ᱯᱚᱪᱷᱤᱢᱵᱟᱝᱞᱟ
ᱜᱟᱞᱢᱟᱨᱟᱣ (ᱛᱟᱭᱚᱢ ᱛᱮ ᱯᱚᱪᱷᱤᱢᱵᱟᱝᱞᱟ) ᱫᱚ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱦᱚᱛᱮᱛᱮ ᱩᱪᱷᱟᱹᱱᱚᱜ ᱠᱟᱱ ᱢᱤᱫ ᱥᱟᱱᱛᱟᱲᱤ ᱯᱟᱛᱷᱟᱢ ᱠᱟᱱᱟ᱾ ᱒ ᱚᱠᱴᱚᱵᱚᱨ ᱑᱙᱕᱕-᱕᱖ ᱥᱮᱨᱢᱟ ᱠᱷᱚᱱ ᱯᱳᱭᱞᱳ ᱪᱷᱟᱯᱟ ᱮᱦᱚᱵ ᱞᱮᱱᱟ᱾ ᱕ ᱥᱮᱯᱴᱮᱢᱵᱚᱨ ᱑᱙᱖᱖ ᱨᱮ ᱱᱚᱣᱟ ᱯᱟᱛᱷᱟᱢ ᱨᱮᱱᱟᱜ ᱧᱩᱛᱩᱢ ᱟᱹᱨᱩ ᱠᱟᱛᱮ ᱯᱚᱪᱷᱤᱢᱵᱟᱝᱞᱟ ᱫᱚᱦᱚ ᱟᱠᱟᱱᱟ᱾[᱑]
| ᱥᱟᱼᱥᱟᱯᱲᱟᱣᱤᱡ |
|
|---|---|
| ᱛᱷᱚᱠ | ᱥᱟᱶᱦᱮᱫ ᱟᱨ ᱠᱷᱚᱵᱚᱨ |
| ᱯᱟᱨᱥᱟᱞ ᱚᱠᱛᱚ | ᱟᱫᱷᱟ ᱪᱟᱸᱫᱚᱠᱤᱭᱟᱹ ᱱᱤᱛ ᱫᱚ ᱪᱟᱸᱫᱚᱠᱤᱭᱟᱹ |
| ᱛᱷᱟᱯᱚᱱᱤᱡ | ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ |
| ᱯᱩᱭᱞᱩ ᱩᱪᱷᱟᱹᱱ | ᱑᱙᱕᱕ |
| ᱫᱤᱥᱚᱢ | ᱥᱤᱧᱚᱛ |
| ᱴᱷᱟᱶ | ᱨᱟᱭᱴᱟᱨᱥ ᱵᱤᱞᱰᱤᱝ, ᱠᱚᱞᱠᱟᱛᱟ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱢᱤᱫ ᱵᱟᱨ ᱠᱟᱛᱷᱟ
ᱥᱟᱯᱲᱟᱣᱫᱤᱥᱚᱢ ᱯᱷᱩᱨᱜᱟᱹᱞ ᱛᱟᱭᱚᱢ ᱵᱤᱦᱟᱨ ᱥᱚᱨᱠᱟᱨ ᱦᱚᱛᱮᱛᱮ ᱪᱷᱟᱯᱟᱜ ᱠᱟᱱ ᱦᱚᱲ ᱥᱚᱢᱵᱟᱫᱽ ᱞᱮᱠᱟ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱦᱚᱸ ᱵᱟᱝᱞᱟ ᱪᱤᱠᱤ ᱛᱮ ᱱᱚᱣᱟ ᱯᱟᱛᱷᱟᱢ ᱪᱷᱟᱯᱟ ᱮ ᱮᱦᱚᱵ ᱠᱮᱫᱟ᱾ ᱱᱚᱣᱟ ᱫᱚ ᱵᱟᱝᱞᱟ ᱠᱚᱛᱷᱟᱵᱟᱨᱛᱟ ᱨᱮᱭᱟᱜ ᱥᱟᱱᱛᱟᱲᱤ ᱨᱟᱫᱟ ᱛᱟᱦᱮᱸ ᱠᱟᱱᱟ᱾
᱑᱙᱖᱖ ᱥᱮᱨᱢᱟ ᱨᱮᱭᱟᱜ ᱕ ᱥᱮᱯᱴᱮᱢᱵᱚᱨ ᱱᱚᱣᱟ ᱯᱟᱛᱷᱟᱢ ᱨᱮᱭᱟᱜ ᱧᱩᱛᱩᱢ ᱟᱹᱨᱩ ᱠᱟᱛᱮ ᱯᱚᱪᱷᱤᱢᱵᱟᱝᱞᱟ ᱫᱚᱦᱚ ᱟᱠᱟᱱᱟ᱾
ᱥᱚᱨᱠᱟᱨᱤ ᱯᱟᱛᱷᱟᱢ ᱛᱟᱦᱮᱸ ᱠᱟᱱ ᱛᱮ ᱱᱚᱣᱟ ᱨᱮᱫᱚ ᱥᱚᱨᱠᱟᱨᱟᱜ ᱠᱟᱛᱷᱟ ᱠᱚ ᱥᱟᱱᱛᱟᱲᱤ ᱛᱮ ᱛᱚᱨᱡᱚᱢᱟ ᱠᱟᱛᱮ ᱪᱷᱟᱯᱟᱜ ᱠᱟᱱ ᱛᱟᱦᱮᱸᱱᱟ᱾ ᱥᱚᱨᱠᱟᱨᱤ ᱠᱷᱚᱵᱚᱨ ᱥᱟᱶᱛᱮ ᱥᱟᱶᱦᱮᱫ ᱦᱚᱸ ᱪᱟᱨᱪᱟ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ᱾
ᱱᱚᱣᱟ ᱯᱟᱛᱷᱟᱢ ᱨᱮᱱ ᱯᱳᱭᱞᱳ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱟᱨ ᱱᱟᱜᱟᱢᱤᱭᱟᱹ ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮ ᱮ ᱵᱚᱦᱟᱞ ᱞᱮᱱᱟ᱾
ᱥᱟᱥᱟᱯᱲᱟᱣᱤᱡ ᱠᱚ
ᱥᱟᱯᱲᱟᱣᱮᱛᱚᱦᱚᱵ ᱠᱷᱚᱱ ᱱᱤᱛ ᱦᱟᱹᱵᱤᱫ ᱢᱮᱱᱟᱜ ᱠᱚ ᱥᱟᱥᱟᱯᱲᱟᱣᱤᱡ ᱠᱚ
- ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮ
- ᱠᱨᱤᱥᱱᱚᱞᱟᱞ ᱦᱮᱢᱵᱽᱨᱚᱢ
- ᱚᱡᱤᱛ ᱠᱤᱥᱠᱩ
ᱥᱟᱶᱦᱮᱫ ᱨᱮ ᱮᱱᱮᱢ
ᱥᱟᱯᱲᱟᱣᱫᱷᱤᱨᱮᱱᱫᱽᱨᱚᱱᱟᱛᱷ ᱵᱟᱥᱠᱮ ᱥᱟᱥᱟᱯᱲᱟᱣᱤᱡ ᱛᱟᱦᱮᱸᱱ ᱚᱠᱛᱮ ᱱᱚᱣᱟ ᱯᱟᱛᱷᱟᱢ ᱫᱚ ᱥᱤᱨᱡᱚᱢ ᱥᱟᱶᱦᱮᱫ ᱪᱟᱨᱪᱟ ᱟᱹᱰᱤ ᱰᱷᱮᱨ ᱞᱟᱦᱟ ᱟᱠᱟᱱᱟ᱾ ᱟᱹᱰᱤ ᱜᱟᱱ ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ, ᱠᱟᱹᱦᱱᱤ ᱚᱱᱚᱞᱤᱭᱟᱹ ᱠᱚ ᱱᱚᱣᱟ ᱯᱟᱛᱷᱟᱢ ᱨᱮᱜᱮ ᱟᱠᱚᱣᱟᱜ ᱯᱳᱭᱞᱳ ᱚᱞ ᱠᱚ ᱮᱦᱚᱵ ᱟᱠᱟᱫᱟ᱾ ᱱᱤᱛ ᱱᱩᱠᱩ ᱠᱚᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱟᱹᱰᱤ ᱫᱟᱢᱟᱱ ᱮᱱᱮᱢ ᱠᱚ ᱮᱢ ᱤᱫᱤᱭᱮᱫᱟ᱾ ᱟᱹᱰᱤᱜᱟᱱ ᱫᱟᱢᱟᱱ ᱚᱱᱚᱞ ᱠᱚ ᱱᱚᱣᱟ ᱯᱟᱛᱷᱟᱢ ᱨᱮ ᱪᱷᱟᱯᱟ ᱟᱠᱟᱱᱟ᱾ ᱠᱟᱹᱦᱱᱤ, ᱚᱱᱚᱬᱦᱮᱸ ᱤᱫᱤ ᱠᱟᱛᱮ ᱟᱭᱢᱟ ᱠᱷᱚᱸᱫᱽᱨᱚᱱ ᱦᱩᱭ ᱟᱠᱟᱱᱟ᱾ ᱢᱤᱫ ᱠᱤᱛᱟᱹ ᱜᱟᱭᱟᱱ ᱦᱚᱸ ᱩᱪᱷᱟᱹᱱ ᱟᱠᱟᱱᱟ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱩᱛᱱᱟᱹᱣ ᱨᱮ ᱯᱚᱪᱷᱤᱢᱵᱟᱝᱞᱟ ᱯᱟᱛᱷᱟᱢ ᱨᱮᱭᱟᱜ ᱮᱱᱮᱢ ᱫᱚ ᱟᱹᱰᱤ ᱢᱟᱨᱟᱝ ᱜᱮᱭᱟ᱾