ᱪᱷᱟᱹᱛᱩ
ᱪᱷᱟᱹᱛᱩ (ᱦᱤᱱᱫᱤ: सत्तू) ᱢᱤᱫ ᱞᱮᱠᱟᱱ ᱦᱚᱞᱚᱝ ᱜᱩᱱᱰᱟᱹ ᱠᱟᱱᱟ, ᱡᱟᱦᱟᱸ ᱫᱚ ᱢᱩᱬᱩᱫ ᱞᱮᱠᱟᱛᱮ ᱱᱮᱯᱟᱞ, ᱛᱤᱵᱵᱚᱛ, ᱯᱟᱠᱤᱥᱛᱷᱟᱱ ᱟᱨ ᱵᱷᱟᱨᱚᱛ ᱨᱮ ᱵᱮᱣᱦᱟᱨᱚᱜᱼᱟ᱾ ᱱᱚᱶᱟ ᱫᱚ ᱟᱛᱟ ᱫᱟᱹᱞ ᱟᱨ ᱠᱚᱞᱟᱭ ᱨᱮᱭᱟᱜ ᱢᱮᱥᱟ ᱠᱟᱛᱮ ᱠᱚ ᱵᱮᱱᱟᱣᱟ᱾ ᱱᱚᱣᱟ ᱟᱛᱟ ᱦᱚᱞᱚᱝ ᱫᱚ ᱡᱚᱢᱟᱜ ᱨᱮᱭᱟᱜ ᱢᱩᱲᱩᱫ ᱥᱮ ᱫᱚᱥᱟᱨ ᱦᱤᱸᱥ ᱞᱮᱠᱟᱛᱮ ᱟᱭᱢᱟ ᱦᱚᱨᱟᱛᱮ ᱵᱮᱱᱟᱣ ᱦᱩᱭᱩᱜᱼᱟ᱾ ᱥᱟᱹᱛᱩ ᱫᱚ ᱱᱤᱨᱟᱢᱤᱥᱤᱭᱟᱹ ᱡᱚᱢᱟᱜ ᱨᱮ ᱵᱮᱣᱦᱟᱨᱚᱜᱼᱟ ᱚᱡᱮ ᱫᱚ ᱱᱚᱶᱟ ᱫᱚ ᱯᱨᱳᱴᱤᱱ ᱨᱮᱭᱟᱜ ᱢᱤᱫᱴᱟᱝ ᱯᱷᱮᱰᱟᱛ ᱦᱩᱭ ᱫᱟᱲᱮᱭᱟᱜᱼᱟ᱾
ᱵᱤᱦᱟᱨ ᱨᱮ ᱪᱷᱟᱹᱛᱩ ᱫᱚ ᱟᱛᱟ ᱵᱷᱩᱴ ᱠᱚᱞᱟᱭ ᱥᱮ ᱟᱛᱟ ᱡᱚᱸᱰᱨᱟ ᱠᱷᱚᱱ ᱵᱮᱱᱟᱣᱚᱜᱼᱟ᱾ ᱦᱚᱲ ᱠᱚ ᱞᱟᱹᱜᱤᱫ ᱩᱱᱠᱩᱭᱟᱜ ᱨᱩᱪᱤ ᱟᱨ ᱥᱤᱵᱤᱞ ᱞᱮᱠᱟᱛᱮ ᱟᱭᱢᱟ ᱞᱮᱠᱟᱱ ᱫᱟᱹᱞ ᱨᱮᱭᱟᱜ ᱪᱷᱟᱹᱛᱩ ᱢᱤᱫ ᱥᱟᱶᱛᱮ ᱢᱮᱥᱟ ᱫᱚ ᱥᱟᱫᱷᱟᱨᱚᱱ ᱜᱮᱭᱟ᱾
ᱧᱩᱛᱩᱢ ᱦᱚᱨᱟ
ᱥᱟᱯᱲᱟᱣᱯᱟᱧᱡᱟᱵᱤ,ᱩᱨᱫᱩ,ᱦᱤᱱᱫᱤ ᱟᱨ ᱵᱟᱝᱞᱟ ᱥᱟᱛᱛᱩ [᱑] ᱫᱚ ᱥᱚᱸᱥᱠᱨᱤᱛ ᱥᱟᱠᱛᱩ ᱠᱷᱚᱱ ᱦᱮᱡ ᱟᱠᱟᱱᱟ [᱒][᱓] ᱡᱟᱦᱟᱸ ᱨᱮᱭᱟᱜ ᱢᱮᱱᱮᱫ ᱫᱚ ᱦᱩᱭᱩᱜ ᱠᱟᱱᱟ ᱨᱤᱫ ᱜᱩᱸᱰᱟᱹ ᱠᱟᱛᱮ ᱵᱮᱱᱟᱣ ᱵᱟᱨᱞᱤ ᱨᱮᱭᱟᱜ ᱡᱚᱢᱟᱜ᱾ [᱔]ᱥᱟᱛᱛᱩ (ᱥᱚᱠᱛᱩ) ᱨᱮᱭᱟᱜ ᱵᱚᱨᱱᱚᱱ ᱠᱚ ᱪᱚᱨᱚᱠᱼᱥᱚᱢᱤᱛᱟ, ᱚᱥᱛᱚᱝᱜᱟᱦᱨᱤᱫᱚᱭᱥᱚᱢᱦᱤᱛᱟ ᱟᱨ ᱥᱩᱥᱨᱩᱛᱼᱥᱚᱢᱦᱤᱛᱟ ᱞᱮᱠᱟᱱ ᱟᱭᱩᱨᱮᱵᱽᱫᱤᱠ ᱥᱟᱶᱦᱮᱫ ᱨᱮ ᱧᱟᱢᱚᱜᱼᱟ᱾
ᱱᱟᱜᱟᱢ
ᱥᱟᱯᱲᱟᱣᱪᱷᱟᱹᱛᱩ ᱨᱮᱭᱟᱜ ᱮᱛᱚᱦᱚᱵ ᱫᱚ ᱦᱩᱭᱩᱜ ᱠᱟᱱᱟ ᱵᱤᱦᱟᱨ ᱨᱮᱭᱟᱜ ᱢᱟᱜᱟᱫᱷ ᱴᱚᱴᱷᱟ᱾ᱪᱷᱟᱹᱛᱩ ᱵᱮᱱᱟᱣ ᱦᱚᱨᱟ ᱫᱚ ᱢᱟᱨᱮᱱ ᱟᱨ ᱱᱚᱣᱟ ᱠᱚᱧᱮ ᱟᱨ ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱢᱤᱫᱴᱟᱝ ᱢᱟᱨᱟᱝ ᱴᱚᱴᱷᱟ, ᱵᱤᱥᱮᱥ ᱠᱟᱛᱮ ᱵᱤᱦᱟᱨ ᱚᱱᱟ ᱨᱮᱭᱟᱜ ᱥᱩᱨᱼᱥᱩᱯᱩᱨ ᱯᱚᱱᱚᱛ ᱩᱛᱛᱚᱨ ᱯᱨᱚᱫᱮᱥ,ᱡᱷᱟᱨᱠᱷᱚᱸᱰ ᱟᱨ ᱥᱟᱢᱟᱝ ᱵᱟᱝᱞᱟ(ᱱᱟᱦᱟᱜ ᱵᱟᱝᱞᱟᱫᱮᱥ) ᱨᱮ ᱦᱚᱲᱠᱩᱥᱤᱭᱟᱜ ᱡᱚᱢᱟᱜ ᱠᱟᱱᱟ᱾ ᱪᱷᱟᱹᱛᱩ ᱫᱚ ᱛᱮᱞᱮᱝᱜᱟᱱᱟ ᱨᱮ ᱵᱟᱴᱩᱠᱟᱢᱢᱟ ᱞᱟᱹᱜᱤᱫ ᱯᱨᱟᱥᱟᱫᱚᱢ ᱥᱮ ᱱᱤᱭᱵᱮᱰᱤᱭᱚᱢ ᱧᱩᱛᱩᱢ ᱛᱮ ᱧᱩᱛᱩᱢᱟᱱ ᱜᱮᱭᱟ᱾ᱢᱟᱜᱟᱫᱷ ᱨᱮ "ᱥᱟᱛᱛᱩ ᱜᱳᱞ" ᱧᱩᱛᱩᱢ ᱛᱮ ᱪᱷᱟᱹᱛᱩ ᱠᱷᱚᱱ ᱵᱮᱱᱟᱣ ᱢᱤᱫᱴᱟᱝ ᱧᱩᱣᱟᱜ ᱢᱮᱱᱟᱜᱼᱟ᱾
_festival_in_Tharparkar,_Sindh.jpg)
ᱵᱮᱣᱦᱟᱨ
ᱥᱟᱯᱲᱟᱣᱴᱚᱴᱷᱟ ᱨᱮᱭᱟᱜ ᱡᱚᱢᱟᱜ ᱨᱮ ᱟᱭᱢᱟ ᱦᱟᱹᱴᱤᱧᱨᱮ ᱪᱷᱟᱹᱛᱩ ᱵᱮᱣᱦᱟᱨ ᱦᱩᱭᱩᱜᱼᱟ᱾ ᱵᱤᱦᱟᱨ, ᱩᱛᱛᱚᱨ ᱯᱨᱚᱫᱮᱥ, ᱩᱛᱛᱚᱨᱟᱠᱷᱚᱸᱰ,ᱯᱟᱧᱡᱟᱵᱽ ᱟᱨ ᱫᱤᱞᱞᱤ ᱟᱭᱢᱟ ᱡᱚᱢᱟᱜ ᱨᱮ ᱪᱷᱟᱹᱛᱩ ᱨᱮᱭᱟᱜ ᱵᱮᱣᱦᱟᱨ ᱟᱹᱰᱤ ᱡᱟᱹᱥᱛᱤ ᱜᱮᱭᱟ᱾ ᱵᱤᱦᱟᱨ ᱨᱮ, ᱱᱚᱶᱟ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱥᱤᱛᱩᱝ ᱫᱤᱱ ᱨᱮ ᱟᱹᱰᱤ ᱥᱤᱛᱩᱝ ᱚᱠᱛᱚ ᱨᱮᱭᱟᱲ ᱧᱩᱣᱟᱜ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱟ᱾ ᱦᱮᱨᱮᱢ ᱡᱚᱢᱟᱜ ᱠᱚ ᱫᱚ ᱡᱚ ᱨᱮᱭᱟᱜ ᱨᱟᱥᱟ, ᱪᱤᱱᱤ ᱟᱨ ᱛᱚᱣᱟ ᱥᱟᱶᱛᱮ ᱪᱷᱟᱹᱛᱩ ᱠᱚ ᱵᱮᱱᱟᱣᱟ᱾ ᱥᱤᱵᱤᱞ ᱡᱚᱢᱟᱜ ᱨᱮ, ᱪᱷᱟᱹᱛᱩ ᱫᱚ ᱵᱮᱨᱮᱞ ᱢᱟᱹᱨᱤᱡ, ᱞᱤᱶᱩ ᱨᱮᱭᱟᱜ ᱨᱟᱥᱟ ᱟᱨ ᱵᱩᱞᱩᱝ ᱥᱟᱶᱛᱮ ᱢᱮᱥᱟ ᱦᱩᱭ ᱫᱟᱲᱮᱭᱟᱜᱼᱟ᱾ ᱱᱚᱣᱟ ᱫᱚ ᱯᱚᱨᱚᱴᱷᱟ ᱨᱮᱭᱟᱜ ᱢᱤᱫᱴᱟᱝ ᱦᱚᱲᱠᱩᱥᱤ ᱟᱱ ᱥᱟᱯᱟᱵᱽ ᱠᱟᱱᱟ᱾
ᱪᱷᱟᱹᱛᱩ ᱨᱮ ᱠᱤᱪᱷᱩᱜᱟᱱ ᱛᱩᱨᱤ ᱨᱮᱭᱟᱜ ᱥᱩᱱᱩᱢ ᱟᱨ ᱠᱤᱪᱷᱩᱜᱟᱱ ᱢᱚᱥᱞᱟ ᱢᱮᱥᱟ ᱠᱟᱛᱮ ᱥᱮᱨᱣᱟ ᱟᱱᱟᱜ ᱵᱤᱦᱟᱨᱤ ᱡᱚᱢᱟᱜ ᱞᱤᱴᱤ ᱪᱳᱠᱷᱟ (ᱡᱚᱢᱟᱜ) ᱨᱮ ᱢᱚᱥᱞᱟ ᱞᱮᱠᱟᱛᱮ ᱵᱮᱣᱦᱟᱨ ᱦᱩᱭᱩᱜᱼᱟ᱾
ᱯᱟᱧᱡᱟᱵᱽ ᱨᱮ, ᱱᱚᱣᱟ ᱫᱚ ᱞᱚᱞᱚ ᱟᱨ ᱫᱟᱜ ᱛᱮᱛᱟᱝ ᱞᱟᱹᱜᱤᱫ ᱢᱤᱫᱴᱟᱝ ᱨᱮᱭᱟᱲ ᱧᱩᱣᱟᱜ ᱞᱮᱠᱟᱛᱮ ᱵᱮᱣᱦᱟᱨᱚᱜᱼᱟ᱾ ᱱᱚᱣᱟ ᱫᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱯᱟᱧᱡᱟᱵᱽ ᱴᱚᱴᱷᱟ ᱨᱮ ᱦᱚᱸ ᱢᱤᱫᱴᱟᱝ ᱦᱚᱲᱠᱩᱥᱤ ᱥᱮᱨᱣᱟ ᱟᱱᱟᱜ ᱥᱤᱛᱩᱝ ᱫᱤᱱ ᱨᱮᱭᱟᱜ ᱡᱚᱢᱟᱜ ᱠᱟᱱᱟ᱾ ᱥᱮᱨᱣᱟ ᱟᱱᱟᱜ ᱦᱚᱨᱟ ᱫᱚ ᱦᱩᱭᱩᱜ ᱠᱟᱱᱟ ᱱᱚᱣᱟ ᱫᱚ ᱫᱟᱜ ᱟᱨ ᱥᱟᱠᱠᱷᱮᱨ (ᱯᱟᱧᱡᱟᱵᱤ) (ᱩᱨᱫᱩ) (ᱦᱤᱱᱫᱤ) (ᱟᱹᱠᱷ) ᱥᱟᱶ ᱢᱮᱥᱟ᱾ ᱱᱚᱶᱟ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱨᱮᱭᱟᱲ ᱜᱮ ᱠᱚ ᱧᱩᱭᱟ᱾
ᱳᱰᱤᱥᱟ ᱨᱮ, ᱱᱚᱣᱟ ᱫᱚ ᱢᱤᱫᱴᱟᱝ ᱦᱚᱲᱠᱩᱥᱤ ᱥᱮᱛᱟᱜ ᱡᱚᱢᱟᱜ ᱟᱨ ᱱᱚᱣᱟ ᱫᱚ ᱪᱷᱟᱛᱩᱣᱟ ᱦᱚᱸ ᱠᱚ ᱢᱮᱛᱟᱜᱼᱟ᱾ ᱡᱩᱫᱤᱦᱚᱸ ᱪᱷᱟᱹᱛᱩ ᱵᱮᱱᱟᱣ ᱨᱮᱭᱟᱜ ᱟᱭᱢᱟ ᱦᱚᱨᱟ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱵᱤᱞᱤ ᱠᱟᱭᱨᱟ, ᱵᱷᱩᱴ ᱠᱚᱞᱟᱭ (ᱪᱮᱱᱟ), ᱫᱚᱭ ᱢᱮᱥᱟ ᱦᱩᱭᱩᱜᱼᱟ᱾
ᱡᱳ ᱦᱚᱞᱚᱝ ᱠᱷᱚᱱ ᱵᱮᱱᱟᱣ ᱪᱷᱟᱹᱛᱩ ᱫᱚ ᱵᱩᱞᱩᱝ ᱟᱨ ᱥᱟᱥᱟᱝ ᱥᱟᱶ ᱢᱮᱥᱟ ᱠᱟᱛᱮ ᱵᱚᱞ ᱨᱮ ᱰᱩᱢᱵᱩᱜ ᱠᱟᱛᱮ ᱵᱮᱱᱟᱣ ᱦᱩᱭ ᱫᱟᱲᱮᱭᱟᱜᱼᱟ᱾ ᱵᱷᱮᱜᱟᱨ ᱞᱮᱠᱟᱛᱮ, ᱢᱤᱞᱮᱴ ᱟᱨ ᱡᱚᱸᱰᱨᱟ ᱨᱮᱭᱟᱜ ᱦᱚᱞᱚᱝ ᱦᱚᱸ ᱵᱮᱣᱦᱟᱨ ᱦᱩᱭᱩᱜᱼᱟ᱾
ᱡᱤᱱᱤᱥ ᱠᱚ
ᱥᱟᱯᱲᱟᱣᱪᱷᱟᱹᱛᱩ ᱫᱚ ᱦᱚᱞᱚᱝ ᱥᱮ ᱵᱩᱴ ᱠᱚᱞᱟᱭ ᱟᱛᱟ ᱦᱚᱞᱚᱝ ᱛᱮᱠᱚ ᱵᱮᱱᱟᱣᱟ᱾ ᱳᱲᱤᱥᱥᱟ ᱨᱮ, ᱪᱷᱟᱹᱛᱩ ᱵᱟᱝᱠᱷᱟᱱ ᱪᱷᱟᱛᱩᱣᱟ ᱫᱚ ᱨᱚᱦᱚᱲ ᱵᱤᱞᱟᱹᱛᱤ ᱥᱚᱥᱚ, ᱵᱟᱫᱟᱢ, ᱜᱩᱦᱩᱢ, ᱡᱳ ᱟᱨ ᱵᱟᱡᱽᱨᱟ ᱯᱮᱥᱟᱭ ᱜᱩᱸᱰᱟᱹ ᱠᱟᱛᱮ ᱦᱚᱞᱚᱝ ᱵᱮᱱᱟᱣ ᱦᱩᱭᱩᱜᱼᱟ᱾ ᱚᱱᱟ ᱛᱮᱜᱮ ᱱᱚᱣᱟ ᱪᱷᱟᱹᱛᱩ ᱫᱚᱠᱚ ᱵᱮᱱᱟᱣᱟ᱾
ᱚᱛᱱᱚᱜ
ᱥᱟᱯᱲᱟᱣᱯᱟᱠᱤᱥᱛᱟᱱ ᱨᱮᱭᱟᱜ ᱯᱟᱧᱡᱟᱵᱽ ᱟᱨ ᱥᱤᱱᱫᱷ ᱯᱚᱱᱚᱛ ᱨᱮ ᱪᱷᱟᱹᱛᱩ ᱥᱟᱫᱷᱟᱨᱚᱱ ᱜᱮᱭᱟ᱾ [᱕]ᱵᱤᱦᱟᱨ ᱟᱨ ᱵᱤᱦᱟᱨ ᱨᱮᱭᱟᱜ ᱢᱮᱜᱟᱫᱷ ᱴᱚᱴᱷᱟ ᱯᱚᱱᱚᱛ ᱨᱮ ᱪᱷᱟᱹᱛᱩ ᱥᱟᱫᱷᱟᱨᱚᱱ ᱜᱮᱭᱟ ᱟᱨ ᱵᱷᱟᱨᱚᱛ ᱨᱮᱭᱟᱜ ᱮᱴᱟᱜ ᱢᱤᱫᱼᱵᱟᱨ ᱴᱚᱴᱷᱟ, ᱡᱮᱞᱮᱠᱟ ᱩᱛᱛᱚᱨ ᱯᱨᱚᱫᱮᱥ ᱨᱮᱭᱟᱜ ᱯᱩᱨᱵᱟᱧᱪᱚᱞ, ᱢᱚᱫᱷᱭᱚ ᱯᱨᱚᱫᱮᱥ ᱟᱨ ᱫᱤᱞᱞᱤ ᱨᱮ ᱯᱟᱥᱱᱟᱣ ᱟᱠᱟᱱᱟ᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Dasa, Syamasundara (1965–1975). "Hindi sabdasagara". dsal.uchicago.edu. Retrieved 2022-12-29.
- ↑ Turner, R. L. (Ralph Lilley) (1962–1966). "A Comparative Dictionary of Indo-Aryan Languages". dsal.uchicago.edu. Retrieved 2022-12-29.
- ↑ "Monier-Williams Sanskrit-English Dictionary --स". sanskrit.inria.fr. Retrieved 2022-12-29.
- ↑ www.wisdomlib.org (2016-03-18). "Saktu, Shaktu, Śaktu: 21 definitions". www.wisdomlib.org (in ᱟᱝᱜᱽᱨᱮᱡᱤ). Retrieved 2022-12-29.
- ↑ Kumar Suresh Singh, Anthropological Survey of India (2008). People of India, Volume 16, Part 1. p. xxix. "However this term of opprobrium ignores the fact that the sattu is nutritious and has sustained the Bihari..."