ᱯᱟᱪᱮ ᱜᱚᱫᱟᱵᱚᱨᱤ ᱦᱚᱱᱚᱛ

ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ, ᱥᱤᱧᱚᱛ
(ᱯᱚᱥᱪᱤᱢ ᱜᱚᱫᱟᱵᱚᱨᱤ ᱦᱚᱱᱚᱛ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱯᱟᱪᱮ ᱜᱚᱫᱟᱵᱚᱨᱤ ᱦᱚᱱᱚᱛ ᱟᱨᱵᱟᱝ "ᱯᱚᱥᱪᱤᱢ ᱜᱚᱫᱟᱵᱚᱨᱤ ᱡᱤᱞᱞᱟ" ᱫᱚ ᱥᱤᱧᱚᱛ ᱫᱤᱥᱚᱢ ᱟᱱᱫᱷᱨᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ, ᱱᱚᱶᱟ ᱫᱚ ᱟᱲᱮ ᱟᱱᱫᱷᱨᱚ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱮᱞᱩᱨᱩ ᱨᱮ ᱢᱟᱱᱟᱜᱼᱟ ᱾[᱑] ᱒᱐᱑᱑ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱓,᱙᱓᱙,᱙᱖᱖ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱒] ᱱᱚᱶᱟ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱨᱮ ᱠᱨᱩᱥᱱᱟ ᱦᱚᱱᱚᱛ, ᱥᱟᱢᱟᱝ ᱥᱮᱦᱮᱫ ᱨᱮ ᱥᱟᱢᱟᱝ ᱜᱳᱫᱟᱵᱚᱨᱤ ᱦᱚᱱᱚᱛ, ᱠᱚᱧᱮ ᱥᱮᱦᱮᱫ ᱨᱮ ᱵᱚᱝᱜᱚ ᱫᱚᱨᱭᱟ ᱟᱨ ᱮᱛᱚᱢ ᱨᱮ ᱛᱮᱞᱮᱝᱜᱟᱱᱟ ᱦᱚᱱᱚᱛ ᱢᱮᱱᱟᱜᱼᱟ ᱾[᱓]

ᱱᱟᱜᱟᱢ ᱥᱟᱯᱲᱟᱣ

᱗᱐᱐ ᱠᱷᱚᱱ ᱑᱒᱐᱐ ᱥᱟᱞᱮ ᱚᱠᱛᱚ ᱨᱮ ᱪᱟᱞᱩᱠᱭᱚ ᱵᱚᱝᱥᱚ ᱟᱲᱮ ᱟᱱᱫᱷᱨᱚ ᱠᱚ ᱥᱟᱥᱚᱱᱮᱫ ᱛᱟᱦᱮᱸᱫ ᱟᱨ ᱯᱮᱰᱟᱵᱮᱜᱤ ᱟᱹᱛᱩ ᱥᱩᱨ ᱵᱷᱮᱱᱜᱤ ᱜᱮ ᱫᱚ ᱟᱠᱚᱣᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱱᱟᱜᱟᱢ ᱪᱤᱱᱦᱟᱹ ᱫᱚ ᱯᱮᱰᱟᱵᱮᱜᱤ ᱟᱨ ᱜᱩᱱᱴᱩᱯᱟᱞᱤ ᱮᱢᱟᱱ ᱟᱹᱛᱩ ᱠᱚᱨᱮ ᱧᱮᱞ ᱧᱟᱢᱚᱜᱼᱟ ᱾ ᱮᱞᱩᱨᱩ ᱫᱚ ᱠᱚᱲᱤᱝᱜᱚ ᱥᱚᱢᱨᱟᱴ ᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱑᱔᱗᱑ ᱦᱟᱹᱵᱤᱡ ᱾ ᱚᱱᱟ ᱛᱟᱭᱚᱢ ᱜᱚᱡᱚᱯᱚᱛᱤ ᱭᱟᱜ ᱛᱤ ᱛᱮ ᱦᱮᱡ ᱮᱱᱟ ᱾ ᱑᱕᱑᱕ ᱥᱟᱞᱮ ᱨᱮ ᱥᱨᱤ ᱠᱨᱤᱥᱱᱟ ᱫᱮᱵᱟ ᱨᱟᱭᱟ ᱱᱚᱶᱟᱭ ᱜᱚᱵᱚᱞ ᱠᱮᱫᱟ ᱾ ᱵᱤᱡᱚᱭᱱᱟᱜᱟᱨᱟᱢ ᱨᱟᱡᱟ ᱢᱩᱪᱟᱹᱫ ᱛᱟᱭᱚᱢ ᱜᱚᱞᱠᱚᱱᱰᱟ ᱥᱩᱞᱛᱟᱱ ᱠᱩᱛᱩᱵᱽ ᱥᱟᱦ ᱤᱫᱤ ᱠᱮᱫᱼᱟᱭ [᱔]᱾ ᱑᱕ ᱮᱯᱨᱤᱞ ᱑᱙᱒᱕ ᱥᱟᱞᱮ ᱨᱮ ᱯᱟᱪᱮ ᱜᱚᱫᱟᱵᱚᱨᱤ ᱦᱚᱱᱚᱛ ᱵᱮᱱᱟᱣ ᱮᱱᱟ ᱮᱞᱩᱨᱩ ᱢᱮᱥᱟ ᱠᱟᱛᱮ ᱟᱨ ᱮᱞᱩᱨᱩ ᱱᱟᱜᱟᱨ ᱨᱮᱜᱮ ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱟᱹᱯᱥ ᱮᱢᱟᱱ ᱠᱚ ᱫᱚ ᱵᱮᱱᱟᱣ ᱮᱱᱟ ᱾[᱕]

 
ᱮᱞᱩᱨᱩ ᱦᱚᱱᱚᱛ ᱠᱚᱞᱮᱠᱴᱚᱨ ᱟᱹᱯᱤᱥ

ᱯᱟᱪᱮ ᱜᱚᱫᱟᱵᱚᱨᱤ ᱦᱚᱱᱚᱛ ᱫᱚ ᱢᱟᱨᱮ ᱜᱚᱫᱟᱵᱚᱨᱤ ᱦᱚᱱᱚᱛ ᱠᱷᱚᱱ ᱵᱮᱱᱟᱣ ᱟᱠᱟᱱᱟ ᱑᱕ ᱮᱯᱨᱤᱞ ᱑᱙᱒᱕ ᱥᱟᱞᱮ ᱨᱮ ᱾ ᱜᱚᱫᱟᱵᱚᱨᱤ ᱦᱚᱱᱚᱛ ᱫᱚ ᱵᱟᱨ ᱦᱟᱹᱴᱤᱧ ᱠᱟᱛᱮ ᱢᱤᱫ ᱫᱚ ᱥᱟᱢᱟᱝ ᱜᱳᱫᱟᱵᱚᱨᱤ ᱦᱚᱱᱚᱛ ᱟᱨ ᱟᱨᱢᱤᱫ ᱫᱚ ᱯᱟᱪᱮ ᱜᱚᱫᱟᱵᱚᱨᱤ ᱦᱚᱱᱚᱛ ᱧᱩᱛᱩᱢ ᱛᱮ ᱪᱷᱟᱹᱴᱭᱟᱹᱨ ᱮᱱᱟ ᱾[᱖]

ᱚᱛᱱᱚ ᱥᱟᱯᱲᱟᱣ

ᱱᱚᱶᱟ ᱦᱚᱱᱚᱛ ᱫᱚ ᱗᱗᱔᱒ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱᱟ ᱾ ᱚᱶᱟ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱨᱮ ᱠᱨᱩᱥᱱᱟ ᱦᱚᱱᱚᱛ, ᱥᱟᱢᱟᱝ ᱥᱮᱦᱮᱫ ᱨᱮ ᱥᱟᱢᱟᱝ ᱜᱳᱫᱟᱵᱚᱨᱤ ᱦᱚᱱᱚᱛ, ᱠᱚᱧᱮ ᱥᱮᱦᱮᱫ ᱨᱮ ᱵᱚᱝᱜᱚ ᱫᱚᱨᱭᱟ ᱟᱨ ᱮᱛᱚᱢ ᱨᱮ ᱛᱮᱞᱮᱝᱜᱟᱱᱟ ᱦᱚᱱᱚᱛ ᱢᱮᱱᱟᱜᱼᱟ ᱾ ᱜᱚᱫᱟᱵᱚᱨᱤ ᱜᱟᱰᱟ ᱫᱚ ᱥᱟᱢᱟᱝ ᱥᱮᱦᱮᱫ ᱨᱮ ᱥᱟᱢᱟᱝ ᱜᱚᱫᱟᱵᱚᱨᱤ ᱦᱚᱱᱚᱛ ᱮ ᱦᱟᱹᱴᱤᱧ ᱟᱠᱟᱫᱼᱟ ᱟᱨ ᱛᱟᱢᱤᱞᱮᱨᱩ ᱜᱟᱰᱟ ᱟᱨ ᱠᱚᱞᱮᱨᱩ ᱡᱚᱞᱟ (Kolleru Lake) ᱫᱚ ᱠᱨᱩᱥᱱᱟ ᱦᱚᱱᱚᱛ ᱮ ᱦᱟᱹᱴᱤᱧ ᱟᱠᱟᱫᱼᱟ ᱯᱟᱪᱮ ᱥᱮᱦᱮᱫ ᱨᱮ ᱾[᱗]

ᱦᱮ ᱥᱮᱱ ᱥᱟᱯᱲᱟᱣ

ᱚᱛ ᱦᱚᱨ (Roadways) ᱥᱟᱯᱲᱟᱣ

ᱱᱚᱶᱟ ᱦᱚᱱᱚᱛ ᱨᱮ ᱑᱒᱒᱙ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱢᱮᱱᱟᱜᱼᱟ ᱾[᱘] ᱱᱚᱱᱰᱮ ᱯᱚᱵᱞᱤᱠ ᱵᱚᱥ ᱥᱮᱵᱟ APSRTC ᱜᱚᱴᱟ ᱯᱟᱲᱟ ᱢᱮᱱᱟᱜᱼᱟ ᱾ ᱢᱟᱨᱟᱝ ᱨᱟᱡᱽ ᱰᱟᱦᱟᱨ AH 45, NH-16, NH-216A ᱮᱢᱟᱱ ᱠᱚ ᱦᱚᱱᱚᱛ ᱛᱟᱞᱟ ᱛᱮ ᱯᱟᱨᱚᱢ ᱟᱠᱟᱱᱟ ᱾

ᱨᱮᱞ ᱦᱚᱨ ᱥᱟᱯᱲᱟᱣ

ᱫᱟᱜ ᱦᱚᱨ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "District – West Godavari". Online Portal – Government of Andhra Pradesh. Government of Andhra Pradesh.
  2. "West Godavari district profile". Andhra Pradesh State Portal. Archived from the original on 6 May 2017. Retrieved 4 August 2019.
  3. "West Godavari". Official portal of Andhra Pradesh Government. Archived from the original on 6 April 2016. Retrieved 13 March 2016.
  4. "FOCUS: WEST GODAVARI DISTRICT FORMATION DAY". Retrieved 16 August 2017.
  5. "Ellora – "Encyclopedia". Retrieved 16 August 2017.
  6. "West Godavari district profile". The Hindu. 15 April 2008. Retrieved 9 June 2015.
  7. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named census
  8. "Existing State Highways" (PDF). Andhra Pradesh Road Development Corporation. Government of Andhra Pradesh. p. 1. Archived from the original (PDF) on 20 September 2018. Retrieved 11 May 2019.