ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱥᱤᱧᱚᱛ ᱨᱮᱭᱟᱜ ᱢᱤᱫ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱠᱟᱱᱟ ᱾ ᱱᱚᱣᱟ ᱫᱚ ᱫᱩᱠᱷᱤᱱ ᱥᱤᱧᱚᱛ ᱨᱮᱭᱟᱜ ᱢᱚᱦᱟᱨᱟᱥᱴᱨᱚ ᱟᱨ ᱜᱩᱡᱽᱨᱟᱴ ᱛᱟᱞᱟ ᱨᱮ ᱢᱮᱱᱟᱜᱼᱟ, ᱚᱱᱠᱟ ᱫᱚ ᱫᱟᱫᱽᱨᱟ, ᱡᱟᱦᱟᱸ ᱫᱚ ᱱᱚᱣᱟ ᱮᱞᱟᱠᱟ ᱨᱮᱭᱟᱜ ᱢᱤᱫ ᱛᱟᱞᱩᱠᱟ ᱢᱮᱱᱟᱜᱼᱟ , ᱛᱤᱱᱟᱹᱝ ᱜᱟᱱ ᱠᱤᱞᱳ ᱢᱤᱴᱚᱨ ᱥᱟᱺᱜᱤᱧ ᱫᱚ ᱜᱩᱡᱽᱨᱟᱴ ᱨᱮ ᱢᱮᱱᱟᱜ ᱢᱤᱫ ᱵᱤᱫᱮᱥᱤᱭᱟᱹ ᱵᱷᱤᱛᱟᱨ ᱮᱞᱟᱠᱟ ᱠᱟᱱᱟ ᱾ ᱥᱤᱞᱵᱷᱟᱥᱟ ᱫᱚ ᱱᱚᱣᱟ ᱮᱞᱟᱠᱟ ᱨᱮᱭᱟᱜ ᱨᱟᱡᱽᱜᱟᱲ ᱜᱮ ᱠᱟᱱᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱫᱚᱢᱚᱱ ᱠᱷᱚᱱ ᱑᱐ ᱠᱷᱚᱱ ᱓᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ ᱾[᱒]
| ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ | ||
|---|---|---|
| ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ | ||
 | ||
| ||
 | ||
| Coordinates: 20°16′N 73°01′E / 20.27°N 73.02°ECoordinates: 20°16′N 73°01′E / 20.27°N 73.02°E | ||
| ᱫᱤᱥᱚᱢ |  ᱥᱤᱧᱚᱛ | |
| ᱛᱷᱟᱯᱚᱱ | ᱑᱑ ᱚᱜᱚᱥᱴ ᱑᱙᱖᱑ | |
| ᱨᱟᱡᱽᱜᱟᱲ ᱵᱟᱝ ᱢᱟᱨᱟᱝ ᱱᱟᱜᱟᱨ | ᱥᱤᱞᱵᱷᱟᱥᱟ | |
| ᱥᱚᱨᱠᱟᱨ | ||
| • ᱯᱨᱚᱥᱟᱥᱳᱱ | ᱯᱨᱚᱯᱷᱩᱞᱚ ᱠᱷᱳᱰᱟ ᱯᱟᱴᱮᱞ | |
| • ᱯᱟᱨᱞᱤᱭᱟᱢᱮᱴ ᱥᱚᱦᱮᱛ | ᱱᱟᱴᱩᱵᱷᱟᱭᱤ ᱜᱚᱢᱟᱱᱵᱷᱟᱭᱤ ᱯᱟᱴᱮᱞ | |
| • ᱦᱟᱭ ᱠᱳᱴ | ᱵᱚᱢᱵᱮᱭ ᱦᱟᱭ ᱠᱳᱴ | |
| ᱮᱨᱤᱭᱟ | ||
| • ᱞᱮᱠᱷᱟᱜᱩᱴ | 491 ᱠᱤᱢᱤ২ (190 ᱜᱟᱺᱴ ᱢᱟᱭᱤᱞ) | |
| ᱮᱨᱤᱭᱟ ᱨᱮᱸᱠ | 32nd | |
| ᱩᱥᱩᱞ | 16 ᱢᱤᱴᱚᱨ (52 ᱯᱷᱩᱴ) | |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) | |
| • ᱞᱮᱠᱷᱟᱜᱩᱴ | ᱓᱔᱒,᱘᱕᱓ | |
| • ᱫᱷᱟᱹᱲ ᱮᱞ | 33rd | |
| • ᱰᱮᱱᱥᱤᱴᱤ | 700/ᱠᱤᱢᱤ2 (1800/ᱜᱟᱺᱴ ᱢᱟᱹᱭᱤᱞ) | |
| ᱯᱟᱹᱨᱥᱤ[᱑] | ||
| • ᱟᱹᱢᱟᱹᱞᱮᱛ | ᱦᱤᱱᱫᱤ, ᱜᱩᱡᱽᱨᱟᱛᱤ, ᱫᱷᱳᱫᱤᱭᱟ | |
| IST (ᱭᱩᱴᱤᱥᱤ+᱐᱕:᱓᱐) | ||
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | IN-DN | |
| ᱜᱟᱹᱰᱤ ᱨᱤᱡᱤᱥᱴᱨᱤ | DN-09 | |
| No. of districts | 1 | |
| HDI |  0.618 (2005) | |
| HDI Category | high | |
| ᱣᱮᱵᱽᱥᱟᱭᱤᱴ | dnh | |
ᱱᱚᱣᱟ ᱮᱞᱟᱠᱟ ᱨᱮᱫᱚ ᱑᱗᱗᱙ ᱫᱷᱟᱹᱵᱤᱡ ᱢᱚᱨᱚᱴᱷᱟ ᱠᱚᱣᱟᱜ ᱟᱨ ᱦᱚᱸ ᱑᱙᱕᱕ ᱫᱷᱟᱹᱵᱤᱡ ᱯᱚᱨᱛᱩᱜᱟᱞᱤᱭᱟᱹ ᱥᱟᱢᱨᱟᱡᱽᱡᱚ ᱨᱮᱭᱟᱜ ᱥᱟᱥᱚᱱ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱥᱚᱝᱜᱷᱚ ᱫᱚ ᱥᱤᱧᱚᱛ ᱨᱮ ᱑᱑ ᱚᱜᱚᱥᱴ ᱑᱙᱖᱑ ᱨᱮᱠᱚ ᱥᱮᱞᱮᱫ ᱠᱮᱫᱼᱟ ᱾[᱓] ᱒ ᱚᱜᱚᱥᱴ ᱫᱚ ᱨᱟᱲᱟᱫᱩᱜ ᱢᱟᱦᱟᱸ ᱞᱮᱠᱟ ᱛᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾ [᱔]
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱟᱹᱛᱩ ᱮᱞᱟᱠᱟ ᱠᱟᱱᱟ, ᱡᱟᱦᱟᱸ ᱨᱮᱫᱚ ᱖᱒% ᱠᱷᱚᱱ ᱦᱚᱸ ᱵᱟᱹᱲᱛᱤ ᱟᱹᱫᱤᱢ ᱡᱟᱹᱛᱤ ᱠᱚ ᱛᱟᱦᱮᱸᱱ ᱠᱟᱱᱟ ᱾[᱕] ᱥᱚᱝᱜᱷᱚ ᱮᱞᱟᱠᱟ ᱔᱐% ᱨᱤᱡᱚᱨᱵᱽ ᱵᱤᱨ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱡᱟᱦᱟᱸ ᱫᱚ ᱟᱹᱰᱤ ᱞᱮᱠᱟᱱ ᱫᱟᱨᱮ ᱱᱟᱹᱬᱤ ᱟᱨ ᱵᱤᱨ ᱡᱟᱱᱣᱟ ᱠᱚ ᱟᱥᱨᱟᱭ ᱮᱢᱟ ᱠᱚ ᱠᱟᱱᱟ ᱾ [᱖] ᱫᱚᱨᱮᱭᱟ ᱠᱟᱛᱟ ᱨᱮᱭᱟᱜ ᱥᱩᱨ ᱨᱮ ᱛᱟᱦᱮᱱ ᱠᱷᱟᱹᱛᱤᱨ, ᱥᱤᱛᱩᱝ ᱫᱤᱱ ᱞᱚᱞᱚ ᱫᱚ ᱵᱟᱹᱲᱛᱤ ᱵᱟᱝ ᱵᱩᱡᱷᱟᱹᱣᱜᱼᱟ ᱾ ᱫᱟᱢᱚᱱᱜᱚᱝᱜᱟ ᱫᱚ ᱱᱚᱰᱮᱱᱟᱜ ᱢᱟᱨᱟᱝ ᱱᱟᱹᱭ ᱠᱟᱱᱟ ᱡᱟᱦᱟᱸ ᱫᱚ ᱟᱨᱚᱵᱽ ᱥᱟᱜᱚᱨ ᱨᱮ ᱪᱟᱞᱟᱣ ᱠᱟᱛᱮ ᱢᱮᱥᱟᱜᱼᱟ ᱾
ᱜᱟᱡᱟᱲ ᱵᱤᱨ ᱟᱨ ᱞᱟᱹᱠᱛᱤ ᱞᱮᱠᱟ ᱦᱚᱭ ᱦᱤᱥᱤᱫ ᱧᱮᱞ ᱠᱟᱛᱮ ᱚᱸᱰᱮ ᱴᱩᱨᱤᱥᱴ ᱴᱚᱴᱷᱟ ᱫᱚ ᱪᱮᱨᱟᱱ ᱯᱩᱭᱞᱩ ᱴᱷᱟᱶ ᱠᱚ ᱮᱢ ᱟᱠᱟᱫᱼᱟ ᱾ ᱡᱟᱹᱛᱨᱤ ᱠᱚ ᱡᱤᱨᱟᱹᱣᱜ ᱞᱟᱹᱜᱤᱫ ᱛᱮ ᱟᱹᱰᱤᱜᱟᱱ ᱦᱚᱴᱮᱞ ᱟᱨ ᱨᱮᱥᱴᱚᱨᱮᱸᱴ ᱠᱚ ᱢᱮᱱᱟᱜᱼᱟ ᱾ ᱴᱩᱨᱤᱥᱴ ᱠᱚ ᱩᱫᱽᱜᱟᱹᱣ ᱮᱢᱟ ᱠᱚ ᱞᱟᱹᱜᱤᱫ ᱛᱮ ᱡᱚᱛᱚ ᱥᱮᱨᱢᱟ ᱜᱮ ᱛᱟᱨᱯᱟ ᱯᱟᱨᱟᱵᱽ, ᱠᱩᱲᱤᱫ ᱯᱟᱨᱟᱵᱽ ᱟᱨ ᱡᱮᱜᱮᱛ ᱴᱩᱨᱤᱥᱴ ᱢᱟᱦᱟᱸ ᱮᱢᱟᱱ ᱥᱟᱯᱲᱟᱣ ᱨᱮᱜᱮ ᱠᱚ ᱫᱚᱦᱚᱭᱟ ᱾ [᱓]
ᱱᱟᱜᱟᱢ ᱥᱟᱯᱲᱟᱣ
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱮᱭᱟᱜ ᱜᱟᱺᱦᱤᱨ ᱱᱟᱜᱟᱢ ᱫᱚ ᱨᱟᱡᱽᱯᱩᱛ ᱨᱟᱡᱟ ᱠᱚ ᱦᱚᱛᱮᱛᱮ ᱴᱚᱴᱷᱟ ᱨᱤᱱᱤᱡ ᱠᱟᱞᱤ ᱥᱚᱨᱫᱟᱨ ᱟᱜ ᱦᱟᱹᱨ ᱥᱟᱶᱛᱮ ᱮᱛᱚᱦᱚᱵᱚᱜᱼᱟ ᱾ ᱢᱚᱨᱟᱴᱷᱤ ᱠᱚᱫᱚ ᱨᱟᱡᱽᱯᱩᱛ ᱠᱚ ᱦᱟᱨᱟᱣ ᱠᱟᱛᱮ ᱑᱘ ᱟᱱᱟᱜ ᱥᱟᱭᱥᱟᱞ ᱛᱟᱞᱟᱨᱮ ᱟᱠᱚᱣᱟᱜ ᱥᱟᱥᱚᱱ ᱫᱚ ᱛᱷᱟᱯᱚᱱ ᱮᱱᱟ ᱾ ᱢᱚᱨᱟᱴᱷᱟ ᱟᱨ ᱯᱚᱨᱛᱩᱜᱟᱞᱤᱭᱟᱹ ᱛᱟᱞᱟᱨᱮ ᱟᱹᱰᱤ ᱡᱤᱞᱤᱧ ᱦᱩᱞᱥᱟᱹᱭ ᱦᱩᱭ ᱮᱱ ᱛᱟᱭᱚᱢ ᱑᱘ ᱰᱤᱥᱮᱢᱵᱚᱨ ᱑᱗᱗᱙ ᱫᱚ ᱢᱚᱨᱟᱴᱷᱟ ᱯᱮᱥᱣᱟ ᱢᱟᱫᱷᱚᱵᱽ ᱨᱟᱣ II [᱗][᱘] ᱫᱚ ᱥᱟᱹᱜᱟᱹᱭ ᱴᱷᱟᱹᱣᱠᱟᱹᱭ ᱠᱷᱟᱹᱛᱤᱨ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱗᱙ ᱟᱹᱛᱩ ᱫᱚ ᱑᱒,᱐᱐᱐ ᱠᱟᱹᱣᱰᱤ ᱨᱮᱭᱟᱜ ᱯᱚᱱᱚᱛ ᱦᱟᱹᱱ ᱯᱩᱨᱩᱱ ᱞᱮᱠᱟᱛᱮ ᱯᱚᱨᱛᱩᱜᱟᱞᱤᱭᱟᱹ ᱠᱚᱭ ᱪᱟᱞ ᱟᱫ ᱠᱚᱣᱟ ᱾ ᱦᱚᱲ ᱦᱚᱛᱮᱭᱮ ᱒ ᱚᱜᱚᱥᱴ ᱑᱙᱕᱔ ᱠᱷᱚᱱ ᱨᱟᱲᱟᱫᱩᱜ ᱫᱷᱟᱹᱵᱤᱡ ᱯᱚᱨᱛᱩᱜᱟᱹᱞᱤᱭᱟᱹ ᱫᱚ ᱱᱚᱣᱟ ᱮᱞᱟᱠᱟ ᱠᱚ ᱥᱟᱥᱚᱱ ᱠᱮᱫᱼᱟ ᱾ ᱑᱙᱕᱔ ᱠᱷᱚᱱ ᱑᱙᱖᱑ ᱫᱷᱟᱹᱵᱤᱡ ᱱᱚᱣᱟ ᱮᱞᱟᱠᱟ ᱯᱷᱩᱨᱜᱟᱹᱞ ᱨᱩᱯ ᱨᱮ ᱠᱟᱹᱢᱤ ᱟᱠᱟᱭ ᱛᱟᱦᱮᱸ ᱮᱱᱟ ᱡᱟᱦᱟᱸ ᱫᱚ 'ᱯᱷᱩᱨᱜᱟᱹᱞ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱯᱨᱚᱥᱟᱥᱚᱱ' ᱮ ᱪᱟᱞᱟᱣ ᱠᱮᱫᱼᱟ ᱾ ᱤᱠᱷᱟᱹᱱ ᱑᱑ ᱚᱜᱚᱥᱴ ᱑᱙᱖᱑ ᱦᱤᱞᱚᱜ ᱫᱚ ᱱᱚᱣᱟ ᱮᱞᱟᱠᱟ ᱫᱚ ᱥᱤᱧᱚᱛᱤᱭᱟᱹ ᱥᱚᱸᱜᱷ ᱥᱟᱶ ᱥᱮᱞᱮᱫ ᱮᱱᱟ ᱟᱨ ᱩᱱ ᱠᱷᱚᱱ ᱥᱤᱧᱚᱛ ᱥᱚᱨᱠᱟᱨ ᱱᱚᱣᱟ ᱫᱚ ᱢᱤᱫ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱞᱮᱠᱟᱛᱮᱭ ᱪᱟᱞᱟᱣ ᱟᱹᱜᱩ ᱮᱫᱼᱟ ᱾
ᱯᱚᱨᱛᱩᱜᱟᱞ ᱜᱚᱵᱚᱞ ᱠᱷᱚᱱ ᱨᱟᱲᱟᱫᱩᱜ ᱥᱟᱯᱲᱟᱣ
.jpg)
ᱥᱤᱧᱚᱛ ᱑᱙᱔᱗ ᱨᱮ ᱯᱷᱩᱨᱜᱟᱹᱞ ᱮᱱ ᱛᱟᱭᱚᱢ ᱯᱚᱨᱛᱩᱜᱟᱞ ᱨᱮ ᱯᱷᱩᱨᱜᱟᱹᱞ ᱥᱮᱱᱟ ᱟᱨ ᱥᱟᱶᱛᱮ ᱮᱴᱟᱜ ᱴᱚᱴᱷᱟ ᱨᱮᱠᱚ ᱵᱚᱥᱠᱚᱫ ᱟᱠᱟᱱ ᱥᱤᱧᱚᱛᱤᱭᱟᱹ ᱠᱚ ᱫᱚ ᱜᱳᱣᱟ, ᱰᱚᱢᱚᱱ, ᱰᱤᱳ, ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱟᱲᱟ ᱫᱩᱜᱽ ᱨᱮᱭᱟᱜ ᱠᱚ ᱵᱤᱪᱟᱹᱨ ᱠᱮᱫᱼᱟ ᱾ [᱙]
ᱚᱛᱱᱚᱜ ᱥᱟᱯᱲᱟᱣ
ᱱᱚᱣᱟ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱫᱚ ᱵᱟᱨᱭᱟ ᱵᱷᱮᱜᱟᱨ ᱚᱛᱱᱚᱜᱮᱛ ᱴᱚᱴᱷᱟ ᱛᱮ ᱵᱮᱱᱟᱣ ᱟᱠᱟᱱᱟ ᱼ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱾ ᱱᱚᱣᱟ ᱫᱚ ᱜᱩᱴ ᱔᱙᱑ ᱥᱠᱚᱹ ᱠᱤᱞᱚ ᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱩᱛᱚᱨᱼᱯᱩᱪᱷᱤᱢ ᱟᱨ ᱯᱩᱨᱩᱵᱽ ᱨᱮᱭᱟᱜ ᱵᱚᱞᱥᱟᱰ ᱦᱚᱱᱚᱛ ᱠᱷᱚᱱ ᱟᱨ ᱫᱩᱠᱷᱤᱱ ᱟᱨ ᱫᱩᱠᱷᱤᱱᱼᱯᱩᱨᱩᱵᱽ ᱨᱮ ᱴᱷᱟᱬᱮ ᱟᱨ ᱱᱟᱥᱤᱠ ᱫᱷᱟᱹᱵᱤᱡ ᱜᱷᱮᱨᱟᱣ ᱟᱠᱟᱱᱟ ᱾ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱮᱭᱟᱜ ᱵᱟᱹᱲᱛᱤ ᱵᱷᱟᱜᱽ ᱫᱚ ᱵᱩᱨᱩ ᱜᱮᱭᱟ ᱾ ᱮᱞᱟᱠᱟ ᱨᱮᱭᱟᱜ ᱛᱟᱞᱟ ᱴᱚᱴᱷᱟ ᱨᱮᱫᱚ ᱢᱟᱴ ᱢᱮᱱᱟᱜᱼᱟ ᱡᱟᱦᱟᱸ ᱨᱮᱭᱟᱜ ᱦᱟᱥᱟ ᱫᱚ ᱟᱹᱰᱤ ᱵᱟᱹᱲᱛᱤ ᱠᱷᱚᱛᱩᱣᱟᱹ ᱜᱮᱭᱟ ᱾ ᱫᱟᱢᱚᱱ ᱜᱟᱝ ᱱᱟᱹᱭ ᱯᱩᱪᱷᱤᱢ ᱠᱟᱛᱟ ᱠᱷᱚᱱ ᱖᱔ ᱠᱤᱞᱳ ᱢᱤᱴᱚᱨ ᱥᱟᱺᱜᱤᱧ ᱜᱷᱟᱴ ᱠᱷᱚᱱ ᱚᱰᱚᱠ ᱠᱟᱛᱮ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱯᱟᱨᱚᱢ ᱮᱫ ᱛᱩᱞᱩᱡ ᱫᱟᱢᱚᱱ ᱨᱮ ᱟᱨᱚᱵᱽ ᱥᱟᱜᱚᱨ ᱥᱟᱶ ᱪᱟᱞᱟᱣ ᱠᱟᱛᱮ ᱢᱮᱥᱟᱜ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱯᱮᱭᱟ ᱥᱚᱦᱚᱫᱮᱛ ᱱᱟᱹᱭ ᱠᱚ ᱼ ᱯᱤᱨᱤ, ᱵᱚᱨᱱᱟ ᱟᱨ ᱥᱚᱠᱚᱨᱛᱚᱫᱽ ᱦᱚᱸ ᱮᱞᱟᱠᱟ ᱨᱮᱭᱟᱜ ᱫᱟᱜ ᱡᱷᱟᱨᱱᱟ ᱠᱟᱱᱟ ᱾[᱑᱐]ᱮᱞᱟᱠᱟ ᱨᱮᱭᱟᱜ ᱕᱓% ᱫᱚ ᱵᱤᱨ ᱠᱟᱱᱟ ᱤᱠᱷᱟᱹᱱ ᱥᱩᱢᱩᱝ ᱔᱐% ᱵᱤᱨ ᱜᱮ ᱨᱤᱡᱚᱨᱵᱽ ᱨᱮᱫᱚ ᱞᱮᱠᱷᱟᱜ ᱠᱟᱱᱟ ᱾ ᱠᱤᱥᱟᱹᱬ ᱵᱟᱭᱳᱼᱰᱟᱭᱵᱷᱚᱨᱥᱤᱴᱤ ᱜᱮ ᱪᱮᱬᱮ ᱪᱤᱯᱨᱩᱜ ᱟᱨ ᱡᱟᱱᱣᱟ ᱠᱚ ᱞᱟᱹᱜᱤᱫ ᱢᱤᱫ ᱥᱚᱨᱮᱥ ᱵᱚᱥᱠᱚᱫ ᱴᱷᱟᱶ ᱮ ᱵᱮᱱᱟᱣ ᱟᱠᱟᱫᱼᱟ ᱾
ᱦᱚᱭᱞᱚᱝ ᱥᱟᱯᱲᱟᱣ
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱨᱮᱭᱟᱜ ᱦᱚᱭᱞᱚᱝ ᱫᱚ ᱟᱡ ᱞᱟᱹᱜᱤᱫ ᱫᱚ ᱟᱹᱰᱤ ᱫᱟᱢᱟᱱ ᱜᱮᱭᱟ ᱾ ᱠᱟᱛᱟ ᱫᱷᱟᱨᱮ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱰᱮ ᱫᱚ ᱫᱚᱨᱮᱭᱟᱛ ᱦᱚᱭᱞᱚᱝ ᱢᱮᱱᱟᱜᱼᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱵᱟᱹᱲᱛᱤ ᱞᱚᱞᱚ ᱵᱩᱡᱷᱟᱹᱣᱜᱼᱟ ᱾ ᱵᱟᱹᱭᱥᱟᱹᱠ ᱵᱚᱸᱜᱟ ᱨᱮᱫᱚ ᱡᱚᱛᱚ ᱠᱷᱚᱱ ᱞᱚᱞᱚ ᱵᱩᱡᱷᱟᱹᱣᱜᱼᱟ ᱟᱨ ᱵᱟᱹᱦᱟᱹᱲᱛᱤ ᱞᱚᱞᱚᱝ ᱫᱚ ᱓᱕% ᱫᱷᱟᱹᱵᱤᱡ ᱥᱮᱴᱮᱨᱚᱜᱼᱟ ᱾ ᱡᱟᱹᱯᱤᱫ ᱫᱚ ᱫᱩᱠᱷᱤᱱ ᱯᱩᱪᱷᱤᱢ ᱢᱚᱱᱥᱩᱱ ᱦᱟᱣᱟᱭ ᱟᱹᱜᱩᱭᱟ ᱾ ᱡᱟᱹᱯᱩᱫ ᱨᱤᱛᱩ ᱫᱚ ᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ ᱫᱷᱟᱹᱵᱤᱡ ᱛᱟᱦᱮᱸᱱᱟ ᱾ ᱱᱚᱰᱮ ᱫᱚ ᱥᱮᱨᱢᱟ ᱨᱮ ᱒᱐᱐ᱼ᱒᱕᱐ ᱥᱮᱢᱤ ᱡᱟᱹᱯᱩᱫ ᱦᱩᱭᱩᱜᱼᱟ ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱱᱚᱣᱟ ᱫᱚ ᱯᱩᱪᱷᱤᱢ ᱥᱤᱧᱚᱛ ᱨᱮᱭᱟᱜ ᱪᱮᱨᱟᱯᱩᱸᱡᱤ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱨᱟᱵᱟᱝ ᱫᱚ ᱟᱹᱰᱤ ᱥᱩᱠ ᱮ ᱮᱢᱚᱜᱼᱟ ᱟᱨ ᱞᱚᱞᱚᱝ ᱫᱚ ᱑᱔°ᱼ᱓᱐° ᱫᱷᱟᱹᱵᱤᱡ ᱛᱟᱦᱮᱸᱱᱟ ᱾ [᱑᱑][᱑᱒]
ᱥᱟ.ᱠᱷᱭᱟ.ᱛ ᱥᱟᱯᱲᱟᱣ
- ↑ "52nd Report of the Commissioner for Linguistic Minorities in India" (PDF). 29 ᱢᱟᱨᱪ 2016. p. 87. Archived from the original (PDF) on 25 ᱢᱮ 2017. Retrieved 15 ᱡᱟᱱᱩᱣᱟᱨᱤ 2018.
{{cite web}}: Unknown parameter|dead-url=ignored (help) - ↑ http://www.dnh.nic.in, "Dadra and Nagar Haveli government website"
- ↑ ᱓.᱐ ᱓.᱑ http://bharat.gov.in/knowindia/state_uts.php?id=33, "History of DNH"
- ↑ http://dnh.nic.in/leave2007.html, "Public Holidays of D&N.H."
- ↑ "The Official Tourism Website of Department of Tourism, U.T of Dadra & Nagar Haveli, Silvassa - People of Dadra and Nagar Haveli". Archived from the original on 2012-11-19. Retrieved 25 ᱯᱷᱮᱵᱽᱨᱩᱣᱟᱨᱤ 2012.
- ↑ "Visitors guide for Daman, Diu, Dadra and Nagar Haveli" (PDF). "Government of D&N.H and Daman & Diu". p. 20. Retrieved 24 ᱯᱷᱮᱵᱽᱨᱩᱣᱟᱨᱤ 2012.
- ↑ Mehta, J. L. Advanced study in the history of modern India 1707-1813
- ↑ ""History and Geography of Dadra & Nagar Haveli"". Retrieved 25 ᱯᱷᱮᱵᱽᱨᱩᱣᱟᱨᱤ 2012.
- ↑ P S Lele, Dadra and Nagar Haveli: past and present, Published by Usha P. Lele, 1987,
- ↑ "Dadra and Nagar Haveli - Land, Climate and transport". Retrieved 12 ᱡᱩᱱ 2012.
- ↑ "Silvassa | Climate". Archived from the original on 2012-06-14. Retrieved 12 ᱡᱩᱱ 2012.
{{cite web}}: Text "Best Time to Visit Silvassa" ignored (help); Text "Clothing" ignored (help); Text "Temperature" ignored (help); Text "Weather" ignored (help) - ↑ "SILVASSA Weather, Silvassa Weather Forecast, Temperature, Festivals, Best Season:". tourism. Retrieved 13 ᱡᱩᱱ 2012.
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
- Government website
ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
