ᱫᱤᱞᱞᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱫᱤᱞᱞᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱫᱚ (ᱢᱟᱨᱮ ᱫᱤᱞᱞᱤ) ᱫᱤᱞᱞᱤ ᱥᱚᱦᱚᱨ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱟᱨ ᱢᱟᱨᱮ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱵᱤᱡᱤ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱫᱤᱱᱟᱹᱢ ᱦᱤᱞᱚᱜ ᱒᱕᱐ ᱴᱨᱮᱱ ᱥᱴᱮᱥᱚᱱ ᱠᱷᱚᱱ ᱮᱦᱚᱵᱚᱜ ᱟᱨᱵᱟᱝ ᱪᱟᱞᱟᱜᱼᱟ ᱾ ᱱᱚᱣᱟ ᱫᱚ ᱑᱘᱖᱔ ᱥᱟᱞ ᱨᱮ ᱪᱟᱸᱫᱽᱱᱤ ᱪᱷᱚᱠ ᱴᱷᱮᱱ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱛᱤᱥ ᱦᱟᱵᱽᱲᱟ, ᱠᱚᱞᱠᱟᱛᱟ ᱠᱷᱚᱱ ᱫᱤᱞᱞᱤ ᱫᱷᱟᱹᱨᱤᱡ ᱴᱨᱮᱱ ᱨᱮᱱᱟᱜ ᱪᱟᱪᱞᱟᱣ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱱᱤᱛᱚᱜ ᱢᱮᱱᱟᱜ ᱵᱷᱚᱵᱚᱱ ᱫᱚ ᱵᱨᱤᱴᱤᱥ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱥᱩᱨ ᱨᱮᱱᱟᱜ ᱞᱟᱞ ᱠᱤᱞᱟ ᱰᱟᱦᱟᱨ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱟᱨ ᱑᱙᱐᱓ ᱥᱟᱞ ᱨᱮ ᱡᱷᱤᱡ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱫᱤᱥᱚᱢ ᱨᱮᱱᱟᱜ ᱢᱤᱫᱴᱟᱹᱝ ᱞᱟᱹᱠᱛᱤᱭᱟᱱ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱟᱨ ᱖᱐ ᱥᱮᱨᱢᱟ ᱠᱷᱚᱱ ᱱᱟᱶᱟ ᱫᱤᱞᱞᱤ ᱠᱷᱚᱱ ᱢᱟᱬᱟᱝ ᱟᱜ ᱠᱟᱱᱟ ᱾ ᱪᱟᱸᱫᱽᱱᱤ ᱪᱷᱚᱠ ᱫᱚ ᱫᱤᱞᱞᱤ ᱢᱮᱴᱨᱚ ᱨᱮᱱᱟᱜ ᱥᱴᱮᱥᱚᱱ ᱚᱱᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾
ᱫᱤᱞᱞᱤ ᱡᱚᱸᱠᱥᱚᱱ | |
|---|---|
 ᱥᱤᱧᱚᱛᱤᱭᱟᱹ ᱨᱮᱞ ᱥᱴᱮᱥᱚᱱ | |
.jpg) | |
| ᱢᱮᱱᱮᱞᱟ ᱠᱟᱛᱷᱟ | |
| ᱮᱴᱟᱜ ᱧᱩᱛᱩᱢ | ᱢᱟᱨᱮ ᱫᱤᱞᱞᱤ |
| ᱴᱷᱟᱶ | ᱪᱟᱸᱫᱽᱱᱤ ᱪᱷᱚᱠ ᱢᱮᱴᱨᱚ ᱥᱴᱮᱥᱚᱱ ᱥᱩᱨ, ᱢᱚᱨᱤ ᱜᱮᱴ, ᱢᱟᱨᱮ ᱫᱤᱞᱞᱤ, ᱫᱤᱞᱞᱤ, ᱑᱑᱐᱐᱐᱖ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 28°39′40″N 77°13′40″E / 28.6610°N 77.2277°ECoordinates: 28°39′40″N 77°13′40″E / 28.6610°N 77.2277°E |
| ᱩᱥᱩᱞ | 218.760 metres (717.72 ft) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ |
| ᱪᱟᱪᱟᱣ | ᱠᱚᱧᱮ ᱨᱮᱞᱣᱮ |
| ᱯᱞᱮᱴᱯᱷᱚᱨᱢ | ᱑᱗ |
| ᱴᱨᱮᱠ | ᱑᱘ |
| ᱡᱚᱲᱟᱣ | ᱚᱴᱚ ᱥᱴᱮᱱᱰ, ᱴᱮᱠᱥᱤ ᱥᱴᱮᱱᱰ |
| ᱵᱮᱱᱟᱣ | |
| ᱯᱟᱨᱠᱤᱝ | ᱢᱮᱱᱟᱜᱼᱟ |
| ᱰᱤᱥᱮᱵᱮᱞ ᱠᱚᱣᱟᱜ ᱥᱩᱵᱤᱫᱷᱟᱹ | ᱵᱮᱵᱚᱥᱛᱟ ᱢᱮᱱᱟᱜᱼᱟ |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | Functioning |
| ᱥᱴᱮᱥᱚᱱ ᱠᱳᱰ | DLI |
| ᱴᱚᱴᱷᱟ (ᱠᱚ) | ᱠᱚᱧᱮ ᱨᱮᱞᱣᱮ ᱴᱚᱴᱷᱟ |
| ᱦᱟᱹᱴᱤᱧ(ᱠᱚ) | ᱫᱤᱞᱞᱤ |
| ᱱᱟᱜᱟᱢ | |
| ᱪᱟᱹᱞᱩ | ᱑᱘᱖᱔ |
| ᱵᱮᱱᱟᱣ ᱨᱩᱣᱟᱹᱲ | ᱑᱙᱐᱓ |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱑᱙᱖᱗ |
| ᱴᱷᱟᱶ | |
ᱱᱟᱜᱟᱢ
ᱥᱟᱯᱲᱟᱣᱥᱴᱮᱥᱚᱱ ᱨᱮᱱᱟᱜ ᱮᱛᱚᱦᱚᱵ ᱫᱚ ᱑᱘᱖᱔ ᱥᱟᱞ ᱨᱮ ᱠᱚᱞᱠᱟᱛᱟ ᱠᱷᱚᱱ ᱢᱤᱫ ᱵᱨᱚᱰ ᱜᱮᱡᱽ ᱴᱨᱮᱱ ᱠᱷᱚᱱ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱫᱤᱞᱞᱤ ᱠᱷᱚᱱ ᱨᱮᱣᱟᱲᱤ ᱟᱨ ᱢᱟᱬᱟᱝ ᱟᱡᱽᱢᱮᱨ ᱫᱷᱟᱹᱨᱤᱡ ᱢᱤᱴᱚᱨ-ᱜᱮᱡᱽ ᱴᱨᱮᱠ ᱫᱚ ᱑᱘᱗᱓ ᱥᱟᱞ ᱨᱮ ᱨᱟᱡᱽᱯᱩᱛᱟᱱᱟ ᱥᱴᱮᱴ ᱨᱮᱞᱣᱮ ᱦᱚᱛᱮᱛᱮ ᱵᱟᱹᱭᱥᱟᱹᱣ ᱞᱮᱱ ᱛᱟᱦᱮᱸᱫ ᱟᱨ ᱱᱚᱣᱟ ᱥᱴᱮᱥᱚᱱ ᱠᱷᱚᱱ ᱢᱤᱴᱚᱨ-ᱜᱮᱡᱽ ᱴᱨᱮᱱ ᱫᱚ ᱑᱘᱗᱖ ᱥᱟᱞ ᱨᱮ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾
ᱥᱴᱮᱥᱚᱱ ᱨᱮᱱᱟᱜ ᱱᱤᱛᱚᱜ ᱢᱮᱱᱟᱜ ᱵᱷᱚᱵᱚᱱ ᱫᱚ ᱑᱙᱐᱐ ᱥᱟᱞ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱟᱨ ᱑᱙᱐᱓ ᱥᱟᱞ ᱨᱮ ᱫᱤᱥᱩᱣᱟᱹ ᱠᱚ ᱞᱟᱹᱜᱤᱫ ᱡᱷᱤᱡ ᱞᱮᱱ ᱛᱟᱦᱮᱸᱫ ᱾ ᱒ ᱯᱞᱮᱴᱯᱷᱟᱨᱢ ᱟᱨ ᱑᱐᱐᱐ ᱯᱟᱥᱮᱱᱡᱚᱨ ᱥᱟᱶᱛᱮ ᱮᱦᱚᱵ ᱞᱮᱱ ᱛᱟᱦᱮᱸᱫ, ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱱᱤᱛᱚᱜ ᱑᱘᱐,᱐᱐᱐ ᱠᱷᱚᱱ ᱰᱮᱦᱮᱨ ᱯᱟᱥᱮᱱᱡᱟᱨᱮ ᱥᱟᱵ ᱠᱚᱣᱟ ᱟᱨ ᱑᱙᱐ ᱴᱨᱮᱱ ᱫᱤᱱᱟᱹᱢ ᱦᱤᱞᱚᱜ ᱥᱴᱮᱥᱚᱱ ᱠᱷᱚᱱ ᱮᱦᱚᱵᱚᱜ, ᱪᱟᱵᱟᱜ ᱟᱨᱵᱟᱝ ᱥᱮᱱᱚᱜᱼᱟ ᱾
᱑᱙᱐᱔ ᱥᱟᱞ ᱨᱮ ᱟᱜᱽᱨᱟ-ᱫᱤᱞᱞᱤ ᱞᱟᱭᱤᱱ ᱡᱷᱤᱡ ᱮᱱᱟ ᱾ ᱫᱤᱞᱞᱤ ᱫᱚ ᱟᱫᱚ ᱛᱩᱨᱩᱭ ᱨᱮᱞ ᱦᱚᱨᱟ ᱨᱮᱱᱟᱜ ᱢᱤᱫ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ᱤᱥᱴ ᱤᱱᱰᱤᱭᱟᱱ ᱨᱮᱞᱣᱮ, ᱠᱚᱧᱮ-ᱯᱟᱪᱮ ᱨᱮᱞᱣᱮ ᱟᱨ ᱚᱣᱚᱫᱷ ᱟᱨ ᱨᱚᱦᱤᱞᱠᱷᱚᱸᱰ ᱨᱮᱞᱣᱮ ᱫᱚ ᱡᱚᱢᱩᱱᱟ ᱜᱟᱰᱟ ᱯᱟᱨᱚᱢ ᱠᱟᱛᱮ ᱜᱟᱡᱤᱭᱟᱵᱟᱫᱽ ᱠᱷᱚᱱ ᱵᱚᱞᱚ ᱮᱱᱟ ᱾ ᱫᱤᱞᱞᱤ - ᱯᱟᱱᱤᱯᱟᱴ - ᱚᱢᱵᱟᱞᱟ ᱠᱚᱱᱴᱮᱱᱢᱮᱱᱴ - ᱠᱟᱞᱠᱟ ᱨᱮᱞᱣᱮ ᱫᱚ ᱫᱤᱞᱞᱤ ᱠᱷᱚᱱ ᱠᱚᱧᱮ ᱥᱮᱫ ᱪᱟᱞᱟᱜ ᱠᱟᱱ ᱛᱟᱦᱮᱸᱫ, ᱟᱨ ᱨᱟᱡᱽᱯᱩᱛᱟᱱᱟ-ᱢᱟᱞᱣᱟ ᱨᱮᱞᱣᱮ ᱫᱚ ᱜᱩᱲᱜᱟᱶ ᱟᱨ ᱨᱮᱣᱟᱲᱤ ᱡᱚᱸᱠᱥᱚᱱ ᱥᱮᱦᱮᱫ ᱨᱮ ᱠᱟᱹᱡ ᱥᱟ:ᱜᱤᱧ ᱨᱮ ᱫᱤᱞᱞᱤ ᱦᱚᱱᱚᱛ ᱞᱮᱠᱟᱛᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾
ᱢᱟᱨᱮ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱩᱨ ᱨᱮᱱᱟᱜ ᱱᱟᱜᱟᱢ ᱫᱚ ᱟᱨᱟᱜ ᱠᱤᱞᱟ ᱨᱮᱱᱟᱜ ᱫᱟᱲᱮ ᱮᱢᱚᱜ ᱞᱟᱹᱜᱤᱫ ᱛᱮ ᱟᱨᱟᱜ ᱫᱷᱤᱨᱤ ᱛᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱥᱴᱮᱥᱚᱱ ᱨᱮᱱᱟᱜ ᱵᱷᱚᱵᱚᱱ ᱨᱮ ᱛᱩᱨᱩᱭ ᱠᱞᱚᱠ ᱴᱟᱣᱟᱨ ᱛᱟᱦᱮᱸ ᱠᱟᱱᱟ ᱟᱨ ᱴᱟᱣᱟᱨ ᱔ ᱫᱚ ᱱᱤᱛᱚᱜ ᱦᱚᱸ ᱫᱟᱜ ᱴᱟᱸᱠᱤ ᱞᱮᱠᱟᱛᱮ ᱵᱮᱵᱷᱟᱨ ᱨᱮ ᱢᱮᱱᱟᱜᱼᱟ ᱾
ᱪᱤᱛᱟᱹᱨ
ᱥᱟᱯᱲᱟᱣ-
ᱯᱷᱞᱟᱭ-ᱚᱵᱷᱟᱨ ᱯᱚᱞ ᱠᱷᱚᱱ ᱫᱤᱞᱞᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱧᱮᱞ -
ᱢᱟᱨᱮ ᱫᱤᱞᱞᱤ ᱡᱚᱸᱠᱥᱚᱱ -
ᱢᱟᱨᱮ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱫᱤᱞᱞᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱥᱤᱧᱚᱛᱤᱭᱟᱹ ᱨᱮᱞ ᱤᱱᱯᱷᱳ ᱨᱮ ᱫᱤᱞᱞᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ