱤᱞᱟ ᱛᱟᱦᱥᱤᱞ ᱾
| ᱦᱟᱨᱫᱚᱭ ᱦᱚᱱᱚᱛ हरदोई जिला | |
|---|---|
| ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ | |
 | |
| ᱫᱤᱥᱚᱢ | ᱥᱤᱧᱚᱛ |
| ᱦᱮᱰᱠᱩᱣᱟᱴᱚᱨ | ᱦᱟᱨᱫᱚᱭ ᱱᱟᱝᱜᱽᱨᱟᱦᱟ |
| ᱮᱨᱤᱭᱟ | |
| • ᱜᱩᱴ | 5947 ᱠᱤᱢᱤ২ (2296 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱔,᱐᱑᱙,᱓᱘᱐ |
| • ᱰᱮᱱᱥᱤᱴᱤ | 680/ᱠᱤᱢᱤ2 (1800/ᱜᱟᱺᱴ ᱢᱟᱹᱭᱤᱞ) |
| ᱰᱮᱢᱚᱜᱽᱨᱟᱯᱷᱤᱠ | |
| IST (ᱭᱩᱴᱤᱥᱤ+᱐᱕:᱓᱐) | |
| ᱣᱮᱵᱽᱥᱟᱭᱤᱴ | http://hardoi.nic.in/ |
ᱠᱟᱹᱣᱰᱤ ᱟᱹᱨᱤ ᱥᱟᱯᱲᱟᱣ
᱒᱐᱐᱖ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱚᱧᱪᱟᱪᱚᱛ ᱢᱚᱱᱛᱨᱟᱱᱟᱞᱚᱭ ᱫᱚ ᱒᱕0 ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱥᱟᱣᱟᱭ ᱪᱤᱛᱛᱚᱨ ᱜᱟᱲ ᱦᱚᱱᱚᱛ ᱦᱚ ᱛᱟᱭᱚᱱ ᱦᱚᱱᱚᱛ ᱢᱮᱱ ᱛᱮ ᱞᱮᱠᱷᱟ ᱥᱮᱞᱮᱫ ᱞᱮᱫᱟ, ᱢᱩᱴ ᱖᱔᱐ ᱦᱚᱱᱚᱛ ᱢᱩᱫᱽ ᱨᱮ ᱾ ᱱᱚᱣᱟ ᱦᱟᱨᱫᱚ ᱦᱚᱱᱚᱛ ᱫᱚ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱯᱮ ᱜᱮᱞ ᱯᱚᱱ ᱜᱚᱴᱟᱝ ᱦᱚᱱᱚᱛ ᱠᱚ ᱨᱮ ᱱᱟᱦᱟᱜ Backward Region Grant Fund Programme (BRGF) ᱠᱷᱚᱱ ᱠᱟᱹᱣᱰᱤ ᱜᱚᱲᱚᱭ ᱦᱟᱛᱟᱣ ᱮᱫᱟ ᱾
ᱯᱟ.ᱨᱥᱤ ᱥᱟᱯᱲᱟᱣ
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ, ᱱᱚᱣᱟ ᱦᱟᱨᱫᱚᱭ ᱦᱚᱱᱚᱛ ᱨᱮ ᱥᱟᱭ ᱠᱟᱲᱟ ᱙᱗.᱔᱕% ᱦᱤᱥ ᱦᱚᱲ ᱫᱚ ᱦᱤᱱᱫᱤ ᱯᱟ.ᱨᱥᱤ ᱠᱚ ᱞᱟᱲ ᱪᱟᱲ ᱮᱫᱟ, ᱟᱨ ᱥᱟᱨᱮᱡ ᱥᱟᱭ ᱠᱟᱲᱟ ᱒.᱔᱕% ᱦᱤᱥ ᱦᱚᱲ ᱫᱚ ᱩᱲᱫᱩ ᱯᱟ.ᱨᱥᱤ ᱠᱚ ᱞᱟᱲ ᱪᱟᱲ ᱮᱫᱟ ᱟᱠᱚᱣᱟᱜ ᱯᱟ.ᱦᱤᱞ ᱜᱚᱜᱚ ᱯᱟ.ᱨᱥᱤ ᱢᱮᱱᱛᱮ᱾
ᱫᱷᱚᱨᱚᱢ ᱥᱟᱯᱲᱟᱣ
ᱱᱤᱭᱟ. ᱦᱚᱱᱚᱛ ᱨᱮ ᱥᱟᱭ ᱠᱟᱱᱟ ᱙᱕.᱗᱑% ᱦᱤᱥ ᱫᱚ ᱦᱤᱱᱫᱩ ᱫᱷᱚᱨᱚᱢ ᱠᱚ ᱯᱟᱧᱡᱟᱭ ᱮᱫᱟ, ᱟᱨ ᱥᱟᱭ ᱠᱟᱲᱟ ᱑᱓.᱕᱙% ᱦᱤᱥ ᱦᱚᱲ ᱫᱚ ᱤᱥᱞᱟᱢ ᱫᱷᱚᱨᱚᱢ ᱯᱟᱧᱡᱟᱭᱮᱫᱟ ᱟᱨ ᱥᱟᱨᱮᱡ ᱥᱟᱭ ᱠᱟᱲᱟ ᱐.᱗᱐% ᱦᱚᱲ ᱫᱚ ᱮᱴᱟᱜ ᱮᱴᱟᱜ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱮᱫᱟ᱾
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱦᱟᱨᱫᱚᱭ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱔,᱐᱙᱑,᱓᱘᱐ ᱡᱚᱱᱟ, ᱦᱚᱲ ᱞᱮᱠᱷᱟ ᱦᱤᱥᱟ.ᱵᱽ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱞᱮᱵᱟᱱᱚᱱ ᱫᱤᱥᱚᱢ ᱩᱱᱟ.ᱜ ᱢᱟᱨᱟᱝ ᱟᱨ ᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱳᱨᱮᱜᱚᱱ ᱯᱚᱱᱚᱛ ᱩᱱᱟ.ᱜ ᱢᱟᱨᱟᱝ ᱦᱩᱭᱩᱜ-ᱟ᱾ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱕᱑ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱖᱘᱓ ᱡᱚᱱᱟ ᱦᱚᱲ ᱠᱚ ᱜᱤᱨᱟ.ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟ.ᱵᱤᱡ ᱱᱚᱣᱟ ᱦᱟᱨᱫᱚ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱒᱐.᱓᱙%᱾ ᱦᱟᱨᱫᱚᱭ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱘᱕᱖ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱗᱘%᱾