ᱪᱚᱠᱨᱚᱫᱷᱚᱨᱯᱩᱨ ᱨᱮᱞᱣᱮ ᱦᱟᱹᱴᱤᱧ
ᱪᱚᱠᱨᱚᱫᱷᱚᱨᱯᱩᱨ ᱨᱮᱞᱣᱮ ᱦᱟᱹᱴᱤᱧ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱯᱩᱱᱭᱟᱹ ᱨᱮᱞᱣᱮ ᱦᱟᱹᱴᱤᱧ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱨᱮᱞᱣᱮ ᱦᱟᱹᱴᱤᱧ ᱫᱚ ᱑᱔ ᱮᱯᱨᱤᱞ ᱑᱙᱕᱒ ᱨᱮ ᱵᱮᱱᱟᱣ ᱞᱮᱱᱟ ᱟᱨ ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱯᱟᱪᱮ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱪᱚᱠᱨᱚᱫᱷᱚᱨᱯᱩᱨ ᱨᱮ ᱢᱮᱱᱟᱜᱼᱟ ᱾
ᱠᱷᱚᱲᱚᱜᱽᱯᱩᱨ ᱨᱮᱞᱣᱮ ᱦᱟᱹᱴᱤᱧ, ᱟᱫᱽᱨᱟ ᱨᱮᱞᱣᱮ ᱦᱟᱹᱴᱤᱧ ᱟᱨ ᱨᱟᱺᱪᱤ ᱨᱮᱞᱣᱮ ᱦᱟᱹᱴᱤᱧ ᱮᱴᱟᱜ ᱯᱮᱭᱟ ᱨᱮᱞᱣᱮ ᱦᱟᱹᱴᱤᱧ ᱠᱟᱱᱟ, ᱡᱟᱦᱟᱸ ᱫᱚ ᱮᱥ.ᱤ.ᱟᱨ. ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱜᱟᱨᱰᱮᱱ ᱨᱤᱪ, ᱠᱚᱞᱠᱟᱛᱟ ᱨᱮ ᱢᱮᱱᱟᱜᱼᱟ ᱾
ᱪᱚᱠᱨᱚᱫᱷᱚᱨᱯᱩᱨ ᱨᱮᱞᱣᱮ ᱦᱟᱹᱴᱤᱧ ᱨᱮᱱᱟᱜ ᱩᱛᱷᱱᱟᱹᱣ ᱫᱚ ᱦᱩᱭᱩᱜ ᱠᱟᱱᱟ:
᱑. ᱦᱟᱣᱲᱟ-ᱢᱩᱢᱵᱟᱭ ᱢᱩᱬ ᱞᱟᱭᱤᱱ ᱨᱮ ᱡᱷᱟᱨᱠᱷᱚᱸᱰ ᱨᱮ ᱟᱥᱛᱱᱵᱳᱱᱤ ᱥᱴᱮᱥᱚᱱ ᱠᱷᱚᱱ ᱳᱰᱤᱥᱟ ᱨᱮ ᱡᱷᱟᱨᱥᱩᱜᱩᱰᱟ ᱥᱴᱮᱥᱚᱱ ᱫᱷᱟᱹᱨᱤᱡ, ᱱᱚᱣᱟ ᱦᱚᱨ ᱨᱮᱱᱟᱜ ᱢᱩᱬ ᱥᱴᱮᱥᱚᱱ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱴᱟᱴᱟᱱᱚᱜᱚᱨ, ᱪᱚᱠᱨᱚᱫᱷᱚᱨᱯᱩᱨ, ᱨᱟᱣᱨᱠᱮᱞᱟ ᱟᱨ ᱡᱷᱟᱨᱥᱩᱜᱩᱰᱟ ᱾
ᱪᱚᱠᱨᱚᱫᱷᱚᱨᱯᱩᱨ ᱦᱟᱹᱴᱤᱧ ᱨᱮ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱞᱟᱭᱤᱱ ᱠᱚ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ:
᱒. ᱨᱟᱡᱽᱠᱷᱚᱨᱥᱚᱶᱟ ᱥᱴᱮᱥᱚᱱ ᱠᱷᱚᱱ ᱡᱷᱟᱨᱠᱷᱚᱸᱰ/ᱳᱰᱤᱥᱟ ᱨᱮ ᱜᱩᱣᱟ/ᱵᱳᱞᱟᱱᱤ ᱠᱷᱟᱫᱟᱱ ᱫᱷᱟᱹᱨᱤᱡ ᱟᱨ ᱡᱷᱟᱨᱠᱷᱚᱸᱰ ᱨᱮ ᱯᱚᱫᱟᱯᱟᱦᱟᱲ ᱥᱴᱮᱥᱚᱱ ᱠᱷᱚᱱ ᱳᱰᱤᱥᱟ ᱨᱮ ᱡᱟᱨᱳᱞᱤ ᱥᱴᱮᱥᱚᱱ ᱫᱷᱟᱹᱨᱤᱡ, ᱱᱚᱣᱟ ᱰᱟᱦᱟᱨ ᱨᱮ ᱞᱟᱹᱠᱛᱤᱭᱟᱱ ᱥᱴᱮᱥᱚᱱ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱪᱟᱸᱭᱵᱟᱥᱟ, ᱰᱟᱺᱜᱩᱣᱟᱹᱯᱳᱥᱤ, ᱱᱳᱣᱟᱢᱩᱱᱰᱤ, ᱵᱟᱲᱵᱤᱞ ᱟᱨ ᱵᱟᱸᱥᱯᱟᱹᱱᱤ ᱾
᱓. ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱥᱤᱱᱤ ᱥᱴᱮᱥᱚᱱ ᱠᱷᱚᱱ ᱢᱟᱱᱤᱠᱩᱭ ᱥᱴᱮᱥᱚᱱ ᱟᱨ ᱠᱟᱸᱰᱨᱟ-ᱜᱟᱹᱢᱦᱟᱹᱨᱤᱭᱟᱹ ᱫᱷᱟᱹᱨᱤᱡ ᱯᱟᱥᱱᱟᱣ ᱾
᱔. ᱡᱷᱟᱨᱠᱷᱚᱸᱰ ᱨᱮ ᱴᱟᱴᱟᱱᱚᱜᱚᱨ ᱥᱴᱮᱥᱚᱱ ᱠᱷᱚᱱ ᱳᱰᱤᱥᱟ ᱨᱮ ᱨᱟᱭᱨᱚᱝᱯᱩᱨ ᱡᱚᱸᱠᱥᱚᱱ ᱞᱮᱠᱟᱛᱮ ᱜᱳᱨᱩᱢᱚᱦᱤᱥᱟᱱᱤ/ᱵᱟᱫᱟᱢᱯᱟᱦᱟᱲ ᱥᱴᱮᱥᱚᱱ ᱫᱷᱟᱹᱨᱤᱡ ᱾
᱕. ᱨᱟᱩᱨᱠᱮᱞᱟ ᱥᱴᱮᱥᱚᱱ ᱠᱷᱚᱱ ᱳᱰᱤᱥᱟ ᱨᱮᱱᱟᱜ ᱵᱤᱨᱢᱤᱛᱨᱚᱯᱩᱨ ᱥᱴᱮᱥᱚᱱ ᱫᱷᱟᱹᱨᱤᱡ ᱾
᱖. ᱵᱟᱱᱰᱟᱢᱩᱱᱰᱟ ᱥᱴᱮᱥᱚᱱ ᱠᱷᱚᱱ ᱵᱤᱢᱞᱟᱜᱚᱲ ᱡᱚᱸᱠᱥᱚᱱ ᱞᱮᱠᱟᱛᱮ ᱵᱟᱨᱥᱩᱣᱟᱱ/ᱠᱤᱨᱤᱵᱩᱨᱩ ᱫᱷᱟᱹᱨᱤᱡ ᱾ ᱳᱰᱤᱥᱟ/ᱡᱷᱟᱨᱠᱷᱚᱸᱰ ᱨᱮ ᱾
᱗. ᱵᱳᱸᱰᱟᱢᱩᱱᱰᱟ-ᱨᱟᱺᱪᱤ ᱞᱟᱭᱤᱱ ᱨᱮ ᱳᱰᱤᱥᱟ ᱨᱮ ᱵᱳᱸᱰᱟᱢᱩᱱᱰᱟ ᱥᱴᱮᱥᱚᱱ ᱠᱷᱚᱱ ᱱᱩᱣᱟᱜᱟᱶ ᱥᱴᱮᱥᱚᱱ ᱫᱷᱟᱹᱨᱤᱡ ᱾
᱘. ᱳᱰᱤᱥᱟ ᱨᱮ ᱢᱚᱦᱟᱱᱚᱫᱤ ᱠᱳᱞ ᱯᱷᱤᱞᱰᱥ ᱞᱤᱢᱤᱴᱮᱰ ᱞᱟᱹᱜᱤᱫ ᱡᱷᱟᱨᱥᱩᱜᱩᱰᱟ ᱠᱷᱚᱱ ᱥᱟᱨᱰᱮᱜᱟ ᱱᱟᱣᱟ ᱞᱟᱭᱤᱱ ᱾
ᱱᱚᱣᱟ ᱦᱟᱹᱴᱤᱧ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱯᱮᱭᱟ ᱦᱚᱱᱚᱛ (ᱥᱟᱢᱟᱝ ᱟᱨ ᱯᱟᱪᱮ ᱥᱤᱝᱵᱷᱩᱢ ᱟᱨ ᱥᱟᱹᱨᱟᱹᱭᱠᱮᱞᱟ-ᱠᱷᱚᱨᱥᱚᱶᱟ) ᱟᱨ ᱳᱰᱤᱥᱟ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱦᱚᱱᱚᱛ (ᱥᱩᱱᱫᱚᱨᱜᱚᱰ, ᱡᱷᱟᱨᱥᱩᱜᱩᱰᱟ, ᱥᱚᱢᱵᱚᱞᱯᱩᱨ, ᱢᱚᱭᱩᱨᱵᱷᱚᱸᱡᱽ ᱟᱨ ᱠᱮᱱᱫᱩᱡᱷᱚᱨ) ᱨᱮ ᱠᱟᱹᱢᱤ ᱠᱟᱱᱟ ᱾
ᱴᱟᱴᱟᱱᱚᱜᱚᱨ ᱫᱚ ᱦᱟᱹᱴᱤᱧ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱩᱬ ᱥᱴᱮᱥᱚᱱ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱨᱟᱩᱨᱠᱮᱞᱟ, ᱡᱷᱟᱨᱥᱩᱜᱩᱰᱟ, ᱪᱚᱠᱨᱚᱫᱷᱚᱨᱯᱩᱨ ᱮᱢᱟᱱ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱦᱟᱹᱴᱤᱧ ᱨᱮᱱᱟᱜ ᱮᱱᱮᱢ ᱨᱮᱱᱟᱜ ᱢᱩᱬᱩᱛ ᱥᱚᱨᱚᱥ ᱫᱚ ᱢᱟᱞ ᱰᱟᱴᱟ ᱠᱟᱱᱟ ᱟᱨ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱖᱗ ᱦᱟᱹᱴᱤᱧ ᱠᱷᱚᱱ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱮᱱᱮᱢ ᱮᱢᱚᱜ ᱰᱤᱵᱤᱡᱚᱱ ᱠᱟᱱᱟ ᱾ ᱱᱚᱣᱟ ᱴᱚᱴᱷᱟ ᱨᱮ ᱢᱟᱞᱜᱟᱹᱰᱤ ᱛᱮ ᱪᱟᱞᱟᱜ ᱠᱟᱱ ᱢᱩᱬᱩᱛ ᱡᱤᱱᱤᱥ ᱠᱚᱫᱚ ᱦᱩᱭᱩᱜ ᱠᱟᱱᱟ ᱠᱳᱭᱞᱟ, ᱞᱳᱦ ᱳᱭᱮᱥᱠ, ᱛᱮᱭᱟᱨ ᱟᱠᱟᱱ ᱥᱴᱤᱞ, ᱢᱮᱝᱜᱽᱱᱤᱡᱽ ᱟᱨ ᱪᱩᱱᱟ ᱫᱷᱤᱨᱤ ᱾ ᱒᱐᱑᱖-᱑᱗ ᱥᱟᱞ ᱨᱮ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱫᱚ ᱑᱐ ᱢᱤᱞᱤᱭᱚᱱ ᱴᱚᱱ ᱞᱳᱰᱤᱝ ᱠᱮᱯᱮᱥᱤᱴᱤ ᱯᱟᱨᱥᱮᱛ ᱮᱱᱟ ᱟᱨ ᱥᱟᱞ ᱠᱮ ᱥᱟᱞ ᱦᱤᱥᱟᱵᱽ ᱛᱮ ᱱᱚᱣᱟ ᱴᱷᱟᱶ ᱫᱚ ᱵᱟᱹᱲᱛᱤ ᱮᱱᱟ ᱾ ᱰᱤᱵᱤᱡᱚᱱ ᱦᱚᱛᱮᱛᱮ ᱪᱟᱞᱟᱣ ᱠᱟᱱ ᱢᱩᱬ ᱤᱱᱰᱟᱥᱴᱨᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱴᱟᱴᱟ ᱥᱴᱤᱞ, ᱴᱟᱴᱟ ᱢᱳᱴᱚᱨᱥ, ᱞᱟᱯᱟᱨᱡᱽ ᱥᱤᱢᱮᱱᱴ, ᱮᱥᱚᱥᱤᱭᱮᱴ ᱥᱤᱢᱮᱱᱴ ᱠᱚᱢᱯᱟᱱᱤ (ᱮ.ᱥᱤ.ᱥᱤ.), ᱩᱰᱤᱥᱟ ᱥᱤᱢᱮᱱᱴ ᱞᱤᱢᱤᱴᱮᱰ (ᱳ.ᱥᱤ.ᱮᱞ.), ᱵᱤᱦᱟᱨ ᱥᱯᱚᱸᱡᱽ ᱟᱭᱨᱚᱱ, ᱥᱮᱞ ᱜᱩᱣᱟ/ᱠᱤᱨᱤᱵᱩᱨᱩ/ᱢᱚᱱᱳᱦᱚᱨᱯᱩᱨ, ᱥᱮᱞ ᱨᱚᱣᱨᱠᱮᱞᱟ, ᱵᱮᱫᱟᱱᱛ ᱡᱟᱨᱥᱩᱜᱩᱰᱟ, ᱡᱤᱸᱫᱚᱞ (ᱡᱮ.ᱮᱥ.ᱰᱟᱵᱽᱞᱩ.), ᱢᱚᱫᱷᱩᱨᱤᱱᱟ ᱥᱴᱤᱞ ᱟᱞᱚᱭᱚᱥ, ᱩᱥᱟ ᱢᱟᱨᱴᱤᱱ, ᱢᱚᱦᱟᱱᱚᱫᱤ ᱠᱚᱞ ᱯᱷᱤᱞᱰᱥ ᱞᱤᱢᱤᱴᱮᱰ (ᱮᱢ.ᱥᱤ.ᱮᱞ.) ᱮᱢᱟᱱ ᱟᱨ ᱟᱭᱢᱟ ᱮᱴᱟᱜ ᱦᱩᱰᱤᱧ ᱟᱨ ᱛᱟᱞᱟ ᱤᱱᱰᱟᱥᱴᱨᱤ ᱠᱚ ᱾[᱑][᱒]
ᱨᱮᱞᱣᱮ ᱥᱴᱮᱥᱚᱱ ᱟᱨ ᱥᱚᱦᱚᱨ ᱠᱚ ᱨᱮᱱᱟᱜ ᱞᱤᱥᱴᱤ
ᱥᱟᱯᱲᱟᱣᱛᱟᱹᱞᱠᱟᱹ ᱨᱮ ᱪᱚᱠᱨᱚᱫᱷᱚᱨᱯᱩᱨ ᱨᱮᱞᱣᱮ ᱦᱟᱹᱴᱤᱧ ᱨᱮᱱᱟᱜ ᱥᱴᱮᱥᱚᱱ ᱟᱨ ᱚᱱᱟ ᱨᱮᱱᱟᱜ ᱥᱴᱮᱥᱚᱱ ᱛᱷᱚᱠ ᱥᱮᱞᱮᱫ ᱢᱮᱱᱟᱜᱼᱟ ᱾[᱓][᱔]
| ᱥᱴᱮᱥᱚᱱ ᱨᱮᱱᱟᱜ ᱛᱷᱚᱠ | ᱥᱴᱮᱥᱚᱱ ᱨᱮᱱᱟᱜ ᱮᱞ | ᱥᱴᱮᱥᱚᱱ ᱨᱮᱱᱟᱜ ᱧᱩᱛᱩᱢ ᱠᱚ |
|---|---|---|
| ᱮ-᱑ ᱛᱷᱚᱠ | 1 | ᱴᱟᱴᱟᱱᱚᱜᱚᱨ ᱡᱚᱸᱠᱥᱚᱱ |
| ᱮ ᱛᱷᱚᱠ | 2 | ᱡᱷᱟᱨᱥᱩᱜᱩᱰᱟ, ᱨᱟᱩᱨᱠᱮᱞᱟ |
| ᱵᱤ ᱛᱷᱚᱠ | 1 | ᱪᱚᱠᱨᱚᱫᱷᱚᱨᱯᱩᱨ |
| ᱥᱤ ᱛᱷᱚᱠ (ᱥᱟᱵᱽ ᱟᱨᱵᱟᱱ ᱥᱴᱮᱥᱚᱱ) |
᱐ | - |
| ᱰᱤ ᱛᱷᱚᱠ | - | - |
| ᱤ ᱛᱷᱚᱠ | - | ᱟᱹᱰᱤ ᱜᱟᱱ |
| ᱮᱯᱷ ᱛᱷᱚᱠ ᱦᱳᱞᱴ ᱥᱴᱮᱥᱚᱱ |
- | ᱟᱹᱰᱤ ᱜᱟᱱ |
| ᱜᱩᱴ | - | - |
ᱯᱟᱥᱮᱱᱡᱚᱨ ᱠᱚ ᱞᱟᱹᱜᱤᱫ ᱥᱴᱮᱥᱚᱱ ᱵᱚᱸᱫᱽ -
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Zones and their Divisions in Indian Railways" (PDF). Indian Railways. Archived from the original (PDF) on 19 March 2015. Retrieved 14 January 2016.
- ↑ "Chakradharpur Railway Division" (PDF). Railway Board. North Eastern Railway zone. Archived from the original (PDF) on 13 May 2015. Retrieved 14 January 2016.
- ↑ "Statement showing Category-wise No.of stations in IR based on Pass. earning of 2011" (PDF). Archived from the original (PDF) on 28 January 2016. Retrieved 15 January 2016.
- ↑ "PASSENGER AMENITIES - CRITERIA= For Categorisation of Stations" (PDF). Archived from the original (PDF) on 4 March 2016. Retrieved 15 January 2016.