ᱨᱟᱡᱽ ᱵᱷᱚᱵᱚᱱ, ᱵᱮᱸᱜᱽᱞᱳᱨ
ᱨᱟᱡᱽ ᱵᱷᱚᱵᱚᱱ, ᱠᱚᱨᱱᱟᱴᱚᱠ ᱫᱚ ᱥᱤᱧᱚᱛ ᱨᱮᱱᱟᱜ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱵᱮᱝᱜᱟᱞᱩᱨᱩ ᱥᱚᱦᱚᱨ ᱨᱮ ᱢᱮᱱᱟᱜ ᱠᱚᱨᱱᱟᱴᱚᱠ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱚᱲᱟᱜ ᱠᱟᱱᱟ ᱾ ᱑᱙ ᱥᱟᱭ ᱥᱮᱨᱢᱟ ᱢᱩᱪᱟᱹᱫ ᱨᱮ ᱵᱮᱱᱟᱣ ᱞᱮᱱᱟ ᱾
| ᱨᱟᱡᱽ ᱵᱷᱚᱵᱚᱱ, ᱠᱚᱨᱱᱟᱴᱚᱠ | |
|---|---|
 | |
 | |
| Former names | ᱨᱮᱡᱤᱰᱮᱱᱥᱤ |
| General information | |
| Status | ᱠᱚᱨᱱᱟᱴᱚᱠ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱚᱲᱟᱜ |
| Location | ᱵᱮᱸᱜᱽᱞᱳᱨ, ᱠᱚᱨᱱᱟᱴᱚᱠ, ᱥᱤᱧᱚᱛ |
| Coordinates | 12°58′56″N 77°35′29″E / 12.982257°N 77.591360°ECoordinates: 12°58′56″N 77°35′29″E / 12.982257°N 77.591360°E |
| Current tenants | ᱛᱷᱟᱣᱟᱨ ᱪᱟᱱᱫᱽ ᱜᱮᱦᱞᱳᱴ |
| Construction started | ᱑᱘᱔᱐ |
| Completed | ᱑᱘᱔᱒ |
| Design and construction | |
| Architect | ᱥᱤᱨ ᱢᱟᱨᱠ ᱠᱟᱵᱚᱱ |
| Website | |
| http://rajbhavan.kar.nic.in | |
ᱱᱟᱜᱟᱢ
ᱥᱟᱯᱲᱟᱣᱢᱟᱲᱟᱝ ᱨᱮ ᱵᱮᱝᱜᱟᱞᱩᱨᱩ ᱨᱮᱡᱤᱰᱮᱱᱥᱤ ᱫᱚ ᱢᱮᱭᱥᱩᱨᱩ ᱯᱚᱱᱚᱛ ᱨᱮᱡᱤᱰᱮᱱᱥᱤ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ ᱾ ᱱᱚᱣᱟ ᱫᱚ ᱠᱚᱨᱱᱟᱴᱚᱠ ᱨᱮᱱᱟᱜ ᱨᱟᱡᱽᱜᱟᱲ ᱵᱮᱸᱜᱽᱞᱳᱨ ᱨᱮ ᱢᱮᱱᱟᱜᱼᱟ ᱾ ᱢᱮᱭᱥᱩᱨ ᱥᱟᱢᱨᱟᱡᱽ ᱚᱠᱛᱚ ᱨᱮ ᱱᱚᱣᱟ ᱫᱚ ᱨᱤᱡᱤᱰᱮᱱᱴ ᱥᱮ ᱠᱚᱢᱤᱥᱚᱱᱚᱨᱟᱜ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱢᱟᱭᱥᱩᱨ ᱥᱟᱢᱨᱟᱡᱽ ᱥᱟᱞᱟᱜ ᱜᱚᱲᱚ ᱥᱚᱦᱚᱫ ᱨᱮ ᱛᱟᱦᱮᱸ ᱠᱟᱱᱟ ᱾
ᱵᱮᱸᱜᱽᱞᱳᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱴᱷᱟᱶ ᱦᱟᱭ ᱜᱨᱟᱣᱩᱱᱰᱥ (ᱫᱚᱨᱭᱟ ᱟᱴᱮᱫ ᱠᱷᱚᱱ ᱓᱐᱓᱑ ᱯᱷᱤᱴ ᱪᱮᱛᱟᱱ) ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱥᱟᱨ ᱢᱟᱨᱠ ᱠᱭᱩᱵᱚᱱ ᱑᱘᱔᱐ ᱟᱨ ᱑᱘᱔᱒ ᱥᱟᱞ ᱨᱮᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱡᱚᱠᱷᱚᱱ ᱩᱱᱤ ᱫᱚ ᱵᱨᱤᱴᱤᱥ ᱠᱚᱣᱟᱜ ᱢᱟᱭᱥᱩᱨ ᱴᱚᱴᱷᱟ ᱨᱤᱱᱤᱡ ᱠᱚᱢᱤᱥᱚᱱᱟᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱑᱘᱖᱑ ᱥᱮᱨᱢᱟ ᱨᱮ ᱠᱳᱵᱟᱵᱚᱱ ᱪᱟᱞᱟᱣ ᱮᱱ ᱛᱟᱭᱚᱢ, ᱱᱚᱣᱟ ᱴᱚᱴᱷᱟ ᱫᱚ ᱟᱹᱠᱷᱨᱤᱧ ᱞᱟᱹᱜᱤᱫ ᱠᱚ ᱫᱚᱦᱚ ᱞᱮᱫᱟ ᱟᱨ ᱥᱚᱨᱠᱟᱨᱤ ᱥᱚᱦᱚᱫ ᱠᱚ ᱵᱮᱵᱷᱟᱨ ᱞᱮᱫᱟ, ᱚᱱᱟ ᱛᱟᱭᱚᱢ ᱠᱚᱢᱤᱥᱚᱱᱟᱨ ᱞᱮᱣᱤᱱ ᱵᱮᱸᱛᱷᱚᱢ ᱵᱳᱨᱤᱝ ᱱᱚᱣᱟ ᱫᱚᱭ ᱦᱟᱛᱟᱣ ᱠᱮᱜᱼᱟ ᱟᱨ ᱱᱚᱣᱟ ᱫᱚ ᱠᱚᱢᱤᱥᱚᱱᱟᱨᱟᱜ ᱥᱚᱨᱠᱟᱨᱤ ᱚᱲᱟᱜ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱾
᱑᱘᱗᱔ ᱥᱮᱨᱢᱟ ᱨᱮ ᱠᱤᱝ ᱮᱰᱣᱟᱨᱰ ᱥᱮᱯᱴᱢ, ᱯᱨᱤᱱᱥ ᱚᱯᱷ ᱣᱮᱞᱥ, ᱥᱤᱧᱚᱛ ᱮ ᱥᱮᱴᱮᱨ ᱞᱮᱱ ᱚᱠᱛᱚ ᱨᱮ ᱢᱤᱫᱴᱮᱱ ᱵᱚᱞᱨᱩᱢ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱱᱚᱣᱟ ᱡᱟᱦᱟᱡᱽ ᱨᱮᱱᱟᱜ ᱧᱩᱛᱩᱢ ᱨᱮ 'ᱥᱮᱨᱟᱯᱤᱥ ᱨᱩᱢ' ᱧᱩᱛᱩᱢ ᱠᱚ ᱫᱚᱦᱚ ᱠᱮᱫᱟ, ᱡᱟᱦᱟᱸ ᱫᱚ ᱢᱩᱢᱵᱟᱭ ᱨᱮ ᱯᱨᱤᱱᱥ ᱮ ᱟᱹᱜᱩ ᱞᱮᱫ ᱛᱟᱦᱮᱸᱫ ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱱᱚᱶᱟ ᱵᱤᱞᱰᱤᱝ ᱨᱮ ᱟᱹᱰᱤᱜᱟᱱ ᱵᱚᱫᱚᱞ ᱠᱚ ᱦᱩᱭ ᱞᱮᱱᱟ ᱾ ᱑᱘᱘᱑ ᱥᱟᱞ ᱨᱮ, ᱡᱚᱠᱷᱚᱱ ᱢᱟᱭᱥᱩᱨ ᱨᱟᱡᱟ ᱜᱷᱟᱨᱚᱸᱡᱽ ᱛᱮ ᱨᱩᱣᱟᱹᱲ ᱮᱱᱟ, ᱚᱱᱟᱛᱮ ᱠᱚᱢᱤᱥᱚᱱᱚᱨ ᱟᱜ ᱚᱯᱷᱤᱥ ᱫᱚ ᱵᱚᱫᱚᱞ ᱮᱱᱟ ᱾
᱑᱙᱔᱗ ᱛᱟᱭᱚᱢ
ᱥᱟᱯᱲᱟᱣᱱᱚᱣᱟ ᱫᱚ ᱨᱮᱡᱤᱰᱮᱱᱴᱟᱜ ᱥᱚᱨᱠᱟᱨᱤ ᱚᱲᱟᱜ ᱵᱮᱱᱟᱣ ᱮᱱᱟ ᱟᱨ ᱥᱤᱧᱚᱛ ᱯᱷᱩᱨᱜᱟᱹᱞ ᱫᱷᱟᱹᱨᱤᱡ (᱑᱕ ᱚᱜᱚᱥᱴ ᱑᱙᱔᱗) ᱱᱚᱣᱟ ᱫᱚ ᱨᱮᱡᱤᱰᱮᱱᱥᱤ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱯᱷᱩᱨᱜᱟᱹᱞ ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱨᱮ "ᱨᱟᱡᱽ ᱯᱨᱚᱢᱩᱠᱷ" (ᱯᱚᱱᱚᱛ ᱜᱚᱢᱠᱮ) ᱟᱜ ᱚᱯᱷᱤᱥ ᱵᱮᱱᱟᱣ ᱮᱱᱟ ᱾ ᱢᱮᱭᱥᱩᱨ ᱨᱤᱱᱤᱡ ᱢᱚᱦᱟᱨᱟᱡᱟ ᱫᱚ ᱢᱮᱭᱥᱩᱨ ᱨᱤᱱᱤᱡ ᱯᱩᱭᱞᱩ ᱨᱟᱡᱽ ᱯᱨᱚᱢᱩᱠᱷ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱾ ᱢᱮᱱᱠᱷᱟᱱ ᱨᱤᱡᱤᱰᱮᱱᱥᱤ ᱫᱚ ᱨᱟᱡᱽ ᱯᱨᱚᱢᱩᱠᱷ ᱟᱜ ᱥᱚᱨᱠᱟᱨᱤ ᱚᱲᱟᱜ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ, ᱢᱮᱱᱠᱷᱟᱱ ᱢᱮᱭᱥᱩᱨ ᱨᱤᱱᱤᱡ ᱢᱚᱦᱟᱨᱟᱡᱟ ᱫᱚ ᱵᱮᱸᱜᱽᱞᱳᱨ ᱟᱨ ᱢᱮᱭᱥᱩᱨ ᱨᱮ ᱟᱡᱟᱜ ᱢᱚᱦᱚᱞ ᱠᱚᱫᱚ ᱫᱚᱦᱚᱭ ᱞᱟᱹᱜᱤᱫ ᱮ ᱜᱚᱴᱟ ᱞᱮᱫ ᱛᱟᱦᱮᱸᱫ ᱾ ᱚᱱᱟᱛᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱨᱤᱡᱮᱰᱮᱱᱥᱤ ᱫᱚ ᱢᱤᱫ ᱯᱚᱱᱚᱛ ᱜᱮᱥᱴ ᱦᱟᱣᱩᱥ ᱨᱮ ᱵᱚᱫᱚᱞ ᱠᱮᱫᱼᱟ ᱾ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ, ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ, ᱛᱟᱞᱢᱟ ᱥᱚᱨᱠᱟᱨ ᱨᱤᱱᱤᱡ ᱢᱚᱱᱛᱨᱤ ᱟᱨ ᱮᱴᱟᱜ ᱯᱚᱱᱚᱛ ᱨᱤᱱ ᱥᱤᱨᱟᱹ ᱢᱚᱱᱛᱨᱤ ᱡᱮᱞᱮᱠᱟ ᱯᱮᱲᱟ ᱠᱚ ᱱᱚᱸᱰᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱨᱱᱟᱴᱚᱠ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱫᱚ ᱨᱮᱡᱤᱰᱮᱱᱥᱤ ᱨᱮ ᱯᱟᱨᱴᱤ ᱠᱚᱭ ᱦᱮᱯᱨᱟᱣ ᱠᱮᱫᱼᱟ ᱾ ᱯᱷᱩᱨᱜᱟᱹᱞ ᱢᱟᱦᱟᱸ ᱟᱨ ᱟᱹᱯᱱᱟᱹᱛ ᱢᱟᱦᱟᱸ ᱨᱮ ᱯᱟᱨᱴᱤ ᱠᱚ ᱨᱟᱡᱽ ᱢᱚᱱᱛᱨᱤ ᱦᱚᱛᱮᱛᱮ ᱠᱚ ᱥᱮᱞᱮᱫᱚᱜ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱦᱚᱨᱟ ᱱᱤᱛ ᱫᱷᱟᱹᱨᱤᱡ ᱪᱟᱞᱟᱜ ᱠᱟᱱᱟ ᱾
ᱠᱚᱝᱜᱽᱨᱮᱥ ᱯᱟᱨᱴᱤ ᱫᱚ ᱟᱡᱟᱜ ᱵᱤᱫᱷᱟᱭᱚᱠ ᱯᱟᱨᱴᱤ ᱫᱩᱯᱩᱲᱩᱵ ᱞᱟᱹᱜᱤᱫ ᱛᱮ ᱦᱚᱸ ᱱᱚᱣᱟ ᱚᱲᱟᱜ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾
ᱯᱷᱨᱮᱸᱠᱞᱤᱱ ᱰᱤ. ᱨᱩᱡᱽᱵᱷᱮᱞᱴ ᱫᱚ ᱥᱤᱧᱚᱛ ᱪᱟᱞᱟᱣ ᱚᱠᱛᱚ ᱨᱮ ᱟᱡ ᱵᱟᱹᱦᱩ ᱮᱞᱮᱱᱳᱨ ᱨᱩᱡᱽᱵᱷᱮᱞᱴ ᱨᱤᱡᱮᱰᱮᱱᱥᱤ ᱨᱮ ᱛᱟᱦᱮᱸ ᱠᱟᱱᱟᱭ ᱾
᱑᱙᱖᱔ ᱥᱟᱞ ᱨᱮ, ᱢᱮᱭᱥᱩᱨ ᱨᱤᱱᱤᱡ ᱢᱚᱦᱟᱨᱟᱡᱟ, ᱡᱚᱭᱪᱟᱢᱨᱟᱡᱽ ᱵᱳᱰᱮᱭᱟᱨ, ᱢᱟᱫᱽᱨᱟᱥ ᱨᱤᱱᱤᱡ ᱨᱟᱡᱽᱯᱟᱞ ᱮ ᱵᱮᱱᱟᱣ ᱮᱱᱟ ᱟᱨ ᱩᱱᱤ ᱫᱚ ᱢᱮᱭᱥᱩᱨ ᱨᱮ ᱟᱡᱟᱜ ᱨᱟᱡᱽᱯᱟᱞ ᱞᱮᱠᱟᱛᱮ ᱴᱷᱟᱶ ᱮ ᱮᱢ ᱠᱮᱜᱼᱟ ᱾ ᱡᱮᱱᱮᱨᱟᱞ ᱮᱥ. ᱮᱢ. ᱥᱨᱤᱱᱚᱜᱮᱥ ᱫᱚ ᱩᱱᱤ ᱛᱟᱭᱚᱢ ᱛᱮ ᱨᱟᱡᱽ ᱵᱷᱚᱵᱚᱱ ᱨᱮᱭ ᱦᱮᱡ ᱞᱮᱱᱟ ᱾ ᱤᱱᱟᱹ ᱛᱟᱭᱚᱢ ᱠᱷᱚᱱ ᱜᱮ ᱱᱚᱣᱟ ᱫᱚ ᱯᱚᱱᱚᱛ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱚᱲᱟᱜ ᱞᱮᱠᱟᱛᱮ ᱛᱟᱦᱮᱸ ᱮᱱᱟ ᱾
ᱠᱚᱞᱮᱠᱥᱚᱱ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱥᱤᱧᱚᱛᱤᱭᱟᱹ ᱪᱤᱛᱟᱹᱨ ᱟᱥᱲᱟ ᱨᱮᱱᱟᱜ ᱪᱤᱛᱟᱹᱨ ᱠᱚ ᱥᱟᱶᱛᱮ ᱯᱟᱪᱮ ᱨᱮᱱᱟᱜ ᱠᱤᱪᱷᱩ ᱪᱤᱛᱟᱹᱨ ᱠᱚᱦᱚᱸ ᱢᱮᱱᱟᱜᱼᱟ
ᱱᱚᱣᱟ ᱚᱲᱟᱜ ᱫᱚ ᱑᱖ ᱮᱠᱚᱲ (᱖᱕,᱐᱐᱐ ᱥᱠᱚᱭᱟᱨ ᱢᱤᱴᱚᱨ) ᱨᱮ ᱯᱟᱥᱱᱟᱣ ᱟᱠᱟᱱ ᱟᱹᱰᱤ ᱱᱟᱯᱟᱭ ᱵᱟᱜᱟᱱ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾ ᱱᱚᱣᱟ ᱵᱟᱜᱟᱱ ᱨᱮ ᱟᱭᱢᱟ ᱥᱟᱭ ᱥᱮᱨᱢᱟ ᱢᱟᱨᱮ ᱠᱤᱭᱟᱹ ᱟᱨ ᱠᱤᱭᱟᱹ ᱫᱟᱨᱮ ᱠᱚ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱨᱮ ᱢᱤᱫᱴᱟᱹᱝ ᱠᱨᱤᱛᱤᱢ ᱡᱷᱟᱨᱱᱟ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱨᱟᱡᱽ ᱵᱷᱚᱵᱚᱱ (ᱠᱚᱨᱱᱟᱴᱚᱠ) ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |