ᱫᱟᱱᱛᱮᱣᱟᱰᱟ ᱦᱚᱱᱚᱛ

ᱪᱷᱚᱛᱤᱥᱜᱚᱰ ᱨᱮᱱᱟᱜ ᱦᱚᱱᱚᱛ, ᱥᱤᱧᱚᱛ

ᱫᱟᱱᱛᱮᱣᱟᱰᱟ ᱦᱚᱱᱚᱛ ᱫᱚ ᱫᱟᱱᱛᱮᱣᱟᱨᱟ ᱦᱚᱱᱚᱛ ᱟᱨᱵᱟᱝ ᱠᱚᱧᱮ ᱵᱟᱥᱛᱟᱨ ᱦᱚᱱᱚᱛ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱫᱤᱥᱚᱢ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱤᱛ ᱠᱟᱱᱟ ᱾ ᱫᱟᱱᱛᱮᱣᱟᱰᱟ ᱫᱚ ᱚᱸᱰᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱵᱟᱥᱛᱟᱨ ᱠᱷᱚᱸᱰ (Division) ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱾ ᱑᱙᱙᱘ ᱥᱟᱹᱦᱤᱛ ᱦᱟᱹᱵᱤᱡ ᱫᱟᱱᱛᱮᱣᱟᱰ ᱦᱚᱱᱚᱛ ᱫᱚ ᱢᱟᱨᱟᱝ ᱵᱟᱥᱛᱟᱨ ᱦᱚᱱᱚᱛ ᱨᱮᱱᱟᱜ ᱛᱚᱦᱥᱤᱞ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾

ᱫᱟᱱᱛᱮᱣᱟᱰᱟ ᱦᱚᱱᱚᱛ
ᱪᱷᱚᱛᱛᱤᱥᱜᱚᱲ ᱨᱮᱱᱟᱜ ᱦᱚᱱᱚᱛ
ᱫᱟᱱᱛᱮᱣᱟᱰᱟ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱪᱷᱚᱛᱛᱤᱥᱜᱚᱲ ᱨᱮ
ᱫᱟᱱᱛᱮᱣᱟᱰᱟ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱪᱷᱚᱛᱛᱤᱥᱜᱚᱲ ᱨᱮ
ᱫᱤᱥᱚᱢᱥᱤᱧᱚᱛ
ᱯᱚᱱᱚᱛᱪᱷᱚᱛᱛᱤᱥᱜᱚᱲ
ᱠᱷᱚᱸᱰᱵᱟᱥᱛᱟᱨ
ᱦᱮᱰᱠᱩᱣᱟᱴᱚᱨᱫᱟᱱᱛᱮᱣᱟᱰᱟ
ᱛᱚᱦᱥᱤᱞ
ᱥᱚᱨᱠᱟᱨ
 • ᱵᱤᱫᱷᱟᱱ ᱥᱚᱵᱷᱟ
ᱮᱨᱤᱭᱟ
 • ᱜᱩᱴ3410.50 ᱠᱤᱢᱤ (1316.80 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)
 • ᱜᱩᱴ᱕᱓᱓,᱖᱓᱘
 • ᱰᱮᱱᱥᱤᱴᱤ160/ᱠᱤᱢᱤ2 (410/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞ
 • ᱥᱮᱪᱮᱫ᱓᱓ ᱥᱟᱭᱠᱚᱲᱟ
IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴdantewada.nic.in

᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱫᱟᱱᱛᱮᱣᱟᱰᱟ ᱦᱚᱱᱚᱛ ᱫᱚ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱛᱮᱥᱟᱨ ᱵᱟᱹᱲᱛᱤ ᱦᱚᱲ ᱛᱟᱦᱮᱸᱱ ᱠᱟᱱᱟᱜ ᱦᱚᱱᱚᱛ ᱠᱟᱱᱟ ᱾[᱑]

ᱱᱟᱜᱟᱢ ᱥᱟᱯᱲᱟᱣ

ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱦᱟ ᱨᱮ ᱱᱚᱶᱟ ᱦᱚᱱᱚᱛ ᱫᱚ ᱨᱟᱡᱽ ᱥᱟᱥᱚᱱᱮᱫ ᱯᱚᱱᱚᱛ ᱵᱟᱥᱛᱟᱨ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱑᱙᱔᱗ ᱥᱟᱹᱦᱤᱛ ᱨᱮ ᱥᱤᱧᱚᱛ ᱯᱷᱩᱨᱜᱟᱹᱞ ᱮᱱ ᱛᱟᱭᱚᱢ ᱵᱟᱥᱛᱟᱨ ᱨᱮᱱᱟᱜ ᱡᱚᱛᱚ ᱴᱚᱴᱷᱟ ᱥᱤᱧᱚᱛ ᱥᱚᱨᱠᱟᱨ ᱴᱷᱮᱱ ᱠᱚ ᱪᱟᱞ ᱠᱮᱫᱼᱟ ᱾ ᱚᱱᱠᱟᱛᱮ ᱱᱚᱶᱟ ᱫᱚ ᱵᱟᱥᱛᱟᱨ ᱦᱚᱱᱚᱛ ᱞᱮᱠᱟᱛᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱛᱟᱹᱨᱤ ᱨᱮ ᱛᱟᱦᱮᱸ ᱭᱮᱱᱟ ᱾ ᱚᱱᱟ ᱵᱟᱥᱛᱟᱨ ᱦᱚᱱᱚᱛ ᱜᱮ ᱦᱟᱹᱴᱤᱧ ᱠᱟᱛᱮ ᱵᱟᱥᱛᱟᱨ, ᱫᱟᱱᱛᱮᱣᱟᱰᱟ ᱟᱨ ᱠᱟᱝᱠᱮᱨ ᱦᱚᱱᱚᱛ ᱵᱮᱱᱟᱣᱮᱱᱟ ᱑᱙᱙᱘ ᱥᱟᱹᱦᱤᱛ ᱨᱮ ᱾ ᱚᱱᱟ ᱛᱟᱭᱚᱢ ᱒᱐᱐᱐ ᱥᱟᱹᱦᱤᱛ ᱨᱮ ᱫᱟᱱᱛᱮᱣᱟᱰᱟ ᱥᱟᱶᱛᱮ ᱢᱚᱫᱷᱭᱚᱯᱨᱚᱫᱮᱥ ᱨᱮᱱᱟᱜ ᱑᱖ ᱜᱚᱴᱟᱝ ᱦᱚᱱᱚᱛ ᱫᱚ ᱢᱮᱥᱟ ᱠᱟᱛᱮ ᱱᱟᱶᱟ ᱯᱚᱱᱚᱛ ᱠᱚ ᱵᱮᱱᱟᱣ ᱠᱮᱫᱼᱟ ᱪᱷᱚᱛᱛᱤᱥᱜᱚᱲ ᱾ ᱫᱟᱱᱛᱮᱣᱟᱰᱟ ᱫᱚ ᱒᱐᱐᱗ ᱥᱟᱹᱦᱤᱛ ᱨᱮ ᱵᱟᱨᱵᱷᱟᱜᱽ ᱠᱟᱛᱮ ᱵᱤᱡᱟᱯᱩᱨ ᱦᱚᱱᱚᱛ ᱠᱚ ᱵᱮᱱᱟᱣ ᱠᱮᱫᱼᱟ ᱯᱩᱱᱭᱟᱹ ᱛᱚᱦᱥᱤᱞ ᱵᱤᱡᱟᱯᱩᱨ, ᱵᱷᱚᱭᱨᱟᱢᱚᱰ, ᱩᱥᱩᱨ ᱟᱨᱵᱷᱚᱯᱟᱞᱯᱟᱴᱱᱟᱢ ᱤᱫᱤᱠᱟᱛᱮ ᱾ ᱱᱚᱶᱟ ᱫᱚ ᱒᱐᱑᱒ ᱥᱹᱦᱤᱛ ᱨᱮ ᱟᱨᱫᱚᱲᱦᱟ ᱵᱟᱨᱦᱟᱹᱴᱤᱧ ᱠᱟᱛᱮ ᱟᱨᱢᱤᱫ ᱱᱟᱶᱟ ᱦᱚᱱᱚᱛ ᱥᱩᱠᱢᱟ ᱵᱮᱱᱟᱣ ᱮᱱᱟ ᱯᱮᱭᱟ ᱛᱚᱦᱥᱤᱞ ᱪᱷᱤᱱᱰᱜᱚᱲ, ᱥᱩᱠᱢᱟ ᱟᱨ ᱠᱚᱱᱴᱟ ᱢᱮᱥᱟ ᱠᱟᱛᱮ ᱾

ᱦᱚᱲ ᱮᱞ ᱥᱟᱯᱲᱟᱣ

᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱕᱓᱓,᱖᱓᱘[᱑] ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱮᱯ ᱵᱮᱨᱫᱮ ᱫᱤᱥᱚᱢ ᱦᱚᱲ ᱞᱮᱠᱷᱟ ᱨᱤᱱ ᱟᱫᱷᱟ (half) ᱜᱟᱱ ᱠᱚ ᱦᱩᱭᱩᱜᱼᱟ ᱾[᱒] ᱥᱤᱧᱚᱛ ᱨᱮᱱᱟᱜ ᱖᱔᱐ ᱦᱚᱱᱚᱛ ᱠᱷᱚᱱ ᱱᱚᱶᱟ ᱫᱚ ᱕᱔᱐ ᱟᱱᱟᱜ ᱴᱷᱟᱶ (ᱨᱮᱸᱠ) ᱨᱮ ᱢᱮᱱᱟᱜᱼᱟ ᱾[᱑] ᱱᱳᱱᱰᱮ ᱦᱚᱲ ᱵᱟᱹᱰᱚᱜ ᱠᱟᱱ ᱫᱚ ᱫᱚ ᱑᱕ᱹ᱕᱖% ᱛᱟᱦᱮᱸ ᱠᱟᱱᱟ ᱒᱐᱐᱑ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱢᱟᱹᱫᱽ ᱨᱮ ᱾[᱑] ᱫᱟᱱᱛᱮᱣᱟᱰᱟ ᱨᱮ ᱡᱟᱱᱟᱝ ᱡᱟᱹᱱᱤ ᱫᱚ ᱑᱐᱑᱖ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ ᱟᱨ ᱥᱮᱪᱮᱫ ᱫᱚ ᱔᱒ᱹ᱒᱗% ᱛᱟᱦᱮᱸ ᱠᱟᱱᱟ ᱾[᱑]

᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱚᱠᱛᱚ ᱨᱮ ᱖᱔ᱹ᱑᱖% ᱦᱚᱲ ᱫᱚ ᱜᱚᱰᱤ ᱯᱟᱹᱨᱥᱤ, ᱑᱔ᱹ᱘᱘% ᱦᱚᱲ ᱫᱚ ᱦᱟᱞᱵᱤ ᱯᱟᱹᱨᱥᱤ, ᱑᱑ᱹ᱒᱗% ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ, ᱓ᱹ᱘᱑% ᱦᱚᱲ ᱫᱚ ᱫᱩᱨᱩᱣᱟ ᱯᱟᱹᱨᱥᱤ, ᱑ᱹ᱕᱒% ᱦᱚᱲ ᱳᱰᱤᱭᱟ ᱯᱟᱹᱨᱥᱤ, ᱑,᱔᱙% ᱦᱚᱲ ᱛᱮᱞᱩᱜᱩ ᱯᱟᱹᱨᱥᱤ, ᱟᱨ ᱑ᱹ᱔᱔% ᱦᱚᱲ ᱫᱚ ᱵᱮᱝᱜᱚᱞᱤ ᱯᱟᱹᱨᱥᱤ ᱟᱠᱚᱣᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾[᱓]

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. ᱑.᱐ ᱑.᱑ ᱑.᱒ ᱑.᱓ ᱑.᱔ "District Census 2011". Census2011.co.in. 2011. Retrieved 2011-09-30.
  2. US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01. Cape Verde 516,100 July 2011 est.
  3. 2011 Census of India, Population By Mother Tongue

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱪᱷᱟᱸᱪ:ᱫᱟᱱᱛᱮᱣᱟᱰᱟ ᱦᱚᱱᱚᱛ


Coordinates: 18°54′N 81°21′E / 18.900°N 81.350°E / 18.900; 81.350