ᱪᱤᱱᱟ ᱵᱷᱚᱵᱚᱱ
ᱪᱤᱱᱟ ᱵᱷᱚᱵᱚᱱ, (ᱪᱟᱭᱱᱤᱡᱽ ᱯᱟᱹᱨᱥᱤ ᱟᱨ ᱞᱟᱠᱪᱟᱨ ᱛᱷᱟᱹᱯᱱᱤᱛ) ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱑᱙᱓᱗ ᱨᱮ ᱵᱮᱱᱟᱣ ᱞᱮᱱᱟ, ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱢᱮᱱᱟᱜ ᱪᱤᱱ-ᱥᱤᱧᱚᱛᱤᱭᱟᱹ ᱟᱹᱨᱤᱪᱟᱹᱞᱤ ᱯᱟᱲᱦᱟᱣ ᱨᱮᱱᱟᱜ ᱢᱤᱫ ᱛᱟᱞᱢᱟ ᱠᱟᱱᱟ᱾ ᱱᱟᱜᱟᱢᱤᱭᱟᱹ ᱥᱮᱪᱮᱫ ᱟᱨ ᱵᱟᱨᱦᱮ ᱫᱤᱥᱚᱢ ᱛᱟᱞᱟ ᱨᱮ ᱱᱟᱦᱟᱜ ᱥᱟᱹᱜᱟᱹᱭ ᱠᱚ ᱩᱫᱩᱜᱽ ᱥᱚᱫᱚᱨ ᱠᱟᱱ ᱢᱤᱫ ᱛᱟᱞᱢᱟ ᱞᱮᱠᱟᱛᱮ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱟᱨ ᱛᱟᱱ ᱭᱩᱱ-ᱥᱟᱱ ᱞᱮᱠᱟᱱ ᱦᱚᱲ ᱠᱚ ᱵᱮᱱᱟᱣ ᱞᱮᱫᱟ᱾ ᱱᱚᱶᱟ ᱜᱟᱫᱮᱞ ᱨᱮ ᱪᱟᱭᱱᱤᱡᱽ ᱯᱚᱛᱚᱵ ᱟᱨ ᱚᱱᱚᱞ, ᱵᱤᱥᱮᱥ ᱠᱟᱛᱮ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱᱟᱜ ᱫᱷᱚᱨᱚᱢ ᱯᱩᱛᱷᱤ ᱟᱨ ᱯᱚᱛᱚᱵ ᱠᱚ ᱨᱮᱱᱟᱜ ᱯᱩᱛᱷᱤ ᱢᱩᱨᱟᱹᱭ ᱞᱟᱹᱜᱤᱫ ᱛᱮᱦᱚᱸ ᱵᱟᱰᱟᱭᱚᱜᱼᱟ᱾
| ᱪᱤᱱᱟ ᱵᱷᱚᱵᱚᱱ | |
|---|---|
| ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
 ᱪᱤᱱᱟ ᱵᱷᱚᱵᱚᱱ - ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
| ᱴᱷᱟᱶ | ᱥᱟᱱᱛᱤᱱᱤᱠᱮᱛᱚᱱ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 23°40′45″N 87°41′12″E / 23.67921°N 87.68671°ECoordinates: 23°40′45″N 87°41′12″E / 23.67921°N 87.68671°E |
| ᱛᱷᱟᱯᱚᱱᱤᱡ | ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ, ᱛᱟᱱ ᱭᱩᱱ-ᱥᱟᱱ |
| ᱛᱷᱟᱯᱚᱱ | ᱑᱙᱓᱗ |
| ᱰᱤᱨᱮᱠᱴᱚᱨ | ᱰᱨ. ᱚᱵᱷᱤᱡᱤᱛ ᱵᱮᱱᱟᱨᱡᱤ |
| ᱣᱮᱵᱽᱥᱟᱭᱤᱴ | ᱪᱤᱱᱟ ᱵᱷᱚᱵᱚᱱ |
ᱮᱛᱚᱦᱚᱵ
ᱥᱟᱯᱲᱟᱣ| “ | ᱱᱚᱣᱟ ᱫᱚ ᱤᱧ ᱞᱟᱹᱜᱤᱫ ᱛᱮ ᱢᱤᱫ ᱢᱟᱨᱟᱝ ᱫᱤᱱ ᱠᱟᱱᱟ, ᱡᱟᱦᱟᱸ ᱞᱟᱹᱜᱤᱫ ᱟᱹᱰᱤ ᱫᱤᱱ ᱠᱷᱚᱱ ᱤᱧ ᱛᱟᱺᱜᱤ ᱟᱠᱟᱫ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱤᱧ ᱟᱵᱚᱣᱟᱜ ᱦᱚᱲ ᱠᱚ ᱞᱟᱹᱜᱤᱫ ᱛᱮ, ᱟᱵᱚᱣᱟᱜ ᱢᱟᱲᱟᱝ ᱨᱮ ᱢᱤᱫ ᱱᱟᱜᱟᱢᱟᱱᱟᱜ ᱠᱤᱨᱭᱟᱹ, ᱟᱵᱚᱣᱟᱜ ᱦᱚᱲ ᱟᱨ ᱪᱤᱱ ᱦᱚᱲ ᱠᱚ ᱛᱟᱞᱟ ᱨᱮ ᱟᱹᱨᱤᱪᱟᱹᱞᱤ ᱟᱨ ᱢᱟᱱᱚᱛ ᱨᱮᱱᱟᱜ ᱥᱟᱹᱜᱟᱹᱭ ᱫᱚᱦᱚ ᱞᱟᱹᱜᱤᱫ ᱠᱤᱨᱭᱟᱹᱧ ᱯᱩᱨᱟᱹᱣ ᱫᱟᱲᱮᱭᱟᱜᱼᱟ, ᱢᱤᱫ ᱥᱟᱹᱜᱟᱹᱭ ᱡᱟᱦᱟᱸ ᱨᱮᱱᱟᱜ ᱯᱷᱟᱭᱫᱟ ᱫᱚ ᱑᱘᱐᱐ ᱥᱮᱨᱢᱟ ᱢᱟᱲᱟᱝ ᱟᱵᱚ ᱨᱮᱱ ᱦᱟᱯᱲᱟᱢ ᱠᱚ ᱵᱮᱼᱢᱩᱪᱟᱹᱫ ᱥᱟᱹᱜᱟᱹᱭ ᱟᱨ ᱟᱞᱟᱭ ᱫᱟᱨᱟᱭ ᱛᱮᱠᱚ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ᱾ | ” |
| — ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ, [᱑] | ||
ᱪᱤᱱᱟ ᱵᱷᱚᱵᱚᱱ ᱫᱚ ᱴᱷᱟᱠᱩᱨ ᱟᱜ ᱡᱮᱜᱮᱛ ᱫᱚ ᱢᱤᱫ ᱵᱟᱥᱟ, ᱢᱟᱨᱟᱝ ᱢᱚᱱᱮ ᱨᱮᱱᱟᱜ ᱢᱤᱫᱴᱟᱹᱝ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ᱾ ᱛᱟᱱ ᱭᱩᱱ-ᱥᱟᱱ ᱫᱚ ᱪᱤᱱᱟ ᱵᱷᱚᱵᱚᱱ ᱵᱮᱱᱟᱣ ᱟᱨ ᱩᱛᱱᱟᱹᱣ ᱟᱠᱟᱫ ᱦᱚᱲ ᱠᱟᱱᱟᱭ᱾ ᱩᱱᱤ ᱫᱚ ᱪᱤᱱ ᱨᱮᱭᱟᱜ ᱦᱩᱱᱟᱱ ᱯᱚᱱᱚᱛ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱩᱱᱤ ᱫᱚ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟᱭ᱾ ᱢᱤᱫ ᱠᱮᱞᱤᱜᱽᱨᱟᱯᱷᱤᱥᱴ, ᱚᱱᱚᱬᱦᱤᱭᱟᱹ, ᱱᱟᱜᱟᱢᱤᱭᱟᱹ, ᱚᱼᱚᱞᱤᱡ ᱟᱨ ᱚᱱᱚᱞᱤᱭᱟᱹ, ᱛᱟᱱ ᱫᱚ ᱪᱟᱭᱱᱤᱡᱽ ᱠᱞᱟᱥᱤᱠᱟᱞ ᱥᱟᱶᱦᱮᱫ ᱟᱨ ᱯᱷᱤᱞᱥᱚᱯᱷᱤ ᱨᱮ ᱥᱮᱪᱮᱫ ᱟᱠᱟᱱ ᱢᱤᱫ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱱᱤᱡᱮᱨᱟᱜ ᱡᱤᱭᱚᱱ ᱨᱮ ᱩᱱᱤ ᱫᱚ ᱢᱤᱫ ᱢᱚᱦᱟᱭᱟᱱᱟ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱ ᱦᱚᱲ ᱟᱨ ᱠᱚᱱᱯᱷᱩᱥᱤᱭᱟᱱ ᱠᱞᱟᱥᱤᱠᱟᱞ, ᱞᱟᱣᱡᱤ (ᱞᱟᱣ-ᱡᱤ) ᱟᱜ ᱯᱷᱤᱞᱥᱚᱯᱷᱤ ᱟᱨ ᱪᱟᱭᱱᱤᱡᱽ ᱢᱮᱴᱟᱯᱷᱤᱡᱤᱠᱥ ᱨᱮᱱ ᱢᱤᱫ ᱠᱚᱱᱯᱷᱩᱥᱤᱭᱟᱱ ᱥᱟᱬᱮᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱛᱷᱤᱨ ᱯᱟᱱᱛᱷᱟ ᱛᱮ ᱥᱟᱱᱟᱢ ᱠᱚᱣᱟᱜ ᱢᱚᱱᱮ ᱯᱮᱨᱮᱡ ᱫᱟᱲᱮᱭᱟᱜ ᱨᱮᱭᱟᱜ ᱧᱩᱛᱩᱢ ᱮ ᱟᱢᱮᱴ ᱠᱮᱫᱼᱟ ᱟᱨ ᱩᱱᱤ ᱥᱟᱶ ᱡᱟᱦᱟᱸᱭ ᱠᱚ ᱞᱮᱛᱟᱲ ᱥᱟᱹᱜᱟᱹᱭ ᱨᱮᱭ ᱛᱟᱦᱮᱸ ᱠᱟᱱᱟ ᱩᱱᱠᱩᱣᱟᱜ ᱢᱚᱱ ᱨᱮ ᱱᱟᱯᱟᱭ ᱢᱟᱹᱱᱢᱤᱭᱟᱜ ᱪᱷᱟᱯ ᱮ ᱫᱚᱦᱚ ᱟᱠᱟᱫᱼᱟ᱾
ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱫᱚ ᱟᱡᱟᱜ ᱪᱤᱱ ᱨᱮᱱᱟᱜ ᱱᱟᱜᱟᱢᱤᱭᱟᱹ ᱥᱟᱬᱟ ᱠᱷᱚᱱ ᱯᱮ ᱥᱮᱨᱢᱟ ᱛᱟᱭᱚᱢ ᱑᱙᱒᱗ ᱨᱮ ᱢᱟᱞᱟᱭᱟ ᱨᱮ ᱛᱟᱱ ᱭᱩᱱ-ᱥᱟᱱ ᱧᱟᱢ ᱞᱮᱫᱮᱭᱟᱭ᱾ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱥᱮᱴᱮᱨ ᱠᱟᱛᱮ ᱛᱟᱱ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱜᱟᱹᱠᱷᱩᱲᱤᱭᱟᱹ ᱠᱚ ᱥᱟᱶ ᱥᱟᱶᱦᱮᱫᱤᱭᱟᱹ ᱜᱟᱞᱚᱪ ᱨᱮᱭ ᱰᱩᱵᱩᱡ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱥᱟᱶᱛᱮ ᱩᱱᱤ ᱫᱚ ᱤᱱᱰᱚᱞᱚᱡᱤ ᱯᱟᱲᱦᱟᱣ ᱨᱮ ᱦᱚᱸᱭ ᱥᱮᱞᱮᱫ ᱞᱮᱱᱟ᱾ ᱥᱤᱧᱚᱛ ᱟᱨ ᱪᱤᱱ ᱨᱮ ᱟᱹᱨᱤᱪᱟᱹᱞᱤ ᱥᱟᱹᱜᱟᱹᱭ ᱨᱮᱱᱟᱜ ᱠᱤᱥᱟᱹᱬ ᱟᱹᱨᱤᱪᱟᱹᱞᱤ ᱢᱮᱱᱟᱜᱼᱟ᱾ ᱯᱷᱟᱥᱤᱭᱟᱱ (ᱯᱷᱟ ᱦᱤᱭᱮᱱ), ᱥᱟᱝᱡᱟᱝ (ᱦᱩᱭᱮᱝ ᱥᱟᱝ) ᱟᱨ ᱭᱤᱡᱤᱱ (ᱤ-ᱥᱤᱝ) ᱧᱩᱛᱩᱢ ᱠᱚ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ, ᱢᱮᱱᱠᱷᱟᱱ ᱱᱚᱝᱠᱟᱱ ᱥᱟᱹᱜᱟᱹᱭ ᱑᱐᱐᱐ ᱥᱮᱨᱢᱟ ᱦᱟᱹᱵᱤᱡ ᱦᱟᱹᱯᱤᱫ ᱛᱟᱦᱮᱸ ᱠᱟᱱᱟ᱾ ᱚᱱᱚᱬᱦᱤᱭᱟᱹ ᱟᱨ ᱪᱤᱱᱤ ᱯᱟᱲᱦᱟᱣᱤᱭᱟᱹ ᱵᱟᱱᱟᱨᱟᱜ ᱢᱚᱱᱮ ᱨᱮ ᱱᱚᱣᱟ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱡᱮ ᱢᱤᱫ ᱴᱷᱟᱹᱣᱠᱟᱹ ᱛᱷᱟᱹᱯᱱᱤᱛ ᱫᱚ ᱟᱹᱨᱤᱪᱟᱹᱞᱤ ᱥᱟᱹᱜᱟᱹᱭ ᱞᱟᱹᱜᱤᱫ ᱢᱤᱫ ᱠᱮᱴᱮᱡ ᱴᱷᱟᱶ ᱞᱮᱠᱟᱛᱮ ᱠᱟᱹᱢᱤ ᱫᱟᱲᱮᱭᱟᱜᱼᱟ᱾ ᱛᱟᱱ ᱭᱩᱱ-ᱥᱟᱱ ᱫᱚ ᱑᱙᱓᱑ ᱥᱟᱞᱮ ᱨᱮ ᱪᱤᱱ ᱨᱮ ᱴᱟᱜᱳᱨ ᱟᱜ ᱵᱤᱥᱥᱚ-ᱵᱷᱟᱨᱚᱛᱤ ᱨᱮᱭᱟᱜ ᱢᱚᱱᱮ ᱠᱚ ᱵᱟᱰᱟᱭ ᱞᱟᱹᱜᱤᱫ ᱟᱨ ᱟᱹᱨᱤᱪᱟᱹᱞᱤ ᱥᱟᱹᱜᱟᱹᱭ ᱞᱟᱹᱜᱤᱫ ᱜᱚᱲᱚ ᱦᱟᱛᱟᱣ ᱞᱟᱹᱜᱤᱫ ᱪᱤᱱ ᱮ ᱪᱟᱞᱟᱣ ᱞᱮᱱᱟ᱾ ᱟᱹᱨᱤᱪᱟᱹᱞᱤ ᱥᱟᱹᱜᱟᱹᱭ ᱞᱟᱹᱜᱤᱫ ᱟᱹᱭᱫᱟᱹᱨ ᱨᱟᱹᱥᱠᱟᱹ ᱥᱟᱶᱛᱮ, ᱑᱙᱓᱓ ᱨᱮ ᱱᱟᱱᱡᱤᱝ ᱨᱮ ᱥᱤᱱᱳ-ᱤᱱᱰᱤᱭᱟᱱ ᱟᱹᱨᱤᱪᱟᱹᱞᱤ ᱥᱳᱥᱟᱭᱴᱤ ᱨᱮᱱᱟᱜ ᱮᱛᱚᱦᱚᱵ ᱦᱩᱭ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱥᱮᱨᱢᱟ ᱨᱮ ᱩᱱᱤ ᱫᱚ ᱥᱤᱧᱚᱛ ᱨᱩᱣᱟᱹᱲ ᱮᱱᱟ ᱟᱨ ᱑᱙᱓᱔ ᱥᱟᱞᱮ ᱨᱮ ᱱᱚᱝᱠᱟᱱ ᱢᱤᱫ ᱜᱟᱶᱛᱟ ᱵᱮᱱᱟᱣ ᱮᱱᱟ। ᱑᱙᱓᱗ ᱥᱮᱨᱢᱟ ᱨᱮ ᱪᱤᱱᱟ ᱵᱷᱚᱵᱚᱱ ᱵᱮᱱᱟᱣ ᱞᱮᱱᱟ। ᱩᱱᱤ ᱫᱚ ᱓᱐ ᱥᱮᱨᱢᱟ ᱠᱷᱚᱱ ᱦᱚᱸ ᱡᱟᱹᱥᱛᱤ ᱚᱠᱛᱚ ᱱᱚᱣᱟ ᱠᱟᱹᱢᱤ ᱨᱮᱭ ᱛᱟᱦᱮᱸ ᱠᱟᱱᱟ᱾[᱒]
ᱚᱲᱟᱜ
ᱥᱟᱯᱲᱟᱣᱥᱟᱱᱛᱤᱱᱤᱠᱮᱛᱚᱱ ᱨᱮ ᱛᱟᱱ ᱭᱩᱱ-ᱥᱟᱱ ᱫᱚᱭ ᱟᱸᱜᱚᱪ ᱧᱟᱢ ᱠᱮᱫᱼᱟ ᱡᱮ ᱩᱱᱤᱭᱟᱜ ᱠᱟᱹᱢᱤ ᱞᱟᱹᱜᱤᱫ ᱫᱚ ᱢᱤᱫᱴᱟᱹᱝ ᱵᱷᱮᱜᱟᱨ ᱦᱳᱞ/ᱚᱲᱟᱜ ᱵᱮᱱᱟᱣ ᱞᱟᱹᱠᱛᱤ ᱠᱟᱱᱟ ᱢᱮᱱᱠᱷᱟᱱ ᱵᱤᱥᱥᱚ-ᱵᱷᱟᱨᱚᱛᱤ, ᱡᱟᱦᱟᱸ ᱫᱚ ᱩᱱ ᱚᱠᱛᱚ ᱨᱮ ᱢᱤᱫ ᱯᱨᱟᱭᱵᱷᱮᱴ ᱛᱷᱟᱹᱯᱱᱤᱛ ᱛᱟᱦᱮᱸ ᱠᱟᱱᱟ, ᱚᱱᱟ ᱨᱮᱫᱚ ᱫᱷᱚᱱ ᱨᱮᱭᱟᱜ ᱠᱚᱢᱛᱤ ᱛᱟᱦᱮᱸ ᱠᱟᱱᱟ᱾ ᱛᱟᱱ ᱫᱚ ᱚᱱᱟ ᱞᱟᱹᱜᱤᱫ ᱛᱮ ᱫᱷᱚᱱ ᱠᱚ ᱡᱚᱜᱟᱣ ᱞᱟᱹᱜᱤᱫ ᱛᱮ ᱡᱟᱭᱜᱟ ᱡᱟᱭᱜᱟ ᱛᱮᱭ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱟᱨ ᱱᱩᱭ ᱫᱚ ᱱᱤᱡᱮᱨᱟᱜ ᱜᱚᱲᱚ ᱞᱟᱹᱜᱤᱫ ᱛᱮ ᱦᱟᱦᱟᱲᱟᱜ ᱠᱟᱹᱢᱤ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱩᱱᱤ ᱥᱤᱝᱜᱟᱯᱩᱨ, ᱨᱚᱝᱜᱩᱱ ᱟᱨ ᱪᱤᱱ ᱮ ᱥᱮᱱ ᱮᱱᱟ᱾ ᱛᱟᱱ ᱫᱚ ᱑᱙᱓᱖ ᱥᱮᱨᱢᱟ ᱨᱮ ᱥᱟᱱᱛᱤᱱᱤᱠᱮᱛᱚᱱ ᱨᱮᱭ ᱨᱩᱣᱟᱹᱲ ᱮᱱᱟ᱾ ᱟᱡᱟᱜ ᱪᱟᱭᱱᱟ ᱦᱚᱞ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱕᱐,᱐᱐᱐ ᱴᱟᱠᱟ ᱟᱨ ᱑᱐,᱐᱐᱐ ᱜᱚᱴᱟᱝ ᱯᱚᱛᱚᱵ (ᱪᱟᱭᱱᱟ-ᱤᱱᱰᱤᱭᱟᱱ ᱠᱞᱟᱥᱴᱨᱟᱞ ᱥᱳᱥᱟᱭᱴᱤ ᱨᱮᱭᱟᱜ ᱜᱚᱲᱚ ᱛᱮ) ᱮ ᱦᱟᱛᱟᱣ ᱞᱮᱫᱟ᱾ ᱴᱷᱟᱠᱩᱨ ᱫᱚ ᱟᱹᱰᱤ ᱜᱮᱭ ᱦᱟᱦᱟᱲᱟᱜ ᱞᱮᱱᱟ ᱟᱨ ᱪᱤᱱᱟ ᱵᱷᱚᱵᱚᱱ ᱵᱮᱱᱟᱣ ᱞᱟᱹᱜᱤᱫ ᱛᱮ ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱛᱟᱞᱟ ᱨᱮ ᱡᱟᱭᱜᱟ ᱮᱢ ᱞᱮᱫ ᱛᱟᱦᱮᱸᱫ᱾ ᱥᱩᱨᱮᱱᱫᱽᱨᱚᱱᱟᱛᱷ ᱠᱚᱨ ᱟᱜ ᱜᱚᱲᱚ ᱛᱮ ᱦᱳᱞ ᱨᱮᱭᱟᱜ ᱰᱤᱡᱟᱭᱤᱱ ᱠᱚ ᱵᱮᱱᱟᱣ ᱞᱮᱫᱟ ᱟᱨ ᱛᱟᱱ ᱫᱚ ᱱᱚᱣᱟ ᱨᱮᱭᱟᱜ ᱵᱮᱱᱟᱣ ᱮ ᱪᱟᱪᱞᱟᱣ ᱞᱮᱫᱟ᱾ ᱨᱮᱠᱳᱨᱰ ᱚᱠᱛᱚ ᱨᱮᱜᱮ ᱵᱤᱞᱰᱤᱝ ᱵᱮᱱᱟᱣ ᱫᱚ ᱯᱩᱨᱟᱹᱣ ᱞᱮᱱᱟ᱾ ᱱᱚᱱᱫᱚᱞᱟᱞ ᱵᱳᱥ, ᱵᱤᱱᱳᱫᱽ ᱵᱤᱦᱟᱨᱤ ᱢᱩᱠᱷᱟᱨᱡᱤ ᱟᱨ ᱮᱴᱟᱜ ᱠᱚ ᱠᱚᱞᱟ ᱵᱷᱚᱵᱚᱱ ᱨᱮᱱ ᱦᱚᱲ ᱠᱚ ᱱᱟᱯᱟᱭ ᱟᱸᱠᱟᱣ ᱟᱨ ᱜᱚᱲᱚ ᱠᱟᱹᱢᱤ ᱛᱮ ᱦᱟᱞᱟ ᱠᱮᱫᱟ। ᱪᱤᱱ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱤᱱ ᱥᱮᱱ ᱦᱚᱛᱮᱛᱮ ᱚᱞ ᱟᱠᱟᱱ ᱪᱟᱭᱱᱤᱡᱽ ᱠᱮᱞᱤᱜᱽᱨᱟᱯᱷᱤ ᱫᱚ ᱵᱤᱞᱰᱤᱝ ᱨᱮ ᱛᱟᱞᱟ-ᱯᱩᱨᱩᱵᱽ ᱨᱮ ᱟᱨ ᱛᱟᱞᱟ-ᱯᱩᱪᱷᱤᱢ ᱨᱮ ᱛᱟᱭ ᱪᱤ-ᱴᱟᱣ ᱦᱚᱛᱮᱛᱮ ᱥᱚᱢᱟᱱ ᱠᱮᱞᱤᱜᱽᱨᱟᱯᱷᱤ ᱫᱚ ᱛᱟᱞᱟ-ᱯᱩᱪᱷᱤᱢ ᱨᱮ ᱫᱚᱦᱚ ᱟᱠᱟᱱᱟ᱾ ᱑᱔ ᱮᱯᱨᱤᱞ ᱑᱙᱓᱗ ᱥᱟᱞᱮ ᱨᱮ ᱥᱤᱧᱚᱛ ᱨᱮ ᱱᱚᱝᱠᱟᱱ ᱯᱩᱭᱞᱩ ᱛᱷᱟᱹᱯᱱᱤᱛ ᱫᱚ ᱤᱸᱫᱽᱨᱟ ᱜᱟᱹᱱᱫᱷᱤ ᱦᱚᱛᱮᱛᱮ ᱩᱰᱷᱟᱹᱣ ᱥᱟᱹᱜᱩᱱ ᱮᱱᱟ᱾ ᱛᱟᱱ ᱫᱚ ᱱᱚᱶᱟ ᱨᱮᱭᱟᱜ ᱯᱩᱭᱞᱩ ᱰᱤᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱢᱮᱱᱠᱷᱟᱱ, ᱵᱤᱥᱥᱚ-ᱵᱷᱟᱨᱚᱛᱤ ᱨᱮᱭᱟᱜ ᱠᱟᱹᱣᱰᱤᱭᱟᱹᱨᱤ ᱦᱟᱞᱚᱛ ᱧᱮᱞ ᱠᱟᱛᱮ ᱛᱟᱱ ᱫᱚ ᱠᱟᱹᱢᱤ ᱨᱮᱭᱟᱜ ᱠᱩᱨᱟᱹᱭ ᱵᱟᱭ ᱦᱟᱛᱟᱣ ᱞᱮᱫᱟ᱾ ᱪᱤᱱ ᱥᱚᱨᱠᱟᱨ ᱫᱚ ᱩᱱᱤ ᱫᱚ ᱥᱤᱨᱯᱷᱟᱹᱭ ᱮᱢ ᱞᱮᱫᱮ ᱛᱟᱦᱮᱸᱫ᱾ ᱢᱚᱦᱟᱛᱢᱟ ᱜᱟᱱᱫᱷᱤ ᱴᱮᱜᱳᱨ ᱴᱷᱮᱱ ᱟᱡᱟᱜ ᱚᱱᱚᱞ ᱨᱮ ᱢᱮᱱ ᱟᱠᱟᱫᱟ: "ᱪᱟᱭᱱᱤᱡᱽ ᱦᱳᱞ ᱪᱤᱱ ᱟᱨ ᱥᱤᱧᱚᱛ ᱛᱟᱞᱟ ᱨᱮ ᱡᱤᱣᱤ ᱡᱚᱱᱚᱲ ᱨᱮᱱᱟᱜ ᱢᱤᱫ ᱪᱤᱱᱦᱟᱹ ᱦᱩᱭᱩᱜ ᱢᱟ᱾" ᱡᱩᱜᱚᱞ ᱠᱤᱥᱳᱨ ᱵᱤᱨᱞᱟ ᱕,᱐᱐᱐ ᱴᱟᱠᱟ ᱮᱢ ᱞᱮᱫᱟ᱾ ᱯᱷᱚᱱᱰ ᱛᱩᱢᱟᱹᱞ ᱞᱮᱛᱟᱲ ᱜᱮ ᱛᱟᱦᱮᱸᱭᱮᱱᱟ᱾[᱓]
᱑᱙᱔᱒ ᱥᱟᱞᱮ ᱨᱮ, ᱪᱤᱭᱟᱝ ᱠᱟᱭ-ᱥᱮᱠ, ᱪᱤᱱ ᱨᱤᱱᱤᱡ ᱡᱟᱹᱛᱤᱭᱟᱹᱨᱤ ᱨᱟᱡᱽᱟᱹᱨᱤ ᱟᱨ ᱥᱩᱯᱨᱤᱢᱳ, ᱟᱨ ᱢᱟᱰᱮᱢ ᱪᱤᱭᱟᱝ, ᱪᱤᱱᱟ ᱵᱷᱚᱵᱚᱱ ᱠᱤᱱ ᱫᱟᱬᱟ᱾ ᱱᱚᱣᱟ ᱛᱷᱟᱹᱯᱱᱤᱛ ᱨᱮᱱᱟᱜ ᱯᱩᱨᱟᱹᱣ ᱨᱮ ᱩᱱᱠᱩ ᱠᱚ ᱟᱸᱥ ᱮᱱᱟ ᱡᱟᱦᱟᱸ ᱫᱚ ᱪᱤᱱ ᱠᱷᱚᱱ ᱠᱟᱹᱣᱰᱤ ᱜᱚᱲᱚᱭ ᱧᱟᱢ ᱟᱠᱟᱫᱟ ᱟᱨ ᱟᱨᱦᱚᱸ ᱕᱐,᱐᱐᱐ ᱴᱟᱠᱟ ᱜᱚᱲᱚᱭ ᱮᱢ ᱞᱮᱫᱟ᱾ ᱑᱙᱕᱗ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱢᱤᱫ ᱫᱟᱬᱟ ᱨᱮ ᱪᱤᱱ ᱨᱤᱱᱤᱡ ᱯᱨᱤᱢᱤᱭᱟᱨ ᱡᱷᱩ ᱮᱱᱞᱟᱭ ᱥᱟᱱᱛᱤᱱᱤᱠᱮᱛᱚᱱ ᱮ ᱥᱮᱴᱮᱨ ᱞᱮᱱᱟ᱾ ᱩᱱᱤ ᱫᱚ ᱪᱤᱱᱟ ᱵᱷᱚᱵᱚᱱ ᱨᱮᱭ ᱦᱮᱡ ᱮᱱᱟ ᱟᱨ ᱴᱷᱟᱠᱩᱨ ᱟᱜ ᱢᱤᱫ ᱢᱳᱢᱳᱨᱤᱭᱟᱞ ᱞᱟᱹᱜᱤᱫ ᱖᱐,᱐᱐᱐ ᱴᱟᱠᱟᱭ ᱮᱢ ᱞᱮᱫᱼᱟ᱾[᱓]
ᱛᱷᱟᱹᱯᱱᱤᱛ
ᱥᱟᱯᱲᱟᱣᱪᱤᱱᱟ ᱵᱷᱚᱵᱚᱱ ᱥᱟᱶ ᱡᱚᱯᱲᱟᱣ ᱠᱚ
ᱥᱟᱯᱲᱟᱣᱪᱤᱱᱟ ᱵᱷᱚᱵᱚᱱ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ
ᱥᱟᱯᱲᱟᱣᱯᱚᱲᱦᱚᱱ ᱠᱚ
ᱥᱟᱯᱲᱟᱣᱯᱩᱛᱷᱤ ᱢᱩᱨᱟᱹᱭ
ᱥᱟᱯᱲᱟᱣᱵᱟᱵᱚᱛ ᱠᱟᱛᱷᱟ/ᱩᱭᱦᱟᱹᱨ ᱨᱮᱭᱟᱜ ᱠᱚ
ᱥᱟᱯᱲᱟᱣᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedcheenabhavana - ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedbhavana - ↑ ᱓.᱐ ᱓.᱑ "In the Footsteps of Zuangzang: Tan Yun-Shan and India". Life sketch of Tan Yun-Shan by Tan Lee. Indira Gandhi National Centre for Arts. Retrieved 17 August 2019.