ᱩᱫᱚᱭᱯᱩᱨ, ᱛᱨᱤᱯᱩᱨᱟ
ᱩᱫᱚᱭᱯᱩᱨ, ᱢᱟᱲᱟᱝ ᱨᱟᱝᱜᱟᱢᱟᱛᱤ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ, ᱥᱤᱧᱚᱛᱤᱭᱟᱹ ᱯᱚᱱᱚᱛ ᱛᱨᱤᱯᱩᱨᱟ ᱨᱮᱱᱟᱜ ᱛᱮᱥᱟᱨ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱢᱚᱦᱟᱨᱟᱡᱟ ᱟᱜ ᱥᱟᱥᱚᱱ ᱡᱩᱜᱽ ᱚᱠᱛᱚ ᱱᱚᱣᱟ ᱥᱚᱦᱚᱨ ᱯᱚᱱᱚᱛ ᱨᱮᱱᱟᱜ ᱢᱟᱲᱟᱝ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱛᱨᱤᱯᱩᱨ ᱥᱩᱱᱫᱽᱨᱤ ᱢᱚᱱᱫᱤᱨ ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱟᱠᱟᱱᱟ ᱚᱠᱟ ᱛᱨᱤᱯᱩᱨᱮᱥᱚᱨᱤ ᱢᱚᱱᱫᱤᱨ ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜᱼᱟ ᱾ ᱱᱚᱣᱟ ᱜᱚᱢᱛᱤ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱦᱚᱸ ᱠᱟᱱᱟ ᱾ ᱩᱫᱚᱭᱯᱩᱨ ᱛᱨᱤᱯᱩᱨᱟ ᱨᱮᱱᱟᱜ ᱨᱟᱡᱽᱜᱟᱲ ᱚᱜᱚᱨᱛᱟᱞᱟ ᱠᱷᱚᱱ ᱕᱑ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾
| ᱩᱫᱚᱭᱯᱩᱨ ᱨᱟᱝᱜᱟᱢᱟᱛᱤ UDP | |
|---|---|
| ᱥᱚᱦᱚᱨ | |
  ᱩᱫᱚᱭᱯᱩᱨ | |
| Coordinates: 23°32′N 91°29′E / 23.53°N 91.48°ECoordinates: 23°32′N 91°29′E / 23.53°N 91.48°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱛᱨᱤᱯᱩᱨᱟ |
| ᱦᱚᱱᱚᱛ | ᱜᱚᱢᱛᱤ ᱦᱚᱱᱚᱛ |
| ᱧᱩᱢ ᱟᱠᱟᱱᱟ | ᱩᱫᱚᱭ ᱢᱟᱱᱤᱠᱭᱟ |
| ᱩᱥᱩᱞ | 22 ᱢᱤᱴᱚᱨ (72 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱕)[᱑] |
| • ᱞᱮᱠᱷᱟᱜᱩᱴ | ᱓᱗᱗᱘᱑ |
| • ᱫᱷᱟᱹᱲ ᱮᱞ | ᱓ ᱟᱱᱟᱜ (ᱛᱨᱤᱯᱩᱨᱟ ᱨᱮ) |
| ᱯᱟᱹᱨᱥᱤ | |
| • ᱥᱚᱨᱠᱟᱨᱤ ᱯᱟᱹᱨᱥᱤ | ᱵᱟᱸᱜᱟᱞᱤ, ᱠᱚᱠᱵᱚᱨᱚᱠ, ᱤᱝᱜᱽᱞᱤᱥ |
| IST (ᱭᱩᱴᱤᱥᱤ+5:30) | |
| ᱜᱟᱹᱰᱤ ᱨᱤᱡᱤᱥᱴᱨᱤ | TR-03 |
| ᱣᱮᱵᱽᱥᱟᱭᱤᱴ | gomati |
ᱚᱛᱱᱚᱜ ᱥᱟᱯᱲᱟᱣ
ᱩᱫᱚᱭᱯᱩᱨ 23°32′N 91°29′E / 23.53°N 91.48°E ᱨᱮ ᱢᱮᱱᱟᱜᱼᱟ ᱾[᱒] ᱱᱚᱣᱟ ᱨᱮᱱᱟᱜ ᱩᱥᱩᱞ ᱒᱒ ᱢᱤᱴᱚᱨ (᱗᱒ ᱯᱷᱤᱴ) ᱢᱮᱱᱟᱜᱼᱟ ᱾ ᱜᱚᱢᱛᱤ ᱜᱟᱰᱟ ᱩᱫᱚᱭᱯᱩᱨ ᱛᱟᱞᱟ ᱠᱷᱚᱱ ᱥᱮᱱᱚᱜᱼᱟ ᱾
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱓] ᱩᱫᱚᱭᱯᱩᱨ ᱨᱤᱱ ᱓᱗,᱗᱗᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱮᱞ ᱕᱒% ᱟᱨ ᱛᱤᱨᱞᱟᱹ ᱟᱜ ᱔᱘% ᱢᱮᱱᱟᱜᱼᱟ ᱾ ᱩᱫᱚᱭᱯᱩᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱙᱔.᱘᱔% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱗᱒.᱙% ᱠᱷᱚᱱ ᱰᱮᱦᱮᱨ ᱜᱮᱭᱟ: ᱠᱚᱲᱟ ᱟᱜ ᱥᱮᱪᱮᱫ ᱙᱖.᱕᱐% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱙᱓.᱑᱕% ᱢᱮᱱᱟᱜᱼᱟ ᱾ ᱩᱫᱚᱭᱯᱩᱨ ᱨᱮ, ᱙% ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾ ᱦᱚᱲ ᱮᱞ ᱘᱒% ᱦᱤᱱᱫᱩ, ᱑᱗% ᱢᱩᱥᱞᱤᱢ ᱟᱨ ᱑% ᱠᱷᱚᱱ ᱠᱚᱢ ᱮᱢᱟᱱ ᱫᱷᱚᱨᱚᱢ ᱡᱮᱞᱮᱠᱟ ᱡᱳᱭᱱᱳ, ᱤᱥᱟᱹᱭ ᱮᱢᱟᱱ ᱢᱮᱱᱟᱜ ᱠᱚᱣᱟ ᱾
ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ ᱥᱟᱯᱲᱟᱣ
ᱩᱫᱚᱭᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱢᱟᱛᱟᱵᱟᱮᱤ ᱥᱩᱨ ᱢᱮᱱᱟᱜᱼᱟ ᱾ ᱥᱴᱮᱥᱚᱱ ᱞᱩᱢᱰᱤᱝᱼᱥᱚᱵᱽᱨᱩᱢ ᱥᱮᱠᱥᱚᱱ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱥᱟᱢᱟᱝ ᱠᱚᱧᱮ ᱥᱤᱢᱟᱹ ᱨᱮᱞᱣᱮ ᱨᱮᱱᱟᱜ ᱞᱩᱢᱰᱤᱝ ᱨᱮᱞᱣᱮ ᱰᱤᱵᱤᱡᱚᱱ ᱨᱮ ᱦᱤᱡᱩᱜᱼᱟ ᱾ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱟᱹᱰᱤ ᱢᱚᱡᱽ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱩᱫᱚᱭᱯᱩᱨ NH 8, ᱚᱜᱚᱨᱛᱟᱞᱟ ᱠᱷᱚᱱ ᱥᱚᱵᱽᱨᱩᱢ ᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱾ ᱨᱟᱡᱽᱨᱚᱵᱟᱜᱽ ᱢᱚᱴᱚᱨ ᱥᱴᱮᱸᱰ ᱠᱷᱚᱱ ᱜᱚᱴᱟ ᱫᱤᱱ ᱥᱚᱲᱚᱠ ᱡᱚᱲᱟᱣ ᱟᱠᱟᱱ ᱨᱟᱡᱽᱜᱟᱲ ᱚᱜᱚᱨᱛᱟᱞᱟ ᱟᱨ ᱯᱚᱱᱚᱛ ᱨᱮᱱᱟᱜ ᱮᱢᱟᱱ ᱥᱚᱦᱚᱨ ᱨᱮ ᱞᱟᱹᱜᱤᱫ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱯᱚᱱᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱜᱟᱰᱟ ᱜᱚᱢᱛᱤ ᱥᱚᱦᱚᱨ ᱞᱮᱠᱟᱛᱮ ᱥᱮᱱᱚᱜᱼᱟ ᱾ [᱔][᱕][᱖][᱗]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ http://censusindia.gov.in/2011-prov-results/paper2/data_files/India2/Table_2_PR_Cities_1Lakh_and_Above.pdf
- ↑ Falling Rain Genomics, Inc - Udaipur
- ↑ "Census of India 2011: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
- ↑ "UDPRT/Udaipur Tripura". India Rail Info.
- ↑ First Commercial Broad Gauge Freight Train Arrives In Tripura
- ↑ BG railhead reaches Udaipur amid cheers Archived ᱒᱐᱑᱖-᱐᱓-᱒᱑ at the Wayback Machine.
- ↑ "IRCTC Next Generation eTicketing System".
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱩᱫᱚᱭᱯᱩᱨ, ᱛᱨᱤᱯᱩᱨᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |