ᱦᱟᱭᱞᱟᱠᱟᱱᱫᱤ
ᱦᱟᱭᱞᱟᱠᱟᱱᱫᱤ (ᱟᱲᱟᱝ:ˈhaɪləˌkʌndi) ᱫᱚ ᱟᱥᱟᱢ ᱨᱮᱭᱟᱜ ᱦᱟᱭᱞᱟᱠᱟᱱᱫᱤ ᱦᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱱᱟᱝᱜᱽᱨᱟᱦᱟ ᱟᱨ ᱦᱟᱭᱞᱟᱠᱟᱱᱫᱤ ᱦᱚᱱᱚᱛ ᱨᱮᱭᱟᱜ ᱫᱚᱵᱟᱹᱴᱤᱭᱟ ᱴᱷᱟᱺᱭ ᱠᱟᱱᱟ| ᱦᱟᱭᱞᱟᱠᱟᱱᱫᱤ ᱟᱥᱟᱢ ᱨᱮᱭᱟᱜ ᱯᱮᱭᱟ ᱵᱟᱝᱟᱞᱤ ᱦᱚᱱᱚᱛ ᱢᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟ| ᱱᱚᱣᱟ ᱵᱚᱨᱟᱠ ᱵᱮᱰᱟ ᱠᱷᱚᱱᱰ ᱨᱮ ᱢᱮᱱᱟᱜ ᱟᱠᱟᱫᱟ|
| ᱦᱟᱭᱞᱟᱠᱟᱱᱫᱤ | |
|---|---|
| ᱱᱟᱝᱜᱽᱨᱟᱦᱟ, ᱦᱚᱱᱚᱛ ᱫᱚᱵᱷᱟᱺᱴᱤᱭᱟᱹ | |
  ᱦᱟᱭᱞᱟᱠᱟᱱᱫᱤ  ᱦᱟᱭᱞᱟᱠᱟᱱᱫᱤ | |
| Coordinates: 24°41′N 92°34′E / 24.68°N 92.57°ECoordinates: 24°41′N 92°34′E / 24.68°N 92.57°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱟᱥᱟᱢ |
| ᱦᱚᱱᱚᱛ | ᱦᱟᱭᱞᱟᱠᱟᱱᱫᱤ |
| ᱦᱚᱱᱚᱛ ᱵᱟᱱᱫᱷᱟᱣ | ᱑ ᱚᱠᱴᱚᱵᱚᱨ ᱑᱙᱘᱙ |
| ᱥᱚᱨᱠᱟᱨ | |
| • ᱪᱟᱪᱞᱟᱣ | ᱦᱟᱭᱞᱟᱠᱟᱱᱫᱤ ᱢᱟᱱᱤᱥᱤᱯᱟᱞᱤᱴᱤ ᱵᱚᱨᱰ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 1327 ᱠᱤᱢᱤ২ (512 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 21 ᱢᱤᱴᱚᱨ (69 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱖᱕᱙᱒᱖᱐ |
| • ᱰᱮᱱᱥᱤᱴᱤ | 497/ᱠᱤᱢᱤ2 (1290/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤᱠᱚ | |
| • Official | ᱵᱟᱝᱞᱟ |
| ᱥᱤᱧᱚᱛ ᱢᱟᱹᱱ ᱚᱠᱛᱮ (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | ᱗᱘᱘᱑᱕᱕ |
| ᱴᱮᱞᱮ-ᱠᱚᱰ | ᱙᱑ - (0) ᱐᱓᱘᱔᱔ |
| ᱜᱟᱹᱰᱤ ᱨᱤᱡᱤᱥᱴᱨᱤ | AS-24 |
| ᱥᱟᱝᱜᱮ ᱨᱚᱨᱚᱲ ᱯᱟᱹᱨᱥᱤ | ᱥᱤᱞᱮᱴᱤ |
| ᱣᱮᱵᱽᱥᱟᱭᱤᱴ | hailakandi |
ᱦᱟᱭᱞᱟᱠᱟᱱᱫᱤ ᱱᱟᱝᱜᱽᱨᱟᱦᱟ ᱥᱟᱶᱛᱟ ᱨᱮᱱ ᱯᱟᱹᱦᱤᱞ ᱯᱟᱨᱥᱮᱛ ᱫᱚᱭ ᱛᱟᱦᱮᱸ ᱠᱟᱱᱟ ᱢᱚᱣᱞᱟᱱᱟ ᱢᱟᱛᱚᱞᱤᱵᱽ, ᱥᱤᱧᱚᱛ ᱴᱚᱴᱷᱟᱠᱤᱭᱟᱹ ᱥᱟᱥᱚᱱ ᱜᱩᱴ ᱨᱮᱱ ᱯᱟᱹᱦᱤᱞ ᱥᱤᱧᱚᱛᱤᱭᱟᱹ ᱯᱟᱨᱥᱮᱛ| ᱑᱙᱔᱖ ᱥᱮᱨᱢᱟ ᱨᱮ ᱟᱥᱟᱢ ᱥᱚᱨᱠᱟᱨ ᱟᱜ ᱠᱮᱵᱤᱱᱮᱴ ᱢᱚᱱᱛᱨᱤ ᱦᱩᱫᱟᱹ ᱨᱮ ᱛᱟᱦᱮᱱ ᱚᱠᱛᱮ ᱠᱷᱚᱱ ᱜᱮ ᱱᱩᱭ ᱫᱚ ᱱᱚᱣᱟ ᱦᱩᱫᱟᱹ ᱨᱮᱭᱮ ᱛᱟᱦᱮᱸᱠᱟᱱᱟ|
ᱧᱩᱛᱩᱢ ᱚᱢᱚᱱ
ᱥᱟᱯᱲᱟᱣᱦᱟᱭᱞᱟᱠᱟᱱᱫᱤ ᱧᱩᱛᱩᱢ ᱚᱱᱚᱢᱚᱜ ᱤᱫᱤ ᱠᱟᱛᱮ ᱦᱚᱸ ᱟᱹᱰᱤ ᱟᱭᱢᱟ ᱞᱟᱹᱭᱼᱪᱟᱞ ᱟᱹᱜᱩ ᱠᱟᱛᱷᱟ ᱠᱚ ᱢᱮᱱᱟᱜ ᱟᱠᱟᱫᱟ| ᱟᱫᱚᱢ ᱦᱚᱲ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱵᱚᱨᱟᱠ ᱜᱟᱰᱟ ᱨᱮᱭᱟᱜ ᱰᱩᱵᱟᱹ ᱫᱟᱜ ᱠᱷᱚᱱ ᱵᱟᱧᱪᱟᱣᱚᱜ ᱞᱟᱹᱜᱤᱫ ᱠᱚ ᱛᱚᱞ ᱞᱮᱫ ᱵᱟᱱᱫᱽ ᱨᱮᱭᱟᱜ ᱴᱚᱴᱷᱟ ᱧᱩᱛᱩᱢ ᱫᱚ "ᱟᱭᱤᱞ" ᱥᱮ "ᱦᱟᱭᱤᱞ" ᱟᱨ ᱵᱚᱰᱚᱼᱠᱟᱥᱟᱨᱤ ᱯᱟᱹᱨᱥᱤ ᱛᱮ "ᱠᱟᱱᱫᱤ" ᱨᱮᱭᱟᱜ ᱢᱮᱱᱛ ᱫᱚ ᱜᱟᱹᱪᱷᱤ ᱠᱟᱱᱟ, ᱦᱩᱲᱩ ᱜᱚᱰᱟ ᱠᱷᱚᱱ ᱦᱟᱭᱞᱟᱠᱟᱱᱫᱤ ᱧᱩᱛᱩᱢ ᱫᱚ ᱚᱱᱚᱢ ᱟᱠᱟᱱᱟ| ᱟᱫᱚᱢ ᱮᱴᱟᱜ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ, ᱦᱚᱱᱚᱛ ᱨᱮᱭᱟᱜ ᱧᱩᱛᱩᱢ ᱠᱩᱠᱤ ᱟᱹᱲᱟᱹ "ᱦᱟᱞᱟᱢ" ᱢᱮᱱᱮᱛ ᱦᱩᱰᱤᱧ ᱨᱟᱡᱚᱥᱴᱤ, ᱴᱚᱴᱷᱟ ᱥᱮ ᱠᱷᱚᱱᱰ ᱟᱨ "ᱠᱩᱱᱫᱤᱭᱟ" ᱢᱮᱱᱮᱛ ᱦᱟᱞᱚᱣᱟ ᱛᱚᱞᱤ ᱠᱷᱚᱱ ᱦᱮᱡ ᱟᱠᱟᱱᱟ| ᱟᱨ ᱢᱤᱫᱴᱮᱱ ᱞᱟᱹᱭ ᱪᱟᱞ ᱟᱹᱜᱩ ᱠᱟᱛᱷᱟ ᱫᱚ ᱠᱟᱱᱟ ᱵᱟᱝᱢᱟ, ᱟᱹᱰᱤ ᱵᱟᱹᱲᱛᱤ ᱥᱟᱞᱤ ᱦᱩᱲᱩ ᱦᱩᱭᱩᱜ ᱤᱭᱟᱹᱛᱮ, "ᱥᱟᱭᱤᱞ ᱠᱟᱱᱫᱷᱤ" ᱟᱨ ᱛᱟᱭᱚᱢ ᱫᱟᱨᱟᱢ ᱱᱚᱣᱟ ᱠᱷᱚᱱ ᱜᱮ ᱦᱟᱭᱞᱟᱠᱟᱱᱫᱤ ᱦᱩᱭ ᱟᱠᱟᱱᱟ|
ᱚᱛᱱᱚ
ᱥᱟᱯᱲᱟᱣᱦᱟᱭᱞᱟᱠᱟᱱᱰᱤ ᱨᱮᱭᱟᱜ ᱛᱷᱟᱢᱜᱟᱹᱰᱤ ᱫᱚ ᱦᱩᱭᱩᱜ ᱠᱟᱱᱟ 24.68°N 92.57°E। ᱱᱚᱣᱟ ᱫᱚ ᱵᱚᱨᱟᱠ ᱵᱮᱰᱟ ᱨᱮᱭᱟᱜ ᱡᱚᱡᱚᱢ ᱛᱟᱞᱟ ᱨᱮ ᱢᱮᱱᱟᱜ ᱟᱠᱟᱫᱟ। ᱚᱛᱱᱚᱛ ᱞᱮᱠᱟ ᱛᱮ ᱦᱟᱭᱞᱟᱠᱟᱱᱰᱤ ᱫᱚ ᱵᱮᱲᱟᱦᱟᱭ ᱛᱮ ᱵᱩᱨᱩ ᱛᱷᱚᱠ ᱛᱮ ᱮᱥᱮᱫ ᱟᱠᱟᱱ, ᱥᱚᱢᱟᱱ ᱚᱛ ᱠᱟᱱᱟ| ᱱᱚᱣᱟ ᱫᱚ ᱥᱤᱧᱳᱴ ᱟᱨ ᱥᱟᱢᱟᱝ ᱮᱥᱤᱭᱟ ᱛᱟᱞᱟ ᱨᱮ ᱞᱟᱭᱼᱞᱟᱠᱪᱟᱨ ᱨᱮᱭᱟᱜ ᱢᱤᱞᱚᱱ ᱦᱟᱥᱟ ᱠᱟᱱᱟ|
ᱯᱟᱹᱨᱥᱤ
ᱥᱟᱯᱲᱟᱣᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱨᱟᱡᱽ ᱯᱟᱹᱨᱥᱤ ᱟᱥᱟᱢᱤᱥ ᱟᱨ ᱤᱝᱨᱟᱹᱡᱤ ᱠᱟᱱ ᱨᱮᱦᱚᱸ, ᱵᱚᱨᱟᱠ ᱵᱮᱰᱟ ᱨᱮᱭᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱱᱵᱟᱝᱞᱟ ᱵᱦᱟᱥᱟ ᱠᱟᱱᱟ| ᱱᱤᱭᱟᱹ ᱴᱚᱴᱷᱟ ᱨᱮᱱ ᱰᱷᱮᱨ ᱦᱚᱲ ᱜᱮ ᱥᱤᱞᱮᱴᱤ ᱯᱟᱹᱨᱥᱤ ᱠᱚ ᱨᱚᱲᱟ| ᱱᱤᱭᱟᱹ ᱥᱟᱶᱛᱮ ᱮᱴᱟᱜ ᱡᱚᱱᱚᱡᱟᱹᱛᱤ ᱯᱟᱹᱨᱥᱤ ᱦᱚᱸ ᱠᱚ ᱨᱚᱲᱟ| ᱱᱤᱭᱟᱹ ᱴᱚᱴᱷᱟ ᱨᱮ ᱫᱚ ᱟᱥᱟᱢᱤᱥ ᱵᱷᱟᱥᱤᱠ ᱠᱚᱣᱟᱜ ᱞᱮᱠᱷᱟ ᱫᱚ ᱟᱹᱰᱤ ᱠᱚᱢ ᱜᱮᱭᱟ|