ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱴᱚᱴᱷᱟ
ᱪᱷᱟᱸᱪ:Infobox rail ᱮᱛᱚᱢ ᱥᱟᱢᱟᱝ ᱨᱮᱞᱣᱮ (ᱠᱷᱟᱴᱚ ᱛᱮ SER) ᱫᱚ ᱥᱤᱧᱚᱛ ᱨᱮᱱᱟᱜ ᱑᱙ ᱜᱚᱴᱟᱝ ᱨᱮᱞᱣᱮ ᱴᱚᱴᱷᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱟᱨ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱜᱟᱨᱰᱮᱱ ᱨᱤᱪ, ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱟᱫᱽᱨᱟ ᱨᱮᱞᱣᱮ ᱰᱤᱵᱤᱡᱚᱱ, ᱪᱚᱠᱨᱚᱫᱷᱚᱨᱯᱩᱨ ᱨᱮᱞᱣᱮ ᱰᱤᱵᱤᱡᱚᱱ, ᱠᱷᱚᱲᱚᱜᱽᱯᱩᱨ ᱨᱮᱞᱣᱮ ᱰᱤᱵᱤᱡᱚᱱ ᱟᱨ ᱨᱟᱺᱪᱤ ᱨᱮᱞᱣᱮ ᱰᱤᱵᱤᱡᱚᱱ ᱥᱮᱞᱮᱫ ᱢᱮᱱᱟᱜᱼᱟ ᱾
ᱱᱟᱜᱟᱢ
ᱥᱟᱯᱲᱟᱣᱢᱟᱬᱟᱝ ᱟᱜ
ᱥᱟᱯᱲᱟᱣᱵᱮᱝᱜᱚᱞ ᱱᱟᱜᱽᱯᱩᱨ ᱨᱮᱞᱣᱮ (BNR) ᱠᱚᱢᱯᱟᱹᱱᱤ ᱫᱚ ᱑᱘᱘᱗ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ ᱾ ᱱᱚᱶᱟ ᱠᱚᱢᱯᱟᱹᱱᱤ ᱫᱚ ᱵᱮᱝᱜᱚᱞ ᱱᱟᱜᱽᱯᱩᱨ ᱪᱷᱚᱛᱛᱤᱥᱜᱚᱲ ᱨᱮᱞᱣᱮ ᱠᱷᱚᱱ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱟᱨ ᱱᱚᱶᱟ ᱞᱟᱭᱤᱱ ᱫᱚ ᱵᱨᱚᱰ ᱜᱮᱡᱽ ᱨᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱑᱘᱘᱘ ᱥᱟᱞᱮ ᱨᱮ ᱠᱟᱹᱢᱤ ᱯᱩᱨᱟᱹᱣ ᱞᱮᱱᱟ ᱾ ᱑᱘᱙᱑ ᱥᱮᱨᱢᱟ ᱨᱮ ᱱᱟᱜᱽᱯᱩᱨ ᱠᱷᱚᱱ ᱟᱥᱟᱱᱥᱳᱞ ᱫᱷᱟᱹᱨᱤᱡ ᱢᱩᱬᱩᱛ ᱞᱟᱭᱤᱱ ᱨᱮᱱᱟᱜ ᱯᱟᱥᱱᱟᱣ ᱦᱩᱭ ᱞᱮᱱᱟ ᱾ ᱵᱤᱞᱟᱥᱯᱩᱨ ᱫᱚ ᱩᱢᱨᱤᱭᱟ ᱠᱚᱭᱞᱟ ᱠᱷᱚᱸᱰ ᱠᱷᱚᱱ ᱡᱚᱲᱟᱣ ᱞᱟᱹᱜᱤᱫ ᱛᱮ ᱑᱖᱑ ᱢᱤᱞ (᱒᱕᱘ ᱠᱤᱞᱚᱢᱤᱴᱚᱨ) ᱪᱟᱸᱜᱟ ᱞᱟᱭᱤᱱ ᱵᱮᱱᱟᱣ ᱞᱮᱱᱟ ᱟᱨ ᱱᱚᱣᱟ ᱫᱚ ᱩᱢᱨᱤᱭᱟ ᱠᱷᱚᱱ ᱠᱟᱴᱱᱤ (᱑᱘᱙᱑) ᱫᱷᱟᱹᱨᱤᱡ ᱢᱮᱱᱟᱜ ᱞᱟᱭᱤᱱ ᱠᱷᱚᱱ ᱡᱚᱲᱟᱣ ᱞᱮᱱᱟ ᱾ ᱒᱐ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱫᱷᱟᱹᱨᱤᱡ, ᱠᱚᱞᱠᱟᱛᱟ-ᱵᱚᱢᱵᱮ ᱟᱨ ᱠᱚᱞᱠᱟᱛᱟ-ᱢᱟᱫᱽᱨᱟᱥ ᱞᱟᱭᱤᱱ ᱨᱮᱱᱟᱜ ᱠᱟᱹᱢᱤ ᱯᱩᱨᱟᱹᱣ ᱦᱩᱭ ᱞᱮᱱᱟ ᱾ ᱒᱐ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱᱟᱜ ᱯᱩᱭᱞᱩ ᱛᱷᱚᱠ ᱨᱮ ᱵᱤ.ᱱᱤ.ᱟᱨ. ᱞᱟᱭᱤᱱ ᱨᱮᱱᱟᱜ ᱠᱟᱹᱢᱤ ᱫᱚ ᱯᱩᱨᱟᱹᱣ ᱞᱮᱱᱟ ᱾ ᱑᱙᱒᱑ ᱥᱮᱨᱢᱟ ᱨᱮ ᱛᱟᱞᱪᱮᱨ ᱠᱚᱭᱞᱟ ᱴᱚᱴᱷᱟ ᱫᱚ ᱱᱮᱨᱜᱩᱸᱰᱤ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱨᱮᱞ ᱰᱟᱦᱟᱨ ᱛᱮ ᱡᱚᱲᱟᱣ ᱞᱮᱱᱟ ᱾ ᱑᱙᱓᱑ ᱥᱮᱨᱢᱟ ᱨᱮ ᱨᱟᱭᱯᱩᱨ-ᱵᱤᱡᱤᱭᱟᱱᱚᱜᱚᱨᱚᱢ ᱞᱟᱭᱤᱱ ᱵᱮᱱᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱛᱟᱞᱢᱟ ᱮᱞᱟᱠᱟ ᱥᱟᱶ ᱥᱟᱢᱟᱝ ᱫᱷᱟᱨᱮ ᱫᱚ ᱡᱚᱲᱟᱣ ᱞᱮᱫᱼᱟ ᱾ ᱑᱙᱓᱐ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱫᱷᱟᱹᱨᱤᱡ ᱵᱤ.ᱱ.ᱟᱨ. ᱫᱚ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱮᱨᱳ-ᱜᱮᱡᱽ ᱱᱮᱴᱣᱟᱨᱠ ᱛᱟᱦᱮᱸ ᱠᱟᱱᱟ ᱾ ᱑ ᱚᱠᱴᱚᱵᱚᱨ ᱑᱙᱔᱔ ᱨᱮ ᱵᱤ.ᱱᱤ.ᱟᱨ. ᱨᱮᱱᱟᱜ ᱢᱟᱱᱮ ᱫᱚ ᱥᱤᱧᱚᱛ ᱥᱚᱨᱠᱟᱨ ᱟᱡᱟᱜ ᱴᱷᱟᱶ ᱮ ᱦᱟᱛᱟᱣ ᱠᱮᱫᱼᱟ ᱾ ᱟᱨ ᱑᱔ ᱮᱯᱨᱤᱞ ᱑᱙᱕᱒ ᱫᱷᱟᱹᱨᱤᱡ ᱱᱚᱣᱟ ᱧᱩᱛᱩᱢ ᱛᱮ ᱠᱚ ᱵᱟᱰᱟᱭᱮᱫ ᱛᱟᱦᱮᱸᱫ, ᱡᱚᱠᱷᱚᱱ ᱱᱚᱣᱟ ᱤᱥᱴ ᱤᱱᱰᱤᱭᱟᱱ ᱨᱮᱞᱣᱮ ᱥᱟᱶ ᱢᱮᱥᱟ ᱠᱟᱛᱮ ᱤᱱᱰᱤᱭᱟᱱ ᱨᱮᱞᱣᱮ ᱨᱮᱱᱟᱜ ᱛᱩᱨᱩᱭ ᱱᱟᱣᱟ ᱵᱮᱱᱟᱣ ᱟᱠᱟᱱ ᱴᱚᱴᱷᱟ ᱠᱷᱚᱱ ᱢᱤᱫᱴᱟᱹᱝ ᱵᱮᱱᱟᱣ ᱮᱱᱟ: ᱤᱥᱴᱚᱨᱱ ᱨᱮᱞᱣᱮ ᱾
ᱱᱟᱣᱟ ᱜᱮ ᱵᱮᱱᱟᱣ
ᱥᱟᱯᱲᱟᱣ
᱑ ᱚᱜᱚᱥᱴ ᱑᱙᱕᱕ ᱥᱟᱞᱮ ᱨᱮ, ᱢᱟᱬᱟᱝ ᱟᱜ ᱵᱮᱝᱜᱚᱞ ᱱᱟᱜᱽᱯᱩᱨ ᱨᱮᱞᱣᱮ ᱦᱟᱹᱴᱤᱧ ᱫᱚ ᱵᱷᱮᱜᱟᱨ ᱦᱩᱭ ᱞᱮᱱᱟ ᱟᱨ ᱢᱤᱫ ᱱᱟᱣᱟ ᱴᱚᱴᱷᱟ, ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱫᱚ ᱵᱮᱱᱟᱣ ᱮᱱᱟ ᱾ ᱡᱩᱞᱟᱭ ᱑᱙᱖᱗ ᱨᱮ, ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱫᱚ ᱵᱟᱸᱠᱩᱲᱟ ᱫᱟᱢᱳᱫᱚᱨ ᱜᱟᱰᱟ ᱞᱟᱭᱤᱱ ᱮ ᱦᱟᱛᱟᱣ ᱠᱮᱫᱼᱟ ᱾
ᱮᱯᱨᱤᱞ ᱒᱐᱐᱓ ᱫᱷᱟᱹᱨᱤᱡ, ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮ ᱘ ᱜᱚᱴᱟᱝ ᱰᱤᱵᱤᱡᱚᱱ ᱛᱟᱦᱮᱸ ᱠᱟᱱᱟ: ᱠᱷᱚᱲᱚᱜᱽᱯᱩᱨ, ᱟᱫᱽᱨᱟ, ᱥᱚᱢᱵᱚᱞᱯᱩᱨ, ᱠᱷᱩᱨᱫᱟ ᱨᱳᱰ, ᱵᱤᱥᱟᱠᱷᱟᱯᱟᱴᱱᱟᱢ, ᱪᱚᱠᱨᱚᱫᱷᱚᱨᱯᱩᱨ, ᱵᱤᱞᱟᱥᱯᱩᱨ ᱟᱨ ᱱᱟᱜᱽᱯᱩᱨ ᱾ ᱮᱯᱨᱤᱞ ᱒᱐᱐᱓ ᱨᱮ ᱥᱤ.ᱮ.ᱟᱨ. ᱠᱷᱚᱱ ᱵᱟᱨᱭᱟ ᱱᱟᱣᱟ ᱡᱚᱱ ᱵᱮᱱᱟᱣ ᱮᱱᱟ ᱾ ᱑ ᱮᱯᱨᱤᱞ ᱒᱐᱐᱓ ᱨᱮ, ᱤᱥᱴ ᱠᱳᱥᱴ ᱨᱮᱞᱣᱮ (E.Co.R) ᱡᱟᱦᱟᱸ ᱨᱮ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱠᱷᱩᱨᱫᱟ ᱨᱳᱰ, ᱥᱚᱢᱵᱚᱞᱯᱩᱨ ᱟᱨ ᱵᱤᱥᱟᱠᱷᱟᱯᱟᱴᱱᱟᱢ ᱰᱤᱵᱤᱡᱚᱱ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱫᱤᱥᱚᱢ ᱞᱟᱹᱜᱤᱫ ᱛᱮ ᱫᱚᱦᱚ ᱦᱩᱭ ᱞᱮᱱᱟ ᱾ ᱕ ᱮᱯᱨᱤᱞ ᱒᱐᱐᱓ ᱨᱮ, ᱮᱛᱚᱢ ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ (S.E.C.R) ᱡᱟᱦᱟᱸ ᱨᱮ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱱᱟᱜᱽᱯᱩᱨ ᱟᱨ ᱵᱤᱞᱟᱥᱯᱩᱨ ᱰᱤᱵᱤᱡᱚᱱ ᱟᱨ ᱢᱤᱫ ᱱᱟᱣᱟ ᱨᱟᱭᱯᱩᱨ ᱰᱤᱵᱤᱡᱚᱱ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱫᱤᱥᱚᱢ ᱞᱟᱹᱜᱤᱫ ᱛᱮ ᱫᱚᱦᱚ ᱦᱩᱭ ᱞᱮᱱᱟ ᱾ ᱑᱓ ᱮᱯᱨᱤᱞ ᱒᱐᱐᱓ ᱥᱟᱞᱮ ᱨᱮ, ᱮᱥ.ᱤ.ᱟᱨ. ᱫᱚ ᱱᱟᱣᱟ ᱨᱟᱺᱪᱤ ᱰᱤᱵᱤᱡᱚᱱ ᱵᱮᱱᱟᱣ ᱞᱟᱹᱜᱤᱫ ᱛᱮ ᱟᱫᱽᱨᱟ ᱟᱨ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱠᱚ ᱵᱷᱮᱜᱟᱨ ᱠᱮᱫᱼᱟ ᱾[᱑] ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱴᱤᱠᱤᱯᱟᱨᱟ, ᱠᱷᱚᱲᱚᱜᱽᱯᱩᱨ ᱟᱨ ᱯᱟᱸᱥᱠᱩᱲᱟ ᱨᱮ ᱤᱞᱮᱠᱴᱨᱤᱠ ᱢᱟᱞᱴᱤᱯᱚᱞ ᱭᱩᱱᱤᱴ ᱥᱮᱰ ᱢᱮᱱᱟᱜᱼᱟ ᱾ ᱤᱞᱮᱠᱴᱨᱤᱠ ᱞᱚᱠᱳᱢᱳᱴᱤᱵᱽ ᱥᱮᱰ ᱫᱚ ᱥᱟᱱᱛᱨᱟᱜᱟᱪᱷᱤ, ᱴᱟᱴᱟᱱᱚᱜᱚᱨ, ᱵᱚᱠᱟᱨᱚ ᱥᱴᱤᱞ ᱥᱤᱴᱤ, ᱨᱟᱩᱨᱠᱮᱞᱟ, ᱠᱷᱚᱲᱚᱜᱽᱯᱩᱨ ᱟᱨ ᱵᱚᱱᱰᱟᱢᱩᱱᱰᱟ ᱨᱮ ᱢᱮᱱᱟᱜᱼᱟ ᱾ ᱰᱤᱡᱮᱞ ᱞᱚᱠᱳᱢᱳᱴᱤᱵᱽ ᱥᱮᱰ ᱫᱚ ᱠᱷᱚᱲᱚᱜᱽᱯᱩᱨ, ᱵᱚᱠᱟᱨᱚ ᱥᱴᱤᱞ ᱥᱤᱴᱤ ᱟᱨ ᱵᱚᱱᱰᱟᱢᱩᱱᱰᱟ ᱨᱮ ᱢᱮᱱᱟᱜᱼᱟ ᱾ ᱥᱟᱱᱛᱟᱨᱟᱜᱟᱪᱷᱤ ᱨᱮ ᱫᱚ ᱠᱳᱪ ᱫᱚᱦᱚᱭ ᱡᱟᱜᱟ ᱢᱮᱱᱟᱜᱼᱟ ᱾ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱢᱤᱫ ᱢᱩᱬ ᱠᱟᱹᱢᱤᱦᱚᱨᱟ ᱠᱷᱚᱲᱚᱜᱽᱯᱩᱨ ᱨᱮ ᱢᱮᱱᱟᱜᱼᱟ ᱾[᱒]
ᱪᱟᱪᱞᱟᱣ
ᱥᱟᱯᱲᱟᱣᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱫᱚ ᱯᱚᱪᱷᱤᱢ ᱵᱟᱝᱞᱟ, ᱡᱷᱟᱨᱠᱷᱚᱸᱰ ᱟᱨ ᱳᱰᱤᱥᱟ ᱯᱚᱱᱚᱛ ᱨᱮ ᱥᱮᱵᱟ ᱮᱢᱚᱜᱼᱟ ᱾ ᱮᱥ.ᱤ. ᱫᱚ ᱠᱚᱞᱠᱟᱛᱟ ᱨᱮᱱᱟᱜ ᱥᱩᱨ ᱥᱩᱯᱩᱨ ᱴᱚᱴᱷᱟ ᱠᱚᱨᱮ ᱦᱟᱣᱲᱟ ᱠᱷᱚᱱ ᱠᱷᱚᱲᱚᱜᱽᱯᱩᱨ, ᱟᱢᱛᱟ, ᱢᱮᱫᱤᱱᱤᱯᱩᱨ, ᱴᱟᱴᱟᱱᱚᱜᱚᱨ, ᱵᱟᱞᱮᱥᱚᱨ, ᱨᱟᱣᱩᱨᱠᱮᱞᱟ ᱟᱨ ᱥᱟᱸᱛᱨᱟᱜᱟᱪᱷᱤ ᱠᱷᱚᱱ ᱥᱟᱞᱤᱢᱟᱨ ᱫᱷᱟᱹᱨᱤᱡ ᱨᱮᱜᱩᱞᱟᱨ ᱤᱞᱮᱠᱴᱨᱤᱠ ᱢᱚᱞᱴᱤᱯᱚᱞ ᱭᱩᱱᱤᱴ (ᱮᱢᱭᱩ) ᱥᱮᱵᱟ ᱦᱚᱸᱭ ᱪᱟᱞᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱠᱚᱞᱠᱟᱛᱟ ᱟᱨ ᱦᱟᱞᱫᱤᱭᱟ ᱟᱨ ᱦᱟᱣᱲᱟ ᱠᱷᱚᱱ ᱫᱤᱜᱷᱟ ᱟᱨ ᱢᱮᱪᱮᱫᱟ ᱠᱷᱚᱱ ᱫᱤᱜᱷᱟ ᱞᱟᱹᱜᱤᱫ ᱢᱩᱬᱩᱛ ᱢᱟᱨᱠᱮᱴ ᱴᱨᱟᱯᱷᱤᱠ ᱦᱚᱸᱭ ᱪᱟᱞᱟᱜᱼᱟ ᱾
ᱠᱷᱚᱸᱰ ᱠᱚ
ᱥᱟᱯᱲᱟᱣᱜᱮᱞᱟᱨᱤ
ᱥᱟᱯᱲᱟᱣ-
ᱦᱟᱣᱲᱟ - ᱢᱩᱢᱵᱟᱭ ᱢᱮᱞ -
ᱠᱚᱨᱳᱢᱟᱱᱰᱮᱞ ᱮᱠᱥᱯᱨᱮᱥ -
ᱤᱥᱴ ᱠᱚᱥᱴ ᱮᱠᱥᱯᱨᱮᱥ -
ᱮᱥ.ᱮᱢ.ᱵᱤ.ᱴᱤ. ᱵᱮᱝᱜᱟᱞᱩᱨᱩ - ᱦᱟᱣᱲᱟ ᱥᱩᱯᱚᱨᱯᱷᱟᱥᱴ ᱮᱠᱥᱯᱨᱮᱥ -
ᱦᱟᱣᱲᱟ – ᱪᱮᱱᱱᱟᱭ ᱢᱮᱞ -
ᱦᱟᱣᱨᱟ - ᱯᱩᱱᱮ ᱫᱩᱨᱚᱱᱴᱚ -
ᱤᱥᱯᱟᱛ ᱮᱠᱥᱯᱨᱮᱥ -
ᱚᱢᱨᱟᱵᱚᱛᱤ ᱮᱠᱥᱯᱨᱮᱥ -
BNR House, residence of the GM of SER -
_bound_12871_(Howrah-Titlagarh)_Ispat_Express_01.jpg)
ᱟᱨᱦᱚᱸ ᱧᱮᱞᱢᱮ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Major events since trifurcation (1.4.2003)". South Eastern Railway website. Archived from the original on 19 ᱱᱚᱵᱷᱮᱢᱵᱚᱨ 2005.
- ↑ "History of Adra Railway Division" (PDF). Railway Board. South Eastern Railway zone. Retrieved 19 January 2016.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ
Media related to ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱴᱚᱴᱷᱟ at Wikimedia Commons- ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ
