ᱨᱟᱭᱨᱚᱝᱯᱩᱨ
ᱨᱟᱭᱨᱚᱝᱯᱩᱨ ᱵᱟᱡᱟᱨ ᱫᱚ ᱠᱷᱟᱲᱟᱝ ᱜᱟᱰᱟ ᱟᱨ ᱵᱟᱝ ᱠᱷᱚᱰᱚᱠᱷᱟᱭᱤ ᱜᱟᱰᱟ ᱟᱲᱮ ᱨᱮ ᱢᱮᱱᱟᱜ-ᱟ᱾ ᱢᱚᱭᱩᱨ ᱵᱷᱚᱸᱡᱽ ᱨᱟᱡᱟ ᱥᱟᱥᱚᱱ ᱵᱮᱲᱟ ᱨᱮ ᱵᱨᱟᱦᱢᱚᱬ ᱜᱷᱟᱹᱴᱤ ᱜᱮ ᱛᱟᱹᱚᱢ ᱛᱮᱫᱚ ᱵᱟᱢᱚᱱ ᱜᱷᱟᱹᱴᱤ ᱟᱨ ᱵᱟᱝ ᱵᱟᱵᱚᱱ ᱜᱷᱟᱹᱴᱤ ᱧᱩᱛᱩᱢ ᱟᱠᱟᱱᱟ᱾ ᱨᱟᱭᱨᱚᱝᱯᱩᱨ ᱵᱟᱡᱟᱨ ᱫᱚ ᱵᱟᱵᱚᱱ ᱜᱷᱟᱹᱴᱤ ᱨᱮᱱᱟᱜ ᱢᱩᱲᱩᱛ ᱳᱯᱷᱤᱥ ᱟᱹᱢᱟᱹᱞᱤᱭᱟᱹ ᱥᱟᱶᱛᱮᱢᱟᱨᱟᱝ ᱵᱟᱡᱟᱨ ᱟᱨ ᱵᱮᱯᱟᱨ ᱵᱟᱹᱱᱤᱡ ᱨᱮᱱᱟᱜ ᱨᱟᱡᱜᱟᱲ ᱜᱮ ᱢᱮᱱᱚᱜᱚᱜ-ᱟ᱾
| ᱨᱟᱭᱨᱚᱝᱯᱩᱨ ରାଇରଂଗପୁର रायरंगपुर | |
|---|---|
| ᱥᱟᱦᱟᱨ | |
| ᱮᱴᱟᱜ ᱧᱩᱛᱩᱢ: ᱳᱰᱤᱥᱟ ᱨᱮᱭᱟᱜ ᱵᱩᱨᱩ ᱥᱟᱦᱟᱨ | |
  ᱨᱟᱭᱨᱚᱝᱯᱩᱨ  ᱨᱟᱭᱨᱚᱝᱯᱩᱨ | |
| Coordinates: 22°16′N 86°10′E / 22.27°N 86.17°ECoordinates: 22°16′N 86°10′E / 22.27°N 86.17°E | |
| ᱥᱤᱧᱚᱛ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱢᱚᱭᱩᱨᱵᱷᱚᱸᱡᱽ |
| ᱵᱩᱱᱤᱭᱟᱹᱫᱤᱭᱟᱹ | ᱢᱟᱫᱷᱚᱵᱫᱟᱥ ᱱᱟᱨᱮᱱᱫᱨᱚ ᱢᱚᱦᱟᱯᱟᱛᱨᱚ |
| ᱧᱩᱢ ᱟᱠᱟᱱᱟ | ᱵᱟᱢᱚᱱᱜᱷᱟᱴᱤ (ᱨᱟᱭᱨᱚᱝᱯᱩᱨ ᱜᱟᱲ) |
| ᱥᱚᱨᱠᱟᱨ | |
| • ᱪᱟᱪᱞᱟᱣ | ᱛᱚᱦᱚᱥᱤᱞ |
| • ᱪᱮᱭᱟᱨᱯᱟᱨᱥᱚᱱ | ᱢᱤ• ᱥᱟᱭᱞᱚᱵᱟᱞᱟ ᱢᱳᱦᱟᱱᱛᱚ (ᱵᱤᱡᱮᱯᱤ) |
| ᱩᱥᱩᱞ | 248 ᱢᱤᱴᱚᱨ (814 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱥᱟᱦᱟᱨ | ᱔᱗,᱒᱙᱔ |
| • ᱢᱟᱦᱟᱱᱟᱜᱟᱨ | ᱘᱒,᱖᱙᱑ |
| Demonym(s) | ᱨᱟᱭᱨᱟᱝᱯᱩᱨᱤᱭᱟᱹᱱ |
| ᱯᱟᱹᱨᱥᱤ | |
| • ᱥᱟᱨᱠᱟᱨᱤ | ᱳᱰᱤᱭᱟ |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 757 043 |
| Telephone code | 06794 |
| ᱜᱟᱹᱰᱤ ᱨᱤᱡᱤᱥᱴᱨᱤ | ORM-XXXX / OR 11-X-XXXX / OD 11-XXXX |
| ᱣᱮᱵᱽᱥᱟᱭᱤᱴ | www |
ᱵᱟᱵᱚᱱ ᱜᱷᱟᱹᱴᱤ ᱥᱚᱵᱰᱤᱵᱷᱤᱡᱚᱱ ᱫᱚ ᱗ ᱜᱚᱴᱟᱝ ᱵᱞᱚᱠ ᱢᱮᱥᱟ ᱠᱟᱛᱮ ᱵᱮᱱᱟᱣ ᱟᱠᱟᱱᱟ᱾ ᱚᱱᱟ ᱠᱚᱫᱚ-ᱠᱩᱥᱩᱢᱤ,ᱡᱟᱢᱫᱟ,ᱵᱚᱦᱚᱲᱫᱟ,ᱛᱤᱨᱤᱧᱝ,ᱨᱟᱭᱨᱚᱝᱯᱩᱨ, ᱵᱤᱡᱟᱹᱛᱟᱡᱟᱹᱛᱟᱲᱟ,ᱵᱤᱥᱳᱭ ᱠᱚ ᱠᱟᱱᱟ᱾ ᱨᱟᱭᱨᱚᱝᱯᱩᱨ ᱵᱟᱡᱟᱨ ᱟᱲᱮᱛᱮ ᱗ ᱜᱚᱴᱟᱝ ᱦᱩᱰᱤᱧ ᱢᱟᱨᱟᱝ ᱟᱹᱛᱩ ᱠᱚ ᱢᱮᱱᱟᱜ-ᱟ᱾ ᱚᱱᱟ ᱠᱚᱫᱚ-ᱯᱤᱪᱷᱞᱤ ᱜᱷᱟᱹᱴᱤ,ᱠᱩᱪᱟᱹᱭᱵᱩᱰᱷᱤ,ᱢᱚᱦᱩᱞᱵᱤᱦᱟᱹ,ᱵᱟᱭᱫᱟᱯᱳᱥᱤ,ᱤᱪᱤᱱᱰᱟ,ᱴᱷᱟᱠᱩᱨᱟᱬᱤ ᱵᱮᱰᱟ,ᱳᱶᱲᱰᱩᱵᱟ ᱮᱢᱟᱱ ᱟᱹᱛᱩ ᱢᱮᱥᱟ ᱠᱟᱛᱮ ᱮᱱᱹᱮᱹᱥᱤ ᱦᱩᱭ ᱟᱠᱟᱱᱟ᱾ ᱑᱙᱑᱗ ᱥᱟᱞᱮ ᱨᱮ ᱵᱷᱚᱸᱡᱽ ᱫᱤᱥᱚᱢ ᱨᱤᱱ ᱥᱟᱱᱛᱟᱲ ᱠᱚᱣᱟᱜ ᱦᱩᱞ ᱛᱟᱭᱚᱢ ᱵᱚᱦᱚᱲᱫᱟ ᱨᱮ ᱛᱟᱦᱮᱸ ᱠᱟᱱ ᱢᱩᱲᱩᱛ ᱳᱯᱷᱤᱥ ᱫᱚ ᱨᱟᱭᱨᱚᱝᱯᱩᱨ ᱛᱮᱠᱚ ᱩᱪᱟᱹᱲ ᱟᱹᱜᱩ ᱠᱮᱜ-ᱟ᱾ ᱩᱱ ᱚᱠᱛᱚ ᱨᱮ ᱵᱷᱚᱸᱡᱽ ᱨᱟᱡᱟ ᱢᱚᱦᱟᱨᱟᱡᱟ ᱯᱨᱚᱛᱟᱯ ᱪᱚᱸᱫᱽᱨᱚ ᱵᱷᱚᱸᱡᱽ ᱱᱟᱵᱟᱞᱚᱠ ᱜᱮ ᱛᱟᱦᱮᱸ ᱠᱟᱱᱟᱭ᱾ ᱚᱱᱟᱛᱮ ᱵᱷᱚᱸᱡᱽ ᱫᱤᱥᱚᱢ ᱠᱚᱨᱴ ᱳᱯᱷ ᱣᱟᱨᱰᱥ ᱛᱟᱹᱨᱤᱨᱮ ᱥᱟᱥᱮᱱ ᱛᱟᱦᱮᱸᱠᱟᱱᱟ᱾ ᱵᱨᱤᱴᱤᱥ ᱥᱚᱨᱠᱟᱨ-ᱟᱜ ᱵᱤᱪᱟᱹᱨ ᱞᱮᱠᱟᱛᱮ ᱥᱟᱥᱚᱱ ᱠᱷᱟᱹᱛᱤᱨ ᱨᱟᱭᱨᱚᱝᱯᱩᱨ ᱨᱮ ᱳᱯᱷᱤᱥ ᱚᱲᱟᱜ ᱠᱚ ᱛᱷᱟᱯᱚᱱ ᱠᱮᱜ-ᱟ ᱟᱨ ᱠᱚᱨᱴ ᱠᱩᱪᱨᱤ ᱠᱟᱹᱢᱤ ᱠᱚᱦᱚᱸ ᱑᱙᱑᱘-᱑᱙ ᱠᱷᱚᱱ ᱫᱚ ᱠᱟᱹᱢᱤ ᱪᱟᱹᱞᱩ ᱮᱱᱟ᱾ ᱢᱚᱦᱟᱨᱟᱡᱟ ᱦᱟᱜ ᱠᱩᱨᱩᱢᱩᱴᱩ ᱛᱮ ᱨᱟᱭᱨᱚᱝᱯᱩᱨ ᱨᱮ ᱯᱷᱮᱨᱚᱵᱷᱟᱱᱟᱰᱤᱭᱚᱢ ᱠᱟᱹᱨᱜᱟᱲ,ᱠᱩᱞᱰᱷᱤᱭᱟᱹ ᱨᱮᱱᱟᱜ ᱯᱨᱚᱛᱟᱯ ᱯᱩᱨ ᱨᱮ ᱥᱯᱤᱱᱤᱝ ᱢᱤᱞ ᱟᱨᱥᱮᱨᱟᱢᱤᱠ ᱠᱟᱹᱨᱜᱟᱲ,ᱡᱷᱚᱨᱟᱰᱤ ᱨᱮ ᱠᱟᱧᱪ ᱠᱟᱹᱨᱜᱟᱲ ᱮᱢᱟᱱ ᱠᱟᱹᱨᱜᱟᱲ ᱠᱚ ᱵᱮᱱᱟᱣ ᱮᱱᱟ᱾ ᱚᱱᱟ ᱛᱟᱭᱚᱢ ᱫᱤᱱ ᱫᱤᱱ ᱛᱮ ᱟᱹᱰᱤ ᱩᱥᱟᱹᱨᱟ ᱛᱮ ᱯᱳᱥᱴ ᱳᱯᱷᱤᱥ, ᱚᱞᱚᱜ ᱟᱥᱲᱟ,ᱢᱟᱨᱟᱝ ᱵᱤᱨᱫᱟᱹᱜᱟᱲ ᱠᱚᱦᱚᱸ ᱛᱷᱟᱯᱚᱱ ᱮᱱᱟ᱾ ᱛᱚᱵᱮ ᱢᱮᱱ ᱜᱟᱱᱚᱜ-ᱟ,ᱢᱤᱫ ᱥᱟᱭ ᱥᱮᱨᱢᱟ ᱨᱮᱱᱟᱜ ᱵᱟᱡᱟᱨ ᱠᱟᱱ ᱨᱮᱦᱚᱸ ᱨᱟᱭᱨᱚᱝᱯᱩᱨ ᱵᱟᱡᱟᱨ ᱫᱚ ᱢᱤᱫ ᱧᱩᱛᱩᱢᱟᱱ ᱢᱟᱹᱱ ᱥᱟᱛᱞᱟᱜ ᱩᱯᱩᱨᱩᱢ ᱮ ᱧᱟᱢ ᱟᱠᱟᱫ-ᱟ᱾ ᱯᱟᱹᱨᱥᱤ ᱥᱤᱧ ᱪᱟᱸᱫᱚ ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱜᱮ ᱟᱹᱫᱤᱵᱟᱹᱥᱤ ᱞᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ ᱢᱩᱲᱩᱛ ᱛᱟᱞᱢᱟ(ASECA) ᱦᱚᱸᱭ ᱛᱷᱟᱯᱚᱱ ᱞᱮᱜ-ᱟ᱾ ᱱᱚᱶᱟ ᱦᱚᱸ ᱟᱵᱚ ᱟᱹᱫᱤᱵᱟᱹᱥᱤ ᱞᱟᱹᱜᱤᱫ ᱟᱹᱰᱤ ᱜᱚᱨᱚᱵ ᱨᱮᱱᱟᱜ ᱠᱟᱛᱷᱟ ᱠᱟᱱᱟ᱾ ᱥᱟᱱᱟᱢ ᱟᱹᱫᱤᱵᱟᱹᱥᱤ ᱠᱚ ᱢᱤᱫ ᱥᱩᱛᱟᱹᱢ ᱛᱮ ᱛᱚᱞᱚᱜ ᱞᱟᱹᱜᱤᱫ ᱛᱮ ᱜᱩᱨᱩ ᱜᱚᱠᱮᱭᱟᱜ ᱮᱱᱮᱢ ᱢᱮᱱᱟᱜ-ᱟ᱾ ᱚᱱᱟᱛᱮ ᱟᱡᱟᱜ ᱢᱩᱴᱷᱟᱹᱱ ᱦᱚᱸ ᱢᱚᱦᱩᱞᱵᱷᱤᱭᱟᱹ ᱪᱷᱚᱠᱚ ᱨᱮ ᱛᱷᱟᱯᱚᱱ ᱟᱠᱟᱱᱟ᱾ ᱚᱱᱟ ᱥᱟᱶᱛᱮ ᱨᱚᱜᱷᱩᱱᱟᱛᱷ ᱡᱤᱭᱩ ᱢᱚᱴᱷᱚ,ᱫᱷᱚᱨᱩᱣᱟᱹ ᱨᱟᱡᱟ ᱦᱟᱜ ᱜᱟᱲ, ᱨᱳᱞ ᱜᱟᱹᱰᱤ ᱥᱴᱮᱥᱚᱱ,ᱜᱳᱥᱟᱲᱟ ᱟᱨ ᱵᱟᱝ ᱜᱟᱹᱭ ᱜᱟᱹᱭ ᱠᱚ ᱟᱹᱥᱩᱞ ᱠᱚ ᱞᱟᱹᱜᱤᱫ ᱜᱟᱹᱭ ᱜᱚᱲᱟ ᱮᱢᱟᱱ ᱧᱩᱛᱩᱢᱟᱱ ᱧᱮᱞ ᱡᱚᱝ ᱞᱮᱠᱟᱱ ᱡᱟᱭᱜᱟ ᱦᱚᱸ ᱢᱮᱱᱟᱜ-ᱟ᱾ ᱨᱟᱭᱨᱚᱝ ᱯᱩᱨ ᱵᱟᱡᱟᱨ ᱵᱷᱤᱲᱟᱹᱣ ᱰᱟᱱᱰᱵᱳᱥ ᱢᱟᱨᱟᱝ ᱰᱟᱹᱦᱤ ᱨᱮ ᱩᱰᱟᱹᱱ ᱜᱟᱹᱰᱤ ᱟᱬᱜᱚᱱ ᱩᱰᱟᱹᱱ ᱜᱷᱟᱹᱴᱤ ᱦᱚᱸ ᱢᱮᱱᱟᱜ-ᱟ᱾