ᱪᱩᱣᱟ.ᱲ ᱞᱟ.ᱲᱦᱟ.ᱭ
ᱪᱩᱣᱟ.ᱲ ᱞᱟᱹᱲᱦᱟᱹᱭ ᱫᱚ ᱑᱗᱖᱖ ᱠᱷᱚᱱ ᱑᱘᱓᱔ ᱫᱷᱟᱹᱵᱤᱡ ᱪᱩᱣᱟᱨ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱞᱟᱹᱲᱦᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ (EIC) ᱨᱤᱱ ᱨᱟᱡᱽᱟᱹᱨᱤ ᱞᱟᱹᱜᱤᱫ ᱛᱮ ᱫᱷᱟᱞᱵᱷᱩᱢᱜᱚᱲ ᱵᱚᱱᱚᱛ, ᱵᱟᱨᱟᱵᱷᱩᱢ, ᱢᱮᱫᱤᱱᱤᱯᱩᱨ, ᱵᱟᱸᱠᱩᱲᱟ, ᱢᱟᱱᱵᱷᱩᱢ ᱟᱨ ᱥᱤᱝᱵᱷᱩᱢ ᱨᱮᱱᱟᱜ ᱞᱟᱹᱲᱦᱟᱹᱭ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾ ᱱᱤᱭᱟᱹ ᱫᱚ ᱯᱩᱭᱞᱩ ᱫᱷᱟᱣ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ (ᱱᱤᱛᱚᱜ ᱯᱚᱪᱷᱤᱢ ᱵᱮᱝᱜᱚᱞ ᱟᱨ ᱡᱷᱟᱨᱠᱷᱚᱸᱰ) ᱨᱮᱱᱟᱜ ᱪᱳᱛᱟᱱᱜᱚᱯᱩᱨ ᱴᱚᱴᱷᱟ ᱨᱮ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ (EIC) ᱞᱟᱹᱜᱤᱫ ᱛᱮ ᱞᱟᱹᱲᱦᱟᱹᱭ ᱦᱩᱭ ᱞᱮᱱᱟ ᱾[᱑][᱒][᱓]
 Memorial of Chuar Rebellion at Midnapore
| |
| Date | 1766 – 1834 |
|---|---|
| Location | Jungle Mahal district, British India |
| Also known as | The Jungle Mahal movements |
| Participants | Tribal peasants of Jungle Mahals |
᱑᱘᱓᱒ᱼ᱑᱘᱓᱓ ᱨᱮ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱨᱮ ᱜᱚᱝᱜᱟ ᱱᱟᱨᱟᱭᱚᱬ ᱥᱤᱝ ᱟᱜ ᱢᱩᱴᱷᱟᱹᱱ ᱨᱮ ᱵᱷᱩᱢᱤᱡᱽ ᱞᱟᱹᱲᱦᱟᱹᱭ ᱫᱚ ᱪᱩᱣᱟ.ᱲ ᱞᱟᱹᱲᱦᱟᱹᱭ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱦᱚᱸ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱵᱨᱤᱴᱤᱥ ᱱᱚᱶᱟ ᱫᱚ 'ᱜᱚᱝᱜᱟ ᱱᱟᱨᱟᱭᱤᱱ ᱦᱩᱝᱜᱟᱢᱟ' ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ, ᱟᱭᱢᱟ ᱱᱟᱜᱟᱢᱤᱭᱟᱹ ᱠᱚ ᱱᱚᱶᱟ ᱫᱚ ᱪᱩᱣᱟᱨ ᱞᱟᱹᱲᱦᱟᱹᱭ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾
ᱪᱩᱣᱟ.ᱲ ᱦᱚᱲ
ᱥᱟᱯᱲᱟᱣᱪᱩᱣᱟ.ᱲ ᱥᱮ ᱪᱩᱣᱟᱰ ᱥᱮ ᱪᱩᱦᱟᱫᱽ ᱨᱮᱭᱟᱜ ᱟᱹᱲᱟᱹ ᱢᱩᱨᱟᱹᱭ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱥᱮᱸᱫᱽᱨᱟ ᱦᱚᱲ ᱾[᱔] ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱡᱚᱝᱜᱚᱞ ᱢᱚᱦᱚᱞ ᱴᱚᱴᱷᱟ ᱨᱮᱱ ᱵᱷᱩᱢᱤᱡ ᱠᱚᱫᱚ ᱪᱩᱣᱟ.ᱲ ᱠᱚ ᱢᱮᱛᱟᱜ ᱠᱚ ᱠᱟᱱ ᱛᱟᱦᱮᱸᱫ ᱾ ᱱᱩᱠᱩᱣᱟᱜ ᱢᱩᱬ ᱠᱟᱹᱢᱤ ᱫᱚ ᱛᱟᱦᱮᱸ ᱠᱟᱱᱟ ᱡᱟᱱᱣᱟ ᱥᱮᱸᱫᱽᱨᱟ ᱟᱨ ᱪᱟᱥ ᱟᱨ ᱵᱩᱨᱩ ᱨᱮ ᱪᱟᱥᱵᱟᱥ ᱾ ᱛᱟᱭᱚᱢ ᱛᱮ ᱵᱷᱩᱢᱤᱡ ᱠᱚᱫᱚ ᱡᱟᱢᱤᱸᱫᱽᱨᱟ ᱠᱚ ᱵᱮᱱᱟᱣ ᱮᱱᱟ ᱟᱨ ᱠᱤᱪᱷᱩ ᱫᱚ ᱜᱷᱟᱴᱣᱟᱞ ᱟᱨ ᱯᱟᱭᱤᱠ (ᱨᱟᱡᱽᱡᱟᱹᱛ) ᱞᱮᱠᱟᱛᱮ ᱠᱟᱹᱢᱤ ᱠᱚ ᱮᱛᱚᱦᱚᱵ ᱠᱮᱫᱼᱟ ᱾ ᱡᱚᱠᱷᱚᱱ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱑᱗᱖᱕ ᱥᱮᱨᱢᱟ ᱨᱮ ᱯᱩᱭᱞᱩ ᱫᱷᱟᱣ ᱡᱚᱝᱜᱚᱞ ᱢᱚᱦᱚᱞ ᱦᱚᱱᱚᱛ ᱨᱮ ᱯᱩᱭᱞᱩ ᱫᱷᱟᱣ ᱫᱟᱠᱟ ᱠᱚ ᱦᱟᱛᱟᱣ ᱮᱦᱚᱵ ᱠᱮᱫᱟ, ᱩᱱ ᱚᱠᱛᱚ ᱨᱮ ᱵᱨᱤᱴᱤᱥ ᱠᱚᱣᱟᱜ ᱱᱚᱣᱟ ᱠᱚᱱᱥᱯᱤᱨᱮᱴᱚᱨᱤ ᱦᱚᱨᱟ ᱨᱮ ᱫᱟᱜ, ᱵᱩᱨᱩ, ᱚᱛ ᱦᱟᱥᱟ ᱨᱮᱱᱟᱜ ᱠᱟᱹᱢᱤ ᱠᱚ ᱯᱩᱭᱞᱩ ᱫᱷᱟᱣ ᱵᱷᱩᱢᱤᱡᱽ ᱟᱹᱫᱤᱵᱟᱹᱥᱤ ᱠᱚ ᱦᱚᱛᱮᱛᱮ ᱵᱚᱫᱚᱞ ᱮᱱᱟ ᱟᱨ ᱑᱗᱖᱖ ᱥᱮᱨᱢᱟ ᱨᱮ ᱵᱨᱤᱴᱤᱥ ᱨᱟᱡᱽ ᱨᱮᱱ ᱨᱟᱡᱟ ᱠᱚ ᱦᱚᱛᱮᱛᱮ ᱩᱛᱱᱟᱹᱣ ᱦᱩᱭ ᱮᱱᱟ ᱾ ᱡᱚᱠᱷᱚᱱ ᱵᱨᱤᱴᱤᱥ ᱠᱚ ᱱᱚᱣᱟ ᱦᱚᱲ ᱠᱚᱣᱟᱜ ᱧᱩᱛᱩᱢ ᱠᱚ ᱵᱟᱰᱟᱭ ᱞᱮᱫᱟ, ᱩᱱᱠᱩᱣᱟᱜ ᱥᱴᱳᱭᱠ ᱡᱟᱹᱛᱤ ᱜᱟᱫᱮᱞ ᱨᱮᱱ ᱦᱚᱲ ᱠᱚᱫᱚ ᱩᱱᱠᱩ ᱠᱚ ᱵᱷᱟᱹᱜᱤ ᱠᱟᱛᱮ ᱪᱩᱣᱟᱨ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱱᱟ, ᱡᱟᱦᱟᱸ ᱛᱟᱭᱚᱢ ᱛᱮ ᱚᱱᱟ ᱩᱛᱱᱟᱹᱣ ᱨᱮᱱᱟᱜ ᱧᱩᱛᱩᱢ ᱫᱚ 'ᱪᱩᱣᱟᱨ ᱩᱛᱱᱟᱹᱣ' ᱦᱩᱭ ᱞᱮᱱᱟ ᱾
ᱨᱤᱵᱮᱞᱤᱥᱟᱱ
ᱥᱟᱯᱲᱟᱣ᱑᱗᱖᱕ ᱥᱮᱨᱢᱟ ᱨᱮ ᱡᱚᱠᱷᱚᱱ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱫᱚ ᱵᱚᱝᱜᱟ ᱨᱮᱭᱟᱜ ᱡᱚᱝᱜᱚᱞ ᱢᱚᱦᱚᱞ ᱦᱚᱱᱚᱛ ᱨᱮ ᱯᱩᱭᱞᱩ ᱫᱷᱟᱣ ᱦᱟᱡᱟᱨ ᱮ ᱮᱛᱚᱦᱚᱵ ᱠᱮᱫᱟ, ᱩᱱ ᱡᱚᱠᱷᱚᱡ ᱪᱩᱣᱟᱨ ᱠᱚᱣᱟᱜ ᱩᱛᱱᱟ. ᱵᱷᱮᱜᱟᱨ ᱵᱷᱮᱜᱟᱨ ᱟᱹᱫᱤᱵᱟᱹᱥᱤ ᱜᱩᱴ, ᱡᱮᱞᱮᱠᱟ. ᱵᱷᱩᱢᱤᱡᱽ, ᱥᱚᱫᱽᱜᱳᱯ, ᱵᱟᱜᱽᱰᱤ, ᱠᱩᱫᱽᱢᱤ, ᱵᱟᱣᱨᱤ ᱟᱨ ᱮᱴᱟᱜ ᱡᱟᱹᱛᱤ ᱠᱚ ᱢᱩᱜᱚᱞ ᱚᱠᱛᱚ ᱠᱷᱚᱱ ᱡᱟᱦᱟᱸ ᱫᱷᱟᱹᱛᱩ ᱠᱚ ᱧᱟᱢ ᱟᱠᱟᱫ ᱛᱟᱦᱮᱸᱫ ᱚᱱᱟ ᱠᱚ ᱵᱨᱤᱴᱤᱥ ᱠᱩ ᱦᱟᱛᱟᱣ ᱠᱮᱫᱼᱟ ᱾[᱕] ᱚᱱᱟᱛᱮ ᱩᱱᱠᱩ ᱫᱚ ᱪᱩᱣᱟᱨ ᱠᱚ ᱥᱟᱶ ᱠᱚ ᱥᱮᱞᱮᱫ ᱮᱱᱟ ᱾ ᱑᱗᱖᱖ ᱥᱮᱨᱢᱟ ᱨᱮ ᱱᱚᱣᱟ ᱟᱹᱫᱤᱵᱟᱹᱥᱤ ᱩᱛᱱᱟᱹᱣ ᱫᱚ ᱫᱷᱚᱞᱵᱷᱩᱢ, ᱢᱟᱱᱵᱷᱩᱢ, ᱢᱤᱰᱱᱟᱯᱩᱨ ᱟᱨ ᱵᱟᱱᱠᱩᱲᱟ ᱦᱚᱱᱚᱛ ᱨᱮ ᱮᱛᱚᱦᱚᱵ ᱞᱮᱱᱟ᱾ ᱑᱗᱖᱖ᱼ᱑᱗᱗᱑ ᱥᱮᱨᱢᱟ ᱨᱮ ᱜᱷᱟᱴᱥᱤᱞᱟ ᱨᱤᱱᱤᱡ ᱡᱚᱜᱚᱱᱱᱟᱛᱷ ᱥᱤᱝ ᱫᱚ ᱟᱡᱟᱜ ᱕,᱐᱐᱐ ᱜᱟᱱ ᱜᱟᱶᱛᱟ ᱥᱟᱶᱛᱮ ᱫᱷᱟᱞᱵᱷᱩᱢ ᱨᱮᱭ ᱨᱟᱡᱽ ᱞᱮᱫ ᱛᱟᱦᱮᱸᱫ ᱾[᱖] ᱑᱗᱖᱙ ᱥᱟᱞᱮ ᱨᱮ ᱡᱚᱜᱚᱱᱱᱟᱛᱷ ᱥᱤᱝ, ᱥᱩᱵᱚᱞ ᱥᱤᱝ ᱟᱨ ᱥᱭᱟᱢ ᱜᱚᱱᱡᱟᱢ ᱥᱤᱝ ᱫᱚ ᱫᱷᱟᱞᱵᱷᱩᱢ ᱟᱨ ᱵᱟᱨᱟᱵᱷᱩᱢ ᱨᱮᱱᱟᱜ ᱕᱐᱐ ᱵᱷᱩᱢᱤᱡᱤ ᱥᱟᱶᱛᱮ ᱠᱚ ᱨᱩᱣᱟᱹᱲ ᱮᱱᱟ ᱾ ᱑᱗᱖᱙ ᱥᱮᱨᱢᱟ ᱨᱮ ᱨᱚᱜᱷᱩᱱᱟᱛᱷ ᱢᱚᱦᱟᱛᱳ ᱦᱚᱸ ᱱᱚᱣᱟ ᱨᱩᱞᱤᱴᱤ ᱨᱮᱭ ᱦᱮᱯᱨᱟᱣ ᱞᱮᱫ ᱛᱟᱦᱮᱸᱫ ᱟᱨ ᱑᱗᱗᱘ ᱥᱮᱨᱢᱟ ᱨᱮ ᱵᱨᱤᱴᱤᱥ ᱦᱚᱛᱮ ᱛᱮᱭ ᱜᱚᱡ ᱮᱱᱟ ᱾ ᱑᱗᱗᱐ ᱥᱟᱞᱮ ᱨᱮ ᱠᱩᱭᱤᱞᱟᱯᱟᱞ ᱨᱤᱱᱤᱡ ᱥᱩᱵᱟᱞ ᱥᱤᱝ, ᱫᱟᱫᱠᱟ ᱨᱤᱱᱤᱡ ᱥᱭᱟᱢ ᱜᱚᱱᱡᱚᱢ ᱥᱤᱝ ᱟᱨ ᱫᱩᱵᱽᱨᱟᱡᱽ ᱥᱤᱝ ᱫᱚ ᱵᱨᱤᱴᱤᱥ ᱠᱚ ᱴᱷᱮᱱ ᱠᱚ ᱨᱟᱡᱽ ᱞᱮᱫᱮᱭᱟ ᱾ ᱢᱟᱱᱵᱷᱩᱢ, ᱨᱟᱭᱯᱩᱨ ᱟᱨ ᱯᱚᱧᱪᱮᱛ ᱨᱮᱭᱟᱜ ᱥᱩᱨ ᱥᱩᱯᱩᱨ ᱴᱚᱴᱷᱟ ᱨᱮ ᱪᱩᱣᱟᱨ ᱦᱚᱲ ᱠᱚᱣᱟᱜ ᱩᱯᱨᱩᱢ ᱪᱟᱞᱟᱣ ᱮᱱᱟ ᱾ ᱛᱟᱭᱚᱢ ᱱᱚᱣᱟ ᱫᱚ ᱡᱚᱜᱚᱱᱱᱟᱛᱷ ᱥᱤᱝ ᱨᱤᱱᱤᱡ ᱜᱤᱫᱽᱨᱟ. ᱵᱟᱭᱫᱷᱭᱟᱱᱟᱛᱷ ᱥᱤᱝ ᱟᱨ ᱟᱡᱤᱡ ᱜᱤᱫᱽᱨᱟ. ᱨᱚᱜᱷᱩᱱᱟᱛᱷ ᱥᱤᱝ ᱦᱚᱛᱮᱛᱮ ᱪᱟᱞᱟᱣ ᱞᱮᱱᱟ ᱾ ᱑᱘᱗᱒ᱼ᱑᱘᱘᱔ ᱨᱮ ᱢᱚᱝᱜᱚᱞ ᱥᱤᱝ ᱟᱡᱟᱜ ᱜᱟᱶᱛᱟ ᱠᱚ ᱥᱟᱶᱛᱮ ᱱᱚᱣᱟ ᱨᱟᱡᱽᱯᱟᱹᱨᱥᱤ ᱦᱚᱸᱭ ᱪᱟᱞ ᱟᱫᱮ ᱛᱟᱦᱮᱸᱫ ᱾ ᱫᱩᱨᱡᱚᱱ ᱥᱤᱝ, ᱞᱟᱞ ᱥᱤᱝ ᱟᱨ ᱢᱳᱦᱟᱱ ᱥᱤᱝ ᱟᱜ ᱜᱚᱲᱦᱚᱱ ᱨᱮ ᱪᱩᱣᱟᱨ ᱞᱟᱹᱲᱦᱟᱹᱭ ᱑᱗᱙᱘ᱼ᱑᱗᱙᱙ ᱨᱮ ᱡᱟᱹᱥᱛᱤ ᱵᱷᱩᱨᱛᱤ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱵᱨᱤᱴᱤᱥ ᱠᱚᱢᱯᱟᱱᱤ ᱟᱜ ᱯᱷᱩᱨᱜᱟᱹᱞ ᱦᱚᱛᱮᱛᱮ ᱱᱚᱶᱟ ᱞᱟᱹᱲᱦᱟᱹᱭ ᱫᱚ ᱯᱟᱥᱱᱟᱣ ᱮᱱᱟ ᱾
ᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ https://www.worldcat.org/title/Adivasi-resistance-in-early-colonial-India-:-comprising-the-Chuar-Rebellion-of-1799-by-J.C.-Price-and-relevant-Midnapore-District-Collectorate-records-from-the-eighteenth-century/oclc/982448451
- ↑ https://books.google.com/books/about/Encyclopaedia_of_Indian_Events_Dates.html?id=oGVSvXuCsyUC#v=onepage&q&f=false
- ↑ https://books.google.com/books/about/Indian_Book_Chronicle.html?id=5FtXAAAAMAAJ#Chuar%201834
- ↑ https://books.google.com/books/about/Encyclopaedia_of_Scheduled_Tribes_in_Jha.html?id=W5dVaq4_cLoC
- ↑ https://books.google.com/books/about/Tribes_in_Perspective.html?id=_daAAAAAMAAJ
- ↑ https://books.google.com/books/about/Tribal_Movements_in_Jharkhand_1857_2007.html?id=ul6fWJQOfzwC#v=onepage&q=raghunath%20mahato&f=false
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- Bhattacharya, Birendra Ku (1985). West Bengal District Gazetteers: Puruliya (PDF) (in ᱟᱝᱜᱽᱨᱮᱡᱤ). State editor, West Bengal District Gazetteers. pp. 94–104. Archived from the original on 24 January 2022. Retrieved 21 October 2022.
{{cite book}}: CS1 maint: bot: original URL status unknown (link) - Sengupta, Amrita (January 2020). "Adivasi resistance in the Jungle Mahals 1767–1799" (PDF). NSOU-Open Journal. 3 (1). ISSN 2581-5415.
- Bhattacharya, Supta; Bhattacharya, Ananda (1–19 August 2021). "The Adivasi Resistance in Jungle Mahal: A Case Study of Chuar Rebellion" (PDF). Journal of Adivasi and Indigenous Studies. XI (2). ISSN 2394-5524. Archived from the original (PDF) on 7 April 2023. Retrieved 16 December 2023.