ᱯᱨᱮᱢ ᱵᱤᱦᱟᱨᱤ ᱱᱟᱨᱟᱭᱚᱬ ᱨᱟᱭᱡᱟᱫᱟ
ᱯᱨᱮᱢ ᱵᱤᱦᱟᱨᱤ ᱱᱟᱨᱟᱭᱚᱬ ᱨᱟᱭᱡᱟᱫᱟ (ᱡᱟᱱᱟᱢ ᱑᱗ ᱰᱤᱥᱮᱢᱵᱚᱨ ᱑᱙᱐᱑) ᱫᱚ ᱢᱤᱫ ᱥᱤᱧᱚᱛᱤᱭᱟ. ᱠᱟᱞᱤᱜᱽᱨᱟᱯᱷᱚᱨ(calligrapher) ᱠᱟᱱᱟᱭ ᱾ ᱱᱩᱭ ᱫᱚ ᱥᱤᱧᱚᱛ ᱨᱮᱭᱟᱜ ᱦᱚᱠᱤᱛ ᱛᱤ ᱛᱮ ᱚᱞ ᱞᱮᱫ ᱠᱷᱟ.ᱛᱤᱨ ᱦᱚᱲ ᱠᱚ ᱴᱷᱮᱱ ᱵᱟᱰᱟᱭ ᱧᱟᱢ ᱦᱚᱪᱚ ᱠᱟᱱᱟ ᱾
| ᱯᱨᱮᱢ ᱵᱤᱦᱟᱨᱤ ᱱᱟᱨᱟᱭᱚᱬ ᱨᱟᱭᱡᱟᱫᱟ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱗ ᱰᱤᱥᱮᱢᱵᱚᱨ ᱑᱙᱐᱑ |
| ᱠᱟᱹᱢᱤ | ᱠᱚᱞᱤᱜᱽᱨᱟᱯᱷᱚᱨ(Calligrapher) |
| ᱧᱩᱢᱱᱟᱢ | ᱥᱤᱧᱚᱛ ᱨᱮᱭᱟᱜ ᱦᱚᱠᱤᱛ ᱛᱤ ᱛᱮ ᱚᱞ ᱞᱮᱫ ᱠᱷᱟ.ᱛᱤᱨ |
ᱡᱤᱭᱚᱱ ᱠᱟ.ᱦᱱᱤ
ᱥᱟᱯᱲᱟᱣᱯᱨᱮᱢ ᱵᱤᱦᱟᱨᱤ ᱫᱚ ᱑᱗ ᱰᱤᱥᱮᱢᱵᱚᱨ ᱑᱙᱐᱑ ᱨᱮ ᱢᱤᱫ ᱠᱚᱞᱤᱜᱽᱨᱟᱯᱷᱚᱨ(calligraphers) ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱑] ᱱᱩᱭ ᱡᱚᱠᱷᱚᱱ ᱮ ᱜᱤᱫᱽᱨᱟ. ᱜᱮ ᱛᱟᱦᱮᱸᱫ, ᱟᱡ ᱵᱟᱵᱟ ᱟᱨ ᱟᱭᱚ ᱵᱟᱱᱟ ᱦᱚᱲ ᱠᱤᱱ ᱵᱚᱝᱜᱟ ᱛᱟᱞᱟ ᱞᱮᱱᱟ, ᱚᱱᱟ ᱛᱮ ᱯᱨᱮᱢ ᱵᱤᱦᱟᱨᱤ ᱫᱚ ᱟᱡ ᱜᱚᱲᱚᱢ ᱦᱟᱲᱟᱢ ᱴᱷᱮᱱ ᱦᱟᱨᱟ ᱦᱚᱪᱚ ᱞᱮᱱᱟᱭ ᱾ ᱟᱡ ᱜᱚᱲᱚᱢ ᱵᱟ ᱫᱚ ᱤᱝᱞᱤᱥ ᱟᱨ ᱯᱟᱨᱥᱤᱭᱟᱱ ᱥᱠᱚᱞᱟᱨ(scholar) ᱠᱟᱱᱟᱭ ᱾ ᱱᱩᱭ ᱜᱮ ᱯᱨᱮᱢ ᱵᱤᱦᱟᱨᱤ ᱫᱚ ᱥᱤᱧᱚᱛᱤᱭᱟ. ᱠᱚᱞᱤᱜᱽᱨᱟᱯᱷᱤ ᱠᱟ.ᱢᱤ ᱥᱮᱬᱟ ᱦᱟᱫᱮ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱯᱨᱮᱢ ᱵᱤᱦᱟᱨᱤ ᱫᱚ ᱥᱮᱸᱴ ᱥᱴᱤᱯᱷᱮᱱᱥ ᱠᱚᱞᱮᱡᱽ, ᱫᱤᱞᱞᱤ ᱨᱮ ᱯᱟᱲᱦᱟᱣ ᱞᱮᱱᱟᱭ, ᱱᱚᱰᱮ ᱜᱮ ᱱᱩᱭ ᱫᱚ ᱟᱡᱟᱜ ᱠᱚᱞᱤᱜᱽᱨᱟᱯᱷᱤ ᱥᱠᱤᱞ ᱫᱚᱭ ᱦᱟᱨᱟ ᱵᱩᱨᱩ ᱞᱮᱫ ᱛᱟᱭᱟ ᱾[᱑][᱒]
᱑᱙᱔᱐ ᱥᱟ.ᱦᱤᱛ ᱛᱟᱭᱚᱢ ᱡᱚᱠᱷᱚᱱ ᱥᱤᱧᱚᱛᱤᱭᱟ. ᱦᱚᱠᱤᱛ ᱟᱥᱮᱢᱵᱽᱞᱤ ᱨᱮ ᱦᱚᱠᱤᱛ ᱡᱚᱠᱷᱚᱱ ᱚᱞ ᱞᱟ.ᱜᱤᱱ ᱠᱚ ᱴᱷᱟ.ᱣᱠᱟ. ᱠᱮᱫ-ᱟ, ᱡᱚᱣᱟᱦᱚᱨᱞᱟᱞ ᱱᱮᱦᱨᱩ ᱫᱚ ᱯᱨᱮᱢ ᱵᱤᱦᱟᱨᱤ ᱱᱚᱶᱟ ᱨᱣᱭᱟᱜ ᱥᱮᱢᱤᱱᱟᱞ ᱰᱚᱠᱭᱩᱢᱮᱸᱴ ᱠᱚᱯᱤ ᱟᱞ ᱞᱟ.ᱜᱤᱱ ᱮ ᱢᱮᱛᱟᱦᱟᱫᱮ ᱛᱟᱦᱮᱸᱫ ᱾[᱑] ᱱᱮᱦᱨᱩ ᱫᱚ, ᱯᱨᱮᱢ ᱵᱤᱦᱟᱨᱤ ᱠᱩᱞᱤ ᱞᱮᱫᱮᱭᱟ, ᱟᱢ ᱱᱚᱶᱟ ᱚᱞ ᱞᱟ.ᱜᱤᱱ ᱛᱤᱱᱟ.ᱜ ᱴᱟᱠᱟᱢ ᱦᱟᱛᱟᱣ-ᱟ ? ᱛᱟᱵᱮ ᱯᱨᱮᱢ ᱵᱤᱦᱟᱨᱤ ᱞᱟ.ᱭ ᱞᱮᱫᱟᱭ
“ᱢᱤᱫ ᱠᱟ.ᱣᱰᱤ ᱦᱚᱸ ᱵᱟᱝ ᱾ ᱪᱟᱸᱫᱚ ᱵᱚᱝᱜᱟ-ᱟᱜ ᱫᱟᱭᱟ ᱛᱮ ᱤᱧ ᱴᱷᱮᱱ ᱡᱷᱚᱛᱚ ᱡᱤᱱᱤᱥ ᱜᱮ ᱢᱮᱱᱟᱜ-ᱟ ᱟᱨ ᱤᱧ ᱫᱚ ᱚᱱᱟ ᱠᱚ ᱛᱟᱞᱟᱨᱮ ᱱᱟᱯᱟᱭ ᱨᱮ ᱢᱮᱱᱟ.ᱧ-ᱟ ᱾”
“ᱤᱧᱟᱜ ᱢᱤᱫ ᱠᱟᱛᱷᱟ ᱟᱯᱮ ᱠᱚ ᱵᱟᱛᱟᱣ ᱛᱮ ᱦᱩᱭᱩᱜ ᱛᱟᱯᱮᱭᱟ, ᱦᱚᱠᱤᱛ ᱨᱮᱭᱟᱜ ᱡᱷᱚᱛᱚ ᱯᱩᱥᱴᱷᱟ ᱞᱟᱛᱟᱨ ᱨᱮ ᱤᱧᱟᱜ ᱧᱩᱛᱩᱢ ᱛᱟᱦᱮᱸᱱᱟ ᱟᱨ ᱦᱚᱠᱤᱛ ᱨᱮᱭᱟᱜ ᱢᱩᱪᱟ.ᱫ ᱩᱛᱟ.ᱨ ᱨᱮ ᱤᱧ ᱥᱟᱝ ᱤᱧ ᱜᱚᱲᱚᱢ ᱵᱟᱵᱟ-ᱟᱜ ᱧᱩᱛᱩᱢ ᱛᱟᱦᱮᱸᱱᱟ ᱾”[᱒]
ᱥᱤᱧᱚᱛ ᱨᱮᱭᱟᱜ ᱦᱚᱠᱤᱛ ᱨᱤᱱᱤᱡ, ᱯᱨᱮᱢ ᱵᱤᱦᱟᱨᱤ ᱫᱚ ᱠᱚᱞᱞᱤᱜᱽᱨᱟᱯᱷᱚᱨ(calligrapher) ᱠᱟᱱᱟᱭ ᱾ ᱢᱩᱲᱩᱛ ᱦᱚᱠᱤᱛ ᱨᱮ ᱫᱚ ᱱᱩᱭ ᱜᱮ, ᱤᱝᱞᱤᱥ ᱨᱮᱭᱟᱜ ᱤᱴᱟᱞᱤᱠ ᱛᱷᱚᱠ ᱛᱮ ᱚᱞ ᱟᱠᱟᱫᱟᱭ ᱾ ᱛᱚᱵᱮ ᱦᱤᱱᱫᱤ ᱨᱮᱭᱟᱜ ᱢᱩᱲᱩᱛ ᱦᱚᱠᱤᱛ ᱫᱚ ᱵᱚᱥᱚᱱᱛᱚ ᱠᱨᱤᱥᱱᱚ ᱵᱚᱭᱫᱽᱭᱚ ᱚᱞ ᱞᱮᱫᱟᱭ ᱾[᱑] ᱱᱩᱭ ᱫᱚ ᱛᱩᱨᱩᱭ ᱪᱟᱸᱫᱚ ᱛᱟᱞᱟᱨᱮ ᱦᱚᱠᱤᱛ ᱚᱲᱟᱜ (ᱱᱤᱛᱚᱜ ᱫᱚ ᱥᱤᱧᱚᱛ ᱨᱮᱭᱟᱜ ᱦᱚᱠᱤᱛ ᱜᱟᱶᱛᱟ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ) ᱨᱮ ᱓᱙᱕ ᱜᱚᱴᱟᱝ ᱚᱱᱚᱞ(articles), ᱤᱨᱟ.ᱞ ᱜᱚᱴᱟᱝ ᱥᱤᱰᱭᱩᱞ(schedules) ᱟᱨ ᱦᱚᱠᱤᱛ ᱨᱮᱭᱟᱜ ᱢᱩᱲᱩᱛ ᱚᱱᱚᱞ(preamble) ᱚᱞ ᱢᱩᱪᱟ.ᱫ ᱞᱮᱫ-ᱟ ᱾ [᱑] ᱱᱩᱭ ᱫᱚ ᱱᱚᱶᱟ ᱚᱞ ᱞᱟ.ᱜᱤᱱ ᱥᱮ ᱠᱚᱞᱤᱜᱽᱨᱟᱯᱷᱤ ᱞᱟ.ᱜᱤᱱ ᱥᱟᱭ ᱜᱚᱴᱟᱝ ᱱᱤᱵᱽ ᱠᱚᱞᱚᱢ ᱵᱮᱵᱷᱟᱨ ᱞᱮᱫ-ᱟᱭ ᱾[᱑][᱓] ᱱᱩᱭ ᱫᱚ ᱞᱟ.ᱭ ᱞᱮᱫᱟᱭ ᱡᱮ, ᱟᱡ ᱮ ᱚᱞ ᱟᱠᱟᱫ ᱢᱩᱲᱩᱛ ᱦᱚᱠᱤᱛ ᱨᱮᱭᱟᱜ ᱢᱩᱪᱟ.ᱫ ᱨᱮ, ᱟᱡᱟᱜ ᱢᱟ.ᱱ ᱞᱟ.ᱜᱤᱱ ᱟᱡ ᱟᱨ ᱟᱡ ᱜᱚᱲᱚᱢ ᱦᱟᱲᱟᱢ-ᱟᱜ ᱧᱩᱛᱩᱢ ᱛᱟᱦᱮᱸᱱᱟ ᱾ ᱱᱚᱶᱟ ᱫᱚ ᱒᱕᱑ ᱜᱚᱴᱟᱝ ᱯᱩᱥᱴᱷᱟ. ᱠᱟᱱᱟ ᱟᱨ ᱓.᱗᱕ ᱠᱤᱞᱳ ᱩᱡᱩᱱᱟ ᱾[᱑]
ᱱᱚᱶᱟ ᱫᱚ ᱒᱕ ᱱᱚᱣᱮᱢᱵᱚᱨ ᱑᱙᱔᱙ ᱥᱟ.ᱦᱤᱛ ᱨᱮ ᱚᱞ ᱯᱩᱨᱩᱱ ᱞᱮᱫᱟᱭ ᱟᱨ ᱒᱖ ᱡᱟᱱᱩᱭᱟ.ᱨᱤ ᱑᱙᱕᱐ ᱨᱮ ᱥᱩᱦᱤ ᱞᱮᱱᱟ ᱾[᱑]
ᱥᱟ.ᱡᱷᱭᱟ.ᱛ
ᱥᱟᱯᱲᱟᱣ- ↑ ᱑.᱐ ᱑.᱑ ᱑.᱒ ᱑.᱓ ᱑.᱔ ᱑.᱕ ᱑.᱖ ᱑.᱗ "Prem Behari Narain Raizada: The Man Who (literally) Wrote India's Constitution". The Better India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2018-01-22. Retrieved 2020-03-07.
- ↑ ᱒.᱐ ᱒.᱑ "The original Constitution writer". I See India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2011-08-13. Archived from the original on 2020-02-16. Retrieved 2020-03-07.
- ↑ Service, Tribune News. "Reviving the forgotten art of calligraphy". Tribuneindia News Service (in ᱟᱝᱜᱽᱨᱮᱡᱤ). Retrieved 2020-03-07.