ᱭᱚᱢᱩᱱᱟᱱᱟᱜᱟᱨ ᱦᱚᱱᱚᱛ
ᱭᱚᱢᱩᱱᱟᱱᱟᱜᱟᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱦᱚᱨᱤᱭᱟᱬᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱤ ᱱᱚᱶᱟ ᱫᱚ ᱑ ᱱᱚᱵᱷᱮᱢᱚᱵᱚᱨ ᱑᱙᱘᱙ ᱨᱮ ᱵᱮᱱᱟᱣ ᱞᱮᱢᱱ ᱛᱟᱦᱮᱸᱫ ᱾ ᱭᱚᱢᱩᱱᱟᱱᱟᱜᱟᱨ ᱴᱟᱣᱱ ᱜᱮ ᱱᱚᱶᱟ ᱦᱚᱱᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱾
ᱱᱚᱸᱰᱮ ᱥᱮᱨᱢᱟᱡᱟᱠ ᱨᱮ ᱮᱵᱷᱚᱨᱮᱡᱽ (average) ᱘᱙᱒ ᱢᱤᱞᱤᱢᱤᱴᱚᱨ ᱡᱟᱹᱯᱩᱫ ᱦᱩᱭᱩᱜᱼᱟ, ᱢᱮᱠᱷᱟᱱ ᱦᱚᱨᱤᱭᱟᱱᱟ ᱯᱚᱱᱚᱛ ᱨᱮ ᱮᱵᱷᱚᱨᱮᱡᱽ ᱔᱖᱒ ᱢᱤᱞᱤᱢᱤᱴᱚᱨ ᱢᱮᱱᱟᱜᱼᱟ ᱾ ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱠᱷᱚᱱ ᱟᱹᱰᱤ ᱜᱮ ᱵᱟᱹᱲᱛᱤ ᱭᱟᱱᱟ ᱾
ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱦᱤᱢᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ, ᱥᱟᱢᱟᱝ ᱥᱮᱦᱮᱫ ᱨᱮ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ, ᱠᱚᱧᱮ ᱥᱮᱦᱮᱫ ᱨᱮ ᱠᱚᱨᱱᱚᱞ ᱦᱚᱱᱚᱛ, ᱠᱚᱧᱮ-ᱯᱟᱪᱮ ᱥᱮᱦᱮᱫ ᱨᱮ ᱠᱩᱨᱩᱠᱷᱮᱛᱚᱨᱚᱦᱚᱱᱚᱛ ᱟᱨ ᱯᱟᱪᱮ ᱥᱮᱦᱮᱫ ᱨᱮ ᱟᱢᱵᱟᱞᱟ ᱦᱚᱱᱚᱛ ᱢᱮᱱᱟᱜᱼᱟ ᱾
ᱠᱷᱚᱸᱰ
ᱥᱟᱯᱲᱟᱣᱱᱚᱶᱟ ᱦᱚᱱᱚᱛ ᱨᱮ ᱯᱮᱭᱟ ᱛᱚᱦᱥᱤᱞ ᱢᱮᱱᱟᱜᱼᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱡᱟᱜᱟᱫᱷᱨᱤ, ᱪᱷᱟᱪᱷᱟᱨᱚᱣᱞᱤ ᱟᱨ ᱵᱤᱞᱟᱥᱯᱩᱨ ᱾ ᱱᱚᱶᱟ ᱠᱚ ᱟᱨᱦᱚᱸ ᱛᱩᱨᱩᱭ ᱜᱚᱴᱟᱝ ᱩᱛᱱᱟᱹᱣ ᱵᱚᱞᱚᱠ (blocks) ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱠᱚ ᱫᱦᱩᱭᱩᱜ ᱠᱟᱱᱟ ᱺ ᱵᱤᱞᱟᱥᱯᱩᱨ, ᱥᱟᱫᱷᱟᱣᱨᱟ, ᱢᱩᱥᱛᱟᱯᱷᱟ, ᱨᱟᱫᱟᱣᱨ, ᱡᱟᱜᱟᱫᱷᱨᱤ ᱟᱨ ᱪᱷᱟᱪᱷᱟᱨᱟᱚᱣᱞᱤ ᱾
ᱱᱚᱸᱰᱮ ᱯᱩᱱᱭᱟᱹ ᱨᱟᱭ ᱫᱚᱨᱵᱟᱨ ᱢᱟᱹᱪᱤ (Vidhan Sabha constituency) ᱢᱮᱱᱟᱜᱼᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱥᱟᱰᱷᱟᱣᱨ, ᱡᱟᱜᱟᱫᱷᱨᱤ, ᱭᱚᱢᱩᱱᱟ ᱱᱟᱜᱟᱨ ᱟᱨ ᱨᱟᱫᱟᱣᱨ ᱾ ᱢᱮᱱᱟᱠᱷᱟᱱ ᱥᱟᱫᱦᱟᱣᱨ, ᱡᱟᱜᱟᱫᱷᱨᱤ ᱟᱨ ᱭᱚᱢᱩᱱᱟ ᱱᱟᱜᱟᱨ ᱫᱚ ᱟᱢᱵᱟᱞᱟ ᱦᱚᱲ ᱫᱚᱨᱵᱟᱨ ᱢᱟᱹᱪᱤ (Lok Sabha constituency) ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱟᱨ ᱨᱟᱫᱟᱣᱨ ᱫᱚ ᱠᱩᱨᱩᱠᱷᱮᱛᱨᱚ ᱦᱚᱲ ᱫᱚᱨᱵᱟᱨ ᱢᱟᱹᱪᱤ ᱛᱟᱹᱨᱤ ᱨᱮ ᱾
ᱰᱮᱢᱚᱜᱽᱨᱟᱯᱷᱤᱠ
ᱥᱟᱯᱲᱟᱣ᱒᱑᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱭᱚᱢᱩᱱᱟ ᱱᱟᱜᱟᱨ ᱦᱚᱱᱚᱛ ᱨᱮ ᱑,᱒᱑᱔,᱑᱖᱒ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱨᱮᱭᱱ (Bahrain) ᱫᱤᱥᱚᱢ[᱑] ᱟᱨᱵᱟᱝ ᱡᱩᱢᱤᱫᱽ ᱯᱚᱱᱚᱛ (US state) ᱨᱮᱱᱟᱜ ᱱᱤᱣ ᱦᱟᱢᱤᱥᱯᱷᱤᱭᱟᱨ (New Hampshire) ᱨᱤᱱ ᱦᱚᱲ ᱞᱮᱠᱟᱷᱟ ᱥᱟᱶ ᱠᱚ ᱥᱩᱨ ᱥᱩᱯᱩᱨᱚᱜ ᱠᱟᱱᱟ ᱾ [᱒] ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱱᱚᱶᱟ ᱫᱚ ᱓᱙᱓ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱦᱚᱲ ᱵᱟᱹᱰᱚᱜ ᱠᱟᱱ ᱫᱚᱨ ᱫᱚ ᱑᱖.᱕᱖% ᱛᱟᱦᱮᱸ ᱠᱟᱱᱟ ᱒᱐᱐᱑ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱢᱩᱸᱫᱽ ᱨᱮ ᱾ ᱭᱚᱢᱩᱱᱟ ᱱᱟᱜᱟᱨ ᱨᱮ ᱡᱟᱱᱟᱝ ᱡᱟᱹᱱᱤ ᱞᱮᱠᱟᱛᱮ ᱘᱗᱗ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ ᱟᱨ ᱥᱤᱠᱷᱟᱱᱛ ᱫᱚᱨ ᱫᱚ ᱗᱘.᱙% ᱛᱟᱦᱮᱸ ᱠᱟᱱᱟ ᱾
᱒᱐᱑᱑ ᱥᱤᱧᱚᱛ ᱦᱚᱲ ᱞᱮᱠᱷᱟ ᱚᱠᱛᱚ ᱨᱮ ᱙᱑.᱑᱑% ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ, ᱗.᱒᱔% ᱦᱚᱲ ᱫᱚ ᱯᱚᱧᱡᱟᱵᱤ ᱯᱟᱹᱨᱥᱤ ᱟᱨ ᱑.᱒᱐% ᱦᱚᱲ ᱫᱚ ᱩᱨᱫᱤ ᱯᱟᱹᱨᱥᱤ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾[᱓]
| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| 1901 | ᱒᱓᱔,᱖᱐᱓ | — |
| 1911 | ᱑᱙᱘,᱖᱔᱙ | −1.65% |
| 1921 | ᱒᱑᱔,᱔᱒᱗ | +0.77% |
| 1931 | ᱒᱑᱓,᱐᱐᱗ | −0.07% |
| 1941 | ᱒᱔᱓,᱘᱐᱓ | +1.36% |
| 1951 | ᱒᱖᱒,᱙᱐᱖ | +0.76% |
| 1961 | ᱓᱗᱐,᱒᱒᱔ | +3.48% |
| 1971 | ᱔᱗᱘,᱔᱘᱓ | +2.60% |
| 1981 | ᱖᱓᱒,᱘᱒᱐ | +2.84% |
| 1991 | ᱘᱐᱖,᱒᱗᱙ | +2.45% |
| 2001 | ᱑,᱐᱔᱑,᱖᱓᱐ | +2.59% |
| 2011 | ᱑,᱒᱑᱔,᱒᱐᱕ | +1.54% |
| source:[᱔] | ||
ᱢᱟᱨᱟᱝ ᱱᱟᱜᱟᱨ ᱠᱚ
ᱥᱟᱯᱲᱟᱣᱱᱚᱶᱟ ᱯᱚᱱᱚᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱭᱚᱢᱩᱱᱟᱱᱟᱜᱟᱨ, ᱡᱟᱜᱟᱫᱷᱨᱤ, ᱪᱷᱟᱪᱷᱟᱨᱚᱣᱞᱤ, ᱥᱟᱫᱷᱟᱣᱨ, ᱟᱫᱤ ᱵᱟᱫᱽᱨᱤ, ᱵᱤᱞᱟᱥᱯᱩᱨ ᱮᱢᱟᱱ ᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Bahrain 1,214,705 July 2011 est.
- ↑ "2010 Resident Population Data". U. S. Census Bureau. Archived from the original on 2010-12-27. Retrieved 2011-09-30.
New Hampshire 1,316,470
- ↑ 2011 Census of India, Population By Mother Tongue
- ↑ Decadal Variation In Population Since 1901