ᱨᱟᱭᱜᱚᱰᱟ
ᱨᱟᱭᱜᱚᱰᱟ ᱫᱚ ᱥᱤᱧᱚᱛ ᱨᱮᱭᱟᱜ ᱳᱰᱤᱥᱟ ᱨᱮ ᱢᱮᱱᱟᱜ ᱨᱟᱭᱦᱚᱰᱟ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱢᱚᱦᱠᱩᱢᱟ ᱟᱨ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱾ ᱑᱙᱙᱒ ᱚᱠᱴᱚᱵᱚᱨ ᱒ ᱢᱟᱹᱦᱤᱛ ᱠᱷᱚᱱ ᱨᱟᱭᱜᱚᱰᱟ ᱫᱚ ᱢᱤᱫ ᱯᱷᱩᱨᱜᱟᱹᱞ ᱦᱚᱱᱚᱛ ᱨᱮᱭᱟᱜ ᱢᱟᱱᱟᱣ ᱵᱟᱛᱟᱣ ᱮ ᱧᱟᱢ ᱠᱮᱫ ᱛᱟᱭᱚᱢ ᱨᱟᱭᱜᱚᱰᱟ ᱦᱚᱱᱚᱛ ᱫᱚ ᱥᱚᱫᱚᱨ ᱢᱚᱦᱠᱩᱢᱟ ᱞᱮᱠᱟᱛᱮ ᱢᱟᱹᱱ ᱮ ᱧᱟᱢ ᱟᱠᱟᱫ-ᱟ ᱾ ᱵᱤᱨ, ᱵᱩᱨᱩ, ᱱᱟᱹᱭ ᱡᱷᱟᱨᱱᱟ ᱛᱮ ᱯᱮᱨᱮᱡ ᱟᱠᱟᱱ ᱱᱚᱣᱟ ᱴᱚᱴᱷᱟ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱟᱹᱫᱤᱢ ᱠᱚᱣᱟᱜ ᱵᱟᱥᱟ ᱵᱟᱥᱠᱚᱫ ᱴᱚᱴᱷᱟ ᱠᱟᱱᱟ ᱾[᱑]
| ᱨᱟᱭᱜᱚᱰᱟ | |
|---|---|
| ᱵᱟᱡᱟᱨ | |
 ᱨᱟᱭᱜᱚᱰᱟ ᱨᱮᱞᱣᱮ ᱥᱴᱮᱥᱚᱱ | |
  ᱨᱟᱭᱜᱚᱰᱟ  ᱨᱟᱭᱜᱚᱰᱟ | |
| Coordinates: 19°10′N 83°25′E / 19.17°N 83.42°ECoordinates: 19°10′N 83°25′E / 19.17°N 83.42°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱨᱟᱭᱜᱚᱰᱟ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞᱴᱤ |
| • ᱪᱟᱪᱞᱟᱣ | ᱨᱟᱭᱜᱚᱰᱟ ᱢᱩᱱᱥᱤᱯᱟᱞᱴᱤ |
| • Member of Legislative Assembly | ᱢᱚᱠᱚᱨᱚᱱᱫᱚ ᱢᱩᱫᱩᱞᱤ, IND |
| ᱩᱥᱩᱞ | 207 ᱢᱤᱴᱚᱨ (679 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2016) |
| • ᱞᱮᱠᱷᱟᱜᱩᱴ | ᱗᱓,᱓᱐᱘ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱳᱰᱤᱭᱟᱹ |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 765001 |
| Telephone code | 06856 |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-18 |
| ᱣᱮᱵᱽᱥᱟᱭᱤᱴ | http://rgda.in |
ᱱᱟᱜᱟᱢ ᱥᱟᱯᱲᱟᱣ
ᱜᱚᱝᱜᱚᱵᱚᱝᱥᱤ ᱟᱨ ᱥᱩᱨᱭᱟᱵᱚᱝᱥᱤ ᱨᱟᱡᱟ ᱠᱚᱣᱟᱜ ᱥᱟᱥᱚᱱ ᱚᱠᱛᱚᱨᱮ ᱱᱚᱣᱟ ᱫᱚ ᱜᱩᱰᱟᱨᱤ ᱠᱚᱴᱚᱠ ᱨᱤᱱᱤᱡ ᱠᱚᱨᱚᱫᱚ ᱨᱟᱡᱟ ᱫᱟᱫᱟᱨᱱᱚᱵᱽ ᱫᱮᱵᱽ ᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱢᱩᱠᱩᱱᱫᱚᱫᱮᱵᱽ ᱟᱜ ᱦᱟᱨᱟᱣ ᱛᱟᱭᱚᱢ ᱱᱚᱱᱫᱚᱯᱩᱨ ᱨᱟᱡᱟᱦᱟᱜ ᱥᱟᱥᱚᱱ ᱨᱮ ᱱᱚᱣᱟ ᱫᱚ ᱗᱓ ᱥᱮᱨᱢᱟ ᱞᱮᱠᱟ ᱛᱟᱦᱮᱸ ᱠᱟᱱᱟ ᱾ ᱤᱸᱜᱽᱨᱮᱡᱽ ᱥᱟᱥᱚᱱ ᱚᱢᱚᱲᱨᱮ ᱱᱚᱣᱟ ᱫᱚ ᱡᱚᱭᱯᱩᱨ ᱨᱟᱡᱟᱦᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱯᱷᱩᱨᱜᱟᱹᱞ ᱳᱰᱤᱥᱟᱨᱮ ᱱᱚᱣᱟ ᱫᱚ ᱠᱚᱨᱟᱯᱩᱴ ᱦᱚᱱᱚᱛ ᱥᱟᱶ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾
ᱨᱟᱭᱜᱚᱰᱟ ᱨᱤᱱᱤᱡ ᱧᱩᱛᱩᱢᱟᱱ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱠᱨᱩᱥᱱᱚ ᱪᱚᱸᱫᱽᱨᱚ ᱵᱚᱠᱥᱤᱯᱟᱛᱨᱚ ᱩᱛᱠᱚᱲ ᱥᱮᱱᱮᱞᱮᱫ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾
ᱦᱚᱲ ᱮᱞᱮᱞ ᱥᱟᱯᱲᱟᱣ
᱒᱐᱐᱑ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱨᱟᱭᱜᱚᱰᱟ ᱵᱟᱡᱟᱨ ᱨᱤᱱ ᱦᱚᱲ ᱮᱞᱮᱞ ᱫᱚ ᱕᱗,᱗᱓᱒ ᱾ ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱠᱚᱲᱟ ᱦᱚᱯᱚᱱᱟᱜ ᱮᱞᱮᱞ ᱫᱚ ᱒᱙,᱕᱑᱔ ᱟᱨ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱮᱞᱮᱞ ᱫᱚ ᱒᱘,᱒᱑᱘ ᱾ [᱒] ᱒᱐᱑᱑ ᱥᱟᱞᱮ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱨᱟᱭᱜᱚᱰᱟ ᱨᱤᱱ ᱦᱚᱲ ᱮᱞᱮᱞ ᱫᱚ ᱗᱑,᱒᱐᱘ ᱾ ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱠᱚᱲᱟ ᱦᱚᱯᱚᱱᱟᱜ ᱮᱞᱮᱞ ᱫᱚ ᱓᱖ᱹ᱐᱓᱖ ᱟᱨ ᱠᱩᱲᱤ ᱦᱚᱯᱚᱱᱟᱜ ᱮᱞᱮᱞ ᱫᱚ ᱓᱕,᱑᱗᱒ ᱾ [᱓] ᱦᱤᱱᱫᱩ ᱥᱟᱶ-ᱥᱟᱶᱛᱮ ᱥᱤᱱᱫᱷᱤ, ᱜᱩᱡᱨᱟᱴᱤ, ᱢᱟᱹᱨᱣᱟᱹᱰᱤ ᱜᱩᱴ ᱨᱤᱱ ᱦᱚᱲ ᱦᱚᱸ ᱱᱚᱰᱮ ᱵᱟᱥᱟ ᱵᱚᱥᱠᱚᱫ ᱠᱟᱛᱮ ᱢᱮᱱᱟᱜ ᱠᱚᱣᱟ ᱾ ᱯᱩᱲᱥᱤ ᱯᱚᱱᱚᱛ ᱟᱸᱫᱷᱨᱚ ᱯᱨᱚᱫᱮᱥ ᱥᱟᱞᱟᱜ ᱥᱚᱲᱚᱠ ᱦᱚᱨ ᱟᱨ ᱨᱮᱞ ᱦᱚᱨ ᱨᱮᱭᱟᱜ ᱱᱟᱯᱟᱭ ᱥᱟᱹᱜᱟᱹᱭ ᱛᱟᱦᱮᱸ ᱟᱠᱟᱱ ᱠᱷᱟᱹᱛᱤᱨ ᱱᱚᱰᱮ ᱫᱚ ᱛᱮᱞᱜᱩ ᱯᱟᱹᱨᱥᱤ ᱟᱱ ᱦᱚᱲ ᱠᱚᱣᱟᱜ ᱮᱞᱮᱞ ᱦᱚᱸ ᱵᱟᱹᱲᱛᱤ ᱜᱮᱭᱟ ᱾ ᱳᱰᱤᱭᱟᱹ, ᱛᱮᱞᱜᱩ ᱥᱟᱶᱛᱮ ᱥᱚᱣᱨᱟ ᱟᱨ ᱠᱩᱭᱤ ᱯᱟᱹᱨᱥᱤ ᱦᱚᱸ ᱱᱚᱰᱮ ᱫᱚ ᱪᱟᱞᱟᱜ ᱠᱟᱱᱟ ᱾
ᱚᱛᱱᱚ ᱥᱟᱯᱲᱟᱣ
ᱱᱟᱹᱭ ᱱᱟᱞᱟ, ᱡᱷᱟᱨᱱᱟ ᱟᱨ ᱵᱤᱨ ᱵᱩᱨᱩ ᱛᱮ ᱯᱮᱨᱮᱡ ᱟᱠᱟᱱ ᱱᱚᱣᱟ ᱦᱚᱱᱚᱛ ᱨᱮᱫᱚ ᱟᱹᱫᱤᱵᱟᱹᱥᱤ ᱦᱚᱲ ᱠᱚᱣᱟᱜ ᱮᱞᱮᱞ ᱡᱚᱛᱚ ᱠᱷᱚᱱ ᱵᱟᱹᱲᱛᱤᱭᱟ ᱾ ᱱᱚᱣᱟ ᱨᱮᱭᱟᱜ ᱯᱩᱪᱷᱤᱢ ᱱᱟᱠᱷᱟᱨᱮ ᱡᱷᱚᱸᱡᱟᱵᱚᱛᱤ ᱱᱟᱹᱭ ᱟᱨ ᱯᱩᱨᱩᱵᱽ ᱨᱮ ᱱᱟᱜᱟᱵᱚᱲᱤ ᱱᱟᱹᱭ ᱞᱤᱸᱜᱤᱱ ᱠᱟᱱᱟ ᱾ ᱵᱟᱡᱟᱨ ᱫᱚ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱫᱚ ᱓᱙᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱟᱨ ᱱᱚᱣᱟ ᱫᱚ ᱨᱮᱞ ᱦᱚᱨ ᱦᱚᱛᱮᱛᱮ ᱵᱷᱩᱵᱽᱱᱮᱥᱚᱨ, ᱡᱚᱭᱯᱩᱨ, ᱵᱤᱥᱟᱠᱷᱟᱯᱟᱴᱱᱟᱢ, ᱨᱟᱭᱯᱩᱨ, ᱠᱚᱨᱟᱯᱩᱴ, ᱠᱳᱞᱠᱟᱛᱟ, ᱪᱮᱱᱟᱭ, ᱵᱟᱸᱜᱟᱞᱳᱨ, ᱢᱩᱢᱵᱟᱹᱭ, ᱦᱟᱭᱫᱽᱨᱟᱵᱟᱫᱽ ᱟᱨ ᱫᱤᱞᱞᱤ ᱥᱟᱞᱟᱜ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾
ᱥᱮᱪᱮᱫ ᱟᱨ ᱞᱟᱠᱪᱟᱨ ᱥᱟᱯᱲᱟᱣ
ᱵᱟᱡᱟᱨ ᱨᱮ ᱢᱮᱱᱟᱜ ᱜᱳᱵᱤᱱᱫᱚ ᱪᱚᱸᱫᱽᱨᱚ ᱫᱮᱵᱽ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ ᱟᱨ ᱦᱚᱯᱚᱵᱚᱱᱫᱷᱩ ᱢᱩᱱᱥᱤᱯᱟᱞᱴᱤ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ, ᱥᱨᱤ ᱚᱣᱨᱚᱵᱤᱱᱫᱚ ᱤᱱᱴᱮᱜᱽᱨᱟᱞ ᱮᱡᱩᱠᱮᱥᱚᱱ ᱥᱮᱱᱴᱚᱨ ᱟᱨ ᱚᱣᱨᱚᱵᱤᱱᱫᱚ ᱱᱚᱜᱚᱨ ᱱᱚᱰᱮᱱᱟᱜ ᱥᱮᱪᱮᱫ ᱩᱛᱱᱟᱹᱣ ᱨᱮᱫᱚ ᱢᱤᱫ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱫ-ᱟ ᱾ ᱚᱱᱟ ᱥᱟᱶᱛᱮ ᱑᱙᱖᱒ ᱥᱟᱞᱮ ᱨᱮ ᱛᱷᱟᱯᱚᱱ ᱟᱠᱟᱱ ᱥᱚᱨᱠᱟᱹᱨᱤ ᱠᱩᱲᱤ ᱜᱤᱫᱽᱨᱟᱹ ᱵᱤᱨᱫᱟᱹᱜᱟᱲ ᱱᱚᱰᱮᱱ ᱠᱚ ᱠᱩᱲᱤ ᱥᱮᱪᱮᱫ ᱩᱛᱱᱟᱹᱣ ᱨᱮ ᱱᱟᱯᱟᱭ ᱨᱤᱠᱟᱹ ᱢᱮᱱᱟᱜ-ᱟ ᱾ ᱴᱚᱴᱷᱟᱣᱟᱨᱤ ᱴᱷᱚᱠᱚᱨ ᱵᱟᱯᱟ ᱟᱥᱨᱚᱢ ᱨᱮ ᱚᱱᱩᱥᱩᱪᱤᱛ ᱩᱯᱡᱟᱹᱛᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱯᱨᱟᱭᱢᱮᱨᱤ ᱵᱤᱨᱫᱟᱹᱜᱟᱲ ᱦᱚᱸ ᱢᱮᱱᱟᱜ-ᱟ ᱾ ᱱᱚᱰᱮᱱᱟᱜ ᱟᱨ ᱦᱚᱸ ᱟᱹᱰᱤᱜᱟᱱ ᱥᱮᱪᱮᱜ ᱛᱟᱞᱢᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ-
- ᱨᱟᱭᱜᱚᱰᱟ ᱛᱤᱨᱞᱟᱹ ᱢᱟᱨᱟᱝ ᱵᱤᱨᱫᱟᱹᱜᱟᱲ
- ᱥᱮᱸᱴ ᱡᱟᱵᱷᱤᱭᱚᱨ ᱟᱥᱲᱟ
- ᱠᱮᱸᱫᱽᱨᱤᱭᱚ ᱵᱤᱨᱫᱟᱹᱜᱟᱲ, ᱨᱟᱭᱜᱚᱰᱟ
- ᱢᱚᱦᱚᱨᱥᱤ ᱵᱤᱨᱫᱟᱹ ᱢᱩᱫᱽᱨᱤ, ᱨᱟᱭᱜᱚᱰᱟ
- ᱢᱤᱴᱥ (MITS), ᱨᱟᱭᱜᱚᱰᱟ
- ᱟᱭᱤ.ᱮ.ᱥᱤ.ᱟᱨ (IACR), ᱨᱟᱭᱜᱚᱰᱟ
- ᱡᱚᱵᱟᱦᱚᱨ ᱱᱚᱵᱳᱫᱚᱭ ᱵᱤᱨᱫᱟᱹᱜᱟᱲ, ᱨᱟᱭᱜᱚᱰᱟ
- ᱩᱛᱠᱚᱲ ᱜᱚᱣᱨᱚᱵᱽ ᱢᱚᱫᱷᱩᱥᱩᱫᱚᱱ ᱤᱱᱥᱴᱤᱪᱩᱴ ᱳᱯᱷ ᱴᱮᱠᱱᱳᱞᱳᱡᱤ
ᱱᱚᱣᱟ ᱫᱚ ᱵᱚᱱᱚᱛ ᱨᱮᱭᱟᱜ ᱥᱚᱫᱚᱨ ᱢᱚᱦᱠᱩᱢᱟ ᱦᱩᱭ ᱠᱚᱜ ᱠᱷᱟᱹᱛᱤᱨ ᱱᱚᱰᱮ ᱡᱚᱛᱚ ᱦᱩᱫᱟᱹ ᱨᱮᱭᱟᱜ ᱜᱮ ᱢᱩᱠᱷᱤᱭᱟᱹ ᱟᱹᱢᱟᱹᱞᱤ ᱡᱮᱞᱮᱛᱟ ᱺ ᱡᱤᱞᱞᱟᱯᱟᱲ ᱟᱜ ᱟᱹᱢᱟᱹᱞᱤ, ᱩᱯᱡᱤᱞᱞᱟᱹᱯᱟᱲ ᱟᱜ ᱟᱹᱢᱟᱹᱞᱤ, ᱦᱚᱱᱚᱛ ᱢᱩᱠᱷᱤᱭᱟᱹ ᱛᱤᱠᱪᱷᱟᱹᱠᱤᱭᱟᱹ ᱟᱹᱢᱟᱹᱞᱤ, ᱦᱚᱱᱚᱛ ᱵᱤᱪᱟᱹᱨ ᱟᱠᱷᱲᱟ ᱥᱟᱶᱛᱮ ᱟᱹᱰᱤᱜᱟᱱ ᱢᱩᱠᱷᱤᱭᱟᱹ ᱟᱹᱢᱟᱹᱞᱤ ᱠᱚ ᱢᱮᱱᱟᱜ-ᱟ ᱾ ᱱᱚᱣᱟ ᱠᱚ ᱥᱟᱶᱛᱮ ᱛᱩᱥᱤᱞ ᱟᱹᱢᱟᱹᱞᱤ, ᱟᱥᱲᱟ ᱟᱨ ᱵᱤᱨᱫᱟᱹᱜᱟᱲ ᱠᱚ ᱢᱮᱱᱟᱜ-ᱟ ᱾
ᱡᱚᱛᱚ ᱥᱮᱨᱢᱟ ᱴᱚᱴᱷᱟᱣᱟᱨᱤ ᱠᱟᱹᱲᱤᱵᱚᱸᱜᱟ ᱪᱷᱚᱠ ᱨᱮ ᱠᱟᱹᱲᱤ ᱵᱚᱸᱜᱟ, ᱱᱮᱣ ᱠᱚᱞᱱᱤ ᱨᱮ ᱜᱚᱡᱚ ᱞᱚᱠᱷᱢᱤ ᱯᱩᱡᱟ ᱟᱨᱵᱟᱝ ᱵᱟᱡᱟᱨ ᱨᱮ ᱟᱹᱰᱤᱜᱟᱱ ᱴᱚᱴᱷᱟᱨᱮ ᱫᱩᱨᱜᱟᱹᱯᱩᱡᱟ ᱟᱹᱰᱤ ᱨᱟᱹᱥᱠᱟᱹ ᱨᱚᱢᱚᱡᱽ ᱛᱮ ᱢᱟᱱᱟᱣ ᱦᱩᱭᱩᱜ-ᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Rayagada". Retrieved 23 May 2018.
- ↑ "ᱮᱞᱮᱞ -᱒᱐᱐᱑"". Archived from the original on 2004-06-16. Retrieved 2004-06-16.
- ↑ "Population of Rayagada-୨୦୧୧". http://www.censusindia.gov.in. Census of India. Retrieved 16 June 2015.
{{cite web}}: External link in|website=