ᱯᱟᱴᱷᱚ ᱵᱷᱚᱵᱚᱱ
ᱯᱟᱴᱷᱚ ᱵᱷᱚᱵᱚᱱ ᱫᱚ ᱥᱟᱱᱛᱤᱱᱤᱠᱮᱛᱚᱱ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ ᱨᱮ ᱢᱮᱱᱟᱜ ᱢᱤᱫ ᱮᱛᱚᱦᱚᱵ ᱟᱨ ᱥᱮᱠᱮᱱᱰᱟᱨᱤ ᱥᱮᱪᱮᱫ ᱟᱥᱲᱟ ᱠᱟᱱᱟ᱾ ᱑᱙᱐᱑ ᱥᱮᱨᱢᱟ ᱨᱮ ᱱᱳᱵᱮᱞ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱦᱚᱛᱮᱛᱮ ᱛᱮᱭᱟᱨ ᱟᱠᱟᱱ ᱱᱚᱶᱟ ᱟᱥᱲᱟ ᱨᱮ ᱕ ᱜᱚᱴᱟᱝ ᱯᱟᱹᱴᱷᱩᱣᱟᱹ ᱠᱚ ᱛᱟᱦᱮᱸ ᱠᱟᱱᱟ᱾ ᱴᱷᱟᱠᱩᱨᱟᱜ ᱜᱤᱫᱽᱨᱟᱹ ᱚᱠᱛᱚ ᱨᱮᱭᱟᱜ ᱵᱚᱲᱦᱮ ᱟᱱᱟᱜ, ᱡᱳᱨ ᱡᱚᱵᱚᱨ ᱯᱟᱲᱦᱟᱜ ᱨᱮᱭᱟᱜ ᱩᱞᱴᱟᱹ ᱨᱮ, ᱱᱚᱶᱟ ᱟᱥᱲᱟ ᱨᱮ ᱢᱟᱪᱮᱫ ᱟᱨ ᱯᱟᱹᱴᱷᱩᱣᱟᱹ ᱠᱚ ᱛᱟᱞᱟ ᱨᱮ ᱥᱟᱹᱜᱟᱹᱭ ᱨᱮᱭᱟᱜ ᱡᱟᱦᱟᱸ ᱞᱮᱠᱟᱱᱟᱜ ᱮᱴᱠᱮᱴᱚᱬᱮ ᱵᱮᱜᱚᱨ ᱜᱮ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜ ᱛᱟᱠᱚᱣᱟ᱾ ᱟᱥᱚᱠᱟᱭ ᱛᱮ ᱱᱚᱶᱟ ᱫᱚ ᱢᱤᱫ ᱟᱥᱲᱟ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱱ ᱛᱟᱦᱮᱸᱫ, ᱛᱟᱭᱚᱢ ᱛᱮ ᱱᱚᱶᱟ ᱫᱚ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱞᱮᱠᱟᱛᱮ ᱵᱮᱱᱟᱣ ᱮᱱᱟ᱾ ᱱᱚᱶᱟ ᱫᱚ ᱵᱟᱨᱭᱟ ᱯᱨᱟᱭᱢᱟᱨᱤ ᱟᱨ ᱥᱮᱠᱮᱱᱰᱟᱨᱤ ᱟᱥᱲᱟ ᱢᱩᱸᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ, ᱡᱟᱦᱟᱸ ᱫᱚ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱩᱲᱟᱹᱭ ᱢᱮᱱᱟᱜᱼᱟ᱾ ᱟᱨ ᱢᱤᱫᱴᱟᱹᱝ ᱫᱚ ᱥᱤᱠᱠᱷᱟ ᱥᱚᱛᱨᱚ ᱠᱟᱱᱟ᱾
| ᱯᱟᱴᱷᱚ ᱵᱷᱚᱵᱚᱱ | |
|---|---|
 | |
| ᱴᱷᱟᱶ | |
| , ᱥᱤᱧᱚᱛ | |
| ᱚᱛᱱᱚᱜ ᱴᱷᱟᱶ | 23°40′50″N 87°41′07″E / 23.6805°N 87.6854°ECoordinates: 23°40′50″N 87°41′07″E / 23.6805°N 87.6854°E |
| Information | |
| ᱛᱷᱟᱯᱚᱱ | ᱑᱙᱐᱑ |
| ᱛᱷᱟᱯᱚᱱᱤᱡ | ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ |
| Affiliation | ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| Website | www |
ᱯᱟᱲᱦᱟᱜ ᱵᱟᱨᱦᱮ ᱨᱮᱭᱟᱜ ᱠᱟᱹᱢᱤᱦᱚᱨᱟ
ᱥᱟᱯᱲᱟᱣᱥᱟᱦᱤᱛᱭᱚ ᱥᱚᱵᱷᱟ ᱫᱚ ᱚᱱᱚᱞ ᱟᱨ ᱥᱮᱨᱮᱧ ᱟᱹᱭᱩᱵ ᱠᱟᱱᱟ, ᱡᱟᱦᱟᱸ ᱫᱚ ᱟᱥᱚᱠᱟᱭ ᱛᱮ ᱥᱟᱹᱨᱫᱤ ᱢᱟᱦᱟᱸ ᱦᱤᱞᱚᱜ ᱦᱩᱭᱩᱜᱼᱟ, ᱡᱟᱦᱟᱸ ᱨᱮ ᱯᱟᱹᱴᱷᱩᱣᱟᱹ ᱠᱚ ᱟᱠᱚᱣᱟᱜ ᱚᱱᱚᱞ, ᱮᱱᱮᱡ, ᱥᱮᱨᱮᱧ ᱟᱨ ᱪᱤᱛᱟᱹᱨ ᱠᱚ ᱟᱠᱚ ᱛᱟᱞᱟ ᱟᱨ ᱥᱟᱶᱛᱟ ᱨᱮᱠᱚ ᱦᱟᱹᱴᱤᱧᱟ᱾ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱮᱴᱟᱜ ᱥᱟᱱᱟᱢ ᱦᱚᱲᱢᱚ ᱠᱚ ᱥᱟᱶᱛᱮ ᱥᱮᱨᱢᱟᱠᱤᱭᱟᱹ ᱨᱚᱵᱤᱱᱫᱽᱨᱚ ᱥᱚᱯᱛᱚᱦᱚ ᱨᱮ ᱦᱚᱸ ᱱᱚᱶᱟ ᱟᱥᱲᱟ ᱫᱚ ᱥᱮᱞᱮᱫᱚᱜᱼᱟ᱾
ᱠᱷᱤᱞᱚᱸᱰ ᱫᱚ ᱠᱮᱢᱯᱟᱥ ᱡᱤᱭᱚᱱ ᱨᱮᱱᱟᱜ ᱢᱤᱫ ᱢᱩᱬ ᱴᱷᱟᱶ ᱠᱟᱱᱟ᱾ ᱥᱮᱨᱢᱟ ᱨᱮ ᱥᱮᱨᱮᱧ, ᱮᱱᱮᱡ ᱟᱨ ᱟᱵᱽᱨᱤᱛᱤ ᱨᱮ ᱠᱚ ᱦᱮᱯᱨᱟᱣ ᱠᱚᱣᱟ᱾ ᱟᱭᱢᱟ ᱫᱷᱟᱣ, ᱥᱟᱬᱮᱥ ᱨᱮᱱ ᱠᱟᱹᱢᱤᱭᱟᱱ ᱠᱚ ᱥᱟᱬᱮᱥ ᱟᱨ ᱥᱟᱶᱛᱟ ᱨᱮᱱ ᱱᱟᱦᱟᱜ ᱠᱟᱹᱢᱤᱦᱚᱨᱟ ᱠᱚ ᱵᱟᱰᱟᱭ ᱞᱟᱹᱜᱤᱫ ᱛᱮ ᱟᱹᱭᱩᱵ ᱜᱟᱞᱚᱪ ᱨᱮᱠᱚ ᱥᱮᱞᱮᱫ ᱠᱚᱜᱼᱟ᱾ ᱱᱚᱸᱰᱮ ᱥᱮᱨᱢᱟ ᱨᱮ ᱢᱤᱫᱴᱟᱝ ᱯᱤᱠᱱᱤᱠ (ᱵᱟᱨᱥᱤᱠ ᱵᱳᱱᱳᱵᱷᱳᱡᱚᱱ) ᱦᱚᱸ ᱦᱩᱭᱩᱜᱼᱟ, ᱚᱱᱟ ᱥᱟᱶᱛᱮ ᱵᱚᱨᱫᱷᱚᱢᱟᱱ, ᱢᱟᱞᱫᱟ, ᱯᱩᱨᱩᱞᱤᱭᱟᱹ, ᱪᱤᱛᱛᱟᱨᱟᱧᱡᱚᱱ ᱮᱢᱟᱱ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱴᱚᱴᱷᱟ ᱠᱚᱨᱮ ᱦᱚᱸ ᱠᱚ ᱥᱮᱱᱚᱜᱼᱟ᱾
ᱟᱥᱲᱟ ᱨᱮ ᱟᱹᱰᱤ ᱜᱟᱱ ᱠᱩᱢᱩᱴ ᱢᱮᱱᱟᱜᱼᱟ ᱡᱮᱞᱮᱠᱟ ᱥᱟᱪᱟᱨᱦᱮ ᱠᱩᱢᱩᱴ ("ᱯᱚᱨᱤᱵᱮᱥ ᱵᱤᱵᱷᱟᱜᱽ"), ᱥᱟᱶᱟᱨ ᱠᱩᱢᱩᱴ ("ᱥᱣᱚᱥᱛᱷᱳ ᱵᱤᱵᱷᱟᱜᱽ"), ᱵᱤᱪᱟᱹᱨ ᱠᱩᱢᱩᱴ ("ᱵᱤᱪᱟᱨ ᱵᱤᱵᱷᱟᱜᱽ"), ᱡᱚᱢ ᱠᱩᱢᱩᱴ ("ᱟᱦᱟᱨ ᱵᱤᱵᱷᱟᱜᱽ"), ᱥᱟᱶᱦᱮᱫ ᱠᱩᱢᱩᱴ ("ᱥᱟᱦᱤᱛᱭᱚ ᱵᱤᱵᱷᱟᱜᱽ") ᱮᱢᱟᱱ᱾ ᱱᱚᱶᱟ ᱠᱚ ᱫᱚ ᱯᱟᱹᱴᱷᱩᱣᱟᱹ ᱠᱚ ᱥᱟᱶ ᱡᱩᱲᱟᱹᱣ ᱟᱠᱟᱱ ᱠᱟᱛᱷᱟ ᱠᱚ ᱨᱮ ᱪᱟᱪᱞᱟᱣ ᱟᱨ ᱠᱟᱛᱷᱟᱭ ᱜᱚᱴᱟᱭᱟ᱾ ᱱᱚᱶᱟ ᱥᱟᱱᱟᱢ ᱠᱷᱚᱱ ᱵᱮᱜᱚᱨ ᱟᱥᱲᱟ ᱨᱮ ᱟᱹᱰᱤ ᱜᱟᱱ ᱯᱟᱯᱟᱨᱥᱟᱞᱟᱜ ᱢᱮᱱᱟᱜᱼᱟ᱾ ᱱᱚᱝᱠᱟᱱ ᱢᱤᱫ ᱩᱪᱷᱟᱹᱱ ᱫᱚ ᱯᱮᱼᱪᱟᱸᱫᱚᱠᱤᱭᱟᱹ ᱠᱷᱚᱵᱚᱨ "ᱨᱮᱡᱳᱱᱮᱥ" ᱠᱟᱱᱟ, ᱡᱟᱦᱟᱸ ᱫᱚ ᱜᱚᱴᱟ ᱜᱮ ᱟᱥᱲᱟ ᱨᱮᱱ ᱞᱟᱹᱴᱩ ᱯᱟᱹᱴᱷᱩᱣᱟᱹ ᱠᱚ ᱦᱚᱛᱮᱛᱮ ᱩᱭᱦᱟᱹᱨ ᱟᱨ ᱥᱟᱯᱲᱟᱣ ᱦᱩᱭᱩᱜ ᱠᱟᱱᱟ᱾
ᱧᱩᱛᱩᱢᱟᱱ ᱢᱟᱨᱮ ᱯᱟᱹᱴᱷᱩᱣᱟᱹ ᱠᱚ
ᱥᱟᱯᱲᱟᱣ- ᱚᱢᱟᱨᱛᱭᱚ ᱥᱮᱱ, ᱱᱳᱵᱮᱞ ᱥᱤᱨᱯᱷᱟᱹ- ᱡᱤᱛᱠᱟᱹᱨᱤᱭᱟᱹ ᱠᱟᱹᱣᱰᱤᱭᱟᱹᱨᱤᱭᱟᱹ[᱑]
- ᱚᱨᱱᱚᱵᱽ, ᱵᱟᱝᱞᱟᱫᱮᱥ ᱨᱤᱱᱤᱡ ᱥᱮᱨᱮᱧᱤᱭᱟᱹ[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱵᱤᱱᱳᱫᱽ ᱵᱤᱦᱟᱨᱤ ᱢᱩᱠᱷᱟᱨᱡᱤ, ᱪᱤᱛᱟᱹᱨᱤᱭᱟᱹ ᱟᱨ ᱢᱩᱨᱟᱞᱤᱥᱴ[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱜᱟᱭᱚᱛᱨᱤ ᱫᱮᱵᱤ, ᱡᱚᱭᱯᱩᱨ ᱨᱤᱱᱤᱡ ᱢᱚᱦᱟᱨᱟᱱᱤ[᱒]
- ᱤᱱᱫᱤᱨᱟ ᱜᱟᱹᱱᱫᱷᱤ, ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱢᱟᱨᱟᱝ ᱢᱚᱱᱛᱨᱤ[᱒]
- ᱠᱟᱱᱤᱠᱟ ᱵᱚᱱᱫᱚᱯᱟᱫᱷᱭᱟᱭ, ᱨᱚᱵᱤᱱᱫᱽᱨᱚ ᱥᱚᱝᱜᱤᱛ ᱥᱮᱨᱮᱧᱤᱭᱟᱹ[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱨᱟᱢᱠᱤᱝᱠᱚᱨ ᱵᱮᱧᱡᱽ, ᱢᱩᱨᱛᱤ ᱜᱚᱲᱦᱚᱱᱤᱭᱟᱹ, ᱯᱷᱟᱭᱤᱱ ᱟᱨᱴᱥ[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱥᱟᱱᱛᱤᱫᱮᱵᱽ ᱜᱷᱳᱥ, ᱨᱚᱵᱤᱱᱫᱽᱨᱚ ᱥᱚᱝᱜᱤᱛ ᱥᱮᱨᱮᱧᱤᱭᱟᱹ[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱥᱩᱫᱷᱤ ᱨᱚᱧᱡᱚᱱ ᱫᱟᱥ, ᱥᱤᱧᱚᱛ ᱨᱤᱱᱤᱡ ᱢᱟᱨᱮ ᱢᱩᱬᱩᱛ ᱵᱤᱪᱟᱹᱨᱤᱭᱟᱹ - ᱯᱟᱴᱷᱚ ᱵᱷᱚᱵᱚᱱ (ᱵᱨᱚᱢᱦᱚᱪᱟᱨᱭᱚᱥᱨᱚᱢ) ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱨᱮᱱ ᱯᱩᱭᱞᱩ ᱕ ᱜᱚᱴᱟᱝ ᱯᱟᱹᱴᱷᱩᱣᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱨᱚᱛᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ, ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱥᱟᱱᱛᱤᱱᱤᱠᱮᱛᱚᱱ ᱨᱤᱱᱤᱡ ᱯᱩᱭᱞᱩ ᱪᱟᱱᱥᱤᱞᱟᱨ[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱯᱨᱚᱢᱚᱛᱱᱟᱛᱷ ᱵᱤᱥᱤ, ᱚᱱᱚᱞᱤᱭᱟᱹ, ᱥᱮᱪᱮᱫᱤᱭᱟᱹ ᱟᱨ ᱯᱟᱨᱞᱤᱭᱟᱢᱮᱱᱴᱟᱨᱤᱭᱟᱱ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱥᱤᱣᱟᱱᱤ, ᱧᱩᱛᱩᱢᱟᱱ ᱦᱤᱱᱫᱤ ᱚᱱᱚᱞᱤᱭᱟᱹ ᱟᱨ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
- ᱥᱩᱡᱤᱛ ᱵᱚᱨᱢᱚᱱ ᱨᱚᱭ, ᱳᱰᱤᱥᱟ ᱦᱟᱭᱠᱳᱨᱴ ᱨᱤᱱᱤᱡ ᱢᱩᱬᱩᱛ ᱵᱤᱪᱟᱹᱨᱤᱭᱟᱹ[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Nobel Prize 2017: Know where India's Nobel laureates studied". The Indian Express. 4 October 2017. Retrieved 29 May 2018.
- ↑ ᱒.᱐ ᱒.᱑ Luke, Catriona (24 August 2009). "Gayatri Devi: Indian princess who combined the life of a socialite with an outspoken commitment to political action". The Independent. Archived from the original on 25 May 2022. Retrieved 29 May 2018.