ᱩᱢᱟ ᱵᱷᱟᱨᱚᱛᱤ
ᱩᱢᱟ ᱥᱨᱤ ᱵᱷᱟᱨᱚᱛᱤ (ᱡᱟᱱᱟᱢ : ᱓ ᱢᱮ ᱑᱙᱕᱙ ᱥᱟᱞᱮ ᱨᱮ ᱢᱤᱫ ᱞᱳᱫᱷᱤ ᱨᱟᱡᱽᱯᱩᱛ ᱜᱷᱟᱨᱚᱸᱡᱽ ᱨᱮ) ᱥᱤᱧᱚᱛᱤᱭᱟᱹ ᱨᱟᱡᱟᱹᱨᱤᱭᱟᱹ ᱠᱟᱱᱟᱭ ᱟᱨ ᱥᱤᱧᱚᱛ ᱨᱮᱭᱟᱜ ᱫᱟᱜ ᱥᱟᱯᱷᱟ ᱟᱨ ᱜᱟᱰᱟ ᱱᱟᱯᱟᱭ ᱫᱚᱦᱚ ᱟᱨ ᱜᱟᱝ ᱱᱟᱹᱭ ᱥᱟᱯᱷᱟ ᱫᱚᱦᱚᱭ ᱨᱤᱱᱤᱡ ᱢᱚᱱᱛᱨᱤ ᱠᱟᱱᱟᱭ ᱾ ᱱᱩᱭ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ ᱟᱡ ᱫᱚ ᱜᱣᱟᱞᱤᱭᱚᱨ ᱨᱤᱱᱤᱡ ᱢᱟᱨᱟᱝ ᱨᱟᱹᱱᱤ ᱵᱤᱡᱚᱭᱨᱟᱡᱮ ᱥᱤᱸᱫᱷᱤᱭᱟᱭ ᱩᱵᱷᱨᱟᱹᱣ ᱞᱮᱫᱮᱭᱟ ᱾ ᱥᱟᱫᱷᱣᱤ ᱨᱤᱛᱚᱢᱵᱷᱚᱨᱟ ᱥᱟᱶ ᱟᱡ ᱫᱚ ᱨᱟᱢ ᱡᱚᱱᱢᱚᱵᱷᱩᱢᱤ ᱢᱤᱪᱷᱤᱞ ᱨᱮ ᱢᱟᱨᱟᱝ ᱴᱷᱟᱶ ᱮ ᱛᱚᱨᱟᱣ ᱟᱠᱟᱜᱼᱟ ᱾ ᱚᱱᱟ ᱚᱠᱛᱚ ᱨᱮ ᱟᱡᱟᱜ ᱠᱟᱹᱞᱠᱟᱹ ᱫᱚ ᱛᱟᱦᱮᱸ ᱠᱟᱱᱟ, ᱥᱨᱤ ᱨᱟᱢᱞᱟᱞᱟ ᱚᱲᱟᱜ ᱮ ᱦᱟᱹᱡᱩᱜᱼᱟ ᱢᱩᱫᱽᱨᱤ ᱫᱚ ᱟᱡ ᱜᱮᱭ ᱵᱮᱱᱟᱣᱟ ᱾
| ᱩᱢᱟ ᱵᱷᱟᱨᱚᱛᱤ | |
|---|---|
 ᱩᱢᱟ ᱵᱷᱟᱨᱚᱛᱤ ᱒᱐᱑᱔ ᱨᱮ | |
| ᱧᱩ ᱫᱟᱜ ᱟᱨ ᱱᱤᱨᱚᱲᱮᱛ ᱢᱚᱱᱛᱨᱤ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱓ ᱥᱮᱯᱴᱮᱢᱵᱚᱨ ᱒᱐᱑᱗ | |
| ᱢᱟᱨᱟᱝ ᱢᱱᱛᱨᱤ | ᱱᱚᱨᱮᱱᱫᱽᱨᱚ ᱢᱳᱫᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱱᱚᱨᱮᱱᱫᱽᱨᱚ ᱥᱤᱝ ᱛᱚᱢᱟᱨ |
| Minister of Water Resources, River Development & Ganga Rejuvenation | |
| ᱟᱹᱢᱟᱹᱞᱤ ᱨᱮ ᱑᱖ ᱢᱮ ᱒᱐᱑᱔ – ᱓ ᱥᱮᱯᱴᱮᱢᱵᱚᱨ ᱒᱐᱑᱗ | |
| ᱢᱟᱨᱟᱝ ᱢᱱᱛᱨᱤ | ᱱᱚᱨᱮᱱᱫᱽᱨᱚ ᱢᱳᱫᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱦᱚᱨᱤᱥ ᱨᱟᱣᱟᱛ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱱᱤᱛᱤᱱ ᱜᱚᱰᱠᱚᱨᱤ |
| ᱯᱟᱨᱞᱤᱭᱟᱢᱮᱴ ᱥᱚᱦᱮᱛ, ᱞᱳᱠ ᱥᱚᱵᱷᱟ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱑᱖ ᱢᱮ ᱒᱐᱑᱔ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱯᱨᱚᱫᱤᱯ ᱡᱮᱱ ᱟᱫᱤᱛᱭᱚ |
| ᱵᱟᱪᱱᱟᱣ ᱮᱞᱮᱠᱟ | ᱡᱷᱟᱱᱥᱤ, ᱩᱛᱚᱨ ᱯᱨᱚᱫᱮᱥ |
| ᱑᱕ ᱟᱹᱱᱤᱡ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱘ ᱰᱤᱥᱮᱢᱵᱚᱨ ᱒᱐᱐᱓ – ᱒᱒ ᱚᱜᱚᱥᱴ ᱒᱐᱐᱔ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱤᱜᱽᱵᱤᱡᱚᱭᱟ ᱥᱤᱝ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱟᱵᱩᱞᱟᱞ ᱜᱚᱣᱨ |
| ᱵᱟᱪᱱᱟᱣ ᱮᱞᱮᱠᱟ | ᱢᱚᱞᱦᱟᱨᱟ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱓ ᱢᱮ ᱑᱙᱕᱙ ᱴᱤᱠᱟᱢᱜᱚᱰ, ᱢᱚᱫᱷᱭᱚ ᱯᱨᱚᱫᱮᱥ, ᱥᱤᱧᱚᱜ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱴᱤ |
| ᱮᱴᱟᱜ ᱨᱟᱡᱽᱟᱹᱨᱤ ᱥᱟᱹᱜᱟᱹᱭ | ᱵᱷᱟᱨᱚᱛᱤᱭᱚ ᱡᱚᱱᱥᱚᱠᱛᱤ ᱯᱟᱴᱤ |
| ᱠᱟᱹᱢᱤ | ᱥᱟᱶᱛᱟᱨᱤ, ᱨᱟᱡᱽᱟᱹᱨᱤ ᱠᱟᱹᱢᱤᱭᱟᱹ |
ᱩᱱᱤ ᱫᱚ ᱡᱩᱣᱟᱹᱱ ᱚᱠᱛᱚ ᱨᱮᱜᱮ ᱵᱷᱟᱨᱚᱛᱤᱭᱟᱹ ᱡᱚᱱᱛᱟ ᱯᱟᱴᱤ ᱥᱟᱶ ᱮ ᱡᱩᱲᱟᱹᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱫᱚ ᱑᱙᱘᱔ ᱥᱟᱞᱮᱨᱮ ᱡᱚᱛᱚ ᱠᱷᱚᱱ ᱯᱩᱭᱞᱩ ᱫᱚ ᱞᱳᱠ ᱥᱚᱵᱷᱟ ᱞᱟᱹᱜᱤᱫ ᱵᱟᱪᱷᱱᱟᱣ ᱨᱮᱭ ᱛᱤᱸᱜᱩ ᱞᱮᱱᱟ ᱤᱠᱷᱟᱹᱱ ᱮ ᱦᱟᱨᱟᱣ ᱮᱱᱟ ᱾ ᱑᱙᱘᱙ ᱥᱟᱞᱮᱨᱮ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱡ ᱫᱚ ᱠᱷᱚᱡᱩᱨᱟᱦᱚ ᱥᱚᱝᱥᱚᱫᱤᱭᱟᱹ ᱴᱚᱴᱷᱟ ᱠᱷᱚᱱ ᱥᱟᱝᱥᱚᱫᱽ ᱮ ᱵᱟᱪᱷᱚᱱ ᱮᱱᱟ ᱟᱨ ᱑᱙᱙᱑, ᱑᱙᱙᱖ ᱟᱨ ᱑᱙᱙᱘ ᱥᱟᱞᱮ ᱨᱮ ᱫᱚ ᱱᱚᱣᱟ ᱢᱟᱹᱪᱤ ᱛᱚᱸᱜᱮ ᱛᱟᱦᱮᱸ ᱮᱱᱟ ᱾ ᱑᱙᱙᱙ ᱥᱟᱞᱮᱨᱮ ᱟᱡ ᱫᱚ ᱵᱷᱳᱯᱟᱞ ᱥᱤᱴ ᱠᱷᱚᱱ ᱥᱟᱝᱥᱚᱫᱽ ᱮ ᱵᱟᱪᱷᱚᱱ ᱮᱱᱟ ᱾ ᱵᱟᱡᱽᱯᱮᱭᱤ ᱥᱚᱨᱠᱟᱨ ᱨᱮ ᱟᱡ ᱫᱚ ᱦᱩᱢᱟᱱ ᱨᱤᱥᱚᱨᱪ ᱰᱮᱵᱽᱞᱚᱯᱢᱮᱴ, ᱴᱩᱨᱤᱥᱢ, ᱭᱩᱛᱷ ᱟᱯᱷᱮᱨᱥ ᱟᱨ ᱠᱷᱮᱞᱚᱸᱰ ᱟᱨ ᱢᱩᱪᱟᱹᱫ ᱨᱮ ᱠᱩᱭᱞᱟᱹ ᱟᱨ ᱠᱷᱟᱫᱟᱱ ᱞᱮᱠᱟᱱ ᱯᱚᱱᱚᱛ ᱛᱷᱚᱱᱚᱛᱤᱭᱟᱹ ᱟᱨ ᱠᱮᱵᱤᱱᱮᱴ ᱛᱷᱚᱱᱚᱠ ᱨᱮᱭᱟᱜ ᱵᱤᱵᱷᱟᱜᱽ ᱨᱮᱭ ᱠᱟᱹᱢᱤ ᱟᱠᱟᱜᱼᱟ ᱾
᱒᱐᱐᱓ ᱥᱟᱞᱮ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱡᱟᱜ ᱧᱮᱞ ᱡᱚᱛᱚᱱ ᱨᱮ ᱵᱷᱟᱡᱽᱯᱟ ᱫᱚ ᱯᱮᱼᱯᱩᱱᱟᱜ ᱢᱚᱱᱚᱛ ᱮ ᱟᱢᱮᱴ ᱠᱮᱜᱼᱟ ᱟᱨ ᱥᱤᱨᱟᱹ ᱢᱚᱱᱛᱨᱤ ᱵᱮᱱᱟᱣ ᱮᱱᱟᱭ ᱾ ᱚᱜᱚᱥᱴ ᱒᱐᱐᱔ ᱨᱮ ᱟᱡ ᱫᱚ ᱥᱤᱨᱟᱹ ᱢᱚᱱᱛᱨᱤ ᱯᱚᱫᱽ ᱫᱚᱭ ᱟᱲᱟᱜ ᱵᱟᱹᱜᱤᱭᱟᱫᱼᱟ, ᱛᱤᱱ ᱡᱚᱦᱚᱜ ᱟᱡ ᱵᱤᱨᱩᱫᱷ ᱨᱮ ᱦᱩᱵᱽᱞᱤ ᱜᱷᱟᱢᱟᱜᱷᱳᱲ ᱪᱮᱛᱟᱱ ᱨᱮ ᱟᱡ ᱧᱩᱛᱩᱢ ᱛᱮ ᱦᱟᱹᱲᱤ ᱨᱮᱭᱟᱜ ᱣᱟᱨᱚᱸᱴ ᱥᱚᱫᱚᱨ ᱮᱱᱟ ᱾[᱑]
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣᱩᱢᱟ ᱵᱷᱟᱨᱚᱛᱤ ᱭᱟᱜ ᱡᱟᱱᱟᱢ ᱫᱚ ᱴᱤᱠᱚᱢᱜᱚᱰ ᱦᱚᱱᱚᱛ ᱨᱮᱭᱟᱜ ᱰᱩᱸᱰᱟ ᱧᱩᱛᱩᱢᱟᱱ ᱴᱷᱟᱶ ᱨᱮ ᱦᱩᱭ ᱞᱮᱱᱟ ᱾ ᱟᱡᱟᱜ ᱥᱮᱪᱮᱫ ᱫᱚ ᱛᱩᱨᱩᱭ ᱪᱟᱸᱫᱚ ᱫᱷᱟᱹᱵᱤᱡ ᱦᱩᱭ ᱟᱠᱟᱱᱟ ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱟᱹᱰᱤ ᱥᱟᱦᱥᱤᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱴᱷᱮᱱ ᱥᱟᱦᱟᱥ ᱟᱨ ᱟᱹᱜᱩᱣᱟᱹᱱᱚᱜ ᱨᱮᱭᱟᱜ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱧᱮᱞ ᱟᱠᱟᱱ ᱛᱟᱦᱮᱸᱫ ᱾ ᱟᱡ ᱫᱚ ᱞᱳᱫᱷᱤ ᱥᱚᱢᱩᱫᱟᱭ ᱨᱮᱭ ᱦᱟᱹᱡᱩᱜᱼᱟ ᱾[᱒]
ᱨᱟᱡᱽᱟ.ᱨᱤ ᱵᱟᱝᱠᱩᱥᱤ
ᱥᱟᱯᱲᱟᱣᱱᱚᱵᱷᱮᱢᱵᱚᱨ ᱒᱐᱐᱔ ᱨᱮ ᱞᱟᱞ ᱠᱨᱩᱥᱱᱚ ᱟᱰᱵᱟᱬᱤ ᱭᱟᱜ ᱜᱟᱞᱢᱟᱨᱟᱣ ᱛᱟᱭᱚᱢ ᱟᱡ ᱫᱚ ᱵᱷᱟᱡᱽᱯᱟ ᱠᱷᱚᱱ ᱠᱚ ᱚᱰᱚᱠ ᱜᱤᱰᱤ ᱠᱟᱫᱮᱭᱟ ᱾ ᱒᱐᱐᱕ ᱨᱮ ᱩᱱᱤᱭᱟᱜ ᱵᱟᱨᱚᱱ ᱚᱠᱛᱚ ᱪᱟᱵᱟᱭᱮᱱᱟ ᱟᱨ ᱟᱡ ᱫᱚ ᱯᱟᱨᱴᱤ ᱨᱮᱭᱟᱜ ᱥᱚᱝᱥᱚᱫᱤᱭᱟᱹ ᱵᱚᱰ ᱨᱮ ᱴᱷᱟᱶ ᱮ ᱧᱟᱢ ᱠᱮᱜᱼᱟ ᱾ ᱱᱤᱭᱟᱹ ᱥᱮᱨᱢᱟ ᱜᱮ ᱟᱡ ᱫᱚ ᱯᱟᱴᱤ ᱠᱷᱚᱱ ᱮ ᱥᱟᱦᱟᱭᱮᱱᱟ ᱪᱮᱫᱟᱜ ᱥᱮ ᱟᱡᱤᱡ ᱦᱮᱯᱨᱟᱣᱤᱭᱟᱹ ᱥᱤᱵᱽᱨᱟᱡᱽ ᱥᱤᱝ ᱪᱚᱣᱦᱟᱱ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱲᱤᱡ ᱥᱤᱨᱟᱹ ᱢᱚᱱᱛᱨᱤ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱟᱡ ᱫᱚ ᱵᱷᱟᱨᱚᱛᱤᱭᱟᱹ ᱡᱚᱱᱥᱚᱠᱛᱤ ᱯᱟᱴᱤ ᱧᱩᱛᱩᱢ ᱟᱹᱱᱤᱡ ᱢᱤᱫ ᱵᱷᱮᱜᱟᱨ ᱯᱟᱴᱤᱭ ᱵᱮᱱᱟᱣ ᱠᱮᱜᱼᱟ ᱾
᱗ ᱡᱩᱱ ᱒᱐᱑᱑ ᱨᱮ ᱟᱡ ᱫᱚ ᱟᱨ ᱦᱚᱸ ᱵᱷᱟᱡᱽᱯᱟ ᱨᱮᱭ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱩᱛᱚᱨ ᱯᱨᱚᱫᱮᱥ ᱨᱮ ᱯᱟᱴᱤ ᱨᱮᱭᱟᱜ ᱦᱟᱞᱚᱛ ᱥᱤᱫᱷᱨᱟᱹᱣ ᱞᱟᱹᱜᱤᱫ ᱩᱱᱤ ᱫᱚ "ᱜᱟᱝ ᱫᱩᱜ" ᱦᱩᱞᱥᱟᱹᱭ ᱮ ᱮᱛᱚᱦᱚᱵ ᱠᱮᱜᱼᱟ ᱾ [᱓]
ᱢᱟᱨᱪ ᱒᱐᱑᱒ ᱨᱮ ᱦᱩᱭ ᱮᱱ ᱩᱛᱚᱨ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱡ ᱫᱚ ᱢᱚᱦᱳᱵᱟ ᱦᱚᱱᱚᱛ ᱨᱮᱭᱟᱜ ᱪᱚᱨᱠᱷᱟᱨᱤ ᱥᱤᱴ ᱠᱷᱚᱱ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱮᱱᱟ ᱾ ᱟᱡ ᱫᱚ ᱥᱮᱨᱢᱟ ᱒᱐᱑᱔ ᱥᱟᱞᱮ ᱨᱮ ᱡᱷᱟᱸᱥᱤ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱑᱖ ᱟᱹᱱᱤᱡ ᱞᱳᱠ ᱥᱚᱵᱷᱟ ᱨᱤᱱᱤᱡ ᱥᱟᱝᱥᱚᱫᱽ ᱞᱮᱠᱟᱛᱮᱭ ᱵᱟᱪᱷᱚᱱ ᱟᱠᱟᱱᱟ ᱟᱨ ᱟᱡ ᱫᱚ ᱢᱳᱫᱤᱭᱟᱜ ᱢᱚᱱᱛᱨᱤ ᱢᱟᱰᱣᱟ ᱨᱮ ᱫᱟᱜ ᱛᱚᱦᱚᱨ, ᱜᱟᱰᱟ ᱩᱛᱱᱟᱹᱣ ᱟᱨ ᱜᱟᱝ ᱱᱟᱹᱭ ᱥᱟᱯᱷᱟᱭ ᱞᱟᱹᱜᱤᱫ ᱢᱚᱱᱛᱨᱤᱭ ᱵᱮᱱᱟᱣ ᱟᱠᱟᱱᱟ ᱾
ᱞᱮᱠᱟᱱ ᱞᱮᱠᱟᱱ ᱯᱚᱫᱽ
ᱥᱟᱯᱲᱟᱣᱩᱢᱟ ᱵᱷᱟᱨᱚᱛᱤ ᱫᱚ ᱞᱟᱛᱟᱨ ᱨᱮ ᱮᱢ ᱮᱱ ᱯᱚᱫᱽ ᱠᱚᱨᱮᱭ ᱛᱟᱦᱮᱸ ᱟᱠᱟᱱᱟ:[᱒]
- ᱑᱙᱘᱘: ᱢᱚᱫᱷᱭᱚ ᱯᱨᱚᱫᱮᱥ ᱵᱤᱡᱮᱯᱤ ᱡᱚᱜᱚ ᱯᱟᱨᱥᱮᱛ ᱾
- ᱑᱙᱘᱙: ᱠᱷᱚᱡᱩᱨᱟᱦᱚ ᱠᱷᱚᱱ ᱮᱢᱯᱤ ᱾
- ᱑᱙᱙᱐: ᱠᱤᱨᱥᱤ ᱢᱚᱱᱛᱨᱤᱥᱟᱲᱟ ᱨᱮ ᱫᱤᱥᱟᱹ ᱩᱫᱩᱜ ᱠᱩᱢᱩᱴ ᱨᱤᱱᱤᱡ ᱥᱚᱦᱮᱛ ᱾
- ᱑᱙᱙᱑: ᱠᱷᱚᱡᱩᱨᱟᱦᱚ ᱠᱷᱚᱱ ᱟᱨ ᱦᱚᱸ ᱮᱢᱯᱤ ᱾
- ᱑᱙᱙᱑-᱑᱙᱙᱓: ᱯᱤ.ᱮ.ᱥᱤ. ᱨᱤᱱᱤᱡ ᱥᱚᱦᱮᱛ ᱾
- ᱑᱙᱙᱓: BJYM ᱨᱤᱱᱤᱡ ᱯᱟᱨᱥᱮᱛ ᱾
- ᱑᱙᱙᱖: ᱠᱷᱚᱡᱩᱨᱟᱦᱚ ᱠᱷᱚᱱ ᱟᱨ ᱦᱚᱸ ᱮᱢᱯᱤ ᱾
- ᱑᱙᱙᱖-᱙᱗ : ᱥᱟᱸᱭᱤᱱᱥ ᱮᱸᱰ ᱴᱮᱠᱱᱚᱞᱳᱡᱤ ᱟᱨ ᱯᱷᱳᱨᱮᱥᱴ ᱮᱸᱰ ᱮᱱᱵᱷᱤᱨᱚᱸᱢᱮᱴ ᱠᱩᱢᱩᱴ ᱨᱤᱱᱤᱡ ᱥᱚᱦᱮᱛ ᱾
- ᱑᱙᱙᱘: ᱠᱷᱚᱡᱩᱨᱟᱦᱚ ᱠᱷᱚᱱ ᱟᱨ ᱦᱚᱸ ᱮᱢᱯᱤ ᱾
- ᱑᱙᱙᱘-᱙᱙ ᱠᱮᱵᱤᱱᱮᱴ ᱯᱚᱱᱚᱛ ᱢᱚᱱᱛᱨᱤ, ᱢᱟᱱᱚᱣᱟ ᱥᱩᱫᱷᱨᱟᱹᱣ ᱩᱛᱱᱟᱹᱣ ᱢᱚᱱᱛᱨᱤᱥᱟᱲᱟ ᱾
- ᱑᱙᱙᱙: ᱵᱷᱳᱯᱟᱞ ᱠᱷᱚᱱ ᱮᱢᱯᱤ ᱾
- ᱑᱓ ᱚᱠᱴᱚᱵᱚᱨ ᱑᱙᱙᱙ - ᱒ ᱯᱷᱮᱵᱽᱨᱩᱣᱟᱨᱤ ᱒᱐᱐᱐: ᱠᱮᱵᱤᱱᱮᱴ ᱯᱚᱱᱚᱛ ᱢᱚᱱᱛᱨᱤ (ᱤᱱᱰᱤᱯᱤᱱᱰᱮᱸᱴ ᱪᱟᱨᱡᱽ) ᱴᱩᱨᱤᱡᱤᱢ ᱾
- ᱗ ᱱᱚᱵᱷᱮᱢᱵᱚᱨ ᱒᱐᱐᱐ - ᱒᱕ ᱚᱜᱚᱥᱴ ᱒᱐᱐᱒ : ᱠᱮᱵᱤᱱᱮᱴ ᱢᱚᱱᱛᱨᱤ, ᱡᱩᱣᱟᱹᱱ ᱢᱟᱢᱞᱟ ᱟᱨ ᱠᱷᱮᱞᱚᱸᱰ ᱾
- ᱒᱖ ᱚᱜᱚᱥᱴ ᱒᱐᱐᱒ - ᱒᱙ ᱡᱟᱱᱩᱣᱟᱨᱤ ᱒᱐᱐᱓ : ᱠᱮᱵᱤᱱᱮᱴ ᱢᱚᱱᱛᱨᱤ, ᱠᱩᱭᱞᱟᱹ ᱟᱨ ᱠᱷᱟᱫᱟᱱ ᱾
- ᱘ ᱰᱤᱥᱮᱢᱵᱚᱨ ᱒᱐᱐᱓ ᱼ ᱒᱓ ᱚᱜᱚᱥᱴ ᱒᱐᱐᱔: ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱾
- ᱒᱐᱑᱒: ᱩᱛᱚᱨ ᱯᱨᱚᱫᱮᱥ ᱞᱮᱡᱤᱥᱞᱮᱴᱤᱵᱽ ᱟᱥᱮᱢᱵᱞᱤ ᱨᱤᱱᱤᱡ ᱮᱢᱮᱞᱮ ᱾
- ᱒᱐᱑᱔ : ᱥᱤᱧᱚᱛ ᱨᱮᱭᱟᱜ ᱫᱟᱜ ᱛᱚᱦᱚᱨ, ᱱᱟᱹᱭ ᱩᱛᱱᱟᱹᱣ ᱟᱨ ᱜᱟᱝ ᱱᱟᱹᱭ ᱥᱟᱯᱷᱟ ᱫᱚᱦᱚᱭ ᱵᱟᱠᱷᱨᱟ ᱢᱚᱱᱛᱨᱤ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "BJP meet to decide Uma Bharati's fate". ᱫᱤ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ. Archived from the original on 2004-08-23. Retrieved 20 ᱢᱟᱨᱪ 2009.
- ↑ ᱒.᱐ ᱒.᱑ "Biographical Sketch — Member of Parliament - 13th Lok Sabha". Parliament of India. Retrieved 21 ᱡᱩᱱ 2013.
- ↑ "Back to BJP". Economic Times. 7 ᱡᱩᱱ 2011. Archived from the original on 2012-10-19. Retrieved 7 ᱡᱩᱱ 2011.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Uma Bharti ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Official Twitter
- "India's firebrand Hindu nun" – BBC News article dated 30 November 2005