ᱨᱚᱝ ᱜᱷᱚᱨ

ᱨᱚᱝ ᱜᱷᱚᱨ (ᱟᱥᱟᱢᱤᱥᱺ ৰংঘৰ; ᱤᱝᱨᱟᱹᱡᱤ: Rang Ghar) ᱫᱚ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮ ᱢᱮᱱᱟᱜ ᱟᱠᱟᱫ ᱢᱤᱫᱴᱮᱱ ᱵᱟᱨ ᱛᱟᱞᱟᱣᱟᱱ ᱯᱟᱠᱟ ᱫᱚᱞᱟᱱ ᱚᱲᱟᱜ, ᱚᱠᱟ ᱟᱦᱩᱢ ᱨᱟᱡᱽ ᱥᱟᱥᱚᱱ ᱚᱠᱛᱮ ᱨᱮ ᱯᱮᱵᱷᱮᱞᱤᱭᱟᱱ ᱞᱮᱠᱟ ᱛᱮ ᱵᱮᱣᱦᱟᱨᱚᱜ ᱠᱟᱱ ᱛᱟᱦᱮᱸᱠᱟᱱᱟ ᱾ ᱥᱤᱵᱽ ᱥᱟᱜᱚᱨ ᱱᱟᱝᱜᱽᱨᱟᱦᱟ ᱠᱷᱚᱱ ᱥᱩᱢᱩᱝ ᱓ (ᱯᱮ) ᱠᱤᱞᱚ ᱢᱤᱴᱟᱨ ᱜᱟᱱ ᱥᱟᱝᱜᱤᱧᱟ ᱱᱤᱭᱟᱹ ᱫᱚᱞᱟᱱᱱ ᱫᱚ ᱾ ᱱᱚᱣᱟ ᱫᱚᱞᱟᱱ ᱠᱷᱚᱱ ᱜᱮ ᱢᱤᱫ ᱚᱠᱛᱮ ᱫᱚ ᱨᱟᱡᱽ ᱜᱷᱟᱨᱚᱧᱡᱽ ᱟᱨ ᱠᱷᱟᱥ ᱨᱟᱡᱽ ᱡᱟᱹᱜᱤᱨᱤᱭᱟᱹ ᱠᱚ ᱫᱚ ᱟᱥᱚᱠᱟᱭ ᱛᱮ ᱨᱤᱝᱟᱞᱤ ᱵᱤᱦᱩ ᱚᱠᱛᱮ ᱨᱮ ᱚᱨᱟᱢᱚᱜ ᱠᱟᱱ ᱠᱟᱰᱟ ᱨᱚᱯᱚᱜ ᱥᱮ ᱠᱟᱰᱟ ᱞᱟᱹᱲᱦᱟᱹᱭ, ᱵᱩᱞᱵᱩᱞ ᱪᱮᱬᱮ ᱞᱟᱹᱲᱦᱟᱹᱭ ᱮᱢᱟᱱ ᱨᱟᱹᱥᱠᱟᱹᱣᱟᱱᱟᱜ ᱟᱠᱷᱲᱟ ᱠᱚ ᱱᱚᱱᱰᱮ ᱠᱷᱚᱱ ᱜᱮᱠᱚ ᱧᱮᱞᱮᱫ ᱠᱟᱱ ᱛᱟᱦᱮᱸᱠᱟᱱᱟ ᱾ ᱨᱚᱝ ᱜᱷᱚᱨ ᱫᱚ ᱮᱥᱤᱭᱟ ᱨᱮᱭᱟᱜ ᱯᱟᱹᱦᱤᱞ ᱯᱮᱵᱷᱮᱞᱤᱭᱟᱱ ᱢᱮᱱᱛᱮ ᱵᱤᱠᱟᱹᱣᱚᱜ ᱠᱟᱱᱟ ᱾ ᱱᱤᱭᱟᱹ ᱫᱚᱞᱟᱱ ᱫᱚ ᱟᱦᱩᱢ ᱨᱚᱡᱚᱥᱴᱷᱤ ᱨᱮ ᱢᱤᱫᱴᱮᱱ ᱨᱟᱡᱽᱜᱟᱲ ᱨᱚᱝᱯᱩᱨ ᱨᱩᱯᱚᱥᱤ ᱴᱟᱱᱰᱤ ᱨᱮ ᱑᱗᱔᱖ ᱥᱮᱨᱢᱟ ᱨᱮ ᱥᱚᱨᱜᱚᱚ ᱫᱮᱣ ᱯᱨᱚᱢᱚᱛᱷ ᱥᱤᱝᱦᱚ ᱣᱟᱜ ᱨᱟᱡᱚᱜ ᱚᱠᱛᱮ ᱨᱮ ᱱᱤᱭᱟᱹ ᱫᱚ ᱵᱮᱱᱟᱣ ᱞᱮᱱᱟ ᱾ ᱱᱤᱭᱟᱹ ᱠᱚᱸᱭᱮᱸ ᱨᱮᱫᱚ ᱛᱚᱞᱟᱛᱚᱞ ᱚᱲᱟᱜ, ᱯᱟᱪᱷᱮ ᱨᱮ ᱡᱚᱭ ᱥᱟᱜᱚᱨ, ᱟᱥᱟᱢ ᱴᱨᱟᱱᱠ ᱨᱳᱰ ᱨᱮᱭᱟᱜ ᱟᱲᱮ ᱨᱮᱜᱮ ᱢᱮᱱᱟᱜ ᱟᱠᱟᱫᱟ ᱾

ᱨᱚᱝ ᱜᱷᱚᱨ Rang Ghar ৰংঘৰ
ᱵᱟᱦᱟ ᱵᱟᱜᱟᱱ ᱱᱟᱠᱷᱟ ᱠᱷᱚᱱ ᱨᱚᱝ ᱜᱷᱚᱚᱨ ᱨᱮᱭᱟᱜ ᱢᱩᱴᱷᱟᱹᱱ
Location within India
General information
Architectural style	ᱟᱦᱩᱢ ᱨᱟᱡᱟ ᱠᱟᱹᱨᱤᱜᱚᱞ
Location	ᱥᱤᱵᱽ ᱥᱟᱜᱚᱨ ᱟᱥᱟᱢ ᱥᱤᱧᱚᱛ
Coordinates	26.9670°N 94.6190°E / 26.9670; 94.6190
Completed	ᱯᱨᱚᱢᱚᱛ ᱥᱤᱝᱦᱚ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ
Technical details
Structural system	ᱤᱴᱟᱹ ᱟᱨ ᱟᱹᱫᱤᱢ ᱥᱤᱢᱮᱱᱴ

ᱠᱟᱨᱤᱜᱚᱞ

ᱨᱚᱝ ᱜᱷᱚᱨ ᱵᱮᱱᱟᱣ ᱨᱮᱭᱟᱜ ᱠᱟᱨᱤᱜᱚᱞ ᱨᱮ ᱤᱥᱞᱟᱢᱤᱠ ᱠᱟᱨᱤᱜᱚᱞ ᱨᱮᱭᱟᱜᱜ ᱮᱞᱟᱝ ᱚᱨᱥᱚᱝ ᱯᱟᱲᱟᱣ ᱟᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱛᱟᱞᱱᱟ ᱜᱟᱛᱷᱟᱣ ᱫᱚ ᱯᱚᱱ ᱠᱚᱱᱟ ᱜᱮᱭᱟ ᱾ ᱵᱟᱨ ᱱᱟᱠᱷᱟ ᱢᱟᱲᱟᱝ ᱠᱟᱛᱮ ᱴᱨᱮᱯᱮᱡᱤᱭᱟᱢ ᱢᱩᱴᱷᱟᱹᱱ ᱮᱢ ᱦᱚᱭ ᱟᱠᱟᱱᱟ ᱾ ᱨᱚᱝ ᱜᱷᱚᱨ ᱨᱮᱭᱟᱜ ᱥᱟᱹᱲᱤᱢ ᱫᱚ ᱜᱚᱞ ᱟᱨ ᱦᱟᱹᱨᱩᱵ ᱜᱮᱭᱟ, ᱢᱤᱫᱴᱮᱱ ᱵᱟᱟᱹᱴᱤ ᱨᱮᱭᱟᱜ ᱢᱩᱴᱷᱟᱹᱱ ᱞᱮᱠᱟ ᱾ ᱨᱟᱯᱟᱜ ᱤᱴᱟᱹ ᱪᱷᱟᱰᱟ ᱮᱴᱟᱜ ᱞᱮᱠᱟ ᱫᱷᱟᱛᱩ ᱫᱚ ᱵᱟᱝ ᱵᱮᱣᱦᱟᱨ ᱟᱠᱟᱱᱟ। ᱤᱴᱟᱹ ᱜᱟᱛᱷᱟᱣ ᱞᱟᱹᱜᱤᱫ ᱦᱚᱲᱮᱡ ᱫᱟᱹᱞ, ᱜᱮᱰᱮ ᱵᱤᱞᱤ, ᱵᱷᱩᱨᱱᱤ ᱦᱩᱲᱩ ᱮᱢᱟᱱ ᱛᱮᱭᱟᱜ ᱡᱤᱱᱤᱥ ᱛᱮ ᱛᱮᱭᱟᱨ ᱦᱚᱭ ᱞᱮᱱᱟ ᱾

ᱱᱟᱜᱟᱢ

ᱯᱟᱹᱦᱤᱞ ᱥᱚᱨᱜᱚ ᱫᱮᱣ ᱨᱩᱫᱽᱨᱚ ᱥᱤᱝᱦᱚ ᱫᱚ ᱠᱟᱴ ᱟᱨ ᱢᱟᱫ ᱛᱮᱭᱮ ᱵᱮᱱᱟᱣ ᱞᱮᱫᱟ ᱢᱮᱱᱠᱷᱟᱱ ᱑᱗᱔᱖ ᱥᱮᱨᱢᱟ ᱨᱮ ᱥᱚᱨᱜᱚ ᱫᱮᱣ ᱯᱨᱚᱢᱚᱛ ᱥᱤᱝᱦᱚ ᱫᱚᱭᱮ ᱵᱮᱱᱟᱣ ᱯᱩᱨᱟᱹᱣ ᱜᱚᱫ ᱠᱟᱫᱟ ᱾ ᱨᱚᱝ ᱜᱷᱚᱨ ᱫᱚᱞᱟᱱ ᱵᱮᱱᱟᱣ ᱦᱚᱨᱟ ᱫᱚ ᱡᱚᱛᱳ ᱴᱚᱴᱷᱟ ᱦᱚᱨᱟ ᱛᱮᱜᱮ ᱵᱮᱱᱟᱣ ᱟᱠᱟᱱᱟ ᱾ ᱟᱥᱚᱠᱟᱭ ᱛᱮ ᱵᱚᱣᱟᱲ ᱦᱟᱹᱠᱩ, ᱵᱷᱩᱨᱱᱤ ᱪᱟᱣᱞᱮ, ᱜᱮᱰᱮ ᱵᱤᱞᱤ, ᱦᱚᱲᱮᱡ-ᱨᱚᱢᱵᱽᱲᱟ ᱮᱢᱟᱱ ᱡᱤᱱᱤᱥ ᱠᱚ ᱢᱤᱞᱟᱹᱣ ᱠᱟᱛᱮ ᱤᱴᱟᱹ ᱜᱟᱛᱷᱟᱣ ᱢᱚᱥᱚᱞᱟ ᱫᱚ ᱛᱮᱭᱟᱨ ᱞᱮᱱᱟ ᱾ ᱵᱷᱤᱛ ᱨᱮᱫᱚ ᱟᱭᱢᱟ ᱫᱮᱵᱽ- ᱫᱮᱵᱤ, ᱠᱳᱞ-ᱛᱟᱹᱨᱩᱵ, ᱦᱟᱹᱛᱤ ᱮᱢᱟᱱ ᱨᱮᱭᱟᱜ ᱪᱤᱛᱟᱹᱨ ᱠᱚ ᱵᱮᱱᱟᱣ ᱟᱠᱟᱱᱟ ᱾

ᱜᱮᱞᱟᱨᱤ

• 
  Rang Ghar view from the entrance
• 
  Rang Ghar signage by ASI
• 
  View of the gardens from the Rang Ghar pavilion's upper floors

ᱵᱟᱦᱨᱮ ᱡᱚᱱᱚᱲ

• Rang Ghar
• National Games logo Archived ᱒᱐᱐᱘-᱐᱓-᱑᱒ at the Wayback Machine.
• Rangghar: the oldest amphitheatre in Asia Archived ᱒᱐᱑᱖-᱐᱓-᱐᱔ at the Wayback Machine.