ᱭᱳᱜᱮᱱᱫᱨᱚ ᱥᱤᱝ ᱭᱟᱫᱚᱵᱽ
ᱥᱩᱵᱮᱫᱟᱨ ᱢᱮᱡᱚᱨ[᱒] ᱟᱨ ᱢᱟᱹᱱᱟᱱ ᱠᱮᱯᱴᱮᱱ ᱭᱳᱜᱮᱱᱫᱨᱚ ᱥᱤᱝ ᱭᱟᱫᱚᱵᱽ ᱯᱤ ᱵᱷᱤ ᱥᱤ ᱥᱤᱧᱚᱛᱤᱭᱟᱹ ᱯᱷᱟᱹᱫᱽ ᱨᱤᱱᱤᱡ ᱢᱤᱫ ᱡᱤᱨᱟᱹᱣ ᱟᱠᱟᱱ ᱠᱚᱢᱤᱥᱚᱱ ᱚᱯᱷᱤᱥᱟᱨ, ᱡᱟᱦᱟᱸᱭ ᱫᱚ ᱠᱟᱨᱜᱤᱞ ᱞᱟᱹᱲᱦᱟᱹᱭ ᱚᱠᱛᱚ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱢᱟᱨᱟᱝ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱵᱤᱨᱤᱫ ᱥᱤᱨᱯᱷᱟᱹ ᱯᱚᱨᱚᱢ ᱵᱤᱻᱨ ᱪᱚᱠᱨᱚ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱱᱤᱛ ᱫᱷᱟᱹᱨᱤᱡ ᱩᱱᱤ ᱫᱚ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱᱤᱡ ᱯᱚᱨᱚᱢ ᱵᱤᱻᱨ ᱪᱚᱠᱨᱚ ᱧᱟᱢᱤᱡ ᱠᱟᱱᱟᱭ, ᱩᱱᱤ ᱫᱚ ᱑᱙ ᱥᱮᱨᱢᱟ ᱩᱢᱮᱨ ᱨᱮ ᱱᱚᱣᱟᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾
ᱭᱳᱜᱮᱱᱫᱨᱚ ᱥᱤᱝ ᱭᱟᱫᱚᱵᱽ | |
|---|---|
 Subedar Yadav, wearing his PVC Medal (left side). | |
| ᱡᱟᱱᱟᱢ | ᱑᱐ ᱢᱮ ᱑᱙᱘᱐
[᱑] ᱵᱩᱞᱚᱸᱫᱽᱥᱚᱦᱚᱨ ᱦᱚᱱᱚᱛ, ᱩᱛᱛᱚᱨ ᱯᱨᱚᱫᱮᱥ, ᱥᱤᱧᱚᱛ |
| ᱮᱞᱤᱡᱮᱱᱥ |  ᱥᱤᱧᱚᱛ |
| ᱥᱮᱵᱟ/ |  ᱥᱤᱧᱚᱛᱤᱭᱟᱹ ᱯᱷᱟᱹᱫᱽ |
| ᱥᱮᱵᱟ ᱚᱠᱛᱚ | ᱑᱙᱙᱖-᱒᱐᱒᱑ |
| ᱦᱩᱫᱟᱹ ᱨᱮᱭᱟᱜ ᱢᱟᱹᱱ |  ᱥᱩᱵᱮᱫᱟᱨ ᱢᱮᱡᱚᱨ  ᱢᱟᱹᱱᱟᱱ ᱠᱮᱯᱴᱮᱱ |
| ᱤᱣᱱᱤᱴ | .svg){kind=small} 18th Grenadiers |
| ᱞᱟᱹᱰᱷᱟᱹᱭ/ᱛᱟᱯᱟᱢ | Kargil War |
| ᱥᱤᱨᱯᱟᱹᱠᱚ |  ᱯᱚᱨᱚᱢ ᱵᱤᱻᱨ ᱪᱚᱠᱨᱚᱭᱟᱥ ᱵᱷᱟᱨᱚᱛᱤ |
ᱯᱩᱭᱞᱩ ᱡᱤᱭᱚᱱ
ᱥᱟᱯᱲᱟᱣᱥᱩᱵᱮᱫᱟᱨ ᱢᱮᱡᱚᱨ ᱭᱟᱫᱚᱵᱽ ᱟᱜ ᱡᱟᱱᱟᱢ ᱫᱚ ᱑᱐ ᱢᱮ ᱑᱙᱘᱐ ᱥᱟᱞᱮ ᱨᱮ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱵᱩᱞᱚᱸᱫᱽᱥᱚᱦᱚᱨ ᱦᱚᱱᱚᱛ ᱨᱮᱱᱟᱜ ᱚᱣᱨᱚᱝᱜᱟᱵᱟᱫᱽ ᱟᱦᱤᱨ ᱨᱮ ᱢᱤᱫ ᱭᱟᱫᱚᱵᱽ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾[᱓] ᱑᱙᱖᱕ ᱟᱨ ᱑᱙᱗᱑ ᱨᱮᱱᱟᱜ ᱵᱷᱟᱨᱚᱛ-ᱯᱟᱠᱤᱥᱛᱟᱱ ᱞᱟᱹᱲᱦᱟᱹᱭ ᱨᱮ ᱟᱡ ᱵᱟᱵᱟ ᱠᱟᱨᱚᱱ ᱥᱤᱝ ᱭᱟᱫᱚᱵ ᱫᱚ ᱠᱩᱢᱟᱣᱩᱱ ᱨᱮᱡᱤᱢᱮᱱᱴ ᱨᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱥᱮᱨᱢᱟ ᱟᱨ ᱕ ᱪᱟᱸᱫᱚ ᱩᱢᱮᱨ ᱨᱮ ᱟᱡ ᱫᱚ ᱥᱤᱧᱚᱛᱤᱭᱚ ᱯᱷᱟᱹᱫᱽ ᱨᱮ ᱥᱮᱞᱮᱫ ᱞᱮᱱᱟᱭ ᱾[᱔]
ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣᱠᱟᱨᱜᱤᱞ ᱞᱟᱹᱲᱦᱟᱹᱭ
ᱥᱟᱯᱲᱟᱣ᱑᱘ ᱜᱨᱮᱱᱟᱰᱤᱭᱚᱨᱥ ᱟᱨ ᱜᱷᱚᱴᱚᱠ ᱯᱷᱳᱨᱥ ᱠᱚᱢᱟᱱᱰᱳ ᱯᱞᱚᱴᱚᱱ ᱥᱟᱶᱛᱮ ᱭᱟᱫᱚᱵᱽ ᱥᱮᱞᱮᱫ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱔ ᱡᱩᱞᱟᱭ ᱑᱙᱙᱙ ᱥᱟᱞ ᱦᱤᱞᱚᱜ ᱴᱟᱭᱜᱟᱨ ᱦᱤᱞ ᱨᱮ ᱯᱮᱭᱟ ᱥᱴᱨᱟᱴᱡᱤᱠ ᱵᱚᱸᱠᱚᱨ ᱠᱚ ᱦᱟᱛᱟᱣ ᱞᱟᱹᱜᱤᱫ ᱛᱮ ᱠᱟᱹᱢᱤ ᱮ ᱮᱢ ᱞᱮᱫ ᱛᱟᱦᱮᱸᱫ ᱾ ᱵᱚᱸᱠᱚᱨ ᱫᱚ ᱢᱤᱫᱴᱟᱹᱝ, ᱵᱚᱨᱚᱯ ᱛᱮ ᱯᱮᱨᱮᱡ ᱟᱠᱟᱱ, ᱑᱐᱐᱐ ᱯᱷᱩᱴ (᱓᱐᱐ ᱢᱤᱴᱟᱨ) ᱩᱥᱩᱞ ᱵᱩᱨᱩ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾ ᱭᱟᱫᱚᱵᱽ ᱫᱚ ᱟᱡ ᱛᱮ ᱡᱟᱨᱯᱟ ᱨᱮᱱᱟᱜ ᱟᱹᱭᱩᱨ ᱮ ᱮᱢ ᱞᱮᱫᱟ, ᱠᱞᱤᱯᱷ ᱯᱷᱮᱥ ᱨᱮ ᱪᱟᱞᱟᱣ ᱞᱮᱱᱟ ᱟᱨ ᱨᱟᱥᱤ ᱛᱷᱟᱯᱚᱱ ᱞᱮᱫᱟ ᱡᱟᱦᱟᱸ ᱫᱚ ᱱᱚᱣᱟ ᱪᱩᱨᱤᱛ ᱪᱮᱛᱟᱱ ᱟᱨᱦᱚᱸ ᱡᱟᱨᱯᱟ ᱨᱮᱱᱟᱜ ᱮ ᱪᱷᱟᱹᱲ ᱮ ᱮᱢ ᱞᱮᱫᱟ ᱾ ᱛᱟᱞᱟ ᱥᱮᱫ ᱢᱮᱥᱤᱱᱜᱟᱱ ᱟᱨ ᱨᱚᱠᱮᱴ ᱨᱮᱱᱟᱜ ᱜᱷᱟᱹᱞ ᱢᱤᱫᱴᱟᱹᱝ ᱵᱤᱨᱤᱫ ᱵᱟᱝᱠᱟᱨ ᱠᱷᱚᱱ ᱦᱮᱡ ᱞᱮᱱᱟ, ᱡᱟᱦᱟᱸᱛᱮ ᱯᱮᱞᱴᱚᱱ ᱠᱚᱢᱟᱱᱰᱟᱨ ᱟᱨ ᱮᱴᱟᱜ ᱵᱟᱨ ᱦᱚᱲ ᱠᱤᱱ ᱜᱚᱡ ᱞᱮᱱᱟ ᱾ ᱟᱡ ᱨᱤᱱ ᱜᱩᱱᱤ ᱟᱨ ᱜᱷᱟᱹᱞ ᱨᱮ ᱟᱭᱢᱟ ᱜᱷᱟᱹᱞ ᱦᱩᱭ ᱠᱟᱛᱮ ᱨᱮᱦᱚᱸ ᱭᱟᱫᱚᱵᱽ ᱫᱚ ᱮᱴᱟᱜ ᱖᱐ ᱯᱷᱩᱴ (᱑᱘ ᱢᱤᱴᱟᱨ) ᱮ ᱪᱟᱞᱟᱣ ᱮᱱᱟ ᱟᱨ ᱪᱮᱛᱟᱱ ᱨᱮ ᱥᱮᱴᱮᱨ ᱞᱮᱱᱟ ᱾ ᱩᱱᱤ ᱫᱚ ᱟᱹᱰᱤ ᱜᱷᱟᱹᱞ ᱞᱮᱱ ᱨᱮᱦᱚᱸ ᱯᱩᱭᱞᱩ ᱵᱚᱸᱠᱚᱨ ᱨᱮ ᱥᱮᱱ ᱠᱟᱛᱮ ᱜᱨᱮᱱᱮᱰ ᱮ ᱰᱟᱣᱩᱱᱞ ᱞᱮᱫᱟ, ᱡᱟᱦᱟᱸ ᱛᱮ ᱯᱩᱱᱭᱟᱹ ᱯᱟᱠᱤᱥᱛᱟᱱ ᱨᱤᱱ ᱯᱷᱟᱹᱫᱽ ᱠᱚ ᱜᱚᱡ ᱞᱮᱱᱟ ᱟᱨ ᱵᱤᱨᱤᱫ ᱠᱚ ᱜᱷᱟᱹᱞ ᱠᱟᱛᱮ ᱠᱚ ᱜᱚᱡ ᱞᱮᱫ ᱠᱚᱣᱟ ᱾ ᱱᱚᱣᱟ ᱫᱚ ᱮᱴᱟᱜ ᱯᱮᱞᱴᱚᱱ ᱫᱚ ᱟᱡ ᱨᱤᱱ ᱵᱟᱨ ᱦᱚᱲ ᱜᱟᱛᱮ ᱯᱷᱟᱹᱫᱽ ᱥᱟᱶᱛᱮ ᱠᱞᱤᱯᱷ ᱯᱷᱮᱥ ᱵᱚᱸᱠᱚᱨ ᱨᱮ ᱩᱥᱩᱞ ᱥᱮᱫ ᱪᱟᱞᱟᱜ ᱨᱮᱱᱟᱜ ᱫᱟᱣ ᱮ ᱮᱢ ᱞᱮᱫᱟ ᱟᱨ ᱪᱮᱨᱟᱭ ᱯᱟᱠᱤᱥᱛᱟᱱ ᱨᱤᱱ ᱥᱮᱱᱟ ᱠᱚ ᱜᱚᱡ ᱠᱟᱛᱮ ᱢᱤᱫ ᱥᱟᱶᱛᱮ ᱞᱟᱹᱲᱦᱟᱹᱭ ᱨᱮᱭ ᱥᱮᱞᱮᱫ ᱞᱮᱱᱟ ᱾[᱕] ᱢᱮᱱᱠᱷᱟᱱ ᱭᱟᱫᱚᱵᱽ ᱫᱚ ᱑᱒ ᱜᱚᱴᱟᱝ ᱜᱩᱞᱤ ᱮ ᱧᱟᱢ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱤ ᱫᱚ ᱱᱚᱣᱟ ᱠᱚ ᱧᱟᱢ ᱨᱮ ᱢᱩᱬᱩᱛ ᱮᱱᱮᱢᱮ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾[᱖]
ᱜᱚᱡ ᱛᱟᱭᱚᱢ ᱭᱟᱫᱚᱵᱽ ᱞᱟᱹᱜᱤᱫ ᱯᱚᱨᱚᱢᱵᱤᱨ ᱪᱚᱠᱨᱚ ᱮᱢᱚᱜ ᱨᱮᱱᱟᱜ ᱩᱪᱷᱟᱹᱱ ᱦᱩᱭ ᱞᱮᱱᱟ, ᱢᱮᱱᱠᱷᱟᱱ ᱟᱹᱰᱤ ᱞᱚᱜᱚᱱ ᱵᱟᱰᱟᱭ ᱧᱟᱢ ᱞᱮᱱᱟ ᱡᱮ ᱩᱱᱤ ᱫᱚ ᱢᱤᱫᱴᱟᱹᱝ ᱟᱥᱯᱟᱛᱟᱞ ᱨᱮ ᱟᱨᱩᱼᱥᱟᱵᱷᱟᱨᱚᱜ ᱠᱟᱱᱟ ᱟᱨ ᱱᱚᱣᱟ ᱫᱚ ᱟᱡᱟᱜ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱢᱤᱥᱚᱱ ᱨᱮ ᱜᱚᱡ ᱮᱱᱟᱭ ᱾[᱗]
ᱛᱟᱭᱚᱢ ᱫᱟᱨᱟᱢ ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣ_Yogendra_Singh_Yadav,_PVC_was_conferred_the_Honorary_rank_of_Captain.jpg){kind=icon}
ᱭᱟᱫᱚᱵᱽ ᱫᱚ ᱒᱐᱒᱑ ᱥᱮᱨᱢᱟ ᱨᱮᱱᱟᱜ ᱯᱷᱩᱨᱜᱟᱹᱞ ᱢᱟᱦᱟᱸ ᱨᱮ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱦᱚᱛᱮᱛᱮ ᱠᱮᱯᱴᱮᱱ ᱨᱮᱱᱟᱜ ᱢᱟᱹᱱ ᱥᱟᱨᱦᱟᱣ ᱮ ᱧᱟᱢ ᱞᱮᱫᱟ ᱾ ᱞᱮᱯᱷᱴᱮᱱᱮᱱᱴ ᱡᱮᱱᱟᱨᱮᱞ ᱨᱟᱡᱤᱵᱷ ᱥᱤᱨᱳᱦᱤ ᱞᱟᱹᱲᱦᱟᱹᱭ ᱨᱮᱱ ᱥᱟᱵᱟᱫᱤᱭᱟᱹ ᱟᱨ ᱜᱨᱮᱱᱮᱰᱤᱭᱟᱨᱥ ᱨᱮᱱ ᱠᱚᱨᱱᱮᱞ ᱨᱮᱝᱠ ᱨᱮᱭᱟᱜ ᱵᱮᱡᱽ ᱠᱚ ᱥᱚᱫᱚᱨ ᱞᱮᱫᱟ ᱾ ᱩᱱᱤ ᱫᱚ ᱥᱮᱨᱣᱟ ᱟᱱᱟᱜ ᱪᱷᱟᱹᱲ ᱥᱟᱶᱛᱮ ᱓᱑ ᱰᱤᱥᱮᱢᱵᱚᱨ ᱒᱐᱒᱑ ᱥᱮᱨᱢᱟ ᱨᱮ ᱢᱟᱹᱱᱟᱱ ᱠᱮᱯᱮᱴᱮᱱ ᱦᱩᱫᱟᱹ ᱨᱮ ᱥᱮᱱᱟᱯᱷᱟᱹᱫᱽ ᱠᱷᱚᱱ ᱮ ᱡᱤᱨᱟᱹᱣ ᱞᱮᱱᱟ ᱾[᱘]
ᱮᱴᱟᱜ ᱢᱟᱹᱱᱠᱚ
ᱥᱟᱯᱲᱟᱣᱩᱱᱤ ᱫᱚ ᱟᱢᱤᱛᱟᱵᱷ ᱵᱚᱪᱚᱱ ᱟᱜ ᱥᱚᱨᱮᱥ ᱤᱱᱵᱷᱤᱴᱮᱥᱚᱱ ᱨᱮ ᱠᱚᱣᱱ ᱵᱟᱱᱮᱜᱟ ᱠᱚᱨᱚᱲ ᱯᱟᱴᱤ ᱥᱳ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱡᱤᱛᱠᱟᱹᱨ ᱟᱠᱟᱱ ᱥᱟᱱᱟᱢ ᱴᱟᱠᱟ (᱒.᱕ ᱢᱤᱞᱤᱭᱚᱱ ᱴᱟᱠᱟ) ᱯᱷᱟᱹᱫᱽ ᱠᱚᱞᱭᱟᱱ ᱠᱚᱥᱯ ᱨᱮ ᱮᱢ ᱞᱮᱫᱼᱟ ᱾ ᱒᱐᱑᱕ ᱥᱮᱨᱢᱟ ᱨᱮ ᱩᱱᱤ ᱫᱚ ᱩᱛᱛᱚᱨ ᱯᱨᱚᱫᱮᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱫᱤᱥᱚᱢ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱨᱯᱷᱟᱹ ᱭᱚᱥ ᱵᱷᱟᱨᱚᱛᱤ ᱛᱮᱭ ᱢᱟᱹᱱ ᱞᱮᱫᱮᱭᱟ ᱾[᱙]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Grenadier Yogendra Singh Yadav, PVC". twdi.in. Archived from the original on 27 March 2019. Retrieved 29 August 2014.
- ↑ "Yogendra Singh Yadav is shown to be a Subedar Major". YouTube. 2017. Archived from the original on 2023-09-15. Retrieved 2023-09-15.
- ↑ S. D. S. Yadava (1 January 2006). Followers of Krishna: Yadavas of India (Google eBook). Lancer Publishers. p. 47. ISBN 9788170622161.
- ↑ Cardozo, Major General Ian (2003). Param Vir: Our Heroes in Battle. Roli Books Private Limited. p. The Last Ghatak. ISBN 9789351940296.
- ↑ "Profile on Yadav on the Indian Army website". Archived from the original on 13 August 2006. Retrieved 18 August 2006.
- ↑ Rachana Bhatt (2006). The Brave: Param Vir Chakra Stories. History. Penguin Books. pp. YSY. ISBN 9789351188056.
- ↑ "Army orders inquiry into PVC blunder". Rediff.com. 17 August 1999. Archived from the original on 3 December 2013. Retrieved 30 November 2013.
- ↑ Mishra, Utkarsh. "Param Vir Chakra awardee Kargil hero Yogendra Singh Yadav retires". Rediff (in ᱟᱝᱜᱽᱨᱮᱡᱤ). Retrieved 2022-01-04.
- ↑ "यश भारती सम्मान से 56 हस्तियां अलंकृत 12063610" (in ᱦᱤᱱᱫᱤ). jagran.com.