ᱯᱩᱨᱤ
ᱯᱩᱨᱤ ᱫᱚ ᱳᱰᱤᱥᱟ ᱨᱮᱭᱟᱜ ᱢᱤᱫ ᱵᱟᱡᱟᱨ ᱟᱨ ᱯᱩᱨᱤ ᱦᱚᱱᱚᱛ ᱨᱮᱭᱟᱜ ᱥᱚᱫᱚᱨ ᱢᱚᱦᱚᱠᱩᱢᱟ ᱠᱟᱱᱟ ᱟᱨ ᱦᱮᱰᱠᱣᱟᱴᱚᱨ ᱦᱚᱸ ᱠᱟᱱᱟ ᱾ [᱑][᱒][᱓] ᱱᱚᱣᱟ ᱫᱚ ᱵᱚᱝᱜᱚᱯᱥᱟᱜᱚᱨ ᱫᱷᱟᱨᱮ ᱨᱮ ᱟᱨ ᱯᱚᱱᱚᱛ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱖᱐ ᱠᱤᱞᱚ ᱢᱤᱴᱚᱨ (᱓᱗ ᱢᱟᱭᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱵᱟᱹᱲᱛᱤ ᱫᱚ ᱡᱚᱜᱚᱱᱱᱟᱛᱷ ᱢᱩᱫᱽᱨᱤ ᱞᱟᱹᱜᱤᱫ ᱡᱮᱜᱮᱛ ᱨᱮ ᱩᱯᱨᱩᱢ ᱮ ᱟᱢᱮᱴ ᱟᱠᱟᱫᱼᱟ ᱾ ᱥᱤᱧᱚᱛ ᱨᱮᱭᱟᱜ ᱯᱩᱱᱭᱟᱹ ᱢᱩᱲᱩᱛ ᱵᱚᱸᱜᱟ ᱛᱷᱟᱱ ᱠᱷᱚᱱ ᱯᱩᱨᱤ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱫᱚ ᱡᱚᱜᱚᱱᱱᱟᱛᱷ ᱯᱩᱨᱤ ᱢᱮᱱᱛᱮ ᱦᱚᱸ ᱧᱩᱛᱩᱢ ᱪᱟᱢᱯᱟᱴᱟᱣ ᱟᱠᱟᱱᱟ ᱾
| ᱯᱩᱨᱤ | |
|---|---|
| ᱵᱟᱡᱟᱨ | |
 Montage of Puri City | |
| ᱮᱴᱟᱜ ᱧᱩᱛᱩᱢ: Spiritual City, Sri Jagannatha Dhama | |
  ᱯᱩᱨᱤ  ᱯᱩᱨᱤ  ᱯᱩᱨᱤ | |
| Coordinates: 19°48′38″N 85°49′53″E / 19.81056°N 85.83139°ECoordinates: 19°48′38″N 85°49′53″E / 19.81056°N 85.83139°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱯᱚᱱᱚᱛ | ᱯᱩᱨᱤ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞᱴᱤ |
| • ᱪᱟᱪᱞᱟᱣ | ᱯᱩᱨᱤ ᱢᱩᱱᱥᱤᱯᱟᱞᱴᱤ |
| • ᱠᱚᱞᱮᱠᱴᱚᱨ ᱮᱱᱰ ᱰᱤᱥᱴᱨᱤᱠᱴ ᱢᱟᱡᱤᱥᱴᱨᱮᱴ | ᱵᱚᱞᱵᱚᱸᱛ ᱥᱤᱝ, IAS |
| • ᱯᱩᱞᱤᱥ ᱥᱩᱯᱚᱨᱤᱱᱴᱮᱱᱰᱮᱸᱴ | ᱩᱢᱟ ᱥᱚᱝᱠᱚᱨ ᱫᱟᱥ, IPS |
| • ᱯᱟᱨᱞᱤᱭᱟᱢᱮᱸᱴ᱾ᱥᱚᱦᱮᱛ | ᱢᱟᱱᱚᱛᱟᱱ ᱯᱤᱱᱟᱠᱤ ᱢᱤᱥᱨᱚ, (BJD) |
| • Member of Legislative Assembly | ᱡᱚᱭᱚᱱᱛᱚ ᱠᱩᱢᱟᱨ ᱥᱟᱨᱚᱝᱜᱤ, (BJP) |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 16.3268 ᱠᱤᱢᱤ২ (6.3038 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 0.1 ᱢᱤᱴᱚᱨ (0.3 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱞᱮᱠᱷᱟᱜᱩᱴ | ᱒᱐᱑,᱐᱒᱖ |
| • ᱰᱮᱱᱥᱤᱴᱤ | 12000/ᱠᱤᱢᱤ2 (32000/ᱜᱟᱺᱴ ᱢᱟᱹᱭᱤᱞ) |
| ᱯᱟ.ᱨᱥᱤ | |
| • ᱟ.ᱢᱟ. ᱞᱮᱛ | ᱳᱰᱤᱭᱟ. |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 752xxx |
| Telephone code | 06752,06758 (06758 for Nimapara & 06752 for Puri) |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-13 |
| ᱣᱮᱵᱽᱥᱟᱭᱤᱴ | puri |
ᱯᱩᱨᱤ ᱨᱮᱭᱟᱜ ᱮᱴᱟᱜ ᱧᱩᱛᱩᱢ ᱫᱚ ᱥᱨᱤᱠᱷᱮᱛᱨᱚ ᱟᱨ ᱡᱚᱜᱚᱱᱱᱟᱛᱷ ᱢᱩᱫᱽᱨᱤ ᱨᱮᱭᱟ ᱮᱴᱟᱜ ᱧᱩᱛᱩᱢ ᱫᱚ ᱵᱚᱰᱚᱫᱮᱣᱲᱚ ᱢᱮᱱᱛᱮ ᱦᱚᱸ ᱢᱮᱱᱟᱜᱼᱟ ᱾ ᱑᱘᱐᱓ ᱥᱟᱞ ᱴᱟᱭᱚᱢ ᱠᱷᱚᱱ ᱥᱤᱧᱚᱛ ᱨᱮᱭᱟᱜ ᱯᱷᱩᱨᱜᱟᱹᱞ ᱫᱷᱟᱹᱵᱤᱡ ᱯᱩᱨᱤ ᱢᱩᱫᱽᱨᱤ ᱫᱚ ᱤᱸᱜᱽᱨᱟᱹᱡᱽ ᱠᱚᱣᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱢᱩᱫᱽᱨᱤ ᱨᱮᱭᱟᱜ ᱨᱤᱛ ᱵᱤᱦᱤᱛ ᱫᱚ ᱜᱚᱡᱚᱯᱚᱛᱤ ᱵᱚᱝᱥᱚ ᱨᱤᱱ ᱨᱟᱡᱟ ᱠᱚ ᱦᱚᱛᱮᱛᱮ ᱱᱤᱛᱚᱜ ᱫᱷᱟᱹᱵᱤᱡ ᱦᱚᱸ ᱢᱟᱱᱟᱣ ᱵᱟᱛᱟᱣ ᱦᱟᱹᱡᱩᱜ ᱠᱟᱱ ᱜᱮᱭᱟ ᱾ ᱱᱚᱣᱟ ᱢᱩᱫᱽᱨᱤ ᱱᱟᱜᱟᱨ ᱨᱮᱫᱚ ᱟᱹᱰᱤᱜᱟᱱ ᱦᱤᱱᱫᱩ ᱢᱚᱴᱷᱚ ᱢᱮᱱᱟᱜᱼᱟ ᱾
ᱥᱤᱧᱚᱛ ᱥᱚᱨᱠᱟᱨᱟᱜ ᱦᱨᱤᱫᱚᱭ (HRIDAY) ᱡᱚᱡᱽᱱᱟ ᱨᱮ ᱪᱤᱱᱦᱟᱹᱣ ᱟᱠᱟᱱ ᱵᱟᱨᱚᱵᱟᱹᱴᱤ ᱵᱟᱡᱟᱨ ᱛᱟᱞᱟᱨᱮ ᱯᱩᱨᱤ ᱢᱤᱫᱴᱟᱹᱝ ᱠᱟᱱᱟ ᱾
ᱚᱛᱱᱚᱜ
ᱥᱟᱯᱲᱟᱣᱯᱩᱨᱤ ᱫᱚ ᱥᱤᱧᱚᱛ ᱨᱮᱭᱟᱜ ᱯᱩᱨᱩᱵᱽ ᱱᱟᱠᱷᱟᱨᱮ ᱵᱚᱝᱜᱚᱯᱥᱟᱜᱚᱨ ᱠᱟᱛᱟᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱵᱚᱝᱜᱚᱯᱥᱟᱜᱚᱨ ᱫᱷᱟᱨᱮᱨᱮ, ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱖᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱫᱩᱠᱷᱤᱱ-ᱯᱩᱨᱩᱵᱽ ᱨᱮᱫᱚ ᱵᱚᱝᱜᱚᱯᱥᱟᱜᱚᱨ, ᱯᱩᱪᱷᱤᱢ ᱨᱮᱫᱚ ᱥᱤᱯᱚᱥᱨᱩᱵᱟᱞᱤ ᱢᱟᱹᱣᱡᱟᱹ, ᱯᱩᱨᱩᱵᱽ ᱨᱮ ᱵᱟᱞᱤᱠᱷᱩᱱᱴᱚ ᱢᱟᱹᱣᱡᱟᱹ, ᱟᱨ ᱩᱛᱚᱨ ᱨᱮ ᱜᱚᱯᱤᱱᱟᱛᱷᱯᱩᱨ ᱢᱟᱹᱣᱡᱟᱹ ᱢᱮᱱᱟᱜᱼᱟ ᱾
ᱱᱟᱜᱟᱢ
ᱥᱟᱯᱲᱟᱣᱯᱟᱞᱮ ᱵᱟᱨᱥᱟᱭ ᱥᱮᱨᱢᱟ ᱢᱟᱬᱟᱝᱨᱮ ᱵᱚᱰᱚᱫᱮᱣᱲᱚ ᱟᱨ ᱜᱩᱱᱰᱤᱪᱟ ᱵᱟᱰᱤ ᱛᱟᱞᱟᱨᱮ ᱵᱟᱝᱠᱤ ᱱᱟᱹᱭ ᱞᱤᱸᱜᱤᱱ ᱠᱟᱱ ᱛᱟᱦᱮᱸᱱ ᱾ ᱥᱤᱧᱚᱛ ᱨᱮᱭᱟᱜ ᱯᱩᱱᱭᱟᱹ ᱥᱚᱱᱚᱛ ᱛᱷᱟᱱ ᱠᱷᱚᱱ ᱯᱩᱨᱤ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱰᱮ ᱫᱚᱨᱮᱭᱟ ᱱᱚᱣᱟ ᱵᱟᱡᱟᱨ ᱨᱮᱭᱟᱜ ᱡᱟᱸᱜᱟᱭ ᱟᱹᱨᱩᱵᱟ ᱾ ᱢᱮᱱ ᱟᱠᱚ ᱫᱚ ᱡᱩᱫᱤ ᱢᱤᱫ ᱦᱚᱲ ᱱᱚᱰᱮ ᱯᱮᱭᱟ ᱢᱟᱦᱟᱸ ᱟᱨ ᱯᱮ ᱧᱤᱫᱟᱹᱭ ᱵᱟᱥᱟᱜ ᱠᱷᱟᱱ ᱩᱱᱤ ᱡᱤᱭᱚᱱ-ᱢᱚᱨᱚᱱ ᱛᱟᱞᱟᱨᱮ ᱢᱩᱠᱛᱤᱭ ᱧᱟᱢᱟ ᱾ ᱯᱩᱨᱤ ᱵᱚᱜᱚᱵᱟᱱ ᱡᱚᱜᱚᱱᱱᱟᱛᱷ, ᱥᱩᱵᱚᱫᱷᱨᱟ ᱟᱨ ᱵᱚᱲᱚᱵᱷᱚᱫᱽᱨᱚᱣᱟᱜ ᱥᱚᱱᱚᱛ ᱱᱟᱜᱟᱨ ᱠᱟᱱᱟ ᱾ ᱦᱤᱱᱫᱩ ᱠᱚᱣᱟᱜ ᱥᱚᱱᱚᱛ ᱯᱩᱱᱭᱟᱹ ᱛᱷᱟᱱ ᱠᱷᱚᱱ ᱯᱩᱨᱤ ᱢᱤᱫᱴᱟᱹᱝ ᱱᱚᱝᱠᱟᱱ ᱛᱷᱟᱱ ᱠᱟᱱᱟ, ᱡᱟᱦᱟᱸᱨᱮ ᱫᱚᱨᱮᱭᱟ ᱨᱮᱭᱟᱜ ᱨᱟᱹᱥᱠᱟᱹ ᱥᱟᱶ-ᱥᱟᱶᱛᱮ ᱫᱷᱚᱨᱚᱢᱮᱛ ᱴᱚᱛᱷᱟ ᱧᱮᱞ ᱨᱮᱭᱟᱜ ᱨᱟᱹᱥᱠᱟᱹ ᱟᱢᱮᱴ ᱧᱟᱢ ᱜᱟᱱᱚᱜᱼᱟ ᱾ ᱯᱩᱨᱤ ᱫᱚ ᱢᱤᱫ ᱱᱚᱝᱠᱟᱱ ᱴᱚᱴᱷᱟ ᱠᱟᱱᱟ ᱡᱟᱦᱟᱸ ᱫᱚ ᱜᱮᱥᱟᱭ ᱥᱮᱨᱢᱟ ᱠᱷᱚᱱ ᱟᱹᱰᱤᱜᱟᱱ ᱧᱩᱛᱩᱢ - ᱱᱤᱞᱜᱤᱨᱤ, ᱱᱤᱞᱟᱫᱽᱨᱤ, ᱱᱤᱞᱟᱪᱚᱞ, ᱯᱩᱨᱩᱥᱚᱛᱚᱢ, ᱥᱚᱸᱠᱷᱠᱷᱮᱛᱨᱚ, ᱥᱨᱤᱠᱷᱮᱛᱨᱚ, ᱡᱚᱜᱚᱱᱱᱟᱛᱷ ᱫᱷᱟᱢ, ᱡᱚᱜᱚᱱᱱᱟᱛᱷ ᱯᱩᱨᱤ - ᱞᱮᱠᱟᱛᱮ ᱩᱯᱨᱩᱢ ᱢᱮᱱᱟᱜᱼᱟ ᱾
ᱧᱮᱢᱮᱞ ᱴᱚᱴᱷᱟ
ᱥᱟᱯᱲᱟᱣᱡᱚᱜᱚᱱᱱᱟᱛᱷ ᱢᱩᱫᱽᱨᱤ
ᱥᱟᱯᱲᱟᱣ
ᱱᱚᱣᱟ ᱫᱚ ᱖᱕ ᱢᱤᱴᱚᱨ ᱩᱥᱩᱞ ᱢᱩᱫᱽᱨᱤ ᱯᱩᱨᱤ ᱨᱮᱭᱟᱜ ᱡᱚᱛᱚ ᱠᱷᱚᱱ ᱥᱚᱨᱮᱥ ᱜᱚᱲᱦᱚᱱ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱵᱮᱱᱟᱣ ᱫᱚ ᱑᱒ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱪᱚᱰᱜᱚᱝᱜᱚ ᱟᱡᱟᱜ ᱨᱟᱡᱽᱜᱟᱲ ᱫᱩᱠᱷᱤᱱ ᱳᱰᱤᱥᱟ ᱠᱷᱚᱱ ᱛᱟᱞᱟ ᱳᱰᱤᱥᱟ ᱨᱮ ᱩᱪᱟᱹᱲ ᱠᱮᱫ ᱨᱟᱹᱥᱠᱟᱹ ᱛᱮᱭ ᱵᱮᱱᱟᱣ ᱦᱚᱪᱚ ᱞᱮᱫᱼᱟ ᱾ ᱱᱚᱣᱟ ᱢᱩᱫᱽᱨᱤ ᱫᱚ ᱱᱤᱞᱜᱤᱨᱤ ᱵᱩᱨᱩ ᱨᱮᱭᱟᱜ ᱥᱚᱸᱜᱷᱟ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱜᱚᱴᱟᱯᱟᱲᱟ ᱠᱷᱚᱱ ᱒᱐ ᱢᱤᱴᱚᱨ ᱩᱥᱩᱞ ᱠᱟᱸᱛ ᱛᱮ ᱜᱷᱮᱨᱟᱣ ᱟᱠᱟᱱ ᱱᱚᱣᱟ ᱢᱩᱫᱽᱨᱤ ᱨᱮ ᱟᱹᱰᱤᱜᱟᱱ ᱠᱟᱹᱴᱤᱡ-ᱥᱮᱬᱟ ᱢᱩᱫᱽᱨᱤ ᱵᱮᱱᱟᱣ ᱟᱠᱟᱱᱟ ᱾ ᱢᱩᱫᱽᱨᱤ ᱨᱮᱭᱟᱜ ᱢᱩᱪᱟᱹᱫ ᱯᱟᱦᱴᱟ ᱨᱮ ᱨᱟᱭᱨᱤᱛ ᱛᱚᱦᱚᱨ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱ ᱜᱚᱸᱜᱷᱚᱨ, ᱵᱚᱸᱜᱟ ᱠᱷᱩᱸᱫᱽᱲᱤ, ᱟᱨ ᱮᱱᱮᱡ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱ ᱠᱷᱩᱱᱴᱤ ᱟᱱᱟᱜ ᱢᱤᱫ ᱦᱚᱞ ᱢᱮᱱᱟᱜᱼᱟ ᱾ ᱱᱚᱣᱟ ᱢᱩᱫᱽᱨᱤ ᱥᱟᱛᱟᱢ ᱫᱚ ᱥᱟᱹᱨᱤ ᱛᱮᱫᱚ ᱢᱤᱫ ᱦᱟᱦᱟᱲᱟ ᱟᱱᱟᱜ ᱥᱟᱹᱨᱤ ᱠᱟᱱᱟ ᱫᱚ ᱱᱚᱰᱮ ᱫᱚ ᱡᱟᱹᱛᱤ ᱤᱫᱤ ᱠᱟᱛᱮ ᱫᱚ ᱛᱤᱥ ᱦᱚᱸ ᱩᱬᱟᱹᱜ ᱩᱯᱩᱬᱟᱹᱜ ᱵᱷᱮᱫᱽ ᱵᱷᱟᱵᱽ ᱫᱚ ᱵᱟᱹᱱᱩᱜ ᱟᱱᱟ ᱾ ᱥᱚᱲᱚᱠ ᱨᱮᱭᱟᱜ ᱢᱤᱫ ᱯᱟᱦᱴᱟ ᱨᱮ ᱜᱩᱱᱰᱤᱪᱟ ᱢᱩᱫᱽᱨᱤ ᱥᱟᱶ ᱜᱮ ᱵᱚᱜᱚᱵᱟᱱ ᱡᱚᱜᱚᱱᱱᱟᱛᱷ ᱟᱜ ᱥᱤᱛᱩᱝᱱᱟᱝ ᱟᱜ ᱢᱩᱫᱽᱨᱤ ᱢᱮᱱᱟᱜᱼᱟ ᱾ ᱱᱚᱣᱟ ᱢᱩᱫᱽᱨᱤ ᱫᱚ ᱜᱨᱟᱸᱰ ᱨᱳᱰ ᱨᱮᱭᱟᱜ ᱢᱩᱪᱟᱹᱫ ᱨᱮ ᱯᱩᱱ ᱠᱟᱸᱛ ᱵᱷᱤᱛᱨᱤ ᱨᱮ ᱢᱤᱫ ᱵᱟᱜᱟᱱ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱰᱮ ᱫᱚ ᱢᱤᱫ ᱦᱟᱴ ᱞᱟᱹᱜᱤᱫ ᱢᱩᱨᱛᱤ ᱫᱚ ᱢᱤᱫ ᱥᱟᱫᱷᱟᱨᱚᱱ ᱥᱤᱝᱦᱟᱥᱚᱱ ᱨᱮᱠᱚ ᱛᱷᱟᱯᱚᱱ ᱮᱭᱟ ᱾ ᱵᱷᱩᱵᱽᱱᱮᱥᱚᱨ ᱨᱮᱭᱟᱜ ᱞᱤᱝᱜᱚᱨᱟᱡᱽ ᱢᱩᱫᱽᱨᱤ ᱞᱮᱠᱟ ᱜᱮ ᱱᱚᱣᱟ ᱢᱩᱫᱽᱨᱤ ᱨᱮᱦᱚᱸ ᱦᱤᱱᱫᱩ ᱪᱷᱟᱰᱟ ᱠᱟᱛᱮ ᱮᱴᱟᱜ ᱠᱚᱣᱟᱜ ᱵᱚᱞᱚᱱ ᱫᱚ ᱢᱟᱱᱟ ᱜᱮᱭᱟ ᱾ ᱩᱱᱠᱩ ᱫᱚ ᱢᱩᱫᱽᱨᱤ ᱯᱟᱹᱪᱨᱤ ᱵᱟᱦᱨᱮ ᱠᱷᱚᱱ ᱜᱮ ᱧᱮᱞ ᱦᱩᱭ ᱟᱠᱚᱣᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Orissa reference: glimpses of Orissa," Sambit Prakash Dash, TechnoCAD Systems, 2001
- ↑ "The Orissa Gazette," Orissa (India), 1964
- ↑ "Lonely Planet India," Abigail Blasi et al, Lonely Planet, 2017, ISBN 9781787011991
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱩᱨᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- www.puri.nic.in – Official website of Puri District]
- Odisha Tourism
- OTDC Archived ᱒᱐᱑᱔-᱐᱘-᱑᱙ at the Wayback Machine.